Posts
ယခုအခါ ငါးဖမ်း သင်္ဘောများတွင် အလုပ် လုပ်ကိုင်လျက် ရှိသော မြန်မာ အလုပ်သမားများမှာ လုပ်ငန်းခွင်အတွင်း ခေါင်းပုံဖြတ်ခံရမှုများနှင့် ရင်ဆိုင်နေရသည်။
ထိုင်ဝမ် ငါးဖမ်းသင်္ဘောတွင် အလုပ်လုပ်နေသူ ကိုလှမှာ အဆိုပါ အလုပ် ရရှိရန် အေးဂျင့်ဖြစ်သူကို အမေရိကန် ဒေါ်လာ ၈၀၀ ပေးခဲ့ရသည်။ လစာမှာ တစ်လလျှင် ဒေါ်လာ ၂၆၀ ခန့် ရသဖြင့် မဆိုးလှသော ဝင်ငွေဟု ကိုလှက ထင်မှတ်သည်။ သို့သော် သူသည် တစ်နေ့လျှင် ၁၈ နာရီမျှ အလုပ် လုပ်ရသည်။
"ကျွန်တော်တို့ Complain တက်လို့ မရဘူး။ ကျွန်တော်တို့ မိသားစုတွေနဲ့လည်း
ဆက်သွယ်ခွင့် မပေးဘူး။ တစ်ခါတလေ ကျွန်တော်တို့ကို ရိုက်နှက်တာမျိုးတွေတောင် ရှိတယ်။ ဒီလို ဖြစ်လာမယ်လို့လည်း မထင်မိခဲ့ဘူး" ဟု အသက် ၃၀ အရွယ်ရှိ ကို ကိုလှက ပြောကြားသည်။
၁၆ လတာမျှ ကြာပြီးနောက် ကိုလှတစ်ယောက် အလုပ်မှ ထွက်ကာ နေအိမ်သို့ ပြန်လာသည်။ သူ့အား အလုပ်အကိုင် ရှာဖွေပေးသူ အေးဂျင့်ကို ရှာဖွေရန် အလုပ်မှ ထွက်ကာ ပြန်လာခြင်း ဖြစ်သည်။ ထိုအေးဂျင့်သည် ကိုလှ ပေးပို့သော လစာငွေများကို သူ၏ မိသားစုထံသို့ မပေးဘဲ ထွက်ပြေး တိမ်းရှောင်သွားခဲ့သည်။
မြန်မာနိုင်ငံတွင်း အလုပ်အကိုင် အခွင့်အလမ်းများ အကန့်အသတ် ရှိခြင်း၊ ရရှိသည့် အလုပ်များမှာ ဝင်ငွေ နည်းပါးလွန်းခြင်း တို့ကြောင့် ထောင်ပေါင်းများစွာသော မြန်မာ အလုပ်သမားများမှာ ပြည်ပတွင် အလုပ်အကိုင် ရရှိရေးကိုသာ အာရုံစိုက်ကြရသည်။ ထိုထဲတွင် ကိုလှ ကဲ့သို့သော မြန်မာ လုပ်သားများမှာ ယင်းသို့ အလုပ်အကိုင် ရှာဖွေရင်းပင် လူကုန်ကူးသူများနှင့် ကံမကောင်း အကြောင်းမလှ တွေ့ဆုံကြရသည်။
UN Inter-Agency Project on Human Trafficking (UNIAP) ၏ အဆိုအရ မြန်မာ အမျိုးသမီးများ၊ ကလေးငယ်များနှင့် အမျိုးသားများသည် ထိုင်း၊ တရုတ်၊ မလေးရှား၊ တောင်ကိုရီးယားနှင့် မက္ကာအို အစရှိသည့် နိုင်ငံများသို့ လူကုန်ကူး ခံနေရသည်။ လိင်ပိုင်းဆိုင်ရာ အလွဲသုံးစားမှု ပြုခြင်း၊ အဓမ္မ လုပ်သားအဖြစ် စေခိုင်းခြင်း အစရှိသည်တို့ အတွက် လူကုန်ကူး ခံနေကြရခြင်း ဖြစ်သည်။
ထို့အတူ မြန်မာနိုင်ငံသည် လူကုန်ကူးခံရသော ဘင်္ဂလားဒေ့ရှ် နိုင်ငံသားများအား မလေးရှားသို့ ခေါ်ဆောင်သွားရာတွင် လည်းကောင်း၊ လူကုန်ကူးခံရသော တရုတ်နိုင်ငံသားများအား ထိုင်းနိုင်ငံသို့ ခေါ်ဆောင်သွားရာတွင် လည်းကောင်း ကြားခံ နိုင်ငံတစ်ခု ဖြစ်နေသည်။
မြန်မာ စစ်အစိုးရ၏ အဆိုအရ လူကုန်ကူးခံရသူများကို အဓိက ခေါ်ဆောင်သွားသည့် နိုင်ငံမှာ တရုတ်ဖြစ်ပြီး ထို့နောက်တွင် ထိုင်း၊ မလေးရှား နှင့် စင်ကာပူတို့ ဖြစ်ကြောင်း သိရသည်။ အမျိုးသမီးများနှင့် မိန်းကလေးငယ်များမှာ တရုတ်ပြည်သို့ လူကုန်ကူးခြင်း ခံရပြီး အတင်းအဓမ္မ အိမ်ထောင်ပြုခိုင်းခြင်း၊ လိင်ကျေးကျွန်အဖြစ် လုပ်ကိုင်စေခြင်း စသည်တို့နှင့် ရင်ဆိုင်နေကြရသည်။ အရွယ် ရောက်ပြီးသူများနှင့် ကလေးငယ်များမှာ ထိုင်းနှင့် မလေးရှားနိုင်ငံများသို့ လူကုန်ကူးခံကြရကာ ဖိအားပေး အလုပ်စေခိုင်းခြင်း၊ လိင်ပိုင်း ဆိုင်ရာ အလွဲသုံးစား ပြုခံရခြင်း အစရှိသည်တို့နှင့် ကြုံတွေ့ကြရသည်။
"လူကုန်ကူးခံရတဲ့ သူတွေ ဆိုတာက အလုပ်အကိုင် ရလိုစိတ်နဲ့ ကြားပွဲစားတွေ ပြောတာ အကုန်လုံးကို မျက်စိမှိတ် ယုံကြည်ကြတဲ့ သူတွေပါ။ သူတို့က အလုပ်ရချင်တာ တစ်ခုပဲ သိတယ်။ ကိုယ်လုပ်ရမယ့် အလုပ်နဲ့ ပတ်သက်တဲ့ ကိစ္စတွေကို သိဖို့လည်း မကြိုးစားကြဘူး" ဟု နိုင်ငံတကာ NGO ဖြစ်သော World Vision တွင် လူကုန်ကူးမှု တိုက်ဖျက်ရေး ဆိုင်ရာ Coordinator အဖြစ် လုပ်ကိုင်နေသူ မနန်းတင်တင်ဆွေက IRIN သို့ ပြောကြားသည်။
"ကလေးငယ်တွေဆိုတာက ပြောင်းရွှေ့ နေထိုင်ရတဲ့ အခြေအနေထဲကို တစ်ကြိမ် ရောက်သွားတာနဲ့ လူကုန်ကူးတဲ့ သူတွေရဲ့ သားကောင် ဖြစ်သွားနိုင်တယ်။ ဒါမှမဟုတ် သူတို့ရဲ့ ဘဝဟာ အဲဒီ လူကုန်ကူးသူတွေ ကျင်လည် ကျက်စားတဲ့ နယ်ပယ်မှာ ခေါင်းပုံဖြတ်ခံရတာတို့၊ မတရား ဖိအားပေး ခိုင်းစေခြင်း ခံရတာတို့နဲ့ ကြုံတွေ့ပြီး အဆုံးသတ် သွားကြလေ့ ရှိတယ်" Save the Children အဖွဲ့မှ ဒါရိုက်တာ Lamia Rashid က ပြောကြားသည်။
လူကုန်ကူးမှု တိုက်ဖျက်ရေး အေဂျင်စီများ အဆိုအရ လူကုန်ကူးသူများသည် နာဂစ် ဆိုင်ကလုန်း မုန်တိုင်းဒဏ် သင့်ထားသော ဧရာဝတီ မြစ်ဝကျွန်းပေါ် ဒေသမှ ကလေးငယ်များနှင့် ငယ်ရွယ်သူများကို အဓိက ပစ်မှတ်ထားကာ လုပ်ကိုင်လျက် ရှိကြောင်း သိရသည်။
"ကလေးငယ်တွေနဲ့ လူငယ်တွေဟာ ပြောင်းရွှေ့ နေထိုင်တာတို့၊ စွန့်စားတာတို့ လုပ်လိုတဲ့ ဆန္ဒရှိကြတယ်။ အဲဒါကြောင့်ပဲ သူတို့မှာ ခေါင်းပုံဖြတ် အလုပ်စေခိုင်းခြင်း ခံရတာတို့၊ လိင်ပိုင်းဆိုင်ရာ အလွဲသုံးစား လုပ်ခံရတာတို့နဲ့ နောက်ဆုံး တွေ့ကြုံရမယ့် အလားအလာတွေ များနေတယ်" ဟု Lamia Rashid က ဖြည့်စွက် ပြောဆိုသည်။
မြန်မာနိုင်ငံ အစိုးရနှင့် နိုင်ငံတကာ အေဂျင်စီများသည် လူကုန်ကူးမှု တိုက်ဖျက်ရေးနှင့် ပတ်သက်ပြီး နိုးကြားမှု အသိ ရရှိစေရေးအတွက် အမျိုးသားရေး ဆောင်ရွက်မှု အစီအစဉ် တစ်ရပ်ကို ပူးပေါင်း ဆောင်ရွက်လျက် ရှိသည်။ မီဒီယာများ၊ လူထုအခြေပြု ဆွေးနွေးပွဲများ ပြုလုပ်ပေးခြင်းဖြင့် လူကုန်ကူးမှု တိုက်ဖျက်ရေး အသိစိတ် မြင့်တက်လာအောင်လည်း ကြိုးပမ်းလျက် ရှိသည်။
အစိုးရက လူကုန်ကူး ခံရသူများကို ကယ်တင်ရန် လူကုန်ကူးမှု တိုက်ဖျက်ရေး အထူးအဖွဲ့ ၂၃ ဖွဲ့ ဖွဲ့စည်းခဲ့ပြီး လူကုန်ကူးမှု ကျူးလွန်သူများကို အပြစ်ပေး အရေးယူနိုင်ရန် ဥပေဒေများ ရေးဆွဲခဲ့သည်။
ကျွမ်းကျင်သူများ အဆိုအရ လူကုန်ကူးမှု ခံရပြီးနောက် နေအိမ်သို့ ပြန်လည် ရောက်ရှိလာသူများကို ကာကွယ်ပေးရန်နှင့် အားနည်းချက် ရှိသော လူမှု အသိုင်းအဝိုင်းများအတွက် လူကုန်ကူးမှု အန္တရာယ်မှ ကာကွယ်ပေးရန် လတ်တလော ဆောင်ရွက်ချက်များ လိုအပ်နေကြောင်း သိရသည်။
Ionglobaltrends.blogspot.com မှ သတင်းကို ဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.