Posts
မြန်မာစစ်အစိုးရသည် အဂတိလိုက်စားမှုများကို မုန်တိုင်းတစ်ခုသဖွယ် တိုက်ခတ်ပြီး အကျိုးအမြတ်များ ရယူလျက်ရှိကြောင်း၊ အဆိုပါ အကျိုးအမြတ်များကို အစိုးရ၏ ပြည်သူ့ရေးရာ အခန်းကဏ္ဍများတွင် လည်းအသုံးချလျက်ရှိကြောင်း မြန်မာပြည်သူများက ပြောကြားသည်။
ဂျာမနီနိုင်ငံ၊ ဘာလင်အခြေစိုက် Transparency International ကထုတ်ပြန်သော နိုင်ငံတကာ အဂတိလိုက်စားမှု စောင့်ကြည့်ရေးဆိုင်ရာ အစီရင်ခံစာ (၂၀၀၉) အရ မြန်မာနိုင်ငံသည် ကမ္ဘာပေါ်တွင် တတိယမြောက် အဂတိအလိုက်စားဆုံး နိုင်ငံဖြစ်သည်။
မြန်မာနိုင်ငံ မြောက်ဖျားပိုင်း ကချင်ပြည်နယ်တွင် ကျောက်မျက်တူးဖော်ရေး၊ သစ်ထုတ်လုပ်ရေး၊ ရွှေနှင့် သတ္ထုရှာဖွေရေး ကုမ္ပဏီများ အနေဖြင့် အဆိုပါ လုပ်ငန်းများကို အဆင်ပြေ ချောမွေ့စွာ လုပ်ကိုင်နိုင်ရန် နေပြည်တော်မှ စစ်ဗိုလ်ချုပ်ကြီးများကို ပမာဏ များပြားသော တံစိုးလက်ဆောင်များ ပေးကြရသည်။ ရွှေချောင်းများ သို့မဟုတ် ငွေကြေးများ ပေးကြရသည်။ အထူးသဖြင့် ထိပ်ပိုင်း စစ်ဗိုလ်ချုပ်ကြီး ငါးဦးဖြစ်သော ဗိုလ်ချုပ်မှူးကြီးသန်းရွှေ၊ ဒုတိယဗိုလ်ချုပ်မှူးကြီးမောင်အေး၊ ဝန်ကြီးချုပ် ဗိုလ်ချုပ်ကြီး သိန်းစိန်၊ ဗိုလ်ချုပ်ကြီး သူရရွှေမန်း၊ အတွင်းရေးမှူး-၁ ဗိုလ်ချုပ်ကြီး သီဟသူရ တင်အောင်မြင့်ဦး နှင့် သတ္ထုတွင်းဝန်ကြီးဌာန ဝန်ကြီး ဗိုလ်မှူးချုပ်အုန်းမြင့် တို့အား လုပ်ငန်းလိုင်စင်များ ရရှိရေးအတွက် လာဘ်ထိုးကြရကြောင်း စီးပွားရေး လုပ်ငန်းရှင်များ က ပြောသည်။
လာဘ်ထိုးကြသည်ဆိုရာ၌ ကျပ်ငွေ သန်းပေါင်းများစွာ သို့မဟုတ် ကာလပေါက်ဈေးနှင့် ညီမျှသော ရွှေချောင်းများကို မြစ်ကြီးနားမြို့ အခြေစိုက် တိုင်းမှူး ဗိုလ်ချုပ် စိုးဝင်းနှင့် ဇနီးဖြစ်သူတို့ကိုလည်း ပေးကြရသည်။ ထို့အတူ အငယ်တန်း စစ်ဗိုလ်များသည် လည်း စီနီယာဗိုလ်ချုပ်ကြီးများ နည်းတူ တံစိုးလက်ဆောင်များ ရယူကာ အကျိုးစီးပွား ဖြစ်လျက် ရှိကြောင်း သတင်းရင်းမြစ်များက ဆိုသည်။
ကချင်ပြည်နယ် အနောက်ဘက် ပိုင်းတွင်ရှိသော ဖားကန့် ကျောက်တွင်းများတွင် လုပ်ကိုင်နေသည့် ကုမ္ပဏီများသည် တရားဝင် လုပ်ကိုင်ခွင့်ရသော ကုမ္ပဏီများဖြစ်ကြ ပြီးနှစ်စဉ် လုပ်ကိုင်ခွင့် ပါမစ်ရရှိရန် ကြိုးပမ်းကြရသည်။ ဤသို့ ပါမစ်ရရှိရေးမှာ ထိပ်ပိုင်း စစ်ဗိုလ်ချုပ်ကြီးများကို ပေးသော လာဘ်ငွေ ပမာဏပေါ်တွင် မူတည်လျက်ရှိပြီး စစ်ဗိုလ်ချုပ်ကြီး ငါးဦးထဲမှ တစ်ဦးက စိတ်ကြိုက် ရွေးချယ်ခြင်း ဖြစ်သည်ဟု ကျောက်မျက် လုပ်ငန်းရှင်တစ်ဦးကပြောသည်။
ဗိုလ်ချုပ်မှူးကြီး သန်းရွှေနှင့် ဒုတိယဗိုလ်ချုပ်မှူးကြီး မောင်အေးတို့ကို လာဘ်ထိုးငွေနှင့် တံစိုးလက်ဆောင်များ အများဆုံး ပေးရလေ့ရှိကြောင်း သိရသည်။ အကယ်၍သာ ကုမ္ပဏီတစ်ခုက ထိပ်ပိုင်း ဗိုလ်ချုပ်ကြီး နှစ်ဦးကို လာဘ်ငွေ အမြောက်အမြား ပေးနိုင်ပါက အဆိုပါ ကုမ္ပဏီသည် ကျောက်တွင်းလုပ်ကိုင်ခွင့် ပါမစ် အမြန်ဆုံး ရရှိကြောင်း ကျောက်မျက် ရတနာ လုပ်ငန်းရှင်တစ်ဦးက ပြောသည်။
စစ်အစိုးရနှင့် အဆက်အသွယ်မရှိသော ကျောက်မျက်ရတနာ တူးဖော်ရေး ကုမ္ပဏီတစ်ခု အနေဖြင့် ကျောက်တွင်း တူးဖော်ခွင့် ပါမစ်ရယူလိုပါက ကျပ်ငွေ သန်း ၂၀၀ ( အမေရိကန်ဒေါ်လာ ၁၆၃၉၃၄) ခန့် သုံးနိုင်ပါမှ ရနိုင်မည်ဖြစ်သည်။ အကြောင်းမှာ နေပြည်တော်က ထိပ်တန်း စစ်ဗိုလ်ချုပ်ကြီး ငါးဦးကို လာဘ်ထိုးရသောကြောင့်ဖြစ်သည်။
အလားတူ သစ်လုပ်ငန်းလုပ်သည့် ကုမ္ပဏီကြီးများ ဖြစ်သော ယုဇနကုမ္ပဏီ၊ ထူးထရိတ်ဒင်း တို့သည်လည်း စစ်တပ်နှင့် အစိုးရဌာန ပေါင်းစုံအား အကြီးအကျယ် လာဘ်ထိုးကြရသည်။ သို့မှသာ သစ်ခုတ်လုပ်ရေးနှင့် သယ်ယူပို့ဆောင်ရေးများ ကောင်းမွန်စွာ လုပ်ကိုင်နိုင်မည် ဖြစ်သည်ဟု သစ်လုပ်ငန်းရှင် တစ်ဦးက ပြောသည်။ ထူးထရိတ်ဒင်းမှာ စီးပွားရေးသမားကြီး ဦးတေဇက ပိုင်ဆိုင်ပြီး ၎င်းသည် ဗိုလ်ချုပ်မှူးကြီး သန်းရွှေ၏ သားမက်ဖြစ်သည်။
ကချင်ပြည်နယ်ထဲမှ မြန်မာစစ်တပ်များသည် တရုတ်-မြန်မာ နယ်စပ်ဒေသရှိ တရားမဝင် ကုန်သွယ်မှုပြုရာ လမ်းကြောင်းများတွင် အဓိက တပ်စွဲထားသည်။ လာဂျာရန်း၊ လော်ဂျီ နှင့် ကိုင်ထစ် နယ်စပ်စခန်းတို့မှာ အခြားသော ပြည်နယ်များထက် တရားမဝင် ကုန်သွယ်မှု ပြုလုပ်ရန် အကောင်းဆုံး နေရာများ ဖြစ်ကြောင်း မြန်မာစစ်တပ်နှင့် နီးစပ်သည့် သတင်းရင်းမြစ် များက ဆိုသည်။
အဆိုပါ စစ်ဆေးရေး စခန်းများတွင် မြန်မာ စစ်သားများနှင့် လုံခြုံရေး အရာရှိများက သစ်ကားများထံမှ အခွန်ငွေများ ဖိအားပေး တောင်းလေ့ရှိကြောင်း စစ်ဆေးရေး စခန်းနှင့် နီးစပ်သူ များကဆိုသည်။ သို့သော် အဆိုပါ စစ်ဆေးရေး စခန်းများတွင် တပ်စွဲထားသော တပ်ရင်းများသည် သုံးလ သို့မဟုတ် လေးလ တွင် အလှည့်ကျ ပြောင်းရွှေ့ရလေ့ရှိကြောင်း နီးစပ်သူများ က ဆိုပါသည်။
ထို တပ်ဖွဲ့များသည်လည်း ၎င်းတို့၏ စီနီယာ စစ်ဗိုလ်များကို အဆင့်ဆင့် လာဘ်ထိုး ကြရသည်။ မြန်မာအစိုးရ အဖွဲ့ ဝန်ကြီးဌာန အသီးသီးတွင် လုပ်ကိုင်လျက်ရှိသော ဝန်ထမ်းများ အားလုံး လာဘ်စားကြသည်မှာ အလေ့အထ တစ်ခုသဖွယ် ဖြစ်လာကြောင်း၊ အဂတိလိုက်စားသည့် နည်းလမ်းများမှာလည်း တူညီမှု မရှိကြကြောင်း၊ အကြောင်းမှာ အစိုးရဝန်ထမ်းများ၏ လစာမှာ လွန်စွာ နည်းပါးသောကြောင့် ဖြစ်ကြောင်း ပြည်တွင်းမှ လေ့ လာသူများက ဆိုပါသည်။
ယခုအခါ ကချင်ပြည်နယ်တွင် နေထိုင်သော ဒေသခံများမှာ မြန်မာစစ်တပ်နှင့် အစိုးရ ဝန်ထမ်းများ အဂတိလိုက်စားမှု၏ သားကောင်များ ဖြစ်လာနေပြီ ဖြစ်သည်။ မြန်မာ စစ်အစိုးရ ဆက်လက် အုပ်ချုပ်နေသရွေ့ ထိုကဲ့သို့သော အဂတိ လိုက်စားမှုများလည်း မကွယ်ပျောက်ဘဲ ဆက်လည် တည်ရှိနေဦးမည်သာ ဖြစ်ကြောင်း ပြည်သူများက ယုံကြည်လျက် ရှိပါသည်။
www.burmanet.org မှ Burmese Military Junta thrives on cyclone of corruption ကို ဘာသာပြန်ဆိုပါသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.