Posts
 | yangonchronicle 2011- (1) |
၁၃.၂.၂၀၁၂
ဘာသာပြန်သတင်းများ အပိုင်း(၂)
- ဒေါ်အောင်ဆန်းစုကြည် ပြန်လည်ပေါ်ထွက်လာမှု ပြည်သူများ သောင်းသောင်းဖြဖြကြိုဆို
(Radio Newzealand မှ 12 February 2012 ရက်စွဲပါ Crowds cheer return of Aung San Suu Kyi ကို ဘာသာ ပြန်ဆိုသည်)
- မြန်မာ့အပြောင်းအလဲ အဆင့်သစ်သို့ ကူးပြောင်းဝင်ရောက်
(The Financial Times မှ 12 February 2012 ရက်စွဲပါ Myanmar reformist era enters new phase ကို ဘာသာ ပြန်ဆိုသည်)
- မြန်မာနိုင်ငံ ဆက်လက်ပြုပြင်ပြောင်းလဲရေး အားပေးမြှင့်တင်
(VOA News မှ 10 February 2012 ရက်စွဲပါ Promoting further reform in Burma ကို ဘာသာ ပြန်ဆိုသည်)
- မြန်မာ့ဒီမိုကရေစီကူးပြောင်းမှုတွင် တိုင်းရင်းသားများကိုချန်မထားရန် သတိပေး
(The Nation မှ 10 Feb 2012 ရက်စွဲပါ “Don’t forget ethnic minorities while democratizing Burma, activists warn” ကို ဘာသာ ပြန်ဆိုသည်)
************************************************************************************************************
ဒေါ်အောင်ဆန်းစုကြည် ပြန်လည်ပေါ်ထွက်လာမှု ပြည်သူများ သောင်းသောင်းဖြဖြကြိုဆို
(Radio Newzealand မှ 12 February 2012 ရက်စွဲပါ Crowds cheer return of Aung San Suu Kyi ကို ဘာသာ ပြန်ဆိုသည်)
ယခုနှစ်အတွင်းကျင်းပမည့် ကြားဖြတ်ရွေးကောက်ပွဲများအတွက် မဲဆွယ်စည်းရုံးလျက်ရှိသော အတိုက်အခံ နိုင်ငံရေး ပါတီခေါင်းဆောင် ဒေါ်အောင်ဆန်းစုကြည်အား ကျေးလက်မှ ထောက်ခံသူများစါာက သောင်းသောင်းဖြဖြ ကြိုဆိုခဲ့ကြသည်ဟု သိရသည်။ ကော့မှူးမဲဆန္ဒနယ်မှ ရွေးကောက်ပွဲဝင်မည့်ဒေါ်အောင်ဆန်းစုကြည်သည် ၂ဝ၁ဝ ရွေးကောက်ပွဲများအပြီးတွင် နေအိမ်အကျယ်ချုပ်မှ လွတ်မြောက်လာသူဖြစ်သည်။
ကိုယ်စားလှယ်လောင်းအမတ်များအားလုံး လွတ်လပ်စွာမဲဆွယ်စည်းရုံးနိုင်ခွင့်ရကြလိမ့်မည်ဟု အစိုးရက ကတိပေးထားကြောင်း ဘီဘီစီက သတင်းထုတ်ပြန်သည်။ ၁၉၉ဝခုနှစ် ရွေးကောက်ပွဲတွင် အနိုင်ရခဲ့သော်လည်း အာဏာမရခဲ့သည့် NLD သည် ၂ဝ၁ဝ ရွေးကောက်ပွဲကို သပိတ်မှောက် ခဲ့သော်လည်း ယခုအခါသဘောထား ပြောင်းလဲကာ ရွေးကောက်ပွဲဝင်ရန် ပြင်ဆင်နေပြီ ဖြစ်သည်။ လွှတ်တော်အရပ်ရပ်၏ လစ်လပ်အမတ်နေရာ 48 နေရာအတွက် ကျင်းပမည့်ကြားဖြတ်ရွေးကောက်ပွဲများကို ဧပြီလ ၁ ရက်တွင် ပြုလုပ်ရန် အစိုးရက စီစဉ်ထားလျက်ရှိသည်။ ယင်းကြားဖြတ် ရွေးကောက်ပွဲတွင် NLD အနေဖြင့် အမတ်နေရာအားလုံး အနိုင်ရသည့်တိုင်အောင် အာဏာရတပ်မတော်နောက်ခံ အစိုးရအဖွဲ့ကို စိန်ခေါ်ခြိမ်းခြောက်နိုင် ဦးမည်မဟုတ်သော်လည်း ဧပြီ ၁ ရက် ရွေးကောက်ပွဲသည် နိုင်ငံရေးသင်္ကေတအရ များစွာ အရေးပါလျက်ရှိသည်။
ယင်းကဲ့သို့ မြန်မာနိုင်ငံတွင် ဖြစ်ပေါ်နေသော အပြောင်းအလဲများ၏ရလဒ်အဖြစ် အမေရိကန်က မြန်မာနှင့် သံတမန်ဆက်ဆံရေး အပြည့်အဝ ပြန်လည် ထူထောင်ရန် စီစဉ်နေသည့်အပြင် နိုင်ငံတကာငွေကြေးအဖွဲ့အစည်း များထံမှ နည်းပညာအကူအညီရယူခွင့်ပေးရန်အတွက် ပိတ်ဆို့မှုအချို့ ကိုလည်း ဖယ်ရှားပေးလိုက်ပြီ ဖြစ်သည်။
**************************************************************************
မြန်မာ့အပြောင်းအလဲ အဆင့်သစ်သို့ ကူးပြောင်းဝင်ရောက်
(The Financial Times မှ 12 February 2012 ရက်စွဲပါ Myanmar reformist era enters new phase ကို ဘာသာ ပြန်ဆိုသည်)
အတိုက်အခံပါတီခေါင်းဆောင် ဒေါ်အောင်ဆန်းစုကြည်က ရန်ကုန်တောင်ပိုင်း ကျေးလက်မဲဆန္ဒနယ်တွင် လွှတ်တော်ရွေးကောက်ပွဲအတွက် မဲဆွယ်စည်းရုံးမှုစတင်ခြင်းဖြင့် မြန်မာနိုင်ငံ၏အသွင်ကူးပြောင်းမှုသည် အခန်းသစ်တစ်ခုသို့ ဝင်ရောက်သွားပြီ ဖြစ်သည်။ ဒေါ်အောင်ဆန်းစုကြည်သည် ဧပြီ ၁ ရက် ကြားဖြတ်ရွေးကောက်ပွဲအတွက် မဲဆွယ်စည်းရုံးမှု တရားဝင် မစတင်မီ ပြည်တွင်းခရီးစဉ်များစွာ သွားခဲ့ပြီး ဖြစ်သည်။ သို့သော်သူမအနေဖြင့် စနေနေ့က ကော့မှူးမဲဆန္ဒနယ်တွင် လွှတ်တော်ကိုယ်စားလှယ်အမတ်လောင်းအဖြစ် ပထမဦးဆုံးတရားဝင်ထွက်ပေါ်လာခြင်းသည် ပြယုဂ်ခေါင်းဆောင် အဖြစ်မှ နိုင်ငံရေးသမားအဖြစ်သို့ ဘဝပြောင်းခြင်းဖြစ်သည်ဟူသော သံတမန်တစ်ဦး၏ သုံးသပ်ချက်ကို ပေါ်လွင်ထင်ဟပ်နေသည်။
ရန်ကုန်မှ ၃၁ ကီလိုမီတာဝေးသော ကော့မှူးသို့သွားသော ခရီးစဉ်တလျှောက် သူမကို ကြိုဆိုနေသော ပြည်သူများကို ပြင်းထန်သော အပူရှိန်အောက်တွင် အမိုးဖွင့်ကားပေါ်မှ ပြုံးရွှင်စွာ လက်ပြနှုတ်ဆက်ခဲ့သော ဒေါ်အောင်ဆန်းစုကြည်၏ ယာဉ်တန်းတွင် မော်တော်ယာဉ်အစီး ၄ဝ နှင့် မော်တော်ဆိုင်ကယ်အစီး ရာဂဏန်း ပါဝင်ခဲ့သည်။ သာမန်အားဖြင့် ၂ နာရီသာ ကြာမည့်ခရီးစဉ်ကို ၇ နာရီခန့် ကြာသည်အထိ နိုင်ငံရေးစည်းရုံး ဟောပြောခဲ့သော ဒေါ်အောင်ဆန်းစုကြည်က သူမအား ထောက်ခံကြိုဆိုနေကြသော လယ်ကွင်းထဲမှ ပြည်သူများကို “ကျွန်မတို့ ပြည်သူတွေနဲ့အတူ သွားရမယ့်ခရီးဟာ အရမ်းကြမ်းတမ်းပေမဲ့ ပန်းတိုင်ကတော့ ငြိမ်းချမ်းပါလိမ့်မယ်။ အခက်အခဲတွေကို အတူကျော်လွှားနိုင်ဖို့ ပြည်သူတွေရဲ့အင်အားကို လိုအပ်ပါတယ်” ဟု ပြောကြားခဲ့သည်။
ဒေါ်အောင်ဆန်းစုကြည်၏ NLD ပါတီသည် အရေးကြီးသောစမ်းသပ်မှုတစ်ခုအဖြစ် လွှတ်တော်နှစ်ရပ်ပေါင်း ၆၆၄ နေရာအနက်မှ လစ်လပ်နေသော ၄၈ နေရာအတွက် ကျင်းပမည့် ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်ရန် ပြင်ဆင်နေပြီ ဖြစ်သည်။ အနောက်နိုင်ငံအစိုးရများက မြန်မာနိုင်ငံအပေါ် ချမှတ်ထားသော အရေးယူမှုများ ရုတ်သိမ်းပေးရန် ကြိုတင်စည်းကမ်း သတ်မှတ်ချက်အဖြစ် တိုင်းရင်းသား လက်နက်ကိုင် ပဋိပက္ခများကို ငြိမ်းချမ်းစွာအဆုံးသတ်ရန်၊ နိုင်ငံရေးအကျဉ်းသားများအား လွှတ်ပေးရန် အချက်များအပြင် ရွေးကောက်ပွဲများ လွတ်လပ် မျှတစွာ ကျင်းပပေးရန် တောင်းဆိုထားကြသည်။ လက်ရှိ မြန်မာနိုင်ငံအကျဉ်းထောင်များထဲတွင် နိုင်ငံရေးအကျဉ်းသား ၃ဝဝ မှ ၄ဝဝ ခန့် ကျန်ရှိနေသေးသည်ဟု သံတမန်များနှင့် လူ့အခွင့်အရေးအုပ်စုများက ခန့်မှန်းထားကြသည်။
ရန်ကုန်အခြေစိုက် သံတမန်တစ်ဦးက “လွတ်လပ်မျှတတဲ့ ရွေးကောက်ပွဲဆိုတာကို မဲပေးတဲ့ရက် တစ်ရက်တည်းနဲ့ ဆုံးဖြတ်လို့မရပါဘူး။ မဲဆွယ်စည်းရုံးမှု လုပ်ငန်းစဉ်ကို အနောက်နိုင်ငံအစိုးရတွေက အနီးကပ် စောင့်ကြည့်လေ့လာနေကြမှာပါ” ဟု သတိပေး ပြောဆိုသည်။ လွှတ်တော်ကို ဒေါ်အောင်ဆန်းစုကြည်က ဩဇာလွှမ်းသွားမည်ဟူသော မျှော်မှန်းချက်များ ရှိနေသော်လည်း ဒုတိယအကြီးဆုံးအတိုက်အခံပါတီ NDF ကို ထူထောင်သူ ဦးခင်မောင်ဆွေက “ဒါဟာ အမျိုးသမီးတစ်ဦးရဲ့ ဒီမိုကရေစီ မဟုတ်ဘူးဆိုတာကို မမေ့ကြဖို့ အရေးကြီးပါတယ်” ဟု မှတ်ချက်ပေး ပြောကြားသည်။ “ဒါပေမဲ့ သူတို့ (NLD) ရဲ့မူဝါဒတွေက နိုင်ငံအတွက် ကောင်းမယ်ဆိုရင် ကျွန်တော်တို့ ပါတီဝင်တွေက အားပေးထောက်ခံကြမှာပါ။ ဒါဟာ နိုင်ငံတည်ဆောက်နေတဲ့ အချိန်ပါ။ အာဏာလွန်ဆွဲရမယ့် အချိန်မဟုတ်ပါဘူး” ဟု ဦးခင်မောင်ဆွေက အလေးအနက်ပြောသည်။
၂ဝ၁ဝ ရွေးကောက်ပွဲကိုသပိတ်မှောက်ခဲ့ပြီးနောက် လာမည့်ဧပြီ ၁ ရက် ကြားဖြတ်ရွေးကောက်ပွဲအတွက် ပြန်လည် မှတ်ပုံတင်ထားသော ဒေါ်အောင်ဆန်းစုကြည်၏ NLD ပါတီနှင့်ယှဉ်လျှင် ပါတီဝင် တစ်သောင်းခန့်ရှိသော NDF ပါတီသည် များစွာသေးငယ်သွားပေသည်။ NLD သည် လက်ရှိ အချိန်ထိ ပါတီဝင် ငါးသိန်းခန့် ရှိနေသည်ဟု စည်းရုံးရေးမှူးများက ခန့်မှန်းပြောကြားထားသည်။
နိုင်ငံရေးအကျဉ်းသားဟောင်း ဦးခင်မောင်ဆွေသည် NLD ပါတီအမာခံတစ်ဦးဖြစ်ခဲ့သော်လည်း ဒေါ်အောင်ဆန်းစုကြည်က ၂ဝ၁ဝ ရွေးကောက်ပွဲကို သပိတ်မှောက်ရန်ဆုံးဖြတ်ခဲ့ခြင်းကြောင့် သဘောထားကွဲလွဲကာ ခွဲထွက်၍ ပါတီသစ်ထူထောင်ခဲ့ခြင်းဖြစ်သည်။ ပြီးခဲ့သော ရွေးကောက်ပွဲတွင် အမတ်နေရာ ၁၆ နေရာ အနိုင်ရရှိကာ လွှတ်တော်တွင်း တစ်ခုတည်းသော အဓိကအတိုက်အခံပါတီအဖြစ် ရပ်တည်ခဲ့သော NDF ပါတီသည် ယခုကြားဖြတ်ရွေးကောက်ပွဲ ၄၈ နေရာတွင် ၁၂ နေရာမျှသာ ပါဝင်ယှဉ်ပြိုင်မည်ဖြစ်သည်။
**************************************************************************
မြန်မာနိုင်ငံ ဆက်လက်ပြုပြင်ပြောင်းလဲရေး အားပေးမြှင့်တင်
(VOA News မှ 10 February 2012 ရက်စွဲပါ Promoting further reform in Burma ကို ဘာသာ ပြန်ဆိုသည်)
ဒီမိုကရေစီလမ်းကြောင်းဆီသို့ ဦးတည်နေသော မြန်မာအစိုးရကို အားပေးတိုက်တွန်းရန် ရည်ရွယ်သော တုံ့ပြန်ဆောင်ရွက်မှုများ ပြုလုပ်နေသည့် အမေရိကန်သည် မြန်မာနိုင်ငံ၏ ဆင်းရဲမွဲတေမှု လျှော့ချရေးနှင့် စီးပွားရေး ဖွံ့ဖြိုးတိုးတက်မှုမြှင့်တင်ရေးအတွက် လိုအပ်သောအကူအညီများကို ကမ္ဘာ့ဘဏ်နှင့် အခြားနိုင်ငံတကာငွေကြေး အဖွဲ့အစည်းများထံမှ ရရှိရေးကိစ္စကို လွယ်ကူချောမွေ့အောင် ဆောင်ရွက်ပေးနေပြီ ဖြစ်သည်။
မြန်မာနိုင်ငံ၌ နိုင်ငံရေးအကျဉ်းသားအရေအတွက် များများလွှတ်ပေးခြင်း၊ မီဒီယာတင်းကြပ်မှုများ ဖြေလျော့ပေးခြင်း၊ အရပ်ဖက်လူ့အဖွဲ့အစည်း များ အတွက် ပိုမိုနေရာပေးလာခြင်း၊ အတိုက်အခံနိုင်ငံရေးသမားများ ရွေးကောက်ပွဲဝင်နိုင်ရန် ရွေးကောက်ပွဲဥပဒေပြင်ဆင်မှုများ ထုတ်ပြန်ပေးခြင်း စသဖြင့် လက်ရှိအစိုးရက ပြုလုပ်နေသော ပြုပြင်ပြောင်းလဲမှုများကို နိုင်ငံတကာအသိုင်းအဝိုင်းက အားရကျေနပ်လျက်ရှိသည်။
လူကုန်ကူးမှုဆိုင်ရန် အမေရိကန်ဥပဒေများအရ မြန်မာနိုင်ငံအပေါ် ပိတ်ပင်ထားမှုအချို့ကိုလည်း တစ်စိတ်တစ်ပိုင်း ဆိုင်းငံ့ဖြေလျော့ပေးရန် ဖေဖော်ဝါရီလ ၆ ရက်တွင် နိုင်ငံခြားရေးဝန်ကြီး ဟီလာရီကလင်တန်က လက်မှတ်ရေးထိုးလိုက်ပြီ ဖြစ်သည်။ အဆိုပါဖြေလျော့ပေးမှုအရ မြန်မာ အာဏာပိုင်များက ကမ္ဘာ့ဘဏ်၊ အာရှဖွံ့ဖြိုးရေးဘဏ်၊ နိုင်ငံတကာငွေကြေးရံပုံငွေအဖွဲ့တို့မှ အကဲဖြတ်နှင့် နည်းပညာအကူအညီအဖွဲ့များ စေလွှတ်ပေးရန် တောင်းဆိုထားမှုကို ထောက်ခံအားပေးနိုင်တော့မည်ဖြစ်သည်။ အထက်ပါ အဖွဲ့အစည်းများ၏ အကဲဖြတ်မှုများသည် မြန်မာ့စီးပွားရေး အနေအထားကို ပိုမို သဘောပေါက် နားလည်အောင် အထောက်အကူပြုမည့် အရေးကြီးသတင်းအချက်အလက်များကို ဖြည့်ဆည်းပေးမည့်အပြင် အထူးသဖြင့် ဆင်းရဲမှု တိုက်ဖျက်ရေးအတွက် အတားအဆီးများ၊ ဖွံ့ဖြိုးနိုင်မှုစွမ်းဆောင်ရည်ထဲမှ ဟာကွက်များကို စိစစ်သတ်မှတ်နိုင်လိမ့်မည် ဖြစ်သည်။
ယခင်က မြန်မာနိုင်ငံအပေါ် စီးပွားရေး၊ နိုင်ငံရေး၊ ကုန်သွယ်ရေး အရေးယူဒဏ်ခတ်မှုများကို နှစ်ပေါင်းများစွာ ချမှတ်ခဲ့ကြခြင်းမှာ အစိုးရ၏ လူ့အခွင့်အရေး ညှဉ်းပန်းနှိပ်စက်မှု၊ ဖောက်ဖျက်မှုများကြောင့် ဖြစ်သည်။ သို့ရာတွင် ပြုပြင်ပြောင်းလဲမှုများစွာကို မကြုံစဖူးဆောင်ရွက်လာသော လက်ရှိ အစိုးရကို အသိအမှတ်ပြုသည့်အနေဖြင့် ပြီးခဲ့သော ဒီဇင်ဘာလက နိုင်ငံခြားရေးဝန်ကြီး ဟီလာရီကလင်တန်သည် မြန်မာနိုင်ငံသို့ ကိုယ်တိုင်သွားကာ ယင်းခရီးစဉ်တွင် နိုင်ငံတကာငွေကြေးအဖွဲ့များ၏ အကဲဖြတ်မှုများကို အားပေးထောက်ခံရန် သဘောတူညီခဲ့သည်။ ယခုအခါ အမေရိကန်သည် မြန်မာနိုင်ငံ၏ ဒီမိုကရေစီနှင့် အမျိုးသားပြန်လည်သင့်မြတ်ရေး လမ်းကြောင်းပေါ်တွင် တိုးတက်ပြောင်းလဲမှုများ ရှိလာအောင် မြန်မာနိုင်ငံနှင့် ပူးပေါင်း ဆောင်ရွက်၊ ထောက်ခံအားပေးသွားရန် တာဝန် ရှိနေပြီ ဖြစ်သည်။
***********************************************************************
မြန်မာ့ဒီမိုကရေစီကူးပြောင်းမှုတွင် တိုင်းရင်းသားများကိုချန်မထားရန် သတိပေး
(The Nation မှ 10 Feb 2012 ရက်စွဲပါ “Don’t forget ethnic minorities while democratizing Burma, activists warn” ကို ဘာသာပြန်ဆိုသည်)
မြန်မာနိုင်ငံ၏ ဒီမိုကရေစီအသွင်ကူးပြောင်းမှုတွင် အပြုသဘောဆောင်သော တိုးတက်ပြောင်းလဲမှုများ ရှိနေသော်လည်း တိုင်းရင်းသားလူမျိုးတို့၏ အခွင့်အရေး လွတ်လပ်ခွင့်များနှင့် ပတ်သက်လာလျှင်မူ များစွာလိုအပ်ချက်များ ရှိနေသည်ဟု ထိုင်းနိုင်ငံအခြေစိုက် လူ့အခွင့်အရေး လှုပ်ရှားသူများက ပြောကြားသည်။
“မြန်မာနိုင်ငံရဲ့ ဒီမိုကရေစီပြောင်းလဲမှုဟာတိုင်းရင်းသားတွေဆီကိုမရောက်သေးပါဘူး” ဟု ချူလာလောင်ကွန် တက္ကသိုလ်မှ နိုင်ငံရေးသိပ္ပံပညာရှင် ဘန်ကောက်အခြေစိုက် Thai Action Committee for Democray in Burma အဖွဲ့ဝင် နာဂူမွန်တပ်ချမ်ပေါ က မှတ်ချက်ပေးပြောဆိုသည်။ တိုင်းရင်းသားအရေး လှုပ်ရှားသူအကျဉ်းသားများသည် နိုင်ငံရေးအကျဉ်းသားများအဖြစ် သတ်မှတ်ခြင်း မခံရသောကြောင့် ရာဇဝတ်မှုစွဲချက်များနှင့် ရင်ဆိုင်နေရပြီး ယခုတိုင် မလွတ်မြောက်သေးပါ ဟုနာဂူမွန် က ဆိုသည်။ ထို့အပြင် တိုင်းရင်းသားတို့နှင့် သက်ဆိုင်သော ငြိမ်းချမ်းရေးဆွေးနွေးပွဲအစစ်ကို ကျင်းပနိုင်ခြင်း မရှိသေးသောကြောင့် မြန်မာနိုင်ငံ၏ တိုင်းရင်းသားပေါင်းစုံအကြားအေးချမ်းမှုနှင့် လေးစားမှုတို့ ရှိနေသည့်တိုင်အောင် ဒီမိုကရေစီအစစ် မရနိုင် ဟုသူမကသုံးသပ်ပြောဆိုသည်။
တိုင်းရင်းသားတွေအတွက် ငြိမ်းချမ်းရေးနဲ့ အပစ်ရပ်စဲမှု သာမကပဲတိကျခိုင်မာတဲ့ နိုင်ငံရေးအစီအစဉ်တစ်ရပ် လိုအပ်နေပါတယ် ဟုပြောကြားသူ နာဂူမွန် က ထိုင်းနိုင်ငံမှ သူမတို့ လုပ်ငန်းအတွက် ရန်ပုံငွေ နည်းလာကြောင်း ဝန်ခံပြောဆိုသည်။ ယခုအခါ အီးယူသည် ဂျာမဏီနိုင်ငံမှ အချို့ NGO များကဲ့သို့ပင် ထိုင်းနိုင်ငံအခြေစိုက်အဖွဲ့များကို ရန်ပုံငွေ လျှော့ချကာ မြန်မာနိုင်ငံတွင်းမှအဖွဲ့များကိုတိုက်ရိုက် ထောက်ပံ့နေပြီဟုသူမကဆိုသည်။
ထိုင်းမြန်မာနယ်စပ်မှ ဒုက္ခသည်များနှင့် အိုးမဲ့အိမ်မဲ့ ပြည်သူများအတွက် လုပ်ကိုင်ပေးနေသောချင်းမိုင်အခြေစိုက် Shan Women’s Action Network အဖွဲ့ခေါင်းဆောင် ချမ်တုန်ကလည်း “ဒုက္ခသည်များအတွက် အကူအညီများ ဆက်လက်လိုအပ်နေသည်” ဟုပြောကြားသည်။ “နယ်စပ်မှာ ခြိမ်းခြောက်မှုတွေ ရှိနေဆဲဖြစ်လို့ အကူအညီတွေ မရှိမဖြစ် လိုနေတုန်းပါပဲ။ သံလွင်တမံလို ပြည်ပကငွေကြေးစိုက်ထုတ်တဲ့ စီမံကိန်းတွေကြောင့် အိုးမဲ့အိမ်မဲ့ဖြစ်သူတွေ နောက်ထပ်ရှိလာနိုင်ပါတယ်” ဟုသူမက ဆိုသည်။
ချမ်တုန် က ဆက်လက်၍ “အပစ်ရပ်ထားသော်ငြားလည်းရှမ်းတောင်တန်းပေါ်တွင် မြန်မာစစ်တပ်လေးပုံတစ်ပုံခန့် ရှိနေသေးကြောင်း၊ ကချင်တပ်ဖွဲ့များကိုလည်း ဆက်လက်တိုက်ခိုက်နေကြောင်း၊ မြန်မာတပ်များ ပြန်မဆုတ်သေးကြောင်း” ထုတ်ဖော်ပြောဆိုသည်။ အမြဲတမ်းအပစ်ရပ်စဲရေး နှင့် နိုင်ငံရေးအဖြေထွက်ပြေလည်ရေးအတွက် ဆွေးနွေးမှုများရှိလာမည်ဟု ချမ်တုန်က မျှော်လင့်နေသော်လည်း ထိုင်းနိုင်ငံကဲ့သို့ လူပေါင်းများစွာ ထွက်ပြေးစေသော အနေအထား ပြောင်းလဲသွားမလား ဆိုသည်ကို ဆွေးနွေးပြောဆိုကြခြင်း မရှိဟုပြောကြားသည်။ “တောသူတောင်သားအများစုဟာ မြန်မာစစ်သားတွေရဲ့ တိုက်ခိုက်မှုကိုခံနေကြရဆဲပါပဲ။ ဒီမိုကရေစီရေး လှုပ်ရှားသူတွေ၊ မြန်မာ့အရေးလှုပ်ရှားသူတွေ များစွာဟာလည်းနယ်စပ်တစ်ဖက် ထိုင်းမြေပေါ်မှာ နေထိုင်နေရဆဲပါပဲ” ဟု တုန်ချမ်က မှတ်ချက်ပေးသည်။
****************************************************************************
Google Docs makes it easy to create, store and share online documents, spreadsheets and presentations.
