Posts
ခရီးသွားလုပ်ငန်း မြှင့်တင်ရန် အပန်းဖြေစခန်းများ
ထပ်မံတည်ဆောက်မည်
19 - Oct - 2009
HVS international
မြန်မာနိုင်ငံသို့လာရောက်မည့်ကမ္ဘာလှည့်ခရီးသည်များကို ဆွဲဆောင်မည့် နိုင်ငံတကာ အပန်းဖြေဟိုတယ်များတိုးတက်များပြားလာရန် ဆောင်ရွက်မည်ဖြစ်ပြီး၊ ခရီးသွားကဏ္ဍကို မြှင့်တင် မည်ဖြစ်ကြောင်း သက်ဆိုင်ရာက အတည်ပြုပြောဆိုသည်။
အင်ဒါမန်ပင်လယ် St Luke ကျွန်းရှိ New Palau Ganchar ကမ်းခြေတွင် အမေရိကန် ဒေါ်လာ ၃.၅ သန်း တန်ဖိုးရှိ St Luke's Beach Resort Hotel စီမံကိန်းသစ်ကို The Andaman Club ခရီးသွားလာရေးကုမ္ပဏီက ရင်းနှီးမြှုပ်နှံမည်ဟုသိရှိရသည်။
အခြားကုမ္ပဏီတခုဖြစ်သည့် Amata Hotel Group ကလည်း မြန်မာနိုင်ငံတောင်ဖက်စွန်း ဒေသ မြိတ်ကျွန်းစုတွင် အဆင့်မြင့်ဟိုတယ်စီမံကိန်းတခုကို အကောင်အထည်ဖေါ်မည်ဟု ဆိုပါသည်။
ထို့အပြင် မြန်မာနိုင်ငံအနောက်တောင်စွန်း ဧရာဝတီတိုင်းရှိ ငွေဆောင်ကမ်းခြေသို့ လွယ်ကူစွာ သွားရောက်လည်ပတ်နိုင်ရေးကို လက်ရှိအဆိုပြုထားသည့် လေဆိပ်စီမံကိန်းက လွယ်ကူချောမွေ့စေလိမ့်မည်ဟု မျှော်လင့်မှန်းဆထားကြပါသည်။
ယခု လောလောဆယ် အသုံးပြုနေသော မြန်မာနိုင်ငံမြို့တော်ဟောင်း ရန်ကုန်မှ ငွေဆောင် ကမ်းခြေသို့ ၃ နာရီကြာ မော်တော်ကားခရီးစဉ်ကို လေကြောင်းခရီးစဉ်ဖြင့် အစားထိုးပို့ဆောင်နိုင် ပါက ခရီးသွားလာချိန်ကို လျှော့ချနိုင်လိမ့်မည်ဟု ကြိုတင်မျှော်လင့်နေကြခြင်း ဖြစ်သည်။
လေဆိပ်သစ်ပြီးစီးသွားပါက ငွေဆောင်သည် ငပလီပြီးလျှင် လေကြောင်းခရီးဖြင့် သွားလာ နိုင်သော ဒုတိယမြောက်ကမ်းခြေဖြစ်လာပါသည်။ မတ်လတွင် ကုန်ဆုံးခဲ့သည့် ၂၀၀၈-၂၀၀၉ ရာသီတွင် မြန်မာနိုင်ငံသို့ လာရောက်လည်ပတ်သော ခရီးသည် အရေအတွက်မှာ ၂၅၅,၀၀၀ ခန့် ရှိသည်ဟု ခရီးသွားလုပ်ငန်းစာရင်းဇယားများအရ သိရှိရသည်။
--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
-~----------~----~----~----~------~----~------~--~---