Posts
မြန်မာနိုင်ငံတွင် နှစ်ပေါင်း ၂၀ အတွင်း ပထမဆုံးကျင်းပမည့် ရွေးကောက်ပွဲ မတိုင်မီ စစ်အစိုးရ၏ ဖိနှိပ်ချုပ်ခြယ်မှုများကို ရင်ဆိုင်နေရသော အတိုက်အခံ အင်အားစုများအား အမေရိကန် သမ္မတ ဘားရက်အိုဘားမား အုပ်ချုပ်ရေးအဖွဲ့က ကျောထောက်နောက်ခံ ပေးမှုအသစ်များ ထပ်မံပြုလုပ်လိုက်ကြောင်း သိရသည်။
ထို့အတူ အမေရိကန် ဆီနိတ်ကလည်း အိုဘားမား အုပ်ချုပ်ရေးအဖွဲ့ အနေဖြင့် မြန်မာနိုင်ငံအပေါ် ပိုမိုတင်းကြပ်သော ပိတ်ဆို့အရေးယူမှုများ ပြုလုပ်သင့်သည်ဟု တိုက်တွန်းပြီး အတိုက်အခံပါတီ အမျိုးသား ဒီမိုကရေစီအဖွဲ့ (NLD) အပေါ်ထားရှိသည့် စည်းလုံးညီညွတ်မှုကို ထုတ်ဖော် ပြသလိုက်သည်။
မြန်မာစစ်အစိုးရနှင့် စေ့စပ်ညှိနှိုင်းရေး ဟူသော ဝါရှင်တန် မူဝါဒသစ်အပေါ် သံသယဖြစ်မှုများ ရှိနေသော်လည်း အမေရိကန်အစိုးရက NLD အပေါ် အားပေး ထောက်ခံမှုများ ကို ယခင်ကထက် တိုးမြှင့်လာသည်ကို တွေ့ရသည်။
NLD ဖျက်သိမ်းပြီးနောက် အဖွဲ့ဝင်အချို့အနေဖြင့် နောက်ထပ်ပါတီခွဲတစ်ခု ထပ်မံ တည်ထောင်ရသည်အထိ ဖြစ်အောင် ဖန်တီးလိုက်သည့် စစ်အစိုးရ၏ လုပ်ဆောင်ချက် များသည် လွန်စွာ နောင်တရဖွယ် ဖြစ်ကြောင်း အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Philip Crowley က ပြောကြားသည်။
"မြန်မာပြည်သူတွေအတွက် ဆက်လက် လုပ်ကိုင်ပေးသွားမယ်ဆိုတဲ့ NLD ရဲ့ ဆုံးဖြတ်ချက်ကို ကျွန်တော်တို့အနေနဲ့ ချီးကျူးမိပါတယ်" မစ္စတာ Crowley က သတင်းထောက်များကို ပြောကြားသည်။ မြန်မာဟု သုံးနှုန်းမည့်အစား ယခင်နာမည်ဟောင်း ဗမာ (Burma) ဟူသည့် အသုံးအနှုန်းဖြင့် ၎င်းက ပြောဆိုခဲ့ခြင်းဖြစ်သည်။
NLD အနေဖြင့် မေလ ၆ ရက်နောက်ဆုံးထားပြီး ရွေးကောက်ပွဲ ကော်မရှင်တွင် ပြန်လည် မှတ်ပုံတင်ရမည် ဖြစ်သော်လည်း အဆိုပါကိစ္စကို ငြင်းပယ်ခဲ့သည်။ အကြောင်းမှာ အကယ်၍ ပြန်လည် မှတ်ပုံတင်လိုက်ပါက နေအိမ်အကျယ်ချုပ် ဖမ်းဆီးထိန်းသိမ်း ခံထားရသော ဒေါ်အောင်ဆန်းစုကြည် ကို ပါတီမှ ထုတ်ပယ်ရမည်ဖြစ်၍ပင်။ ယခုပြုလုပ် မည့်ရွေးကောက်ပွဲသည် စစ်အစိုးရ၏ အာဏာကို တရားဝင်ဖြစ်အောင် ပြုလုပ်ပေးသော အတုအယောင် ရွေးကောက်ပွဲ တစ်ရပ်သာ ဖြစ်သည်ဟု နိုင်ငံရေးအကဲခတ်များက ဆိုကြသည်။
NLD ဗဟိုအလုပ်မှုဆောင် ကော်မတီဝင်ဟောင်း တစ်ဦးဖြစ်သော ဦးခင်မောင်ဆွေက ယခုလအတွင်း အဖွဲ့ဝင်ဟောင်းတချို့က ပါတီသစ်တစ်ရပ် ထူထောင်ရန် ရည်မှန်း ထားကြောင်း၊ သို့သော် ရွေးကောက်ပွဲတွင် ပါဝင်ယှဉ်ပြိုင်မှု ပြုမည်၊ မပြုမီဟူသော ကိစ္စကို မဆုံးဖြတ်ရသေးကြောင်း ပြောကြားသည်။
NLD ပါတီတွင် သက်ကြီးပိုင်း ခေါင်းဆောင်များနှင့် လူငယ် မျိုးဆက်သစ်များ အကြား သဘောထား ကွဲလွဲမှုများ ဖြစ်ပေါ်လျက် ရှိသည်ဟု သုံးသပ်သူတချို့က ဆိုသည်။ NLD မျိုးဆက်သစ်များကမူ သက်ကြီးပိုင်း ခေါင်းဆောင်တို့၏ ဆုံးဖြတ်ချက်ဖြစ်သော ရွေးကောက်ပွဲ သပိတ်မှောက်ရေးကို လက်သင့်မခံကြပေ။
ဤအတောအတွင်းမှာပင် စီနီယာ အမေရိကန် သံတမန်တစ်ဦးဖြစ်သော Kurt Campbell မြန်မာနိုင်ငံသို့ သွားရောက် လည်ပတ်ရန် စီစဉ်ထားသည်။ သို့သော် စစ်အစိုးရက ဒေါ်အောင်ဆန်းစုကြည် အပါအဝင် အတိုက်အခံ အဖွဲ့အစည်းများနှင့် တွေ့ဆုံခွင့်ပြုမှသာ သွားရောက်မည် ဖြစ်ကြောင်း အမေရိကန် နိုင်ငံခြားရေး ဝန်ကြီးဌာနက ဆိုသည်။
"စစ်အစိုးရက ကျွန်တော်တို့ ဖြစ်ချင်တဲ့ အခြေအနေတွေကို သဘောမတူဘူးဆိုရင် မြန်မာနိုင်ငံကို မစ္စတာ Campbell သွားမှာမဟုတ်ပါဘူး" ဟု အမေရိကန် နိုင်ငံခြားရေး ဝန်ကြီးဌာနမှ အမည်မဖော်လိုသူ အရာရှိတစ်ဦးက ပြောကြားသည်။
အရှေ့အာရှနှင့် ပစိဖိတ်ဒေသဆိုင်ရာ အမေရိကန် လက်ထောက် နိုင်ငံခြားရေးဝန်ကြီး မစ္စတာ Campbell သည် ၂၀၀၉ ခုနှစ်၊ နိုဝင်ဘာလတွင် အတိုက်အခံခေါင်းဆောင် ဒေါ်အောင်ဆန်းစုကြည်နှင့် ရန်ကုန်မြို့တွင် တွေ့ဆုံခဲ့ဖူးသည်။ သူသည် နှစ်ပေါင်း ၁၄ နှစ်အတွင်း မြန်မာနိုင်ငံသို့ ပထမဆုံးအကြိမ် လာရောက်သည့် အမေရိကန် အဆင့်မြင့် အရာရှိတစ်ဦး ဖြစ်ခဲ့သည်။
သမ္မတ အိုဘားမား အုပ်ချုပ်ရေးအဖွဲ့က ၂၀၀၉ ခုနှစ်တွင် မြန်မာစစ်အစိုးရနှင့် စေ့စပ် ညှိနှိုင်းရေး ဟူသော မူဝါဒသစ်တစ်ရပ်ကို စတင်ကျင့်သုံးလိုက်ရာ မြန်မာနိုင်ငံ အထီးကျန်ဖြစ်ရေး ဟူသော အနောက်ကမ္ဘာက အချိန်ကြာမြင့်စွာ အသုံးပြုခဲ့သည့် လမ်းစဉ် နိဂုံးချုပ်ခဲ့သည်။ အကြောင်းမှာ အထီးကျန်ဖြစ်အောင် ပိတ်ဆို့မှုကြောင့် ရလဒ် တစ်စုံတရာ ကိုမျှ မဖော်ထုတ် နိုင်သောကြောင့်ပင်။
အိုဘားမား အုပ်ချုပ်ရေးအဖွဲ့ စစ်အစိုးရနှင့် စေ့စပ်ညှိနှိုင်းရေး မူဝါဒကို ပြောင်းလဲ ကျင့်သုံးသည့်တိုင် ပိတ်ဆို့ အရေးယူမှုများကို ဆက်လက် ထားရှိဆဲပင်ဖြစ်သည်။ မြန်မာ နိုင်ငံတွင်း ဒီမိုကရေစီနှင့် လူ့အခွင့်အရေး အခြေအနေများ တိုးတက်ဖြစ်ထွန်းမှုကို အခြေခံပြီး ပိတ်ဆို့မှုများကို တဖြည်းဖြည်းချင်း လျှော့ချသွားမည်ဟု ဆိုသည်။
မေလ ရ ရက်နေ့တွင်မူ အမေရိကန်ဆီးနိတ်က အတိုက်အခံ ခေါင်းဆောင် ဒေါ်အောင်ဆန်းစုကြည် လွတ်မြောက်ရေးနှင့် NLD ပါတီနှင့် စေ့စပ်ညှိနှိုင်းရေးဟူသည့် တိုက်တွန်း ချက်ပါရှိသော ဆုံးဖြတ်ချက် တစ်ရပ်ကို ထုတ်ပြန်လိုက်သည်။
အကယ်၍ မြန်မာစစ်အစိုးရက စနစ်တကျ လူ့အခွင့်အရေး ချိုးဖောက်မှုများ ပြုလုပ်ပြီး မြန်မာပြည်သူများအတွက် စစ်မှန်သော ဒီမိုကရေစီ ဖော်ဆောင်ပေးခြင်း မရှိပါက အမေရိကန် အစိုးရအနေဖြင့် ပိုမိုတင်းကျပ်သော ပိတ်ဆို့အရေးယူမှုများ ပြုလုပ်ရန် စဉ်းစားသင့်သည်ဟု အမေရိကန် ဆီးနိတ်၏ ဆုံးဖြတ်ချက်က ဆိုသည်။
NLD ပါတီသည် ၁၉၉၀ ပြည့်နှစ် ရွေးကောက်ပွဲတွင် ပြည်လုံးကျွတ် အတိုင်းအတာဖြင့် အနိုင်ရရှိခဲ့သည်။ အမေရိကန်ဆီးနိတ်၏ ယခု တိုက်တွန်း ဆော်သြချက် အသစ်ကို မိမိအနေဖြင့် ကြိုဆိုပါကြောင်း US Campaign for Burma အဖွဲ့မှ အမှုဆောင်ဒါရိုက်တာ ဦးအောင်ဒင်က ပြောသည်။
"မြန်မာစစ်အစိုးရနဲ့ စေ့စပ်ညှိနှိုင်းရေး မူဝါဒကို ပြန်လည်သုံးသပ်ပြီး စစ်အစိုးရကို ပိုမိုတင်းကြပ်တဲ့ ပိတ်ဆို့ အရေးယူမှုတွေနဲ့ ဖိအားပေးဖို့ တောင်းဆိုလိုက်တဲ့ အမေရိကန် ဆီးနိတ် ရဲ့ သဘောထားကို ကျွန်တော့်အနေနဲ့ ချီးကျူးမိပါတယ်" ဟု ၎င်းက ဆိုသည်။
" မြန်မာနိုင်ငံက စစ်ရာဇဝတ်မှုတွေ၊ လူ့အခွင့်အရေး ချိုးဖောက်မှုတွေကို စုံစမ်းစစ်ဆေး ဖော်ထုတ်နိုင်မယ့် ကုလသမဂ္ဂ ကော်မရှင်သစ်တစ်ရပ် ထူထောင်နိုင်ဖုိ့ အမေရိကန် သမ္မတ အိုဘားမား အုပ်ချုပ်ရေးအဖွဲ့ ထောက်ခံ သွားလိမ့်မယ်လို့လည်း ကျွန်တော်မျှော်လင့်ပါတယ်"
Bangkok Post သတင်းစာမှ သတင်းကိုဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.