Posts
 | yangonchronicle2011 |
၂၂.၁၁.၂၀၁၁
ပြည်တွင်းသတင်းများ
- မဟာမဲခေါင်စီးပွားရေးဖိုရမ် UMFCCI က ဥက္ကဋ္ဌအဖြစ်တာဝန်ယူမည်
- နိုင်ငံခြားရင်းနှီးမြှုပ်နှံမှုအတွက် ငါးနှစ်ဝင်ငွေခွန် ကင်းလွတ်ခွင့်ရရှိနိုင်ရန် ဆောင်ရွက်
- မြန်မာ့အာမခံလုပ်ငန်း ပုဂ္ဂလိကသို့ လွှဲမည့်သတင်း မမှန်
ပြည်တွင်းပါတီ၊ နိုင်ငံရေးသတင်းများ
- ဒေါ်အောင်ဆန်းစုကြည်ကိုယ်တိုင် ကြားဖြတ်ရွေးကောက်ပွဲ ဝင်နိုင်ချေများဟု ဦးဥာဏ်ဝင်းပြော
- ပညာရေးနှင့်ပတ်သက်၍ လူအားမနိုင်ပါက ငွေအားဖြစ် ကူညီပေးကြရန် ဒေါ်အောင်ဆန်းစုကြည်က မေတ္တာရပ်ခံ
- ပြည်သူ့လွှတ်တော်၏ တည်ဆဲဥပဒေများ စိစစ်သုံးသပ်ရေးကော်မရှင်ကို အမည်ပြောင်းလဲဖွဲ့စည်း
- NLD နှင့် ကြားဖြတ်ရွေးကောက်ပွဲဝင်ပြိုင်ရေး ဒီမိုကရေစီမိတ်ဆွေပါတီများ ဆွေးနွေးမည်
သတင်းနှင့် ဆောင်းပါးများမှ ကောက်နှုတ်ချက်များ
*************************************************************************************
ပြည်တွင်းသတင်းများ
မဟာမဲခေါင်စီးပွားရေးဖိုရမ် UMFCCI က ဥက္ကဋ္ဌအဖြစ်တာဝန်ယူမည်
လေးကြိမ်မြောက် မဟာမဲခေါင်စီးပွားရေးဖိုရမ် ထိပ်သီးအစည်းအဝေးကို ဒီဇင်ဘာလ ၁၉ ရက်နှင့် ၂၀ ရက်နေ့တို့တွင် မြန်မာနိုင်ငံက အိမ်ရှင်နိုင်ငံအဖြစ် လက်ခံကျင်းပသွားမည်ဖြစ်ရာ UMFCCI က ဥက္ကဋ္ဌအဖြစ် တာဝန်ယူ ဆောင်ရွက်သွားမည်ဖြစ်ကြောင်းသိရသည်။
နေပြည်တော်ရှိ MICC ( Myanmar International Convention Centre ) တွင် ကျင်းပပြုလုပ်မည်ဖြစ်သော စည်းဝေးပွဲတွင် မဟာမဲခေါင် ခြောက်နိုင်ငံမှ နိုင်ငံတော်အကြီးအကဲများအပြင် ထိပ်တန်းစီးပွားရေးလုပ်ငန်းရှင်များ တက်ရောက်၍ စာတန်းဖတ်ကြားခြင်း၊ တွေ့ဆုံဆွေးနွေးခြင်းများ ပြုလုပ်ကြမည်ဟု သိရသည်။
မဟာမဲခေါင်စီးပွားရေးဖိုရမ်တွင် မဲခေါင်ဒေသတစ်လျှောက် စီးပွားရေးလုပ်ငန်းများ ဖွံ့ဖြိုးတိုးတက်မှုအတွက် အရှိန်အဟုန်မပျက် ဆောင်ရွက် သွားကြရန်နှင့် ကွန်ရက်သဖွယ်ချိတ်ဆက် လုပ်ဆောင်သွားကြရန် ရည်ရွယ်လုပ်ဆောင်သွားကြမည်ဟု သိရသည်။
GMS Business Summit ကို ၂၀၀၀ ပြည့်နှစ် အောက်တိုဘာလတွင် ထိုင်းနိုင်ငံ ဗန်ကောက်မြို့၌ စတင်ကျင်းပခဲ့ခြင်းဖြစ်ကြောင်း သိရသည်။ ၂၀၀၈ ခုနှစ် မတ်လတွင် သုံးကြိမ်မြောက်ဖိုရမ်ကို ဗီယက်နမ်နိုင်ငံတွင် ကျင်းပခဲ့ပြီး ယခုလေးကြိမ်မြောက်အဖြစ် မြန်မာနိုင်ငံက အိမ်ရှင်အဖြစ် လက်ခံကျင်းပခွင့် ရရှိခဲ့ခြင်းဖြစ်သည်။
*************************************************************************************
နိုင်ငံခြားရင်းနှီးမြှုပ်နှံမှုအတွက် ငါးနှစ်ဝင်ငွေခွန် ကင်းလွတ်ခွင့်ရရှိနိုင်ရန် ဆောင်ရွက်
မြန်မာနိုင်ငံအတွင်းရှိ နိုင်ငံခြားရင်းနှီးမြှုပ်နှံမှုများအတွက် သုံးနှစ်မှ ငါးနှစ်အထိ ဝင်ငွေခွန် ကင်းလွတ်ခွင့်ရရှိနိုင်ရန် သက်ဆိုင်ရာ အဖွဲ့အစည်းများမှ စီစဉ်ဆောင်ရွက်လျက်ရှိကြောင်း မြန်မာ့ရင်းနှီးမြှုပ်နှံမှုကော်မရှင်မှ တာဝန်ရှိသူတစ်ဦးက ပြောကြားကြောင်း သိရသည်။
ယခုကဲ့သို့ နိုင်ငံခြားရင်းနှီးမြှုပ်နှံမှု ဝင်ငွေခွန်ငါးနှစ် ကင်းလွတ်ခွင့်ရရှိရန် စီစဉ်ရခြင်းမှာ မြန်မာနိုင်ငံသို့ ပြည်ပရင်းနှီးမြှုပ်နှံမှု(FDI) များ ပိုမို ဝင်ရောက်လာရန်နှင့် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုများကို အထောက်အကူပြုနိုင်စေရန် ရည်ရွယ်ကြောင်း သိရသည်။
လက်ရှိအချိန်တွင် အစိုးရသစ်လက်ထက်တွင် မြန်မာနိုင်ငံအတွင်း နိုင်ငံခြားတိုက်ရိုက်ရင်းနှီးမြှုပ်နှံမှုများ ပိုမိုဝင်ရောက်လာနိုင်စေရန် နိုင်ငံတော်ပိုင်လုပ်ငန်းအချို့အား ပုဂ္ဂလိကကဏ္ဍသို့ လွှဲပြောင်းခြင်း၊ အစိုးရပိုင်မြေများသာမက ပုဂ္ဂလိကပိုင်မြေများကိုပါ နိုင်ငံခြားသားလုပ်ငန်းရှင်များ လုပ်ကိုင်နိုင်စေရန် ငှားရမ်းခြင်း၊ ပြည်ပပို့ကုန်ခွန် ၁၀ ရာခိုင်နှုန်းမှ ၂ ရာခိုင်နှုန်းသို့ ခြောက်လသက်တမ်းဖြင့် ဖြေလျော့ပေးခြင်း၊ ငွေကြေးနှင့် ပတ်သက်၍ Acconut Transfer ခွင့်ပြုပေးခြင်းတို့ကို ဆောင်ရွက်ပေးခဲ့ကြောင်း သိရသည်။
ထို့ပြင် ဇူလိုင်လမှ စက်တင်ဘာလ သုံးလအတွင်း၌ မြန်မာနိုင်ငံနှင့် တိုက်ရိုက်ရင်းနှီးမြှုပ်နှံမှုများ ပြုလုပ်နိုင်ရန် နိုင်ငံတကာအဖွဲ့အစည်းပေါင်း ၂၆ ခုမှ လာရောက်ဆွေးနွေးခဲ့ကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှ တာဝန်ရှိသူတစ်ဦးက ပြောကြားခဲ့သည်။
၂၀၁၀ ပြည့်နှစ်မှ စတင်၍ မြန်မာနိုင်ငံ၏ GDP သည် ကန်ဒေါ်လာ ၆၀.၇ ဘီလီယံဖြစ်ပြီး စိုက်ပျိုးရေးကဏ္ဍ၌ ၄၀.၂ ရာခိုင်နှုန်း၊ ဝန်ဆောင်မှုကဏ္ဍ၌ ၃၆.၈ ရာခိုင်နှုန်းနှင့် စက်မှုကဏ္ဍ၌ ၂၀ ရာခိုင်နှုန်းစီပါဝင်ကြောင်း သက်ဆိုင်ရာမှ တရားဝင်ထုတ်ပြန်ကြေညာခဲ့သည်။
YC
*********************************************************************************************
မြန်မာ့အာမခံလုပ်ငန်း ပုဂ္ဂလိကသို့ လွှဲမည့်သတင်းမမှန်
မကြာသေးမီကာလအတွင်း၌ နိုင်ငံပိုင်သတင်းစာနှင့် အပတ်စဉ်ထုတ် ပြည်တွင်းဂျာနယ်အချို့တွင် ဖော်ပြခဲ့သည့် မြန်မာ့အာမခံလုပ်ငန်း ပုဂ္ဂလိကသို့ လွှဲမည်ဆိုသည့် သတင်းမှာ မှားယွင်းသည့် သတင်းဖော်ပြချက်များဖြစ်ပြီး မြန်မာ့အာမခံလုပ်ငန်းအား ပုဂ္ဂလိကသို့ လုံးဝလွှဲပြောင်း လုပ်ပိုင်ခွင့်ပြုမည် မပာုတ်ကြောင်း မြန်မာ့အာမခံလုပ်ငန်းမှ တာဝန်ရှိသူတစ်ဦးက ပြောကြားခဲ့ကြောင်းသိရသည်။
ထို့ပြင် ပြည်တွင်းသတင်းစာများနှင့် အပတ်စဉ်ထုတ် ပြည်တွင်း ဂျာနယ်အချို့၌ပါရှိသည့် အာမခံရုံးခွဲပေါင်း ၂၀ ကျော်ပာူ၍ ဖော်ပြခဲ့သည့် သတင်းမှာလည်း မှားယွင်းနေပြီး အမှန်တကယ်မှာ မြန်မာတစ်နိုင်ငံလုံးတွင် မြန်မာအာမခံလုပ်ငန်းမှ ရုံးခွဲ ၃၈ ရုံး ဖွင့်လှစ်ဆောင်ရွက်လျက်ရှိပြီး အာမခံ အမျိုးအစားပေါင်း ၄၈ မျိုးကို တာဝန်ယူလုပ်ကိုင်လျက်ရှိကြောင်း ၎င်းက ရှင်းလင်းပြောကြားခဲ့သည်ဟု သိရသည်။
၂၀၁၁ ခုနှစ် နိုဝင်ဘာလ ၁၅ ရက်နေ့တွင် အပတ်စဉ်ထုတ်ဂျာနယ်တစ်စောင်၌ ဖော်ပြခဲ့သည့် ဂျပန်အာမခံတိုင်ရိုအာမခံကုမ္ပဏီသည် မြန်မာနိုင်ငံ၌ လာရောက်ရင်းနှီးမြှုပ်နှံမည့်ဆိုသည့် သတင်းမှာလည်း သတင်းမှားများသာဖြစ်ကြောင်း သိရသည်။
မြန်မာ့အာမခံလုပ်ငန်းသည် နိုင်ငံပိုင်လုပ်ငန်းဖြစ်သည့်အတွက် ပုဂ္ဂလိကသို့ လုံးဝလွှဲပြောင်းမည်မပာုတ်ကြောင်းနှင့် သတင်းသမားများ အနေဖြင့်လည်း သတင်းတစ်ပုဒ်အပေါ်အခြေခံ၍ နောက်မှ လိုက်လံရေးသားခြင်းမျိုး မပြုလုပ်သင့်ကြောင်း၊ ထိုကဲ့သို့ ပြုလုပ်ခဲ့သည့်အတွက် သက်ဆိုင်သူ ကာယကံရှင်များမှာ ထိခိုက်နစ်နာမှုများ ရှိခဲ့ကြောင်း မြန်မာ့အာမခံလုပ်ငန်းမှ တာဝန်ရှိသူတစ်ဦးက ပြောကြားခဲ့ကြောင်း သိရသည်။
ပြည်ပအာမခံလုပ်ငန်းများမှ မြန်မာနိုင်ငံအတွင်း ကိုယ်စားလှယ်ရုံးသာဖွင့်ခွင့်ရရှိဖြစ်ပြီး အာမခံလုပ်ငန်းလုပ်ကိုင်ခွင့်မရှိကြောင်း သိရသည်။
Ref: Venus
***************************************************************************************
ပြည်တွင်းပါတီ၊ နိုင်ငံရေးသတင်းများ
ဒေါ်အောင်ဆန်းစုကြည်ကိုယ်တိုင် ကြားဖြတ်ရွေးကောက်ပွဲ ဝင်နိုင်ချေများဟု ဦးဥာဏ်ဝင်းပြော
ရက်မသတ်မှတ်ရသေးသည့် လာမည့်ကြားဖြတ်ရွေးကောက်ပွဲတွင် ဒေါ်အောင်ဆန်းစုကြည်ကိုယ်တိုင် ဝင်ရောက် အရွေးချယ်ခံရန် အလားလာ များနေကြောင်း အမျိုးသားဒီမိုကရေစီအဖွဲ့ချုပ်(NLD)မှ ပြန်ကြားရေးတာဝန်ခံ ဦးဥာဏ်ဝင်းကပြောကြားသည်။
"ဒေါ်အောင်ဆန်းစုကြည်ကိုယ်တိုင် ဝင်ရောက်အရွေးချယ်ခံလိမ့်မယ်လို့ ကျွန်တော်ယုံကြည်ပါတယ်။"ဟု ၎င်းက ပြောဆိုသည်။
ပြည်ပသတင်းဌာနများဖြစ်ကြသည့် BBC ၊RFAနှင့် ရိုက်တာသတင်းဌာနများကလည်း လာမည့်ကြားဖြတ်ရွေး ကောက်ပွဲတွင် ဝင်ရောက် အရွေးချယ်ခံမည်ဟု ရေးသားဖော်ပြနေကြသော်လည်း ဒေါ်အောင်ဆန်းစုကြည် ကိုယ်တိုင်ကမူ တရားဝင် ထုတ်ဖော်ပြောကြားခြင်း မရှိသေးကြောင်း သိရသည်။
ဗဟိုအလုပ်မှုဆောင်အဖွဲ့များက ဒေါ်အောင်ဆန်းစုကြည်ကိုယ်တိုင် ဝင်ရောက်အရွေးချယ်ခံရန်တိုက်တွန်းသွား မည်ဖြစ်ပြီး ဒေါ်အောင်ဆန်းစုကြည်သည် လာမည့်ရွေးကောက်ပွဲတွင် ဝင်ရောက်အရွေးချယ်ခံခြင်း၊ မခံခြင်းသည် ဗဟိုအလုပ်မှုဆောင် အဖွဲ့အပေါ်တွင် မှုတည်ကြောင်း NLD ဗဟိုအလုပ်မှု ဆောင်အဖွဲ့ဝင် ဦးဝင်းထိန်ကပြောသည်။
"ဒေါ်အောင်ဆန်းစုကြည်ဝင် အရွေးခံမဲ့ မဲဆန္ဒနယ်ကတော့ အခုအချိန်မှာပြောဖို့ စောပါသေးတယ်။"ဟု ၎င်းက ဆက်လက်ပြောဆိုသည်။
NLD ပါတီသည် တစ်နိုင်ငံလုံးအတိုင်းအတာအရ ထောက်ခံမှုများပြားသော်လည်း အဓိကအတိုက်ခံပါတီဖြစ်သည့် ကြံ့ခိုင်ရေးနှင့် ဖွံ့ဖြိုးရေးပါတီသည် ငွေကြေးအင်အားတောက်တင်း သဖြင့်လျှော့တွက်၍မရနိုင်ကြောင်း၎င်းကပြောသည်။
လာမည့်ရွေးကောက်ပွဲတွင် လစ်လပ်နေရာ ၄၈နေရာတွင်ဝင်ပြိုင်မည့်သူများရွေးချယ်ရာတွင် NLD ပါတီအနေဖြင့် လူငယ်များကို ဦးစားပေးရွေးချယ်သွားမည်ဖြစ်ကြောင်းသိရသည်။
NLD ပါတီသည် ၂၀၁၀ရွေးကောက်ပွဲကို ဆန့်ကျင်ခဲ့သော်လည်း လက်ရှိအစိုးရ၏အပြောင်းလည်း လုပ်ဆောင်ပေးမှုများကြောင့် ပါတီကိုမှတ်ပုံပြန်တင်ပြီး ရွေးကောက်ပွဲဝင်ရန် ဆုံးဖြတ်လိုက်ခြင်းဖြစ်ကြောင်း ၂၀၁၀ ရွေးကောက်ပွဲကို ကန့်ကွက်ရာ၌ ခေါင်းဆောင်ခဲ့သူ ဦးဝင်းတင်ကပြောကြားသည်။
Peace Press
***************************************************************************************
ပညာရေးနှင့်ပတ်သက်၍ လူအားမနိုင်ပါက ငွေအားဖြစ် ကူညီပေးကြရန် ဒေါ်အောင်ဆန်းစုကြည်က မေတ္တာရပ်ခံ
ပညာရေးတွင် ယခုထက်ပိုမိုလုပ်ဆောင်နိုင်ရန် လူအားဖြစ်မကူညီနိုင်ပါက ငွေအားဖြစ်ပါဝင်ကူညီပေးကြရန် ဒေါ်အောင်ဆန်းစုကြည်က နိုဝင်ဘာ ၂၁ရက်နေ့တွင်ကျင်းပသည့် ပညာရေးကွန်ယက် တစ်နှစ်ပြည့်အထိန်းအမှတ် ဈေးရောင်းပွဲတော်တွင် ပြည်သူလူထုအားမေတ္တာရပ်ခံ ပြောကြားခဲ့သည်။
ကျန်သည့်နေရာများတွင်သာ တစ်ဦးနှင့်တစ်ဦး သဘောထားကွဲလွဲမှုများရှိနိုင်သော်လည်း ပညာရေးတွင်မှု အားလုံးက တသဘောတည်း ရှိကြမည်ဖြစ်ကြောင်း ဒေါ်အောင်ဆန်းစုကြည်က ပြောသည်။
“ကျွန်မတို့နိုင်ငံသူနိုင်သားအားလုံးဟာ ပညာရေးကိုစိတ်ဝင်စားပြီးတော့ ပညာရေးကိုထောက်ခံ အားပေးမှ ကျွန်မတို့ နိုင်ငံတိုးတက်နိုင်မှာပါ။” ဟု ဒေါ်အောင်ဆန်းစုကြည်ကဆိုသည်။
အထက်ပါဈေးရောင်းပွဲ၌ ဒီမိုကရေစီကွန်ယက် ပညာပေးအစီစဉ်ကိုလာရောက် အားပေးထောက်ခံကြသော ပြည်သူလူထုကို ကျေးဇူးတင်ကြောင်း ဒေါ်အောင်ဆန်းစုကြည်က ပြောကြားသွားခဲ့သည်။
ယင်းကဲ့သို့ ပညာရေးနှင့်ပတ်သက်၍ လုပ်ဆောင်ရာတွင်လည်း ဒီလိုဒီမိုကရေစီ ကွန်ရက်မှလူငယ် များသည် ကိုယ့်နည်းကိုယ့်ဟန်ဖြစ် ပါဝင်အားပေးလာမှုသည် အနာဂတ်အတွက် အလွန်တရာမှ ကောင်းမွန်သည့် လက္ခဏာဖြစ်ကြောင်း ဒေါ်အောင်ဆန်းစုကြည်က ပြောဆိုသည်။
“အားလုံးဟာကျွန်မတို့နိုင်ငံမှာ ပညာဖွံ့ဖြိုးစေချင်တယ် ကျွန်မတို့ လူငယ်တွေဟာ ကမ္ဘာ့အဆင့်တန်းနဲ့ မှီအောင်လို့ ပညာတွေရစေချင်တယ်။ ဒါကတော့ဘယ်သူကမှငြင်းမယ်လို့မထင်ဘူး။" ဟုဒေါ်အောင်ဆန်းစုကြည်က ဆိုသည်။
လက်တွေ့ကျသည့် လုပ်ငန်းများကိုလုပ်ဆောင်ရာတွင် ငွေကြေးမှာအရေးပါလာသည်ဖြစ်သည့်အတွက် ယခုကဲ့သို့ ဈေးပွဲတော်များပြုလုပ်ပြီး ပွင့်ပွင့်လင်းလင်း ရန်ပုံငွေရှာရခြင်းဖြစ်ကြောင်း ဒေါ်အောင်ဆန်းစုကြည်ကရှင်းပြသည်။
ပြည်သူလူထု၏ အကူအညီဖြစ်သာ ဒေါ်အောင်ဆန်းစုကြည်၏ လုပ်ဆောင်ချက်များကို လုပ်ဆောင်းခြင်း ဖြစ်သည့်အတွက် ပြည်သူလူက လက်မခံသည့် လုပ်ဆောင်ချက်များကို လုပ်ဆောင်သွားမည်မဟုတ်ကြောင်း ၎င်းကပြောကြားခဲ့သည်။
ဒေါ်အောင်ဆန်းစုကြည် လွတ်မြောက်လာပြီး ကွန်ယက်များ ဖွဲ့စည်းလှုပ်ရှားခဲ့ရာ ပညာရေးကွန်ယက်သည် အအောင်မြင်ဆုံး ကွန်ယက်တစ်ခု ဖြစ်ကြောင်း သိရသည်။
Peace Press
***************************************************************************************
ပြည်သူ့လွှတ်တော်၏ တည်ဆဲဥပဒေများ စိစစ်သုံးသပ်ရေးကော်မရှင်ကို အမည်ပြောင်းလဲဖွဲ့စည်း
ပြည်သူ့လွှတ်တော်၏ တည်ဆဲဥပဒေများစိစစ်သုံးသပ်ရေးကော်မရှင်ကို ဥပဒေရေးရာနှင့် အထူးကိစ္စရပ်ရပ်များ လေ့လာဆန်းစစ် သုံးသပ်ရေး ကော်မရှင်သို့ အမည်ပြောင်းလဲဖွဲ့စည်းလိုက်ကြောင်း နိုဝင်ဘာ ၁၆ ရက်က ကျင်းပသော ပထမအကြိမ် ပြည်သူ့လွှတ်တော် ဒုတိယပုံမှန်အစည်းအဝေးတွင် ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားကြောင်းသိရသည်။
၎င်းကော်မရှင်တွင် ပြည်သူ့လွှတ်တော်ကိုယ်စားလှယ်မဟုတ်သည့် ပြင်ပပညာရှင်အများစုပါဝင်ပြီး လွှတ်တော်အတွင်း ပြည်သူ့လွှတ်တော် ကိုယ်စားလှယ်များ၏ ဆန္ဒကို အတည်ပြုချက်ရယူပြီး ဖွဲ့စည်းခဲ့ခြင်းဖြစ်ကြောင်း သိရသည်။
ကော်မရှင်တွင်ပြည်သူ့လွှတ်တော်ဒုတိယဥက္ကဋ္ဌ ဦးနန္ဒကျော်စွာက ဥက္ကဋ္ဌအဖြစ်လည်းကောင်း၊ ပြည်သူ့လွှတ်တော် ကိုယ်စားလှယ် ဦးသိန်းဆွေနှင့် ဦးဋ္ဌေးမြင့်တို့က ဒုတိယဥက္ကဋ္ဌများအဖြစ်လည်းကောင်း၊ လွှတ်တော်ပြင်ပမှ ဦးလင်းမြိုင်( သံအမတ်ကြီး)၊ ဦးမြသိန်း( ညွှန်ချုပ်(ငြိမ်း)၊ ပြည်ထောင်စု တရားလွှတ်တော်ချုပ်)၊ ဦးသန်းထွန်း (ညွှန်ချုပ်(ငြိမ်း) နိုင်ငံခြားရေး)၊ ဒေါက်တာအောင်ထွန်းသက်( ပါမောက္ခ(ငြိမ်း) )၊ ဒုတိယဗိုလ်မှူးကြီး အောင်ခင်သိန်း (ကကဥ) တို့အပြင် တရားရေး၊ ဥပဒေရေးရာ ပညာရှင်များဖြင့် အဖွဲ့ဝင်ဦးရေ ၁၅ ဦးဖြင့် ဖွဲ့စည်းထားကြောင်းသိရသည်။
ကော်မရှင်သည် တည်ဆဲဥပဒေများအား လေ့လာဆန်းစစ်သုံးသပ်ပြီး ပြင်ဆင်ရေး၊ ပယ်ဖျက်ရေး၊ အသစ်ပြဋ္ဌာန်း နိုင်ရေးတို့ကို ပြည်သူ့လွှတ်တော် ဥက္ကဋ္ဌမှတစ်ဆင့် လွှတ်တော်သို့ တင်ပြရမည်ဖြစ်သည်။ အကယ်၍ အထူးကိစ္စရပ်များ ပေါ်ပေါက်လာပါက ထိုကိစ္စရပ်များကို ဥပဒေအမြင်နှင့်ယှဉ်၍ လေ့လာဆန်းစစ်သုံးသပ်ပြီး လွှတ်တော်ဥက္ကဋ္ဌမှတစ်ဆင့် လွှတ်တော်သို့ အစီရင်ခံတင်ပြရမည်။ ပြည်သူ့လွှတ်တော်ဥက္ကဋ္ဌက ကဏ္ဍအလိုက် သီးခြားသတ်မှတ်ပေးသည့် အထူးကိစ္စရပ်များအတွက် ကော်မရှင်အတွင်း တာဝန်ခွဲဝေ သတ်မှတ်ဆောင်ရွက်ရမည်။ ပြည်သူ့လွှတ်တော်ဥက္ကဋ္ဌက လုပ်ငန်းလိုအပ်ချက်အရ အကြံဥာဏ်တောင်းခံသည့်အခါ ကော်မရှင်အနေဖြင့် အကြံဥာဏ်ပေးရမည်ဟု သိရသည်။ ကော်မရှင်၏ သက်တမ်းမှာ စတင်ဖွဲ့စည်းသည့်နေ့မှစ၍ အများဆုံး တစ်နှစ် သတ်မှတ်ထားကြောင်းသိရသည်။
Ref : Weekly Eleven
*************************************************************************************
NLD နှင့် ကြားဖြတ်ရွေးကောက်ပွဲဝင်ပြိုင်ရေး ဒီမိုကရေစီမိတ်ဆွေပါတီများ ဆွေးနွေးမည်
၂၀၁၂ ခုနှစ် နှစ်ဦးပိုင်းတွင် ပြုလုပ်နိုင်ဖွယ်ရှိသည့် ကြားဖြတ်ရွေးကောက်ပွဲ၌ ဝင်ရောက်ယှဉ်ပြိုင်ရန် ဒီမိုကရေစီ မိတ်ဆွေပါတီများမှ နိုဝင်ဘာလ ၁၈ ရက်နေ့တွင် ပါတီမှတ်ပုံတင်ရန်နှင့် ကြားဖြတ်ရွေးကောက်ပွဲဝင်ရန် ဆုံးဖြတ်ခဲ့သည့် အမျိုးသားဒီမိုကရေစီအဖွဲ့ချုပ်(NLD) နှင့် တွေ့ဆုံဆွေးနွေး သွားမည်ဖြစ်ကြောင်း သိရသည်။
လက်ရှိအချိန်တွင် ပြည်ထောင်စုရွေးကောက်ပွဲကော်မရှင်မှ ကြားဖြတ်ရွေးကောက်ပွဲ ဝင်ရောက်ယှဉ်ပြိုင်ရန် နေ့ရက် အချိန်အတိအကျအား တရားဝင် ထုတ်ပြန်ကြေညာထားခြင်းမရှိသေးသော်လည်း NLD မှ လစ်လပ်မဲဆန္ဒနယ် (၄၈) နေရာလုံးတွင် ဝင်ရောက်ယှဉ်ပြိုင်ရန် ဆုံးဖြတ်ခဲ့ကြောင်း သိရသည်။
၎င်း ဆုံးဖြတ်ချက်အရ လစ်လပ်မဲဆန္ဒနယ်များတွင် ဒီမိုကရေစီပါတီများ မဲဆန္ဒနယ်ခြင်းမျိုး မဖြစ်ပေါ်နိုင်စေရန် NLD ပါတီနှင့် ဒီမိုကရေစီ မိတ်ဆွေပါတီများမှ ညှိနှိုင်း၍ အနိုင်ရရှိနိုင်သည့် ကိုယ်စားလှယ်လောင်းများကိုသာ ရွေးချယ်၍ ကြားဖြတ်ရွေးကောက်ပွဲ ဝင်ရောက်ယှဉ်ပြိုင်နိုင်ရေးအတွက် NLD ပါတီနှင့် တွေ့ဆုံညှိနှိုင်းလိုခြင်းဖြစ်ကြောင်း ဒီမိုကရေစီ မိတ်ဆွေပါတီများမှ တာဝန်ရှိသူတစ်ဦးက ပြောကြားခဲ့သည်။
အမျိုးသားဒီမိုကရေစီအဖွဲ့ချုပ်(NLD) သည် မှတ်ပုံတင်ရန်နှင့် ကြားဖြတ်ရွေးကောက်ပွဲဝင်ရန် ဆုံးဖြတ်ခဲ့သော်လည်း အခြားဒီမိုကရေစီ အင်အားစုများနှင့် လက်တွဲရန် ကိစ္စကိုမူ တရားဝင် ပြောကြားထားခြင်း မရှိသေးကြောင်း သိရသည်။
လက်ရှိ ကျင်းပလျက်ရှိသော လွှတ်တော်အစည်းအဝေးများတွင် ဒီမိုကရေစီအင်အားစုများမှာ ရာခိုင်နှုန်းနည်းပါးလျက်ရှိနေသေးသည့်အတွက် မြန်မာနိုင်ငံအတွင်း ပြုပြင်ပြောင်းလဲရေးလုပ်ငန်းများ လုပ်ဆောင်ရာ၌ အောင်မြင်မှုအနည်းငယ်သာ ရရှိသေးကြောင်း လွှတ်တော်ကိုယ်စားလှယ် တစ်ဦးက ပြောကြားခဲ့သည်။
Ref: မြန်မာပို့စ်
***********************************************************************************
သတင်းနှင့် ဆောင်းပါးများမှ ကောက်နှုတ်ချက်များ
“သူ့အကျိုးစီးပွားအတွက် သတင်းသမားကို လာဘ်ပေးလာဘ်ယူနဲ့ ချဉ်းကပ်မယ်၊ မီဒီယာကို စည်းရုံးမယ်၊ မီဒီယာသမားတွေကလည်း ပုထုဇဉ်တွေဆိုတော့ မလိုလားအပ်တဲ့ သိက္ခာကျဆင်းမှုတွေ၊ ပြဿနာတွေ မဖြစ်အောင် မီဒီယာသမားတွေ ဝိုင်းဝန်းထိန်းသိမ်းပြီး လုပ်ဆောင်ရမယ်။ လက်ဆောင်ရလို့ရေးတဲ့ သတင်းကိုပိရိသတ်ကသိတယ်။ မီဒီယာလွတ်လပ်ခွင့်ရနေတဲ့အချိန်မှာ မီဒီယာသမားတွေအနေနဲ့ စံနှုန်းထားပြီး ကြပ်ကြပ်မတ်မတ်နေရမယ်။ လက်ဆောင်ရလို့ရေးတဲ့သတင်းကို ပရိသတ်ကသိတယ်။ မီဒီယာလွတ်လပ်ခွင့်ရနေတဲ့အချိန်မှာ မီဒီယာသမားတွေအနေနဲ့ ပြည်သူတွေအားကိုးရတဲ့ မှန်ကန်တဲ့ မီဒီယာသမားတွေအဖြစ် ရပ်တည်ကြပါတယ်။ ပြည်သူတွေက စာတွေဖတ်တတ်လာပြီဆိုတော့ သတင်းသမားတွေက သတင်းတွေကိုမှန်မှန်ကန်ကန် ရေးပြီးပရော်ဖက်ရှင်နယ်အဖြစ် ရပ်တည်သင့်တယ်”
နိုဝင်ဘာ ၂၁ ထုတ် The Messenger အတွဲ (၂) အမှတ် (၂၇) တွင်ပါသည့် “ပြည်တွင်းစီးပွားရေးသမားအချို့ ၎င်းတို့အကျိုးစီးပွားအတွက် မီဒီယာအပေါ် အသုံးချမှုများရှိနေ” သတင်းမှ မောင်ဝံသ၏ ပြောကြားချက်အပေါ် ကောက်နှုတ်ချက်
***************************************************************************************
“နိုင်ငံခြားငွေကြေးဥပဒေကလည်း ၁၉၄၇ က ဥပဒေဖြစ်နေတော့ ခေတ်နဲ့အညီ ပြင်ဆင်သင့်ပါတယ်။ အဲဒီတုန်း က ရေဒီယိုခေတ်။ အခုတော့ ဒစ်ဂျစ်တယ်ခေတ် ရောက်နေတော့ ပြင်သင့်တယ်။ ဗဟိုဘဏ်ကတော့ အဓိကအခန်းကဏ္ဍမှာ ရှိနေတယ်။ အရင် ဆိုရှယ်လစ်ခေတ်တုန်းက ဗဟိုဘဏ်က မလိုအပ်သေးဘူး။ အခု ဈေးကွက်စီးပွားရေးခေတ်ကိုရောက်တော့ ဗဟိုဘဏ်က အဓိကအခန်းကဏ္ဍမှာ ပါဝင်လာပြီ။ အမေရိကန်ဒေါ်လာကို တရားမဝင် ကိုင်ဆောင်နေတာတွေ တရားဝင် ခွင့်ပြုလုပ်ပေးသင့်တယ်။ ထိုင်းနိုင်ငံဆိုရင် နေရာတိုင်းမှုာ အလွယ်တကူငွေလဲလှယ်လို့ရတယ်။ အဲဒီလိုမျိုး လေးတွေဖြစ်အောင်လည်း လုပ်ပေးဖို့လိုတယ်။ ပြီးတော့ ဗဟိုဘဏ်ကအတိုင်းအတာတစ်ခုထိ လွတ်လပ်တဲ့ အဖွဲ့အစည်းတစ်ခုအဖြစ် ရပ်တည်ပြီး သူရဲ့ စွမ်းဆောင်မှုကလည်းအားကောင်းဖို့လိုတယ်။ ဗဟိုဘဏ်အနေနဲ့ သီးခြားရပ်တည်တဲ့အခါ အစိုးရနဲ့တော့ ကင်းလို့မရဘူး။ ဗဟိုဘဏ်က International လို စွမ်းဆောင်ရည်ကောင်းကောင်းနဲ့ လူတွေရဲ့ Capacity တွေ တိုးတက်ဖွံ့ဖြိုးဖို့ လိုပါတယ်”
နိုဝင်ဘာ ၂၂ ထုတ် TRUE NEWS အတွဲ (၄) အမှတ် (၉) တွင်ပါသည့် “နိုင်ငံခြားငွေကြေးဥပဒေပြင်ဆင်မှုနှင့် ဗဟိုဘဏ်ကို လွတ်လပ်သောအဖွဲ့အဖြစ် ဆောင်ရွက်ရန် IMF ၏ အကြံပြုချက်အပေါ် သက်ဆိုင်ရာပုဂ္ဂိုလ်များ၏ စကားသံများ” သတင်းမှ ဦးနှင်းဦး (ရေတွက်ပို့ကုန် လုပ်ငန်းရှင်တစ်ဦး)၏ ပြောကြားချက်အပေါ် ကောက်နှုတ်ချက်
***************************************************************************************
“ဒေါ်အောင်ဆန်းစုကြည်သည် မှတ်ပုံမတင်ရသေးသော အမျိုးသားဒီမိုကရေစီအဖွဲ့ချုပ် မှတ်ပုံတင်ပြီးနောက်ပိုင်းတွင်၊ တိုင်းရင်းသား ပြဿနာများနှင့် ပဋိပက္ခများကို ပိုမိုအာရုံစိုက်ရန်လည်း အထူးလိုအပ်သည်ဟု သုံးသပ်ကြသည်။ လွတ်လပ်ရေးရပြီးကတည်းက၊ ယုတ်လျော့လာနေခဲ့သော တိုင်းရင်းသားလူမျိုးစုများအကြား အပြန်အလှန်ယုံကြည်မှု၊ အပြန်အလှန်နားလည်မှု၊ အပြန်အလှန်လေးစားမှုတို့ကို မည်သို့မည်ပုံလွှတ်တော်တွင်း၊ လွှတ်တော်ပြင်ပ နိုင်ငံရေးအခင်းအကျင်းများမှ တစ်ဆင့် ဖြေရှင်းနိုင်မည်ကိုလည်းကောင်း၊ လူမျိုးပေါင်းစုံပါဝင်ကိုယ်စားပြုသော အသေးစိတ်ဆွေးနွေးပွဲများ ကျယ်ကျယ်ပြန့်ပြန့်ကျင်းပပြီး၊ ရေရှည်အကျိုးဖြစ်ထွန်းနိုင်မည့် သူနိုင်ကိုယ်နိုင် ဖြေရှင်းနည်းဗျူဟာ၊ မဟာဗျူဟာများ ချမှတ်နိုင်ရေးကိုလည်းကောင်း၊ တွန်းအားပေးလာရဖွယ်ရှိသည်ဟုလည်း သုံးသပ်ထောက်ပြကြသည်”
နိုဝင်ဘာ ၂၂ ထုတ် TRUE NEWS အတွဲ (၄) အမှတ် (၉) တွင်ပါသည့် ဆောင်းပါးရှင်ဒေါက်တာရန်မျိုးသိန်း၏ “နိုဝင်ဘာ ၁၈ အလွန် နိုင်ငံရေးအခင်းအကျင်း” ဆောင်းပါးမှ ကောက်နှုတ်ချက်
***************************************************************************************
Google Docs makes it easy to create, store and share online documents, spreadsheets and presentations.
