Posts
 | yangonchronicle2011 |
၁၀.၁၁.၂၀၁၂
ပြည်တွင်းသတင်း
- တော်ဝင်သစ်အချောထည်အလုပ်သမားများ အစာငတ်ခံဆန္ဒပြသော်လည်း အလုပ်ရှင်မှလိုက်လျောခြင်းမရှိ
- ပြည်တွင်းလုံးဝငြိမ်းချမ်းရေးအတွက် အမေရိကန်-မြန်မာ ဆွေးနွေး
နိုင်ငံရေးသတင်း
- ဝန်ကြီးဌာနနှစ်ခု အမည်ပြောင်းလဲကြောင်း ထုတ်ပြန်ကြေညာ
- ရခိုင်ပဋိပက္ခများအား ဦးခင်ညွှန့်နောက်ကွယ်မှ ကြိုးကိုင်နေကြောင်း သတင်းများထွက်ပေါ်
သတင်းနှင့် ဆောင်းပါးများမှ ကောက်နှုတ်ချက်များ
**********************************************************************************************
ပြည်တွင်းသတင်း
တော်ဝင်သစ်အချောထည်အလုပ်သမားများ အစာငတ်ခံဆန္ဒပြသော်လည်း အလုပ်ရှင်မှလိုက်လျောခြင်းမရှိ
ရွှေုပြည်သာမြို့နယ်အတွင်းရှိ တော်ဝင်သစ်အချောထည်အလုပ်သမားများမှ နိုဝင်ဘာလ ၁ ရက်နေ့မှစတင်၍ အလုပ်သမား ၁၀ ဦးက အစာငတ်ခံဆန္ဒပြခဲ့ကြသော်လည်း လက်ရှိအချိန်ထိတိုင် အလုပ်ရှင်ဘက်မှ အလုပ်သမားများ၏ တောင်းဆိုမှုများအား လိုက်လျောခြင်းမရှိသေးကြောင်း သိရသည်။
အဆိုပါအလုပ်သမားများ ဆန္ဒထုတ်ဖော်သည့် ၁၅ ရက်မြောက်နေ့တွင် တော်ဝင်မိသားစုကုမ္ပဏီဥက္ကဋ္ဌဦးကိုကိုထွေးက သတင်းစာရှင်းလင်းပွဲတစ်ရပ်ပြုလုပ်ခဲ့ပြီး ယင်းသတင်းစာရှင်းလင်းပွဲတွင် အလုပ်သမားများ၏ဆန္ဒထုတ်ဖော်တောင်းဆိုမှုများမှာ ဥပဒေပြင်ပရောက်ရှိ နေသည့်အတွက် လိုက်လျောနိုင်ခြင်းမရှိကြောင်း ပြောကြားသည်။
ယင်းသို့ အစာငတ်ခံဆန္ဒပြမှုများကြောင့် အချို့အလုပ်သမားများမှာ အားပြတ်လပ်ပြီးဆေးရုံသို့တက်ရောက်ကုသနေရသည့် အလုပ်သမားများ ပင်ရှိလာခဲ့ပြီး အဆိုပါဆန္ဒထုတ်ဖော်မှုများအတွက် နိုဝင်ဘာလ ၃ ရက်နေ့တွင် အလုပ်ရှင်၊ ကိုယ်စားလှယ်၊ အလုပ်သမားကိုယ်စားလှယ်နှင့် ညှိနှိုင်း ဖျန်ဖြေရေးအဖွဲ့တို့မှ ကြားဝင်ညှိနှိုင်းဆွေးနွေးခဲ့သော်လည်း အလုပ်ရှင်ဘက်မှလျော့ပေါ့ခြင်းမရှိသည့်အတွက် ပြေလည်မှုမရရှိသေးကြောင်း တော်ဝင် သစ်အချောထည်လုပ်ငန်းမှ တာဝန်ရှိသူတစ်ဦးက ပြောကြားသည်။
လုပ်ငန်းခွင်ခွဲခြားဆက်ဆံမှုမရှိရေး၊ အလုပ်သမားများအား အခြားလုပ်ငန်းခွင်သို့ပြောင်းရွှေ့ခိုင်းစေခြင်းမပြုရေးနှင့် လုပ်ခလစာတိုးပေးရေးတို့ အတွက် တော်ဝင်သစ်အချောထည်အလုပ်သမား ၂၅၀ ကျော်မှ အောက်တိုဘာလ ၂၅ ရက်နေ့တွင် စက်ရုံရှေ့၌ ဆန္ဒထုတ်ဖော်မှုများ ပြုလုပ်ခဲ့ကြောင်း သိရသည်။
ထိုသို့ အလုပ်သမားများ၏ အစာငတ်ခံဆန္ဒထုတ်ဖော်မှုများ အန္တရာယ်များသည့်အတွက် နိုဝင်ဘာလ ၆ ရက်နေ့တွင် သံဃာတော်များက အခြားနည်းဖြင့် ဆန္ဒထုတ်ဖော်ကြရန်နှင့် အစာငတ်ခံဆန္ဒထုတ်ဖော်နေသောအလုပ်သမားများ ဆန္ဒပြမှုရပ်ဆိုင်းရန် မေတ္တာရပ်ခံစာပေးပို့ခဲ့ကြောင်း သိရသည်။
YC
--------------------------------------------------------------------------------------------------------------
ပြည်တွင်းလုံးဝငြိမ်းချမ်းရေးအတွက် အမေရိကန်-မြန်မာ ဆွေးနွေး
လက်ရှိမြန်မာနိုင်ငံအတွင်းဖြစ်ပွားလျက်ရှိသော ရခိုင်ပဋိပက္ခအရေးနှင့် ကချင်ပြည်နယ်အတွင်း တပ်မတော်နှင့် KIO တို့အကြား ငြိမ်းချမ်းရေး ရရှိနိုင်စေရေးအတွက် နိုဝင်ဘာလ ၉ ရက်နေ့တွင် ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း)၊ ဗိုလ်ချုပ်ကြီးစိုးဝင်းနှင့် မြန်မာနိုင်ငံဆိုင်ရာအမေရိကန်သံအမတ်ကြီး ဒဲရယ်မစ်ချယ်တို့ ဆွေးနွေးခဲ့ကြောင်း သိရသည်။
ယင်းဆွေးနွေးမှုတွင် ပြည်တွင်းငြိမ်းချမ်းရေးကိစ္စရပ်များအပါအဝင် မြန်မာ-အမေရိကန်နှစ်နိုင်ငံဆက်ဆံရေးတိုးမြှင့်ရေး၊ တပ်မတော်နှစ်ခုအကြား ပူးပေါင်းဆောင်ရွက်ရေး၊ မူးယစ်ဆေးဝါးဆန့်ကျင်တိုက်ဖျက်မှုတွင် ပူးပေါင်းဆောင်ရွက်ရေးတို့ကို ဆွေးနွေးခဲ့သည်။
ပြီးခဲ့သည့် နိုဝင်ဘာလ ၉ ရက်နေ့တွင် ပြည်တွင်းငြိမ်းချမ်းရေးကိစ္စရပ်များအတွက် ပြည်ထောင်စုငြိမ်းချမ်းရေးဖော်ဆောင်ရေးအဖွဲ့နှင့် လက်နက်ကိုင်တိုင်းရင်းသားအဖွဲ့များပါဝင်သည့် နိုင်ငံရေးအင်အားစုများ ထိုင်းနိုင်ငံချင်းမိုင်မြို့၌ တွေ့ဆုံဆွေးနွေးမှုများပြုလုပ်ခဲ့သည်။
ထို့ပြင် ကချင်ပြည်နယ်အတွင်း လက်ရှိတပ်မတော်နှင့် ရင်ဆိုင်တိုက်ပွဲများဖြစ်ပွားလျက်ရှိသော ကချင်လွတ်မြောက်ရေးအဖွဲ့ KIO နှင့် အောက်တိုဘာလ ၃ ရက်နေ့တွင် တရုတ်ပြည်သူ့သမ္မတနိုင်ငံ ရွှေလီမြို့၌ တွေ့ဆုံဆွေးနွေးမှုများပြုလုပ်ခဲ့သည်။
YC
***************************************
နိုင်ငံရေးသတင်း
ဝန်ကြီးဌာနနှစ်ခု အမည်ပြောင်းလဲကြောင်း ထုတ်ပြန်ကြေညာ
နိုင်ငံတော်သမ္မတရုံးမှ ဆက်သွယ်ရေး၊ စာတိုက်နှင့်ကြေးနန်းဝန်ကြီးဌာနနှင့် အလုပ်သမားဝန်ကြီးဌာနနှစ်ခုတို့ကို အမည်ပြောင်းလဲလိုက်ကြောင်း အမိန့်ကြေငြာစာအမှတ် ၈၃/၂၀၁၂ ကို နိုဝင်ဘာလ ၉ ရက်နေ့ ရက်စွဲဖြင့် ထုတ်ပြန်ကြေညာခဲ့သည်။
ယခင် ဆက်သွယ်ရေး၊ စာတိုက်နှင့်ကြေးနန်းဝန်ကြီးဌာနအား ဆက်သွယ်ရေးနှင့်သတင်းအချက်အလက် နည်းပညာဝန်ကြီးဌာနအဖြစ် လည်းကောင်း၊ အလုပ်သမားဝန်ကြီးဌာနအား အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာနအဖြစ်လည်းကောင်း အမည်ပြောင်းလဲ ခဲ့သည်။
ပထမအကြိမ်ပြည်ထောင်စုလွှတ်တော် ပဉ္စမပုံမှန်အစည်းအဝေး၏သဘောတူညီချက်အရ ပြည်ထောင်စုဝန်ကြီးဌာနနှစ်ခုအား အမည်ပြောင်းလဲ ခဲ့ခြင်းဖြစ်ကြောင်း သိရသည်။
YC
--------------------------------------------------------------------------------------------------------------
ရခိုင်ပဋိပက္ခများအား ဦးခင်ညွှန့်နောက်ကွယ်မှ ကြိုးကိုင်နေကြောင်း သတင်းများထွက်ပေါ်
ရခိုင်ပြည်နယ်အတွင်း ဒေသခံရခိုင်လူမျိုးများနှင့် ဘင်္ဂါလီများအကြားဖြစ်ပွားလျက်ရှိသောပဋိပက္ခများကို ယခင် စစ်ထောက်လှမ်းရေး အကြီးအကဲပောာင်း ဝန်ကြီးချုပ် ဦးခင်ညွှန့်က နောက်ကွယ်မှကြိုးကိုင်နေခြင်းဖြစ်သည်ပာု ပြင်ပ၌ သတင်းများထွက်ပေါ်လျက်ရှိသည်။
“ဒီသတင်းကထွက်နေတာကြာပါပြီ။ ရခိုင်ပြည်နယ်မှာ ပြဿနာစတင်တဲ့အချိန်က ရခိုင်ဘက်က သူပြန်လာပြီးမှဖြစ်တာဆိုတော့ သူ့အပေါ် နည်းနည်းတော့ သံသယဖြစ်စရာကောင်းနေတာပေါ့။ ဒါပေမယ့် ဒီသတင်းကသိပ်သေချာမှုမရှိပါဘူး။ ရခိုင်ကိစ္စစုံစမ်းရေးကော်မရှင်က တာဝန်ယူ ပါလိမ့်မယ်”ပာု ရခိုင်ဒေသခံတစ်ဦးက ပြောကြားသည်။
ထို့ပြင် ပြီးခဲ့သည့် နိုဝင်ဘာလ ၇ ရက်နေ့တွင်လည်း ဦးခင်ညွှန့်နှင့် အပေါင်းအပါ ၁၁ ဦး ရခိုင်ပဋိပက္ခဖြစ်စဉ်များတွင် ပါဝင်ပတ်သက် ခဲ့သည့်အတွက် အထိန်းသိမ်းခံနေရကြောင်း သတင်းများထွက်ပေါ်ခဲ့သည်။
စစ်ထောက်လှမ်းရေးအကြီးအကဲဝန်ကြီးချုပ်ပောာင်း ဦးခင်ညွှန့်သည် ယခင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ စစ်အစိုးရ လက်ထက် ၂၀၀၄ ခုနှစ်တွင် ထောင်ဒဏ် ၄၄ နှစ်နှင့် နေအိမ်အကျယ်ချုပ်ကျခံခဲ့ရပြီး နိုင်ငံတော်သမ္မတဦးသိန်းစိန် အစိုးရသစ်တက်လာပြီးနောက် ၂၀၁၂ ခုနှစ် ဇန်နဝါရီ ၁၃ ရက်နေ့တွင် လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်ခဲ့သည်။
YC
**********************************************************************************************
သတင်းနှင့် ဆောင်းပါးများမှ ကောက်နှုတ်ချက်များ
“သမ္မတအိုဘားမားပြန်ဖြစ်တဲ့အတွက် မြန်မာနိုင်ငံအတွက် ပိုပြီးတော့ကောင်းလာမယ်။ အခုဆို မြန်မာ-အမေရိကန် ဆက်ဆံရေးက တစ်နှစ်ခွဲလောက် ရှိပြီဆိုတော့ တစ်ဖက်နဲ့တစ်ဖက်က နားလည်မှု၊ ယုံကြည်မှု၊ ပူးပေါင်းဆောင်ရွက်မှုတွေက အရှိန်ရလာပြီ၊ အဲဒီလိုအခြေအနေမှာ မစ်ရွမ်းနေသာ သမ္မတဖြစ်ခဲ့ရင် နှစ်နိုင်ငံကြား ဆက်ဆံမှုကို အစကပြန်စရတော့မယ်။ မစ်ရွမ်းနေထက်စာရင် သူကမြန်မာနိုင်ငံနဲ့ ပတ်သက်လို့တော်တော်လေး အလေး ထားတာတွေ့ရတာက အိမ်ဖြူတော်ဝန်ထမ်းတွေ၊ နိုင်ငံခြားရေးအရာရှိတွေနဲ့ မြန်မာနိုင်ငံနဲ့ပတ်သက်ပြီး ရှေ့ဆက်မယ့် မူဝါဒတွေလုပ်ထားတယ်လို့ သိရတယ်။ အဲဒီတော့ မြန်မာနိုင်ငံဖက်ကသာ ဆက်ပြီးတော့ အပြုသဘောတိုးတက်ပြောင်းလဲလာရင်သူတို့ဘက်ကလည်း Action to Action ဆိုပြီး ပြောထားတော့ သမ္မတ အိုဘားမား ပြန်အရွေးခံရတာက မြန်မာနိုင်ငံအတွက် ဆက်ပြီးတော့ ကောင်းဖို့ပဲရှိပါတယ်။”
နိုဝင်ဘာ ၁၁ ရက်နေ့ထုတ် နေပြာတော်တိုင်းမ် ဂျာနယ် အတွဲ (၁) အမှတ် (၅၀) တွင် ပါသော “Four More Years အိုဘားမားနဲ့မြန်မာ့နိုင်ငံရေး၊ စီးပွားရေး ရေချိန်” သတင်းမှ သမ္မတရုံးညွှန်ကြားရေးမှူး ဦးဇော်ဌေး ၏ပြောကြားချက်အား ကောက်နှုတ်ချက်။
----------------------------------------------------------------------------------------------------------
“တိုင်းရင်းသားတွေကို အခြေခံဥပဒေက အာမခံရမယ်လို့ပြောသွားတော့ ဘယ်လိုပုံစံနဲ့ အာမခံချက်ကို လိုချင်တာပါလဲ၊ အခြေခံဥပဒေကရော တိုင်းရင်းသားတွေကို ဘယ်လိုအာမခံချက်ပေးနိုင်ရမလဲ။ အခြေခံဥပဒေက အများကြီးအရေးကြီးတာပေါ့။ အခြေခံဥပဒေမှာ တိုင်းရင်းသားတွေကို ကာကွယ်တဲ့ ဥပဒေမရှိဘူး။ ကာကွယ်တယ်ဆိုတာ တိုင်းရင်းသားတွေရဲ့အခွင့်အရေးတွေပေါ့။ ဥပမာ-တိုင်းရင်းသားတွေက တစ်ခုခုလုပ်ရမယ် ပွဲတွေဘာတွေကျင်းပမယ်၊ ဓလေ့ထုံးစံအမျိုးမျိုးပေါ့လေ၊ တိုင်းရင်းသားတွေရဲ့ ရိုးရာနဲ့ပတ်သက်တာတွေ လုပ်မယ်ဆိုရင် လုပ်ခွင့်ပေးတာပေါ့။ ဒါက ကာကွယ်ပေးတာပဲ။ အဲဒါ ဥပမာ တစ်ခုပေါ့။”
နိုဝင်ဘာ ၁၁ ရက်နေ့ထုတ် နေပြည်တော်တိုင်းမ် ဂျာနယ် အတွဲ (၁) အမှတ် (၅၀) တွင် ပါသော “အခု အစည်းအဝေးကနေ နိုင်ငံရေး ဆွေးနွေးမယ်ဆိုတာ လက်ခံတာပေါ့၊ ဒါကအောင်မြင်မှုတစ်ခုလို့ ဆိုလို့ရတာပေါ့” သတင်းမှ ဦးဆွမ်လွတ်ဂွမ် ၏ပြောကြားချက်အား ကောက်နှုတ်ချက်။
----------------------------------------------------------------------------------------------------------
“ပြည်သူတွေအကြားမှာ နေထိုင်ရှင်သန်နေကြရတဲ့ ပြည်သူ့ဝန်ထမ်းတွေဖြစ်တာနဲ့အညီ ဂုဏ်သိက္ခာမြင့်မားတဲ့ အစိုးရယန္တရားတစ်ရပ် ပီပီပြင်ပြင် ဖြစ်ပေါ်လာအောင် အထက်ကညွှန်ကြားမှ ဆောင်ရွက်တာ၊ မီဒီယာတွေထောက်ပြလာမှ ဆောင်ရွက်တာစတဲ့ အမှုမဲ့ အမှတ်မဲ့ လုပ်ရပ်တွေကိုလည်း ရှောင်ရှားကြဖို့လိုပါတယ်”
နိုဝင်ဘာ ၇ ရက်နေ့ထုတ် အင်ပါယာဂျာနယ် အတွဲ (၁) အမှတ် (၃၄) တွင်ပါသော “ဒီမိုကရေစီကို ဆန့်ကျင်တဲ့ ကန့်လန့်တိုက် ဥာဉ်ဆိုး” ဆောင်းပါးမှ သမ္မတဦးသိန်းစိန်၏ ပြောကြားချက်အားကောက်နှုတ်ချက်။
*******************************************************************************************
| Google Drive: create, share, and keep all your stuff in one place. |  |