Posts
 | yangonchronicle 2011- (1) |
၁၇.၁.၂ဝ၁၂
ဘာသာပြန်သတင်းများ အပိုင်း(၂)
- ပိတ်ဆို့အရေးယူမှုများကို ပြန်လည်သုံးသပ်မည်ဟု အမေရိကန်ထုတ်ဖော်
(UPI သတင်းဌာနမှ 16 Jan 2012 ရက်စွဲပါ McConnell: US to review Sanctions ကို ဘာသာပြန်ဆိုသည်)
- ဝေဖန်တိုက်ခိုက်သူများစွာအပေါ် မြန်မာနိုင်ငံ ကျော်လွှားအနိုင်ရ
(The Wall Street Journal မှ 16 January 2012 ရက်စွဲပါ “Myanmar wins over more old foes” ကို ဘာသာ ပြန်ဆိုသည်)
**************************************************************************************
ပိတ်ဆို့အရေးယူမှုများကို ပြန်လည်သုံးသပ်မည်ဟု အမေရိကန်ထုတ်ဖော်
(UPI သတင်းဌာနမှ 16 Jan 2012 ရက်စွဲပါ McConnell: US to review Sanctions ကို ဘာသာပြန်ဆိုသည်)
မြန်မာနိုင်ငံ၏ ပြုပြင်ပြောင်းလဲရေးဖြစ်စဉ်များကို အမေရိကန်ပြည်ထောင်စု ဆီးနိတ်မှ ရီပတ်ဘလီကန်များ၏ ခေါင်းဆောင် မစ်ခ်ျ မက်ကော်နဲလ် (Mitch McConnell) က ကြိုဆိုလိုက်ပြီး ထပ်မံဖြစ်ပေါ်လာမည့် ပြုပြင်ပြောင်းလဲမှုများသည် ပိတ်ဆို့အရေးယူမှုများကို ပြန်လည်သုံးသပ်စေနိုင်မည် ဖြစ်ကြောင်း ပြောကြားလိုက်သည်။
မြန်မာနိုင်ငံအပေါ် စီးပွားရေးဒဏ်ခတ်ပိတ်ဆို့မှုများပြုလုပ်ရန် ဦးဆောင်ထောက်ခံခဲ့သူ မစ်ခ်ျ မက်ကော်နဲလ်က မြန်မာနိုင်ငံသို့ လာရောက် လည်ပတ်စဉ် အတွင်း မြို့တော်ဟောင်း ရန်ကုန်၌ ဒေါ်အောင်ဆန်းစုကြည်နှင့် တွေ့ဆုံရာတွင် "တိုင်းပြည်သည် စစ်မှန်သောပြောင်းလဲမှုများ ဖြစ်ပေါ်လျက်ရှိပြီး မှန်ကန်သောလမ်းကြောင်းသို့ ဦးတည်လျက်ရှိသည် ဟူသောအချက်ကို ၎င်းယုံကြည်လက်ခံအောင် သူမကပြောဆိုခဲ့ကြောင်း” Kyodo News သတင်းဌာနက ဖော်ပြသည်။
စစ်တပ်ကျောထောက်နောက်ခံအရပ်သားအစိုးရသစ်သည် ၂၀၁၀ ရွေးကောက်ပွဲနောက်ပိုင်း ဖိနှိပ် ချုပ်ခြယ်တတ်သော စစ်အစိုးရထံမှ အာဏာ ရရှိခဲ့သည့်အချိန်မှစ၍ ပြုပြင်ပြောင်းလဲမှုအမျိုးမျိုးကိုလုပ်ကိုင်လာခဲ့သည်။ ယခုအခါ မြန်မာနိုင်ငံသည် လာမည့်ဧပြီလ ၁ ရက်နေ့၌ ကြားဖြတ်ရွေးကောက်ပွဲ ကျင်းပရန် စီစဉ်လျက်ရှိပြီး ယင်းရွေးကောက်ပွဲ၌ အတိုက်အခံခေါင်းဆောင်ဒေါ်အောင်ဆန်းစုကြည်လည်း ပါဝင်ယှဉ်ပြိုင်မည်ဖြစ်သည်။ မြန်မာအစိုးရက ယခုရက်သတ္တပတ်များအတွင်း နိုင်ငံရေးတွင်ထင်ရှားကျော်ကြားသော အကျဉ်းသားများကိုလည်း လွှတ်ပေးခဲ့သည်။
“ဧပြီလ ၁ ရက်နေ့မှာ ကျင်းပမယ့် ရွေးကောက်ပွဲ လွတ်လပ်ပြီး တရားမျှတမှုရှိ၊ မရှိကို လေ့လာ စောင့်ကြည့်သွားမှာ ဖြစ်ပါတယ်။ အဲဒီ ရွေးကောက်ပွဲပြီးရင် ကျွန်တော်တို့အနေနဲ့ မြန်မာအပေါ်သတ်မှတ်ပြဋ္ဌာန်းထားတဲ့ ပိတ်ဆို့အရေးယူမှုတွေနဲ့ပတ်သက်ပြီး ပြန်လည်စဉ်းစားဖြစ်မယ်လို့ ထင်ပါတယ်” ဟု ဒေါ်အောင်ဆန်းစုကြည်နှင့် တွေ့ဆုံပြီးနောက် ၎င်းက သတင်းထောက်များကိုပြောကြားကြောင်း Kyodo သတင်းဌာနကရေးသားသည်။
လတ်တလော မြန်မာအစိုးရနှင့် ကရင်သူပုန်များအကြား အပစ်အခတ်ရပ်စဲရေးသဘောတူညီချက် ရရှိမှုကိုလည်း မစ္စတာ မစ်ခ်ျ မက်ကော်နဲလ်က ကြိုဆိုပြီး အလားတူ တိုင်းရင်းသားလက်နက်ကိုင်ပဋိပက္ခများ အဆုံးသတ်ရန် လိုအပ်ကြောင်း သတိပေးပြောဆိုသည်။ “အခုလိုမျိုး တိုင်းရင်းသား လက်နက်ကိုင်အုပ်စုတွေနဲ့ တိုးတက်မှုတွေ ဖြစ်လာတာကို ကျွန်တော်တို့တွေ့မြင်လိုပါတယ်” ဟု ၎င်းကပြောကြားသည်။ ထို့ပြင် မိမိအနေဖြင့် ယခု အချိန်သည် မြန်မာနိုင်ငံ၌ အမေရိကန်သံအမတ်ကြီး ပြန်လည်ခန့်အပ်ထားရှိရန် သင့်တော်သည့်အချိန်ဖြစ်သည်ဟူသော နိုင်ငံခြားရေးဝန်ကြီး ဟီလာရီ ကလင်တန်၏ အမြင်နှင့် ထပ်တူထပ်မျှရှိကြောင်း ပြောကြားသည်။ မစ္စတာ မစ်ခ်ျ မက်ကော်နဲလ်သည် ဇန်နဝါရီလ ၁၇ ရက်(ယနေ့)တွင် သမ္မတ ဦးသိန်းစိန်နှင့် တွေ့ဆုံမည်ဖြစ်သည်။
*******************************************************************************
ဝေဖန်တိုက်ခိုက်သူများစွာအပေါ် မြန်မာနိုင်ငံ ကျော်လွှားအနိုင်ရ
(The Wall Street Journal မှ 16 January 2012 ရက်စွဲပါ “Myanmar wins over more old foes” ကို ဘာသာ ပြန်ဆိုသည်)
သယံဇာတကြွယ်ဝသော မြန်မာနိုင်ငံတွင် ရင်းနှီးမြှုပ်နှံခြင်းကို တားမြစ်သောမူဝါဒများကို နော်ဝေးနိုင်ငံက ရုတ်သိမ်းရန် ပြင်ဆင်ဆောင်ရွက် နေချိန်တွင် မြန်မာနိုင်ငံသို့ လတ်တလော ရောက်ရှိနေသည့် သော့ချက်ကျ အမေရိကန် လွှတ်တော်အမတ်က မြန်မာအစိုးရ၏ ပြုပြင်ပြောင်းလဲရေး ကြိုးပမ်းမှုများကို ထောက်ခံအားပေကြောင်း တနလာင်္နေ့က ထုတ်ဖော်ပြောကြားလိုက်သည်။
မြန်မာနိုင်ငံအပေါ် အရေးယူဒဏ်ခတ်ထားသော Sanctions ဥပဒေများကို နှစ်စဉ်သက်တမ်းတိုးရန် ၂၀၀၃ မှစ၍ ဆော်သြခဲ့သူ အမေရိကန် အထက်လွှတ်တော်အမတ် မစ်ခ်ျ မက်ကော်နဲလ်သည် ရန်ကုန်မြို့တော်တွင် ဒေါ်အောင်ဆန်းစုကြည်နှင့် တွေ့ဆုံခဲ့ပြီး မြန်မာနိုင်ငံ၌ အင်တာနက် ပိတ်ဆို့ထားမှုများ ဖယ်ရှားပေးခြင်း၊ အလုပ်သမားသမဂ္ဂများကို ခွင့်ပြုခြင်း၊ အဓိကအတိုက်အခံပါတီကို တရားဝင်မှတ်ပုံတင်ခွင့်ပြုခြင်းအပါအဝင် ပြုပြင် ပြောင်းလဲရေး ဆောင်ရွက်ချက်များအတွက် လက်ရှိအစိုးရကို ချီးကျူးပြောဆိုခဲ့သည်။
“ဒါပေမယ့်လည်း အားလုံးသိကြတဲ့အတိုင်း လုပ်စရာတွေ အများကြီးရှိနေပါသေးတယ်။ ကိစ္စရပ်များစွာထဲမှာ ကျွန်တော်တို့ မြင်တွေ့ချင်တာ ကတော့ တိုင်းရင်သားလက်နက်ကိုင်အုပ်စုတွေနဲ့ တင်းမာမှုတွေကို ဆက်ပြီး လျှော့ချသွားဖို့နဲ့ ဧပြီ ၁ ရက်မှာ စီစဉ်ထားတဲ့ ကြားဖြတ်ရွေးကောက်ပွဲကို တကယ်လွတ်လပ်၊ မျှတစွာ ကျင်းပပေးဖို့ပဲ ဖြစ်ပါတယ်” ဟု ဆီနိတ်တာက ပြောကြားခဲ့ကြောင်း AP သတင်းဌာနက ထုတ်ပြန်သည်။
အနောက်နိုင်ငံများက နှစ်ပေါင်းများစွာ ဖိအားပေးပြီးနောက်တွင် မြန်ာမအစိုးရက နိုင်ငံရေးသမား အကျဉ်းသားများစွာကို မကြာသေးမီက လွှတ်ပေးလိုက်ခြင်းကြောင့် အမေရိကန်ပြည်ထောင်စုက မြန်မာနိုင်ငံနှင့် သံတမန်ဆက်ဆံမှု အပြည့်အဝ ပြန်လည်ထူထောင်တော့မည်ဟု သောကြာနေ့က ကြေညာခဲ့သည်။ သို့သော်လည်း အမေရိကန်ရင်းနှီးမြှုပ်နှံမှုများကို တားမြစ်ထားသော Sanctions များ ရုတ်သိမ်းပေးခြင်းကဲ့သို့ ပိုမိုအရေးပါသော ဖြေလျှော့ပေးမှုများကိုမူ ဧပြီ ၁ ရက် ကြားဖြတ်ရွေးကောက်ပွဲရလာဒ်များအား တွေ့မြင်သည်အထိ ဝါရှင်တန်က စဉ်းစားဦးမည်မဟုတ်ဟု ကျယ်ကျယ်ပြန့်ပြန့် ရှုမြင်ယူဆထားသည်။
အခြားနိုင်ငံများက ဝါရှင်တန်ထက်ပင် ခြေတစ်လှမ်းစောနေကြသည်။ နော်ဝေးနိုင်ငံက ယင်း၏ ကုမ္ပဏီများ မြန်မာနိုင်ငံတွင် ရင်းနှီးမြှုပ်နှံခြင်းကို တားမြစ်ထားသော ၁၉၉၀ ခုနှစ်များက မူဝါဒကို ရုတ်သိမ်းတော့မည်ဖြစ်ကြောင်း စနေနေ့က ကြေညာလိုက်ပြီဖြစ်သည်။ ထိုကဲ့သို့ စီးပွားရေးလုပ်ငန်း များစွာကို ဟန့်တားထားသောဥပဒေ ရုတ်သိမ်းပေးခြင်းသည် မြန်မာနိုင်ငံ၏ နောက်ဆုံးပြောင်းလဲမှုများကို သဘောကျသောနိုင်ငံများ ပို၍ ပို၍ များလာသည့် လက္ခဏာပင်ဖြစ်သည်။
သြစတြေးလျနိုင်ငံကလည်း လက်နက်ကုန်သွယ်မှုတားမြစ်ချက်ကို ဆက်လက် ထားရှိသည့်တိုင်အောင် ငွေကြေးဆိုင်ရာနှင့် ခရီးသွားလာခွင့် တားမြစ်ခံထားရသော ပုဂ္ဂိုလ်တစ်ဦးချင်းစာရင်းမှ မြန်မာနိုင်ငံသားများကို ပယ်ဖျက်ပေးတော့မည်ဟု လွန်ခဲ့သော တစ်ပတ်က ကြေညာခဲ့သည်။
နော်ဝေးနိုင်ငံအနေဖြင့် အီးယူအဖွဲ့ဝင် မဟုတ်သော်ငြားလည်း ကျွန်းနှင့်သစ်မာ၊ ကျောက်မျက်ရတနာစသော ကဏ္ဍအချို့ကို တားမြစ်မှု အပါအဝင် လက်နက်ကုန်သွယ်မှုကို တားမြစ်ထားသော အီးယူ Sanctions များကိုမူ လိုက်နာမည်ဟု ဆိုသည်။ ယင်း Sanctions များကို ယခုနှစ်အတွင်း ပြန်လည်သုံးသပ်တော့မည်ဟု မျှော်လင့်ရသည်။
“နော်ဝေးနိုင်ငံရဲ့ မူဝါဒပြောင်းလဲမှုဟာ မြန်မာအစိုးရကို သူတို့ရဲ့ ပြုပြင်ပြောင်းလဲမှုတွေက ကောင်းကျိုး ပေးမယ်လို့ အချက်ပြလိုက်တာပါ။ ဒီနိုင်ငံမှာ အလုပ်အကိုင်တွေ ဖန်တီးပေးဖို့ ဖွံ့ဖြိုးမှုကို မြှင့်တင်ဖို့၊ ဆင်းရဲမှုကို လျှော့ချဖို့အတွက် နိုင်ငံခြားကုန်သွယ်မှုနဲ့ ရင်းနှီးမြှုပ်နှံမှုတွေ လိုအပ်နေ ပါတယ်။ လူနေမှုအဆင့်အတန်း ပိုမို ကောင်းမွန်လာတာဟာ ဒီမိုကရေစီ ဆက်လက်ကူပြောင်ရေးကို တွန်းအားပေးပေးဖို့ အထောက်အကူရမှာပါ။ အခုအချိန်က စပြီး နော်ဝေးကုမ္ပဏီတွေ မြန်မာနိုင်ငံမှာ ရောင်းဝယ်၊ မြှုပ်နှံမှု မလုပ်ကြဖို့ တိုက်တွန်းမှာမဟုတ်တော့ပါဘူး” ဟု နော်ဝေးနိုင်ငံခြားရေးဝန်ကြီး Jonas Gahr Store က ပြောကြားခဲ့သည်။
Mr. Store ၏ လက်ထောက်က လက်တွေ့ အနေအထားများကို အကဲဖြတ်ရန်အတွက် မြန်မာနိုင်ငံသို့ ယခုလကုန် သွားရောက်ရန် စီစဉ်နေသည်ဟု ပြောကြားသည်။ နော်ဝေတို့၏ မူဝါဒပြောင်းလဲမှုနှင့် နီးစပ်သော ပုဂ္ဂိုလ်က ဆက်လက်၍ “နော်ဝေကုမ္ပဏီများစွာသည် မြန်မာနိုင်ငံတွင် အထူးသဖြင့် စွမ်းအင်ကဏ္ဍ၌ ရင်းနှီးမြှုပ်နှံရန် စိတ်ဝင်စားနေကြကြောင်း၊ သို့သော်လည်း ဤအချက်က မူဝါဒပြောင်းလဲရေး ဆုံးဖြတ်ချက်ကို တွန်းအားပေးခဲ့ကြခြင်း မဟုတ်ကြောင်း” ရှင်းလင်းပြောကြားသည်။
မြန်မာနိုင်ငံသို့ ယခုသီတင်းပတ်တွင် ရောက်ရှိခဲ့သော ပြင်သစ်နိုင်ငံခြားရေးဝန်ကြီး အလန်ယု(ပ်)ကလည်း “ပြင်သစ်နှင့် အီးယူတို့အနေဖြင့် မြန်မာ အစိုးရ၏ သိသာထင်ရှားသော တိုးတက်ပြသမှုများကို အပြူသဘောဖြင့် ကောင်းမွန်စွာ ထိထိရောက်ရောက် တုန့်ပြန်သွားမည်ဟု ပြောကြားခဲ့ပြီး နှစ်နိုင်ငံ ထောက်ပံ့ကူညီမှုကိုလည်း တိုးမြှင့်မည် ဖြစ်ကြောင်း” ကြေညာခဲ့သည်။
မြန်မာနိုင်ငံက အစိုးရရဲ့ လစ်ဘရယ်လမ်းစဉ် ပြောင်းလဲမှုနဲ့ ဒီမိုကရေစီ ကူးပြောင်းမှု တိုးတက်အရှိန်ရလာချိန်မှာ Sanctions တွေကို တစ်ဆင့်ပြီး တစ်ဆင့် ရုတ်သိမ်းပေးသွားမည်ဟုလည်း အလန်ယု(ပ်) က ပြောကြားခဲ့သည်။ ယခင်က မြန်မာအစိုးရသည် တရုတ်နိုင်ငံ၊ ထိုင်းနိုင်ငံ နယ်စပ်များ အနီး ဒေသများတွင် တိုင်းရင်းသားလူမျိုးများအပေါ် အကြမ်းဖက်ခြင်း အပါအဝင် လူ့အခွင့်အရေး ချိုးဖောက်မှုများကို ကျယ်ကျယ်ပြန့်ပြန့် ကျူးလွန်လျက် ရှိသည်ဟု စွပ်စွဲခံခဲ့ရသည်။ သို့သော်လည်း အငြင်းပွားဖွယ်ရွေးကောက်ပွဲများ အပြီး မနှစ်က အာဏာရလာသော အရပ်ဖက်အစိုးရသည် အနောက်နိုင်ငံများ တောင်းဆိုထားကြသော ပြုပြင်ပြောင်းလဲမှုများကို ဆက်တိုက် အကောင်အထည်ဖော် ပြသခြင်းဖြင့် အနောက်နိုင်ငံ အစိုးရများအပေါ် ကျော်လွှား အနိုင်ယူပြရန် ခက်ခက်ခဲခဲ ကြိုးစားအားထုတ်ခဲ့သည်။ ယခုအခါ လူ့အခွင့်အရေးအုပ်စုအချို့ကပင် မြန်မာအစိုးရအပေါ် တုန့်ပြန်ချီးမြှင့်မှုအချို့ပေးကာ ထောက်ခံကြောင်း ပြောကြားခဲ့ကြပြီ ဖြစ်သည်။
*****************************************************************************
Google Docs makes it easy to create, store and share online documents, spreadsheets and presentations.
