Posts
 | yangonchronicle2011 |
၁၆.၁၁.၂၀၁၂
ပြည်တွင်းသတင်း
- သတင်းထုတ်ပြန်ရေးအဖွဲ့သစ်ဖွဲ့စည်း
- အပစ်ရပ်စောင့်ကြည့်အဖွဲ့များမရှိမှုကြောင့် အစိုးရနှင့် KIO တိုက်ပွဲများဆက်လက်ဖြစ်ပွား
နိုင်ငံရေးသတင်း
- နိုင်ငံတော်ငွေကြေးများအား အလွဲသုံးစားလုပ်သူ ပြန်ကြားရေးဝန်ကြီးဌာနမှ ဝန်ထမ်းသုံးဦးအား အရေးယူနိုင်ရန်ဆောင်ရွက်
- အချိုးကျကိုယ်စားပြုစနစ်(PR System)အားလက်မခံနိုင်ကြောင်း NBF ကြေညာချက်ထုတ်ပြန်
သတင်းနှင့် ဆောင်းပါးများမှ ကောက်နှုတ်ချက်များ
********************************************************************************************
ပြည်တွင်းသတင်း
သတင်းထုတ်ပြန်ရေးအဖွဲ့သစ်ဖွဲ့စည်း
ပြည်ထောင်စုအစိုးရအဖွဲ့မှ နိုင်ငံတော်လုံခြုံရေးဆိုင်ရာကိစ္စရပ်များအတွက် သတင်းထုတ်ပြန်ရေးအဖွဲ့သစ်ကို နိုဝင်ဘာလ ၁၅ ရက်နေ့တွင် ပြည်ထောင်စုအစိုးရအဖွဲ့ဥပဒေပုဒ်မ ၂၄၊ ပုဒ်မခွဲ(က)အရ ဖွဲ့စည်းလိုက်ကြောင်း အမိန့်ကြေငြာစာအမှတ် ၈၁/၂၀၁၂ ကိုထုတ်ပြန်ကြေညာခဲ့သည်။
ယင်းသတင်းထုတ်ပြန်ရေးအဖွဲ့အနေဖြင့် နိုင်ငံတော်၏ နိုင်ငံရေး၊ စီးပွားရေး၊ လုံခြုံရေး၊ စစ်ရေး၊ သဘာဝဘေးအန္တရာယ် အရေးဆိုင်ရာသတင်းများကို အချိန်နှင့်တစ်ပြေးညီ သတင်းထုတ်ပြန်ခြင်း၊ သတင်းစာရှင်းလင်းပွဲပြုလုပ်ခြင်းနှင့် သတင်းထုတ်ပြန်ချက်(Press Statement)များ ထုတ်ပြန်ပေးခြင်းများကို တာဝန်ယူဆောင်ရွက်ရမည်ဖြစ်ကြောင်း သိရသည်။
ထို့ပြင် ယင်းအဖွဲ့မှ ပြည်တွင်း၊ ပြည်ပရှိ သတင်းဌာနများ၊ ဒေသဆိုင်ရာအဖွဲ့အစည်းများ၊ နိုင်ငံတကာအဖွဲ့အစည်းများ၏ သတင်းဌာနများသို့အချိန်နှင့်တစ်ပြေးညီသတင်းများဖြန့်ချီပေးရမည်ဖြစ်ပြီး ဝန်ကြီးဌာနအသီးသီးမှ ဖွဲ့စည်းထားသော သတင်းထုတ်ပြန်ရေးအဖွဲ့များနှင့် ချိတ်ဆက်၍ အထောက်အကူပေးနိုင်ရန် ညှိနှိုင်းဆောင်ရွက်သွားရမည်ဖြစ်ကြောင်း ထုတ်ပြန်ချက်တွင် ဖော်ပြပါရှိသည်။
သတင်းထုတ်ပြန်ရေးအဖွဲ့ခေါင်းဆောင်အဖြစ် နိုင်ငံတော်သမ္မတရုံးဝန်ကြီးဌာန ဒုတိယဝန်ကြီး ဦးအောင်သိမ်းနှင့် အတွင်းရေးမှူးအဖြစ် နိုင်ငံတော်သမ္မတရုံး ညွှန်ကြားရေးမှူးဦးဉာဏ်ထွန်းတို့မှ တာဝန်ယူဆောင်ရွက်သွားမည်ဖြစ်ပြီး အဖွဲ့ဝင်များအဖြစ် သမ္မတဦးစီးရုံး ဒုတိယညွှန်ကြားရေးမှူးချုပ် ဦးရဲမင်း၊ ပြန်ကြားရေးဝန်ကြီးဌာန သတင်းနှင့် စာနယ်ဇင်းလုပ်ငန်း အထွေထွေမန်နေဂျာ ဦးရဲနိုင်နှင့် နိုင်ငံတော်သမ္မတရုံး ညွှန်ကြားရေးမှူး ဦးမိုးကျော်အောင်တို့က တာဝန်ယူဆောင်ရွက်သွားမည်ဖြစ်ကြောင်း သိရသည်။
နိုင်ငံတော်သမ္မတရုံးမှ ပြောရေးဆိုခွင့်နှင့် သတင်းထုတ်ပြန်ရေးအဖွဲ့ကို အမိန့်ကြေငြာစာအမှတ် ၈၆/၂၀၁၂ ဖြင့် ဖျက်သိမ်းကြောင်းနိုဝင်ဘာလ ၁၄ ရက်နေ့ရက်စွဲဖြင့်ထုတ်ပြန်ကြေညာခဲ့သည်။
YC
-----------------------------------------------------------------------------------------------------------------------------
အပစ်ရပ်စောင့်ကြည့်အဖွဲ့များမရှိမှုကြောင့် အစိုးရနှင့် KIO တိုက်ပွဲများဆက်လက်ဖြစ်ပွား
တပ်မတော်နှင့် ကချင်လွတ်မြောက်ရေးအဖွဲ့(KIO)တို့အကြား အပစ်အခတ်ရပ်စဲရေး စောင့်ကြည့်အဖွဲ့များမရှိသည့်အတွက် တိုက်ပွဲများဆက်လက်ဖြစ်ပွားနေရခြင်းဖြစ်ကြောင်း ပဋိပက္ခအရေးကျွမ်းကျင်သူ ဒေါက်တာမင်းဇော်ဦးက ပြောကြားသည်။
နိုင်ငံတော်အနေဖြင့် ငြိမ်းချမ်းရေးဖော်ဆောင်မှုလုပ်ငန်းများဆောင်ရွက်ရာတွင် အပစ်အခတ်ရပ်စဲပြီးဖြစ်သည့် လက်နက်ကိုင်အဖွဲ့များနှင့် တပ်မတော်အကြား မျှတမှုရှိသည့် ကန့်သတ်သည့် စည်းမျဉ်း၊ စည်းကမ်း ဥပဒေများ ထားရှိရမည်ဖြစ်သည်။ အပစ်ရပ်ရေးစောင့်ကြည့်ရေးအဖွဲ့ကိုလည်း နှစ်ဖက်စလုံးမှ ကိုယ်စားလှယ်များ၊ လူမှုအဖွဲ့အစည်းများမှ ပုဂ္ဂိုလ်များဖြင့် ဖွဲ့စည်းထားရမည်ဖြစ်ကြောင်း သိရသည်။
လက်ရှိအချိန်တွင် တပ်မတော်သည် အပစ်အခတ်ရပ်စဲရေး သဘောတူညီချက်တစ်နှစ်နီးပါးရရှိထားပြီုးဖြစ်သည့် SSA တောင်ပိုင်းနှင့်တိုက်ပွဲငယ်များဖြစ်ပွားလျက်ရှိနေဆဲဖြစ်သည်။ ထို့ပြင် ရှမ်းပြည်နယ်မြောက်ပိုင်း ကျောက်မဲနှင့် မိုးမိတ်မြို့နယ်ကြားတွင် တအောင်းလွတ်လပ်ရေးတပ်မတော်(Tnla) တပ်ရင်း ၁၅၆ နှင့် တိုင်းရင်းသားပူးပေါင်းတပ်များမှ နိုဝင်ဘာလ ၂ ရက်နေ့တွင် တိုက်ပွဲများပြင်းထန်စွာဖြစ်ပွားခဲ့ကြောင်း သိရသည်။
မြန်မာနိုင်ငံ၏ ငြိမ်းချမ်းရေးဖော်ဆောင်မှုလုပ်ငန်းစဉ်များတွင် ဥရောပသမဂ္ဂမှ ကူညီသွားမည်ဖြစ်ကြောင်း နိုဝင်ဘာလ ၃ ရက်နေ့တွင် ရန်ကုန်မြို့၊ ဦးဝိစာရလမ်းရှိ Myanmar Peace Center ၌ ပြည်ထောင်စုငြိမ်းချမ်းရေးဖော်ဆောင်ရေး ဒုတိယဥက္ကဋ္ဌ ပြည်ထောင်စုဝန်ကြီး ဦးအောင်မင်းနှင့် ဥရောပကော်မရှင်ဥက္ကဋ္ဌ H.E.Jose Manuel Barroso တို့ကသဘောတူလက်မှတ်ရေးထိုးခဲ့သည်။
YC
********************************************************************************************
နိုင်ငံရေးသတင်း
နိုင်ငံတော်ငွေကြေးများအား အလွဲသုံးစားလုပ်သူ ပြန်ကြားရေးဝန်ကြီးဌာနမှ ဝန်ထမ်းသုံးဦးအား အရေးယူနိုင်ရန် ဆောင်ရွက်
ပြန်ကြားရေးဝန်ကြီးဌာန သတင်းနှင့် စာနယ်ဇင်းလုပ်ငန်း မြန်မာ့အလင်းသတင်းစာတိုက်(ရန်ကုန်)မှ နိုင်ငံတော်ပိုင်ငွေကြေးများအား အလွဲသုံးစားပြုလုပ်ခဲ့သည့် မန်နေဂျာနှင့် ဝန်ထမ်းနှစ်ဦးအား ၁၉၆၃ အများနှင့်သက်ဆိုင်သော ပစ္စည်းကာကွယ်စောင့်ရှောက်ရေးဥပဒေပုဒ်မ-၃ ဖြင့်ထိရောက်စွာ အရေးယူနိုင်ရန် ဆောင်ရွက်လျက်ရှိကြောင်း နိုင်ငံပိုင်သတင်းစာများတွင်ဖော်ပြပါရှိသည်။
ထို့ပြင် ပြန်ကြားရေးဝန်ကြီးဌာနမှ ဝန်ထမ်းများ၏ ငွေကြေးအလွဲသုံးစားမှုများကြောင့် နိုင်ငံပိုင်ပစ္စည်းများနစ်နာဆုံးရှုံးမှုမဖြစ်ပေါ်စေရေးအတွက် တာဝန်ရှိသူများအား အချိုးကျပေးလျော်စေခြင်း၊ အဆိုပါ ဝန်ထမ်းသုံးဦးပိုင်ဆိုင်သော မရွေ့မပြောင်းနိုင်သော ပစ္စည်းများကို ဥပဒေနှင့်အညီထိန်းသိမ်းခြင်း၊ တာဝန်ရှိသူများအား အချိုးကျပေးလျော်စေခြင်းတို့ကို ဆောင်ရွက်ထားပြီးဖြစ်ကြောင်း သိရသည်။
၂၀၁၁-၂၀၁၂ ဘဏ္ဍာနှစ်အတွင်း ပြန်ကြားရေးဝန်ကြီးဌာနမှ ကျပ်သန်း ၁၁၇.၇၀၁ ကိုငွေကြေးအလွဲသုံးစားမှုပြုလုပ်ထားပြီး မကြာသေးမီရက်ပိုင်းအတွင်းက လှည့်ပတ်ရန်ပုံငွေအဖြစ် သုံးစွဲနိုင်ရန် ပြန်ကြားရေးဝန်ကြီးဌာနမှ ကျပ်သန်း ၁၃၁၃.၃၉၅ ကိုနိုင်ငံတော်ဘဏ်မှ ချေးယူခဲ့ကြောင်း သိရသည်။
ပထမအကြိမ် ပြည်ထောင်စုလွှတ်တော် ပဉ္စမပုံမှန်အစည်းအဝေး ပဉ္စမနေ့တွင် ပြည်ထောင်စုစာရင်းစစ်ချုပ်မှ ပြန်ကြားရေးဝန်ကြီးဌာန သတင်းနှင့် စာနယ်ဇင်းလုပ်ငန်း မြန်မာ့အလင်း သတင်းစာတိုက် အပါအဝင် ဝန်ကြီးဌာန (၁၅)ခုမှ နိုင်ငံတော်ပိုင်ငွေကြေးများ အလွဲသုံးစားပြုလျက်ရှိသည်ကိုတွေ့ရှိရကြောင်း လွှတ်တော်သို့အထူးအစီရင်ခံစာတစ်စောင် တင်သွင်းခဲ့သည်။
YC
-----------------------------------------------------------------------------------------------------------------------------
အချိုးကျကိုယ်စားပြုစနစ်(PR System)အားလက်မခံနိုင်ကြောင်း NBF ကြေညာချက်ထုတ်ပြန်
ဒီမိုကရေစီနှင့်မိတ်ဆွေပါတီများမှ လွှတ်တော်သို့တင်သွင်းထားသည့် အချိုးကျကိုယ်စားပြုစနစ်(PR System)အား ၂၀၁၅ ခုနှစ်အထွေထွေရွေးကောက်ပွဲတွင် ကျင့်သုံးရန်မသင့်လျော်သေးကြောင်း နိုဝင်ဘာလ ၁၀ ရက်နှင့် ၁၁ ရက်နေ့တို့တွင် ရန်ကုန်မြို့၌ ကျင်းပခဲ့သည့် ညီနောင်တိုင်းရင်းသားပါတီများဖက်ဒရေးရှင်း(NBF)၏ (၁၃)ကြိမ်မြောက်အစည်းအဝေးဆုံးဖြတ်ချက်အရ သဘောထားကြေညာချက်တစ်စောင် ထုတ်ပြန်ကြေညာခဲ့သည်။
PR System အားကျင့်သုံးရန်လက်မခံရခြင်းမှာ မဲဆန္ဒရှင်ပြည်သူများ၏အခြေအနေအရ ပြည်နယ်များတွင် ကျင့်သုံးရန် အဆင်မပြေကြောင်းနှင့် လက်ရှိပြည်နယ်များ၏ အမည်နာမအခေါ်အဝေါ်များကို ပြောင်းလဲရမည့်ကိစ္စရပ်များကြောင့်ဖြစ်ကြောင်း NBF ၏သဘောထားကြေညာချက်တွင် ဖော်ပြပါရှိသည်။
ထို့ပြင် နိုင်ငံတော်အနေဖြင့်လည်း အာဏာသုံးရပ်ကို ဗပာို၊ ပြည်နယ်/တိုင်းဒေသကြီးနှင့် ကိုယ်ပိုင်အုပ်ချုပ်ခွင့်ရတိုင်း/ဒေသများသို့ မျှတစွာ အာဏာခွဲဝေပေးသည့်စနစ်ဖြစ်သည့် ဖက်ဒရယ်စနစ်ကို ကျင့်သုံးသင့်ကြောင်း တိုက်တွန်းခဲ့သည်။
NBF ၏သဘောထားကြေညာချက်တွင် လာမည့် နိုဝင်ဘာလ ၁၉ ရက်နေ့တွင် မြန်မာနိုင်ငံသို့လာရောက်မည့် အမေရိကန်သမ္မတ Mr.Barack Obama ၏ခရီးစဉ်ကိုကြိုဆိုကြောင်းနှင့် ၎င်းမှ မြန်မာနိုင်ငံအတွင်း ဖက်ဒရယ်ဒီမိုကရက်တစ်ပြည်ထောင်စုပေါ်ထွန်းရေးအတွက် အကြံဉာဏ်ကောင်းများပေးနိုင်လိမ့်မည်ဖြစ်ကြောင်း သဘောထားကြေညာချက်တွင် ဖော်ပြပါရှိသည်။
ညီနောင်တိုင်းရင်းသားပါတီများဖက်ဒရေးရှင်း(NBF)အနေဖြင့် ဖက်ဒရယ်စနစ်ကျင့်သုံးသည့်နိုင်ငံများနှင့် ပင်လုံစာချုပ်ပါအချက်များကိုအခြေခံသည့် ဖက်ဒရယ်ဥပဒေကြမ်းကို ယခုလာမည့်လွှတ်တော်အစည်းအဝေးများတွင် တင်သွင်းနိုင်ရန် စီစဉ်ဆောင်ရွက်လျက်ရှိကြောင်း NBF အဖွဲ့ဝင်ပါတီတစ်ခုက ပြောကြားသည်။
YC
*******************************************************************************************
သတင်းနှင့် ဆောင်းပါးများမှ ကောက်နှုတ်ချက်များ
“ကျွန်တော်တို့ နိုင်ငံအတွက်ပညာရေးအရမ်းအရေးကြီးတယ်။ Education is very important and most important ဆိုတော့ လက်ရှိကျွန်တော်တို့ နိုင်ငံရဲ့ပညာရေးစနစ်ကို ပြောင်းဖို့အတွက် ပညာရေးအတွေ့အကြုံကောင်းတွေ ရှာဖွေဖို့လိုပါတယ်။ ကောင်းမွန်တဲ့ပညာရေးစနစ်တစ်ရပ် ကျွန်တော်တို့နိုင်ငံမှာ ချမှတ်နိုင်ပြီဆိုရင် ကျွန်တော်တို့မျိုးဆက်တွေရဲ့ အနာဂတ်အတွက် စိတ်အေးရပြီ။ အရင်က ဘွဲ့ရပညာမတက်တွေပေါများနေတဲ့ ကျွန်တော်တို့နိုင်ငံကို ဘွဲ့ရပညာတက်လူငယ်တွေ ဦးဆောင်တဲ့ သစ်လွင်လတ်ဆတ်တဲ့နိုင်ငံ ဖြစ်စေချင်ပါတယ်”
နိုဝင်ဘာလ ၁၇ ရက်နေ့ထုတ် First Weekly Journal အတွဲ (၁) အမှတ် (၅၄) တွင်ပါရှိသော “ဘွဲ့ရပညာမတတ်တွေ ပေါများနေတဲ့ ကျွန်တော်တို့နိုင်ငံကို ဘွဲ့ရပညာတက်တွေဦးဆောင်တဲ့ သစ်လွင်လတ်ဆတ်တဲ့နိုင်ငံဖြစ်စေချင်ပါတယ်ဟု ၈၈ မျိုးဆက် ကျောင်းသား ကိုအံ့ဘွယ်ကျော်ပြော” သတင်းမှ ကိုအံ့ဘွယ်ကျော်၏ပြောကြားချက်အား ကောက်နှုတ်ချက်။
-----------------------------------------------------------------------------------------------------------------------------
“အများအားဖြင့်တော့ FDI တွေဝင်လာရင် ငွေအရင်းအနှီးက ဘယ်လောက်ပေါ့။ မြန်မာကဘယ်လောက်ရမယ်ဆိုတာမျိုးတွေပေါ့။ ဥပမာဆိုပါစို့ တိုင်းပြည်ကို သန်းပေါင်းများစွာ ရင်းနှီးမြှုပ်နှံမှု တွေဝင်လာတယ်။ ဒါပေမယ့် အဲဒါက အရက်ထုတ်တာတို့၊ ဆေးလိပ်ထုတ်တာတို့ ဖြစ်နေမယ်ဆိုရင် သဘာဝပတ်ဝန်းကျင်တင်မကဘူး မျိုးဆက်တစ်ခုလုံးအတွက် မကောင်းဘူး။ အများကြီး ခံစားရမယ်။”
နိုဝင်ဘာလ ၂၀ ရက်နေ့ထုတ် News Watchs Journal အတွဲ (၇) အမှတ် (၇၂) တွင်ပါရှိသော “နိုင်ငံတော်စီမံကိန်းအချို့ သဘာဝပတ်ဝန်းကျင်ထိခိုက်မှု ပြဿနာနှင့် ရင်ဆိုင်နေရချိန် စီးပွားရေးဖွံ့ဖြိုးတိုးတက်မှုကို ပတ်ဝန်းကျင်ထိန်းသိမ်းရေးနှင့် ယှဉ်တွဲ လုပ်ဆောင်သွားမည်ဟု ဒုတိယသမ္မတ ကတိပြုပြောကြား” သတင်းမှ ကျန်းမာရေးဝန်ကြီးဌာနညွှန်ကြားရေးမှူးငြိမ်း ဒေါက်တာခင်မောင်လွင်၏ ပြောကြားချက်အားကောက်နှုတ်ချက်။
-----------------------------------------------------------------------------------------------------------------------------
“အမှန်ကတော့ သမ္မတက စစ်တပ်နဲ့အတော့်ကို သီးခြားပါ။ စစ်တပ်က စစ်တပ်ပါ။ အုပ်ချုပ်ရေးက အုပ်ချုပ်ရေးပါ။ ကျွန်မဆိုချင်တာကတော့ ဖွဲ့စည်းပုံအခြေခံဥပဒေက ဒီမိုကရက်တစ်ကျဖို့ အနိုင်နိုင်ဆိုတာပါပဲ။ ဒါ့ကြောင့်လည်းစစ်တပ်က ပြုပြင်ပြောင်းလဲရေး လုပ်ငန်းစဉ်နောက်မှာ အပြည့်အဝရှိနေတယ်ဆိုတာကို ကျွန်မတို့မသိဘူး။ ဘာလို့လဲဆိုတော့ သမ္မတကစစ်တပ်ကို လုံးဝကိုယ်စားမပြုတဲ့အတွက်ကြောင့် ပြုပြင်ပြောင်းလဲရေးလုပ်ငန်းစဉ်ဟာ နောက်ပြန်မသွားဘူးလို့ ကျွန်မတို့ မပြောနိုင်ပါဘူး။”
နိုဝင်ဘာလ ၂၀ ရက်နေ့ထုတ် News Watchs Journal အတွဲ (၇) အမှတ် (၇၂) တွင်ပါရှိသော “၂၀၀၈ ဖွဲ့စည်းပုံသည် စစ်တပ်ကိုအာဏာ အလွန်အကျွံ့ပေးထားကြောင်း ဒေါ်အောင်ဆန်းစုကြည်ပြောကြား” သတင်းမှ ဒေါ်အောင်ဆန်းစုကြည်၏ ပြောကြားချက်အား ကောက်နှုတ်ချက်။
*******************************************************************************************
| Google Drive: create, share, and keep all your stuff in one place. |  |