Posts
 | yangonchronicle2011 Op-Ed |
၂၁.၃.၂၀၁၂
ဆောင်းပါးကဏ္ဍ
- အကြောက်တရားများမှ ကင်းဝေးရေး
*****************************************
ဆောင်းပါးကဏ္ဍ
အကြောက်တရားများမှ ကင်းဝေးရေး
အောင်မောင်း
အနှစ်နှစ်ဆယ်ကျော် အာဏာရှင်စနစ်အောက်တွင် ထုသားပေသား ကျလာခဲ့သည့် မိမိတို့၏နှလုံးသားများသည် အကြောက်တရားများ အတိဖြင့် မှိုင်းကပ်နေလျှက်ရှိသည်ဆိုသည်မှာ မငြင်းသာသည့် အချက်ပင်ဖြစ်ပါသည်။ ရိုးရာဓလေ့အရပင် အုပ်ချုပ်သူမင်းအစိုးရကို ရန်သူမျိုးငါးပါးတွင် ထည့်သွင်း ထားသည်ဖြစ်ရာ မိမိတို့၏ စိတ်အခံမှာ ဘက်တူလျှင် ဗိုလ်မရွေးဟုဆိုသော်လည်း အားမတန်မာန်လျော့ရသည်ဟု ဆင်ခြေပေး၍ အင်အားကြီးသူကို ကြောက်ရွံ့သည့် စိတ်အခံကို လှစ်ဟပြသနေသကဲ့သို့ရှိပေသည်။
အနီးစပ်ဆုံး ဥပမာပေးရလျှင် မြန်မာ့လက်ရွေးစင် ဘောလုံးအသင်းများ၏ အနှစ်နှစ်ဆယ်အတွင်း ဖြတ်သန်းခဲ့မှုကိုကြည့်လျှင် နိုင်နေသည့်အချိန် များ၌ မြန်မာအသင်း၏ခြေစွမ်းမှာ အပြစ်ဆိုစရာမရှိလှသော်လည်း ပြိုင်ဘက်အသင်းက ဂိုးစသွင်းလျှင် ခြေစွမ်းရောစိတ်ဓာတ်ပါ ပျောက်ဆုံးသွားတတ်သည် ကို တွေ့မြင်ရမည်ဖြစ်သည်။ ဤသည်မှာ မိမိအနိုင်ရနေလျှင် သတ္တိကောင်းသော်လည်း မိမိရှုံးနိမ့်ချိန်တွင် သတ္တိမကောင်းနိုင်တော့သည့် မိမိတို့၏ စိတ်အခံများ စနစ်တကျ ဖျက်ဆီးခံထားရသည်ကို တွေ့ရတော့မည်ဖြစ်သည်။ အခြားသော နိုင်ငံရေး၊ စီးပွားရေး၊ လူမှုရေးကိစ္စများတွင်လည်း ထိုနည်းနှင် နှင်သာ။ အထူးသဖြင့် နိုင်ငံရေးနှင့်ပတ်သက်ရမည်ကို စိုးထိတ်ကြောက်ရွံ့မှုဖြစ်သည်။
၂၀၀၈ ဖွဲ့စည်းပုံအခြေခံဥပဒေသည် မြန်မာ့နိုင်ငံရေး အပြောင်းအလဲ၏ အချိုးအကွေ့တစ်ခုဖြစ်သည်။ ၂၃နှစ်ကြာ အုပ်စိုးခဲ့သည့် အာဏာရှင် စနစ်ကို အဆုံးသတ်၍ ဒီမိုကရေစီခေတ်ပြောင်းကို စတင်ခြင်းဖြစ်သည်။ ဒီမိုကရေစီဆိုသည်မှာလည်း မြန်မာပြည်သူတို့ အနှစ်နှစ်အလလ တောင့်တခဲ့သည့် ကိစ္စပင်ဖြစ်သည်။ သို့ရာတွင် မိမိတို့အနေဖြင့် လိုချင်သည်ကိုရပြီဖြစ်သည့်တိုင် အကြောက်တရာများ၏ စိုးမိုးမှုကြောင့် မယုံမရဲဖြစ်နေရသေးသည်မှာ အပြစ်ဆိုရန်မဟုတ်ချေ။ စတည်းကယဉ်သကိုဆိုသလို ပြည်လုံးကျွတ်ဆန္ဒခံယူပွဲကြီးကျင်းပပြီး ၉၀ရာခိုင်နှုန်းကျော်ဖြင့် အတည်ပြုခဲ့ရသော ဖွဲ့စည်းပုံ အခြေခံဥပဒေကြီးဆိုသည်ကိုပင် ပြည်သူတွေအနေဖြင့် မည်သူမည်ဝါက မိမိတို့ကိုကိုယ်စားပြု၍ ဝင်ရောက်ဆွေးနွေးပေးခဲ့မှန်း မသိရသော အဆိုပါ ဖွဲ့စည်းပုံ အခြေခံဥပဒေကိုပင် ကြောက်ကြောက်လန့်လန့်ဖြင့် ထောက်ခံမဲပေးခဲ့ရခြင်းပင် မဟုတ်ပါလော။ ထို့ကြောင့် ဖွဲ့စည်းပုံပါ နိုင်ငံသားများ၏ ရပိုင်ခွင့် ဆိုသည်ကိုလည်း ပြည်သူတွေမှာကောင်းစွာမသိ၍ ယခုကဲ့သို့ တစ်နှစ်သား ဒီမိုကရေစီနိုင်ငံကြီးဖြစ်လာပြီ ဖြစ်သည့်တိုင် အကြောက်တရားများကို နေရာအနှံ့တွေ့နေရဆဲ ဖြစ်နေ သည် မဟုတ်ပါလော။
၂၀၁၀ ရွေးကောက်ပွဲက မြန်မာ့နိုင်ငံရေးကို အပြောင်းအလဲဖြစ်စေခဲ့သည်ဟု ဆိုရသည့်တိုင် ထိုရွေးကောက်ပွဲသည် ညစ်ပတ်မှု၊ ခြိမ်းခြောက်မှု များဖြင့် အရုပ်ဆိုး အကျည်းတန်စွာ ပွဲသိမ်းခဲ့ရသည်ကို အားလုံးလက်ခံနိုင်ပါလိမ့်မည်။ သမ္မတနှင့် ပြည်သူ့လွှတ်တော်ဥက္ကဋ္ဌ အပါအဝင် အစိုးရအဖွဲ့မှ ပြုပြင် ပြောင်းလဲရေး လိုလားသူအချို့ကြောင့်သာ မြန်မာ့ဒီမိုကရေစီအပြောင်းအလဲ မျက်နှာပန်းလှခဲ့ရခြင်း ဖြစ်သည်။ သို့ရာတွင် ထိုဒီမိုကရေစီ၏ အနှစ်သာရမှာ အောက်ခြေအဆင့်အထိ မရောက်သေးသလို နေရာအနှံ့ ခြိမ်းခြောက်မှု၊ အဓမ္မမှုများ ကြုံတွေ့နေရဆဲဖြစ်ရာ လူ့အဖွဲ့အစည်းတစ်ခုလုံးအား ဒီမိုကရေစီ လွှမ်းခြုံနိုင်ရန်မှာ ထိုအကြောက်တရားများကို နှုတ်ပယ်နိုင်ရန် အရေးကြီးသည့်အချက်ပင် ဖြစ်တော့သည်။ ယနေ့တိုင် ပြည်သူတွေမှာ အောက်ခြေအဆင့် အုပ်ချုပ်ရေးများ၏ မတရားဖိနှိပ်မှုကို ပြန်လှန်တိုင်ကြားမှု မပြုရဲသေးသလို ပါတီတစ်ခုကို မဲပေးရန် အတင်းအကျပ် ခြိမ်းခြောက်မှုတွေ ခံနေရဆဲဖြစ်သည်။
ယခုလတ်တလောတွင် အကြောက်တရားများ လွှမ်းမိုးမှုနှင့်ပတ်သက်၍ တွန်းလှန်သည့် ဖြစ်ရပ်နှစ်ခုကို တွေ့ရသည်။ ပထမတစ်ခုမှာ ပြည်တွင်း ဂျာနယ်တစ်စောင်( The Voice Weekly)က အစိုးရဝန်ကြီးဌာနတစ်ခု၏ မသမာမှုများကို ဖွင့်ချခြင်းဖြစ်သည်။ ဤသည်မှာ ၁၉၆၂ ခုနှစ်နောက်ပိုင်း ပထမဆုံး ကြုံတွေ့ရသည့် ဖြစ်ရပ်ပင်ဖြစ်သည်။ စနစ်တကျမရှိခဲ့သော အုပ်ချုပ်ရေးစနစ်တစ်ခုအောက်တွင် အစိုးရ အဖွဲ့အစည်းမှန်သမျှ အလွဲသုံးစားမှုနှင့် ခြစားမှုများဖြင့် ပြည့်နှက်နေသည်မှာ မည်သို့မျှ ငြင်းဆိုခြင်းမပြုနိုင်သည့် ကိစ္စပင်ဖြစ်သော်လည်း မည်သည့်ဂျာနယ်ကမျှ မဝေဖန်ရဲသလို ပြည်သူလူ ထုအနေဖြင့်လည်း လဘက်ရည်ဆိုင်ထဲမှာထက်ပို၍ ကျယ်လောင်စွာမပြောဝံ့သည့် ကိစ္စလည်းဖြစ်ပါသည်။ ယနေ့ ဒီမိုကရေစီကို လျှောက်လှမ်းနေသည့် အခါသမယတွင် ထိုသို့သောကိစ္စမျိုးမှာ ဖုံးကွယ်ထား၍ မရနိုင်တော့သည့်ကိစ္စပင် ဖြစ်သည်။ ရေးသည့်ဂျာနယ်က အကြောက်တရားကင်းကင်းဖြင့် ရေးသည်ကို ခြိမ်းခြောက်ဟိန်းဟောက်သည်မှာ အကျင့်ပါနေပြီဖြစ်သည့် ဝန်ကြီးဌာနကလည်း ပြန်လည်ခြိမ်းခြောက်သည်။ ထိုဂျာနယ်ဘက်မှ မီဒီယာ လောကတစ်ခုလုံးနီးပါးက အကြောက်တရားကင်းစွာ ရပ်တည်နေပြီဖြစ်သည်ကို တွေ့မြင်နေရပြီဖြစ်ရာ မြန်မာ့ဒီမိုကရေစီအပြောင်းအလဲ မည်မျှအစမ်းသပ် ခံနိုင်သနည်းဆိုသည်ကို အကောင်းဆုံးစမ်းသပ်သည့်ပွဲ တစ်ပွဲလည်းဖြစ်သည်။ အထက်အရာရှိကို ကြောက်ရွံ့၍ နှစ်ပေါင်းများစွာ မျိုသိပ်လာခဲ့ရသော မတရားမှုများကို ဖွင့်ချသည့် အစိုးရဝန်ထမ်းများလည်း ပူးပေါင်းပါဝင်လာသည်။ မည်သို့ပင်ဖြစ်စေ အကြောက်တရားများ ကင်းဝေးရေး ကြိုးပမ်း အားထုတ်မှု တစ်ခုအဖြစ် ကြိုဆို ရမည်ဖြစ်သည်။
နောက်တစ်ခုမှာ ဧပြီ ၁ ရက်နေ့တွင် ကျင်းပမည့် ကြားဖြတ်ရွေးကောက်ပွဲဖြစ်သည်။ ထိုရွေးကောက်ပွဲသည် အာဏာရပါတီနှင့် ဒီမိုကရက်ပါတီများ အကြား အနိုင်အရှုံးအရေးပါခြင်း မရှိစေကာမူ ၂၀၁၀ ရွေးကောက်ပွဲကာလက အကြောက်တရားများဖြင့် မဲပေးခဲ့ရသည့်အဖြစ်ကို တွန်းလှန်နိုင်မည့် အခြေ အနေတစ်ခုဖြစ်သလို အနာဂတ်မြန်မာ့ရွေးကောက်ပွဲများကို သန့်ရှင်းမျှတ၍ ဒီမိုကရေစီပြည့်ဝသော ရွေးကောက်ပွဲများအဖြစ် စတင်ပျိုးထောင်ပေးမည့် အခြေအနေတစ်ရပ်လည်း ဖြစ်သည်။ ၂၀၁၀ ရွေးကောက်ပွဲကဖြစ်ရပ်များနှင့် ခြားနား၍ မိမိတို့ဆန္ဒရှိသည့်ပါတီကို မဲပေးခွင့်ရရန်၊ မိမိတို့၏ ဆန္ဒမဲပေးပိုင်ခွင့် ရရှိရန်၊ မိမိတို့နယ်မြေများတွင် မဲမသမာမှုများကို ထုတ်ဖော်ပြောဆိုခွင့်ရရန် အရေးကြီးပါသည်။ ပြည်သူတွေအတွက် အရေးကြီးသကဲ့သို့ ရွေးကောက်ပွဲ လမ်းကြောင်းကို ယုံကြည်၍ ရွေးကောက်ပွဲဝင်ခဲ့ကြသော ဒီမိုကရက်ပါတီများအနေဖြင့်လည်း ၂၀၁၀ ရွေးကောက်ပွဲကကဲ့သို့ သိသိကြီး အလိမ်ခံရသည့် အဖြစ်မျိုးတွေကိုလည်း ရဲရဲဝံ့ဝံ့ဆန့်ကျင်နိုင်ရန်လည်း လိုအပ်ပါသည်။ ထို့ကြောင့်ပင်လျှင် ဒီမိုကရက်တစ်ပါတီတွေက လာမည့် ကြားဖြတ်ရွေးကောက်ပွဲ အတွင်း မဲမသမာမှုများ ဖြစ်ပေါ်လာနိုင်ခြေရှိသည့် ကိစ္စရပ်များကို ထောက်ပြဝေဖန်နေကြခြင်းဖြစ်သည်။ ယခု အကြိမ်တွင်လည်း မဲဆန္ဒနယ် တိုင်းလိုလို အမည်စာရင်းမှားယွင်းမှု၊ ကွယ်လွန်သူများပါဝင်နေမှုစသည်ဖြင့် မဲမသမာမှုတွေ တွေ့နေရသည်။ ဤသည်ကို ပါတီတွေက ကန့်ကွက်သည်။ မီဒီယာတွေက ရေးသားသည်။ ပြည်ထောင်စု ရွေးကောက်ပွဲကော်မရှင်က စစ်ဆေးပေးသည်။ ပါတီတွေအနေဖြင့် နိုင်သည်ဖြစ်စေ၊ ရှုံးသည်ဖြစ်စေ အရေးမပါလှသော် လည်း ပြည်သူတွေမှာ အကြောက်တရားကင်းကင်းဖြင့် မိမိတို့မဲစာရင်းများ မှားယွင်းနေမှုကို သက်ဆိုင်ရာကော်မရှင်များထံ အရေးဆိုရဲလာစေရန် အထောက်အကူပြုပါသည်။ ထိုမှစ၍ မတရားမှုများကို ဖွဲ့စည်းပုံပါ ရပိုင်ခွင့်အရ တရားမျှတစွာ ရင်ဆိုင်ရဲသောစိတ်ဓာတ်များ မွေးမြူရန် အခြေခံကောင်းများ တည်ဆောက်နိုင်ကြပေလိမ့်မည်။
အနှစ်နှစ်ဆယ်ကျော်မျှ အရိုးစွဲလာခဲ့သည့် အကြောက်တရားများ ပယ်ဖျောက်ပေးရန်မှာ ထိုကာလနှင့်ညီမျှသော အချိန်ကာလတစ်ခု ယူရဦးမည် ဟု ယေဘုယျအားဖြင့် ယူဆနိုင်မည်ဖြစ်သည်။ မိမိတို့နိုင်ငံတွင် တရားမဲ့ပြုကျင့်ခဲ့သည့် နှစ်ပေါင်းတွေက ကြာညောင်းလွန်းခဲ့၍ အကြောက်တရားများမှာ နှစ်ပေါင်းများစွာ သိမ်ငယ်စိတ်များဖြင့် စိုးရွံ့ခဲ့ရသည့် မြန်မာ့လူ့အဖွဲ့အစည်းကို သမိုင်းကြောင်း ဂုဏ်သိက္ခာကြီးမားပြီး ရဲစွမ်းသတ္တိနှင့် ပြည့်စုံသည့် လူ့အဖွဲ့ အစည်းအဖြစ်သို့ ပြန်လည်ပို့ဆောင်ပေးရန် အဓိက ကျသည့် မောင်းနှင်အားတစ်ရပ်ပင်ဖြစ်ပါသည်။
**********************************************************************************
Google Docs makes it easy to create, store and share online documents, spreadsheets and presentations.
