Posts
 | yangonchronicle 2011 |
၂၉.၇.၂၀၁၁
ဘာသာပြန်သတင်းများ
မြန်မာအရပ်သားအစိုးရက ပြောင်းလဲမှုအတွက် ကလေးခြေလှမ်းလှမ်း
(23 July 2011 ရက်စွဲပါ The Straits Times မှ Nirmal Ghosh ရေးသားသော Myanmar’s Civilian gov’t taking baby steps to change ကို ဘာသာ ပြန်ဆိုသည်)
ပဋိပက္ခများ၊ ဆင်းရဲမွဲတေမှုများ အမြစ်တွယ်နေသော မြန်မာနိုင်ငံတွင် နှစ်ပေါင်း (၄၀)ခန့်အတွင်း ပထမဆုံး အရပ်သားအစိုးရ တက်လာပြီး ရက်ပေါင်း(၁၀၀)ကျော်တွင် ပြောင်းလဲမှုမျိုးစေ့ကို စိုက်ပျိုးနိုင်ခဲ့သည်။
သို့သော် ၎င်းတို့သည် အပြောင်းအလဲမလုပ်လိုသည့် သဘောထားများ၊ ပြည်တွင်းစစ်ဖြစ်မည့် အရေးများဖြင့် ကြိုးစားရုန်းကန်ရလျက်ရှိသည်။
နိုင်ငံရေးနှင့် အုပ်ချုပ်ရေးဖွဲ့စည်းထားမှုအသစ်နှင့် သမ္မတဦးသိန်းစိန်၏ မတ်(၃၀)ရက်နေ့က ပြောကြားသည့် ပွင့်လင်းပြီး၊ ရည်မှန်းချက် ကြီးမားသည့် မိန့်ခွန်းကြောင့် စ၍အကောင်းမြင်ခံခဲ့ရသည်။
ဝေဖန်သုံးသပ်သူများက ပြုပြင်ပြောင်းလဲရေးအတွက် ကြိုးပမ်းမှုများကို သဘောထားတင်းမာသည့် ဗိုလ်ချုပ်ဟောင်းကြီးများက မလုပ်နိုင် အောင် တားဆီးလျက်ရှိပြီး၊ နိုင်ငံမြောက်ပိုင်းတွင် တိုင်းရင်းသားစစ် တပ်များနှင့် စစ်ပွဲများပြန်ဖြစ်မည့်အရေးများကို ညွှန်ပြခဲ့ကြသည်။
“စစ်အစိုးရဟောင်းနေရာမှာ အပြောင်းအလဲမလုပ်လိုတဲ့ အချက်ကနေရာဝင်ယူလာပါတယ်”ဟု Larry Jagan က မကြာမီကရေးသားခဲ့သည်။
ဒုတိယသမ္မတဦးတင်အောင်မြင့်ဦးကဲ့သို့သော အစိုးရဟောင်းမှ ပုဂ္ဂိုလ်အချို့သည် သမ္မတ၏ ပြောင်းလဲရေး အစီအစဉ်များကို နှောင့်နှေးအောင် ပြုလုပ်လျက်ရှိသည်ဟု ၎င်းကရေးသားခဲ့သည်။
ကုလသမဂ္ဂအား အကြံပေးရန် တည်ထောင်ထားသော Conflict Prevention and Peace forum ၏ ယခုလစာတမ်းတွင် မြန်မာနိုင်ငံအား လေ့လာသူ Richard Horsay က ရှေ့ခရီးဆက်ရန် ဥပဒေ၊ စည်းမျဉ်းများဆိုင်ရာ စိန်ခေါ်မှုများကို ညွှန်းဆိုခဲ့သည်။
လူများစွမ်းဆောင်ရည်ညံ့ဖျင်းမှုနှင့် စည်းမျဉ်းဥပဒေများ၏ အားနည်းမှုများက တိုးတက်မှုကို နှောင့်နှေးစေသည့် အရေးကြီးသည့် အရာများ ဖြစ်ကြောင်း၊ မလိုအပ်သော ဗျူရိုကရေစီစည်းမျဉ်းစည်းကမ်းများရှိ နေခြင်းများကလည်း တိုးတက်မှုကိုပိတ်ဆို့ထားသော အရာများဖြစ်ကြောင်း ဖော်ပြ ထားသည်။
ကချင်လွတ်လပ်ရေးအဖွဲ့(KIO)နှင့် တိုက်ပွဲများပြန်လည်ဖြစ်ပွားနေခြင်းကလည်း ပထမဆုံးရက် (၁၀၀)အတွက် အရိပ်မည်းစိုးမိုးစေသော အချက်ဖြစ်ပြီး၊ မြောက်ပိုင်းနယ်စပ်တွင် စစ်ပွဲပြန်ဖြစ်နိုင်သည့် အန္တရာယ် ရှိလာသည်။
သို့သော် ပြောင်းလဲမှုကိုဆန့်ကျင်သော အရာများရှိနေသည်ကို သိရှိသော်လည်း၊ ရက်(၁၀၀) အတွင်း အစိုးရ၏ လုပ်ဆောင်ချက်များကို အကဲဖြတ်ရန် အတွက်မူ မြန်မာနိုင်ငံအနေဖြင့် ဖြစ်နိုင်မည်မဟုတ် ဟု Horsey နှင့် အခြား ဝေဖန်သုံးသပ်သူများက ဆိုကြသည်။
ပုံမှန်ဒီမိုကရေစီစနစ်နှင့် ဈေးကွက်စီးပွားရေးအမြစ်တွယ်ပြီးသည့် နိုင်ငံများတွင်မူ ထိုသို့ အကဲဖြတ်ရန် အကြုံးဝင်မည်ဖြစ်သော်လည်း မြန်မာနိုင်ငံတွင် နှစ်ပေါင်း ၄၀ ကျော်အုပ်ချုပ်လာသော စစ်တပ်က အစိုးရ ချုပ်ကိုင်သော စီးပွားရေးတွင် လွှမ်းမိုးသော အဖွဲ့အစည်းဖြစ်နေရာ ထိုသို့အကဲ ဖြတ်ရန် အကြုံးဝင်လိမ့် မည်မဟုတ်ပေ။
“အချိန်စောလွန်းပါသေးတယ်။ အစိုးရသစ်ရင်ဆိုင်နေရတဲ့ စိန်ခေါ်မှုတွေက ကြီးမားလွန်းလှပါတယ်။ သူတို့အဖွဲ့အစည်းအတွင်းက စိန်ခေါ်မှု တွေရယ်၊ ဆယ်စုနှစ်များစွာအရေးယူပိတ်ဆို့မှုများနဲ့ အထီးကျန်ပြုထားတဲ့ မူဝါဒတွေရဲ့ သက်ရောက်မှုတွေရယ်ရှိနေပါတယ်”ဟု သမိုင်းပညာရှင် ဦးသန့်မြင့်ဦးက ပြောသည်။
“သမ္မတသစ်ကတော့ စီးပွားရေးပြုပြင်ပြောင်းလဲရေးတွေလုပ်ချင်တယ်ဆိုတာ ထင်ရှားပါတယ်။ ဒါပေမယ့် သူလုပ်နိုင်မလုပ်နိုင်ဆိုတာကတော့ အချိန်က စကားပြောပါလိမ့်မယ်”ဟု ၎င်းကဖြည့်စွက်ပြောကြားခဲ့သည်။
မျိုးစေ့ချခဲ့သော စီးပွားရေးပြုပြင်ပြောင်းလဲမှုများတွင် ပို့ကုန်အခွန်များတွင် 10%မှ 7% သို့ လျော့ ပေးခဲ့ခြင်း၊ ပင်စင်စားဦးရေ (၈၄၀၀၀၀) ကျော်အား အငြိမ်းစားလစာများတိုးပေးခဲ့ရာ တစ်နှစ်လျှင် ဒေါ်လာ သန်း ၅၀၀ (စင်္ကာပူဒေါ်လာ သန်း ၆၁၀)ခန့် အသုံးပြုခဲ့ခြင်း၊ စားအုန်းဆီနှင့် လောင်စာဆီ တင်သွင်းမှုကို လက်ဝါးကြီး အုပ်ထားမှုအား ပယ်ဖျက်ပေးခဲ့ခြင်း အခြေခံအစိုးရ ဝန်ဆောင်မှုများတွင် သွက်လက်မြန်ဆန်အောင် ပြုလုပ်ပေး လာခြင်းများ ပါဝင်ပါသည်။
ယခုအခါ ဆင်းရဲမွဲတေမှုကိစ္စကိုင်တွယ်ရန် အရေးတကြီးလိုအပ်ကြောင်း အစိုးရက အသိအမှတ်ပြုခဲ့ပြီး၊ ယခင်က ကန့်သတ်ထားခဲ့သော အသေးစား ငွေကြေးထောက်ပံ့မှုများကို ပယ်ဖျက်ရန် လုပ်ဆောင်လျက်ရှိသည်။
မြန်မာနိုင်ငံသည် တရုတ်၊ အိန္ဒိယနှင့် အာဆီယံတို့ဆုံသော နေရာတွင်ရှိသော နိုင်ငံတစ်ခုဖြစ်သည်။ လက်ရှိတွင် အဓိက အခြေခံ အဆောက် အဦးစီမံကိန်းများဖြစ်သော တိုင်းပြည်ကို အကျိုးအမြတ်ရှိစေမည့် ထားဝယ်ဆိပ်ကမ်း ဖွံ့ဖြိုးရေး လုပ်ငန်းများကိုလည်း လုပ်ကိုင်လျက်ရှိသည်။
ပြီးခဲ့သည့် ဇွန်လက အစိုးရကပြောကြားရာတွင် ၂၀၁၁ မတ်လတွင် ကုန်ဆုံးသော ဘဏ္ဍာနှစ်တွင် နိုင်ငံခြားရင်းနှီးမြှုပ်နှံမှုစံချိန်တင် အမေရိကန်ဒေါ်လာ ၂၀ ဘီလီယံရရှိခဲ့ကြောင်း၊ ထိုအထဲတွင် တရုတ်က ပါဝါ စီမံကိန်းများ၌ ၄၁ % ပါဝင်ခဲ့သည်ဟုဆိုသည်။
ထို့အပြင် အစိုးရသည် နိုင်ငံရေးနှင့်ပတ်သက်သော ကွက်လပ်များ ဖွင့်ပေးခဲ့ပါသည်။ အတိုက်အခံ ခေါင်းဆောင် ဒေါ်အောင်ဆန်းစုကြည် သည်ပင်လျှင် ပြီးပြည်စုံခြင်းမဟုတ်သည့်တိုင် လွတ်လပ်စွာလှုပ်ရှားခွင့်အနည်း ငယ် ရခဲ့ပါသည်။
ထို့သို့သော ပြောင်းလဲမှုနှုန်းကို ကြည့်လျှင် ပြည်သူများအနေဖြင့် အသိအမှတ်ပြုလောက်အောင် မြန်ဆန်ခြင်းကား မရှိသေးပေ။
စစ်တပ်ကို အစိုးရမှ ခွဲထုတ်လိုက်ပြီး၊ ယခင်အာဏာရှင်သန်းရွှေမှာလည်း အမှန်တကယ်အနားယူ သွားပုံ ရသော်လည်း ပါလီမန်နှင့် ကက်ဘိနက်တွင် စစ်တပ်မှအရာရှိဟောင်းများစွာပါဝင်နေသည်။ “အားလုံးအရင်အတိုင်းပါပဲ”ဟု ရန်ကုန်အခြေစိုက်နိုင်ငံခြားသား လေ့လာသူတစ်ဦးက ဆိုသည်။
“နယ်စပ်ဒေသတွေမှာ စစ်တွေဖြစ်နေတုန်းပါပဲ။ လူဦးရေအများစုဟာ ဆင်းရဲမွဲတေမှုကို ခံနေရပါတယ်။ နေ့စဉ်နဲ့အမျှ အစိုးရလူတွေဟာ လူ့အခွင့်အရေးချိုးဖောက်မှုတွေလုပ်နေတုန်းပါပဲ အုပ်ချုပ်ရေးစနစ်မှာ အကျင့်ပျက် ခြစားမှုနဲ့ပဲ ကြုံတွေ့နေတုန်းပါပဲ။ သတင်းစာလွတ်လပ်ခွင့်၊ လွတ်လပ်စွာ ဖွဲ့စည်းခွင့်၊ ပြောဆိုခွင့်တွေမှာ တိုးတက်မလာသေးပါဘူး”ဟု ၎င်းကဆိုသည်။
“အစိုးရ၊ နိုင်ငံရေးပါတီများ၊ စီးပွားရေးသမားများ၊ ပညာရှင်များဟာ စွမ်းဆောင်ရည်မြင့်မားဖို့၊ ကမ္ဘာကြီးနဲ့ ဆက်နေဖို့၊ ပိုမိုပူးပေါင်း ဆောင်ရွက်ဖို့ လိုအပ်နေဆဲပါပဲ။ လူထုအခြေပြုအဖွဲ့အစည်းတွေမှာလည်း ငွေကြေးထောက်ပံ့ဖို့ လိုအပ်ပါတယ်”ဟု ၎င်းက ပြောသည်။
Horsey ကဲ့သို့သော ပညာရှင်အများအပြားက ရှေ့သို့သွားသော ခြေလှမ်းမှာ သေးငယ်သော်လည်း အခြားတစ်ခုထက် စာလျှင် ပိုကောင်းသည် ဟု သဘောတူကြသည်။
“နှေးကွေးပြီး မပြည့်စုံတဲ့ ပြောင်းလဲမှုမလုပ်ရင် အခြားတစ်ခုက မြန်ဆန်တဲ့ ပြုပြင်ပြောင်းလဲမှုဖြစ်မှာ မဟုတ်ပါဘူး။ အရင်တုန်းက အာဏာရှင်လို ပိုပြီးဖိနှိပ်ပြီး၊ အထီးကျန်လမ်းကြောင်းကို သွားတဲ့ ဘက်ကို သွားမှာ စိုးရတယ်”ဟု Horsey က သတိပေးသည်။ ၎င်းသည် မြန်မာနိုင်ငံတွင် ကုလသမဂ္ဂ၌ တာဝန်ထမ်း ဆောင်ခဲ့ဖူးသည်။
သမ္မတ၏ ပြုပြင်ပြောင်းလဲရေးတွင် နိုင်ငံရေးနှင့် ပတ်သက်သော လုပ်ဆောင်ဖွယ်ရာများ နည်းပါး လိမ့်မည် ဖြစ်ပြီး၊ နိုင်ငံတကာ အသိုင်းအဝိုင်း ကလည်း ထိုအချက်ကို နားလည်ပေးရလိမ့်မည်ဖြစ်သည်။
***********************************************
ကျည်ဆန်ရထားတိုက်မှုတွင် အဂတိလိုက်စားမှုတွေ့ရှိပါက ပြင်းထန်စွာအပြစ်ပေးမည်ဟု တရုတ်ဝန်ကြီးချုပ်ပြော
(AP သတင်းကို ဘာသာ ပြန်ဆိုသည်)
လူပေါင်း ၃၉ ဦးသေဆုံးပြီး အများပြည်သူတို့ အမျက်ဒေါသထွက်စေခဲ့သည့် ကျည်ဆန်ရထားတိုက်မှုတွင် အဂတိလိုက်စားသည်ဟု စုံစမ်းဖော်ထုတ်ခံရသူမည်သူမဆို ပြင်းထန်စွာ အပြစ်ပေးခြင်းခံရမည်ဖြစ်ကြောင်း တရုတ်နိုင်ငံ ဝန်ကြီးချုပ် ဝမ်ကျားပေါင်က ဇူလိုင်လ ၂၈ ရက်နေ့တွင် ထုတ်ဖော် အသိပေးပြောဆိုလိုက်သည်။
ဇူလိုင်လ ၂၄ ရက်နေ့က တရုတ်ပြည်အရှေ့ပိုင်း Wenzhou စီးတီးအနီး ကျည်ဆန်ရထားနှစ်စီးတိုက်မှု ဖြစ်ပွားသည့် နေရာ၌ မိန့်ခွန်းပြောကြားရာတွင် ဝန်ကြီးချုပ်က အထက်ပါအတိုင်းပြောဆိုခြင်းဖြစ်သည်။ ရထားတိုက်မှုကို ယခုအခါ အလေးအနက်ထားစုံစမ်းစစ်ဆေးလျက်ရှိပြီး တွေ့ရှိချက်များအားလုံးကို အများပြည်သူသို့သိရှိရန် သတင်း ထုတ်ပြန်မည် ဖြစ်သည်ဟု ၎င်းကဆိုသည်။ ရထားတိုက်မှုကြောင့် ဒဏ်ရာရရှိသူ ၁၉၀ ဦးကျော်ခန့်ရှိခဲ့ကြောင်း တရုတ်သတင်းဌာနများက ရေးသားဖော်ပြသည်။
"ဒီရထားတိုက်မှုဟာ စက်မှုပိုင်းဆိုင်ရာ ချို့ယွင်းခဲ့တာကြောင့်ပဲဖြစ်ဖြစ်၊ စီမံခန့်ခွဲမှုပြဿနာကြောင့်ပဲဖြစ်ဖြစ်၊ ဒါမှမဟုတ် ထုတ်လုပ်မှုပိုင်းဆိုင်ရာ ပြဿနာကြောင့်ပဲဖြစ်ဖြစ် ကျွန်တော်တို့အနေနဲ့ ပြဿနာရဲ့ အောက်ဇစ်မြစ်တစ်ခုလုံးကို ခြေခြေမြစ်မြစ်သိအောင်မဖြစ်မနေလုပ်ရမှာပါ။ ဒီပြဿနာရဲ့ နောက်ကွယ်မှာ အဂတိလိုက်စားမှုရှိနေတယ်ဆိုရင် တရား ဥပဒေအတိုင်း ကိုင်တွယ်ဖြေရှင်းသွားမှာပါ။ ပျော့ပျော့ပြောင်းပြောင်းနဲ့ ကိုင်တွယ်မှာ မဟုတ်ပါဘူး။ ရထားတိုက်မှုမှာ သေဆုံးသွားတဲ့သူတွေအတွက် ဒီလိုကိုင်တွယ် ဖြေရှင်းခြင်းသာ တစ်ခုတည်းသော မျှတတဲ့နည်းလမ်းဖြစ်ပါလိမ့်မယ်" ဟု
ဝန်ကြီးချုပ်ဝမ်ကျားပေါင်က ဆိုသည်။
တရုတ်မီးရထားပို့ဆောင်ရေးဌာနမှ အရာရှိတစ်ဦးက ရထားတိုက်မှုသည် ချို့ယွင်းချက်ရှိသောအချက်ပြစနစ်နှင့် လူလုပ်သည့်အမှားအယွင်း တို့ကြောင့် ဖြစ်ပေါ်ခဲ့ခြင်းဖြစ်သည်ဟု ထုတ်ဖော်ပြီး မကြာခင်ပင် ဝန်ကြီးချုပ်ဝမ်ကျားပေါင်က အထက်ပါအတိုင်း ထုတ်ဖော်ပြောဆိုလိုက်ခြင်းဖြစ်သည်။ ရထားတိုက်မိမှုတွင် ရထားတွဲခြောက်တွဲ လမ်းချော်ခဲ့ပြီး လေးတွဲမှာ အမြင့်ပေ ၁၀၀ ခန့်ရှိသော ကောင်းကင် ရထားလမ်းပေါ်မှ ပြုတ်ကျသွားခဲ့သည်။ ရှန်ဟိုင်း မီးရထားဗျူရိုမှ အကြီးအကဲ An Lusheng အဆိုအရ Wenzhou South ဘူတာရုံရှိ အချက်ပြမီးပွိုင့် စနစ်တပ်ဆင်ထားသည့် ပုံစံချို့ယွင်းချက် ရှိကြောင်း ပြောဆိုသည်။ ဖြစ်ပွားပုံမှာ ကောင်းကင်ရထားလမ်းပေါ်၌ မိုးကြိုးပစ်ခံရသောကြောင့် ရပ်ဆိုင်းထားသော ကျည်ဆန်ရထားအား နောက်ရထား တစ်စီးက နောက်ဘက်မှဝင်တိုက်မိခြင်းဖြစ်သည်။
“မိုးကြိုးပစ်လိုက်ပြီးနောက် အချက်စနစ်ချို့ယွင်းသွားတယ်။ မီးနီပြရမယ့်အစား မီးစိမ်းပြလိုက်တယ်” ဟု An Lusheng က CCTV မှသတင်း ထုတ်လွှင့်ချက်တွင် ပြောကြားသည်။ အဆိုပါ အချက်ပြစနစ်ကိုတီထွင်ထုပ်လုပ်ခဲ့သော တရုတ် အမျိုးသားမီးရထားဆက်သွယ်ရေးသုတေသနနှင့် Instutite of Signal and Communication (NRRDSC)က ဇူလိုင်လ ၂၈ ရက်နေ့တွင် ရထားတိုက်မိမှုကြောင့် သေဆုံးသွားသူများ၏ ကျန်ရစ်သူ မိသားစုဝင်များထံသို့ ဝမ်းနည်းကြောင်း သဝဏ်လွှာပေးပို့ခဲ့သည်။ ရထားတိုက်မှုအပေါ် စုံစမ်းစစ်ဆေးဖော်ထုတ်မည့်ကိစ္စတွင် ဝင်ရောက် ပူးပေါင်း ဆောင်ရွက်မည်ဖြစ်ကြောင်း၊ အပြစ်ရှိပါက ပြစ်ဒဏ်ပေးခံသွားမည်ဖြစ်ကြောင်း NRRDSC ကဆိုသည်။
ရထားတိုက်မှုတွင်သေဆုံးသွားသူများ၏ မိသားစု ၂၀ ခန့်က အဆိုပါဖြစ်ရပ်ဆိုးကြီးအား အမြန်ဆုံးစစ်ဆေး ဖော်ထုတ်ပေးရန် စာတန်းနှင့် ဆိုင်းဘုတ်များကိုင်ဆောင်ကာ တောင်းဆိုမှုဖြစ်ပွားပြီးနောက် ဝန်ကြီးချုပ်ဝမ်ကျားပေါင်က ရထားတိုက်မှုဖြစ်ပွားသည့်နေရာသို့ သွားရောက်ခဲ့ခြင်းလည်း ဖြစ်သည်။ “အခုလိုရထားတိုက်မှုကြီးဖြစ်ပြီးတော့ မီးရထားဌာနတွေ အနေနဲ့ ဘာမှဖုံးကွယ်လို့မရဘူးဖြစ်သွားတယ်။ တစ်ဖက်မှာပြည်နယ်အစိုးရတွေကို ပြဿနာ ဖြေရှင်းခိုင်းတယ်။ ပြည်နယ်အစိုးရတွေကလည်းလုပ်တာကိုင်တာနှေးကွေးနေတယ်။ တာဝန်မယူကြဘူး။ အစိုးရတွေက သူတို့ကို ကာကွယ် ပေးနေတာလား၊ ဒါမှမဟုတ်သူတို့က အစိုးရတွေကိုကာကွယ်ပေးနေတာလား” ဟု ရထားတိုက်မှုတွင် အကိုဖြစ်သူအား ဆုံးရှုံးသွားသူ Lin က ပြောပြသည်။
တရုတ်အစိုးရက အဆိုပါ ရထားလမ်းပိုင်းလုံခြုံချောမွေ့ရေးအတွက် နှစ်လတာစောင့်ကြည့်လေ့လာရန် အမိန့်ထုတ်ထားရာ ယခုရထားတိုက်မှု မည်သို့မည်ပုံဖြစ်ပွားခဲ့ရသည် ဟူသည့်ကိစ္စအပေါ် မေးခွန်းထုတ်စရာများ ဖြစ်နေသည်။ ဝန်ကြီးချုပ် ဝမ်ကျားပေါင်ကိုယ်တိုင်သည်ပင် သယ်ယူ ပို့ဆောင်ရေး ဆိုင်ရာ အခြေခံ အဆောက်အအုံများ၊ ကျောက်မီးသွေးတွင်းတူးဖော်ရေးလုပ်ငန်းခွင်များ၊ ဆောက်လုပ်ရေးလုပ်ငန်းခွင်များ၊ အန္တရာယ်များ လွန်းသော ဓာတုပစ္စည်းများနှင့် လုပ်ကိုင်နေကြရသည့် လုပ်ငန်းခွင်များလုံခြုံရေးကို ကျယ်ကျယ်ပြန့်ပြန့် လုပ်ကိုင်ရန် ဆော်သြ ထားသည်။
တရုတ်နိုင်ငံသည် မြန်နှုန်းမြင့် မီးရထားကွန်ယက်များထွက်ပေါ်ရေးကို စီးပွားရေးနှင့် နည်းပညာဖွံ့ဖြိုး တိုးတက် လာသည့် ထွန်းသစ်စပါဝါ နိုင်ငံတစ်ခု၏ ကြန်အင်လက္ခဏာ တစ်ရပ်အဖြစ်ထားရှိရန် ကြိုးပမ်းလျက်ရှိရာ ယခုလို ကျည်ဆန်ရထားတိုက်မှုကြောင့် ဂုဏ်သိက္ခာပိုင်းဆိုင်ရာ ထိခိုက်မှုများကို ဖြစ်ပေါ်စေခဲ့သည်။
***********************************************************
မြန်မာနိုင်ငံရေးအကျဉ်းသားအားလုံးလွှတ်ပေးရန် ဘန်ကီမွန်းတိုက်တွန်း
(New Kerala မှသတင်းကိုဘာသာပြန်ဆိုသည်။)
မြန်မာနိုင်ငံ အလုပ်သမားဝန်ကြီးဌာနနှင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီးဌန ပြည်ထောင်စုဝန်ကြီး ဦးအောင်ကြည်နှင့် ဒီမိုကရေစီခေါင်းဆောင် ဒေါ်အောင်ဆန်းစုကြည်တို့တွေ့ဆုံဆွေးနွေးမှုကို ကုလသမဂ္ဂ အထွေထွေအတွင်းရေးမှူးဘန်ကီမွန်းက လွန်စွာကောင်းမွန်သော ဖြစ်ရပ်တစ်ခုအဖြစ် ချီးမွမ်းပြောဆိုပြီး မြန်မာအစိုးရအနေဖြင့် နိုင်ငံရေးအကျဉ်းသားများ အားလုံးကို လွှတ်ပေးရန် တိုက်တွန်း လိုက်သည်။
"ဒေါ်အောင်ဆန်းစုကြည်နှင့် ဦးအောင်ကြည်တို့ ဇူလိုင်လ ၂၅ ရက်နေ့ကတွေ့ဆုံဆွေးနွေးမှုကို ကုလအထွေထွေ အတွင်းရေးမှူးက ကြိုဆို လိုက်သည်" ဟု မစ္စတာ ဘန်ကီမွန်းကိုယ်စားထုတ်ပြန်သည့် ကြေညာချက်တစ်ရပ်တွင် ဖော်ပြထားသည်။
"အပြုသဘောဆောင်သည့်တွေ့ဆုံဆွေးနွေးမှုအပေါ်နှစ်ဖက်စလုံးကအားရကျေနပ်မှုရှိပြီး မြန်မာပြည်သူလူထု၏ လူမှုဘဝသာယာဝပြောရေး အတွက် အကျိုးဖြစ်ထွန်းစေမည့်လုပ်ငန်းများပူးပေါင်းဆောင်ရွက်နိုင်ရန် အာရုံစိုက်ကြသည်ကို ကုလအထွေထွေအတွင်းရေးမှူးက သတိပြုမှတ်သား ထားပါသည်" ဟူ၍ မစ္စတာ ဘန်ကီမွန်းကိုယ်စား ၎င်း၏ ပြောခွင့်ရအရာရှိက ကြေညာချက်တွင်ရေးသားဖော်ပြသည်။
"မြန်မာပြည်သူများ၏ မျှော်လင့်တောင့်တမှုများနှင့် မြန်မာအမျိုးသားအကျိုးစီးပွားများအတွက် စစ်မှန်သော ဒိုင်ယာလော့ခ်ပြုလုပ်ပြီး အပြန်အလှန် နားလည်မှုတည်ဆောက်ရန် ဆက်လက်ကြိုးပမ်းသွားကြလိမ့်မည်ဟု မစ္စတာ ဘန်ကီမွန်းက မျှော်လင့်ထားသည်" ဟုလည်း ပါဝင်သည်။
မြန်မာအစိုးရအနေဖြင့်လည်း ဖမ်းဆီးထိန်းသိမ်းခံထားရသော နိုင်ငံရေးအကျဉ်းသားများအားလုံး လွတ်မြောက်ရေးကို အစောတလျင် လုပ်ကိုင် ဆောင်ရွက်ပေးရန် မစ္စတာဘန်ကီမွန်းက တိုက်တွန်းပြောဆိုသည်။ ကုလသမဂ္ဂ အထွေထွေအတွင်းရေးမှူး၏ မြန်မာနိုင်ငံဆိုင်ရာ အထူးသံတမန် ဗီဂျေနမ်ဘီးရားသည်ယခုနှစ်အတွင်း မြန်မာနိုင်ငံသို့ လာရောက်လည်ပတ်ခဲ့ပြီး အစိုးရအဖွဲ့ဝင်အရာရှိကြီးများနှင့်လည်းကောင်း၊ လုံခြုံရေးကောင်စီသို့ အစီရင်ခံစာတင်ပို့ခဲ့သည်။ မစ္စတာ ဗီဂျေနမ်ဘီးရားက လတ်တလောကာလများအတွင်း နိုင်ငံရေးအကျဉ်းသားများ လွှတ်ပေးမှုကို ကြိုဆိုခဲ့သော်လည်း ကုလသမဂ္ဂ၏တောင်းဆိုချက်ဖြစ်သော မြန်မာနိုင်ငံရေးအကျဉ်းသားအားလုံး လွှတ်ပေးရေးကို ထပ်မံထုတ်ဖော်တိုက်တွန်းခဲ့သည်။ မစ္စတာ နမ်ဘီးရား သည် ကုလသမဂ္ဂ ဆိုင်ရာ အိန္ဒိယနိုင်ငံ အထူးသံတမန်အဖြစ်ဆောင်ရွက်ခဲ့ပြီး လက်ရှိအနေအထားတွင် အထွေထွေအတွင်းရေးမှူးချုပ်၏ ထိပ်တန်း အရာရှိ တစ်ဦးအဖြစ် တာဝန်ယူလုပ်ကိုင်လျက်ရှိသည်။
မြန်မာအစိုးရက ဖမ်းဆီးထားသောနိုင်ငံရေးအကျဉ်းသားအချို့ကို ပြစ်ဒဏ်လျှော့ချပေးခြင်းဖြင့် လွတ်မြောက်ခွင့်ပေးခဲ့ခြင်းအား မှန်ကန်သော လမ်းကြောင်းပေါ်မှ သေးငယ်သည့် အဆင့်တစ်ခုဖြစ်သည်ဟု ဆိုနိုင်သော်လည်း မျှော်လင့်ချက်များပြည့်မီသည့်အဆင့်သို့မရောက်ရှိသေးကြောင်း မစ္စတာ နမ်ဘီးရားက ဆိုသည်။
ပြီးခဲ့သည့် ဇွန်လအတွင်းကလည်း ဒေါ်အောင်ဆန်းစုကြည်က ကုလသမဂ္ဂ နိုင်ငံတကာအလုပ်သမားအဖွဲ့(ILO) အနေဖြင့် မြန်မာနိုင်ငံတွင်း လူမှုမျှတမှုရှိရေးမြှင့်တင်နိုင်ရေးအတွက် လုပ်ဆောင်ချက်များတိုးမြှင့်ပေးရန် တောင်းဆိုခဲ့သည်။
ဒေါ်အောင်ဆန်းစုကြည်သည် နှစ်ပေါင်း ၂၀ တာကာလအတွင်း ၁၅ နှစ်ကြာခန့်မျှ နေအိမ်အကျယ်ချုပ်ဖြင့် ဖမ်းဆီးထိန်းသိမ်းခံခဲ့ရပြီး ၂၀၁၀ ပြည့်နှစ်၊ နိုဝင်ဘာလ ၁၃ ရက်နေ့တွင်ပြန်လည်လွတ်မြောက်ခဲ့သည်။
Google Docs makes it easy to create, store and share online documents, spreadsheets and presentations.
