Posts
Irrawaddy News, 6th February 2010
မြန်မာနိုင်ငံတွင် နိုင်ငံပိုင် လုပ်ငန်းများကို အစိုးရနှင့် အဆက်အသွယ် ရှိသော စီးပွားရေးသမား များထံ ရုတ်တရက် လွှဲပြောင်း ရောင်းချခဲ့ခြင်းသည် ဆိုဗီယက်ယူနီယံ ပြိုလဲစဉ်က ရုရှားတို့၏ မညှာမတာ ခွဲခြမ်းဝေမျှမှုနှင့် တူညီကြောင်း နှိုင်းယှဉ် သုံးသပ်ခြင်း ခံနေရပါသည်။
နိုင်ငံတော်က လက်ဝါးကြီး အုပ်ထားသည့် အဓိက စီးပွားရေး လုပ်ငန်းများ ဖြစ်သည့် လေကြောင်းလိုင်း၊ လောင်စာဆီ တင်သွင်း ဖြန့်ချိမှုနှင့် ရေအားလျှပ်စစ် စီမံကိန်း အချို့ကို စစ်ဖက် အစိုးရနှင့် ပတ်သက် သည့် ဆွေမျိုးများ မိတ်ဆွေများထံ လတ်တလော လွှဲပြောင်း ရောင်းချခဲ့ပါသည်။
ယခု သီတင်းပတ်တွင် ပင်လယ်ရေကြောင်း ကုန်သွယ်ရေး တိုးတက် ဖွံ့ဖြိုးရန်နှင့် တိုင်းပြည်၏ ပြည်ပ ကုန်သွယ်ရေးကို မြင့်တင်နိုင်ရန်အတွက် ရန်ကုန်မြို့ရှိ ဆိပ်ကမ်းများကို လွှဲပြောင်း လုပ်ကိုင်ခွင့် ပေးမည်ဟု အစိုးရ ပို့ဆောင်ရေး ဝန်ကြီးဌာနက ကြေညာခဲ့ပါသည်။
သို့ရာတွင် လူထုအား တင်ဒါ ခေါ်ယူခြင်း (သို့) မည်မျှ ပေးချေရကြောင်းနှင့် ပတ်သက်သည့် သတင်း အချက်အလက် (သို့) လက်ဝါးကြီးအုပ် ပုဂ္ဂလိက လက်သစ်များအား လုပ်ကိုင်ခွင့် ပြုသည့် သက်တမ်းကာလ စသည့် အခြေခံ စည်းမျဉ်းများ မရှိဘဲ လွှဲပြောင်း ရောင်းချမှုများ ပေါ်ထွက် လာခြင်း ဖြစ်သည်။
ပုဂ္ဂလိကပိုင် ပြုလုပ်ရေး မူဝါဒများ၏ အကြီးမားဆုံး အန္တရာယ်မှာ အစိုးရနှင့် အဆက်အသွယ် ရှိသော ရောင်းရင်း မိတ်ဆွေများက နိုင်ငံတော် ပိုင်ဆိုင်မှုများကို ချွတ်ယူခြင်း၊ သိမ်းယူခြင်း စသော အကြီးစား ခိုးယူမှု ဇာတ်လမ်းများ ပေါ်ထွက်လာနိုင်ခြင်းပင် ဖြစ်သည်ဟု မြန်မာနိုင်ငံရေး စောင့်ကြည့်သူ စီးပွားရေး ပညာရှင် Sean Turnell က ဧရာဝတီသို့ ပြောကြားခဲ့ပါသည်။
အဆိုပါ ကိစ္စမျိုးသည် ရုရှားနိုင်ငံတွင် ၁၉၉၀ ခုနှစ်များက ဖြစ်ပွားခဲ့ပြီး အင်အားကြီး လက်ဝါးကြီးအုပ် စီးပွားရေး သမားများ အလွှာကို ဖန်တီးခဲ့ပြီး ၎င်းတို့၏ သက်ရောက်မှု ဆိုးကျိုးကို ယနေ့တိုင် ခံစားနေရဆဲ ဖြစ်ပါသည်။ ယနေ့ မြန်မာနိုင်ငံတွင် ဘာတွေ ဖြစ်လာမလဲ ဆိုသည့်ကိစ္စနှင့် ပတ်သက်၍ အထက်ပါ ဥပမာသည် အတိအကျပင် ဖြစ်ကြောင်း သြတြေးလျ Macquarie University မှ စီးပွားရေး ပါမောက္ခ Turnell က ပြောကြားခဲ့ပြီး ၎င်းသည် မြန်မာ စီးပွားရေး လေ့လာ စောင့်ကြည့်မှု အစီရင်ခံစာ ကို ပြုစုခဲ့သည်လည်း ဖြစ်ပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.