Transparency Myanmar

{Yangon Chronicle 2010:2659} အာဆီယံ၏ မြန်မာအပေါ် ချဉ်းကပ်မှုသည် ဗျူဟာသစ် မဟုတ်

Posted by Transparency Myanmar 2010

Friday, January 21, 2011

(20 ဇန်နဝါရီ 2011 ရက်စွဲပါ Jakarta Post မှ Rizal Sukma ရေးသားသော Insight:ASEAN's new approach to Myanmar is nothing new ကို ဘာသာ ပြန်သည်)

အာဆီယံ နိုင်ငံခြားရေး ဝန်ကြီးများသည် ဇန်နဝါရီ (၁၇) ရက်နေ့က Lombok တွင် အစည်းအဝေး ကျင်းပ ပြီးစီးခဲ့ရာ အင်ဒိုနီးရှားသည် အလှည့်ကျ သဘာပတိ တာဝန်ယူခဲ့ပြီး အင်ဒိုနီးရှား နိုင်ငံခြားရေး ဝန်ကြီး Marty Natalegawa က အာဆီယံအတွက် အစည်းအဝေး အစီအစဉ်များနှင့် ဦးစားပေး လုပ်ဆောင်ရန်များ ချမှတ်ပေးခဲ့သည်။

၎င်းသည် အာဆီယံအတွက် အရေးကြီးသည်ထက် ပို၍ အရေးကြီးသော ကိစ္စများကို ကိုင်တွယ်ခဲ့သည်။ အာဆီယံ အသိုင်းအဝိုင်း တည်ဆောက်ရေး လုပ်ငန်းစဉ် အတွက် လိုအပ်ချက်များ၊ တောင်တရုတ် ပင်လယ် အငြင်းပွားမှုအတွက် ငြိမ်းချမ်းစွာ အဖြေရှာရေး၊ အရှေ့အာရှ ထိပ်သီး အစည်းအဝေး၏ အရေးကြီးမှုနှင့် ၂၀၁၅ အလွန် ကာလ၌ ကမ္ဘာကြီးတွင် အာဆီယံ၏ နေရာအတွက် မေးခွန်းများ စသည့် ကိစ္စရပ်များ ပါဝင်ခဲ့သည်။

ကိစ္စအားလုံး အနက် အငြင်းပွား ဖွယ်ရာများ ရှိပြီး၊ အထိမခံလောက်အောင် သိမ်မွေ့ နက်နဲသော မြန်မာနိုင်ငံ ကိစ္စကိုလည်း ဆွေးနွေးခဲ့ကြသည်။

ယခုအချိန်တွင် ကမ္ဘာကြီး၊ အထူးသဖြင့် အနောက် ကမ္ဘာသည် မြန်မာနိုင်ငံအပေါ် ချမှတ်ထားသော အရေးယူမှုများ ရုတ်သိမ်းပြီး အဆက်ဆံများ ပြန်လုပ်ရန် အချိန်တန်ပြီ ဖြစ်ကြောင်း အင်ဒိုနီးရှားက ၎င်း၏ အမြင်ကို တင်ပြခဲ့သည်။ အဆိုပါ ရပ်တည်ချက်ကို အခြား အာဆီယံနိုင်ငံများက အံ့သြစရာ မကောင်းစွာပင် နွေးထွေးစွာ ကြိုဆိုခဲ့ကြသည်။

ယခု အာဆီယံ၏ ရပ်တည်ချက်သည် မြန်မာနိုင်ငံ ပြဿနာအတွက် ချဉ်းကပ်မှု အသစ်ဟု အဓိပ္ပာယ် ကောက်ယူရမည်လော။ အမှန်အတိုင်း ပြောရလျှင် ယခု ရပ်တည်ချက်မှာ အသစ်အဆန်း တစ်ခုတော့ မဟုတ်ပေ။ အာဆီယံသည် ယခင်ကတည်းက မြန်မာနိုင်ငံ အပေါ် စီးပွားရေး အရ အရေးယူ ပိတ်ဆို့မှုများသည် တိုင်းပြည် ပြောင်းလဲရေးကို တွန်းအား ပေးနိုင်လိမ့်မည် မဟုတ်ကြောင်း ယုံကြည်သူ ဖြစ်သည်။ သက်ဆိုင်ရာ နိုင်ငံကိုယ်တိုင် ပြုလုပ်ရမည့်ကိစ္စ ဖြစ်သည်။ ယခု မြန်မာနိုင်ငံ ကိစ္စတွင်လည်း ပြင်ပမှ အရေးယူမှုများသည် မြန်မာနိုင်ငံတွင် ပြောင်းလဲမှုကို များများ လုပ်ပေးနိုင်မည် မဟုတ်ပေ။

ယခု အာဆီယံ၏ အီးယူ၊ ကနေဒါနှင့် အမေရိကန်တို့အား မြန်မာနိုင်ငံ အပေါ် အရေးယူမှုများ ရုတ်သိမ်းရေး စဉ်းစားပေးရန် တောင်းဆိုချက်သည် မြန်မာ ပြဿနာအတွက် ချဉ်းကပ်မှု အသစ် ပုံစံဖြင့် အာဆီယံ၏ ကြိုးပမ်းမှု တစ်ခု အသွင် မြင်နိုင်သည်။ အဆိုပါ ကိစ္စတွင် အကြောင်းပြချက် သုံးခု ပေးနိုင်သည်။

ပထမအချက်အ နေဖြင့် ယခု တောင်းဆိုမှုသည် မြန်မာနိုင်ငံ ပြည်တွင်း နိုင်ငံရေး ဖြစ်စဉ်တွင် အသစ် ဖြစ်ပေါ်မှုများကြောင့်ဟု ဆိုနိုင်သည်။ Marty က အစည်းအဝေး ကာလအတွင်း ငြင်းချက် ထုတ်ခဲ့သလို မြန်မာနိုင်ငံတွင် အထွေထွေ ရွေးကောက်ပွဲ ကျင်းပခြင်းနှင့် ဒေါ်အောင်ဆန်းစုကြည်အား လွှတ်ပေးခဲ့ခြင်း အပေါ် နိုင်ငံတကာ အသိုင်းအဝိုင်းက ထည့်သွင်း စဉ်းစားသင့်ကြောင်းပင် ဖြစ်သည်။

ရွေးကောက်ပွဲများသည် လွတ်လပ်၍ တရားမျှတမှုမရှိဟု ဖော်ပြကြသော်လည်း၊ အာဆီယံ အနေဖြင့် ရွေးကောက်ပွဲပြီး ကာလတွင် မည်မျှပင် ပါးလွှာပါစေ ရလာသော အခွင့်အလမ်းများကို လေ့လာ လိုပေသေးသည်။ ဒေါ်အောင်ဆန်းစုကြည်အား လွှတ်ပေးခဲ့ခြင်းနှင့် ပတ်သက်၍ အာဆီယံသည် ဒေါ်အောင်ဆန်းစုကြည်သည် အဖြေရှာ မရနိုင်သော မြန်မာ့ နိုင်ငံရေး လုပ်ငန်းစဉ်တွင် ပါဝင်နိုင် ပါဝင်ခွင့် ရလိမ့်မည် ရလိမ့်မည်ဟု မျှော်လင့်နေသည်။

ဒုတိယအချက် အနေဖြင့် အာဆီယံသည် ယခင်ကပင် ၎င်း၏ ဆက်ဆံရေး မဟာဗျူဟာနှင့် အရေးယူမှု မူဝါဒများသည် မအောင်မြင်ကြောင်း ဝန်ခံခဲ့ပြီး ဖြစ်သည်။ ယခု အစည်းအဝေး အတွင်း ရပ်တည်ချက်သည် အထက်ပါ ချဉ်းကပ်မှု နှစ်ခုကို ပေါင်းစပ်ရန် သဘော တူညီမှု၏ ထပ်ဟပ်ချက်ပင် ဖြစ်သည်။

ယခုကိစ္စတွင် အရေးကြီးစွာ မှတ်သားရမည့် အချက်မှာ Marty ကလည်း အလေးအနက် ပြောကြားခဲ့သော ကန့်သတ်ချက်များကို ဖယ်ရှားခြင်းနှင့် အမျိုးသား ပြန်လည် ပေါင်းစည်းရေး လုပ်ငန်းစဉ် နှစ်ခုမှာ လက်တွဲ ဆောင်ရွက် သင့်ကြောင်းပင် ဖြစ်သည်။ ယခု အချက်မှာ စစ်အစိုးရသည် အားလုံး ပါဝင်သော အမျိုးသား ပြန်လည် စည်းလုံး ညီညွတ်ရေး လုပ်ငန်းစဉ်ကို နှောင့်နှေးအောင်၊ ပိတ်ဆို့အောင် ကြိုးစားမည် ဆိုပါက အာဆီယံ အနေဖြင့် မြန်မာနိုင်ငံ အပေါ် မျက်စိမှိတ်၍ ထောက်ခံ နေလိမ့်မည် မဟုတ်ဟု သတိပေး ပြောသကဲ့သို့ ဖြစ်သည်။

တတိယအချက် အနေဖြင့် ယခု တောင်းဆိုချက်မှာ အမေရိကန် သမ္မတ Obama လက်ထက်တွင် မြန်မာနိုင်ငံ အပေါ် မူဝါဒကို ပြန်လည် သုံးသပ်ပြီး နောက်ပိုင်းမှ ထွက်ပေါ်ခဲ့ခြင်းပင် ဖြစ်သည်။ ၂၀၀၉ ခုနှစ် စက်တင်ဘာလက အမေရိကန် အစိုးရသည် လက်တွေ့ ကျသော ဆက်ဆံရေး မူဝါဒအဖြစ် အရေးယူမှုများ ဆက်လက်ထားရှိပြီး မြန်မာ အစိုးရနှင့် စတင် ဆက်ဆံရေး ပြုလုပ်မည် ဖြစ်ကြောင်း ကြေညာခဲ့သည်။ အဆိုပါ မူဝါဒသစ်သည် ဆက်ဆံရေးနှင့် အရေးယူမှု နှစ်ခုကို ပေါင်းစပ်ကြိုးစားမှု တစ်ခုဖြစ်ပြီး အမေရိကန်အား အာဆီယံနှင့် နီးကပ်သော နေရာတစ်ခုသို့ ရောက်ရှိစေသည်။

အမှန်တကယ်ပင် အကယ်၍ မြန်မာနိုင်ငံအပေါ် ချဉ်းကပ်မှု အသစ် ပြုလုပ်လိုသူ တစ်ဦးသည် ဆက်ဆံရေး- အရေးယူရေး ကိစ္စကို ကျော်၍ စဉ်းစားရန် အချိန်တန်ပြီ ဖြစ်သည်။ ယခု အာဆီယံ၏ တောင်းဆိုမှု ဖြစ်သော အရေးယူမှုများကို ဖယ်ရှားရေး ကိစ္စကို အာဆီယံ၏ ဆွေးနွေးဖက် ပါတနာများ သဘောတူသည် မတူသည် အသာထားဦး။ အာဆီယံ ကိုယ်တိုင်က ပင်လျှင် မြန်မာနိုင်ငံနှင့် ပတ်သက်၍ ပို၍ နားလည်လွယ်သော၊ အသေးစိတ် ကျသော မဟာဗျူဟာ တစ်ရပ် ရေးဆွဲရန် လိုအပ်နေသည်။ စစ်အစိုးရ၏ ပြည်တွင်းရှိ အင်အားစုများကို ဖယ်ရှား နှိပ်ကွပ်၍ အာဏာ ဆုပ်ကိုင်ရေးကို မဟာဗျူဟာ ဖြစ်သင့်သည်။

သို့ဖြစ်၍ ထိုကိစ္စမှာ ခက်ခဲသော အဆိုပြုချက် တစ်ခုပင် ဖြစ်လိမ့်မည်။ သို့သော် အာဆီယံ အနေဖြင့် သုံးချောင်းထောက် မဟာ ဗျူဟာဖြင့် ချဉ်းကပ်မှု အသစ်ပြုလုပ်နိုင်သည်။

ပထမအချက် အနေဖြင့် အာဆီယံသည် အဓိက နိုင်ငံရေးနှင့် ပတ်သက်သူများနှင့် အမျိုးသား ပြန်လည်စည်းလုံးရေး ဆွေးနွေးရန်နှင့် ဒီမိုကရေစီရေး ဆွေးနွေးရန် ဖြစ်နိုင်သည့် မူဝါဒစည်းမျဉ်းများ စတင်ရေး ဆွဲပေးခြင်းဖြင့် စတင်သင့်သည်။

ဒုတိယ အချက် အနေဖြင့် အာဆီယံသည် အဓိပ္ပာယ်ရှိပြီး အားလုံးပါဝင်သော စီးပွားရေး ဖွံ့ဖြိုးမှု အစီအစဉ်များ စစ်အစိုးရက စတင်နိုင်ရန် မည်သို့ အားပေးနိုင်မည်ဆိုသည့် အကျိုးတူ ပလက်ဖောင်း ရှိနေသည်။ တချိန်တည်းမှာပင် အာဆီယံသည် အသိုင်းအဝိုင်း ဖွံ့ဖြိုးတိုးတက်မှု၊ လူသားချင်း စာနာသော အကူအညီများနှင့် လူသား စွမ်းရည် မြှင့်တင်ရေးများ ကဲ့သို့သော အခြေခံ လူတန်းစား အခြေခံသော အကူအညီပေးရေး အစီအစဉ်များကို မြန်မာပြည်သူများအား တိုက်ရိုက် အကူအညီ ပေးရေး စတင်ရန် လိုအပ်နေသည်။

တတိယအချက် အနေဖြင့် အာဆီယံသည် ပါလီမန် ကဲ့သို့သော နိုင်ငံရေး အလွှာအသစ်နှင့် အရပ်ဖက် အဖွဲ့အစည်းများ ကဲ့သို့သော မြန်မာ့ လူ့အဖွဲ့အစည်းများနှင့် ပိုမို ကျယ်ကျယ်ပြန့်ပြန့် ဆက်ဆံနိုင်သော ပလက်ဖောင်း တစ်ခု စဉ်းစားထားသင့်သည်။

အင်ဒိုနီးရှားသည် အာဆီယံ ဥက္ကဋ္ဌ အနေဖြင့် ထိုသို့သော အာဆီယံ၏ မြန်မာနိုင်ငံ မဟာဗျူဟာ အသစ်ကို စဉ်းစားပေးရန် တာဝန်ရှိသည်။ သို့မဟုတ်ပါက နိုင်ငံတကာ အသိုင်းအဝိုင်းသည် ယခု Lombok အစည်းအဝေးမှ မြန်မာနိုင်ငံနှင့် ပတ်သက်သော သဘော တူညီချက်ကို အကောင်အထည် မပေါ်နိုင်သော နောက်ပြန်ဆွဲသည့် အာဆီယံ၏ ရွှေ့လျားမှုဟု မြင်သွားနိုင်သည်။ ထို့ကြောင့် ထိုသို့ မမြင်စေရန် အာဆီယံ၏ ဥက္ကဋ္ဌနှင့် ခေါင်းဆောင် ဖြစ်သော အင်ဒိုနီးရှားအတွက် စိန်ခေါ်မှုပင် ဖြစ်သည်။ အင်ဒိုနီးရှားသည် ထိုစိန်ခေါ်မှုကို ဖြေရှင်းရန် အသင့် ရှိနေမည်ဟု မျှော်လင့်မိပေသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2658} ဗီယက်နမ် ကွန်မြူနစ် ပါတီ ထိပ်ပိုင်းအလွှာက ပါတီခေါင်းဆောင်သစ် ရွေးချယ်

Posted by Transparency Myanmar 2010

comments (0)

(The Straits Times မှ 19 Jan 2011 ရက်စွဲပါ "Vietnam's Communist elist pick new boss" သတင်းကို ဘာသာပြန်ဆိုသည်)

ဗီယက်နမ်နိုင်ငံတွင် တိုင်းပြည်၏ ပေါက်ကွဲ ကြီးထွားမှုကို အဆက်မပြတ် ထိန်းသိမ်းရန် ကြိုးစားသည့် အနေဖြင့် အလယ်အလတ်ဝါဒီ တစ်ဦးကို ရွေးချယ် တာဝန် ပေးခြင်း မပြုမီ နိုင်ငံရေးသမားများ အာဏာအတွက် ပြိုင်ဆိုင်ခဲ့ကြသည့် လျှို့ဝှက်အစည်းအဝေးများ တစ်ပတ်ခန့် ကျင်းပအပြီး အင်္ဂါနေ့တွင် ဗီယက်နမ် ကွန်မြူနစ်ပါတီ ထိပ်ပိုင်း အလွှာက ပါတီ ခေါင်းဆောင်သစ်ကို ရွေးချယ် တင်မြှောက်လိုက်သည်ဟု ပါတီတွင်း သတင်းရပ်ကွက်က ပြောကြားသည်။

အများ မျှော်လင့်ထားကြသည့် အတိုင်း လက်ရှိ လွှတ်တော် အစည်းအဝေး သဘာပတိ ငုယင်ဖူထရောင် (၆၆)နှစ်ကို ကွန်မြူနစ်ပါတီ၏ အထွေထွေ အတွင်းရေးမှူး အဖြစ် တာဝန်ပေးလိုက်သည်ဟု အမည်မဖော်လိုသော ပါတီ တာဝန်ရှိသူများ၏ အဆိုအရ သိရှိရသည်။

နိုင်ငံ၏ အခြားထိပ်ပိုင်း ရာထူးနေရာများတွင် ခန့်အပ်ခံရလိမ့်မည်ဟု မျှော်လင့်ရသော ထိပ်ပိုင်း အဆင့်ပါတီဝင် ၃ ဦး ကိုလည်း သြဇာကြီး ပေါလစ် ဗျူရိုတွင် ပြန်လည် ရွေးချယ်ခဲ့သည်ဟု အဆိုပါ ပါတီတာဝန်ရှိသူများက ဆက်လက် ပြောကြားသည်။

ထိပ်ပိုင်း ရာထူးများကို မည်သူ ရယူသည် ဖြစ်စေ၊ အရေးမကြီးပါ တိုင်းပြည်၏ ဂရုတစိုက် ရေးဆွဲ ဖန်တီးထားပြီးဖြစ်သော လမ်းကြောင်းမှ သွေဖယ်သွားလိမ့်မည် မဟုတ်ဟု လေ့လာ ဆန်းစစ်သူများက ယခင်ကပင် ပြောကြားထားသည်။

ကင်ဘာရာရှိ Australian Defense force Academy မှ ဗီယက်နမ်ရေးရာ ကျွမ်းကျင်သူ Carl Thayer က "ဒါက ဦးနှောက် သွေးကြောစနစ်လို အရေးပါတဲ့ ကိစ္စများ မဟုတ်ပါဘူး၊ တစ်ယောက် ထုတ်ပြီး နောက်တစ်ယောက် သွင်းလိုက်တာပါ၊ နေရာလုတဲ့ တိုက်ပွဲတစ်ခု ပေါ့ဗျာ၊ နိုင်ငံရေး ရာထူး ဝေခြမ်းရေး လုပ်တာပါ" ဟု မှတ်ချက်ပေးသည်။

ပါတီ ခေါင်းဆောင်သစ်နှင့် သြဇာကြီး ပေါလစ်ဗျူရိုကို အင်္ဂါနေ့တွင် ရွေးချယ်ပေးမည့် ဗဟို ကော်မတီဝင်သစ် ၂၀၀ ကို ရွေးချယ်ရန်အတွက် တစ်ဦးကို တစ်ဦး ရဲဘော်ဟု နှုတ်ဆက်တတ်သည့် ကွန်မြူနစ် ပါတီကိုယ်စားလှယ် ၁၄၀၀ ဦး နီးပါးသည် တနင်္လာနေ့က စုဝေးခဲ့ကြသည်။ "တူနှင့် တံစဉ်" ဝါဒဖြန့်ချီမှုများ ကဲ့သို့ ဟန်ရေးပြ အစီအစဉ်များဖြင့် ပြည့်နေသည့် ကွန်မြူနစ်ပါတီ ညီလာခံကို ၈ရက်ကြာ ကျင်းပပြီး ဗုဒ္ဓဟူးနေ့တွင် ပိတ်သိမ်းမည် ဖြစ်သည်။

{Yangon Chronicle 2010:2657} စစ်တမ်းများက မြန်မာနိုင်ငံတွင် လူ့အခွင့်အရေး ချိုးဖောက်ကြောင်း အတည်ပြု

Posted by Transparency Myanmar 2010

comments (0)

(၁၉ ဇန်နဝါရီ ၂၀၁၁ ရက်စွဲပါ Associated Press မှ Grant Peck ရေးသားသော Group says survay confirms Myanmar rights abuses ကို ဘာသာ ပြန်သည်)

မြန်မာ့ တပ်မတော်၏ ပြောင်ကျကျ၊ ကျယ်ကျယ် ပြန့်ပြန့် နှိပ်စက် ညှဉ်းပမ်းမှုများကို ဖော်ထုတ်ထားသည့် အစီရင်ခံစာသည် အဆိုပါ နိုင်ငံမှ စစ်ဖက် အုပ်ချုပ်သူများကို လူသားထု အပေါ် ကျူးလွန်သည့် ရာဇဝတ်မှုများဖြင့် တရား စွဲဆိုရန် အထောက် အထားအဖြစ် အသုံးပြု နိုင်လိမ့်မည်ဟု လူ့အခွင့် အရေး အုပ်စုများက ပြောကြားလိုက်သည်။

မြေမြှုပ် မိုင်းများကို ဆန့်ကျင် ကန့်ကွက်သည့် လှုပ်ရှားမှုများ အတွက် ၁၉၉၇ ခုနှစ်က ငြိမ်းချမ်းရေး နိုဘယ်ဆုကို ပူးတွဲ ရရှိခဲ့ကြသည်။ "Physicians Human Rights" က ဗုဒ္ဓဟူးနေ့တွင် ထုတ်ပြန်သော အစီရင်ခံစာတွင် တင်ပြရာ၌ ချင်းပြည်နယ်ရှိ တိုင်းရင်းသား လူနည်းစုများ အပေါ် သတ်ဖြတ်ခြင်း၊ ရိုက်နှက်ခြင်း၊ အဓမ္မ ခိုင်းစေခြင်း၊ ဘာသာရေး ခွဲခြားခြင်း၊ လူများ ပျောက်ဆုံးခြင်း၊ နှိပ်စက် ရိုက်နှက်ခြင်း၊ မတရား ပြုကျင့်ခြင်း၊ နေရာအနှံ့ လုယက်ခြင်း စသည့်တို့ အပါအဝင် ညှင်းပမ်း နှိပ်စက်မှုများကို အထောက် အထား မှတ်တမ်း တင်ခဲ့သည်ဟု ဆိုသည်။

အစောပိုင်းက ထုတ်ပြန်ခဲ့သော အစီရင်ခံစာများကို အထောက်အကူ ပြုရန် အတွက် မြန်မာနိုင်ငံမှ လူသားထု အပေါ် ရာဇဝတ် ကျူးလွန်မှုများ၏ ပမာဏနှင့် အတိုင်းအတာကို ပထမဆုံး အကဲဖြတ်သည့် အနေဖြင့် လေ့လာ အစီရင်ခံ ထားသည့်ဟု ၎င်းအစီရင်ခံစာက ဖော်ပြသည်။

"ချင်းလူမျိုးတွေ ခံစားနေရတဲ့ ကြောက်မက်ဖွယ် ဒုက္ခတွေကို ဒီအစီရင်ခံစာက မီးမောင်း ထိုးပြထားတာ ဖြစ်ပါတယ်၊ အချက် အလက်တွေကို လိမ်ညာ တင်ပြခြင်း မရှိပါဘူး" ဟု Physicians of Human Rights အမှုဆောင် ဥက္ကဋ္ဌ Frank Donaghue က ကြေညာချက်တွင် ပြောဆိုလိုက်သည်။

ကျယ်ကျယ် ပြန့်ပြန့် နှိပ်စက် ညှင်းပမ်းမှု စွပ်စွဲချက်များ ယခင်က ငြင်းဆိုလျက် ရှိလေ့ ရှိသော မြန်မာ အစိုးရက လတ်တလော မှတ်ချက် ပေးခြင်း မရှိသေးပါ။

အမေရိကန် အခြေစိုက် လူ့အခွင့်အရေး အုပ်စုက ၎င်း၏ ၆၄ မျက်နှာ အစီရင်ခံစာတွင် "စစ်အစိုးရ လက်အောက်မှ ဘဝ ခေါင်းစဉ်ဖြင့် မြန်မာနိုင်ငံ ချင်းပြည်နယ်မှ လူသားထု အပေါ် ကျူးလွန်သည့် ရာဇဝတ်မှုများ အထောက် အထားသည် နိုင်ငံတကာ ရာဇဝတ် ခုံရုံးသို့ တင်ပြနိုင်သည့် လူ့အခွင့်အရေး ချိုးဖောက်မှု အနည်းဆုံး ၈ ခု ၏ အထောက် အထားကို တင်ပြထားသည်ဟု ဖော်ပြထားသည်။

၎င်းအစီရင်ခံစာက မြန်မာနိုင်ငံမှ လူ့အခွင့်အရေး ချိုးဖောက်မှုများနှင့် ပတ်သက်သည့် အစီရင်ခံစာများကို စစ်ဆေးရန် အတွက် စုံစမ်းရေး ကော်မရှင် ဖွဲ့စည်းရန် ကုလ သမဂ္ဂကို တိုက်တွန်းထားသည်။

"စုံစမ်း လေ့လာသူတွေ အသုံးပြုတဲ့ လေ့လာ ချဉ်းကပ်ပုံကြောင့် ညှင်းပမ်း နှိပ်စက်မှုတွေကို ကျယ်ကျယ်ပြန့်ပြန့်၊ စနစ်တကျ ကျူးလွန်တဲ့ သဘာဝကို ကျွန်တော်တို့ မြင်တွေ့ခွင့် ရခဲ့ပါတယ်။ အဆုံးစွန် ကြောက်မက်ဖွယ်ကောင်းတဲ့ ရလဒ်တွေပါပဲ" ဟု နိုဘယ်ဆုရှင် တောင်အာဖရိက ဘုန်းတော်ကြီး ဒက်စမွန်တူးတူး က အဆိုပါ အုပ်စုက ထုတ်ပြန်သော အစီရင်ခံစာတွင် ပြောကြား ထားသည်။

မြန်မာအစိုးရ ကျူးလွန်သော ရာဇဝတ်မှုများကို နိုင်ငံတကာ ခုံရုံးတွင် ကြားနာရန်နှင့် ကုလ လုံခြုံရေး ကောင်စီက စုံစမ်းရေးကော်မရှင် ဖွဲ့စည်းရန် တိုက်တွန်းသည့် လှုပ်ရှားမှုကို ပြီးခဲ့သော နှစ်အတွင်း ဒီမိုကရေစီနှင့် လူ့အခွင့်အရေး လှုပ်ရှားသူများက အရှိန်မြင့် ခဲ့ကြသည်။

နိုဝင်ဘာ ရွေးကောက်ပွဲများ အပြီး နှစ် ၂၀ အတွင်း ပထမဆုံး လွှတ်တော်ကို ယခုလကုန် ခေါ်ယူ စည်းဝေးရန် စီစဉ်ခြင်းနှင့်အတူ မြန်မာအစိုးရက ကိုယ့်ကိုကိုယ် အာဏာ ပြန်လည် အပ်နှင်းသည့် ဒီမိုကရေစီ အသွင် ကူးပြောင်းမှုကို ပြုလုပ်နေသည့် အတွက် လူ့အခွင့်အရေး အုပ်စုများ၏ ဖိအားပေးမှုများ ပေါ်ထွက်လာခြင်း ဖြစ်သည်။ စစ်တပ်က ဆက်လက် အုပ်ချုပ်ရေး အတွက် တရားဝင် မျက်နှာဖုံး တပ်ပေးသည့် လှည့်စားထားသည့် လုပ်ငန်းစဉ်သာ ဖြစ်သည်ဟု နိုင်ငံတကာ ဝေဖန် ဆန်းစစ်သူများက စွပ်စွဲထားသည်။

မြန်မာနိုင်ငံ တိုင်းရင်းသား လူမျိုးစုများသည် တိုင်းပြည်၏ (၅၆) သန်းသော လူဦးရေ၏ ၃၀-၄၀% ရှိပြီး၊ နယ်စပ်ဒေသများတွင် နေထိုင်သူများက များသည်။ ၎င်းတို့သည် ဆယ်စုနှစ်များစွာ ဗဟိုအစိုးရထံမှ ကိုယ်ပိုင် အုပ်ချုပ်ခွင့်ရရေး ကြိုးပမ်းလာခဲ့ရာ၊ တခါတရံ လက်နက်ကိုင် ဆန့်ကျင်မှုများ ရှိခဲ့သဖြင့် စစ်တပ်၏ ပြင်းထန်သော ဖိနှိပ်မှုများကို ကြုံတွေ့ကြရသည်။

ထိုင်းနိုင်ငံ နယ်စပ် တလျှောက်ရှိ လူဦးရေ များပြားသော အုပ်စုများ ဖြစ်သည့် ကရင်နှင့် ရှမ်းလူမျိုးများ၏ ဆိုးဝါးလှသော အခြေအနေများကို လူအတော် များများ သိရှိကြသော်လည်း ခရစ်ယာန် ဘာသာ ကိုးကွယ်သော ချင်းလူမျိုးများမှာမူ လျစ်လျူရှု ခံထားကြရသည်။

အစီရင်ခံစာသစ် အတွက် ချင်းပြည်နယ်တွင် မြို့နယ်ကိုးခု၌ အိမ်ထောင်စု (၆၂၁)စုအား လက်တန်း ရွေးချယ်၍ မေးခွန်း (၈၇)ခုပါ စစ်တမ်းကို ၂၀၁၀ ဇန်နဝါရီလ မှ မတ်လထိ လွန်ခဲ့သည့် (၁၂) လအတွင်း ၎င်းတို့၏ ဘဝများကို မေးမြန်းခဲ့သည်။

ဖြေဆိုသူများ၏ ၉၂% က ၎င်းတို့တွင် အနည်းဆုံး အဓမ္မ လုပ်အားပေးစေခြင်း အဖြစ်အပျက် တစ်ခုစီ ရှိကြောင်း တင်ပြကြသည်။ စစ်သုံးပစ္စည်းများ ထမ်းပို့စေခြင်း၊ လမ်းဖောက်ခြင်းများကို ခိုင်းစေကြကြောင်း ဆိုသည်။ ထိုဒေသများတွင် အစိုးရ အာဏာပိုင် ဆိုသူများမှာ အဓိကအားဖြင့် စစ်သားများသာ ဖြစ်ပြီး ၎င်းတို့သည် လူ့အခွင့်အရေး ချိုးဖောက်မှုများ၏ ၉၈% ကျော်ကို ကျူးလွန်ကြသည်။ ထိုသို့ ကျူးလွန်ရာတွင် လူသတ်ခြင်း၊ အမျိုးသမီးများအား အဓမ္မပြုကျင့်ခြင်း၊ နှိပ်စက်ခြင်း၊ အတင်း ပြောင်းရွှေ့စေခြင်းများ ပါဝင်သည်ဟု အစီရင်ခံစာက ဆိုသည်။ မေးခွန်း မေးခံရသော မိသားစုများ အနက်မှ (၁၅%) က စစ်သားများ၏ နှိပ်စက်မှု သို့မဟုတ် ရိုက်နှက်မှုကို ခံကြရကြောင်း ပြောကြသည်။

Physicians for Human Rights က ပြောကြားရာတွင် တွေ့ရှိချက်များသည် လူသားချင်း မစာနာပဲ ကျူးလွန်သော ရာဇဝတ်မှုများနှင့် ပတ်သက်သော နိုင်ငံတကာ ဥပဒေကို ချိုးဖောက်မှုများ အတွက် သက်သေ အထောက် အထားများ ဖြစ်ကြောင်း ဆိုသည်။

၎င်းအဖွဲ့က ပြောကြားရာတွင် ကျူးလွန်မှုများသည် စစ်အစိုးရအား နိုင်ငံတကာ ရာဇဝတ်မှု တရားရုံး (ICC) သို့ တင်ပြရန် ခိုင်လုံကြောင်း၊ အဘယ်ကြောင့် ဆိုသော် ကျူးလွန်မှုများသည် ICC စတင် လုပ်ဆောင်သော ၂၀၀၂ နောက်ပိုင်းမှ ဖြစ်ပေါ်ခဲ့ခြင်းကြောင့် ဖြစ်သည်ဟု ဆိုသည်။ ထို့အပြင် ကျူးလွန်ခြင်းများသည် အစိုးရ အာဏာပိုင်များက အရပ်သားများအား ကျယ်ကျယ်ပြန့်ပြန့်၊ စနစ်တကျ တိုက်ရိုက် ကျူးလွန်ခြင်းလည်း ဖြစ်ကြောင်း ဆိုသည်။

နိုင်ငံတကာ ရာဇဝတ်မှု တရားရုံး (ICC) သည် နယ်သာလန် နိုင်ငံတွင် ရုံးစိုက်ပြီး၊ ကမ္ဘာ့ပထမဆုံး စစ်ရာဇဝတ်မှုများနှင့် ပတ်သက်၍ အထူး အာဏာရ တရားရုံး ဖြစ်သည်။ ICC မှာ ရောမစာချုပ် (Rome treaty)အရ ဖွဲ့စည်းခဲ့ခြင်း ဖြစ်ပြီး၊ လူမျိုးတုံး သတ်ဖြတ်ခြင်း၊ လူသားချင်း မစာနာသော ရာဇဝတ်မှုများ သို့မဟုတ် စစ်ရာဇဝတ်မှုများ ကျူးလွန်သော အစိုးရများသည် မိမိကိုယ် မိမိ တရား မစီရင်နိုင်ပါက ဝင်ရောက် ဆောင်ရွက်ပေးသော နိုင်ငံတကာ တရားရုံး ဖြစ်သည်။

{Yangon Chronicle 2010:2656} ဟီလာရီ ကလင်တန်က ဒေါ်အောင်ဆန်းစုကြည်အား အကူအညီပေးရန်စီစဉ်

Posted by Transparency Myanmar 2010

comments (0)

(ဇန်နဝါရီ ၂၀၊ ၂၀၁၁ ရက်စွဲပါ The Straits Times မှ Hilary Clinton Calls Suu Kyi, Pledges Support ကို ဘာသာ ပြန်သည်)

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်သည် မြန်မာနိုင်ငံတွင် ဒီမိုကရေစီ မြှင့်တင်ရေးအတွက် နိုဘယ်ဆုရှင် ဒေါ်အောင်ဆန်းစုကြည်နှင့် လက်တွဲ အလုပ် လုပ်ရန် စီစဉ်လျက် ရှိသည်။

နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် P.J Crowley က Twitter တွင် ရေးသား ထားရာ၌ ကလင်တန်သည် ဗုဒ္ဓဟူးနေ့က ဒေါ်အောင်ဆန်းစုကြည်အား ဖုန်းဖြင့် ဆက်သွယ် ပြောဆိုခဲ့သည်ဟု ဆိုသည်။

အစိုးရက နိုဝင်ဘာ ရွေးကောက်ပွဲ ပြီးနောက် ဒေါ်အောင်ဆန်းစုကြည်အား (၇) နှစ်တာ ထိန်းသိမ်း ထားခြင်းမှ ပြန်လွှတ် ပေးခဲ့ခြင်း ဖြစ်သည်။

သူမ၏ အမျိုးသား ဒီမိုကရေစီ အဖွဲ့ချုပ် (NLD) ပါတီက ရွေးကောက်ပွဲသည် အလိမ် အညာသာ ဖြစ်သည်ဟု ဆိုကာ ပါဝင်ခြင်း မပြုခဲ့သောကြောင့် ပါတီအား ဖျက်သိမ်းခြင်း ခံခဲ့ရသည်။

{Yangon Chronicle 2010:2655} အဂတိ လိုက်စားမှု လျှော့ချနိုင်မှသာ ဖိလစ်ပိုင်အား ရန်ပုံငွေ ထပ်တိုးပေးနိုင်မည်ဟု အမေရိကန် ရန်ပုံငွေ ထောက်ပံ့ရေးအဖွဲ့ ပြောကြား

Posted by Transparency Myanmar 2010

comments (0)

(Xinhua သတင်းဌာနမှ 17 January 2011 ရက်စွဲပါ "U.S aid agency says may extend funding to Philippines if it can reduce corruption" သတင်းကို ဘာသာ ပြန်ဆိုသည်)

အမေရိကန် ပြည်ထောင်စု ကယ်ဆယ်ရေး အေဂျင်စီက ဖိလစ်ပိုင် နိုင်ငံအား ယခုနှစ်အတွက် အာမို ရန်ပုံငွေ ထပ်မံ ထပ်မံ တိုးပေးရန် စဉ်းစားဖွယ် ရှိသော်လည်း သမ္မတသစ် ဘီနစ်နို အကွီနို(၃) အား အဂတိ လိုက်စားမှု တိုက်ဖျက်မည့် ၎င်း၏ နိုင်ငံရေး ရည်မှန်းချက်ကို ပထမဆုံး ပြသရန် တောင်းဆို လိုက်သည်။

Millennium Challenge Corporation (MCC) က ကြာသပတေးနေ့တွင် ထုတ်ပြန်သော ကြေညာချက်တွင် "အဂတိ လိုက်စားမှု တိုက်ဖျက်ရေး အပါအဝင် MCC ၏ စံညွှန်းနှင့် မူဝါဒများ၊ သဘော တူညီချက်ပါ ရည်မှန်းချက်နှင့် အကောင်အထည် ဖော်မှုများကို အစိုးရ အဖွဲ့သစ်က တာဝန် ယူစေလိုသော MCC ၏ ဆန္ဒကို နိုင်ငံခြားရေး ဝန်ကြီး ဟီလာရီ ကလင်တန် ဦးဆောင်သော MCC ဘုတ်အဖွဲ့က ထပ်မံ ပြောကြားခဲ့သည်" ဟု ဖော်ပြထားသည်။

MCC ဘုတ်အဖွဲ့က ဝင်ငွေနိမ့်နှင့် ဝင်ငွေ အလယ် အလတ် အဆင့် မမီသော တိုင်းပြည်များတွင် ရင်းနှီးမြှုပ်နှံသည့် ၎င်း၏ လုပ်ငန်း တာဝန်ကို ပြန်လည် သုံးသပ်မှု ပြုလုပ်ပြီးနောက် အချိန်တို အတွင်း ကြေညာချက် ထုတ်ပြန် ခဲ့ခြင်း ဖြစ်သည်။ ၂၀၁၀ ပြက္ခဒိန် နှစ်တွင် ဖိလစ်ပိုင်၊ ဂျော်ဒန်၊ မာလာဝီ၊ ၂၀၁၁ ပြက္ခဒိန်နှစ်တွင် အင်ဒိုနီးရှား၊ ဇမ်ဘီယာ၊ ကိပ်ဗာဒီ နိုင်ငံများနှင့် ရန်ပုံငွေ ပေးအပ်ရေး သဘောတူညီချက် ရရှိထားမှုကို စဉ်းစား သုံးသပ်ရန် မျှော်လင့် ထားသည်ဟု MCC ဘုတ်အဖွဲ့က ပြောကြားသည်။

ဖိလစ်ပိုင် နိုင်ငံသည် အစိုးရ အဖွဲ့အတွင်း အဂတိ လိုက်စားမှု ရေရှည် ပြဿနာကြောင့် ယခင် နှစ်က MCC ထံမှ ပမာဏ များပြားသော ရန်ပုံငွေ ဆုံးရှုံးခဲ့ရသည်။ သို့သော်လည်း ဖိလစ်ပိုင် နိုင်ငံကို ၎င်း၏ ဖွံ့ဖြိုးရေး စီမံကိန်းများအတွက် MCC သဘောတူညီချက် အစီအစဉ်အောက်မှ ထပ်တိုး ရန်ပုံငွေ အတွက် အသစ် လျှောက်ထားရန် ပြန်လည် ရွေးချယ် ခဲ့သည်။

MCC သည် အမေရိကန် ပြည်ထောင်စု အစိုးရ ကော်ပိုရေးရှင်း တစ်ခု ဖြစ်ပြီး Millennium Challenge Account (MCA) ရန်ပုံငွေ အစီအစဉ်ဖြင့် ဖွံ့ဖြိုးဆဲ နိုင်ငံများနှင့် စီးပွားရေး ဖွံ့ဖြိုးမှု အတွက် ပူးပေါင်း လုပ်ဆောင်ရန် ဖွဲ့စည်းထားခြင်း ဖြစ်သည်။

{Yangon Chronicle 2010:2654} မြန်မာ ပြည်တွင်းတိုက်ပွဲများ ထိုင်းနယ်စပ်ကျေးရွာများကို ခြောက်လှန့်

Posted by Transparency Myanmar 2010

comments (0)

ထိုင်း-မြန်မာ နယ်စပ် ဒေသအနီး မြန်မာ ပြည်တွင်း၌ ဆက်လက် ဖြစ်ပွားနေသော တိုက်ပွဲများကြောင့် ဗုံးဆံ၊ အမြောက်ဆံများ ထိုင်းနိုင်ငံ ဘက်သို့ ကျရောက်လျက် ရှိရာ နယ်စပ်ဒေသ၌ နေထိုင်သူများ အကြား တုန်လှုပ် ခြောက်ခြားမှုများ ဖြစ်နေကြောင်း စုံစမ်း သိရှိရသည်။

ဝလေ တပ်စခန်း အနီး မြန်မာစစ်တပ်နှင့် ကရင် လက်နက်ကိုင် အုပ်စုနှစ်စု ဖြစ်သော ဒီမိုကရက်တစ် ကရင် ဗုဒ္ဓဘာသာတပ်ဖွဲ့ (ဒီကေဘီအေ) နှင့် ကရင် အမျိုးသား ယူနီယံ (ကေအင်န်ယူ) တို့အကြား ဖြစ်ပွားသော တိုက်ပွဲမှ အမ်-၇၉ အမျိုးအစား လက်ပစ်ဗုံးများ ထိုင်းနိုင်ငံ၊ တက်ပြည်နယ် မဲဆောက်တပ်ဖွဲ့ အခြေစိုက် စခန်း အနီး နယ်နိမိတ်ထဲသို့ ကျရောက်ခဲ့သည်ဟု ဆိုသည်။

လက်ပစ်ဗုံး ကျရောက်မှုနှင့် ပတ်သက်၍ နှစ်ဖက်စလုံးက မည်သူမည်ဝါတွင် တာဝန်ရှိသည်ဟု စွပ်စွဲပြောဆိုခြင်း မရှိသေးကြောင်း၊ သို့သော် မဲဆောက် တပ်ရင်းမှ ဗိုလ်မှူးကြီး Suphachoke Thawatpirachai က ဗုံးဆံများ၊ အမြောက်ဆံများ၊ လက်ပစ်ဗုံးများ ကျရောက်သည့် နေရာ ဒေသများသို့ သွားရောက် စစ်ဆေးရန် တပ်ဖွဲ့ဝင်များ စေလွှတ်ခဲ့ကြောင်း သိရသည်။

တိုက်ပွဲများကြောင့် ကရင် တိုင်းရင်းသား ဒုက္ခသည် ၃၀၀ ကျော် အိုးအိမ် စွန့်ခွာ ထွက်ပြေးပြီး ထိုင်းနိုင်ငံထဲသို့ ဝင်ရောက်ခဲ့ကြသည်။ ဒုက္ခသည် အချို့မှာ ထိုင်းနိုင်ငံဘက်မှ ဆွေမျိုးသားချင်းများ အိမ်တွင် ခေတ္တ ခိုလှုံကြပြီး အချို့မှာ ဝလေနှင့် မော်ကာရီယန်း ကျေးရွာများတွင် ယာယီတဲများ ထိုး၍ နေထိုင်ကြရသည်။ ဝလေ ကျေးရွာတွင် နေထိုင်သူ ၁၀၀ ကျော် စုရုံးပြီး ပူးတွဲ ကျေးရွာ ဦးစီး Chalerm Boonpromwong အပါအဝင် စစ်ဘက်မှ ပုဂ္ဂိုလ်များနှင့် ဒုက္ခသည်များ ကိစ္စဆွေးနွေးလျက် ရှိသည်။

ကျေးရွာသားများက ဒုက္ခသည်များကို ပြန်လွှတ်ရန် ဆန္ဒရှိကြသည်။ အကြောင်းမှာ ဒုက္ခသည်များ ဖန်တီးသော လုယက်မှုများ၊ အညစ်အကြေး စွန့်သည့် ပြဿနာများ တိုးပွားလျက် ရှိသောကြောင့်ဟု ဆိုသည်။ ဒေသခံများက ဒုက္ခသည်များ ကျေးရွာများမှ ပြန်လည် ထွက်ခွာအောင် ဖိအားပေးရန် သက်ဆိုင်သူများကို တိုက်တွန်းလျက် ရှိသည်။ သို့မဟုတ် ဒုက္ခသည်များ အတွက် ယာယီစခန်းများ ချပေရန်လည်း တိုက်တွန်းကြသည်ဟု သိရသည်။

Thai-ASEAN News Network မှ သတင်းကို ဘာသာ ပြန်ဆိုသည်။

{Yangon Chronicle 2010:2653} နိုင်ငံရေးအရ မှန်ကန်သော အာဆီယံ၏ ဆုံးဖြတ်ချက်

Posted by Transparency Myanmar 2010

comments (0)

နောက်ဆုံးတွင် အရှေ့တောင် အာရှ နိုင်ငံများ အဖွဲ့ (အာဆီယံ) သည် မြန်မာ နိုင်ငံအပေါ် အကျိုး သက်ရောက်မှု ထင်ဟပ်စေမည့် သဘောထား တစ်ရပ်ကို တွေ့ရှိခဲ့ရပြီ ဖြစ်သည်။ မြန်မာ နိုင်ငံအပေါ် အမေရိကန် ပြည်ထောင်စုနှင့် အနောက် ဥရောပ နိုင်ငံများ၏ ပိတ်ဆို့ အရေးယူမှုများ ဖယ်ရှားရန် အာဆီယံ နိုင်ငံခြားရေး ဝန်ကြီးများ ထုတ်ဖော် ပြောဆိုမှုသည် လေးလေး နက်နက် စဉ်းစား ချင့်ချိန်မှုများ ပြုလုပ်ပြီးမှသာ ထွက်ပေါ်လာခြင်း ဖြစ်ပေလိမ့်မည်။

မည်သို့ပင် ဖြစ်နေစေကာမူ မြန်မာ စစ်အစိုးရသည် ယနေ့ထိတိုင် တိုင်းပြည်၏ အချုပ်အခြာ အာဏာကို ထိန်းချုပ်ထားပြီး ၎င်းသွားလိုသော ပန်းတိုင်ကို မဖြစ် ဖြစ်သည့် နည်းဖြင့် မရောက် ရောက်အောင် သွားနေပြီ ဖြစ်သည်။ ပြီးခဲ့သည့် နိုဝင်ဘာလ ၇ ရက်နေ့၊ ရွေးကောက်ပွဲသည် အတု အယောင် သဘောဖြင့် ပြီးဆုံးခဲ့သည် ဆိုသော်လည်း ဒီမိုကရေစီ စနစ် ပြောင်းလဲ ကျင့်သုံးရေးနှင့် ဒေါ်အောင်ဆန်းစုကြည် နေအိမ် အကျယ်ချုပ်မှ လွတ်မြောက်ရေးတို့ ဖြစ်ပေါ်အောင် အနည်းဆုံး ဆောင်ကြဉ်း ပေးလိုက်နိုင်သည်။

စီးပွားရေး ပိတ်ဆို့မှုများ ဒဏ်ကို ခံစားရသူ အဓိက သားကောင်မှာ ပြည်သူလူထုသာ ဖြစ်ပြီး စစ်ဗိုလ်ချုပ်ကြီးများ၏ သြဇာအာဏာကို စိုးစဉ်းမျှပင် မခြိမ်းခြောက်နိုင် ဟူသော အချက်ကို မြန်မာနိုင်ငံက ထုတ်ဖော် ပြောဆိုမှု မပြုသည့်တိုင် သူ့နည်း သူ့ဟန်ဖြင့် ရှေ့ဆက်လျက် ရှိသည်။ အနည်းဆုံး အပြောင်းအလဲ တစ်ခုဆီသို့ ဦးတည်လျက် ရှိသည်ဟု ပြော၍မူ ရသည်။

ဤကဲ့သို့ လွတ်လပ်မှု ဟူသော လှိုင်းကို ဆောင်ကြဉ်းလာသော အခွင့်အရေးလေးကို မပျောက်ပျက် သွားအောင်၊ ပိုမို ကြီးမားလာအောင် ပြုလုပ် ဖန်တီးပေးကြရန် လိုအပ်သည်။ မြန်မာ ပြည်သူ လူထုအား တိုးတက် ကြီးပွားရေး၊ လူမှု ရွေ့လျားနိုင်ရေး အစရှိသည်တို့ ဖြစ်ပေါ်ရန် အကောင်းဆုံးသော နည်းလမ်းမှာ အခွင့်အရေးများ ရရှိအောင် ဖန်တီးပေးခြင်းပင် ဖြစ်သည်။

သို့အတွက် အာဆီယံ အနေဖြင့် မြန်မာနိုင်ငံ အပေါ် ပိတ်ဆို့ အရေးယူမှုများ ဖယ်ရှားရေး ဆော်သြနေရုံ အဆင့်တွင် ရပ်တန့် မနေသင့်ပေ။ မြန်မာနိုင်ငံ ဆင်းရဲ မွဲတေမှု အောက်မှ မည်သို့ မည်ပုံ လွတ်မြောက်အောင် လုပ်နိုင်မည်၊ နိုင်ငံရေး ကန့်သတ် ထိန်းချုပ်မှုများ လျော့ကျအောင် မည်သို့ လုပ်ဆောင်နိုင်မည် ဟူသော အကြောင်း ကိစ္စများ အတွက်လည်း အလေးအနက် ဝိုင်းဝန်း စဉ်းစား ပေးသင့်သည်။

ယခုဆိုလျှင် မြန်မာနိုင်ငံတွင် ငြီးငွေ့ဖွယ် ကောင်းသော နိုင်ငံ တည်ဆောက်ရေး ဖြစ်စဉ်ကြီး စတင်နေပြီ ဖြစ်သည်။ ကမ္ဘာ့ အသိုင်းအဝိုင်း၏ မြန်မာ့ နိုင်ငံရေး ကန့်သတ်ချက်များ အပေါ် ထားရှိသည့် ဖိုးကပ်စ်နှင့် မြန်မာ စစ်ဗိုလ်ချုပ်ကြီးများအား ဖယ်ထုတ်လိုသည့် ဆန္ဒမှာ ယခုအခါ ဝမရှိဘဲ ဝိလုပ်နေသကဲ့သို့ ဖြစ်သွားပြီ ဖြစ်သည်။ ဒေါ်အောင်ဆန်း စုကြည်သည် နေအိမ် အကျယ်ချုပ်မှ လွတ်မြောက်လာပြီးနောက် စစ်အစိုးရ ခေါင်းဆောင် ဗိုလ်ချုပ်ကြီးများနှင့် ငြိမ်းချမ်းစွာ လက်တွဲ လုပ်ကိုင်ရန် ဆုံးဖြတ်ခဲ့သည်။ မြန်မာနိုင်ငံကို အရပ်သား အုပ်ချုပ်ရေး လက်အောက်သို့ အပြည့်အဝ ရောက်ရှိရန် အလို့ငှာ စစ်အစိုးရအား နေရာပေး အသိအမှတ် ပြုခဲ့ရသည်။

ဤအတိုင်း ဆိုလျှင် အာဆီယံ အဖွဲ့ဝင်တစ်ဦး ဖြစ်သော အင်ဒိုနီးရှား နိုင်ငံခြားရေးဝန်ကြီး ပြောကြားခဲ့သကဲ့သို့ မြန်မာ ရွေးကောက်ပွဲကို အပြုသဘော ဆောင်သော၊ အလုပ်ဖြစ်သော ဖြစ်စဉ်တစ်ခုအဖြစ် ရှုမြင်သင့်သလို မြန်မာအား ကမ္ဘာ့ အသိအမှတ်ပြု မြေပုံပေါ်သို့ ပြန်လည် ရောက်ရှိစေရန် ထိရောက်သော ဆောင်ရွက်ချက်များ ပြုလုပ်ပေးသင့်သည်။ အာဆီယံအဖွဲ့က ယုံကြည်ထားသလိုပင် ပိတ်ဆို့ အရေးယူမှုများ ဖယ်ရှားခြင်းကြောင့် မြန်မာ စစ်အစိုးရနှင့် ဒီမိုကရေစီ လိုလားသော အုပ်စုများအကြား ဒိုင်ယာလော့ခ် ပြုလုပ်ရာတွင် ပိုမိုအဆင်ပြေမှုများ ဖြစ်ပေါ်စေပြီး ပြည်တွင်း ပဋိပက္ခများအတွက် အဖြေရှာရာတွင်လည်း အထောက်အကူ ပေးနိုင်မည် ဖြစ်သည်။

တစ်ဖန် တစ်ဖက်တွင် မြန်မာ့အရေးကိစ္စကို ကြည့်လျှင် မြောက်ကိုရီးယား ကဲ့သို့ပင် ဖြစ်သည်။ လူမှုစီးပွားရေး တိုးတက်ဖွံ့ဖြိုးရေး ဖြစ်စဉ်အတွက် အသိအမှတ် ပြုခံရမှု လိုအပ်သလို အခွင့်အရေးများ ညီညီမျှမျှ ခွဲဝေရရှိရန်လည်း လိုအပ်နေသည်ကို တွေ့ရမည်။ မြန်မာသည် သောင်းပြောင်းထွေလာ ကွန်မြူနစ်တီများ အနက် ဒုစရိုက်နယ်မြေတစ်ခု ဖြစ်နေသော်ငြား မြန်မာပြည်တွင်းရှိ တိုင်းရင်းသား လူနည်းစုအုပ်စုများ၏ ဆန္ဒတချို့ဖြစ်သော ပိတ်ဆို့အရေးယူမှုများ ဖယ်ရှားပေးရေး ကိစ္စကို လျစ်လျူ မရှုသင့်ပေ။ ပြောရလျှင် လက်တစ်ဆုပ်စာ စစ်ဗိုလ်ချုပ်ကြီးများ ဦးစီးသည့် စစ်အစိုးရ လက်အောက်မှ မြန်မာနိုင်ငံတွင် ကျဉ်းထဲကြပ်ထဲ ရောက်နေသော နိုင်ငံတစ်ခုထက်ပင် ပို၍ ကြီးမားသော အန္တရာယ်များ ရှိနေပါသည်။

အခက်အခဲဒုက္ခများ ကြားမှ ထုတ်ဖော် ပြောဆိုရဲသော အာဆီယံ၏ သတ္တိမှာ စစ်မှန်သော ခေါင်းဆောင်မှု တစ်ရပ်ပင်ဖြစ်သည်။ ယင်းခေါင်းဆောင်မှုကို အစစ်အမှန် နိုင်ငံရေး (Real-Politick) ထက် ကျော်လွန်ကာ ကြည့်ရှု တိုင်းထွာသင့်သည်။ အာဆီယံ၏ ဆုံးဖြတ်ချက်သည် နိုင်ငံရေး အရအားဖြင့်မူ မှန်ကန်ပါကြောင်း ပြောကြားလိုသည်။

Khaleej Times မှ ဆောင်းပါးကို ဆီလျော်အောင် ဘာသာ ပြန်ဆိုသည်။

{Yangon Chronicle 2010:2652} မြန်မာ သို့မဟုတ် ကမ္ဘောဒီးယားတွင် စတီး စက်မှုဇုန်ကြီး တစ်ခု တည်ဆောက်ရန် ထိုင်းအစိုးရကို အဆိုပြု

Posted by Transparency Myanmar 2010

Thursday, January 20, 2011

comments (0)

ထိုင်းအနေဖြင့် အိမ်နီးချင်း နိုင်ငံများတွင် စတီးစက်မှုဇုန် နယ်မြေကြီး တစ်ခုကို တည်ထောင်ရန် ထည့်သွင်း စဉ်းစားသင့်ကြောင်း ထိုင်း Iron and Steel Institute က အစိုးရကို အကြံပြု ပြောကြားလိုက်သည်။

ပင်လယ် ရေနက်ဆိပ်ကမ်း တစ်ခု အပါအဝင် အခြေခံ အဆောက်အအုံ ကောင်းများ ပေါ်ထွန်းရေး အတွက် ဘတ်ငွေ ဘီလီယံ ၁၀၀ အထိ ကုန်ကျနိုင်သော စတီး စက်မှုဇုန် နယ်မြေ တစ်ခု တည်ဆောက်ရန် ယင်းသို့ တိုက်တွန်း ပြောဆိုခြင်း ဖြစ်သည်။

မိမိတို့ အင်စတီကျု အနေဖြင့် အိမ်နီးချင်း ကမ္ဘောဒီးယားနှင့် မြန်မာ နိုင်ငံတို့ကို စတီး စက်မှုဇုန်ကြီး တစ်ခု တည်ဆောက်ရန် အလားအလာ ကောင်းသော နေရာအဖြစ် အကြံပြု ညွှန်းဆိုသွားမည် ဖြစ်ကြောင်း ဥက္ကဌ Wikrom Vajragupta က ပြောကြားသည်။ ကမ္ဘောဒီးယား နိုင်ငံရှိ Koh Kong ဒေသသည် စတီး ထုတ်လုပ်ရေး လုပ်ငန်းများ ပါဝင်သော စက်မှု မြေယာ ပေါ်ထွန်းရေး အတွက် သင့်လျော်သော နေရာ တစ်ခု ဖြစ်သကဲ့သို့ မြန်မာနိုင်ငံ၊ ထားဝယ် ဒေသ သည်လည်း စက်မှု ဆိပ်ကမ်းကြီး တစ်ခု ပေါ်ထွန်းရန် အလားအလာ အကောင်းဆုံး နေရာ ဖြစ်ကြောင်း ၎င်းက ဆိုသည်။

ထိုင်း Iron and Steel အင်စတီကျုသည် ဒုတိယ ဝန်ကြီးချုပ် Trairong Suwannakhiri ဦးဆောင်သော ထိုင်းအမျိုးသား စက်မှု ဖွံ့ဖြိုးရေး ကော်မတီသို့ အဆိုပြုချက် တစ်ရပ် တင်သွင်းနိုင်မည်ဟု မျှော်လင့်ထားသည်။ "အိမ်နီးချင်း နိုင်ငံမှာ စတီး စက်မှုဇုန် ဖွံ့ဖြိုး တိုးတက်လာမယ် ဆိုရင် ထိုင်းနိုင်ငံကို အာဆီယံ စီးပွားရေး ကွန်မြူနစ်တီ စင်တာ တစ်ခု ဖြစ်လာအောင် ကူညီပေးရာ ရောက်ပါတယ်" ဟု မစ္စတာ Wikrom Vajragupta က ပြောသည်။

"တစ်ချိန်တည်းမှာပဲ ထိုင်းစတီး လုပ်ငန်းတွေ အနေနဲ့လည်း လုပ်သား အင်အား အတော်များများကို ရယူနိုင်မှာ ဖြစ်သလို အိမ်နီးချင်း နိုင်ငံတွေရဲ့ စတီး ဝယ်လိုအားကို အလွယ်တကူ ဖြည့်ဆည်း ပေးနိုင်မှာ ဖြစ်ပါတယ်" ဟု ၎င်းက ဆက်လက် ပြောဆိုသည်။

Iron and Stell အင်စတီကျုသည် လက်ရှိ စတီး ထုတ်လုပ်သူများ ကုန်ကျစရိတ် လျော့ကျစေရေး အတွက် ထိုင်းအစိုးရအား စတီး အရည်ကျို စက်ရုံကြီး တစ်ခု တည်ဆောက်ရန် တွန်းအား ပေးခဲ့သည်။ သို့သော် အဆိုပါ အစီအစဉ်မှာ သဘာဝ ပတ်ဝန်းကျင် ထိန်းသိမ်းရေး ဝါဒီများ၏ ဆန့်ကျင် ကန့်ကွက်မှုများဖြင့် ရင်ဆိုင်နေရသည်။

ထိုင်းနိုင်ငံသည် အရှေ့တောင် အာရှ ဒေသ၏ အကြီးဆုံး စတီး ဈေးကွက် ဖြစ်သော ဗီယက်နမ် နေရာကို ယမန်နှစ်က ပြန်လည် ရယူနိုင်ခဲ့ကြောင်း မစ္စတာ Wikrom Vajragupta က ဆိုသည်။ ထိုင်းနိုင်ငံ၏ စတီး သုံးစွဲမှုမှာ တန် ၁၄ သန်းအထိ ရောက်ရှိလာသည်။ ပြီးခဲ့သည့် ၂၀၀၉ ခုနှစ်ကထက် ၄၀ ရာခိုင်နှုန်း မြင့်တက်ခဲ့ခြင်း ဖြစ်သည်။ ယခုနှစ်တွင် ပုံမှန် စတီး ဝယ်လိုအား ၆ ရာခိုင်နှုန်းမှ ၈ ရာခိုင်နှုန်း အထိ တိုးတက်လာမည်ဟု ခန့်မှန်းရသည်။

မော်တော်ကားနှင့် ထရပ်ကား အစီးရေ ၂ သန်း နီးပါး ထုတ်လုပ်ရန် လျာထားသော မော်တော်ယာဉ် ထုတ်လုပ်ရေး အခန်းကဏ္ဍမှ စတီး ဝယ်လိုအား မြင့်တက်လာအောင် ဦးဆောင်သွားမည် ဟုလည်း ခန့်မှန်းရသည်။ ထို့ပြင် ဆောက်လုပ်ရေး လုပ်ငန်းများ သည်လည်း စတီး ဝယ်လိုအား မြင့်တက်လာအောင် လုပ်ဆောင် သွားလိမ့်မည်ဟု ကြိုတင် ခန့်မှန်းထားကြသည်။

အစိုးရ ဦးဆောင် လုပ်ကိုင်နေသော အခြေခံ အဆောက်အအုံ စီမံကိန်းများနှင့် ပုဂ္ဂလိက လုပ်ငန်းကြီးများ သည်လည်း စတီး ဝယ်လိုအား မြင့်တက်ရေး အတွက် အကြောင်း အရင်းများ ဖြစ်သည်ဟု မစ္စတာ Wikrom Vajragupta က ဆိုသည်။

Bangkok Post မှ သတင်းကို ဘာသာ ပြန်ဆိုသည်။

{Yangon Chronicle 2010:2651} ဂျပန်စီးပွားရေး အသင့်အတင့် နာလန် ပြန်ထူသော်လည်း ခြေလှမ်းများ နှေးကွေးနေဆဲ

Posted by Transparency Myanmar 2010

comments (0)

ဂျပန်ပြည်တွင်း စီးပွားရေးသည် ပြန်လည် နာလန်ထူလာသည့် သင်္ကေတများ ပြသနေပြီ ဖြစ်သော်လည်း တိုးတက် ဖြစ်ထွန်းမှု ခြေလှမ်းများမှာ နှေးကွေးနေဆဲ ဖြစ်ကြောင်း ဗဟိုဘဏ် အုပ်ချုပ်ရေးမှူးက ဇန်နဝါရီလ ၁၇ ရက်နေ့တွင် ထုတ်ဖော် ပြောဆိုသည်။

"ဂျပန် စီးပွားရေးဟာ ပုံမှန် အနေအထားနဲ့ ပြန်ပြီး နာလန် ထူနေပါတယ်။ ဒါပေမဲ့ တိုးတက် ဖြစ်ထွန်းမှုကို ကြည့်ရတာ ရပ်တန့်နေသလိုပါပဲ" ဟု ဂျပန် ဗဟိုဘဏ် (BOJ) အုပ်ချုပ်ရေးမှူး Masaaki Shirakawa က ဗဟိုဘဏ်၏ ဘဏ်ခွဲ မန်နေဂျာများ တွေ့ဆုံ ဆွေးနွေးပွဲတွင် ပြောကြားသည်။ ဂျပန်နိုင်ငံ၏ စက်မှု ကုန်ထုတ်လုပ်မှုမှာ အားနည်း ကျဆင်းနေသော စီးပွားရေး အခြေအနေ နှင့်အတူ ကျဆင်းလျက် ရှိကြောင်း၊ ပုဂ္ဂလိက ဝယ်ယူ စားသုံးမှုမှာလည်း အလားတူ လျော့နည်းလျက် ရှိကြောင်း မစ္စတာ Masaaki Shirakawa က ပြောကြားသည်။

"ဂျပန် စီးပွားရေးဟာ နှေးကွေးတဲ့ ခြေလှမ်းနဲ့ပဲ ဆက်ပြီး အခြေအနေ ကောင်းမွန် လာမယ်လို့ မျှော်လင့်ရပါတယ်။ ပြီးတော့မှ ပုံမှန် တိုးတက် ဖြစ်ထွန်းမှု ရှိမယ့် လမ်းကြောင်းပေါ်ကို ပြန်လည် ရောက်ရှိ သွားပါလိမ့်မယ်။ ဘာဖြစ်လို့လဲ ဆိုတော့ အောင်မြင် ကျော်ကြားလာပြီး ကုန်ပစ္စည်း အဓိက တင်ပို့တဲ့ နိုင်ငံတွေရဲ့ ဦးဆောင်မှုကြောင့် ကမ္ဘာလုံး ဆိုင်ရာ စီးပွားရေး တိုးတက်မှု ပြန်ဖြစ်လာဖွယ် ရှိနေလို့ပါ" ဟု ၎င်းက ဆိုသည်။

ဂျပန် ဗဟိုဘဏ် အနေဖြင့် မိမိ၏ ငွေကြေးဆိုင်ရာ မူဝါဒကို စိတ်ရှည် လက်ရှည်ဖြင့် ဆက်လက် အကောင် အထည် ဖော်သွားမည် ဖြစ်ပြီး ဂျပန် စီးပွားရေးကို စဉ်ဆက်မပြတ် တိုးတက်မှု ရှိသည့် အနေအထားသို့ ရောက်အောင် ပို့ဆောင်သွားမည် ဖြစ်သည်ဟု ၎င်းက ဆိုသည်။ စီးပွားရေးနှင့် ဈေးနှုန်းများ ဖြစ်ထွန်းမှုကို အနီးကပ် စောင့်ကြည့် လေ့လာသွားရန် သန္နိဋ္ဌာန် ချမှတ်ထားသည် ဟုလည်း ၎င်းက ဆိုသည်။ ဤအတော အတွင်းမှာပင် BOJ သည် ဒေသဆိုင်ရာ စီးပွားရေး လုပ်ငန်း ၉ ခုအနက် ၇ ခု အပေါ် ငွေပေးချေရန် သတ်မှတ်ချက် များအား လျှော့ချလိုက်သည်။ အကြောင်းမှာ ပို့ကုန် တင်ပို့မှု အားနည်းနေပြီး စားသုံးသူ ကုန်ပစ္စည်းများ အပေါ် ဝယ်လိုအားမှာ ပြောင်းပြန် အနေအထားသို့ ရောက်ရှိ သွားခြင်းကြောင့် ဖြစ်သည်။

ဂျပန် ဗဟိုဘဏ်ခွဲ မန်နေဂျာများ တွေ့ဆုံ ဆွေးနွေးပွဲပြီးနောက် ထုတ်ပြန်သည့် အစီရင်ခံစာတွင် စီးပွားရေး တစ်ခုလုံး အသင့်အတင့် အနေအထားဖြင့် ပြန်လည် နာလန် ထူလာသည့် အရိပ်အယောင်များ တွေ့ရှိရသည်ဟု အကဲ ဖြတ်ထားသည်ကို တွေ့ရသည်။ သို့သော် ဒေသကြီး ၇ ခု၏ အစီရင်ခံချက်အရ ပြန်လည် နာလန်ထူမှုမှာ လုံးဝ ရပ်တန့်နေခြင်း သို့မဟုတ် လတ်တလော ရပ်တန့်မှု ဖြစ်ပေါ်နေပုံ ရကြောင်း သိရသည်။

Kuwait News Agency မှ သတင်းကို ဘာသာ ပြန်ဆိုသည်။

{Yangon Chronicle 2010:2650} ငွေကြေးစနစ်ဟူသည် အတိတ်၏ ရလဒ်ဖြစ်ကြောင်း တရုတ်သမ္မတဆို

Posted by Transparency Myanmar 2010

comments (0)

အမေရိကန်ဒေါ်လာ လွှမ်းမိုး ကြီးစိုးထားသော နိုင်ငံတကာ ငွေကြေးစနစ်သည် အတိတ်ကာလ၏ အကျိုးရလဒ် တစ်ခုဖြစ်ကြောင်း တရုတ်သမ္မတ ဟူဂျင်းတောင်က သုံးသပ် ပြောကြားသည်။ တရုတ်နိုင်ငံသည် ယင်းအမေရိကန် ဒေါ်လာ နေရာကို မိမိ ကိုယ်ပိုင် ငွေကြေး စနစ်ဖြင့် အစားထိုးရန် လုပ်ဆောင်မှုများ ပြုလုပ်ခဲ့ကြောင်း၊ သို့သော် မျှမျှတတဖြင့် ရှည်ကြာသော ဖြစ်စဉ် တစ်ခု ဖြစ်မည် ဟူသော အချက်ကို နားလည် သဘော ပေါက်ထားပါကြောင်း သမ္မတ ဟူဂျင်းတောင်က ဆိုသည်။

ယင်းမှတ်ချက်များကို အမေရိကန် သတင်းစာ နှစ်စောင်က တရုတ်သမ္မတ ဟူဂျင်းတောင် ဝါရှင်တန်သို့ နိုင်ငံတော် ခရီးစဉ်အဖြစ် လာရောက် လည်ပတ်မှု မပြုမီ ထုတ်ဖော် ရေးသားခဲ့ခြင်း ဖြစ်ပြီး ယင်းမှတ်ချက်များသည် အမေရိကန်နှင့် တရုတ် ဟူသော ဆူပါပါဝါ နှစ်နိုင်ငံ အကြား ဆက်လက် ဖြစ်ပေါ်နေသော ငွေကြေးဆိုင်ရာ တင်းမာမှုများကို ထင်ဟပ်စေသည်။

အဆိုပါ မှတ်ချက်များကို Washington Post နှင့် Wall Street Journal တို့က မေးခွန်း မေးမြန်းရာတွင် သမ္မတ ဟူဂျင်းတောင်က တုံ့ပြန် ဖြေကြားခဲ့ခြင်း ဖြစ်ပြီး အမေရိကန် ဗဟိုဘဏ်က စီးပွားရေးတွင် ဒေါ်လာ ၆၀၀ ဘီလီယံ ထည့်သွင်းရန် ဆုံးဖြတ်ခဲ့မှုကိုလည်း ၎င်းက ထပ်မံ ဝေဖန် ပြောဆိုခဲ့သည်။ အချို့သော စီးပွားရေး လေ့လာ သုံးသပ်သူများက ယင်းလုပ်ရပ်သည် အခြားသော နိုင်ငံများနှင့် ကုန်သွယ်မှု ပြုလုပ်ရာ၌ ဒေါ်လာငွေ တန်ဖိုး လျော့နည်း သွားစေနိုင်သည်ဟု ဆိုကြသည်။

"အမေရိကန် ပြည်ထောင်စုရဲ့ ငွေကြေးမူဝါဒက ကမ္ဘာလုံးဆိုင်ရာ ငွေကြေး ဖြစ်ထွန်းမှုနဲ့ ငွေကြေး အရင်းအနှီး စီးဆင်းမှု အပေါ် အဓိက ဂယက် ရိုက်ခတ်မှု ရှိနေပါတယ်။ အဲဒီအတွက်ကြာင့် အမေရိကန် ဒေါ်လာ ငွေကြေး ဖြစ်ထွန်းမှုကို ကျိုးကြောင်း ဆီလျော်မှု ရှိပြီး တည်ငြိမ်မှု ရှိတဲ့ အဆင့်တစ်ခုမှာ ထားရှိ သင့်ပါတယ်" ဟု တရုတ်သမ္မတ ဟူဂျင်းတောင်က ပြောသည်။

အရေးကြီးသော ထည့်ဝင်မှု

ထို့ပြင် ယွမ်ငွေတန်ဖိုး ပြင်ဆင် သတ်မှတ်ခြင်းသည် တရုတ်ပြည် ငွေကြေး ဖောင်းပွမှုကို လျှော့ချ ပေးနိုင်သည် ဟူသော အကြံပြု ချက်များနှင့် ပတ်သက်၍ သဘော မတူနိုင်ကြောင်း ၎င်းက ဆိုသည်။

ဘေဂျင်း အစိုးရသည် ယွမ်ငွေတန်ဖိုး ကိစ္စနှင့် ပတ်သက်၍ အမေရိကန် ပြည်ထောင်စု၏ ဖိအားပေးမှုများနှင့် အစောပိုင်းက ကြုံတွေ့ခဲ့ရသည်။ တရုတ် နိုင်ငံသည် မိမိပို့ကုန်များ တင်ပို့မှုကို မြှင့်တင်နိုင်ရေး အလို့ငှာ ယွမ်ငွေ တန်ဖိုးကို ထိန်းချုပ်ထားကြောင်း အမေရိကန် ပြည်ထောင်စုက စွပ်စွဲ ပြောဆိုခဲ့သည်။

လက်ရှိ ယွမ်ငွေကြေး စနစ်အပေါ် ဝေဖန် ပြောဆိုမှုများ ရှိနေသော်ငြားလည်း သမ္မတ ဟူဂျင်းတောင်က ယွမ်ငွေကို ကမ္ဘာလုံး ဆိုင်ရာ ငွေကြေးအဖြစ် သတ်မှတ် ခံရရန် အချိန်ကာလ ကြာရှည်ဦးမည်ဟု ၎င်းအနေဖြင့် ယုံကြည်ကြောင်း ပြောသည်။

"တရုတ်နိုင်ငံဟာ ကမ္ဘာ့ စီးပွားရေး အတွက် အရေးပါတဲ့ လုပ်ဆောင်ချက်တွေ ပြုလုပ်ခဲ့ပါတယ်။ အဲဒီလို လုပ်တဲ့အခါမှာ စီးပွားရေး ထုပ်လုပ်မှု ပမာဏ၊ ကုန်သွယ်ရေး လုပ်ဆောင်မှု ဆိုတဲ့ အကြောင်းကိစ္စအရ လုပ်ဆောင် ပေးခဲ့တာလည်း ဖြစ်ပါတယ်။ ယွမ်ငွေကြေးဟာ ကမ္ဘာ့ စီးပွားရေး ဖွံ့ဖြိုးမှုမှာ အခန်းကဏ္ဍ တစ်ခုကနေ ပါဝင်ခဲ့တာပါ" ဟု ၎င်းက ဆိုသည်။

"ဒါပေမဲ့ ယွမ်ငွေကြေးကို နိုင်ငံတကာ ငွေကြေး ဖြစ်လာအောင် လုပ်တဲ့ ကိစ္စဟာ မျှမျှတတနဲ့ ရှည်ကြာမယ့် ဖြစ်စဉ်ကြီး တစ်ခု ဖြစ်မှာပါ" ဟု ဆက်လက် ဆိုသည်။

BBC သတင်းကို ဘာသာ ပြန်ဆိုသည်။

Transparency Myanmar