Posts
yangonchronicle2010.googlegroups.com
မြန်မာနိုင်ငံ၏ ပြည်တွင်းရေးပြဿနာများ ထိုင်းနိုင်ငံကို ထိခိုက်
Editorial from The Nation
9th Oct, 2009
ချူလာလောင်ကွန်းတက္ကသိုလ်တွင် လတ်တလောပြုလုပ်ခဲ့သော ဆွေးနွေးပွဲတွင် ပညာရှင်များ၊ သံတမန်များနှင့် အစိုးရတာဝန်ရှိသူများသည် ထိုင်းနိုင်ငံ၏ မြန်မာနိုင်ငံနှင့် ဆက်ဆံရေးတွင် စိတ်ဝင်စားဖွယ် တိုးတက်မှုများကို မီးမောင်းထိုး၍ ဆွေးနွေးသွားသည်။ အမေရိကန်က ကမ္ဘာ့ အရက်စက်ဆုံးအစိုးရ ဖြစ်သော မြန်မာအစိုးရအပေါ် ၎င်း၏ ရပ်တည်ချက်ကို ပျော့ပျောင်းလာစေခြင်းကြောင့် ထိုင်း၊ အာဆီယံနှင့် ကုလသမဂ္ဂကပါ ၎င်းတို့၏ မူဝါဒများကို ပြန်လည် သုံးသပ်ရန် လိုအပ်ကြောင်း သုံးသပ် အကြံပြု ဆွေးနွေးကြပါသည်။
မမျှော်လင့်ဘဲ နာရီအနည်းငယ် အတွင်းမှာပင် တူညီသော အမြင်များ၊ ရည်ရွယ်ချက်များဖြင့် ဆွေးနွေးကြရာမှ မှန်ကန်တိကျသော လုပ်ဆောင်စရာ ရှိသည့် အချက်များ ထွက်ပေါ်လာခဲ့သည်။ သို့သော် သူတို့၏ ရည်ရွယ်ချက်များ မည်မျှ အောင်မြင်နိုင်မည်ကိုမူ မည်သူမျှ မသိနိုင်ပေ။
မြန်မာနိုင်ငံအတွင်းမှ ပဋိပက္ခများသည် ၎င်း၏ ပြည်တွင်းရေးပြဿနာ ဖြစ်သောကြောင့် အာဆီယံ၏ သူတပါးနိုင်ငံ၏ ပြည်တွင်းရေး ဝင်ရောက် မစွက်ဖက်ရေး မူဝါဒကို လေးစားလိုက်နာရန် လိုအပ်ကြောင်း အချို့က ဝေဖန်ပါသည်။ အချို့က ထောက်ပြရာတွင် မြန်မာနိုင်ငံတွင်း ဖြစ်ပွားနေသော ပြဿနာများ၊ဥပမာ မူးယစ်ဆေးဝါး ထုတ်လုပ်နေမှုများ၊ ပြည်တွင်း သူပုန်ထမှုများ၊ ဒုက္ခသည်များ၊ လူ့အခွင့်အရေးချိုးဖောက်မှုများ၊ ဆင်းရဲမှုကြောင့် ထွက်ပြေးလာသော ရွှေ့ပြောင်းလုပ်သားကိစ္စများနှင့် အခြားအကြောင်းအရာများသည် ထိုင်းနိုင်ငံကို သက်ရောက်မှု များစွာ ရှိစေသည်။
သို့သော် ထိုင်းနိုင်ငံတွင် အစိုးရ တစ်ခုပြီး တစ်ခု ပြောင်းသွားခဲ့သော်လည်း မြန်မာနှင့် ဆက်ဆံရေးတွင် မည်သည်က အရေးကြီး၍ ဦးစားပေးရမည့် အချက်ကို သဘောပေါက်ခဲ့ကြပုံ မရချေ။ ယခုလက်ရှိ ထိုင်းအစိုးရသည် မြန်မာနိုင်ငံ၏ ဒီမိုကရေစီ ပြုပြင် ပြောင်းလဲရေးနှင့် လူ့အခွင့်အရေးကိစ္စကို ဦးစားပေး လုပ်ဆောင်ရန် အချက်အဖြစ် ထားရှိပါသည်။ ယခင် သက်ဆင် လက်ထက်က မူးယစ်ဆေးဝါးကိစ္စမျိုးတွင် ပါးစပ်ပြောသာလျှင် ရှိပြီး လက်တွေ့ဘာမျှ မရှိခဲ့ပါ။ ၎င်းက ထိုင်းနိုင်ငံ နယ်စပ်တွင် မူးယစ်ဆေးဝါးသူပုန်တပ်များ လွတ်လပ်စွာ လှုပ်ရှားနေမှုအတွက် မြန်မာအစိုးရအား ကိုင်တွယ်ပေးရေးကိစ္စနှင့် ပတ်သက်၍ မလုပ်ဆောင်နိုင်ခဲ့ပေ။
၎င်းအစိုးရများသည် အထက်ပါ ကိစ္စကို လုပ်ရမည့်အစား မူးယစ်ဆေးဝါးစစ်ပွဲ အမည်တပ်၍ ထိုင်းနိုင်ငံသား ၃၀၀၀ ခန့်ကို ပစ်သတ်ခဲ့ပြီး မြန်မာစစ်အစိုးရနှင့်မူ စီးပွားရေးကိစ္စများသာ ဆွေးနွေးခဲ့ပါသည်။
မြန်မာဗိုလ်ချုပ်များ အနေနှင့်လည်း ထိုင်းနိုင်ငံအား အလေးအနက်ထားပုံ မရချေ။
ထိုင်းလူမျိုးများ မမြင်နိုင်သော အချက်မှာ ကျွန်ုပ်တို့၏ ဈေးပေါသော ကျောက်မျက်များနှင့် လုပ်အားများအပေါ် လိုချင်မှု (သစ်နှင့် ငါးဖမ်းခြင်း ကဏ္ဍမပါဝင်ပါ) သည် မြန်မာနိုင်ငံအပေါ် လူ့အခွင့်အရေး ချိုးဖောက်မှုများအတွက် လမ်းခင်းပေးသလို ဖြစ်နေသည့် အချက်ဖြစ်သည်။ အခြားထောက်ပြစရာ အချက်တစ်ခုမှာ ထိုင်းတို့လိုချင်သော မြန်မာနိုင်ငံမှ သဘာဝအရင်းအမြစ်များသည် စစ်အစိုးရ လူ့အခွင့်အရေးချိုးဖောက်မှုများ ပြုလုပ်နေသော ဒေသများတွင် ရှိနေခြင်း ဖြစ်သည်။ တိုင်းရင်းသားများကို အတင်းအကျပ် ရွှေ့ပြောင်းခိုင်းခြင်း၊ အမျိုးသမီးများအား အဓမ္မပြုကျင့်မှုများကို စစ်ပွဲ လက်နက်သဖွယ် အသုံးပြုမှု စသည့် ပြစ်မှုများအတွက် တာဝန်အရှိဆုံးသူမှာ မြန်မာစစ်တပ်ပင် ဖြစ်သည်။
အမေရိကန်က အထီးကျန်ဖြစ်နေသော စစ်အစိုးရအပေါ် သူ၏ မူဝါဒကို ပြောင်းလဲ၍ ဆက်ဆံမည်ဟု ဆိုချိန်တွင် တစ်ဖက်၌ မြန်မာနိုင်ငံအတွင်းတွင် အဆိုးဝါးဆုံး လူ့အခွင့်အရေးချိုးဖောက်မှုများမှာ ရှိနေဆဲပင် ဖြစ်သည်။ အမေရိကန်၏ ဆက်ဆံရေးမူဝါဒသည် ဘာကို ဆိုလိုသည်ဟု မည်သူမျှ တိတိကျကျ မသိနိုင်သေးပေ။ အစိုးရ ကိုယ်စားလှယ်နှင့် ဒေါ်အောင်ဆန်းစုကြည်တို့ တွေ့ဆုံမှုများမှာ လမ်းကြောင်းမှန်ပေါ်မှာ ရောက်နေပြီလားဟု မေးခွန်းထုတ်စရာ ရှိပါသည်။ ကြက်ဥမဥဖူးသေးသော ကြက်မကို ကြက်ဥ ဘယ်နှစ်လုံးဥမလဲဟု ခန့်မှန်းခိုင်းသလို ဖြစ်နေပါသည်။
အမေရိကန်က ဗိုလ်ချုပ်များနှင့် တွေ့ဆုံဆွေးနွေးမှုကိုမူ ကြိုဆိုရမည် ဖြစ်သည်။ သို့သော် အဆိုပါ မူဝါဒမှာ ဗိုလ်ချုပ်များကို လမ်းဖွင့်ပေးရုံသက်သက် မဖြစ်သင့်ပေ။ အကယ်၍ ဝါရှင်တန်အနေဖြင့် မုန့်ဝေရေးရော၊ တုတ်ဝေရေးရော အစီအစဉ်များဖြင့် ချဉ်းကပ်မည်ဆိုပါက စစ်အစိုးရကို အမေရိကန်တို့၏ မျှော်လင့်ချက် ဥပမာအားဖြင့်- လွတ်လပ်၍ တရားမျှတသော ရွေးကောက်ပွဲလား၊ နိုင်ငံရေးအကျဉ်းသားများ အားလုံးကို လွှတ်ပေးရေးလားကို အတိအကျ ပြောပြဖို့ လိုပါမည်။ အဆိုပါ အချက်များအပေါ် ဗိုလ်ချုပ်များ ပြန်လည်ရရှိမည်ဆိုသည့် မုန့်ဝေရေး အစီအစဉ်ကိုပါ ရှင်းရှင်းလင်းလင်းပြောရန် လိုအပ်မည် ဖြစ်ပါသည်။
မြန်မာပြည်၏ တည်ငြိမ်မှုသည် ထိုင်းနိုင်ငံအတွက် ကောင်းပါသည်။ သို့သော် မြန်မာအစိုးရ၏ ပြည်သူများအပေါ် ဖိနှိပ်မှုများ၊ တိုင်းရင်းသားသူပုန်များနှင့် ထိပ်တိုက်ရင်ဆိုင်မှုများ၊ အုပ်ချုပ်မှုစနစ် မကောင်းမှုများ၊ဒုက္ခသည်များနှင့် တရားမဝင်လုပ်သားများ ထွက်ပြေးမှု တို့ကဲ့သို့သော မြန်မာပြည်တွင်းရေးပြဿနာများအပေါ် နောက်ဆုံးခါးစည်း၍ သက်ရောက်မှုများကို ခံစားရသော နိုင်ငံမှာ ထိုင်းနိုင်ငံပင် ဖြစ်နေပေသည်။