Posts
(The Daily star.net မှ 26 January 2011 ရက်စွဲပါ "Move on to buy hydro-power from Myanmar" ကို ဘာသာ ပြန်ဆိုသည်)
ဘင်္ဂလားဒေ့ရှ် နိုင်ငံသည် အိမ်နီးချင်း တိုင်းပြည်၏ ရခိုင်ပြည်နယ်မှ ရေအားလျှပ်စစ် ဝယ်ယူရန် အတွက် မြန်မာ ကုမ္ပဏီ တစ်ခုနှင့် တွေ့ဆုံ ဆွေးနွေးမှု ပြုလုပ်လျက် ရှိသည်။
"ဆွေးနွေးမှုကတော့ မပြီးပြတ် သေးပါဘူး၊ လျှပ်စစ် ဓာတ်အား ဝယ်ယူ တင်သွင်းဖို့ ကိစ္စ နဲ့ ပတ်သက်လို့ ကျွန်မ ကိုယ်တိုင် ကုမ္ပဏီ တာဝန် ရှိသူ တွေနဲ့ ဆွေးနွေးခဲ့ပါတယ်" ဟု နိုင်ငံခြားရေး ဝန်ကြီး ဒစ်ပူးမိုနီက ဒါကာတွင် ပြုလုပ်သော သတင်းစာ ရှင်းလင်းပွဲတွင် မနေ့က ပြောကြားလိုက်သည်။
အဆိုပါ ရေအားလျှပ်စစ် စီမံကိန်း နှစ်ခုကို လုပ်ကိုင်ရန် ပုဂ္ဂလိက ကုမ္ပဏီက ကန်ထရိုက် ရရှိထားခြင်း ဖြစ်ပြီး ယင်းတို့ အနက် ၈၀ မဂ္ဂါဝပ် စက်ရုံမှာ ၂၀၁၅ တွင် စတင် ထုတ်လုပ်မည် ဖြစ်၍ နောက်ထပ် ၈၀၀ မဂ္ဂါဝပ် စီမံကိန်းကိုမူ ၂၀၁၈ တွင် စတင် လည်ပတ်နိုင်မည်ဟု ဝန်ကြီးက ဆက်လက် ပြောကြားသည်။
"ဘင်္ဂလား ပင်လယ်အော် ကဏ္ဍပေါင်းစုံ နည်းပညာနှင့် စီးပွားရေး ပူးပေါင်း ဆောင်ရွက်မှု အဖွဲ့ (BIMSTEC) ရဲ့ ၁၃ ကြိမ်မြောက် ဝန်ကြီးများ အစည်းအဝေး တက်ရောက်ဖို့ သွားတဲ့ ခရီးစဉ်အတွင်း ဇန်နဝါရီ ၂၃ ရက်၊ ရန်ကုန်မြို့မှာ ကုမ္ပဏီ တာဝန် ရှိသူတွေနဲ့ တွေ့ဆုံ ခဲ့ပါတယ်၊ စီမံကိန်း ပြီးစီးတာနဲ့ ရေအား လျှပ်စစ် ရောင်းပေးဖို့ အတွက် ကုမ္ပဏီက သဘောတူပါတယ်" ဟု ဝန်ကြီးက ပြောကြားသည်။
မြန်မာနိုင်ငံမှ လျှပ်စစ် ဓာတ်အား တင်သွင်းရာတွင် နယ်စပ်၏ တစ်ဖက်စီ၌ ဓာတ်အားခွဲရုံနှင့် ဓာတ်အားလိုင်းများ လိုအပ်သည်ဟု သူမက ပြောကြားသော်လည်း ဓာတ်အား ဈေးနှုန်းကို ယခုတိုင် အပြီးသတ် သတ်မှတ် နိုင်ခြင်း မရှိဟု ဆိုသည်။
ဒစ်ပူးမိုနီက သူမနှင့် မြန်မာနိုင်ငံခြားရေး ဝန်ကြီးတို့၏ တွေ့ဆုံမှုနှင့် ပတ်သက်၍ ပြောရာတွင် မှတ်ပုံတင် ထားသူ၊ အထောက်အထား မရှိသူ မြန်မာ နိုင်ငံသား နှစ်မျိုးစလုံးကို ပြန်ပို့ရန် ကိစ္စနှင့် ဗီဇာ လွယ်ကူရေး ကိစ္စ အပါအဝင် နှစ်နိုင်ငံ ကိစ္စရပ် မြောက်မြားစွာကို ဆွေးနွေးခဲ့သည်ဟု ဆိုသည်။၏
သတင်းထောက်များ၏ မေးမြန်းမှုကို သူမက ပြောကြားရာတွင် မြန်မာ အာဏာပိုင်များက ၎င်းတို့၏ နိုင်ငံသား ဒုက္ခသည်များအား ပြန်ပို့မည့် အစီအစဉ်ကို သဘောတူခဲ့သည်ဟု သူမက ပြောကြားပြီး မြန်မာ ဒုက္ခသည် ၂၈၀၀၀၀ ခန့် ဘင်္ဂလားဒေ့ရှ် ဒုက္ခသည် စခန်းများတွင် နေထိုင်လျက် ရှိသော၊ တရားဝင် မှတ်ပုံတင်ထားခြင်း မရှိသော မြန်မာ နိုင်ငံသား ၃ သိန်းမှ ၅ သိန်း အထိ ရှိနိုင်သည်ဟု ဆက်လက် ပြောသည်။
ဘင်းစတက်(BIMSTEC)၏ အမြဲတမ်း အတွင်းရေးမှူးချုပ်ကို ဒါကာတွင် ထားရှိမည့် ဆုံးဖြတ်ချက် နှင့် ပတ်သက်၍ သူမက ပြောကြားရာတွင် ယခု ကိစ္စသည် ဘင်္ဂလားဒေ့ရှ် အတွက် အောင်မြင်မှုကြီး တစ်ခု ဖြစ်ကာ အတွင်းရေးမှူးချုပ်သည် ယခုနှစ်အတွင်း လုပ်ငန်း စတင် လည်ပတ် နိုင်မည်ဟု မျှော်လင့် ရသော်လည်း အမြဲတမ်း အဆောက်အအုံ ဆောက်လုပ်ခြင်းမှာမူ နှစ်အနည်းငယ် ကြာဦးမည်ဟု ဆိုသည်။
ဝန်ကြီးချုပ် ရှိတ်ဟတ်ဆီနာ၏ လတ်တလော ယူအေအီး ခရီးစဉ်သည်လည်း အောင်မြင်သည်ဟု ဝန်ကြီးက ပြောသည်။
ဝန်ကြီးချုပ် ရှိတ်ဟတ်ဆီနာသည် ယူအေအီး ခေါင်းဆောင် ရှိတ်မိုဟာမက် ဘင်ရာရှစ် အယ်လ် မတ်တွန်၊ ယူအေအီး နိုင်ငံခြားရေး ဝန်ကြီးတို့နှင့် ဆွေးနွေးပွဲများ ပြုလုပ် ခဲ့ပြီး ဘင်္ဂလားဒေ့ရ်ှတွင် ရေနံချက် စက်ရုံ တည်ဆောက်ခြင်းနှင့် အခြေခံ အဆောက်အဦး ကဏ္ဍ ဖွံ့ဖြိုးရေးတွင် ကူညီပေးရန် ယူအေအီးက သဘော တူခဲ့သည်ဟု ဝန်ကြီး ဒစ်ပူးမိုနီက ပြောသည်။
ယူအေအီး နိုင်ငံရောက် ဘင်္ဂလားဒေ့ရှ် နိုင်ငံသားများအား စက်ဖြင့် ဖတ်နိုင်သော ပတ်စပို့ (MRP) ထုတ်ပေးခြင်းနှင့် ပတ်သက်၍ သူမက ပြောကြားရာတွင် ယူအေအီးက သတ်မှတ်ထားသော ဒီဇင်ဘာ ၃၁ နောက်ဆုံး သတ်မှတ်ရက် မတိုင်မီ ခေတ်မီ ပတ်စပို့များကို ယူအေအီးရှိ ဘင်္ဂလားဒေ့ရှ် အဖွဲ့များက ထုတ်ပေးမည် ဖြစ်ကာ အကယ်၍ သတ်မှတ်ရက် ကျော်သွားပါက ကန့်သတ်ရက် တိုးပေးရန် စဉ်းစားမည်ဟု ယူအေအီး အာဏာပိုင်များက သဘောတူခဲ့ကြောင်း ဖော်ပြသည်။
လက်ရှိ ယူအေအီးတွင် ဘင်္ဂလားဒေ့ရှ် အလုပ်သမား ၇ သိန်း ကျော်ခန့် ရှိသည်ဟု သိရသည်။
အပိုင်စီး ခံနေရသော MV Jahan Moni သင်္ဘောပေါ်မှ ဘင်္ဂလားဒေ့ရှ် သင်္ဘောသားများ၏ ကံကြမ္မာနှင့် ပတ်သက်၍ မေးမြန်းရာ ၎င်းတို့ အားလုံး ကျန်းမာရေး ကောင်းမွန်နေကာ ၎င်းတို့ လွတ်မြောက်ရေး အတွက် ကြိုးပမ်း နေဆဲ ဖြစ်သည်ဟု ဝန်ကြီးက ပြောသည်။
အာဖဂန် ဒုစရိုက်သမားများ၏ ပြန်ပေးဆွဲခြင်း ခံရသော ဘင်္ဂလားဒေ့ရှ် အလုပ်သမား ၅ ဦးကို ကယ်ဆယ်ရေး ကိစ္စမှာလည်း ကြိုးပမ်း ဆောင်ရွက် နေဆဲ ဖြစ်ပြီး မိမိတို့ ဘင်္ဂလားဒေ့ရှ် အစိုးရနှင့် အာဖဂန် အာဏာပိုင်များ ပုံမှန် ဆက်သွယ်မှု ရှိနေသည်ဟု ဝန်ကြီးက ပြောကြားခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.