Posts
Gry Larsen, blog.norway.com, 7th April 2010
(နော်ဝေး နိုင်ငံခြားရေး ဝန်ကြီး Gry Larsen သည် ဧပြီလဆန်းက မြန်မာနိုင်ငံသို့ လာရောက်ခဲ့ပြီး ဖြစ်ရာ၊ ယခု ဘာသာပြန်ဆိုမှုမှာ နောက်ကျနေပြီ ဖြစ်သော်လည်း၊ သိသင့်သော အကြောင်းအရာ ဖြစ်သောကြောင့် ထည့်သွင်းထားခြင်း ဖြစ်သည်။ အယ်ဒီတာ)
နော်ဝေး နိုင်ငံခြားရေး ဝန်ကြီး Gry Larsen က သူမ၏ ပထမဆုံး မြန်မာနိုင်ငံ ခရီးစဉ်တွင် မိန့်ခွန်းတစ်ခု ပြောကြားခဲ့သည်။ "ယခု ခရီးစဉ်၏ ရည်ရွယ်ချက်မှာ လူသားချင်း စာနာ ထောက်ထားသော အဖွဲ့အစည်းများ၊ ဒီမိုကရေစီ လှုပ်ရှားမှု နှင့် အာဏာပိုင်များအား တွေ့ဆုံကာ ရွေးကောက်ပွဲ မတိုင်ခင် မြန်မာနိုင်ငံရေး အနေအထား အတွက် အကြံဥာဏ် ရယူရန် ဖြစ်သည်" ဟု မိန့်ခွန်းတွင် ဖော်ပြခဲ့သည်။
"မြန်မာနိုင်ငံ ခရီးစဉ်ကို စတင်လိုက်တဲ့ အတွက် ဒီနေ့ကတော့ အမှတ်တရပါပဲ။ မြန်မာဟာ အာရှရဲ့ အကြွယ်ဝဆုံး နိုင်ငံတွေထဲက တစ်ခု၊ အဆင်းရဲဆုံး နိုင်ငံတွေထဲက တစ်ခု၊ ပြီးတော့ အငြင်းပွားစရာ အများဆုံး ဖြစ်နေတဲ့ နိုင်ငံတွေထဲက တစ်ခု စတဲ့အချက်တွေ တပြိုင်တည်း ဖြစ်ပျက်နေတဲ့ နိုင်ငံပါ။"
"မြန်မာနိုင်ငံဟာ သဘာဝ သယံဇာတ ကြွယ်ဝသလို လူဦးရေလည်း များတယ်။ တိုင်းရင်းသား မျိုးကွဲတွေလည်း များတယ်။ ဒါပေမယ့် နှစ်ပေါင်း များစွာ စီးပွားရေး မှားယွင်း ခန့်ခွဲမှု၊ လက်နက်ကိုင် ပြဿနာတွေနဲ့ သဘာဝ ဘေးအန္တရာယ်တွေကြောင့် တိုင်းပြည် အနှံ့ ဆင်းရဲ နွမ်းပါးမှုကို ဖြစ်စေခဲ့တယ်။ မတရား ဖိနှိပ် အုပ်စိုးမှုရယ်၊ စစ်ဖက် အစိုးရရယ်၊ ငြိမ်းချမ်းရေး နိုဘယ်ဆုရှင်ကို အကျယ်ချုပ် ဖမ်းဆီးထားတာရယ်ကြောင့် နိုင်ငံတကာ အသိုင်းအဝိုင်းရဲ့ မျက်စိထဲမှာ အငြင်းပွားဖွယ် အကောင်းဆုံး နိုင်ငံ တစ်ခု ဖြစ်လာခဲ့တယ်။"
"မြန်မာနိုင်ငံကို စိတ်ဝင်စားတဲ့သူ အားလုံးဟာ စိန်ခေါ်မှု များစွာနဲ့ ရင်ဆိုင်ရမှာပါ။ John Kristensen က မတ်လ ၂၆ ရက် ထုတ် Dagsavisen မှာပါတဲ့ သူ့ရဲ့ ဆောင်းပါးထဲ မှာ စိတ်ဝင်စားစရာ ကိစ္စတွေ အများကြီး တင်ပြထားတယ်။ ဥပမာ ပြောရရင် တိုင်းပြည်ထဲမှာ ပိုပြီး ပွင့်လင်းဖို့နဲ့ စီးပွားရေး ဖွံ့ဖြိုးမှုတွေ ဖြစ်ပေါ်စေဖို့ မျှော်လင့်ချက်ထားပြီး မြန်မာ အစိုးရနဲ့ ဒီထက်ပိုပြီး ဆွေးနွေး ညှိနှိုင်းကြဖို့ သူက တိုက်တွန်းထားတယ်။ ဒီမျှော်လင့်ချက်ကို ကျွန်မလည်း သဘောတူတယ်။ နိုင်ငံတကာ အသိုင်းအဝိုင်းရဲ့ မဟာဗျူဟာတွေဟာ မြန်မာနိုင်ငံမှာ ပိုမို ပွင့်လင်းမှု၊ စီးပွားရေးနဲ့ ဒီမိုကရေစီ ဖွံ့ဖြိုးမှုတွေကို အမှန်တကယ် မြှင့်တင်နိုင်ရဲ့လား ဆိုတာကို ကျွန်မတို့ အသေအချာ စစ်ဆေးသင့်တယ်လို့လည်း ယုံကြည်တယ်။"
"နော်ဝေးနဲ့ တခြား နိုင်ငံတွေဟာ မြန်မာနိုင်ငံ အတွက် အရေးကြီးတဲ့ သတင်းတွေ ရရှိထားတယ်။ ဒါပေမယ့် ကျွန်မတို့ရဲ့ သုံးသပ်ချက်တွေကနေ ဘယ်လိုနည်းနဲ့ အကောင်းဆုံး လုပ်နိုင်မလဲ။ ဒီသဘောထားတွေကို မြန်မာ အစိုးရက နားထောင်အောင်၊ တိုင်းရင်းသား လူမျိုးတွေနဲ့ အခြေခံ လူ့အခွင့်အရေးတွေ အပေါ် လေးစားမှု ပြသအောင် ဘာတွေလုပ်မလဲ။ ဒီမိုကရေစီ လမ်းကြောင်းပေါ် မြန်မာနိုင်ငံ ရောက်လာအောင် ဘယ်လိုနည်းနဲ့ အကောင်းဆုံး စည်းရုံးနိုင်မလဲ။ အဖြေကတော့ နည်းလမ်းပေါင်း များစွာနဲ့ ကျယ်ကျယ်ပြန့်ပြန့် ချဉ်းကပ်မှုတွေ လုပ်ရမယ်လို့ ကျွန်မ ယုံကြည်တယ်။ ဒီအတွက်ကြောင့် မြန်မာ အာဏာပိုင်တွေ၊ ဒီမိုကရေစီ လှုပ်ရှားမှု ကိုယ်စားလှယ်တွေ အရေးကြီး အလုပ်တွေကို ကွင်းဆင်း ဆောင်ရွက်နေတဲ့ နိုင်ငံတကာ အသိုင်းအဝိုင်းနဲ့ NGO တွေ စတာတွေနဲ့ တွေ့ဆုံဖို့ မြန်မာနိုင်ငံကို သွားပါလို့ ပြည်ပရေးရာ ဝန်ကြီးက ကျွန်မကို တောင်းဆိုခဲ့တာပါ။ တကယ်လို့ ကျွန်မတို့က လွှမ်းမိုးနိုင်တဲ့ သြဇာကို လိုချင်တယ်ဆိုရင် အခုလို တွေ့ဆုံမှုတွေကို များများ လုပ်ပေးရမှာပါ။ ဒါမှသာ ကျွန်မတို့က နားထောင် ပေးတာနဲ့ ကျွန်မတို့ သဘောထားတွေကို ရှင်းရှင်းလင်းလင်း ပြောပြတာ နှစ်ခုစလုံးကို လုပ်နိုင်မှာပါ။"
"ကျွန်မရဲ့ တွေ့ဆုံမှုတွေမှာ ဆင်းရဲ မွဲတေမှုကို ဖြေရှင်းဖို့နဲ့ စီးပွားရေး ဖွံ့ဖြိုးတိုးတက်အောင် လုပ်ဖို့အတွက် အခွင့်အလမ်းတွေကို ဦးစားပေး ဆွေးနွေးမှာပါ။ အလုပ် ကြိုးစားတဲ့ ပြည်သူတွေ အတွက် ဖွံ့ဖြိုးမှုနဲ့ ပိုင်ဆိုင်မှု အခွင့်အလမ်းတွေ ဖန်တီးပေးဖို့ လိုအပ်တဲ့ ဆောင်ရွက်ချက်တွေကို မြန်မာ အာဏာပိုင်တွေ လုပ်ရမှာ ဖြစ်သလို လုပ်လည်း လုပ်နိုင်ရမှာပါ။ အခုဆိုရင် နှစ်ပေါင်းများစွာ အတွင်းမှာ ပထမဆုံး အဖြစ် ဒီနှစ်ထဲမှာ ရွေးကောက်ပွဲတွေ ကျင်းပဖို့ စစ်ဖက် အစိုးရက ဆော်သြနေတယ်။"
"နိုင်ငံတကာရဲ့ ယုံကြည် လေးစားမှု ရရှိဖို့နဲ့ ဒီမိုကရေစီ လမ်းကြောင်းအတိုင်း ချီတက်ဖို့ အတွက် ရွေးကောက်ပွဲက အခွင့်အလမ်း တစ်ခု ဖြစ်နိုင်တယ်။ အဲဒီလို ဖြစ်လာဖို့ အခုအထိတော့ လက္ခဏာ အနည်းငယ်ပဲ ရှိသေးတယ်။ ဒါ့ကြောင့် ဒီမိုကရေစီ လိုလားတဲ့ အတိုက်အခံတွေနဲ့ တိုင်းရင်းသား အဖွဲ့အစည်း ပေါင်းစုံဟာ ရွေးကောက်ပွဲ လုပ်ငန်းစဉ်မှာ ပါဝင်ရမှာ ဖြစ်ပြီး သူတို့ကို အဓိက ကဏ္ဍက ပါဝင်ခွင့်ပြုဖို့ မြန်မာ အာဏာပိုင်တွေကို ရှင်းရှင်းလင်းလင်း ပြောပြသွားမှာပါ။ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသား အားလုံးကိုလည်း လွှတ်ပေးရမှာပါ။ ရွေးကောက်ပွဲ တွေကိုလည်း လွတ်လပ်၊ မျှတပြီး ပြည်သူ တရပ်လုံး စိတ်ချလက်ချ ပါဝင်နိုင်တဲ့ ပုံစံဝင်အောင် ကျင်းပဖို့ စီစဉ် ဆောင်ရွက်ရမှာပါ။"
"တစ်ချိန်ထဲမှာ ကျွန်မတို့ ရှင်းရှင်းလင်းလင်း တောင်းဆိုထားသလို ဒီတိုးတက် ဖွံ့ဖြိုးမှုတွေကို မှန်ကန်တဲ့ ဦးတည်ချက်အတိုင်း ဆောင်ရွက်ရာမှာ နိုင်ငံတကာက မျှော်လင့်ထားတဲ့ အပြုသဘော ဆောင်တဲ့ နည်းလမ်းတွေ အတိုင်း လုပ်ဖို့ အတွက် ကျွန်မတို့ ကြိုးစားရမှာပါ။ မြန်မာ အာဏာပိုင်တွေဟာ အခုလမ်းဆုံမှာ ရောက်နေတဲ့ အနေအထားပါ။ တကယ်လို့ ဒီမိုကရေစီနဲ့ ဖွံ့ဖြိုးရေး လမ်းကြောင်းကို သူတို့ ရွေးချယ်မယ်ဆိုရင် တိုင်းပြည် အပေါ် သူတို့ရဲ့ နိုင်ငံရေး၊ စီးပွားရေး ပူးပေါင်း ဆောင်ရွက်မှုကို နိုင်ငံတကာ အသိုင်းအဝိုင်းက ခိုင်မာ တောင့်တင်းအောင် ကူညီမှာပါ။ ကျွန်မတို့က ဒီအတိုင်း ဖြစ်စေချင်တာပါ။ ဒါကြောင့် ကျွန်မတို့ရဲ့ လက်ရှိ ကိုင်တွယ် ဆောင်ရွက်ပုံတွေဟာ ကျွန်မတို့ လိုလားတဲ့ အတိုင်း ပြောင်းလဲ တိုးတက်မှုတွေ ရှိနိုင်ရဲ့လား ဆိုတာကို ကျွန်မတို့ ပြန်ပြီး စဉ်းစား ဆင်ခြင်ရလိမ့်မယ်။"
"မြန်မာနိုင်ငံမှာ ပါဝင် ပတ်သက်နိုင်ဖို့ အတွက် ဖြစ်နိုင်ချေ ရှိတယ်လို့ ဆိုရမယ်။ လွန်ခဲ့တဲ့ နှစ်နှစ်က မြန်မာနိုင်ငံမှာ တိုက်ခတ်သွားတဲ့ ဆိုက်ကလုန်း နာဂစ်စ်ဟာ ကြီးမားလွန်းတဲ့ သဘာဝ ဘေးအန္တရာယ်ပါ။ အဲဒီမှာ ကြီးမားတဲ့ လိုအပ်ချက်တွေ ရှိနေဆဲ ဆိုပေမယ့် သဘာဝ ဘေးဒဏ် ခံစားရသူတွေကို ကူညီဖို့ ကြီးမားတဲ့ ဆောင်ရွက်ချက်တွေ လုပ်ခဲ့ပြီးပါပြီ။ နိုင်ငံတကာ ကြိုးပမ်းမှုနဲ့ အစိုးရတို့ ပူးပေါင်းမှုက တဆင့် ကယ်ဆယ် ထောက်ပံ့ရေးတွေ လုပ်လို့ရတယ်ဆိုတာ ဒီအချက် သက်သေပြ နေတယ်။ ဒါကြောင့် အခု ရှိပြီးသား ပူးပေါင်း ဆောင်ရွက်မှုတွေ အပေါ်မှာ ဆက်လက် တိုးချဲ့ တည်ဆောက်ရမှာ ဖြစ်ပြီး လူသားချင်း စာနာထောက်ထားတဲ့ ဆောင်ရွက်ချက်တွေကို ချောမွေ့အောင် ဆက်ပြီး ကူညီဖို့နဲ့ လူသားချင်း စာနာထောက်ထားတဲ့ လုပ်ငန်းတွေကို တံခါးဖွင့် နေရာပေးဖို့ မြန်မာ အာဏာပိုင်တွေကို အားပေး တိုက်တွန်းနေတယ်။"
"ကြွယ်ဝခြင်း၊ ဆင်းရဲခြင်း၊ အခြေအတင် အငြင်းပွားခြင်း 'နွံ' ထဲမှာ ဆက်ပြီး နစ်နေဖို့ ဖြစ်နိုင်ချေတွေ မြန်မာနိုင်ငံမှာ ရှိနေတုန်းပါပဲ။ ပြည်သူအများစုကလည်း မြန်မာနိုင်ငံ အပေါ် ထင်မြင်ချက် အမျိုးမျိုး ပေးနေကြတယ်။ မြန်မာနိုင်ငံရဲ့ တည်ငြိမ်မှုနဲ့ ဖွံ့ဖြိုးမှုဟာ မြန်မာတွေ အတွက် သာမကပဲ သူ့ရဲ့ အိမ်နီးချင်းတွေ အတွက်လည်း အရေးကြီးတယ်။ ဒါပေမယ့် သူတို့ရဲ့ အနာဂတ်ကို ဆုံးဖြတ်ဖို့ ကိစ္စက သူတို့ တိုင်းပြည်ထဲမှာပဲ ရှိနေတာပါ။ နောက်တစ်ချက်ကတော့ နိုင်ငံတကာ အသိုင်းအဝိုင်းဟာ တိုင်းပြည်ရဲ့ ပဲ့ကိုင် နေရာမှာ ထိုင်နေသူတွေနဲ့ တိုက်ရိုက် ဆွေးနွေးမှုကို လုပ်ဖို့ မရနိုင်ပဲ ဖြစ်နေတာပါ။"
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.