Posts
ထိုင်းအစိုးရက လက်နက် မှောင်ခိုမှုဖြင့် ဖမ်းဆီး ထိန်းသိမ်း ထားသော သေမင်းတမန် ကုန်သည် အမည်ရ ဗစ်တာဘောက်အား အမေရိကန် ပြည်ထောင်စုသို့ အကြမ်းဖက်မှု များဖြင့် တရား စွဲဆိုနိုင်ရန် လွဲပြောင်း ပေးအပ်လိုက်ပြီ ဖြစ်သည်။ ရုရှားလူမျိုး ဗစ်တာဘောက်အား လွတ်မြောက်ခွင့် ပြုရန် မော်စကို အစိုးရက တောင်းဆိုထားမှုကို ပယ်ချကာ ထိုင်းအစိုးရက အမေရိကန် ပြည်ထောင်စုသို့ လွှဲပြောင်း ပေးလိုက်ခြင်း ဖြစ်သည်။
ထိုင်းမီဒီယာများ ရေးသားချက်အရ အစိုးရက ဗစ်တာဘောက်အား အမေရိကန် ပြည်ထောင်စုသို့ လွှဲပြောင်းမည့် ကိစ္စကို နိုဝင်ဘာလ ၁၅ ရက်နေ့တွင် အတည်ပြု လိုက်ခြင်း ဖြစ်ကြောင်း၊ ထိုင်းရဲမှူးကြီး Supisarn Bhakdinarinath က သေမင်းတမန် ကုန်သည် ဗစ်တာဘောက်အား ထိုင်းစံတော်ချိန် နေ့လယ် ၁ နာရီခွဲတွင် အမေရိကန် အရာရှိ ရှစ်ဦး ပါဝင်သည့် လေယာဉ်ပေါ်သို့ တင်ပို့ပေးခဲ့သည်ဟု ပြောကြားကြောင်း သိရသည်။
ထိုင်းဝန်ကြီးချုပ် အဖိဆစ်က ကက်ဘိနက် အစည်းအဝေး ပြီးနောက် သတင်းထောက်များနှင့် တွေ့ဆုံရာတွင် ထိုင်းတရားရုံး၏ ဆုံးဖြတ်ချက်အရ ဗစ်တာဘောက်၏ အမှုအား လွှဲပြောင်းပေး၍ ရနိုင်ကြောင်း ပြောဆိုသည်။
မစ္စတာ ဗစ်တာဘောက်သည် ယခင် ဆိုဗီယက် လေတပ်မှ အရာရှိဟောင်း တစ်ဦး ဖြစ်ပြီး ကမ္ဘာ့ နာမည်ကျော် လက်နက် ကုန်သည်များ စာရင်းတွင် တစ်ဦး အပါအဝင် ဖြစ်သည်။ ၎င်းအား ပြီးခဲ့သည့် ၂၀၀၈ ခုနှစ်၊ မတ်လအတွင်း ဘန်ကောက်မြို့ရှိ ဇိမ်ခံ ဟိုတယ်ကြီး တစ်ခုတွင် အမေရိကန် ထောက်လှမ်းရေး အေးဂျင့်များက ဖမ်းဆီး ရမိခဲ့ခြင်း ဖြစ်သည်။ ၎င်း၏ ငွေကြေး လည်ပတ်မှုများကို အမေရိကန် ပြည်ထောင်စုနှင့် ကုလ သမဂ္ဂတို့က ပိတ်ဆို့ခဲ့သည်။ သို့သော် မစ္စတာ ဗစ်တာဘောက်က ပိတ်ဆို့မှုများ၊ ကန့်သတ်မှုများ အားလုံးကို ရှောင်ရှားနိုင်ခဲ့သည်။ မိမိ အနေဖြင့် တရားဝင် စီးပွားရေး လုပ်ငန်းသာ လုပ်ကိုင်ခဲ့ပြီး မည်သည့် အခါကမှ စစ်လက်နက် ရောင်းချမှု မပြုခဲ့ပါကြောင်း မစ္စတာဘောက်က စွပ်စွဲမှုများ အားလုံးကို တုံ့ပြန်ထားသည်။
"အခုလို လုပ်တာဟာ နိုင်ငံရေးအရ တရား မျှတမှု မရှိတဲ့၊ ဘက်လိုက်တဲ့ ဆုံးဖြတ်ချက် တစ်ရပ် ဆိုတာ ရှင်းနေပါတယ်။ အမေရိကန် အစိုးရရဲ့ တစ်ဖက်သတ် လုပ်ဆောင်ချက် တစ်ရပ်ပါပဲ" ဟု မစ္စတာဘောက်၏ ဇနီးဖြစ်သူ အယ်လာက ဘန်ကောက်မြို့တွင် ပြောကြားသည်။ "ဘယ်လိုပဲ ဖြစ်ဖြစ် အခု ကိစ္စဟာ ဥပဒေ အကြောင်းနဲ့ ကိုက်ညီမှု မရှိပါဘူး" ဟု ၎င်းက ဆက်လက် ပြောဆိုသည်။
မစ္စတာဘောက်သည် တောင်အာဖရိက ဒေသ၊ အရှေ့ အလယ်ပိုင်း ဒေသ နှင့် အာဖရိက ဒေသတို့တွင် ပြည်တွင်းစစ် ဖြစ်ပွားအောင် လက်နက်များ ရောင်းချ မီးထိုး ပေးခဲ့သူ ဖြစ်သည်ဟု စွပ်စွဲ ခံထားရသည်။
ထိုင်းအစိုးရက မစ္စတာဘောက်အား အမေရိကန် ပြည်ထောင်စုသို့ လွှဲပြောင်း ပေးလိုက်သည့် ကိစ္စနှင့် ပတ်သက်၍ ရုရှားနိုင်ငံက ပြင်းထန်သော ကြေညာချက် တစ်ရပ် ထုတ်ပြန်လိုက်သည်။ အဆိုပါ အမှုကြောင့် ထိုင်းအစိုးရမှာ အမေရိကန်နှင့် ရုရှား အစိုးရ အဖွဲ့နှစ်ခု၏ ဖိအား ပေးမှုများနှင့် ရင်ဆိုင် နေကြရသည်။
အမှု မလွှဲပြောင်းပေးမီ အချိန် ကာလအတွင်း အမေရိကန် ဥပဒေ ရေးဆွဲသူများက ထိုင်းအစိုးရသို့ ၎င်းအား လွှဲပြောင်းပေးရန် စာဖြင့် ရေးသား ပေးပို့ခဲ့ကြသည်။
ပြီးခဲ့သည့် ၂၀၀၉ ခုနှစ်အတွင်း ထိုင်း တရားရုံးတော်က မစ္စတာ ဗစ်တာဘောက်အား အမေရိကန် ပြည်ထောင်စုသို့ လွှဲပြောင်းပေးမည့် ကိစ္စကို ပယ်ချခဲ့သည်။ သို့သော် ယခုနှစ် သြဂုတ်လ အတွင်း အထူး အယူခံ တရားရုံးတော်က အမှုကို ကိုင်တွယ်သောအခါ ရောက်သောအခါမှ လွှဲပြောင်းမည့် ကိစ္စကို သဘောတူ လိုက်ခြင်း ဖြစ်သည်။
အမေရိကန် ပြည်ထောင်စုက မစ္စတာ ဗစ်တာဘောက်သည် လက်နက် မှောင်ခိုမှု အပါအဝင်၊ အကြမ်းဖက်မှု၊ ငွေကြေး ခဝါချမှု၊ လိမ်လည်မှုများ ကျူးလွန်ခဲ့သည်ဟု စွပ်စွဲထားသည်။ ရုရှား အစိုးရကမူ မစ္စတာဘောက်သည် အပြစ် ကင်းစင်သော စီးပွားရေး သမားတစ်ဦး ဖြစ်ပြီး ၎င်းအား မော်စကိုသို့ ပြန်ပို့ပေးစေလိုသည်။
AP သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.