Posts
ပလောင် သုတေသီများက ဇန်နဝါရီလ ၂၆ ရက်နေ့တွင် ထုတ်ပြန်သော အစီရင် ခံစာသစ် တစ်ရပ်အရ မြန်မာနိုင်ငံ၊ ရှမ်းပြည်နယ် မြောက်ပိုင်း စစ်အစိုးရ၏ ထိန်းချုပ်မှု အောက်တွင်ရှိသော ဒေသတွင် ဘိန်းစိုက်ပျိုးမှုမှာ လွန်ခဲ့သော ၃ နှစ်ကထက် တစ်ရှိန်ထိုး မြင့်မား တိုးတက်လာကြောင်း သိရှိရပါသည်။
အဆိပ်သင့် တောင်ကုန်းများဟု အမည်ပေးထားသော မိုင်းတုန်နှင့် နမ့်ခမ်းမြို့နယ်များတွင် ဘိန်းစိုက်ပျိုးမှုသည် ၂၀၀၆ ခုနှစ်မှ ၂၀၀၉ ခုနှစ် များအတွင်း ဘိန်းစိုက် ဟက်တာပေါင်း ၄၅၀၀ ခန့်ရှိရာ ယခင်ကထက် ငါးဆမျှ တိုးမြင့်ခဲ့ကြောင်း ပလောင် အမျိုးသမီးအဖွဲ့ (Palaung Women's Organization) က ဆိုသည်။
အဆိုပါ ပမာဏသည် ကုလသမဂ္ဂ မူးယစ်ဆေးနှင့် ရာဇဝတ်မှုဆိုင်ရာ အဖွဲ့က ပြုစုသော နှစ်စဉ် ဘိန်းစိုက်ပျိုးမှု ဆိုင်ရာ စာရင်းဇယားများထက် အဆပေါင်းများစွာ ပိုနေပါသည်။
ဒေသဆိုင်ရာ အာဏာပိုင်များ၊ စစ်တပ်များ နှင့် အစိုးရအား ထောက်ခံသည့် လက်နက်ကိုင် အဖွဲ့အစည်း များသည် ဘိန်းစိုက်ပျိုးသူများထံမှ အကောက်ခွန် နှင့် အမြတ်အစွန်းများစွာ ရရှိလျက် ရှိပါသည်။
တရားဝင် ဆောင်ရွက်လျက်ရှိသော မူးယစ်ဆေး တားဆီးကာကွယ်ရေး အသင်းအဖွဲ့များသည် ဘိန်းစိုက်ခင်းများ ပပျောက်အောင် ဆောင်ရွက်ရမည့် အစား ဒေသခံ စိုက်ပျိုးသူများထံမှ ငွေများကို ခြိမ်းခြောက် တောင်းခံလျက်ရှိရာ ဘိန်းစိုက်ပျိုးမှု ဆက်လက်ဖြစ်ပေါ်အောင် တွန်းအားပေး နေသကဲ့သို့ ရှိပါသည်။
မှတ်တမ်းများအရ မိုင်းတုန်ဒေသတွင် ၂၀၀၇-၂၀၀၈ ခုနှစ် ကာလများက ဘိန်းစိုက်ပျိုးမှုနှင့် ပတ်သက်၍ ဆက်ဆိုင်ရာ လုပ်ပိုင်ခွင့် ရှိသူများထံ လာဘ်ထိုးရသည့် ငွေပမာဏမှာ ကျပ် ၃၇ သန်း (အမေရိကန် ဒေါ်လာ ၃၇၀၀၀) ရှိကြောင်း သိရပါသည်။
အဆိုပါ ဒေသများသည် ပလောင်ဒေသ လွတ်မြောက်ရေး တပ်ဖွဲ့ (PSLA) ခေါ် ဒေသခံ တပ်ဖွဲ့၏ အုပ်ချုပ်မှု လက်အောက်တွင် ရှိသည်။ ထိုတပ်ဖွဲ့များသည် ၂၀၀၅ ခုနှစ်က လက်နက်ချရန် အတင်းအကျပ် တိုက်တွန်းခြင်း ခံခဲ့ရပြီး စစ်အစိုးရနှင့် အပစ်အခတ် ရပ်စဲရန် သဘောတူညီမှု ရရှိခဲ့သော အဖွဲ့များလည်း ဖြစ်ပါသည်။
ထိုအချိန်မှစ၍ စစ်အစိုးရသည် သူ၏တပ်များကို တိုးချဲ့ကာ နယ်မြေပိုမို ထိန်းချုပ်နိုင်ရန် ၎င်းကို ထောက်ခံသည့် လက်နက်ကိုင် အဖွဲ့များ တိုးပွားအောင် ဆောင်ရွက်ခဲ့ခြင်းဖြစ်သည်။
"ဒီနေ့ အခြေအနေကို ပြောရရင်တော့ စစ်အစိုးရရဲ့ တပ်ဖွဲ့တွေနဲ့ လက်နက်ကိုင် အဖွဲ့အစည်းတွေ ကတော့ နေရာတကာမှာ ရှိနေပါတယ်။ ဒါဟာ မူးယစ်ဆေး ပိုမိုထုတ်လုပ်ပြီး ဆေးစွဲသူတွေ ပိုများလာဖို့ ဖြစ်စေပါတယ်" ဟု အစီရင်ခံစာ တင်ပြသူ သုတေသီ လွေးနွေးဟောင်း က ပြောပါသည်။
အဆိုပါ ဒေသများတွင် မူးယစ်ဆေးစွဲသူနှုန်း မြင့်မားလျက် ရှိသည်။ မိုင်းတုန်မြို့နယ်ရှိ ကျေးရွာတစ်ရွာသို့ ကွင်းဆင်း သုတေသနပြုချက် အရ အသက် ၁၅ နှစ်အထက် အရွယ်ရှိ ယောက်ျားလေးဦးရေ စုစုပေါင်း၏ ၈၅ ရာခိုင်နှုန်းသည် ဘိန်း သို့မဟုတ် ဘိန်းဖြူ စွဲနေကြသည်။
"ကျွန်မတို့ဒေသမှာ မူးယစ်ဆေးစွဲသူကို လက်မထပ်ဘူးဆိုရင် လက်ထပ်ရမယ့်သူ တစ်ယောက်မှ ရှိမှာ မဟုတ်ဘူး၊ ဘာကြောင့်လဲဆိုတော့ လူတိုင်းဟာ ဆေးစွဲနေကြတာကိုး။ ဆေးမစွဲတဲ့ သူတွေတော့ ရှိပါတယ်၊ ဒါပေမဲ့သူတို့က ဘုန်းကြီးကျောင်းက ဘုန်းကြီးတွေပါ" ဟု သုတေသန ပြုလုပ်ရာတွင် တွေ့ဆုံမေးမြန်းခံရသူ အမျိုးသမီးတစ်ဦးက ပြောပါသည်။
အဆိုပါ အစီရင်ခံစာအရ မြန်မာနိုင်ငံတွင် ပြည်တွင်းစစ် ပပျောက်၍ စစ်မှန်သော ငြိမ်းချမ်းရေး ရရှိရေးနှင့် နိုင်ငံရေး ပြုပြင် ပြောင်းလဲရေးကို လုပ်ဆောင်ရာတွင် မူးယစ်ဆေးဝါး ပြဿနာကို ထည့်သွင်း စဉ်းစားရန် လိုအပ်ပါသည်။
"စစ်အစိုးရ အာဏာတည်မြဲနေသေးသရွေ့ မြန်မာနိုင်ငံနဲ့ ဒေသတွင်းက ပြည်သူတွေဟာ မူးယစ်ဆေး အဆိပ်သင့် နေဦးမှာပါပဲ" ဟု သုတေသန လုပ်ဆောင်ခဲ့သူ လွေးနွေးဟောင်းက ပြောကြား ပါသည်။
Asian Tribune မှ Opium cultivation surging under junta's control in Burma ကို ဘာသာ ပြန်ဆိုပါသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.