Posts
 | yangonchronicle 2011 |
၂၀.၈.၂၀၁၁
ပြည်တွင်းသတင်းများ
- တရားမဝင် မော်တော်ယာဉ် တင်သွင်းမှု ဆက်လက်လုပ်ဆောင်နေပါက တရားစွဲမည်
- ဘတ်ငွေဈေးနှုန်းကျဆင်း၍ မဲဆောက်ရောက် မြန်မာအလုပ်သမားများ ပြည်တော်ပြန်
- ကုမ္ပဏီံကြီးအချို့ ကျွမ်းကျင်လုပ်သားရရှိရေး မသမာနည်းလမ်းသုံး၍ ခေါ်ယူ
ပြည်တွင်းပါတီ၊ နိုင်ငံရေးသတင်းများ
- ဒေါ်အောင်ဆန်းစုကြည် နေပြည်တော်မှ ရန်ကုန်သို့ပြန်လည်ရောက်ရှိ
- ဒေါ်အောင်ဆန်းစုကြည် သမ္မတ ဦးသိန်းစိန်နှင့် ပထမဆုံးအကြိမ် တွေ့ဆုံခဲ့
- သမ္မတ၏ အလုပ်ရုံဆွေးနွေးပွဲတွင် ABSDF ခေါင်းဆောင်ဟောင်း စာတမ်းဖတ်
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- အမျိုးသားရင်ကြားစေ့ရေး ဇာတ်ပေါင်းခန်း လှစေချင်
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
တရားမဝင် မော်တော်ယာဉ် တင်သွင်းမှု ဆက်လက်လုပ်ဆောင်နေပါက တရားစွဲမည်
အမှတ် (၂) စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းမှ ပြည်တွင်းသတင်းမီဒီယာများအား အမှတ် (၂) စက်မှုဝန်ကြီးဌာနတွင် ခေါ်ယူတွေ့ဆုံစဉ် တရားမဝင် မော်တော်ကားများ တင်သွင်းနေခြင်းများ ဆက်လက်ပြုလုပ်နေလျှင် တရားစွဲဆို အရေးယူသွားမည် ဖြစ်ကြောင်း ပြည်ထောင်စုဝန်ကြီးမှ သြဂုတ်လ ၁၆ ရက်နေ့တွင် ပြောကြားခဲ့ကြောင်း သိရသည်။
ပြည်တွင်း စက်မှုဇုန်များတွင် မော်တော်ယာဉ် ထုတ်လုပ်ခွင့်လုပ်ငန်းများ လုပ်ကိုင်ဆောင်ရွက်ခွင့် ပြုရခြင်းမှာ စက်မှုလုပ်ငန်းများ ဖွံ့ဖြိုးတိုးတက် လာပြီး အလုပ်အကိုင် အခွင့်အလမ်းများ ပေါများလာစေရန် ရည်ရွယ်ချက်များဖြင့် ခွင့်ပြုခဲ့သော်လည်း အမှန်တကယ် ထုတ်လုပ်ခြင်းမပြုဘဲ တရားမဝင် လိုင်စင်မဲ့ကားများ ခိုးယူတင်သွင်းမှုများ ဆက်လက်ပြုလုပ် နေမည်ဆိုပါက တရားစွဲဆို အရေးယူသွားမည်ဖြစ်ကြောင်း ပြည်ထောင်စုဝန်ကြီးမှ ပြောကြား သည်။
တရားမဝင် မော်တော်ယာဉ်များ တင်သွင်းမှု ပြုလုပ်နေနိုင်ခြင်းမှာ သက်ဆိုင်ရာနေရာများမှ ဝန်ထမ်းများ၏ အကျင့်ပျက်ခြစားမှုများ ပါဝင်နေခြင်း ကြောင့်ဖြစ်ပြီး တရားမဝင် မော်တော်ယာဉ် တင်သွင်းမှုများသည် ဆိပ်ကမ်းနှင့် နယ်စပ်ဒေသများမှ တင်သွင်းကြခြင်းဖြစ်ကြောင်း မော်တော်ယာဉ် ဝယ်/ရောင်း လုပ်ကိုင်နေသူတစ်ဦးမှ ပြောကြားသည်။
ထို့ကြောင့် ဆိပ်ကမ်းများနှင့် နယ်စပ်ဝင်ပေါက်များမှ တရားမဝင်မောတော်ယာဉ်များ တင်သွင်းမှုများကို အရေးယူ ဆောင်ရွက်ရာတွင် အဓိက ကျသော တရားခံများကို ဖော်ထုတ် အရေးယူသင့်ကြောင်း ရန်ကုန်မြို့တွင်း နေထိုင်သူတစ်ဦးမှ ပြောကြားသည်။
ရန်ကုန်ဆိပ်ကမ်းများမှ ဇူလိုင်လ ၁၃ ရက်မှ သြဂုတ်လ ၃ ရက်နေ့ထိ တရားမဝင် မော်တော်ယာဉ် ၃၂ စီးအား ဖမ်းဆီးရမိခဲ့ကြောင်း သိရသည်။
YC
-----------------------------------------------------------------------------------------------------------------------------------
ဘတ်ငွေဈေးနှုန်း ကျဆင်း၍ မဲဆောက်ရောက် မြန်မာအလုပ်သမားများ ပြည်တော်ပြန်
မြန်မာ-ထိုင်းနယ်စပ်မြို့များတွင် သုံးစွဲလျက်ရှိသော ထိုင်းဘတ်ငွေ ဈေးနှုန်းကျဆင်းနေသည့်အတွက် မဲဆောက်တွင် သွားရောက် အလုပ် လုပ်ကိုင်လျက်ရှိသော မြန်မာအလုပ်သမားများ ပြည်တော်ပြန်ရန် စီစဉ်လျက်ရှိကြောင်း သိရသည်။
ယခင် ထိုင်းနိုင်ငံ မဲဆောက်မြို့၌ မြန်မာငွေနှင့် ဘတ်ငွေလဲလှယ်ရာတွင် ထိုင်းဘတ်ငွေ ၃၀၀၀ လျှင် မြန်မာငွေ ကျပ်တစ်သိန်း ရရှိသော်လည်း ယခုအခါ ထိုင်းဘတ်ငွေ ၄၂၀၀ ရှိမှသာ မြန်မာငွေကျပ် တစ်သိန်း ရရှိသည့်အတွက် ထိုင်းနိုင်ငံ၌ သွားရောက် အလုပ်လုပ်ကိုင်နေသူများမှာ စိတ်ဓာတ် ကျဆင်းလျက်ရှိကြောင်း သိရသည်။
ထိုင်းနိုင်ငံ၌ အခြေခံလုပ်သားများ လစာတိုးမည်ဆိုသည့် သတင်းထွက်ပေါ်နေခဲ့သော်လည်း ယခုချိန်ထိတိုင် လစာနှုန်းထားများ ပြောင်းလဲ သွားခြင်း မရှိသေးကြောင်း သိရသည်။
ပြီးခဲ့သည့် ဇွန်လပိုင်းအတွင်းတွင် ထိုင်းနိုင်ငံ၌ အလုပ်လုပ်ကိုင်လျက်ရှိသော တရားမဝင် နိုင်ငံခြားသား အလုပ်သမားများအတွက် တရားဝင် အလုပ်လုပ်ကိုင်ခွင့် ရရှိနိုင်စေရန် ထိုင်းအစိုးရမှ အလုပ်သမားမှတ်ပုံတင် ပြုလုပ်ပေးခဲ့ကြောင်း သိရသည်။
ထိုင်းနိုင်ငံ၌ ယခုကဲ့သို့ ဘတ်ငွေဈေးနှုန်း ကျဆင်းနေသည့်အတွက် နောက်ဆက်တွဲဆိုးကျိုးများဖြစ်သည့် ထိုင်းငွေကြေး ဖောင်းပွမှုများ ဖြစ်ပေါ်လာ မည်ကို ထိုင်းနိုင်ငံသားများ အထူးစိုးရိမ်လျက်ရှိကြောင်း သိရသည်။
ထိုင်းနိုင်ငံတွင် ဆန်စပါးနှင့် ပတ်သက်၍ မူဝါဒအပြောင်းအလဲများ ဖြစ်ပေါ်လာနိုင်ပြီး ထိုင်းအစိုးရသစ်၏ အပေါင်ခံမည့် အစီအစဉ်များကြောင့် ထိုင်းငွေကြေးဖောင်းပွလာနိုင်ကြောင်း ပညာရှင်အချို့က သုံးသပ်ကြသည်။
မြန်မာ-ထိုင်း ချစ်ကြည်ရေး တံတားမပိတ်ခင် အချိန်တွင် မဲဆောက်-မြဝတီ တရားဝင် ထိုင်းကုန်ပစ္စည်း တင်ပို့မှုများမှာ တစ်လလျှင် ဘတ်သန်း ၃၀၀၀ ကျော်ရှိပြီး မြန်မာမှ ထိုင်းသို့ ကုန်ပစ္စည်းတင်ပို့မှုမှာ ဘတ်သန်း ၁၅၀၀ ခန့်ရှိကြောင်း သိရသည်။
Ref: Weekly Eleven
-----------------------------------------------------------------------------------------------------------------------------------
ကုမ္ပဏီံကြီးအချို့ ကျွမ်းကျင်လုပ်သားရရှိရေး မသမာနည်းလမ်းသုံး၍ ခေါ်ယူ
မြန်မာနိုင်ငံ၌ ကျွမ်းကျင်လုပ်သားရှားပါးမှု ပြဿနာကြောင့် ပြည်တွင်းကုမ္ပဏီကြီးအချို့သည် လုပ်ငန်းတူ ကုမ္ပဏီများထံမှ ကျွမ်းကျင် လုပ်သား များကို မသမာသောနည်းလမ်းများဖြင့် မက်လုံးပေး၍ ခေါ်ယူခဲ့ကြကြောင်း သိရသည်။
လက်ရှိ မြန်မာနိုင်ငံ၌ အစိုးရသစ်လက်ထက်မှစတင်၍ နိုင်ငံခြား ရင်းနှီးမြှုပ်နှံမှုများ အလုံးအရင်း ဝင်ရောက်လာသည်နှင့်အမျှ ပြည်တွင်း ကုမ္ပဏီ အချို့တွင် ကျွမ်းကျင်လုပ်သား ရှားပါးမှုဒဏ်ကို ကြုံတွေ့နေရပြီး ၎င်းကုမ္ပဏီများမှ ကုန်ပစ္စည်းအသစ်ထုတ်လုပ်ခြင်း၊ လုပ်ငန်းသစ် စလုပ်ခြင်းမျိုး လုပ်ကိုင် ပါက အခြားလုပ်ငန်းတူ ကုမ္ပဏီများထံမှ ကျွမ်းကျင်လုပ် သား များကို ရရှိစေရန် နည်းမျိုးစုံအသုံးပြု၍ ခေါ်ယူကြကြောင်း သိရသည်။
ပြည်တွင်းရှိ ကုမ္ပဏီကြီးတစ်ခုတွင် ကျွမ်းကျင်လုပ်သား ခေါ်ယူရာ၌ အလုပ်အကိုင် အေဂျင်စီများမှ တစ်ဆင့်ခေါ်ယူခြင်း မပာုတ်ဘဲ အခြား လုပ်ငန်းတူ ကုမ္ပဏီရှိ မန်နေဂျာနှင့် ပူးပေါင်း၍ အခြားကုမ္ပဏီမှ ကျွမ်းကျင်လုပ်သားများကို မက်လုံးပေး၍ တစ်ဖက်လှည့်နည်းဖြင့် ခေါ်ယူခဲ့ကြောင်း သိရသည်။
ကုမ္ပဏီအချို့သည် ကျွမ်းကျင်လုပ်သားဆုံးရှုံးသွားသည့်အတွက် လုပ်ငန်းနှောင့်နှေးမှုများ ဖြစ်ပေါ်ခဲ့ပြီး ဈေးကွက်ဝေစု လျော့နည်းသွား ခြင်းမျိုးကို ကြုံတွေ့ရကြောင်း သိရသည်။
ထို့ပြင် ဘဏ်လုပ်ငန်းများတွင်လည်း ကျွမ်းကျင်လုပ်သား လုယူမှုဒဏ်ကို ခံစားနေရကြောင်း သိရသည်။ အစိုးရသစ် တက်လာပြီး နောက်ပိုင်းတွင် ဖွင့်လှစ်သည့် ပုဂ္ဂလိကဘဏ်အသစ်များမှ လုပ်ငန်းရှင်များသည် အခြားဘဏ်အပောာင်းများရှိ ကျွမ်းကျင်ဝန်ထမ်းများကို လုပ်ခနှစ်ဆ ပေး၍ ခေါ်ယူလေ့ရှိ ကြောင်း သိရသည်။
ထိုသို့ ပြည်တွင်းရှိ ကုမ္ပဏီကြီးအချို့တွင် ကျွမ်းကျင်လုပ်သား အပြိုင်အဆိုင် ခေါ်ယူမှုများကြောင့် ပြည်တွင်းလုပ် သားဈေးကွက်မှာ တတ်လာခဲ့ပြီး မန်နေဂျာအဆင့်ရှိသည့် လုပ်သားတစ်ဦး၏လစာမှာ ပျမ်းမျှလေးသိန်းမှ ခြောက်သိန်းထိ တိုင်ရှိကြောင်း သိရသည်။
ဝန်ထမ်းများ အလုပ်ပြောင်းရွှေ့သွားကြခြင်းမှာ ငွေကြေးကိစ္စရပ်များအပြင် လုပ်ငန်းခွင် ပျော်ရွှင်မှုများနှင့်ပါ ပတ်သက်သည့်အတွက် လုပ်ငန်းရှင် များအနေနှင့် အထူးဂရုစိုက်၍ ကျွမ်းကျင်လုပ်သားတည်မြဲစေရန် ဂရုပြုသင့်ကြောင်း ကုမ္ပဏီတစ်ခုမှ စီးပွားရေးအကြံပေးတစ်ဦးက ပြောကြားခဲ့သည်။
Ref: Modern
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ဒေါ်အောင်ဆန်းစုကြည် နေပြည်တော်မှ ရန်ကုန်သို့ပြန်လည်ရောက်ရှိ
ရန်ကုန်၊ သြဂုတ် ၂၀။
နေပြည်တော်သို့ ရောက်ရှိနေသော ဒေါ်အောင်ဆန်းစုကြည်သည် စီးပွားရေးဆိုင်ရာ အလုပ်ရုံဆွေးနွေးပွဲသို့ သွားရောက်ခဲ့ပြီးနောက် ရန်ကုန်မြို့သို့ ယနေ့ညနေ ၄ နာရီအချိန်တွင် ပြန်လည်ရောက်ရှိခဲ့ကြောင်း သိရသည်။
ဒေါ်အောင်ဆန်းစုကြည်သည် စီးပွားရေးဆိုင်ရာအလုပ်ရုံဆွေးနွေးပွဲ တက်ရောက်ရန် ရန်ကုန်မြို့မှ သြဂုတ်လ ၁၉ ရက်နေ့မနက် ၉ နာရီ အချိန်တွင် ထွက်ခွာသွားခဲ့ပြီး နေပြည်တော်သို့ရောက်ရှိစဉ် ပထမဆုံး နိုင်ငံတော်သမ္မတ ဦးသိန်းစိန်နှင့် သမ္မတအိမ်တော်တွင် သွားရောက်တွေ့ဆုံခဲ့သည်။
သြဂုတ်လ ၂၀ ရက်နေ့ နံနက် ၉ နာရီအချိန်တွင် ဒေါ်အောင်ဆန်းစုကြည်သည် အလုပ်ရုံဆွေးနွေးပွဲသို့ တက်ရောက်ခဲ့ပြီးနောက် ဆွေးနွေးပွဲ ခေတ္တရပ်နားချိန်တွင် ပြည်ထောင်စုဝန်ကြီးများဖြစ်ကြသည့် ဦးအောင်မင်း၊ ဦးအောင်ကြည်၊ ဦးစိုးသိန်းနှင့် ဗိုလ်ချုပ်သိန်းဌေးတို့နှင့် သီးခြားတွေ့ ဆုံခဲ့ကြောင်း သတင်းရရှိသည်။
အလုပ်ရုံဆွေးနွေးပွဲသို့ တက်ရောက်ခဲ့သည့် ပြည်တွင်းသတင်းထောက်တစ်ဦးမှ “ဒီနေ့ကျင်းပတဲ့ အလုပ်ရုံ ဆွေးနွေးပွဲကို ဒေါ်စု တက်ရောက် ခဲ့ပေမယ့် ပြည်ထောင်စုဝန်ကြီးများနှင့် သီးခြားတွေ့ဆုံပြီးတဲ့နောက် နံနက် ၁၁ နာရီအချိန်မှာ ရန်ကုန်မြို့သို့ ပြန်လည်ထွက်ခွာ သွားတယ်” ဟု ပြောကြား သည်။
ထို့နောက် ဒေါ်အောင်ဆန်းစုကြည်သည် နံနက် ၁၁ နာရီအချိန်တွင် နေပြည်တော်မှ ရန်ကုန်သို့ ပြန်လည်ထွက်ခွာခဲ့ပြီး ရန်ကုန်မြို့သို့ ညနေ ၄ နာရီအချိန်တွင် ပြန်လည်ရောက်ရှိခဲ့ကြောင်း သိရသည်။
ဒေါ်အောင်ဆန်းစုကြည်သည် နေပြည်တော်သို့ ရောက်ရှိစဉ် မြတ်မင်္ဂလာ ဟော်တယ်တွင် တည်းခိုနေထိုင်ခဲ့ကြောင်း သိရသည်။
YC
-----------------------------------------------------------------------------------------------------------------------------------
ဒေါ်အောင်ဆန်းစုကြည် သမ္မတ ဦးသိန်းစိန်နှင့် ပထမဆုံးအကြိမ် တွေ့ဆုံခဲ့
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်သည် နေပြည်တော်သို့ရောက်ရှိစဉ် သမ္မတ အိမ်တော်ရှိ နိုင်ငံတော် သမ္မတရုံး ခန်းမတွင် ဦးသိန်းစိန်နှင့် သြဂုတ်လ ၁၉ရက်နေ့တွင် သွားရောက်တွေ့ဆုံခဲ့ကြောင်း သတင်းရရရှိသည်။
ဒေါ်အောင်ဆန်းစုကြည်သည် နေပြည်တော်သို့ ရောက်ရှိစဉ် နိုင်ငံတော် သမ္မတဦးသိန်းစိန်နှင့် ခေတ္တတွေ့ဆုံပြီးနောက် လုံခြုံရေး အစောင့် အရှောက်များနှင့် နေပြည်တော်အတွင်း လှည့်လည်ကြည့်ရှုခဲ့ကြောင်း သိရသည်။ ထို့နောက် ညနေ ၄ နာရီ ၅ နာရီထိ သမ္မတအိမ်တော်ရှိ နိုင်ငံတော် သမ္မတ ရုံးခန်းမတွင် ဦးသိန်းစိန်နှင့် ထပ်မံတွေ့ဆုံခဲ့ကြောင်း နိုင်ငံပိုင်သတင်းဌာနများမှ သတင်းထုတ်ပြန်ခဲ့သော်လည်း တွေ့ဆုံဆွေးနွေးခဲ့မှုများနှင့် ပတ်သက်သည့် အကြောင်းအရာများကို ထုတ်ပြန်ကြေညာခြင်း မရှိကြောင်း သိရသည်။
ဒေါ်အောင်ဆန်းစုကြည်သည် အမျိုးသား ခေါင်းဆောင်တစ်ဦး ဖြစ်သည့်အတွက် သမ္မတ ဦးသိန်းစိန်အနေဖြင့် စီးပွားရေး ဆွေးနွေးပွဲ ဖိတ်ကြားခြင်း ထက် နိုင်ငံရေးဆွေးနွေးပွဲများသာ ပိုမိုဖိတ်ကြားသင့်ကြောင်း ပြည်သူ့လွှတ်တော် ကိုယ်စားပြုကော်မတီ (CRPP) ၏ အတွင်းရေးမှူး ဦးအေးသာအောင်က ပြောကြားပြီး မြန်မာနိုင်ငံတွင် ဖြစ်ပွားနေသည့် စီးပွားရေး၊ လူမှုရေး ပြဿနာအရပ်ရပ်ကို ဖြေရှင်းနိုင်ရန် နိုင်ငံရေးအရ ဆွေးနွေးပွဲများ ပိုမိုပြုလုပ် ပေးသင့်ကြောင်း ပြောကြားသည်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် စီးပွားရေးဖွံ့ဖြိုးမှုဆိုင်ရာ အလုပ်ရုံ ဆွေးနွေးပွဲသို့ သြဂုတ်လ ၂၀ ရက်နေ့တွင် တက်ရောက်ခဲ့ကြောင်း သိရသည်။
YC
-----------------------------------------------------------------------------------------------------------------------------------
သမ္မတ၏ အလုပ်ရုံဆွေးနွေးပွဲတွင် ABSDF ခေါင်းဆောင်ဟောင်း စာတမ်းဖတ်
နေပြည်တော်ရှိ မြန်မာအပြည်ပြည်ဆိုင်ရာ ကွန်ဗန်းရှင်းဗဟိုဌာနတွင် ကျင်းပပြုလုပ်လျက်ရှိသည့် စီးပွားရေး ဖွံ့ဖြိုးမှုဆိုင်ရာ အလုပ်ရုံ ဆွေးနွေးပွဲသို့ ယခင် ABSDF ခေါင်းဆောင်ဟောင်း မြန်မာစီးပွားရေးပညာရှင် ဒေါက်တာဇော်ဦးသည် စီးပွားရေဖွံ့ဖြိုးမှုဆိုင်ရာ အလုပ်ရုံဆွေးနွေးပွဲတွင် စာတမ်း ဖတ်ကြားရန် နေပြည်တော်တွင် ရောက်ရှိနေကြောင်း သိရသည်။
အမေရိကန်တက္ကသိုလ်ပါရဂူဘွဲ့ရ အမေရိကန်ပြည်ထောင်စုရောက် မြန်မာစီးပွားရေး ပညာရှင်တစ်ဦးဖြစ်သူ ယခင်က မြန်မာအစိုးရကို လက်နက် ကိုင် ဆန့်ကျင်ခဲ့သော ABSDF ခေါင်းဆောင် ဒေါက်တာဇော်ဦးသည် နေပြည်တော်တွင် ကျင်းပနေသာ စီးပွားရေးဖွံ့ဖြိုးမှုဆိုင်ရာ အလုပ်ရုံ ဆွေးနွေးပွဲသို့ တက်ရောက်ကာ ASEAN Economic Community in 2015: Opportunities and Challenges for Late Entrances စာတမ်းဖတ်ကြား တင်သွင်း ခဲ့ကြောင်း သိရသည်။
နေပြည်တော်တွင် သြဂုတ်လ ၁၉ ရက်မှ ၂၁ ရက်နေ့ထိ ၃ ရက်တိုင် ကျင်းပမည့် စီးပွားရေးဖွံ့ဖြိုးမှုဆိုင်ရာ အလုပ်ရုံဆွေးနွေးပွဲကို သြဂုတ်လ ၁၉ ရက်နေ့ မွန်းလွဲ ၁ နာရီတွင် စတင်ဖွင့်လှစ်ခဲ့သည်။ အဆိုပါ ဖွင့်ပွဲအပြီး ညနေ ၃ နာရီတွင် ပြုလုပ်သည့် အလုပ်ရုံ ဆွေးနွေးပွဲတွင် ဒေါက်တာဇော်ဦးမှ စာတမ်းတစ်ခုကို ဖတ်ကြားခဲ့ကြောင်း အစည်း အဝေးသို့ တက်ရောက်ခဲ့သည့် ပြည်တွင်း သတင်းထောက်တစ်ဦးမှ ပြောကြားသည်။
ဒေါက်တာဇော်ဦးသည် အမေရိကန် ပြည်ထောင်စု ကိုလံဘီယာ တက္ကသိုလ်တွင် နိုင်ငံတကာ လေ့လာရေးဆိုင်ရာ မဟာဘွဲ့ကို ၁၉၉၆ ခုနှစ် တွင် ရရှိခဲ့ ၁၉၉၈ မှ ၂၀၀၆ ခုနှစ်အထိ အမေရိကန်အခြေစိုက် မြန်မာ့ဒီမိုကရေစီ ရန်ပုံငွေအဖွဲ့တွင် သုတေသနနှင့် ပေါ်လစီများဆိုင်ရာ ညွှန်ကြားရေးမှူး အဖြစ် တာဝန်ထမ်းဆောင်ခဲ့သူဖြစ်ပြီး ယခင်မြန်မာအစိုးရကို လက်နက်ကိုင်ဆန့်ကျင်ခဲ့သော ABSDF ၏ တောင်ပိုင်းဒေသ ကော်မတီ ဥက္ကဋ္ဌ အဖြစ်တာဝန် ထမ်းဆောင်ခဲ့သူဖြစ်သည်။
အဆိုပါ စီးပွားရေးဖွံ့ဖြိုးမှုဆိုင်ရာ အလုပ်ရုံဆွေးနွေးပွဲသို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်လည်း ယနေ့တွင် တက်ရောက် ခဲ့ကြောင်း သိရသည်။
Ref : The Voice Weekly
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“ဒါက ရန်ကုန်တိုင်းပါတီအနေနဲ့ တွေ့ဆုံဖို့ စဉ်းစားနေတယ်။ ဒီကိစ္စက မပြတ်သေးပါဘူး။ သူတို့ဘက်က ထွက်ဖို့တင်တာပဲ ရှိတာလေ။ ဘာကြောင့်လဲ ဆိုတာ ဘာကြောင့်နှုတ်ထွက်တယ်ဆိုတာ ပြန်လှန်စဉ်းစားဖို့ ရှိသေးတယ်လေ။ ထွက်စာတင်တိုင်း ပါတီတစ်ခုက ထွက်လို့မရဘူးလေ။ ဝင်ချင်တိုင်းလည်း ဝင်လို့ မရဘူးလေ။ သူ့စည်းမျဉ်းစည်းကမ်းတော့ရှိရမယ်။ သူက ရေးထားတာတော့ နိုင်ငံရေးဦးဆောင်မှုကို မယုံကြည်တော့လို့ ထွက်ပါတယ် ဆိုပေမယ့် လာတင်တာ တစ်ဦးတည်းက လူအများအတွက်ဆိုပြီး ကတ်ပြားတွေစုပြီး လာတင်သွားတာ။ အရေးယူဆောင်ရွက်မှုကတော့ ဒီအတိုင်း ပါတီ စည်းမျဉ်း စည်းကမ်းအရ ဆောင်ရွက်သွားရမှာပဲ”
သြဂုတ် ၁၉ ထုတ် The Hot New အတွဲ (၂) အမှတ် (၅၃) တွင်ပါသည့် “NDF ပါတီဝင် (၄၅) ဦး နှုတ်ထွက်စာတင်မှု နိုင်ငံရေးဦးဆောင်မှုကို မယုံကြည်တော့၍ဟုဆို” သတင်းမှ ပါတီမူဝါဒရေးရာ ကော်မတီဝင်ဥက္ကဋ္ဌ ဦးခင် မောင်ဆွေ၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“၂၀၀၀ခုနှစ် နောက်ပိုင်းကစလို့ အရွယ်ရောက်ပြီးစ အမျိုးသမီး ကိုယ်ဝန်ဆောင်မှုတွေ သိသိသာသာ တိုးလာတယ်။ ကျွန်မ တာဝန်ယူ စောင့်ရှောက်ခဲ့ရတဲ့ ကိုယ်ဝန်သည် အမျိုးသမီးငယ်တွေတချို့က တက္ကသိုလ်ကျောင်းသူ အရွယ်ဖြစ်တယ်။ ခရီးလမ်းကြောင်းပေါ်က ဖယ်ရီပေါ် အတူထိုင်ရင် အထိအတွေ့ များလာတယ်။ ရုပ်ရှင်ရုံ သွားတယ်။ အတွဲခုံသီးသန့်မှာ ဆိတ်ကွယ်ရာ ရှာကြတယ်။ လက်ထပ်စာချုပ်မရှိဘဲ တည်းခိုခန်း ရောက်ကြတယ်။ ရင်းနှီးမှု အဆင့် ပိုလာတော့ လူမြင်ကွင်းလဲ မရှောင်နိုင်အောင် နေထိုင်ကြတယ်။ ကျွန်မ တွေ့နေတဲ့ လူငယ်အတွဲတွေက လိုင်းကားပေါ်မှာ ဖက်နမ်းနေတာတွေ၊ ရင်ခွင် ထဲရောက်နေတဲ့ အတွဲတွေ၊ ကားမှတ်တိုင်မှာ မှီနွဲ့ရပ်နေတာတွေ၊ ဒီကလေးတွေ သူတို့ချင်းယူဖြစ်လို့ သူတို့နှစ်ယောက်အတွက် အဆင်ပြေတယ် ဆိုရင် တောင် သူတို့ကို မြင်တွေ့ရတဲ့ အခြားလူတွေအတွက် လိင်မှုဆိုင်ရာ အကြမ်းဖက်မှု တစ်ခုခုကို တစ်နေရာရာမှာဖြစ်စေ နိုင်တယ်ဆိုတဲ့ ဆင်ခြင်တုံတရား လေး ရှိလာစေချင်ပါတယ်။ ဒါ ဒီမိုကရေစီနိုင်ငံ ဖြစ်တာနဲ့ မဆိုင်ပါဘူး။ လူတစ်ဦးချင်းစီရဲ့ အသိတရားနဲ့ဆိုင်တာမို့ အရွယ်မရောက်သေး၊ ရောက်ပြီးခါစ မိန်းကလေးကို အဓိကထားပြီး မိဘအုပ် ထိန်းသူတွေသွန်သင်ဆုံးမကြပါ”
သြဂုတ် ၁၉ ထုတ် The Hot New အတွဲ (၂) အမှတ် (၅၃) တွင်ပါသည့် “အုပ်ထိန်းခြင်းလျော့ကျလာမှုက ပြစ်မှုကို ဖိတ်ခေါ်နေ” သတင်းမှ တာမွေမြို့နယ်နေ အမျိုးသမီးသူနာပြုတစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“သိပ္ပံ၊ ဝိဇ္ဇာ နယ်နှစ်ခုစလုံးမှာ အချက်အလက်တွေ အဆက်မပြတ်ထွက်နေပြီး ဒီလောက်များတာ ဒါတွေနောက် အကုန် လိုက်ကျက်မယ့်နည်းကို သုံးလို့ ဘယ်လိုလုပ်ဖြစ်မှာလဲ။ အရင်းခံအချက်နဲ့ အကြောင်းအကျိုး ဆက်စပ်မှုတွေအပေါ် ဝေဖန် ဆင်ခြင်တတ်တဲ့ဉာဏ်အလေ့အကျင့်နဲ့ လေ့ကျင့်နည်းကိုရမှ နေထိုင်လို့ရမှာပဲ။ ပုဂ္ဂလိကကျောင်းတွေတော့ ဒါမျိုး လုပ်နေ တယ်။ တစ်နိုင်ငံလုံးမှာ ဒီစနစ်မျိုးဖြစ်ချင်တာ”
သြဂုတ် ၂၅ ထုတ် မြန်မာတိုင်းမ် အတွဲ (၂၇) အမှတ် (၅၃၁) တွင်ပါသည့် “ခေတ်မီသော နိုင်ငံသစ်တည် ဆောက်ရေးနှင့် သိပ္ပံပညာ မြှင့်တင်ရေး အတွက် လိုအပ်ချက်” သတင်းမှ လုမ္ပိနီပုဂ္ဂလိကကျောင်းကို တည်ထောင်သူ ဒေါက်တာသန့်လွင်မောင်၏ ပြောကြားချက်အပေါ် ကောက်နှုတ် ချက်
-----------------------------------------------------------------------------------------------------------------------------------
“ဒီမှာဘဏ်ချေးငွေ ထုတ်ချေးပေးနေတဲ့ ပုံစံက အဆင်မပြေဘူး။ တချို့လုပ်ငန်းတွေက လုပ်ငန်းအတွက် ရင်းနှီး မြုပ်နှံတဲ့ အခါ တစ်နှစ်နေမှ ငွေပေါ်မယ်၊ နှစ်နှစ်လောက်နေမှ ငွေပေါ်တာမျိုးတွေရှိတယ်၊ ဒါမျိုးဆိုရင် ဘယ်လိုလုပ်ပြီး သုံးလတစ်ကြိမ် အတိုးလာသွင်းနိုင်မှာလဲ၊ သုံးလတစ်ကြိမ် ပြန်ဆပ်ဖို့ အဆင် မပြေတော့ ချေးငွေအရင်းထဲ ထပ်တိုးပေါင်းပြီး ပြန်ဆပ်ရမယ့် ချေးငွေက တဖြည်းဖြည်းများလာတယ်၊ အဲဒီတော့ အချိန်မီ ပြန်ဆပ်ဖို့အရေး အပြင်ကနေ အတိုးကြီးကြီးနဲ့ ယူပြီးလုပ်ရတော့ လုပ်ငန်းအတွက် မရုန်းကန်ရဘဲ ချေးငွေအတွက် အတိုးနဲ့ပဲ ဒုက္ခရောက်ကြရတယ်၊ နောက်ဆုံး တရား စွဲခံရတဲ့အထိပဲ”
သြဂုတ် ၁၆ ထုတ် ကုမုဒြာ အတွဲ(၁) အမှတ် (၂၄) တွင်ပါသည့် “ဘဏ်ချေးငွေကြောင့် မနစ်မွန်းဖို့လို” သတင်းမှ ဘဏ်ချေး ငွေ ပြန်ဆပ်ဖို့ စီစဉ် နေတဲ့ လုပ်ငန်းရှင်တစ်ဦး၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အမျိုးသားရင်ကြားစေ့ရေး ဇာတ်ပေါင်းခန်းလှစေချင်
သြဂုတ်လ ၁၇ရက်နေ့က သမ္မတဦးသိန်းစိန် နေပြည်တော်စီးပွားရေးဖိုရမ်တွင် မိန့်ခွန်းပြောခဲ့ရာ အများတကစာ စိတ်ဝင်စားမည့် အချက်တစ်ချက် ပါဝင်လာခဲ့သည်။ ၁၉၈၈ ခုနှစ်မှစ၍ အကြောင်းအမျိုးမျိုးကြောင့် ပြည်ပနိုင်ငံများသို့ ရောက်ရှိသွားခဲ့ကြသော မြနမာများအားလုံး နေရပ်သို့ ပြန်လာနိုင် ကြောင်း၊ အပြစ်ဒဏ်အပေါ်မူတည်၍ သက်ညှာစွာ စဉ်းစားပေးမည်ဖြစ်ကြောင်း ပြောကြားသွားခဲ့သည်။ သို့ရာတွင် မည်သို့သော ပြစ်ဒဏ်များကို လျော့ပေါ့ခွင့်ပြုကြောင်း နောက်ဆက်တွဲကြေညာချက်ကား ထွက်ပေါ်မလာသေးချေ။ ထို့ကြောင့် အဆိုပါ မိန့်ခွန်းအပေါ်တွင် ဝေဖန်သံများနှင့် ထင်မြင်ချက်များ အမျိုးမျိုးထွက်ပေါ်လာလျှက် ရှိသည်။
ကြိုဆိုသူကများပြား
တောင်းစုတ်ပလုံးစုတ်သာ စွန့်ပစ်မည်၊ သားသမီးဆိုး စွန့်ရိုးထုံးစံမရှိ၊ မြန်မာ့မြေသည် မြန်မာအားလုံးနှင့် သက်ဆိုင်သဖြင့် သမ္မတက ပြန်လာခွင့် ပြုလိုက်ခြင်းကို အချို့က ကြိုဆိုသည်။ ပြည်ပရောက် မြန်မာများတွင် ပညာရှင် များလည်း ပါဝင်သဖြင့် ဒီမိုကရေစီ စနစ်ကို စတင်ဖော်ဆောင် နေသေးသည့် နိုင်ငံလေးအတွက် ၎င်းတို့ တတ်မြောက်ထားသော ပညာရပ်များ အမှန်တကယ်လိုအပ်နေပါသည်။ သမိုင်းတလျောက်လုံး အေးချမ်းမှု မရှိဘဲ ကုန်လွန်သွား ကြသည့် အချိန်များကို နှမြောတမ်းတစွာ ပြောဆိုသည်။ ယခုအချိန်သည် ရန်ဖြစ်ငြင်းခုံနေမည့်အစား မြန်မာသွေးပါသူမှန်သမျှ နိုင်ငံတော်ကို ကောင်းစား တိုးတက်ရေးကို မြင်လိုကြသည့်အတွက် ယခုမှစ၍ အားလုံးလက်တွဲပါဝင်ကြပါရန်နှင့် မြန်မာသည့် မြန်မာအားလုံးနှင့်ဆိုင်သော နိုင်ငံဖြစ် ကြောင်း ထည့်သွင်းပြောကြားခဲ့သည်။
လက်တွေ့ကျသော အပြောင်းအလဲပြဖို့လို
ဤနေရာတွင် သမ္မတကြီးအနေဖြင့် သိမ်မွေ့စွာ ကိုင်တွယ်နိုင်ရန် လိုအပ်သည်။ ပြန်လာချင်သူများ ရဲရဲဝံ့ဝံ့ပြန်လာနိုင်ရန် ရေခံမြေခံများ ဖော်ဆောင်ပေးရေးသည် သမ္မတကြီး၏ အမိန့်ပေါ်တွင် မူတည်နေသည်။ ပြစ်ဒဏ်မခံချင်၍ ထွက်ပြေး နေသူကို ပြစ်ဒဏ်လျော့ပေးပါမည်၊ ပြန်လာပါဟု ပြောကြားခြင်းမှာ အတော်ကသိကအောက်နိုင်သည်။ မည်သို့သော ပြစ် ဒဏ်မျိုးကို ခွင့်လွှတ်သည်၊ မည်သို့သောပြစ်ဒဏ်ကို လျော့ပေါ့ကျခံစေမည် စသည်ဖြင့် မူဝါဒများ လိုအပ်သည်။ မိန့်ခွန်းထဲက တော်ရုံတန်ရုံ ပစ်မှုဆိုသည်မှာ အဘယ်နည်း။ လူသတ်မှုလား၊ မုဒိမ်းမှုလား၊ ထိုကဲ့သို့သော အပြစ်မျိုးသည် မည်သည့် လူ့အဖွဲ့အစည်းကမှ လက်ခံနိုင်ခြင်း မရှိရာ ထိုကဲ့သို့သော လူပုဂ္ဂိုလ်များကို လုံးဝကင်းလွတ်ခွင့် ပြုရန်မလို၊ ထိုက်သင့်သော ပြစ်ဒဏ်ချမှတ် ရမည်ဖြစ်သည်။ သို့သော် ယခင်စစ်အစိုးရလက်ထက်က အသက်နှင့်ခန္ဓာကိုယ် တည်မြဲရေးအတွက် နယ်စပ်မှတဆင့် ထွက်ပြေးသွားရသူများသည် နယ်စပ် ဖြတ်ကျော်မှု၊ ခြေချုပ်ဖောက်ဖျက်မှု၊ တရားမဝင် အဖွဲ့အစည်းများ၊ လက်နက်ကိုင်များနှင့် ဆက်သွယ်မှုဟူသော ပုဒ်မကြီးများဖြင့် ငြိစွန်းနေသည်။ နိုင်ငံတော် ကို တည်ငြိမ်ရေးကို နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်ရေးဟူသော ပုဒ်မသည် ပြန်လာလိုသူအတွက် အတားအဆီးတစ်ခု ဖြစ်နေသည်။ လူသတ်မှုပင်လျှင် ထောင်ဒဏ် ၇ နှစ်မှ ၁၀နှစ်အတွင်းသာဖြစ်ရာ ထောင်ဒဏ် ၄၅နှစ်မှ နှစ် ၆၀အထိ ကျခံရနိုင်သော အထက်ပါ ပြစ်မှုများအတွက် မည်သို့မည်ပုံ သင်ပုန်းချေပေးမည်နည်းဆိုသည်က ပြဿနာ ဖြစ်သည်။ လူသတ်မှုကို ခွင့်မလွှတ်နိုင်၊ သို့ရာတွင် နိုင်ငံတော်ပုန်ကန်မှုက လူသတ်မှုထက်ဆိုးသည်။ အစိုးရနှင့် မတည့်တိုင်း နိုင်ငံတော်ပုန်ကန်မှုဟူသော ပုဒ်မကို အရင်ဖျက်ရမည်။ သို့မှသာ ဖေ့စ်ဘုတ်ပေါ်တွင် အစိုးရကို မကျေနပ် သည့် အကြောင်း ရင်ဖွင့်ရုံမျှဖြင့် ထောင်ဒဏ် ၄၅နှစ်ခန့် ကျခံရနိုင်သောသူများ ပြန်လည်ဝင်ရောက် ရန် အဆင်ပြေနိုင်မည်ဖြစ်သည်။
ပြသင့်သလောက်တော့ပြ
အစိုးရအနေဖြင့် မည်သည့် လူပုဂ္ဂိုလ်အဖွဲ့အစည်းကိုမဆို အမျိုးသား ပြန်လည်သင့်မြတ်ရေးအတွက် လက်ခံကြို ဆိုလျက်ရှိကြောင်း၊ အကြံဥာဏ် များကို ရယူလျက်ရှိကြောင်း လက်တွေ့ပြသသည့် အချက်လေးတွေတော့ရှိသည်။ ကာလရှည်ကြာ အငြိုးအတေးကြီးခဲ့သော ဒေါ်အောင်ဆန်းစုကြည်ကို ဖိတ်ခေါ်သည်။ နေပြည်တော်သို့ မဖိတ်ခေါ်မီမှာပင် ဒေါ်အောင်ဆန်းစုကြည့်နှင့် ထိတွေ့ဆက်ဆံပြီး သူမအတွက် လိုအပ်သည့် လုံခြုံရေး၊ ခရီးသွားလာ ခွင့်များ ခွင့်ပြုပေးခဲ့သည်။ မြန်မာ့နိုင်ငံရေးတွင် ဒေါ်အောင်ဆန်းစုကြည်လောက် အရေးပါသူမရှိတော့ရာ သူမကဲ့သို့ ပုဂ္ဂိုလ်မျိုးကိုပင် ဖိတ်ခေါ် နေရာပေး နေပါက ကျန်သည့်ပုဂ္ဂိုလ်များအတွက် စိတ်ပူရန် မလိုတော့ဟု ယူဆကောင်း ယူဆနိုင်သည်။ ထို့ပြင် ယခင် ABSDF အဖွဲ့၏ တောင်ပိုင်းစစ်ကော်မရှင် ဥက္ကဋ္ဌဟောင်း စီးပွားရေးပညာရှင် ဒေါက်တာဇော်ဦး စီးပွားရေးဆိုင်ရာ အလုပ်ရုံ ဆွေးနွေးပွဲတွင် “၂၀၁၅ အာဆီယံ စီးပွားရေး အသိုင်းအဝိုင်း အဖွဲ့ဝင် သစ်များအတွက် အခွင့်အလမ်းနှင့် စိန်ခေါ်မှုများ” ဟူသည့် စာတမ်းဖတ်ကြား တင်သွင်းခဲ့သည်။ ယခင်က ထိုသို့သော ကိစ္စမျိုးသည် အိပ်မက်ပင်မက်ဖို့ မလွယ်သည့် ကိစ္စဖြစ်သည်။ အစိုးရအနေဖြင့် နိုင်ငံကို အကျိုးပြုမည့် ပညာရှင်များ လိုအပ်လျက် ရှိကြောင်းကို ကောင်းစွာ နားလည်ထားပုံရသည်။
သတိတော့ရှိရန်လို
ဒေသတွင်းနိုင်ငံများနှင့်ယှဉ်လျှင်ပင် အပြတ်အသတ် နောက်ကျကျန်ခဲ့သော နိုင်ငံကို ခေတ်မှီဖွံ့ဖြိုးတိုးတက်ရန် ဦးသိန်းစိန် စိတ်ပိုင်းဖြတ်ထားပုံ ရသည်။ ဒေါ်အောင်ဆန်းစုကြည်ကဲ့သို့ လူထုထောက်ခံသော၊ နိုင်ငံတကာ ထောက်ခံသော နိုဗယ်ဆုရှင် ထံမှ အထောက်အကူများစွာရနိုင်ကြောင်း သိထား၍ သူမကို နေရာပေးလာသည်။ အခြားအခြားသော မြန်မာ ပညာရှင်များကိုလည်း နေရာပေးမည့် သဘောရှိသည်။ သို့ရာတွင် ထိုသို့အစိုးရက ကြိုဆိုမည့်သူ မှန်သမျှသည် ဦးသိန်းစိန် မကြာခဏပြောလေ့ရှိသည့် တရားမျှတစွာ ရွေးကောက်ပွဲမှ နိုင်ငံ့အာဏာကို ရယူရန်အတွက် ၂၀၀၈ ဖွဲ့စည်း ပုံကို လက်ခံနိုင်စွမ်း ရှိသူများဖြစ်ရန် လိုအပ်ပေမည်။ အရပ်သားအစိုးရဆိုသည့်တိုင် မိမိကို အတိုက်အခံ အကြီးအကျယ် ပြုမည့်သူမျိုးကို သည်းခံနိုင်သည့် စွမ်းရည် မြန်မာ ဗိုလ်ချုပ်ဟောင်းကြီးများထံတွင် မရှိသေး။ ဘေးထိုင်ဘိုင်ကျ၊ ဘုပြောနေသူများကို လက်ခံမည့် အခြေအနေတော့ မရှိပေ။ မြန်မာအစိုးရ ရွေးချယ်ထားသည့် နိုင်ငံရေး လမ်းကြောင်းကိုလည်း လက်ခံပါမှ နေရာပေးမည့်သဘောရှိသည်။
ပြန်မလာလိုသူနှင့် ပြန်လာလိုသူ
ပြည်ပရောက်အချို့ကမူ မိမိတို့ နှစ်ပေါင်းနှစ်ဆယ်ကျော် အော်ဟစ်ခဲ့ကြသော လုံးဝပြည့်ဝသော ဖက်ဒရယ် ပြည်ထောင်စု၊ လုံးဝ လွတ်လပ်စွာ ပြောဆိုရေးသားခွင့်နှင့် အလုံးစုံ စစ်မှန်သော ဒီမိုကရေစီ မရသေးသမျှ ပြန်မလာနိုင်ဟု ဆိုကြသည်။ ယခု စနစ်သည် ဒီမိုကရေစီကို စတင်တည်ဆောက်စ၊ အထူးသဖြင့် စစ်တပ်ဦးဆောင်ဒီမိုကရေစီဟုသာ ဆိုရမည်။ ဒီမိုကရေစီသည် တစ်ရက်တည်း တစ်လတည်းဖြင့် တည်ဆောက်၍ မရနိုင်၊ စစ်တပ်မှ အရပ်ဘက်အုပ်ချုပ်ရေး အာဏာ ပြောင်းခြင်းတွင် အပေးအယူများစွာရှိခဲ့သည့် ကမ္ဘာ့သီအိုရီကြီးများကို ပြည်ပရောက် မြန်မာများမေ့နေကြ၍လား၊ မသိ၍ ပဲလား၊ သို့တည်းမဟုတ် လုံးဝ ဒီမိုကရေစီစစ်စစ်နိုင်ငံကြီးတွင် နေထိုင်ရသည်မှာ အသားကျနေပြီဖြစ်၍ ယခုမှ စလုံးရေစမည့် ဒီမိုကရေစီနိုင်ငံလေးကို ပြန်မလာချင်ကြ၍လားဆိုသည်မှာ ကာယကံရှင်တို့သာ သိပေလိမ့်မည်။
ဇာတ်ပေါင်းခန်းလှစေချင်သည်
မည်မျှပင် ဇာတ်နာသည်ဖြစ်စေ၊ မင်းသားနှင့် မင်းသမီးညားမှ ကြိုက်သော မြန်မာ့လူ့အဖွဲ့အစည်းကတော့ သားရွှေအိုးထမ်းလာသည်ကိုသာ မြင်လိုကြသည်။ ပြည်ပရောက် မြန်မာပညာရှင်များလည်း ပြန်လာ၍ အမိနိုင်ငံကို အကျိုးပြု၊ အစိုးရဆိုသူမှလည်း ယင်းတို့၏ အရည်အချင်းနှင့် ညီမျှသော တော်သင့် ထိုက်တန်သင့် နေရာများပေးခြင်းတို့ဖြင့် အမျိုးသား ရင်ကြားစေ့ရေးပြဇာတ်ကို လှပစေချင်ပါသည်။ ပညာရှင်မဟုတ်သော်လည်း မြန်မာ့ လူ့အဖွဲ့ အစည်းအတွက် ကျရာနေရာမှ ပါဝင်ထမ်းဆောင်လိုသည့် မြန်မာနိုင်ငံသားများ ဘေးအန္တရာယ်ကင်းစွာ ပြန်လာနိုင်ရန်လည်း အစိုးရတွင် တာဝန်ရှိပါသည်။
နိုင်ငံတော်ဆိုသူ အစိုးရကို တိုက်တွန်းလိုသည်မှာ အာဏာသည် အစိုးရလက်ဝယ်တွင်သာရှိနေသဖြင့် ယခု ကိစ္စအရပ်ရပ်ကို အစိုးရက ဦးဆောင်ပါမှ၊ အစိုးရက သဘောထားကြီးပါမှ ရမည့်အခြေအနေဖြစ်သည်။ ထို့ကြောင့် နှစ်ပေါင်းများစွာ အကြောက်စွဲနေခဲ့သူများ ယုံကြည်မှုအပြည့်နှင့် ပြန်လာနိုင်ရန် ယင်းတို့နှင့် အလားတူပြစ်မှုများဖြစ်သော ခြေချုပ်ဖောက်ဖျက်မှု၊ အီလက်ထရောနစ်မီဒီယာ အက်ဥပဒေ ဖောက်ဖျက်မှု၊ နယ်စပ်ဖြတ်ကျော်မှု စသည့် ပြစ်မှုများ ကျူးလွန်၍ နိုင်ငံအတွင်းရှိ ထောင်အသီးသီးတွင် ပြစ်ဒဏ်ကျခံနေရသူများကိုလည်း အပြစ်ဒဏ်မှ လွတ်ငြိမ်းချမ်းသာခွင့်ပြုပေးရန်မှာ အထူး အရေးကြီးသည့်အချက် ဖြစ်သည်။ အစိုးရ၏ သဘောထားကြီးမှုအပေါ် ယုံကြည်ကိုးစားမှုရှိလာပါက မည်သည့် နိုင်ငံသားမျှ လူမျိုးခြားနိုင်ငံတွင် တစ်မိနစ် မျှပင် နေလိုကြတော့မည်မဟုတ်၊ မိမိတို့ တတ်စွမ်းသမျှ အားဖြင့် အမိနိုင်ငံကို အလုပ် အကျွေးပြုရန် အပြေးအလွှား ပြန်လာကြပေလိမ့်မည်။ နေပြည်တော်၊ မင်္ဂလာဒုံစသည့် လေဆိပ်ကြီးတွင် အမိနိုင်ငံ၏ ရင်ခွင်သို့ ပြန်လာသူများကို အစိုးရမှ ဦးဆောင်၍ ယင်းတို့၏ ဆွေမျိုးသားချင်း မိတ်ဆွေများက ဖက်လှဲတကင်း ကြိုဆိုနေကြသည့် လှပသည့် ဇာတ်ပေါင်းခန်းများကို မြင်တွေ့ရရန် အချိန် မဝေးတော့ဟုသာ ထင်မြင်မိသည်။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
