Posts
တရုတ်စီးပွားရေုးကုမ္ပဏီများ ပေါင်းစည်းမှုဖြင့် ကမ္ဘာ့ရေနံနှင့် သဘာဝဓာတ်ငွေ့ ထုတ်လုပ်မှုနယ်မြေများ ရုတ်တရက်ပါဝင်လာခြင်း
အောက်တိုဘာ ၇၊
အာဂျင်တီးနား၊ ဩစတြေးလျ၊ မြန်မာ၊ ကာဇက်စတန်၊ အီရန်၊ အီရတ်၊ နိုင်ဂျီးရီးယားနှင့် ဗင်နီဇွဲလားနိုင်ငံများ၏ တူညီသော ပထမအချက်မှာ အဆိုပါနိုင်ငံများအားလုံးသည် စွမ်းအင် အရင်းအမြစ်ကြွယ်ဝသော နိုင်ငံများ ဖြစ်သည်။ ဒုတိယအချက်မှာ ၎င်းတို့သည် တရုတ်ပြည်၏ နိုင်ငံခြားရေးပေါ်လစီတွင် ဦးစားပေး အဆင့်တွင် ရှိသော နိုင်ငံများ ဖြစ်သည်။
တရုတ်နိုင်ငံ စီးပွားရေးတိုးတက်လာသည်နှင့်အမျှ ၎င်း၏ ရေနံနှင့် သဘာဝဓာတ်ငွေ့ လိုအပ်ချက်သည်လည်း မြင့်တက်လာသည်။ လွန်ခဲ့သည့် အနှစ် ၂၀ အတွင်းက တရုတ်ပြည်သည် အရှေ့အာရှတွင် ရေနံတင်ပို့ရောင်းချမှု အများဆုံးနိုင်ငံ ဖြစ်ခဲ့သည်။ ယနေ့တွင် ကမ္ဘာ့ ဒုတိယအကြီးဆုံး စွမ်းအင်ဝယ်ယူ တင်သွင်းရသူ ဖြစ်လာပြီး မကြာမီကာလအတွင်း အကြီးမားဆုံး ဖြစ်လာတော့မည်။ ကမ္ဘာ့ရေနံလိုအပ်ချက် တိုးတက်လာမှု ပမာဏ၏ ၄၀ ရာခိုင်နှုန်းကို တရုတ်နိုင်ငံက သုံးစွဲချက်ရှိပါသည်။
တရုတ်ပြည်သည် ရေနံဝယ်ယူမှု ပိုမိုရရှိရေးအတွက် တစ်ကမ္ဘာလုံးတွင် မရပ်မနား ရှာဖွေနေသည်။ ရေနံကိစ္စနှင့် ပတ်သက်၍ ဆွေးနွေးရန် မပါဘဲ တရုတ်အာဏာပိုင်များသည် မည်သည့်နိုင်ငံကိုမှ သွားရောက်ခြင်း မရှိပါ။ တရုတ်အစိုးရသည် သူ၏ နိုင်ငံခြားငွေ အပိုရန်ပုံငွေ ဒေါ်လာ (၂) ထရီလီယံကို အမေရိကန်ငွေတိုက်စာချုပ် ဝယ်ရန်အတွက်ထက် အခြားသော နေရာများတွင် သုံးရန် ပိုမိုလိုလားကြောင်း Business Week မှ Dexter Roberts က ပြောကြားပါသည်။
အဆိ်ုပါအကြောင်းအရာသည် တရုတ်အား ရေနံနှင့် သဘာဝဓာတ်ငွေ့ဆိုင်ရာ ကိစ္စရပ်များကို လျင်မြန်စွာ လုပ်ဆောင်ရန် ဦးတည်စေပါသည်။ တရုတ်နိုင်ငံ၏ ဒုတိယအကြီးဆုံးရေနံကုမ္ပဏီ Sinopec သည် အီရတ်၏ ကာဒေ့ရှ် ဒေသနှင့် နိုင်ဂျီးရီးယားတို့တွင် ပိုင်ဆိုင်မှုများ ရရှိစေရန်အတွက် Addax Petroleum ကို ဝယ်ယူရန် ဒေါ်လာ ၇.၂ ဘီလီယံခန့် သုံးရန် စီစဉ်ထားပါသည်။
China National Petroleum Corp ကလည်း ကာဇက်စတန်နှင့် စင်ကာပူတွင် ကြီးမားသော ပြင်ပရင်းနှီးမြှုပ်နှံမှုများကို မကြာသေးမီက လုပ်ဆောင်ခဲ့သည်။ BP နှင့် ပူးတွဲလျက် အီရတ်နိုင်ငံ ရေနံပိုင်ဆိုင်မှုများကို ဝယ်ယူနိုင်ခဲ့ပါသည်။ မွန်ဂိုလီးယားတွင်လည်း ဖြစ်နိုင်ခြေရှိသည့် လုပ်ငန်းများကို ရှာဖွေလျက် ရှိသည်။
တရုတ်နိုင်ငံသည် ကမ္ဘာပေါ်ရှိ စွမ်းအင်အရင်းအမြစ်များအပေါ် စီမံခွင့်ရရန် အထူးတလည် ကြိုးစားနေသည်ကို တွေ့ရပါသည်။ China National Petroleum Corp (CNPC) နှင့် China National Offshore Oil Corp (CNOOC) တို့ ပူးပေါင်းလျက် စပိန်နိုင်ငံ၏ အကြီးဆုံးသော ရေနံထုတ်လုပ်သည့် ကုမ္ပဏီ Repsol ပိုင်ဆိုင်သော အာဂျင်တီးနား ရေနံကုမ္ပဏီ YPF ၏ (၈၄) ရာခိုင်နှုန်းကို ဒေါ်လာ (၁၇) ဘီလီယံပေး၍ဝယ်ယူရန် အဆိုပြုထားပါသည်။ ဤလုပ်ဆောင်ချက် သည် တရုတ်ပြည်၏ အကြီးမားဆုံးသော ပြည်ပရင်းနှီးမြှုပ်နှံမှု ဖြစ်သည်။
Financial Times မှ Gwen Robinson က တရုတ်ပြည်သည် ပရီမီယံကြေး အတက်အကျထက်ပင် နည်းသော ရေနံအရင်းအမြစ်တစ်ခုကို အဘယ့်ကြောင့် ဒေါ်လာ (၁၇) ဘီလီယံ ပေးဝယ်ရသနည်းဟု မေးလာပါသည်။ Wall Street Journal မှ Keith Johnson က YPF ကိစ္စသည် အနည်းငယ် ထူးဆန်းကြောင်း၊ အာဂျင်တီးနား၏ ရေနံမြေများသည် ဟောင်းနေပြီး ရေနံမထွက်တော့ကြောင်း ပြောပါသည်။ Repsal မှ အဆိုပါရေနံမြေကို ရောင်းရန် ကြိုးစားနေသည်မှာ နှစ်ပေါင်းများစွာ ကြာပြီ ဖြစ်ပါသည်။
အာဂျင်တီးနားတွင် YPF ကို ဝယ်ရန် စိတ်ဝင်စားသူမှာ တရုတ်နိုင်ငံသာ ရှိပါသည်။ ကျွန်ုပ်တို့၏ ရေနံနှင့် သဘာဝဓာတ်ငွေ့ ထုတ်လုပ်နေမှုသည် ကျဆင်းနေပြီး အရန်များ (Reserves) လည်း မရှိတော့ကြောင်း၊ အာဂျင်တီးနားနိုင်ငံ ကိုယ်တိုင်က ပြောကြားခဲ့ပါသည်။ အဆိုပါ လျော့နည်းမှုများအတွက် အရန်များ ဖြည့်တင်းထားရကြောင်း၊ သို့သော် အဆိုပါ ကြိုးပမ်းမှုများသည် ပစ္စည်းရရှိမှုပေါ် မူတည်ပြီး ရေနံနှင့် သဘာဝဓာတ်ငွေ့ လုပ်ငန်း၏ ကြုံတွေ့ရမည့် အခက်အခဲများသည် အောင်မြင်မှုကို ထိခိုက်နိုင်ကြောင်း ပြောကြားပါသည်။
တရုတ်တို့သည် မရေရာသော လုပ်ငန်းအတွက် ဆုံးဖြတ်ချက်မှားယွင်းနေပြီလားဟုပင် မေးစရာ ဖြစ်နေပါသည်။
တရုတ်အစိုးရအနေဖြင့် အာဂျင်တီးနား၏ ကြီးမားသော ရေနံလုပ်ငန်း ဝယ်ယူမှုအတွက် အကြောင်းပြချက် ရှိပါသည်။ Telegraph မှ Fiona Maharg Bravo က တရုတ်ရေနံကုမ္ပဏီများသည် ရေနံကုမ္ပဏီကြီးများ လုပ်ငန်းလုပ်ကိုင်ခြင်း မရှိဘဲ ရေနံမြေကို ရောင်းရန် ဆန္ဒရှိသည့် အခက်အခဲရှိသော နေရာမျိုးကို ရှာနေကြောင်း၊ အီရတ်နှင့် အာဂျင်တီးနားနိုင်ငံတို့ ပါဝင်ကြောင်း ပြောပါသည်။ Peterson Institute မှ Nicky Lardy က ရေနံလုပ်ငန်း စတင်လုပ်ဆောင်သူ သို့မဟုတ် ရေရှည်အနေအထားအားဖြင့် ရေနံထွက်ရှိမှုကို အကျိုးလိုလားသူဖြစ်လျှင် ကုမ္ပဏီကြီးများ လုပ်ကိုင်ခြင်း မရှိသည့် ခက်ခဲသော နေရာများတွင် မလွဲမသွေ လုပ်ဆောင်ရမည်ဖြစ်ကြောင်း ပြောခဲ့ပါသည်။
YPF ဝယ်ယူခြင်း ကိစ္စသည် တရုတ်၏ စွမ်းအင်လိုအပ်မှုကို ဖော်ပြရုံသာ မဟုတ်ဘဲ၊ တရုတ်နိုင်ငံ ရေနံကုမ္ပဏီများ၏ ပေါင်းစည်းမှု မဟာဗျူဟာ ရည်မှန်းချက်ဖြင့် ၎င်းတို့၏ ကမ္ဘာပေါ်တွင် ရပ်တည်နိုင်မှုကိုလည်း ပြသခြင်း ဖြစ်သည်။ ယခုနှစ် နှစ်ဦးပိုင်းတွင် တရုတ်ကုမ္ပဏီများက ဩစတြေးလျ သတ္တုတူးဖော်ရေး OZ Mineral နှင့် Singapore Petroleum ကို ဝယ်ယူခဲ့ပါသည်။ ငွေကြေး ကြွယ်ဝပြီး နိုင်ငံတော်က ဦးဆောင်လုပ်ကိုင်သော တရုတ်ရေနံကုမ္ပဏီများ ပေါင်းစည်းအဖွဲ့ကို ဗဟိုအစိုးရက ငွေကြေးထောက်ပံ့ပေးထားပါသည်။ China National Petroleum Corp က စက်တင်ဘာလအတွင်းက ပြောကြားရာတွင် ၎င်းတို့သည် ချေးငွေဒေါ်လာ (၃၀) ဘီလီယံကို ပြင်ပရေနံလုပ်ငန်းများ ဝယ်ယူရန် ထောက်ပံ့ခဲ့ကြောင်း၊ ကမ္ဘာပေါ်ရှိ ရေနံနှင့် သဘာဝဓာတ်ငွေ့လုပ်ငန်းများတွင် အံ့သြစရာကောင်းသော ဈေးနှုန်းများဖြင့် လုပ်ဆောင်နေကြောင်း ပြောပါသည်။ ရေရှည်ရေတိုအားဖြင့် အထက်ပါလုပ်ဆောင်ချက်ကြောင့် ရေနံဈေးတက်လာရန် ရှိကြောင်း၊ ဖွံ့ဖြိုးပြီးနိုင်ငံများအတွက် အရေးပါသော စီးပွားရေးနှင့် မဟာဗျူဟာ ပြဿနာများ ဖြစ်ကြောင်း ပြောကြားပါသည်။
တရုတ်နိုင်ငံ အုပ်ချုပ်သူများသည် ဗြိတိန်နိုင်ငံခြားရေး ဝန်ကြီးဟောင်း Ernest Bevin ၏ တပည့်ဟောင်းများ ဖြစ်လိမ့်မည်။ Bevin က "ကောင်းကင်ဘုံသည် ငြိမ်းချမ်းရေးနှင့် စိတ်ကောင်း စေတနာကောင်းဖြင့် စီမံအုပ်ချုပ်နေသည်၊ သို့သော် ကမ္ဘာလောကကြီးသည် ရေနံဖြင့် လည်ပတ်နေသည်" ဟု ပြောကြားခဲ့သည်။ ရေနံသည် မဟာဗျူဟာ အရင်းအမြစ်တစ်ခု ဖြစ်သည်။ ၎င်းကို ကိစ္စတစ်မျိုးထက် ပိုအသုံးပြုနိုင်စွမ်း ရှိသည်။ CNPC၊ Sinopec နှင့် CNOOC တို့သည် အာဖရိက၊ လက်တင် အမေရိက၊ အရှေ့အလယ်ပိုင်းနှင့် အရှေ့တောင်အာရှတွင် ကြီးမားသော လုပ်ငန်းဆောင်ရွက်ချက်များ လုပ်ဆောင်နေပါသည်။ ပီကင်း၏ တွန်းတွန်းတိုက်တိုက်စွမ်းအင် မဟာဗျူဟာသည် စီးပွားရေးအတွက် အရေးကြီးသော ကဏ္ဍဖြစ်သလို ကမ္ဘာပေါ်တွင် နိုင်ငံရေး တင်းမာမှုများကိုလည်း ဖြစ်ပေါ်စေနိုင်ပါသည်။
(XIAOXIONG YI ရေးသည်။ သူသည် Marietta College မှ ပါမောက္ခဖြစ်ပြီး China Program မှ ဒါရိုက်တာ ဖြစ်သည်)
--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
-~----------~----~----~----~------~----~------~--~---