Posts
 | yangonchronicle 2011 |
၂၈.၇.၂၀၁၁
ပြည်တွင်းသတင်းများ
တာလေ ငလျင်ဒုက္ခသည် ၂၀၀ ကျော် မိုးထဲတွင် ယာယီတဲထိုး နေကြရ
ငလျင်ဒဏ် ဆိုးဝါးစွာခံခဲ့ရသည့် ရှမ်းပြည်အရှေ့ပိုင်းရှိ တာလေဒေသတွင် တစ်ပတ်ကျော်ကြာမိုးပြင်းထန်စွာ ရွာသွန်းမှုကြောင့် ပြန်လည် ထူထောင်ရေးလုပ်ငန်းများ ကြန့်ကြာနေရပြီး အိမ်မဆောက်ရသေးသည့် ဒုက္ခသည် ၂၀၀ ကျော် ယာယီတဲများဖြင့် နေကြရသည်ဟု ဒေသခံများ၏ ပြောကြားချက်အရ သိရသည်။
အများစုသည် ဌာနဆိုင်ရာမှ ဖြန့်ဝေထားသည့် မိုးကာနှင့်ဆောက်ထားသည့် တဲများတွင်နေထိုင်နေရပြီး အဆိုပါ ယာယီတဲများလည်း လုံလောက်မှု မရှိသောကြောင့် အချို့မှာ ကိုယ်ထူကိုယ်ထစနစ်ဖြင့် ဝါးတဲငယ်လေးများထိုးကာ ပလက်စတစ်မိုးကာများကာ၍ နေကြရကြောင်း တာချီလိတ်မှ ဒေသခံ တစ်ဦးက ပြောကြားသည်။
ရက်သတ္တပတ်ကြာ မိုးပြင်းထန်စွာရွာသွန်းမှုကြောင့် လမ်းများပျက်စီးကာ တာလေမြို့နယ်မှ ကျေးရွာများသို့ ဆောက်လုပ်ရေးပစ္စည်းများ သယ်ယူ ပို့ဆောင်ရန် ခက်ခဲနေသောကြောင့် ဆောက်လုပ်ရေးလုပ်ငန်းများ ရပ်တန့်ထားရကြောင်း တာလေမြို့ပေါ်ရှိ ကယ်ဆယ်ရေးနှင့် ဆောက်လုပ်ရေး လုပ်ငန်း များ လုပ်ဆောင်နေသည့် ကြက်ခြေနီအသင်းမှ တာဝန်ရှိသူတစ်ဦး၏ ပြောကြားချက်အရ သိရသည်။
တာလေမြို့ပေါ်ရှိ ရပ်ကွက်များနှင့် မိုင်းလင်းဒေသတွင် ဒေသခံအာဏာပိုင်များနှင့် ဒေသတွင်းအလှူရှင်များ၏ အကူအညီဖြင့် သွပ်မိုး၊ ပျဉ်ထောင် အိမ် စုစုပေါင်း (၃၁၈) လုံး ဆောက်လုပ်ပြီးစီးနေပြီ ဖြစ်ကြောင်း ကြက်ခြေနီအသင်းတာဝန်ရှိသူက ဆက်လက်ပြောကြားခဲ့သည်။
မတ်လ (၂၄) ရက်နေ့ည ၈ နာရီခွဲ ခန့်က လှုပ်ခတ်သွားသော ပြင်းအား ၆.၈ ရစ်ခ်ျတာစကေးရှိ ငလျင်ကြောင့် တာချီလိတ်ခရိုင် တာလေမြို့နယ်ခွဲမှ ရွာပေါင်း ၉၀၊ ပြည်သူ ၂၀၀၀၀ နီးပါး ငလျင်ဒဏ်သင့်ခဲ့ပြီး လူပေါင်း ၃၁၀၀ ကျော် အိုးမဲ့အိမ်မဲ့ ဖြစ်ခဲ့ရကြောင်း မြန်မာနိုင်ငံ ကြက်ခြေနီအသင်းက ထုတ်ပြန် ထားသည်။
၎င်း ငလျင်ကြောင့် ဆုံးရှုံးမှု တန်ဖိုးအားဖြင့် မြန်မာကျပ်ငွေ သန်း (၃) ထောင်ကျော် (အမေရိကန်ဒေါ်လာ ၃.၆ သန်းခန့်) ရှိသည်ဟု ငလျင် ကယ်ဆယ်ရေး ကော်မတီက ထုတ်ပြန်သည့် စာရင်းများက ဆိုသည်။
Moe Z
-----------------------------------------------------------------------------------------------------------------------------------
ပုဂ္ဂလိကပိုင်မြို့ပတ်ရထားလက်မှတ်ခ ၆၅ ကျပ်နှင့်အထက် ကောက်ခံမှသာ အရင်းကျေမည်ဟုဆို
ရန်ကုန်မြို့တွင်း ပြေးဆွဲလျက်ရှိသော မြို့ပတ်ရထားများကို ပုဂ္ဂလိကသို့လွဲပြောင်းပေးမည့်ကိစ္စနှင့် ပတ်သတ်ပြီး ဇူလိုင်လ ၂၆ ရက်က နေပြည်တော်ရှိ ရထားပို့ဆောင်ရေးဝန်ကြီးဌာနရုံးတွင် ဆွေးနွေးပွဲကျင်းပခဲ့ရာ နာမည်ကြီးစီးပွားရေး လုပ်ငန်းရှင်များနှင့် စိတ်ဝင်စားသော စီးပွားရေး လုပ်ငန်းရှင်များ တက်ရောက်ခဲ့ကြောင်း သိရသည်။
အဆိုပါ ဆွေးနွေးပွဲတွင် ပြည်ထောင်စုဝန်ကြီးက ရန်ကုန်မြို့တွင်း ပြေးဆွဲနေသော ရထားလက်မှတ်ခများကို ၁၅ မိုင် လျှင် ၆၅ ကျပ် ကောက်ခံပါက အရင်းကျေရုံသာရှိကြောင်း ပြောကြားကာ စီးပွားရေးလုပ်ငန်းရှင်များအနေဖြင့် သင့်တော်သော ဈေးနှုန်းများကို အဆိုပြုရန် ပြောကြားခဲ့သည်။
ဆွေးနွေးပွဲသို့ တက်ရောက်ခဲ့သော စီးပွားရေးလုပ်ငန်းရှင်အချို့က မြို့ပတ်ရထားလုပ်ငန်း လုပ်ကိုင်ခွင့်ကို နှစ်ရှည်လုပ်ကိုင်လိုပြီး ပထမနှစ်များတွင် အရှုံးခံရမည်ထင်ကြောင်း ပြောကြားခဲ့သည်။
ပြည်ထောင်စုဝန်ကြီးက မြို့ပတ်ရထားပုဂ္ဂလိက လွှဲပြောင်းရေးအစည်းအဝေးကို တစ်လအတွင်း ထပ်မံခေါ်ယူမည်ဖြစ်ကြောင်း ပြောကြားခဲ့သည်ဟု အဆိုပါ အစည်းဝေးသို့ တက်ရောက်ခဲ့သော စီးပွားရေးလုပ်ငန်းရှင်တစ်ဦးထံမှ သိရသည်။
Ref : Myanmar Times
-----------------------------------------------------------------------------------------------------------------------------------
ရေလုပ်သားမှတ်ပုံတင်များ ပြုလုပ်ပြီး အိမ်နီးချင်းနိုင်ငံများသို့ စာရင်းပေးပို့ထားမည်
မြန်မာရေလုပ်သားများ မြန်မာ့ပင်လယ်ပြင်တွင် အလုပ်လုပ်ကိုင်ရင်း မထင်မှတ်ဘဲ ပြည်ပရေပိုင်နက်အတွင်းသို့ ရောက်ရှိသွားပါက အကူအညီ ရရှိနိုင်ရန် ရေလုပ်သားမှတ်ပုံတင်များကို မြန်မာ-အင်္ဂလိပ် နှစ်ဘာသာဖြင့် ပြုလုပ်ပေး သွား မည်ဖြစ်ကြောင်း သိရသည်။
ပြီးခဲ့သည့်မတ်လအလယ်ပိုင်းတွင် မြန်မာ့ပင်လယ်ပြင်တွင် ဆိုးရွားသောရာသီဥတု ဖြစ်ပေါ်ခဲ့ခြင်းကြောင့် မြန်မာ့ရေလုပ်သားများ သီရိလင်္ကာ နိုင်ငံနှင့် အိန္ဒိယနိုင်ငံများသို့ မျောပါသွားခဲ့ပြီး အိန္ဒိယနိုင်ငံမှ တရားမ၀င်ရောက်ရှိလာသည်ဟုဆိုကာ အဆိုပါရေလုပ်သားများကို ထောင်ဒဏ်ချမှတ်မည့် ဖြစ်စဉ်များ ဖြစ်ပွားခဲ့ကြောင်း သိရသည်။
မြန်မာ့ပင်လယ်ပြင်တွင် ဆိုးရွားသော ရာသီဥတုဖြစ်စဉ်ကြောင့် သီရိလင်္ကာနိုင်ငံသို့ ရေလုပ်သား ၁၄ ဦးနှင့် အိန္ဒိယနိုင်ငံသို့ ရေလုပ်သား ၁၃၆ဦး မျောပါ သွားခဲ့ကြောင်း သိရသည်။
ထို့ကြောင့် ပြည်ပရေပိုင်နက်သို့ အကြောင်းအမျိုးမျိုးကြောင့် ရောက်ရှိသွားသည့် ရေလုပ်သားများ၏ အခက်အခဲကို ဖြေရှင်းနိုင်ရန်အတွက် ရေလုပ်သားမှတ်ပုံတင်များကို မြန်မာ-အင်္ဂလိပ် နှစ်ဘာသာဖြင့်ထုတ်ပေးကာ အိမ်နီးချင်းနိုင်ငံများကိုပါ အဆိုပါစာရင်းအား အကြောင်းကြား ပေးပို့သွားမည် ဖြစ်ကြောင်း သိရသည်။
Ref : Myanmar Times
-----------------------------------------------------------------------------------------------------------------------------------
ဧရာဝတီတိုင်းဒေသကြီးအတွင်း ဘူတာဆောက်လုပ်ရေးလုပ်ငန်းများကြောင့် အလုပ်အကိုင်များပြား
အသစ်ဖောက်လုပ်လျက်ရှိသော ရန်ကုန်-ဟင်္သာတ ရထားလမ်းပိုင်းတစ်လျှောက်မြို့နယ် ဘူတာရုံများ တည်ဆောက်လျက်ရှိရာ ဓနုဖြူဘူတာ ဆောက်လုပ်ရေး လုပ်ငန်းခွင်ကြောင့် မြို့ပေါ်နှင့် ပတ်ဝန်းကျင် ကျေးရွာရှိလူများ အလုပ်အကိုင်အခွင့်အလမ်းများ ရရှိနေကြောင်း သိရသည်။
၎င်းအပြင် အဆိုပါမြို့ကြီးနှစ်မြို့ ဆက်သွယ်ရာ ရထားလမ်းပိုင်းတစ်လျှောက်ရှိ မြို့နယ်ဘူတာရုံများလည်း တည်ဆောက်လျက်ရှိရာ ဒေသခံများ သည် ဘူတာရုံတည်ဆောက်ရေး လုပ်ငန်းခွင်များတွင် နေ့စားလုပ်ကိုင်ခွင့်များ ရရှိလာကြကြောင်း သိရသည်။
မြို့နယ်၏ အခြေအနေအရ အငှားကောက်စိုက်သမများ၏ တစ်နေ့တာ လုပ်အားခအဖြစ် ၁၅ဝဝ ကျပ်သာ ရရှိနေရာ အဆိုပါ လုပ်ငန်းခွင်၌ အမျိုး သမီးများ ဝင်ရောက်လုပ်ကိုင်မှု ရှိလာကြောင်း ဒေသခံများထံမှ သိရသည်။
ရန်ကုန်တိုင်းဒေသကြီးနှင့် ဧရာဝတီမြစ်ဝကျွန်းပေါ်ဒေသဖြစ်သော ဟင်္သာတမြို့တို့ တိုက်ရိုက်မီးရထားလမ်း ဖောက်လုပ်မှုကြောင့် ယင်းဒေသ နှစ်ခုအတွင်း ပထမဆုံးအကြိမ်ဆက်သွယ်မှုဖြစ်သဖြင့် ကုန်စည်စီးဆင်းမှု ပိုမိုလျှင်မြန်လာနိုင်မည်ဟု ဒေသခံများက သုံးသပ်သည်။
ယင်းဒေသများမှာ ရန်ကုန်မြို့နှင့် ကားလမ်း၊ ရေလမ်းများသာ ဆက်သွယ်မှုရှိခဲ့ရာမှ ယခုကဲ့သို့ လမ်းကြောင်းသစ် ဖြစ်ပေါ်လာမှုတွင် လတ်တလော အနေဖြင့် သိသာသောအပြောင်းအလဲအား တွေ့မြင်ရန် မလွယ်ကူသေးကြောင်း ပွဲရုံလုပ်ငန်းရှင်တစ်ဦးကလည်း သုံးသပ်သည်။
အဆိုပါ ရထားလမ်းမှာ ယခင်အစိုးရလက်ထက်တွင် အစပြုခဲ့သည့် ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့အတွင်း ပထမဆုံး အကြိမ် ဆက်သွယ်မှုဖြစ်ပြီး ရထားဖြတ်သန်းရာ ဧရာဝတီမြစ်ကူးတံတားသစ် တည်ဆောက်မှုမှာလည်း တစ်ဝက်နီးပါးပြီးစီးနေပြီဖြစ်ကြောင်း သိရသည်။
Ref : popular News
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
လွှတ်တော်ကိုယ်စားလှယ်များတွင် လိုအပ်ချက်များစွာ ရှိနေဟုဆို
ရန်ကုန်၊ ဇူလိုင် ၂၈။
လွှတ်တော်သုံးရပ် ကိုယ်စားလှယ်များတွင် Capacity Building နှင့် ပတ်သက်သည်များ ဖြည့်ဆည်းပေးရန် လိုအပ်ပြီး ယင်း လိုအပ်ချက်များအား အမြန်ဆုံးဖြည့်ဆည်း ပေးနိုင်ခြင်းမရှိပါက နိုင်ငံတော်တည်ဆောက်ရေးတွင် များစွာအနှောင့်အယှက် ဖြစ်နိုင်ကြောင်း ဥရောပအခြေစိုက် မြန်မာ့အရေး လှုပ်ရှားသူတစ်ဦးက သုံးသပ်ပြောဆိုသည်။
လွှတ်တော်ကိုယ်စားလှယ် အများစုသည် လွတ်လပ်ရေးအတွက် တိုက်ယူရသော အချိန်နှင့်နိုင်ငံတော် တည်ဆောက်ရေးအချိန်ကို သေချာစွာ သုံးသပ်နိုင်ခြင်း မရှိသေးသည့်အတွက် capacity Building အားနည်းနေရခြင်းဖြစ်သည့်အတွက် လွှတ်တော်ကိုယ်စားလှယ်များအား ၎င်းတို့၏အခြေ အနေကို သိအောင်ပြောပေးရမည်ဖြစ်ကြောင်း ယင်းက ဆက်လက်ပြောကြားသည်။
“ကိုယ်စားလှယ်က အနည်းအကျဉ်းသာ သိဖို့လိုတာပါ။ သူ့ကို State Building နဲ့ ပတ်သက်တဲ့ အကြံပေးလိုတဲ့ အဖွဲ့တွေ၊ လူပုဂ္ဂိုလ်တွေ ရှိတယ် ဆိုရင်တော့ ကိုယ်စားလှယ်က နိုင်ငံရေးလုပ်ငန်းကိုသာ အာရုံစိုက်လို့ရပြီ”ဟု ဆိုသည်။
Capacity Building အားနည်းနေသည့်အတွက် ဖွဲ့စည်းပုံအခြေခံဥပဒေ၏ ပေးထားချက်များကို သေချာမသုံးချနိုင်ကြောင်း၊ အုပ်ချုပ်ရေးမဏ္ဍိုင် နှင့် ဥပဒေပြုရေးမဏ္ဍိုင်တို့သည် တစ်သီးခြားစီ ရပ်တည်နေရန် လိုအပ်သော်လည်း ဖွဲ့စည်းပုံ အခြေခံဥပဒေနှင့် လွှတ်တော်ကိုယ်စားလှယ်တို့၏ ရပိုင်ခွင့်၊ လုပ်ပိုင်ခွင့်များကို သေချာသိရှိနားလည်ခြင်း မရှိသောကြောင့် တစ်ချို့သော အရပ်ဒေသများတွင် အုပ်ချုပ်ရေးအာဏာက ကြီးစိုးနေသည်များလည်း ရှိကြောင်း ပြည်တွင်း သတင်းအယ်ဒီတာတစ်ဦးက သုံးသပ်ပြသည်။
“ကြာရှည်သာ ဒီလိုဆက်သွားရင် ရွေးကောက်ပွဲလမ်းကြောင်းက သွားတယ်ဆိုပေမယ့် အရင်ကလို အာဏာဆိုတာ ပါးစပ်က သက်ဆင်းလာတဲ့ အခြေအနေကို ပြန်ရောက်သွားနိုင်တယ်”ဟု သတိပေးပြောဆိုသည်။
“လွှတ်တော်အစည်းအဝေးတွေ ကျင်းပပြီးချိန်မှာ ရလဒ်တွေ ဘယ်လောက်ထွက်သွားလဲဆိုတာနဲ့ လွှတ်တော်ကိုယ်စားလှယ်တွေမှ အရည်အချင်း ရှိတယ်/မရှိဘူး ဆိုတာ တိုင်းတာရမှာပဲ”ဟု ထိုင်းနိုင်ငံအခြေစိုက် အာရှဒေသ ရွေးကောက်ပွဲများ စောင့်ကြည့်လေ့လာရေး အဖွဲ့ဝင်တစ်ဦးက ဆိုသည်။
တိုင်းရင်းသားပါတီများကလည်း မိမိတို့ပါတီတွင်းရှိ အရွယ်သုံးပါးစလုံးတွင် Capacity Building အားနည်းနေ၍ ပါတီမှ ဦးစီးကျင်းပကာ သင်တန်း များ၊ အလုပ်ရုံဆွေးနွေးပွဲများ လုပ်ဆောင်ပေးထားသည်များလည်း ရှိကြောင်း ဆိုကြသည်။
YC(KS)
--------------------------------------------------------------------------------------------------------------------------------------------------------
ငြိမ်းချမ်းရေးကော်မရှင်ဖွဲ့စည်းရန် ရွေးကောက်ပွဲကော်မရှင် ဥက္ကဋ္ဌထံ တိုင်းရင်းသား ၅ ပါတီ တင်ပြ
၂၀၁၀ ရွေးကောက်ပွဲတွင်ဝင်ရောက်ယှဉ်ပြိုင်ခဲ့ကြသည့် တိုင်းရင်းသားညီနောင် ၅ ပါတီက ပြည်တွင်းငြိမ်းချမ်းရေးအတွက် ငြိမ်းချမ်းရေး ကော်မရှင် တရပ် ဖွဲ့စည်းလိုကြောင်း ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးနှင့် တွေ့ဆုံစဉ် ပြောကြားခဲ့ကြောင်း သိရသည်။
နေပြည်တော်တွင် ယနေ့ကျင်းပသည့် ပြည်ထောင်စု ရွေးကောက်ပွဲကော်မရှင် ဥက္ကဋ္ဌသစ် ဦးတင်အေးနှင့် နိုင်ငံရေးပါတီ ကိုယ်စားလှယ်များ တွေ့ဆုံပွဲ၌ တိုင်းရင်းသားညီနောင် ၅ ပါတီကိုယ်စားချင်းအမျိူးသားပါတီ ဥက္ကဋ္ဌဖြစ်သူ ဦးဇိုးဇမ်က တင်ပြခဲ့ခြင်းဖြစ်ကြောင်း သိရသည်။
ပြည်တွင်းငြိမ်းချမ်းရေးအတွက် ကြားဝင်စေ့စပ်ပေးနိုင်မည့် တတိယပုဂ္ဂိုလ်(Third Person) လိုအပ်ကြောင်း၊ ယင်းအတွက် တိုင်းရင်းသားညီနောင် ငါးပါတီအနေဖြင့် အဆင်သင့်ဖြစ်နေသည့်အကြောင်းကို ရွေးကောက်ပွဲကော်မရှင်ထံ အသိပေး တင်ပြခြင်းဖြစ်သည်ဟု ဦးဇိုးဇမ်က ဆက်ပြောကြားသည်။
တိုင်းရင်းသားညီနောင် ၅ ပါတီတွင် ကရင်တိုင်းရင်းသား ကိုယ်စားပြု ဖလုံ-စဝေါ်ဒီမိုကရက်တစ်ပါတီ၊ ချင်းအမျိုးသားပါတီ၊ မွန်ဒေသလုံးဆိ်ုင်ရာ ဒီမို ကရေစီပါတီ၊ ရခိုင်တိုင်းရင်းသားများ တိုးတက်ရေးပါတီနှင့် ရှမ်းတိုင်းရင်းသားများ ဒီမိုကရက်တစ်ပါတီတို့ ပါဝင်ကြောင်း သိရသည်။
ဇူလိုင်လ ၂၇ရက်နေ့တွင် ရွေးကောက်ပွဲကော်မရှင်ဥက္ကဋ္ဌနှင့် တွေ့ဆုံဆွေးနွေးပွဲသည် ၃ နာရီခန့် ကြာမြင့်ပြီး နိုင်ငံရေးပါတီများအနေဖြင့် တစ်ပါတီလျှင် အဆို တင်သွင်းရန် အချိန် ၅ မိနစ်ခန့် ရရှိခဲ့ကြသည်ဟု သိရသည်။
ယင်းတွေ့ဆုံပွဲတွင် လာမည့်ကြားဖြတ်ရွေးကောက်ပွဲကိစ္စကို အဓိကထားဆွေးနွေးခဲ့ကြကြောင်း၊ရွေးကောက်ပွဲကော်မရှင် ဥက္ကဋ္ဌသစ် ဦးတင်အေး ကလည်း လာမည့်ရွေးကောက်ပွဲများတွင် လွတ်လပ်ပြီး တရားမျှတသော ရွေးကောက်ပွဲဖြစ်စေရန် ကြိုးစားလုပ်ဆောင်ပေးမည်ဟု ၄ ကြိမ်တိုင်တိုင် ကတိ ပေးပြောဆိုခဲ့သည်ဟု တက်ရောက်သူများ၏ ပြောကြားချက်အရ သိရသည်။
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"လွတ်လပ်ရေး ခေါင်းဆောင်ကြီးတွေ လိုချင်တဲ့ သခင်ဘဝက ခပ်နိမ့်နိမ့် သခင်ဘဝ၊ စုတ်ချာချာသခင်ဘဝ မဟုတ်ပါ။ ကမ္ဘာမှာ မော်ကြွားနိုင်တဲ့ သခင်ဘဝ ပါ။ အဲဒီလိုဖြစ်ဖို့တော့ ကမ္ဘာ့နိုင်ငံရေးအမြင် ကျယ်ရပါမယ်။ ထို့အတူ နိုင်ငံတကာရဲ့ နိုင်ငံရေး၊ စစ်ရေးနဲ့ စီးပွားရေးကို စိတ်ဝင်စားမှု နည်းခဲ့တဲ့ သီပေါဘုရင် ကြောင့် ကျွန်တော်တို့ ကျွန်ဖြစ်ခဲ့တဲ့ သင်ခန်းစာကို သတိရပြီး ခေတ်သစ်ကိုလိုနီဝါဒဖြစ်တဲ့ အဝေးကနေ ကျွန်ပြုမယ့်အရေးကို စူးရှတဲ့နိုင်ငံရေးအမြင်နဲ့ ကြိုမြင်ပြီး ကာကွယ်ရပါ လိမ့်မယ်"
ဇူလိုင် ၂၈ ထုတ် ပြည်သူ့ခေတ် အတွဲ (၂) အမှတ် (၅၃) တွင်ပါသည့် ဆောင်းပါးရှင် ဒေါက်တာမောင်သင်း၏ " မြန်မာတက္ကသိုလ်တွေမှာ နိုင်ငံ ရေးသိပ္ပံ သင်ကြားရေး" ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
"ပညာရေးနဲ့ ပတ်သက်ပြီးမူအားဖြင့် ကျောင်းတွေမှာ ငွေမကောက်ရဘူး၊ ဆရာ၊ ဆရာမတွေ ကျူရှင်မပေးရဘူး၊ ကျောင်းသားတွေ မယူမနေရ ကျူရှင်မလုပ် ရဘူးဆိုတဲ့ ကျွန်တော်သိသလောက်တော့ မူဝါဒအားဖြင့် မပြောင်းဘူးလို့ ကျွန်တော်ထင်တယ်၊ စဉ်းစားပုံစဉ်းစားနည်းက အတူတူပဲလို့ ထင်တယ်၊ အရင် ကလည်း ဒီလိုရှိတယ်၊ ကျူရှင် မပေးရဘူး၊ ငွေ မကောက်ရဘူး ဆိုတာရှိပေမယ့် ကောက်တဲ့ဟာလည်း ကောက်နေကြတာပဲ၊ ကောက်တာတွေက အပြစ် မဟုတ်ဘူး၊ တကယ်က ကျောင်းသားတွေ ပညာတက်မြောက်ရေးနဲ့ စာမေးပွအြောင်ချက် မြင့်မားရေးကို အတူတူပဲလို့ သူတို့ထင်တယ်၊ စာမေးပွဲများများ အောင်ရင် ပညာများများတတ်တယ်လို့ သူတို့ထင်ကြတယ်၊ ကျွန်တော့်အထင် အဲဒါမတူဘူးလို့ ထင်တယ်၊ မတူတာကို တူတယ်ဆိုပြီး ဆရာတွေကို ဖိအား ပေးပြီး အောင်ရမယ်ဆိုတော့ ကျောင်းသားတွေက ကျူရှင်ပဲ ယူတာပေါ့"
ဇူလိုင် ၂၈ ထုတ် ပြည်သူ့ခေတ် အတွဲ (၂) အမှတ် (၅၃) တွင်ပါသည့် "ပညာတက်မြောက်ရေးနှင့် အောင်ချက်မြင့်မားရေး မတူကြောင်း ထုတ် ဖော်ပြောဆို " သတင်းမှ ဒေါက်တာခင်မောင်ညို၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"ဥပမာတစ်ခုကို ပြောရရင် လယ်ယာမြေနဲ့ပတ်သက်လို့ လက်ရှိမှာ ပြဋ္ဌာန်းထားတာဟာ လယ်လုပ်တဲ့သူ လယ်ပိုင်ခွင့် ရှိရမယ်ဆိုတာပဲ။ ဒါကို လယ်လုပ် သူက လယ်ပိုင်ဆိုင်ခွင့်ရှိရမယ်ဆိုရင် ရှုထောင့်အမျိုးမျိုးနဲ့ စဉ်းစားကြရတော့မယ်။ လယ်ယာမြေတွေကို ဒီမှာ နိုင်ငံတော်က ပိုင်တယ်။ လယ်လုပ်တဲ့သူက ပိုင်ဆိုင်ခွင့်ကို ယူလို့မရဘူး။ ဆိုလိုတာက ဒီမြေကြီးတွေကို တခြားတစ်ယောက်ကို ရောင်းစားလို့မရဘူး။ ဒါပေမဲ့ လုပ်ပိုင်ခွင့်ကိုတော့ လွှဲပြောင်းသွားတာမျိုး ရှိတယ်။ ဒီဥပဒေကို ပြဋ္ဌာန်းထားတယ်ဆိုတာက ဟိုအရင်က ချစ်တီးတွေက အကြွေးနဲ့ တောင်သူတွေဆီက သိမ်းမှာစိုးတဲ့အတွက်ကြောင့်ပဲ။ အခုလယ် သမားတွေ အကြွေးတင်တယ်ဆိုရင် အိမ်တို့၊ ကျန်တဲ့ပစ္စည်းတွေ သိမ်းလို့ရတယ်။ လယ်ကို သိမ်းလို့မရဘူး။ လယ်သည် နိုင်ငံတော်ပိုင် ဖြစ်နေသည့်အတွက် ကြောင့်ပါ"
ဇူလိုင် ၂၈ ထုတ် Popular News အတွဲ (၃) အမှတ် (၂၉) တွင်ပါသည့် "ခေတ်နှင့်အံမဝင်သော ဥပဒေများကို ပြင်ဆင်ရန် လွှတ်တော်သို့ တင်ပြ သွားမည်" သတင်းမှ ပြည်ခိုင်ဖြိုးပါတီမှ အထွေထွေအတွင်းရေးမှူး ဦးဌေးဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"ကျွန်မတို့ကတော့ တိုင်းပြည်အတွက် အကျိုးဖြစ်စေမယ့်ရလဒ်တွေပဲ မျှော်လင့်ပါတယ်၊ ဘာပဲလုပ်လုပ်ပေါ့နော်၊ ဘာစကားပဲပြောပြော၊ ဘယ်သူနဲ့ပဲတွဲတွဲ၊ ကျွန်မတို့ရဲ့ ရည်ရွယ်ချက်ကတော့ နိုင်ငံနှင့် တိုင်းပြည်အတွက် ပြည်သူပြည်သားများကို အကျိုးပြုဖို့ပါပဲ။ အဲဒါကိုပဲ ကျွန်မတို့ မျှော်လင့်ပါတယ်"
ဇူလိုင် ၂၈ ထုတ် Popular News အတွဲ (၃) အမှတ် (၂၉) တွင်ပါသည့် "အနာဂတ်အတွက် ခြေလှမ်းအစ သို့မဟုတ် အစိုးရသစ်နှင့် ဒေါ်အောင် ဆန်းစုကြည် ပထမဆုံးတွေ့ဆုံခြင်း" သတင်းမှ ဒေါ်အောင်ဆန်းစုကြည်၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အမျိုးသားပေါင်းစည်းညီညွတ်ရေး၏ အာရုံဦးလေလော
ဒေါ်အောင်ဆန်းစုကြည်နှင့် ပြည်ထောင်စုဝန်ကြီး ဦးအောင်ကြည်တို့သည့် အမျိုးသား ပြန်လည်သင့်မြတ်ရေးအတွက် ဒီမိုကရေစီ အစိုးရသစ် လက်ထက် ပထမဦးဆုံးအကြိမ် တွေ့ဆုံဆွေးနွေးမှု ပြုလုပ်ခဲ့ပြီးနောက် မြန်မာ့နိုင်ငံရေးလောကတွင် အမျိုးသား ပေါင်းစည်းညီညွတ်ရေး စတင်ဖြစ်ပေါ်နေပြီ လောဟု မေးခွန်းများ ပွက်လောထခဲ့လေသည်။ ယခင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ လက်ထက်က ဒေါ်အောင်ဆန်းစုကြည်နှင့် ဆက်သွယ်ရေးဝန်ကြီး ဦးအောင်ကြည်တို့ မျက်နှာဆိုင်တွေ့ဆုံခဲ့မှုမျိုးကို ကိုးကြိမ်တိုင်တိုင်ပြုလုပ်ခဲ့သော်လည်း တွေ့ဆုံ ညှိနှိုင်းသည်ဆိုသော ရုပ်ပြသဘောမျိုးသာ များပါသည်။
ယခင်အစိုးရ၏ နယကကြီး ဦးသန်းရွှေမှ တိုင်းပြည်ရှေ့ရေး အမှန်စင်စစ်ကောင်းကျိုးရလဒ်များ ဖြစ်ပေါ်စေချင်သော် ဒေါ်အောင်ဆန်းစုကြည်နှင့် တိုက်ရိုက်တွေ့ဆုံလိုက်ရုံပင် ဖြစ်လေသည်။ ဤသို့ ပြုလုပ်ရမည့်အစား ဆက်ဆံရေးဝန်ကြီးဟူ၍ ဖန်တီးကာ ရလဒ်ကောင်းများမထွက်သည့် ဆွေးနွေးပွဲများ ဖြင့်သာ အဆုံးသတ်ခဲ့ရလေသည်။ လူ့အဖွဲ့အစည်းတစ်ခုတွင် အကျိုးစီးပွားတိုက်ပွဲများဖြစ်လာခဲ့လျှင် ညှိနှိုင်းဆွေးနွေးပြီး အဖြေရှာခြင်း မျိုးသည်သာ ဘေးထွက်ဆိုးကျိုး အနည်းဆုံးနှင့် အထိရောက်ဆုံး ဖြစ်လေသည်။ တော်လှန်ရေးနည်းလမ်းဖြင့် တောင်းဆိုမှုများပြုလုပ်နိုင်သော်လည်း အောင်ပွဲကာလ ကျော်လွန်သော် ယင်းအတွက်ပေးဆပ်ရသည့် တန်ဖိုးများမှာ ရသည့်အောင်ပွဲနှင့် မထိုက်တန်သည်ကို တော်လှန်ရေး အတွေ့အကြုံရှိသူတိုင်း တွေ့မြင်ရမည် ဖြစ်လေသည်။
ယခုအခါတွင် အီဂျစ်တွင် အရပ်ဖက်လူ့အဖွဲ့အစည်းမှ အာဏာပိုင်အုပ်စိုးမှုအပေါ် အနိုင်ရသွားပြီဟု ပြောဆို၍ရနိုင်သော်လည်း တကယ်လက်တွေ့ တွင် စီးပွားရေး အကျပ်အတည်းတစ်ခုနှင့် ရင်ဆိုင်နေရပြီ ဖြစ်လေသည်။ တော်လှန်ရေးကာလ၏ မရေရာမှုများကို စိတ်ရှည်သည်းခံစွာ ဖြတ်သန်းခဲ့ကြသည့် ပြည်သူများသည်လည်း ယခုစီးပွားရေး ကျပ်တည်းမှုတွင် ဆက်လက် စိတ်ရှည်နိုင်ပါဦးမည်လောဟု မေးစရာရှိပါသည်။ နိုင်ငံတည်ဆောက်ရေးကာလကို အချိန်ကာလတစ်ခုကြာအောင် အောင်မြင်မြင်ဖြတ်သန်းပြီးချိန်ရောက်မှ တော်လှန်ရေး၏ အသီးအပွင့်များကို အမှန်တကယ် ခံစားနိုင်မည် ဖြစ်လေသည်။ ဒါတောင်မှ နိုင်ငံတည်ဆောက်ရေးကို အမှားအယွင်းအနည်းဆုံးဖြင့် အကောင်အထည်ဖော် ဆောင်ရွက် ရဦးမည်ဖြစ်သည်။
ယခုအခါ ဒေါ်အောင်ဆန်းစုကြည်နှင့် အလုပ်သမားဝန်ကြီး ဦးအောင်ကြည်တို့ တွေ့ဆုံရာ၌ နှစ်ဘက်စလုံးမှ ဆွေးနွေးပွဲအပေါ် အပြုသဘော ဆောင် ပြောကြားသွားခဲ့ပါသည်။ အေပီသတင်းဌာန၏ ဒေါ်အေးအေးဝင်းက "ဝန်ကြီးရှင်၊ ဒီနေ့တွေ့ဆုံပွဲဟာ အစိုးရနဲ့ ဒေါ်အောင်ဆန်းစုကြည်တို့အတွက် နောင်ဆက်လက်ပြီးတော့ Series Meeting ဆက်လာမယ်လို့ ပြောလို့ရတယ်ပေါ့နော်။ အဲဒီတော့ ဒီတွေ့ဆုံပွဲဟာ Natinal Reconciliation အတွက် ခြေလှမ်းတစ်ရပ်လှမ်းတာလို့ရော ခေါ်ဆိုလို့ရပါသလား' ဟု မေးမြန်ထားချက်ကို ပြည်ထောင်စုဝန်ကြီး ဦးအောင်ကြည်က "ကျွန်တော်တို့ ဒီတွေ့ဆုံမှုတွေကိုတော့ ဆက်လက်ပြီးတော့ လုပ်ဆောင်သွားဖို့ ခုနက ဒီထဲမှာပါတဲ့အတိုင်းပဲ ကျွန်တော်တို့ သဘောတူထားပြီးဖြစ်ပါတယ်။ ဒီဥစ္စာက ကျွန်တော်တို့ ပူးပေါင်း ဆောင်ရွက်ဖို့ကိစ္စတွေ၊ ရှေ့လျှောက်လုပ်သွားစရာ ကိစ္စတွေအများကြီးရဲ့ အစခြေလှမ်းတစ်ခုလို့ ပြောမယ်ဆိုရင်တော့ ပြောနိုင်ပါတယ်" ဟု ဖြေကြားသွားခဲ့ သည်။ တဖန် မြန်မာ့ဓနစီးပွားရေးမဂ္ဂဇင်း အယ်ဒီတာချုပ် ဦးသီဟစောက "အန်တီစု၊ ဒါက New Cabinet နဲ့ အန်တီစုရဲ့ Dialogue Conference အစလို့ ပြောမယ်ဆိုရင် အန်တီ့ဘက်က ဘာတွေမျှော်လင့်ထားပါသလဲ၊ ဘာတွေရလဒ်ရမယ်လို့ယူဆပါသလဲ" မေးမြန်းချက်အပေါ် ဒေါ်အောင်ဆန်းစုကြည်က "ကျွန်မတို့ကတော့ တိုင်းပြည်အတွက် အကျိုးဖြစ်စေမယ့်ရလဒ်တွေပဲ မျှော်လင့်ပါတယ်၊ ဘာပဲလုပ်လုပ် ပေါ့နော်၊ ဘာစကားပဲပြောပြော၊ ဘယ်သူနဲ့ပဲတွဲတွဲ၊ ကျွန်မတို့ရဲ့ ရည်ရွယ်ချက်ကတော့ နိုင်ငံနှင့် တိုင်းပြည်အတွက် ပြည်သူပြည်သားများကို အကျိုးပြုဖို့ပါပဲ။ အဲဒါကိုပဲ ကျွန်မတို့ မျှော်လင့်ပါတယ်" ဟု ပြန်လည် ဖြေကြားသွားခဲ့သည်။
ဒေါ်အောင်ဆန်းစုကြည်ဘက်မှ တလျှောက်လုံး ရပ်တည်လာခဲ့သည်မှာ အမျိုးသားပြန်လည် စည်းလုံးညီညွတ်ရေးအတွက် နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီနှင့် တွေ့ဆုံဆွေးနွေးရေး dialogue ဖြစ်သည်။ ယခင်အစိုးရမှလည်း အမျိုးသားဒီမိုကရေစီအဖွဲ့ချုပ်၏ ကမ်းလှမ်းချက်ကို မည်သည့်အခါ မှ လိုက်လျောခဲ့သည်မျိုးမရှိခဲ့ပါ။ နိုင်ငံတကာဖိအားများမှ လွတ်မြောက်ရာ လွတ်မြောက်ကြောင်း ရှောင်လွဲသည့် သဘောမျိုးဖြင့်သာ သရုပ်ပြ လုပ်ခဲ့ခြင်းမျိုးသာ ရှိခဲ့လေသည်။
ယခုအခါတွင်လည်း အပြည်ပြည်ဆိုင်ရာအလုပ်သမားအဖွဲ့(ILO)မှ မြန်မာနိုင်ငံတွင် အဓမ္မ လုပ်အားပေးခိုင်းစေမှုများ ရှိနေသည်အတွက် ပူးပေါင်း ဆောင်ရွက်မှုမပြုဟု တောင်းဆိုမှုမျိုးမှာ အစိုးရသစ်၏ တရားဝင်မှုအပေါ် နိုင်ငံတကာမျက်နှာစာတွင် မေးခွန်းထုတ်စရာများ ရှိလာခဲ့လေသည်။ ယင်း ပြဿနာကို ဖြေရှင်းရန်အတွက် ယခုကဲ့သို့ တွေ့ဆုံဆွေးနွေးမှုမျိုး ပြုလုပ်ကာ နိုင်ငံရေးလုပ်စားနေသလောဟုပင် သံသယရှိသူများက ဝေဖန်သုံးသပ်မှုများ ရှိနေလေသည်။ သို့သော် ရှိရင်းစွဲသဘောတရားအတိုင်းဆိုရလျှင် (Technically) ယခုလို တွေ့ဆုံညှိနှိုင်းမှုမျိုးမှာ အမျိုးသားစည်းလုံးညီညွတ်ရေး အတွက် အပေါင်းလက္ခဏာဆောင်သည်ဟု ဆို၍ရပါသည်။ တည်ဆဲဥပဒေများအရ တရားဝင်အဖွဲ့အစည်း မဟုတ်တော့သည့် အမျိုးသားဒီမိုကရေစီအဖွဲ့ချုပ်ကို ကိုလိုနီနောက်ပိုင်း ယခင်အစိုးရများလို မတရားအသင်းကြေညာခြင်းမျိုး မပြုလုပ်တော့ပေ။ ထို့မျှမက လွှတ်တော်ပြင်ပနိုင်ငံရေး (extra paliamentary) အင် အားစုများနှင့်လည်း တိုင်းပြည်တည်ဆောက်ရေး လုပ်ငန်းများကို ပူးပေါင်းဆောင်ရွက်သွားနိုင်ကြောင်း ပြသလိုက်ရာရောက်ပေသည်။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
