Posts
 | Yangon Chronicle(Quotes & Comments) |
|
|
၂၂.၁.၂၀၁၃
သတင်းနှင့်ဆောင်းပါးကောက်နှုတ်ချက်များ
“နိုင်ငံတော်ဖွံ့ဖြိုးတိုးတက်ရေးမှာ ပြည်ပကရင်းနှီးမြှုပ်နှံမှုတွေက မြန်မာပြည်ကိုဝင်လာမယ်။ အဲဒီလိုဝင်ရောက်လာတဲ့အခါ နိုင်ငံခြားသားတွေဝင်လာတာ ပြန်ထွက်တာတွေ ချောချောမွေ့မွေ့ဖြစ်ဖို့အတွက် လုပ်ဆောင်ပေးသွားမှာပါ။ ရန်ကုန်ကဝင်ရင် ရန်ကုန်ကပဲ ထွက်ရမယ်ဆိုတာမျိုး မဟုတ်တော့ဘဲ သူအဆင်ပြေတဲ့နေ့ အဆင်ပြေတဲ့ နယ်စပ်ဂိတ်ကနေထွက်နိုင်အောင်လို့ ဆောင်ရွက်သွားမှာပါ။”
ဇန်နဝါရီလ ၂၄ ရက်နေ့ထုတ် ရန်ကုန်တိုင်းမ် ဂျာနယ် အတွဲ (၉) အမှတ် (၄) တွင် ပါရှိသော “လူဝင်မှုကြီးကြပ်ရေးဆိုင်ရာ နိုင်ငံခြားသားထိန်းသိမ်းရေးအဖွဲ့ ဖွဲ့စည်းမည်” သတင်းမှ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ တာဝန်ရှိသူတစ်ဦး ၏ပြောကြားချက်အားကောက်နှုတ်ချက်။
-----------------------------------------------------------------------------------------------
“KIO အဖွဲ့နဲ့ ငြိမ်းချမ်းရေးကိစ္စကို ပြောပြလိုပါတယ်။ စစ်မှန်တဲ့ငြိမ်းချမ်းရေးရရှိသည်အထိ ကျွန်တော်တို့အနေနဲ့ ဆက်လက်ဆောင်ရွက်မှာဖြစ်ပါတယ်။ KIO မှ လွဲပြီး ကျန် ၁၀ ဖွဲ့နဲ့ အပစ်အခတ်ရပ်စဲရေး လက်မှတ်ရေးထိုးပြီး Political Dialogue ကိစ္စရပ်တွေကို အခု ၂၀၁၃ နှစ်ဦးပိုင်းမှာစပြီး ဆောင်ရွက်ဖို့ ပြင်ဆင်ပြီးဖြစ်ပါတယ်။ KIO ကိုလဲ ငြိမ်းချမ်းရေးဆောင်ရွက်ဖို့ ဆက်လက်ကမ်းလှမ်းထားပြီး အခုလည်း ဒီနေရာကနေ ထပ်မံဖိတ်ခေါ်လိုက် ပါတယ်။ မကြာမီ ငြိမ်းချမ်းရေးကို လက်ကမ်းလာနိုင်မယ်လို့ ယုံကြည်ပါတယ်”
ဇန်နဝါရီလ ၂၄ ရက်နေ့ထုတ် ရန်ကုန်တိုင်းမ် ဂျာနယ် အတွဲ (၉) အမှတ် (၄) တွင် ပါရှိသော “KIO နှင့်ငြိမ်းချမ်းရေးဆွေးနွေးရန် သမ္မတဦးသိန်းစိန် ထပ်မံဖိတ်ခေါ်” သတင်းမှ သမ္မတဦးသိန်းစိန် ၏ပြောကြားချက် အားကောက်နှုတ်ချက်။
-----------------------------------------------------------------------------------------------
“ထိုးစစ်မရှိဘူးလို့ အထက်ကပြောပေမယ့် အောက်ခြေမှာ ရှိနေတဲ့တပ်တွေက သိပ်လိုက်နာပုံမရဘူး။ လဝါယန် ဆိုတာက နောက်ဆုံးရပ်ထားတဲ့နေရာပေါ့။ KIA က အခုလောလောဆယ်ရှိနေတဲ့ နေရာမှာပဲ ထပ်ပြီးတော့ တက်မလာအောင် တိုးတက်မလာအောင်တန့်ထားတဲ့ အနေအထားပေါ့ဗျာ။ ဆိုလိုတဲ့ သဘောက စည်းကြောင်းမျဉ်းတွေ သတ်မှတ်ပြီး အဲဒီမှာပဲ သူတို့ကအခိုင်အမာရှိနေတယ်။ အခုမြန်မာ့တပ်မတော်က စည်းကြောင်းတွေကို စဖောက်တာပေါ့”
ဇန်နဝါရီလ ၂၂ ရက်နေ့ထုတ် မဇ္စိုမဂျာနယ် အတွဲ (၂) အမှတ် (၁၈) တွင်ပါရှိသော “စစ်ရပ်ရေး အစိုးရကြေညာချက် KIO,MPC နှင့် UNFC တို့ တုန့်ပြန်” သတင်းမှ ABSDF(မြောက်ပိုင်း)၏ နိုင်ငံရေးနှင့် စည်းရုံးရေးဌာနတာဝန်ခံ ကိုကျော်ကျော်၏ ပြောကြားချက်အား ကောက်နှုတ်ချက်။
**************************************************************
| Google Drive: create, share, and keep all your stuff in one place. |  |