Posts
အမေရိကန် ထိပ်တန်းသံတမန် တစ်ဦးဖြစ်သော Kurt Campbell သည် မြန်မာစစ်အစိုးရအဖွဲ့ အပါအဝင် ဖမ်းဆီးထိန်းသိမ်း ခံထားရသော အတိုက်အခံ ခေါင်းဆောင် ဒေါ်အောင်ဆန်းစုကြည် နှင့် တွေ့ဆုံ ဆွေးနွေးရန် မေလ ၉ ရက်နေ့တွင် မြန်မာနိုင်ငံသို့ ရောက်ရှိလာကြောင်း မြန်မာအစိုးရ တာဝန်ရှိသူ တစ်ဦးက အတည်ပြု ပြောကြားသည်။
အမေရိကန်အစိုးရ အရှေ့အာရှနှင့် ပစိဖိတ်ဒေသဆိုင်ရာ လက်ထောက် နိုင်ငံခြားရေးဝန်ကြီး Kurt Campbell သည် မေလ ၉ ရက်နေ့တွင် မြန်မာနိုင်ငံမြို့တော် နေပြည်တော်သို့ ရောက်ရှိ လာကြောင်း၊ မစ္စတာ Campbell သည် ရန်ကုန်မြို့သို့ သွားရောက်ပြီး ဒေါ်အောင်ဆန်းစုကြည် နှင့် တွေ့ဆုံမှု မပြုလုပ်မီ နေပြည်တော်ရှိ မြန်မာအစိုးရ အာဏာပိုင်များနှင့် ဦးစွာ တွေ့ဆုံမည်ဖြစ်ကြောင်း ၎င်းက ဆိုသည်။
ဒေါ်အောင်ဆန်းစုကြည်သည် ယခုအခါ အသက် ၆၄ နှစ်အရွယ်သို့ ရောက်ရှိနေပြီဖြစ်ကာ နှစ်ပေါင်း ၂၀ ကာလအတွင်း ၁၄ နှစ်တာမျှ ဖမ်းဆီးထိန်းသိမ်းခံခဲ့ရသည်။ မစ္စတာ Campbell သည် ပြီးခဲ့သည့် ၂၀၀၉ ခုနှစ်၊ နိုဝင်ဘာလတွင် မြန်မာနိုင်ငံသို့ လာရောက်ခဲ့ဖူးသည်။ ထိုစဉ်က မစ္စတာ Campbell သည် နှစ်ပေါင်း ၁၄ နှစ်အတွင်း မြန်မာနိုင်ငံသို့ ပထမဆုံး လာရောက်လည်ပတ်သည့် အမေရိကန်အစိုးရ၏ အဆင့်မြင့်အရာရှိတစ်ဦး ဖြစ်ခဲ့သည်။ သူသည် သမ္မတ အိုဘားမား အုပ်ချုပ်ရေးအဖွဲ့၏ မူဝါဒသစ်ဖြစ်သော မြန်မာ စစ်အစိုးရနှင့် စေ့စပ်ညှိနှိုင်းရေးကို အကောင်အထည် ဖော်သည့် အနေဖြင့် မြန်မာနိုင်ငံသို့ လာရောက်ခြင်းဖြစ်သည်။
Channel News Asia သတင်းကိုဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.