Posts
The Nation,Larry Jagan, 4th Feb 2010
မြန်မာနိုင်ငံအတွင်းရှိ ရွေးကောက်ပွဲများကို ဆန့်ကျင် ကန့်ကွက်မှုများတွင် အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည် အတွက် ယခင်နှစ်က အသံတိတ် ဆန္ဒပြမှုလည်း ပါဝင်ပါသည်။
မြန်မာနိုင်ငံ၏ ကောလဟာလ လုပ်ဇာတ်ကလည်း အချိန်ပို အလုပ်လုပ်လျက် ရှိနေပါသည်။ မြန်မာအစိုးရ၏ ဂဏန်းဗေဒင် အပေါ် အစွဲအလမ်းကြီးမှုကြောင့် ရွေးကောက်ပွဲရက်သည် အောက်တိုဘာ ၁၀ ရက် ဖြစ်လိမ့်မည်ဟု မှန်းဆမှုများ မြင့်မားနေပြီး အဆိုပါရက်သည် ပြက္ခဒိန် ပေါ်တွင် ၁၀-၁၀-၁၀ ဖြစ်နေသောကြောင့်ပင် ဖြစ်သည်။
၁၉၉၀ ရွေးကောက်ပွဲရက် နှင့် နေပြည်တော်သို့ ပြောင်းရွှေ့သည့်ရက် အပါအဝင် အရေးကြီးသည့် နေ့ရက်များကို ဗေဒင်ဆရာများက အတိတ် နမိတ်ကောင်းသည့်ရက် အဖြစ် ရွေးချယ် ဆုံးဖြတ်ပေးခြင်းကို အခြေခံ၍ အရေးကြီး ဆုံးဖြတ်ချက် များစွာကို တပ်မတော်က ချမှတ်သည့် ထုံးစံ ယခင်ကပင် ရှိခဲ့ပြီး ဖြစ်သည်။
ယခင် ခေါင်းဆောင် ဗိုလ်ချုပ်ကြီး နေဝင်းသည် မြန်မာကျပ်ငွေတွင် ၉ ဂဏန်းကိုသာ ရိုက်နှိပ်ထုတ်ဝေရန် ခွင့်ပြုခဲ့ခြင်းမှာ (၄၅ ကျပ်၊ ၉၀ ကျပ်) ၉ ဂဏန်းကို ကံအကောင်းဆုံး နံပါတ်အဖြစ် မြန်မာနိုင်ငံတွင် သတ်မှတ်ထားသောကြောင့် ဖြစ်သည်။
ကျင်းပမည့် ရက်ကို ယနေ့တိုင် မကြေညာသေးသော်လည်း မြန်မာနိုင်ငံတွင် လူတိုင်းက ရွေးကောက်ပွဲနှင့် ပတ်သက်၍ တီးတိုးပြောဆိုနေကြသည်ဟု မြန်မာရှေ့နေများ ကောင်စီနှင့် သက်ဆိုင်သည့် သြစတြေးလျား ပါလီမန် အဖွဲ့ဝင် Janelle Saffin က မြန်မာနိုင်ငံသို့ လတ်တလော ပုဂ္ဂိုလ်ရေး ခရီးစဉ် သွားရောက်ခဲ့အပြီးတွင် ပြောကြားပါသည်။
မြန်မာလူမျိုး အများစု အထူးသဖြင့် ရန်ကုန်မြို့တွင် နေထိုင်သူများကြားတွင် စိုးရိမ်ပူပန်မှုများ သိသိသာသာ တိုးပွားလာနေသည်ဟု စိတ်ပညာရှင်များစွာက ပြောကြားခဲ့ကြောင်း၊ အကြောင်းမှာ ရွေးကောက်ပွဲ၏ မရေရာ၊ မသေချာသော အခြေအနေများကြောင့် ဖြစ်ကြောင်း ၎င်းက ဆက်လက် ပြောကြားပါသည်။
မြန်မာနိုင်ငံနှင့် အရင်းနှီးဆုံး မဟာမိတ် တရုတ်နိုင်ငံကမူ ယခုနှစ် နောက်ဆုံးပိုင်း (၃) လ အတွင်း ရွေးကောက်ပွဲများ ကျင်းပမည်ဟု ယုံကြည်ထားကြောင်း တရုတ် သံတမန်များ၏ အဆိုအရ သိရပါသည်။ သို့ရာတွင် ရွေးကောက်ပွဲကို အောက်တိုဘာ (သို့) နိုဝင်ဘာတွင် ပြုလုပ်လိမ့်မည်ဟု ယခုအချိန်၌ သေချာပေါက် ယူဆနေကြသော်လည်း ယခုနှစ် မိုးရာသီအကုန်တွင် လက်ရှိ ခန့်မှန်းထားသော ရက်သည် လှည့်စားမှု တစ်ခု ဖြစ်သွားနိုင်သည်ဟု သတိပေး ပြောကြားသူမှာ မြန်မာ့အရေး ကျွမ်းကျင်သူ Justin Wintle ဖြစ်ပြီး ၎င်းသည် "ခြောက်ပြစ်ကင်း ဓားစာခံ" Perfect Hostage ကို ရေးသားသူ ဖြစ်ပါသည်။
ရွေးကောက်ပွဲရက်ကို သတ်မှတ်ခြင်း မရှိသေးသော်လည်း လှုပ်ရှားဆောင်ရွက်မှုများ ရှိနေပြီး အနည်းဆုံး စစ်အစိုးရကို ထောက်ခံသူများက အပြည့်အဝ လှုပ်ရှားလျက် ရှိပါသည်။ နိုင်ငံပိုင် မီဒီယာ သတင်းစာများနှင့် ရုပ်မြင်သံကြားတွင် အစိုးရ ဝန်ကြီးများ၏ လူထု စည်းရုံးမှုများ နှင့် ဖွံ့ဖြိ်ုးရေး စီမံကိန်းများ၊ ဒေသခံ ခေါင်းဆောင်များနှင့် လက်ဆွဲ နှုတ်ဆက်မှုများ၊ ငွေကြေး အကူအညီ ပေးအပ်မှုများနှင့် ပတ်သက်သည့် သတင်းများ၊ ဓာတ်ပုံများကို အပြည့်အဝ ဖော်ပြနေသည်ဟု ရန်ကုန် အခြေစိုက် သံတမန် တစ်ဦးက ပြောကြားပါသည်။
မြန်မာနိုင်ငံ၏ ထိပ်ဆုံး အာဏာပိုင် ဗိုလ်ချုပ်မှူးကြီး သန်းရွှေက ယခင်နှစ် ၎င်း၏ တပ်မတော်နေ့ အထိမ်းအမှတ် မိန့်ခွန်းတွင် "ယနေ့ ဒီမိုကရေစီသည် အပျံသင်စ အဆင့်သာ ရှိသေးကြောင်းနှင့် စိတ်ရှည် သည်းခံမှုနှင့် သတိကြီးကြီးထားရန် လိုအပ်နေသေးကြောင်း" တိုင်းပြည်ကို ပြောကြားခဲ့ပါသည်။
ထိုစဉ်ကပင် ၎င်းသည် အဓိက အကြောင်းအရာကို အပေါ်ယံသာ ပြောကြားခဲ့ပြီး ဇန်နဝါရီ လကမူ နိုင်ငံရေးပါတီများနှင့် နိုင်ငံရေးသမားများကို မမိုက်မဲကြရန်နှင့် ဥပဒေများကို လိုက်နာရန် သတိပေးခဲ့ပါသည်။ ယခုနှစ် အတွင်း ရွေးကောက်ပွဲများကို စနစ်တကျ ကျင်းပရန် စီစဉ်နေဆဲ ဖြစ်ကြောင်းနှင့် ပြည်သူလူထု တစ်ရပ်လုံးက မှန်ကန်သော ရွေးချယ်မှု ပြုလုပ်ရန် လိုအပ်သည်ဟုလည်း ၎င်းက သတိပေးပါသည်။
ရွေးကောက်ပွဲ ကော်မရှင်ကိုလည်း မဖွဲ့စည်းသေးပါ။ ထို့ထက် ပို၍ အရေးကြီးသော လုပ်ငန်းစဉ် တစ်ခုလုံးကို ထိန်းချုပ်မည့် ရွေးကောက်ပွဲနှင့် နိုင်ငံရေးပါတီများ ဥပဒေကိုလည်း ထုတ်ဖော် ကြေညာခြင်း မရှိသေးပါ။
၁၉၉၀ မေလတွင် ကျင်းပခဲ့သော နောက်ဆုံး ရွေးကောက်ပွဲများတွင် ဒေါ်အောင်ဆန်းစုကြည် ၏ ပါတီ NLD က အနိုင်ရရှိခဲ့သော်လည်း အရပ်ဖက် အစိုးရ ဖွဲ့စည်းရန် စစ်ဖက် အုပ်ချုပ်သူများက လုံးဝ အာဏာလွှဲမပေးခဲ့ပါ။ ယခုတစ်ကြိမ်တွင် အလားတူ အမှားမျိုး မလုပ်မိအောင် ဗိုလ်ချုပ်ကြီးများက စီစဉ်နေပါသည်။ ၎င်းတို့ ဆုံးရှုံးမှု မရှိရေး သေချာအောင် အရာရာကို တင်းကျပ်စွာ ထိန်းချုပ်ပါလိမ့်မည်။
တချိန်ထဲတွင်ပင် ၎င်းတို့သည် သတိကြီးစွာ ထိန်းသိမ်းသည့် အနေဖြင့် လူတိုင်းကို အရာရာကို သတင်းမှောင် ချထားပါသည်။
ရွေးကောက်ပွဲ ဥပဒေကို နောက်ဆုံး မိနစ်ကျမှ ကပ်၍ ထုတ်ပြန်ပါလိမ့်မည်ဟု ပြောကြားသူမှာ ချင်းမိုင် တက္ကသိုလ်မှ မြန်မာ ပညာရှင် ဝင်းမင်း ဖြစ်ပြီး ၎င်းက ဆက်လက်၍ အစိုးရက အလားအလာရှိတဲ့ အတိုက်အခံ မှန်သမျှကို ခြေလှမ်းမှားအောင် လုပ်ချင်တဲ့ ဆန္ဒရှိနေပါတယ်။ စည်းရုံးရေးဆင်းဖို့ အချိန်လည်း ပေးမှာ မဟုတ်ပါဘူးဟု ပြောဆိုပါသည်။
၁၉၉၀ ရွေးကောက်ပွဲ ကျင်းပစဉ်က ရွေးကောက်ပွဲ မတိုင်မီ လ (၂၀) ခန့် ကြို၍ ရွေးကောက်ပွဲ ဥပဒေကို လူထုသို့ အသိပေး ထုတ်ပြန်ခဲ့ပါသည်။
ရွေးကောက်ပွဲ ဥပဒေ (၉၇%) လောက် ပြီးစီးနေပါပြီဟု မြန်မာနိုင်ငံခြားရေး ဝန်ကြီး ဦးဥာဏ်ဝင်းက အင်ဒိုနီးရှား နိုင်ငံခြားရေး ဝန်ကြီး မာတီနာတာလီဂါဝမ်အား ဟနွိုင်းတွင် ပြုလုပ်သော အာဆီယံ အစည်းအဝေးတွင် လတ်တလော ပြောကြားခဲ့ပါသည်။ ရွေးကောက်ပွဲ ဥပဒေ (၁၀၀%) ပြီးစီးဖို့ နောက်ထပ် (၂) လ၊ (၃) လ လောက်ကြာပါလိမ့်မယ်။ ဒါ့ကြောင့် ရွေးကောက်ပွဲတွေကို ဒုတိယနှစ်ဝက်မှာ ကျင်းပဖို့ ဖြစ်နိုင်ချေများတယ်လို့ ကျွန်တော် ထင်ပါတယ်ဟုလည်း ၎င်းက ဆိုပါသည်။
တချိန်ထဲမှာပင် အစိုးရ ဝန်ကြီးများနှင့် အုပ်ချုပ်ရေး ဝန်ထမ်းများကလည်း နိုင်ငံရေး စီမံချက်များကို စတင် လှုပ်ရှားနေပါသည်။
ရွေးကောက်ပွဲ ကြိုတင် ပြင်ဆင်မှုတွေမှာ မပတ်သက်ဖို့ မဆုံးဖြတ်ရသေးပါဘူးဟု အမည်မဖော်လိုသူ ရန်ကုန်မှ ကုလသမဂ္ဂ အရာရှိ တစ်ဦးက ပြောကြားပါသည်။ အရေးကြီး စီမံကိန်း တချို့ကို ရွေးကောက်ပွဲ ပြီးမှ စတင်နိုင်လိမ့်မည်ဟု အစိုးရ ဝန်ကြီးများက ၎င်းတို့အား ပြောကြားကြောင်း အခြား ကုလသမဂ္ဂ ကယ်ဆယ်ရေး အရာရှိ တစ်ဦးက ဆိုပါသည်။
နိုင်ငံရေးပါတီ (၁၀) ဖွဲ့လောက်ကိုသာ ယှဉ်ပြိုင်ခွင့်ပြုမည်ဟု ဝန်ကြီးချုပ် ဗိုလ်ချုပ်ကြီး သိန်းစိန်က ပြောကြားခဲ့သော်လည်း ဒေါ်အောင်ဆန်းစုကြည် (သို့) NLD နှင့် ပတ်သက်၍မူ တစုံတရာမျှ အသိပေး ပြောကြားခဲ့ခြင်း မရှိပါ။
အစိုးရအတွက် ထောက်ခံ အားပေးမှု ရရှိရန် လွန်ခဲ့သော (၁၅) နှစ် နီးပါးက ဗိုလ်ချုပ်မှူးကြီး သန်းရွှေ ဖွဲ့စည်းခဲ့သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း၏ ထိန်းချုပ်မှု အောက်တွင် ထားရှိမည့် နိုင်ငံရေး ပါတီတစ်ခုကို ဖွဲ့စည်းရန် စစ်ဖက် အစိုးရက ပြင်ဆင်နေသည်ဟု တပ်မတော် သတင်းရပ်ကွက်မှ ပြောကြားပါသည်။
စစ်တပ်ကို အဓိက ထောက်ခံသည့် ပါတီအဖြစ် ဖွဲ့စည်းခဲ့ဖူးသော တိုင်းရင်းသား စည်းလုံးညီညွတ်ရေး ပါတီမှာ ၁၉၉၀ ရွေးကောက်ပွဲတွင် (၁၀) နေရာမျှသာ အနိုင်ရရှိခဲ့ပါသည်။
အထက်ပါ ပါတီ (၂) ဖွဲ့သည် လာမည့် ရွေးကောက်ပွဲတွင် အနိုင်ရရှိရန် မျှော်လင့်ထားကြဖွယ် ရှိ၍ အရပ်ဖက် အုပ်ချုပ်ရေးကို အမည်ခံမျှသာ ပြောင်းလဲကြပြီး တပ်မတော် လက်ထဲတွင် အာဏာ တည်မြဲနေစေရန် လုပ်ဆောင်ကြမည် ဖြစ်သည်။ အတိုက်အခံများနှင့် နိုင်ငံတကာ အသိုင်းအဝိုင်းက အတုအယောင်အဖြစ် ဝိုင်းဝန်း ဝေဖန်ခဲ့ကြသည့် ၂၀၀၈ ဆန္ဒခံယူပွဲဖြင့် အတည်ပြုထားသော အခြေခံ ဥပဒေသစ်အရ တပ်မတော်သား ကိုယ်စားလှယ်များအတွက် လွှတ်တော်နေရာ (၂၅%) ကို သီးသန့် ဖယ်ထားပြီး ဖြစ်ပါသည်။
"၂၀၁၀ ကတော့ အာဏာရှင်တွေရဲ့ ရွေးကောက်ပွဲပဲ ဖြစ်ပါလိမ့်မယ်။ သူတို့က ယူနီဖောင်း ချွတ်ပြီး အရပ်သား ဟန်ဆောင်ကြမယ်လေ" ဟု ပြောကြားသူမှာ ထိုင်းနိုင်ငံ အခြေစိုက် မြန်မာနိုင်ငံ ဒီမိုကရေစီအရေး လှုပ်ရှားသူ စိုးအောင် ဖြစ်ပါသည်။
ရွေးကောက်ပွဲ အပြီးမှာ ဘယ်လို အရပ်ဖက် အစိုးရမျိုးကမှ အစစ်အမှန် အာဏာရဖို့ အခွင့်အရေး မရှိပါဘူးဟု မြန်မာနိုင်ငံဆိုင်ရာ ဗြိတိသျှ သံအမတ်ဟောင်း Martin Moreland က ပြောကြားပါသည်။ ဗိုလ်ချုပ်မှူးကြီး သန်းရွှေက အနားယူမယ့်ပုံ မပေါ်ပါဘူး။ သူ့ရဲ့ ဆရာဟောင်း ဦးနေဝင်းလိုဘဲ ပုံစံတူ လိုက်လုပ်ဖို့ များပါတယ်။ ကန့်လန့်ကာ နောက်ကွယ်က အကြွင်းမဲ့ အာဏာရှင် အဖြစ် ဆက်ရှိနေပါလိမ့်မယ်ဟု ၎င်းက မှတ်ချက်ပေးပါသည်။
ဒါပေမယ့် အစိုးရက တနည်းနည်းနဲ့ (သို့) တခုခုကို မှားယွင်း တွက်ဆမိတာမျိုး ဖြစ်နိုင်တယ်ဆိုတဲ့ အခွင့်အရေးလေးတော့ ရှိနေသေးတယ်ဟုလည်း ၎င်းက စိတ်ဝင်စားဖွယ် ခန့်မှန်းခဲ့ပါသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.