Posts
Reuters, 28th January 2009
ဖုန်ထူထူ တရုတ်နယ်စပ်မြို့ ရွှေလီတွင် နေထိုင်သူများအား ၎င်းတို့၏ အိမ်နီးချင်းလဲဖြစ်၊ မိတ်ဆွေဟုလည်း ဆိုနိုင်သူ မြန်မာနိုင်ငံနှင့် ပတ်သက်၍ ဘယ်လို ယူဆပါသလဲဟု မေးမြန်းကြည့်လျှင် ဗရုတ်သုတ်ခ၊ ဖရိုဖရဲပါဗျာ ဟူသော တစ်ခွန်းထဲသော အဖြေကို ရရှိပါလိမ့်မည်။
ဈေးပေါသော ပလပ်စတစ် ဖိနပ်စီး၍ လုံချည်ဝတ်လေ့ရှိသော မြန်မာကုန်သည်များအား တရုတ်နိုင်ငံကို ဘယ်လိုထင်ပါသလဲဟု မေးမြန်းကြည့်လျှင်မူ တရုတ်တို့၏ အဖြေနှင့် လုံးဝ ဆန့်ကျင် ကွဲလွဲသည့် အဖြေကို ရရှိပါလိမ့်မည်။ တရုတ်နိုင်ငံသည် တည်ငြိမ်သည်။ မိမိတို့အတွက် ဆင်းရဲတွင်းမှ လွတ်မြောက်နိုင်ရန် အခွင့်အလမ်းများ ရှိနေသည်။ မြန်မာ စစ်ဖက် ခေါင်းဆောင်များကလည်း မှားယွင်းစွာ စီမံခန့်ခွဲနေသည် ဟူ၍ ဖြစ်သည်။
ဖွံ့ဖြိုးသော တရုတ်ပြည်သို့ စုဝေး ရောက်ရှိနေသည့် မြန်မာ စီးပွားရေး လုပ်ငန်းရှင်များ၊ လယ်သမားများ၊ အနှိပ်ခန်း မိန်းကလေးများနှင့် ၎င်းတို့ကို လက်ခံနေသည့် အိမ်ရှင်နိုင်ငံ အကြားတွင် ယခုတိုင် ချစ်ခင်မှု လျော့ပါးနေပါသေးသည်။ သိုဝှက်ထားသော မကျေနပ်မှု များစွာသည် ၎င်းတို့၏ မြန်မာအစိုးရ အပေါ်တွင် သာမကဘဲ တရုတ်တို့နှင့်လည်း သက်ဆိုင်နေပါသည်။
အခု မန္တလေးမှာ တရုတ်တွေ အများကြီး ရောက်နေပြီ။ အနည်းဆုံး မြို့နေလူဦးရေရဲ့ တစ်ဝက်လောက်တော့ ရှိမယ်ဟု ပြောကြားသူမှာ အိမ်နီးချင်း မြန်မာနှင့် အဓိက ကုန်သွယ်သည့် ရွှေလီမြို့တွင် နှစ်အတန်ကြာ နေထိုင်ခဲ့ပြီး တရုတ် မန်ဒရင် ဘာသာစကားကို အထစ်အငေါ့မရှိ ပြောတတ်သူ မြန်မာ ကျောက်စိမ်းကုန်သည် ရဲကျော် ဖြစ်ပါသည်။
၎င်း၏ ဇာတိမြို့ခံ လူထုက ပြောင်းရွှေ့လာသော တရုတ်လူမျိုးများကို ဘယ်လိုမြင်ပါသလဲဟု မေးမြန်းရာတွင် ၎င်း၏ တရုတ် ဖောက်သည်များ ကြားသွားမည်ကို စိုးရွံ့သည့်ဟန်ဖြင့် ပတ်ဝန်းကျင်ကို ဝေ့၍ အကဲခတ်လိုက်ပြီး "သူတို့ကို မုန်းကြတယ်ဗျ" ဟု ဖြေကြားပါသည်။
"ဒါပေမယ့် ကျွန်တော်တို့ ဒီကို (ရွှေလီ) လာရတာပါပဲ၊ ဇာတိမြို့ရွာမှာက အနာဂါတ် အတွက် တက်လမ်း မရှိဘူးလေ" ဟု ၎င်းက ဖြည့်စွက် ပြောကြားပါသည်။
ဒေသခံ ဒိုင်ဘာသာစကားမှ ဆင်းသက်လာပြီး မြူနှင်းများ ဖုံးအုပ်နေသော စိမ်းလန်းသည့် ဒေသဟု အဓိပ္ပာယ်ရသည့် ရွှေလီမြို့သည် မြန်မာနိုင်ငံမှ ရောက်လာသည့် လူများစွာအတွက် နေအိမ်သဖွယ် ဖြစ်ပါသည်။ အချို့မှာ တရားဝင် ရောက်ရှိနေသော်လည်း တချို့မှာမူ နယ်စပ်ကို တရားမဝင် ဖြတ်ကျော်ကာ ဟင်းသီးဟင်းရွက်၊ လက်ဝတ်လက်စား ရတနာများ၊ လိင် အရောင်းအဝယ်များ ပြုလုပ်ကြပါသည်။
ယူနန် ပြည်နယ်၏ ဝေးလံနေသော အနောက်တောင်ဘက်စွန်းတွင် တည်ရှိသော ရွှေလီသည် တချိန်က လောင်းကစားဝိုင်းများ၊ ပြည့်တန်ဆာ လုပ်ငန်းများ၊ မှောင်ခိုရောင်းဝယ်မှုများ၊ မူးယစ်ဆေးဝါး ကိစ္စများ၊ ဥပဒေမဲ့ အခြေအနေများကြောင့် နာမည်ဆိုးဖြင့် ကျော်ကြားခဲ့ပါသည်။ အချိန်ကာလအားဖြင့် နယ်စပ် ကုန်သွယ်ရေး စတင်ခဲ့သော ၁၉၉၀ ခုနှစ်များက ဖြစ်ပါသည်။
တရုတ်က ချုပ်ကိုင်ထားပြီ
အထက်ပါ ရွှေလီ၏ ရှုပ်ထွေးသော နေ့ရက်များသည် အတိတ်တွေ ကျန်ခဲ့ပြီ ဖြစ်သော်လည်း ရွှေလီကို မြန်မာက ဆက်လက် ဆုပ်ကိုင်ရန် ကြိုးစားနေမှုနှင့် ပတ်သက်၍မူ သံသယ အနည်းငယ်သာ ရှိနိုင်ပါသည်။
များစွာသော ဈေးဆိုင် ကြော်ငြာများတွင် ရေးဆွဲထားသော မြန်မာလက်ရေး ဝိုင်းဝိုင်းများ၊ အနံ့ပြင်း ငံပြာရည်ဆမ်းထားသော သင်္ဘောသီးသုတ် စပ်စပ်ကို လမ်းဘေးတွင် ဆောင့်ကြောင့်ထိုင်၍ စားနေသူများ၊ မြန်မာကျပ်ငွေကို လွတ်လပ်စွာ လဲလှယ်နိုင်သော နေရာများကို ရွှေလီတွင် တွေ့ရမည် ဖြစ်သော်လည်း တရုတ်ယွမ်ငွေမှာ ယခုတိုင် ရေပန်းစားနေဆဲ ဖြစ်ပါသည်။
ရွှေလီ ဒေသခံများသည် မြန်မာနိုင်ငံနှင့် ကုန်သွယ်ရေးကြောင့် ပိုမို ချမ်းသာလာကြပါသည်။ အဓိကအားဖြင့် ကျွန်းသစ်နှင့် ကျောက်စိမ်း ကုန်ကြမ်းပစ္စည်းများကို ရောင်းဝယ်ကြခြင်း ဖြစ်ပြီး အဆိုပါ ကုန်ကြမ်းများကို တင့်တယ် လှပသည့် ဗုဒ္ဓ ဆင်းတုတော်များ၊ တရုတ်ရိုးရာ မယ်တော်ရုပ်ထုများ အဖြစ် ထုဆစ် အရောင်တင်ခြင်းဖြင့် ထောင်ပေါင်းများစွာသော ဒေါ်လာငွေများ ရရှိနေခြင်း ဖြစ်သည်။
မည်သို့ပင် ဖြစ်စေ ဤအရာများသည် မြန်မာအစိုးရ အပေါ် စေတနာထားသည့် အကြောင်းအချက်များလည်း မဟုတ်ပါ။ ဆင်းရဲသော မြန်မာနိုင်ငံသားများ၏ စိတ်တွင် တရုတ် မုန်းတီးစိတ်များ ကိန်းဝပ်လာစေရန် ထွက်ပေါ်လာသည့် အကြောင်းရင်းများလည်း မဟုတ်ပါ။
"အဲဒီနေရာမှာ မြန်မာအစိုးရက ဘယ်လောက် ဆိုးသလဲဆိုတာ ကျွန်တော်တို့ အကုန်လုံး သိပါတယ်။ သိပ်ကို ဆင်းရဲပြီး ကြောက်စရာ ကောင်းလောင်အောင် အကျင့်ပျက် လာဘ်စား နေကြတာပါ။ တကယ်လို့ ကျွန်တော်သာ မြန်မာဆိုရင်လည်း တရုတ်ကို လာချင်မှာပါပဲ" ဟု တရုတ် စီးပွားရေးလုပ်ငန်းရှင် လီဟိုင်က ပြောကြားပါသည်။
ထို့အပြင် အမေရိကန် ပြည်ထောင်စုက မူးယစ်ဆေးဝါး ကုန်သွယ်မှုကြောင့် မတရားသတင်း ကြေညာထားသော UWSA ဝ တပ်ဖွဲ့ ထိန်းချုပ် နယ်မြေ နယ်စပ်ဒေသများကို ဖြတ်ကျော်၍ တရုတ်လူမျိုးများ တရားမဝင် အစုလိုက် အပြုံလုက် ဝင်ရောက်နေမှုကြောင့် မြန်မာနိုင်ငံတွင်းရှိ ပြည်သူတချို့ အတွင်း သတိပေး တပ်လှန့်မှုများ ကြီးထွား လာနေပါသည်။
မြန်မာလူမျိုးတို့ အတွင်း ကိန်းဝပ်နေသော တရုတ် ဆန့်ကျင်ရေး စိတ်ဓာတ်မှာ အသစ်အဆန်း မဟုတ်ပါ။ ဗြိတိသျှ ကိုလိုနီဘဝ မရောက်ခင် မြန်မာ ဘုရင်များ လက်ထက်ကပင် အိမ်နီးချင်း အင်အားကြီး တရုတ်ကို စိုးရွံ့ ထိတ်လန့်ခဲ့ကြခြင်း ဖြစ်သည်။
မကြာလှသေးသော ၁၉၆၇ တွင်လည်း တရုတ် ဆန့်ကျင်ရေး အဓိကဂိုဏ်း ရန်ကုန်မြို့တော်တွင် ဖြစ်ပွားခဲ့ရာ၌ တရုတ် သံရုံးကို ဖျက်ဆီးမှုများ၊ လူပေါင်း ရာဂဏန်းချီ သေဆုံးမှုများ ရှိခဲ့ပါသည်။
၁၉၄၈ လွတ်လပ်ရေးရစဉ် အချိန်က ကြွယ်ဝလှသော သဘာဝရင်းမြစ်များကြောင့် တောက်ပသော အနာဂါတ် ရှိလာလိမ့်မည်ဟု ယုံကြည်ခဲ့သော မြန်မာနိုင်ငံသည် ဆယ်စုနှစ် (၅) ခု ကြာမျှ ညံ့ဖျင်းသော စစ်အုပ်ချုပ်ရေး ရှိခဲ့ခြင်းနှင့် နိုင်ငံတကာက ပစ်ပယ်ထားမှုကြောင့် တရုတ်၏ ကျေနပ်အားရ ဝမ်းသာမှု နောက်ကွယ်တွင် စီးပွားရေး နိမ့်ကျနေသော နိုင်ငံတစ်ခုအဖြစ် ရောက်ရှိခဲ့သည်ကို ယနေ့ တွေ့မြင်ရမည် ဖြစ်သည်။
၂၀၀၉ ခုနှစ် လူသား ဖွံ့ဖြိုးတိုးတက်မှု အစီရင်စာတွင် ကုလသမဂ္ဂ အဆင့် သတ်မှတ်ချက် (၁၆၆) နိုင်ငံအနက် နံပါတ်စဉ် (၁၃၈) ချိတ်ခဲ့သော မြန်မာနိုင်ငံနှင့် ခြားနားစွာပင် တရုတ်နိုင်ငံသည် ကမ္ဘာ့ဒုတိယ စီးပွားရေး အင်အားကြီး ဂျပန်ကို ဖြတ်ကျော်တက်လျက် ရှိသည်ကို တွေ့မြင် ရပါလိမ့်မည်။
ရွေးစရာ အနည်းငယ်
မြန်မာများသည် နည်းလမ်း (၂) သွယ်ဖြင့် တရုတ်သို့ သွားနေကြခြင်း ဖြစ်သည်။
မြန်မာနိုင်ငံ၏ အရှေ့တောင်ဖက်စွန်း ရခိုင်ပြည်နယ်မှ ရိုဟင်ဂျာ မွတ်ဆလင် တစ်ဦးဖြစ်သူ ဇော်မိန်းသည် ရှုပ်ထွေးလှသော မိခင်နိုင်ငံ၏ နိုင်ငံရေးအတွက် အချိန် အနည်းငယ်သာ ပေးနိုင်ပါသည်။ ၎င်းတွင် မြန်မာနိုင်ငံ၌ ကျန်ရစ်သော မိသားစုအတွက် လုံလောက်သော ဝင်ငွေ ရရှိရန်သာ ဆန္ဒရှိပါသည်။
ရွှေလီ၏ ကြီးမားသော ကျောက်စိမ်းဈေးအတွင်း မတ်တပ်ရပ်နေသူ ၎င်းက တရုတ်နိုင်ငံကို လာပြီး အလုပ်လုပ်ဖို့ ဘာကြောင့် ရွေးချယ်ခဲ့ရသလဲဆိုရင် တရုတ်က ဗီဇာ အလွယ်တကူ ပေးလို့ပါ။ တခြားနိုင်ငံတွေက ဒီလို မဟုတ်ပါဘူးဟု ပြောကြားပါသည်။
အထိန်းသိမ်းခံ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် ပတ်သက်၍ ၎င်းအား မေးမြန်းရာတွင် ၎င်း၏ မျက်နှာမှာ ဝင်းပ သွားပါသည်။ အနားရှိ ဝိုင်းအုံနေသော သူ့မိတ်ဆွေများသည်လည်း အလားတူပင် ဖြစ်သည်။
ယခုနှစ်အတွင်း တစ်ချိန်ချိန်တွင် ကျင်းပရန် စီစဉ်နေပြီး လူ့အခွင့်အရေး အဖွဲ့များ၊ အမေရိကန် ပြည်ထောင်စုနှင့် ဥရောပ သမဂ္ဂတို့က အတုအယောင်အဖြစ် ပြစ်တင် ရှုံ့ချနေကြသော ရွေးကောက်ပွဲနှင့် ပတ်သက်၍ ၎င်းက ပြောကြားရာတွင် "လူတိုင်းက ဒေါ်အောင်ဆန်းစုကြည်ကို မဲပေးချင်တဲ့ ဆန္ဒ ရှိနေပါတယ်" ဟု ဆိုပါသည်။
"ဒါပေမယ့် သူမကို မဲပေးခွင့်ရမှာ မဟုတ်ဘူးဆိုတာ ကျွန်တော်တို့ သိပါတယ်။ ဒီတော့ ဘာဖြစ်မလဲ။ စစ်တပ်က ဘာပဲဖြစ်ဖြစ် ဆက်ပြီး အုပ်ချုပ်လိမ့်မယ်။ ကျွန်တော်ကလဲ တရုတ်ပြည်မှာ ဆက်နေမှာပဲ" ဟု ၎င်းက မှတ်ချက်ပေးပါသည်။
ရိုဟင်ဂျာများကို တိုင်းရင်းသား လူမျိုးစုအဖြစ် မြန်မာနိုင်ငံက အသိအမှတ်ပြုခြင်း မရှိပါ။ ၎င်းတို့သည် လွတ်လပ်စွာ သွားလာခွင့် ပညာရေးနှင့် အလုပ်အကိုင် အခွင့်အလမ်းများ ဆုံးရှုံးနေကြောင်း၊ အာဏာပိုင်များက လူ့အခွင့်အရေး ချိုးဖောက်နေကြောင်း စွပ်စွဲ ပြောကြား နေကြပါသည်။
၁၉၇၀ ခုနှစ်များ နှောင်းပိုင်းမှ စ၍ ရိုဟင်ဂျာ များစွာသည် မြန်မာနိုင်ငံကို စွန့်ခွာ ထွက်ပြေးကြပြီး ဆင်းရဲ နွမ်းပါးသော အိမ်နီးချင်း ဘင်္ဂလားဒေ့ရှ် နိုင်ငံသို့ အဓိက ဦးတည် ထွက်ခွာကြပါသည်။ အကြီးမားဆုံး စွန့်ခွာ ထွက်ပြေးမှုများမှာ ၁၉၉၂ တွင် ဖြစ်ပွားခဲ့ပါသည်။
ရွှေလီသို့ လာရောက်ကြသူများမှာ ရိုဟင်ဂျာများ သာမကပါ။ နယ်စပ်၏ တစ်ဖက်တစ်ချက်တွင် နေထိုင်ကြသော တိုင်းရင်းသား လူမျိုးစု များစွာအတွက် ယူနန်ပြည်နယ်သည် နေအိမ်သဖွယ် ဖြစ်နေပါသည်။ မြန်မာနိုင်ငံ အရှေ့မြောက်ပိုင်း တောင်တန်း ဒေသတွင် ဆယ်စုနှစ်ပေါင်း များစွာ လက်နက်ကိုင် တော်လှန်နေကြသော မြန်မာ ကချင်လူမျိုးများမှာ တရုတ် ဂျင်ပို လူမျိုးများနှင့် အတူတူပင် ဖြစ်သည်။
ရှေ့တန်း နယ်စပ်ဒေသ ဟူသော စကားလုံးသည် ၎င်းတို့အတွက် အဓိပ္ပာယ် သိပ်မရှိလှပါ။ မည်သည့် ကိစ္စတွင်မဆို နယ်စပ် တစ်ဖက်တစ်ချက်မှာ မြောင်းကလေး တစ်ခုမျှသာ ခြားပြီး အချို့ရွာများတွင် ဝါးရုံပင် အနည်းငယ်သာ ဝေးကွာပါသည်။
တရုတ်ပြည်မှာ နေရတာ ကျွန်တော်တို့အတွက် ကံကောင်းတာပါဟု ပြောကြားသူမှာ ဂျင်မီ ဖြစ်သည်။ ၎င်းတို့ ဒေသခံ ဒိုင်လူမျိုး များစွာသည် နာမည်တစ်ခုသာ အသုံးပြုလေ့ရှိပြီး ၎င်းတို့၏ ရွာများမှာလည်း တရုတ်ဖက်တွင် တစ်ခြမ်း၊ မြန်မာဖက်တွင် တစ်ခြမ်း တည်ရှိနေကြပါသည်။ ၎င်း၏ အဒေါ် ဖြစ်သူမှာ နေ့စဉ် နယ်စပ်ကို ကျော်၍ သူမ၏ တူများကို လာရောက် ထိန်းပေးလေ့ ရှိပါသည်။
"ဒါပေမယ့် ကျွန်တော်တို့က တစ်နိုင်ငံတည်း သားတွေပါ။ နယ်ခြား တစ်ဖက် မြန်မာနိုင်ငံမှာ ရှိနေတဲ့ ကျွန်တော်တို့ရဲ့ သူငယ်ချင်းတွေ ဆွေမျိုးသားချင်းတွေ အတွက် ဘယ်လောက်တောင် စိတ်မကောင်း ဖြစ်ရသလဲဆိုတာ စဉ်းစားကြည့်ရင် သိနိုင်ပါတယ်ဗျာ" ဟု ၎င်းက ရင်ဖွင့် ပြောကြားခဲ့ပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.