Posts
 | Yangon Chronicle(Quotes & Comments) |
|
|
၁.၂.၂၀၁၃
သတင်းနှင့်ဆောင်းပါးကောက်နှုတ်ချက်များ
“သူတို့နိုင်ငံမှာ ငြိမ်းချမ်းရေးဖော်ဆောင်တဲ့အချိန်မှာ အရပ်ဖက်လူ့အဖွဲ့အစည်းတွေကိုလွတ်လွတ်လပ်လပ် လုပ်ခွင့်ပြုထားတယ်။ ဒါ့ကြောင့် သူတို့နိုင်ငံမှာ ငြိမ်းချမ်းရေးဖော်ဆောင်တဲ့ လုပ်ငန်းတွေဟာ တစ်နှစ်အတွင်း သိသိသာသာ တိုးတက်လာတာကိုတွေ့ရတယ်။ ကျွန်တော်တို့နိုင်ငံမှာတော့ ငြိမ်းချမ်းရေး ဖော်ဆောင်မှု ဟာနှစ်ပေါင်း ၆၀ လောက် ကြာတာတောင် ယခုအချိန်ထိသေနတ်သံတွေ ကြားနေရတုန်းပဲ”
ဇန်နဝါရီလ ၃၁ ရက်နေ့ထုတ် Hot News Journal အတွဲ (၃) အမှတ် (၁၂၇) တွင်ပါရှိသော “ဖိလစ်ပိုင်တပ်မတော်က ငြိမ်းချမ်းရေး ဖော်ဆောင်နိုင်မှု ပေါ် အခြေခံဂုဏ်ပြု” သတင်းမှ ၈၈ မျိုးဆက်ကျောင်းသားခေါင်းဆောင် ကိုမင်းဇေယျ၏ ပြောကြားချက်အား ကောက်နှုတ်ချက်။
---------------------------------------------------------------------------------------
“ကျွန်မဒီကိစ္စကို အရေးကြီးအဆိုအနေနဲ့ လွှတ်တော်မှာတင်ပြခဲ့ပြီးပါပြီ။ စစ်ပွဲတွေကတော့ အရှိန်တော်တော် ပြင်းလာတယ်။ ဒီလိုတိုက်ခိုက်မှုတွေဖြစ်နေသမျှ ပြည်သူပဲနစ်နာတာ။ နောက်ဒေသခံပြည်သူဆိုအိုးစွန့်၊ အိမ်စွန့်ပြီး နေနေရရှာတာ ဒါတွေနဲ့ အဓိက အကြောင်းရင်းက တစ်ယောက်နဲ့ တစ်ယောက် ခွင့်မလွှတ် နိုင်ကြလို့ နားလည်မှုမရှိလို့ ပြောရရင် တစ်ဖက်နဲ့တစ်ဖက် အပြစ်ပုံချနေကြလို့ပဲ။ ဒီလိုအဖြေမရှာပဲတစ်ဖက်နဲ့တစ်ဖက် အပြစ်ပြော၊ အပြစ်ပုံချနေတာတွေက ငြိမ်းချမ်းရေးကိုဝေးသထက် ဝေးသွားစေတာပါ။ နှစ်ဖက်လုံးအပစ်အခတ် ရပ်စဲရင် ဘယ်သူ့အကျိုးရှိမလဲ။ အားလုံးအတွက် အကျိုးရှိမယ်။ ပြည်သူတွေလည်း အေးချမ်းစွာ နေထိုင်နိုင်မယ်။”
ဇန်နဝါရီလ ၃၁ ရက်နေ့ထုတ် Hot News Journal အတွဲ (၃) အမှတ် (၁၂၇) တွင်ပါရှိသော “တစ်ဖက်နှင့် တစ်ဖက် အပြစ်ပုံချနေသည့်အတွက် ငြိမ်းချမ်းရေးက အလှမ်းဝေးနေခြင်းဖြစ်” သတင်းမှ လွှတ်တော် ကိုယ်စားလှယ် ဒေါ်ဒွဲဘူ၏ပြောကြားချက်အားကောက်နှုတ်ချက်။
---------------------------------------------------------------------------------------
“တန်ဖိုးနည်းအိမ်ရာတွေကို ရန်ကုန်တိုင်းဒေသကြီးမှာတင် မဟုတ်ဘဲ၊ မန္တလေးတိုင်းဒေသကြီး၊ တောင်ကြီး၊ မော်လမြိုင် နှင့် ပုသိမ် လိုလူဦးရေများတဲ့ မြို့တွေမှာပါ တည်ဆောက်ဖို့ရှိပါတယ်။ ရန်ကုန်က တန်ဖိုးနည်းအိမ်ရာတွေက ၃၊ ၄ ထပ်ပဲရှိပြီး အိုဟောင်းနေပြီ။ လူတွေအများကြီးနေထိုင်နိုင်ဖို့ ရည်ရွယ် ချက်နဲ့ ဆောက်လုပ်ရခြင်း ဖြစ်ပါတယ်။ ဒဂုံမြို့သစ်(ဆိပ်ကမ်း) မြို့နယ်က တန်ဖိုးနည်းအိမ်ရာ စီမံကိန်း ၂ ခုဖြစ်တဲ့ ဧရာဝဏ် နဲ့ ရတနာအိမ်ရာစီမံကိန်း ပြီးရင် နောက်ထပ်မြေကြီးမရှိတော့ဘူး။ ရန်ကုန်ကို စင်င်္ကာပူလို ဖြစ်ချင်ပေမယ့် တော်တော်နဲ့ လုပ်လို့မရဘူး။ အဆောက်အအုံတွေက ပိုင်ဆိုင်ပြီးသား ဖြစ်နေတယ်။ ဒါ့ကြောင့် လုပ်လို့ ရတဲ့ နေရာတွေမှာထပ်လုပ်ရတာပါ။”
ဇန်နဝါရီလ ၃၁ ရက်နေ့ထုတ် Fresh News Journal အမှတ် (၁/၀၄၅) တွင်ပါရှိသော “လူဦးရေ တစ်သိန်းအထက် မြို့ကြီး ၅၉ မြို့ တန်ဖိုးနည်း အိမ်ရာတွေ ဆက်ဆောက်သွားမည်” သတင်းမှ ဆောက်လုပ်ရေး ဝန်ကြီးဌာနမှ တာဝန်ရှိသူတစ်ဦး၏ ပြောကြားချက်အား ကောက်နှုတ်ချက်။
---------------------------------------------------------------------------------------
“သူတို့က ဖြစ်နိုင်ရင် အခုဆောက်ချင်နေတာ။ ဒါပေမယ့် သူတို့က ၃ နှစ်စာ အလုပ်သမားလစာနဲ့ မြန်မာနိုင်ငံမှာ ရရှိမယ့် အလုပ်သမားအရေအတွက်ကို တွက်ချက်ခိုင်းတယ်။ လတ်တလော အဲဒီလောက် တွက်လို့ မရသေးဘူး။ မြန်မာအလုပ်သမားတွေရဲ့ လစာကအတည်တကျမရှိသေးတော့ ၃ နှစ်စာ တွက်ဖို့ က ခက်ခဲနေသေးတယ်။ ဒါ့ကြောင့် အချိန်နည်းနည်းပေးရဦးမယ်။”
ဇန်နဝါရီလ ၃၁ ရက်နေ့ထုတ် Fresh News Journal အမှတ် (၁/၀၄၅) တွင်ပါရှိသော “တရုတ်က အထည်ချုပ်စက်ရုံ ၅၀၀ တည်ဖို့ကမ်းလှမ်း၊ ၃ နှစ်စာ လခလုပ်စာနှင့် အလုပ်သမားရရှိနိုင်မှု တွက်ချက်ခိုင်း” သတင်းမှ လက်ဝါး အထည်ချုပ်လုပ်ငန်းမှ ဦးခင်မောင်အေး၏ ပြောကြားချက်အား ကောက်နှုတ်ချက်။
---------------------------------------------------------------------------------------
“ပြီးခဲ့တဲ့ အခေါက်တွေကတိုင်း၊ ခရိုင်၊ မြို့နယ်၊ တရားရုံး တော်တော်များများကို ကြည့်ရှုခဲ့ပြီးပြီ၊ အခု ပြည်နယ် တရားရုံး တွေကိုသွားကြည့်ဖို့ရှိတယ်၊ ဘယ် ပြည်နယ်သွားမယ်ဆိုတာ မပြောနိုင်သေးဘူး။ တစ်ချို့ကလည်း သတင်းတွေ ထွက်လာတော့ ဟိုပြည်နယ်၊ ဒီပြည်နယ်တွေကသူတို့ ဆီလာမယ်ထင်ပြီး ခုကတည်းက ကြိုပြီးတော့ တရားခွင်တွေ ရွှေ့ဆိုင်းထားတယ်။ နားထားတယ်လို့ သိရပါတယ်။ ”
ဇန်နဝါရီလ ၃၁ ရက်နေ့ထုတ် Fresh News Journal အမှတ် (၁/၀၄၅) တွင်ပါရှိသော “တရားစီရင်ရေးကိစ္စ ပြည်နယ်ရုံး များကိုလေ့လာမည် တိုင်း၊ ခရိုင်၊ မြို့နယ်များ တရားစီရင်ရေးကြားဖြတ် အစီရင်ခံစာတင်” သတင်းမှ ကော်မတီအတွင်းရေးမှူး ဦးဝင်းမြင့် ၏ ပြောကြားချက်အား ကောက်နှုတ် ချက်။
**************************************************************
| Google Drive: create, share, and keep all your stuff in one place. |  |