Posts
 | yangonchronicle 2011- (1) |
၅.၃.၂ဝ၁၂
ဘာသာပြန်သတင်းများ အပိုင်း(၃)
- ၄၃ လတာမျှ မြင့်တက်ခဲ့သည့် ရေနံဈေးနှုန်း ပြန်လည်ကျဆင်း
(BBC သတင်းဌာနမှ 3 Mar 2012 ရက်စွဲပါ Oil price falls back from 43-month high ကိုဘာသာပြန်ဆိုသည်)
- စားနပ်ရိက္ခာထောက်ပံ့ရေးအစီအစဉ် မြောက်ကိုရီးယားနှင့် အမေရိကန် အကောင်အထည်ဖော်မည်
(CNN သတင်းဌာနမှ 2 March 2012 ရက်စွဲပါ North Korea, US to set final food aid details ကို ဘာသာ ပြန်ဆိုသည်)
*************************************************************************
၄၃ လတာမျှ မြင့်တက်ခဲ့သည့် ရေနံဈေးနှုန်း ပြန်လည်ကျဆင်း
(BBC သတင်းဌာနမှ 3 Mar 2012 ရက်စွဲပါ Oil price falls back from 43-month high ကိုဘာသာပြန်ဆိုသည်)
ရေနံတင်ပို့သော ပိုက်လိုင်းပေါက်ကွဲမှု ဖြစ်ပွားသည်ဟူသည့် သတင်းပေးပို့ချက်များ မှန်ကန်မှုမရှိကြောင်း ဆော်ဒီအာရေဗျနိုင်ငံက ငြင်းဆိုလိုက်ပြီးနောက် ရေနံဈေးနှုန်းများ ပြန်လည်ကျဆင်းသွားကြောင်း သိရသည်။ အဆိုပါ ရေနံဈေးနှုန်းမှာ လပေါင်း ၄၃ လတာမျှ မြင့်တက်ခဲ့ပြီးနောက် ယခုလို ပြန်လည်ကျဆင်းခဲ့ခြင်းဖြစ်သည်။
ပြီးခဲ့သည့် ရက်သတ္တပတ် မတ်လ ၃ ရက်နေ့ နယူးယောက်မြို့ဈေးကွက်တွင် Brent Crude ၏ ဈေးနှုန်းမှာ ရေနံ တစ်ပေပါလျှင် ၁၂၅ ဒဿမ ၆ ဒေါ်လာသို့ ရောက်ရှိခဲ့သည်။ ယခင်က ၁၂၈ ဒဿမ ၄၀ ဒေါ်လာရှိခဲ့ရာမှ ၆ ဒေါ်လာခန့် ကျဆင်းခဲ့ခြင်းဖြစ်သည်။ ရေနံဈေးနှုန်းများသည် ပြီးခဲ့သည့် ၂ဝဝ၈ ခုနှစ် ဇူလိုင်လမှစတင်ကာ အကြောင်းအမျိုးမျိုးကြောင့် အမြင့်ဆုံး အနေအထားသို့ ရောက်ရှိသွားခဲ့သည်။ အဆိုပါ အကြောင်းများတွင် အီရန်နိုင်ငံ၏ နျူကလီးယားအစီအစဉ်နှင့် ဒေသတွင်း မတည်မငြိမ်မှုများလည်း ပါဝင်သည်။ ထို့နောက် ယမန်နှစ်တွင်ဖြစ်ပွားခဲ့သော လစ်ဗျား ပြည်တွင်းစစ်ကလည်း ရေနံဈေးနှုန်းများ ကျဆင်းမှု မရှိအောင် ဖန်တီးထားသလို ဖြစ်စေခဲ့သည်။
လတ်တလောအနေအထား ရေနံဈေးကွက်အတွင်းကြုံတွေ့နေရသော ပြဿနာတစ်ရပ်မှာ နိုင်ငံ အတော်များများဆီက ဖြစ်ရပ်မျိုးစုံက ဝယ်လိုအားနှင့် ရောင်းလိုအားအပေါ် ဂယက်ရိုက်ခတ်မှု ရှိနေခဲ့ခြင်းပင်ဖြစ်သည်။ အဆိုပါ ဖြစ်ရပ်များက ကုန်သည်ကြီးများအနေဖြင့် ဈေးကွက်တွင်း ခန့်မှန်း ပြောဆိုမှုများပြုလုပ်လာအောင် မကြာခဏ ဆိုသလို တွန်းအားပေးခဲ့သည်။
မတ်လ ၂ ရက်နေ့က အီရန်သတင်းမီဒီယာများတွင် ဆော်ဒီအာရေဗျရှိ ရေနံပိုက်လိုင်း ပေါက်ကွဲမှု ဖြစ်ပွားသည်ဟု ရေးသားဖော်ပြပါရှိခဲ့ရာ ရေနံဈေးနှုန်းများ ကမောက်ကမ ဖြစ်ခဲ့သည်။ ဆော်ဒီနှင့် အီရန်အကြား ဆက်ဆံမှု တည်ငြိမ်သည့်အနေအထားသို့ ရောက်ရှိချိန်တွင် အဆိုပါသတင်း ထွက်ပေါ်လာခြင်း ဖြစ်သည်။
အမေရိကန်ကမူ အီရန်နိုင်ငံမှ တင်ပို့သော ရေနံများဝယ်ယူမှုကို ပိတ်ပင်ကန့်သတ်ထားသည်။ ဥရောပသမဂ္ဂ (အီးယူ) ကလည်း အီရန်မှ ရေနံ တင်သွင်းမှုကို ပိတ်ပင်ထားသည်။ သို့အတွက်ကြောင့် အကယ်၍သာ အနောက်နိုင်ငံများ အနေဖြင့် နောက်ထပ် ပိတ်ပင်တားဆီးမှုများ ပြုလုပ်မည်ဆိုပါက အီရန်နိုင်ငံက ပင်လယ်ကွေ့ဒေသမှ ရေနံများ အဓိကသယ်ယူရာ လမ်းကြောင်း ဖြစ်သည့် Hormuz ရေလက်ကြားအား ပိတ်ပင်ပစ်မည်ဟု ခြိမ်းခြောက်မှုများ ပြုလုပ်ခဲ့သည်။ အဆိုပါ သတင်းထွက်ပေါ်မှုများသည် ရေနံတင်ပို့သည့် အခန်းကဏ္ဍတွင် မတည်မငြိမ်မှုများနှင့် မရေရာ မသေချာမှုများ ဖြစ်ပေါ်အောင် ဖန်တီးခဲ့ကြောင်း၊ ယခုအီရန်က ထွက်ပေါ်လာသော နောက်ဆုံးသတင်းက စိုးရိမ်ပူပန်မှုများကို ကြီးထွားစေကြောင်း ပြောကြားသည်။
"ရေနံပိုက်လိုင်းသတင်းကြောင့် ရေနံဈေးနှုန်းတွေ သိသိသာသာ မြင့်တက်သွားခဲ့တဲ့ ဖြစ်ရပ်ကို ကြည့်ရင် ဈေးကွက်ထဲမှာ တင်ပို့မှုနဲ့ပတ်သက်တဲ့ ပြဿနာတွေအတွက် စိုးရိမ်စိတ်တွေ ရှိနေတယ်ဆိုတာ ပေါ်လွင်ပါတယ်" ဟု Trading Energy မှ Gene McGillan ကပြောသည်။
အီရန်ထွက် ရေနံများကို အဓိက ဝယ်ယူလျက် ရှိသည့် ဝယ်လက်ကြီးများမှာ တရုတ်၊ ဂျပန်၊ အိန္ဒိယ နှင့် တောင်ကိုရီးယား တို့ကဲ့သို့သော အာရှ အင်အားကြီး နိုင်ငံများ ဖြစ်သည်။ အမေရိကန်ကမူ အီရန်မှ ရေနံ မဝယ်ယူရေးအတွက် အဆိုပါနိုင်ငံများ ယုံကြည်လက်ခံလာအောင် ကြိုးပမ်းလျက်ရှိပြီး တီဟီရန် အစိုးရအပေါ် ဖိအားများ ထပ်ပေးလျက်ရှိသည်။
ယခုနှစ်အစောပိုင်းတွင် အမေရိကန်ဘဏ္ဍာရေးဝန်ကြီး Timothy Geithner က တရုတ်နှင့် ဂျပန်နိုင်ငံသို့ သွားရောက်ပြီး အီရန်အပေါ် အမေရိကန်၏ ပိတ်ဆို့အရေးယူမှုများကို ထောက်ခံပေးရန် ကြိုးစားပြောဆိုခဲ့သည်။ သို့သော် အခက်အခဲ ဖြစ်နေသည့်ကိစ္စမှာ အကယ်၍ အီရန်နိုင်ငံမှ ရေနံ ဝယ်ယူမှုများကို ရပ်ဆိုင်းပစ်မည်ဆိုပါက ၎င်းတို့အနေဖြင့် ဝယ်လိုအားကို ဖြည့်ဆည်းပေးရန်အလို့ငှာ အခြားသော ရေနံထုတ်လုပ်သူများနှင့် ချိတ်ဆက်ရမည် ဖြစ်ရာ ဈေးနှုန်းများမြင့်တက်စေနိုင်ပြီး ကမ္ဘာလုံးဆိုင်ရာ စီးပွားရေးတိုးတက်မှုလည်း ထိခိုက်နိုင်သည်။ သို့သော် ကမ္ဘာ့ရေနံ ထုတ်လုပ်သူများအနေဖြင့် အီရန်နိုင်ငံမှ ဝယ်ယူနေသည့် ပမာဏကို ဖြည့်ဆည်းပေးနိုင်စွမ်း ရှိကြောင်း အမေရိကန် အာဏာပိုင်များက လိုက်လံပြောဆိုလျက် ရှိသည်။
"အရန်ရေနံတွေ အမြောက်အမြား ရှိတယ်လို့ ကျွန်တော်ထင်ပါတယ်" ဟု အမေရိကန်စွမ်းအင်ဝန်ကြီး Steven Chu ကဆိုသည်။ တစ်ချိန်တည်းမှာပင် လေ့လာဆန်းစစ်သူများက "ကမ္ဘာလုံးဆိုင်ရာ ရာသီဥတု အခြေအနေများ အပြောင်းအလဲဖြစ်မှုတို့က ရေနံဈေးနှုန်း ပုံမှန်ဖြစ်အောင် ထိန်းကျောင်းလိမ့်မည်" ဟု ဆိုကြသည်။
"ဒီရေနံဈေးနှုန်းတွေဟာ ကာလတိုတစ်ခုထဲမှာ အဆမတန် မြင့်တက်သွားခဲ့တာပါ။ အခု ဆောင်းရာသီကနေ နွေဦးရာသီထဲကို ကူးပြောင်းပြီး အပူချိန် မြင့်တက်လာတာနဲ့အမျှ ရေနံဝယ်လိုအားလည်းကျဆင်းလာမှာဖြစ်ပါတယ်" ဟု ဟောင်ကောင် အခြေစိုက် Mirae Asset Management မှ စွမ်းအင် သုတေသနဌာန အကြီးအကဲ Gordon Kwan က ပြောသည်။
*******************************************************************
စားနပ်ရိက္ခာထောက်ပံ့ရေးအစီအစဉ် မြောက်ကိုရီးယားနှင့် အမေရိကန် အကောင်အထည်ဖော်မည်
(CNN သတင်းဌာနမှ 2 March 2012 ရက်စွဲပါ North Korea, US to set final food aid details ကို ဘာသာ ပြန်ဆိုသည်)
အမေရိကန်ပြည်ထောင်စုနှင့် မြောက်ကိုရီးယားနိုင်ငံမှ အရာရှိကြီးများသည် လာမည့် ရက်သတ္တပတ်အတွင်း စားနပ်ရိက္ခာ ထောက်ပံ့မှုအစီအစဉ် ပြန်လည် စတင်ရေးနှင့် ပတ်သက်၍ အဆုံးသတ်ဆုံးဖြတ်ရန် မျက်နှာစုံညီ တွေ့ဆုံဆွေးနွေးမှုများ ပြုလုပ်သွားမည်ဖြစ်ကြောင်း အမေရိကန် နိုင်ငံခြားရေး ဝန်ကြီးဌာနက သတင်းထုတ်ပြန်သည်။
မြောက်ကိုရီးယားနိုင်ငံ လူ့အခွင့်အရေးကိစ္စရပ်များဆိုင်ရာ အမေရိကန်အထူးသံတမန် Robert King သည် မြောက်ကိုရီးယားနိုင်ငံမှ ၎င်းနှင့် ရာထူးအဆင့် တူသည့် အရာရှိကြီးနှင့်တွေ့ဆုံကာ "စားနပ်ရိက္ခာနှင့် အစာအာဟာရဆိုင်ရာ အကူအညီများ ပေးပို့နိုင်ရေးအတွက် နည်းပညာဆိုင်ရာ စီမံ ဆောင်ရွက်မှုများကို အဆုံးသတ် ဆွေးနွေးမည်" ဖြစ်ကြောင်း နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ Victoria Nuland က ပြောသည်။
ထိုသို့ဆွေးနွေးရာတွင် စားနပ်ရိက္ခာများ တင်ဆောင်လာမည့် သင်္ဘောများရပ်နားမည့်ဆိပ်ကမ်းကိစ္စ၊ စားနပ်ရိက္ခာ ဖြန့်ဖြူးရေးလုပ်ငန်းစဉ်ကို စောင့်ကြည့်မည့် ကိစ္စ၊ လုပ်ငန်းစဉ်တွင်ပါဝင်မည့် အစိုးရမဟုတ်သော အဖွဲ့အစည်းများ (အန်ဂျီအို) ကိစ္စ အစရှိသည်တို့ ပါဝင်မည်ဟု ဆိုသည်။ အဆိုပါ ဆွေးနွေးပွဲသည် မြောက်ကိုရီးယားသို့ အမေရိကန် စားနပ်ရိက္ခာ ထေက်ပံ့ရေးအစီအစဉ် အကောင်အထည်ဖော် ဆောင်ရွက်ရေးဆိုင်ရာ နောက်ဆုံး ဆွေးနွေးပွဲ ဖြစ်ကြောင်း မစ္စ Nuland ကဆိုသည်။
"မဟာဗျူဟာအရေးကိစ္စကို ကျွန်မတို့တတွေ လုပ်ကြရမှာပါ။ အာဟာရထောက်ပံ့ရေး အစီအစဉ်နဲ့ ပတ်သက်ပြီး အပြီးသတ်လုပ်ကိုင်ပေးဖို့ စီစဉ်ထားပြီး ဖြစ်ပါတယ်" ဟု ၎င်းက ဆိုသည်။ အမေရိကန် နိုင်ငံခြားရေးဝန်ကြီးဌာန၏ ကြေညာချက်သည် တောင်ကိုရီးယားအပေါ် မြောက်ကိုရီးယားက ရန်ပြုလိုသည့် ခြိမ်းခြောက်မှုများ ပြုလုပ်ခဲ့ပြီး မကြာမီအချိန်တွင် ထွက်ပေါ်လာခြင်း ဖြစ်သည်။ မစ္စ Nuland ကမူ မြောက်ကိုရီးယား၏ သုံးသပ်ချက်များသည် ဆက်ဆံရေး ကောင်းမွန်အောင် ကြိုးပမ်းနေသည့် အချိန်သမယအတွင်း အကူအညီ အထောက်အပံ့ တစ်စုံတစ်ရာ မပေးနိုင်ကြောင်း ပြောဆိုသည်။
"ကျွန်မတို့မှာ ကောင်းမွန်မှုရှိတဲ့ လုပ်ငန်းစဉ် အဆင့်ငယ်လေးတွေ ရှိခဲ့ပါတယ်။ အဲဒီလုပ်ငန်းစဉ်နဲ့ ကိုက်ညီမှု ရှိတဲ့ လုပ်ရပ်တွေကို ဆက်လက် လုပ်ဆောင်သွားမှာပါ" ဟု ဆက်လက် ပြောသည်။
မြောက်ကိုရီးယားသည် ယခုရက်သတ္တပတ် အစောပိုင်းကာလတွင် နျူကလီးယား အစီအစဉ်နှင့် ဒုံးကျည်စမ်းသပ်မှုများကို ရပ်ဆိုင်းရန် သဘော တူညီကြောင်း ကြေညာခဲ့ပြန်သည်။ အဆိုပါအစီအစဉ်တွင် ယူရေနီယံ သန့်စင်မှုများ ရပ်ဆိုင်းခြင်း၊ မြောက်ကိုရီးယားနိုင်ငံတွင်းသို့ ကုလသမဂ္ဂ လက်နက် စစ်ဆေးရေး အရာရှိကြီးများ ဝင်ရောက်စစ်ဆေးခွင့် ပြုခြင်း အစရှိသည်တို့လည်းပါဝင်သည်။
အမေရိကန်ပြည်ထောင်စုကမူ ၎င်းတို့အနေဖြင့် ဆင်းရဲနွမ်းပါးသော မြောက်ကိုရီးယားအတွက် တန်ချိန် နှစ်သိန်းလေးသောင်းခန့်ရှိသော စားနပ်ရိက္ခာများ ထောက်ပံ့ ပေးသွားမည်ဟု ဆိုသည်။ မြောက်ကိုရီးယား၏ သဘော တူညီချက်ကို အမေရိကန်အရာရှိကြီးများက သတိကြီးစွာဖြင့် ကြိုဆိုခဲ့ကြပြီး ခြောက်နိုင်ငံ နျူကလီးယားဆိုင်ရာ ဆွေးနွေးပွဲ စတင်နိုင်သည့် အခြေအနေအထိ ရောက်ရှိနိုင်လိမ့်မည်ဟု မျှော်လင့်ပါကြောင်း ထုတ်ဖော် ပြောဆိုခဲ့သည်။
*************************************************************************
Google Docs makes it easy to create, store and share online documents, spreadsheets and presentations.
