Posts
(Time မဂ္ဂဇင်းမှ Jan-07-2011 ရက်စွဲပါ Vivenne Walt ၏ Burma's Release of Suu Kyi Eases Pressure for Further Sanctions ဆောင်းပါးကို ဘာသာပြန်ဆိုသည်။)
မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည် ရန်ကုန်မြို့တွင် နေအိမ် အကျယ်ချုပ် ၇ နှစ် ထိန်းသိမ်း ခံရခြင်းမှ လွတ်မြောက်ကာ သူမအား ချစ်ခင် လေးစားသော ထောက်ခံသူ ထောင်ပေါင်း များစွာကို နှုတ်ခွန်းဆက် စကားဆိုခဲ့သည့် နိုဝင်ဘာ ၁၃ ရက်နေ့သည် ၂၀၁၀ ခုနှစ်၏ ပျော်ရွှင်စရာ အခိုက် အတန့်များ အနက်မှ တစ်ခုပင် ဖြစ်သည်။ အနောက်နိုင်ငံ များစွာ အတွက် ထိုမြင်ကွင်းမှာ ကမ္ဘာ့ ခေါင်းအမာဆုံး အာဏာရှင်များထံမှ တစ်ဦး၏ သိသာစွာ ပြောင်းလဲရန် ဦးတည်မှု အဖြစ် ရှုမြင်စရာ ဖြစ်ခဲ့သည်။
နှစ်လခန့် အကြာတွင်မူ အဆိုပါ အားတက်ဖွယ် ခံစားမှုမှာ မှေးမှိန်လာခဲ့သည်။ အမှန် တကယ်မှာမူ နိုင်ငံရေး အပြောင်းအလဲ လုပ်ရန် အလှမ်း ဝေးသွားသည့် ခြေလှမ်းကို ပြသခဲ့ခြင်းသာ ဖြစ်ပြီး၊ ဒီမိုကရေစီနှင့် လူ့အခွင့်အရေး Campaign အုပ်စုများက ပြောကြားရာတွင် ဒေါ်အောင်ဆန်းစုကြည်၏ လွတ်မြောက်မှုသည် မြန်မာ စစ်ဖက် အုပ်ချုပ်သူများ အပေါ် ပိုမို ဖိအားပေးမည့် ကြိုးပမ်းမှုများကို ရှုပ်ထွေး သွားစေသည့် အသွင် ရှိသည်ဟု ဆိုသည်။ လက်ရှိ အမေရိကန် ပြည်ထောင်စုသည် မြန်မာ နိုင်ငံ အပေါ် အရေးယူ ပိတ်ဆို့မှုများ ချမှတ်ထားရာတွင် ကျွန်း၊ ကျောက်မျက်နှင့် စစ်လက်နက် ပစ္စည်း ရောင်းဝယ်မှု ပိတ်ပင်ခြင်း အပါအဝင် အစိုးရ တာဝန်ရှိသူများနှင့် ငွေကြေး ဆက်ဆံမှုများ ပိတ်ပင်ခြင်းတို့ ပါဝင်သည်။ ဧပြီလက သက်တမ်း တိုးခဲ့သော အီးယူ၏ အရေးယူ ပိတ်ဆို့မှုများတွင်လည်း အလားတူ ကုန်သွယ်ရေး တားမြစ်မှုများ အပါအဝင် အစိုးရ ထိပ်ပိုင်း တာဝန်ရှိသူများနှင့် ၎င်းတို့ မိသားစုဝင်များကို ပြည်ဝင် ဗီဇာ ပိတ်ပင်ခြင်း၊ ၎င်းတို့၏ ငွေကြေး ပိုင်ဆိုင် အပ်နှံမှုများကို ထိန်းချုပ်ခြင်းတို့ ပါဝင်သည်။
ဒေါ်အောင်ဆန်းစုကြည် လွတ်မြောက် လာပြီးချိန်မှ စ၍ ယခု အချိန်အထိ ဝါရှင်တန်နှင့် ဘရပ်ဆယ်တွင် မြန်မာ အစိုးရ အပေါ် တင်းကြပ်သော အရေးယူမှုများ ချမှတ်ရန် တောင်းဆိုမှုများ အသံတိုး သွားခဲ့သည်။ မြန်မာ စစ်တပ်၏ လူ့အခွင့်အရေး ချိုးဖောက်မှု မှတ်တမ်းများကို ဆေးကြော သန့်စင်အောင် ဖိအားပေးရန် အရေးပါသည့် ဆောင်ရွက်ချက်ဟု Campaign အုပ်စုများက ပြောနေကြသော အရေးယူ ပိတ်ဆို့မှု အစီအစဉ် တစ်ခုမှာ မြန်မာ အစိုးရကို ဝန်ဆောင်မှု ပေးနေသော မြန်မာ မဟုတ်သည့် ဘဏ်များကို ပစ်မှတ်ထား အရေးယူရေးပင် ဖြစ်သည်။ အဆိုပါ နည်းလမ်းကို လိုအပ်လျှင် ဆောင်ရွက်မည်ဟု ဆိုကာ အမေရိကန် ပြည်ထောင်စု၏ အရေးယူ ပိတ်ဆို့မှု အစီအစဉ်များတွင် ခွင့်ပြု ထည့်သွင်း ထားသော်လည်း ဝါရှင်တန်က ကျင့်သုံးခြင်း မပြုရန် ရွေးချယ်ခဲ့သည်။ "ကျွန်မတို့ကတော့ ဒီကိစ္စကို တွန်းပြီးရင်း တွန်းနေတာပါပဲ" ဟု ဝါရှင်တန်မှ US Campaign on Burma ၏ ဥပဒေ ဆိုင်ရာ ဒါရိုက်တာ Jennifer Quigley က ပြောကြားသည်။ အခု ဒေါ်အောင်ဆန်းစုကြည် လွတ်မြောက် လာတာရဲ့ ရလာဒ်ကတော့ အမေရိကန် ပြည်ထောင်စုက "ငါတို့ အစီအစဉ်ကို ဆိုင်းငံ့ထားပြီး ဘာဖြစ်မလဲလို့ စောင့်ကြည့်ဦးမယ်" လို့ ပြောနေတဲ့ ကိစ္စပါပဲ။ "ဒီကိစ္စက စောင့်ပြီး ကြည့်တဲ့ ကစားပွဲ တစ်ခု ဖြစ်နေပါပြီ။ ဒီလိုဆိုရင် မြန်မာ စစ်ဖက် အုပ်ချုပ်သူတွေဟာ သူတို့ ကိုယ်ကျိုးအတွက် အချိန်နဲ့ နိုင်ငံရေး အမြတ်ရအောင် ဒေါ်အောင်ဆန်းစုကြည်ကို လွှတ်ပေးဖို့ အမြော်အမြင် ရှိရှိနဲ့ တွက်ချက် လုပ်ဆောင် ခဲ့ကြတာလားလို့ မေးစရာ ရှိပါတယ်" ဟု သူမက ဆိုသည်။
အကယ်၍ ထိုသို့ ဟုတ်မှန်ပါက ၎င်းတို့သည် ပြောင်မြောက်သော လုပ်ဆောင်မှုကို ပြုလုပ်ခဲ့ခြင်း ဖြစ်လိမ့်မည်။ မည်သို့ဖြစ်စေ မြန်မာ့ အရေး လှုပ်ရှားမှုများမှာ အဆုံးသတ် သွားမည် မဟုတ်ပါ။ သို့သော်လည်း ယခု ရက်ပိုင်းများတွင် အရေးတကြီး လုပ်ဆောင် စရာများ ရှိမည် မဟုတ်ဟု ဆိုသော်ငြားလည်း ဒေါ်အောင်ဆန်းစုကြည် ပြန်လည် ပေါ်ထွက်မှုက အစပျိုးပေးလိုက်သော စိတ်လှုပ်ရှားမှုများကြောင့် ရှိချင်လည်း ရှိလာမည်ဟု ဆိုရမည်။ ဒေါ်အောင်ဆန်းစုကြည် ကိုယ်တိုင်မှာလည်း အရေးယူ ပိတ်ဆို့မှုများ အပေါ် ထောက်ခံခြင်းကို လက်တွေ့ သုံးသပ်လျက် ရှိပြီး ဆင်းရဲဒုက္ခ ရောက်နေသော မြန်မာ လူထုကြီး အပေါ် (အရေးယူ ပိတ်ဆို့မှု အစီအစဉ်၏) သက်ရောက်မှုကို သူမ အကဲဖြတ် ဝေခွဲနေဆဲ ဖြစ်သည်ဟု အနောက်နိုင်ငံ သတင်းထောက်များကို ပြောကြားခဲ့သည်။ ဘဏ်လုပ်ငန်း အရေးယူ ပိတ်ဆို့ရေး အစီအစဉ်ကို အတိုက်အခံ ခေါင်းဆောင်၏ အားပေး ထောက်ခံမှု မရှိပဲ ကြိုးကြိုးစားစား တွန်းအားပေးရန် Campaign အုပ်စုများက လိုလားခြင်း မရှိပါဟု Jennifer Qugley က ဆိုသည်။ ဒေါ်အောင်ဆန်းစုကြည်ကို လွှတ်ပေးခြင်းသည် အနောက်နိုင်ငံ အစိုးရများအား "စစ်ဗိုလ်ချုပ်များက အပြောင်းအလဲ လုပ်ရန် အဆင်သင့် ရှိနေသည်" ဟူသော မဖြစ်နိုင်သည့် အယူအဆကို ပေးခဲ့သည်ဟု Human Rights Watch ၏ ဝါရှင်တန် ဒါရိုက်တာ Tom Malinowski က ပြောကြားသည်။ "ခက်ခဲတဲ့ လုပ်ငန်း ဆောင်တာကို ရှောင်ရှားဖို့ အတွက် ဘယ်လို အကြောင်း ပြချက်ကို မဆို အသုံးပြုမယ့် နိုင်ငံတွေ ရှိပါတယ်။ တကယ်လို့ မြန်မာ အစိုးရကို ပိုပြီး အချိန်ပေးဖို့ အကြောင်း ပြချက် အဖြစ် ဒေါ်အောင်ဆန်းစုကြည် လွှတ်လာတာကို အကြောင်းပြလို့ ရနိုင်မယ် ဆိုရင် သူတို့က အကြောင်း ပြကြဦးမှာပါ" ဟု ၎င်းက Time မဂ္ဂဇင်းသို့ ပြောကြားသည်။
အရေးပါ အရာ ရောက်သော မြန်မာ့ အရေး လှုပ်ရှားမှု အုပ်စုများထဲမှ တစ်ဖွဲ့ ဖြစ်သည့် Earth Rights International က ဒီဇင်ဘာ ၁၅ ရက်တွင် ထုတ်ပြန်ခဲ့သော အစီရင်ခံစာကို တုန့်ပြန်မှု မရှိသလောက် နီးနီး ပြုမူခဲ့ကြသော အနောက်နိုင်ငံ အစိုးရများက အထက်ပါ အချက်ကို အကြောင်းပြ ကြဖွယ် ရှိသည်။ အဆိုပါ အစီရင်ခံစာတွင် နော်ဝေး အစိုးရသည် ၎င်း၏ ကြွယ်ဝလှသော ဘဏ္ဍာငွေများထဲမှ ဒေါ်လာ ၄.၇ ဘီလျံခန့်ကို မြန်မာနိုင်ငံတွင် အလုပ်လုပ်နေသော စွမ်းအင် ကုမ္ပဏီများထံ ရင်းနှီး မြှုပ်နှံခြင်းဖြင့် မြန်မာ စစ်ဖက် အုပ်ချုပ်သူ အစိုးရကို သွယ်ဝိုက် ပံ့ပိုးခဲ့သည်ဟု ဖော်ပြထားသည်။ အဆိုပါ ကုမ္ပဏီများထဲမှ Total နှင့် Chevron သည် အင်ဒါမန် ပင်လယ်မှ ထိုင်းနိုင်ငံသို့ မြန်မာပြည်ကို ဖြတ်သန်း သွယ်တန်းထားသော သဘာဝ ဓာတ်ငွေ့ ပိုက်လိုင်း တည်ဆောက် လုပ်ကိုင်ခြင်း လုပ်ငန်းတွင် ဒေါ်လာ ဘီလျံ များစွာ ရင်းနှီး မြှုပ်နှံထားသော ကုမ္ပဏီများ ဖြစ်သည်။ ဘဏ္ဍာငွေများ မည်သည့် နေရာတွင် ရင်းနှီးမြှုပ်နှံသည်ကို ကြီးကြပ်ရသူ၊ နော်ဝေနိုင်ငံ၏ ကျင့်ဝတ်များ ဆိုင်ရာ ကောင်စီ ဥက္ကဌ Gro Nystuen က မြန်မာ အစိုးရ အပေါ် တင်းကြပ်စွာ အရေးယူရန် လိုအပ်ကြောင်း နော်ဝေ တာဝန်ရှိသူများကို စည်းရုံးမှု မအောင်မြင်ခဲ့သလို၊ Earth Rights International ၏ အစီရင်ခံစာမှာလည်း ပစ်ပစ်ခါခါ လျစ်လျူရှုခြင်း ခံခဲ့ရသည်ဟု ပြောကြားသည်။ (နော်ဝေ ရင်းနှီးမြှုပ်နှံမှုထဲမှ) "ဒီကုမ္ပဏီတွေကို ဖယ်ထုတ်ပစ်ဖို့ အတွက် ကျော်လွှားရမယ့် တန်းက တော်တော်မြင့် နေပါတယ်" ဟု Nystuen က Time မဂ္ဂဇင်းသို့ ပြောကြားခဲ့သည်။ "လူ့အခွင့်အရေး ညှင်းပန်း နှိပ်စက်မှုနဲ့ အစွပ်စွဲခံရတဲ့ နိုင်ငံ တစ်နိုင်ငံ အပေါ် လက်ရှိ အရေးယူမှုဟာ မလုံလောက်သေးပါဘူး။ ကုမ္ပဏီ ကိုယ်တိုင်က သီးခြား အရေးယူ လုပ်ဆောင်မှုကို လုပ်ရမှာပါ။ အနာဂတ်မှာ ဆက်ပြီး ညှင်းပန်း နှိပ်စက်ဦးမယ့် အန္တရာယ် ရှိနေပါတယ်" ဟု ၎င်းက ဆိုသည်။
မြန်မာနိုင်ငံ အပေါ် အနောက် နိုင်ငံများက သတိကြီးစွာ ထား၍ ဆက်ဆံနေပုံမှာ မြန်မာ့ အရေး Campaign အုပ်စုများ အတွက် စိတ်ပျက်စရာ ဖြစ်နေသည်။ "နိုင်ငံရေးသမား တချို့က ကိစ္စ အတော်များများ အခြေအနေ ပိုကောင်းလာမယ်လို့ ယူဆ နေကြပေမယ့် ဒီအတွေးကို ကျွန်တော်တို့ အရင်ကတည်းက စဉ်းစားကြည့်ပြီးသားပါ" ဟု လန်ဒန်မှ Burma Campaign UK ဒါရိုက်တာ Mark Farmaner က ပြောကြားသည်။ "ဗိုလ်ချုပ်တွေရဲ့ ရည်ရွယ်ချက်ကတော့ ရှင်းရှင်းလေးပါ။ အပြောင်းအလဲ လုပ်နေတယ်လို့ ပြည်သူတွေ ထင်အောင် လုပ်တာပါပဲ" ဟု ပြောကြားခဲ့သော ၎င်းက အီးယူ၏ လက်ရှိ အရေးယူ ပိတ်ဆို့မှု အစီအစဉ်များကို "အသွား တုံးနေသော လွှ" ဟု ခေါ်ဝေါ်လိုက်သည်။ ၂၀၀၈ ခုနှစ်က ဒေါ်အောင်ဆန်းစုကြည် လွတ်တော့မည်ဟု မျှော်မှန်းထားကြသော Farmaner တို့ အုပ်စု အပါအဝင် အခြား လူ့အခွင့်အရေး အုပ်စုများက နိုင်ငံရေး အကျဉ်းသား ၂၀၀၀ ကျော်ကို လွှတ်ပေးရန် တွန်းအား ပေးခြင်း၊ တိုင်းရင်းသား ကျေးရွာများ အပေါ် စစ်တပ်က တိုက်ခိုက်မှုကို အထောက်အထား ပြခြင်း တို့ဖြင့် မြန်မာနိုင်ငံမှ အလွန်အကျွံ ညှင်းပန်း နှိပ်စက်မှုများကို ထင်ရှား ပေါ်လွင်အောင် စတင် ဖော်ထုတ်ခဲ့ကြသည်။
သို့သော်လည်း အဆိုပါ လူ့အခွင့်အရေး ချိုးဖောက်မှု မှတ်တမ်း အထောက်အထားများသည် ပုဂ္ဂိုလ်ရေး ကျော်ကြားမှု ဂုဏ်ဒြပ်ဖြင့် ၁၉၉၁ က ငြိမ်းချမ်းရေး နိုဘယ်ဆု ရရှိကာ လတ်တလော Time မဂ္ဂဇင်း မျက်နှာဖုံးတွင် ဂုဏ်ပြုဖော်ပြခံရသူ ဒေါ်အောင်ဆန်းစုကြည်၏ ပေးဆပ်မှုလောက် အနောက်နိုင်ငံများ၏ စိတ်အား ထက်သန်မှုကို နှိုးဆွနိုင်ခြင်း မရှိသေးပါ။ ယခုအခါ ဒေါ်အောင်ဆန်းစုကြည် လွတ်မြောက်လာခြင်းကြောင့် အီးယူ အစိုးရ အများစုက ၎င်းတို့ အနေဖြင့် လာမည့် သီတင်းပတ် အနည်းငယ် အတွင်း မြန်မာနိုင်ငံတွင် အစိုးရသစ် ပေါ်ပေါက်လာသည် အထိ အနည်းဆုံး စောင့်ကြည့်သင့်သည်ဟု ယုံကြည်နေကြသည်။ မြန်မာ စစ်ဖက် ခေါင်းဆောင်များ အနေဖြင့် အမေရိကန် သမ္မတ ဘားရက် အိုဘားမားက လွတ်လပ်မှု မရှိ၊ မျှတမှု မရှိဟု သတ်မှတ်ခဲ့သော ရွေးကောက်ပွဲများ ကျင်းပပြီးနောက် ၃ လ အကြာ ဖေဖော်ဝါရီ ၅ ရက် နောက်ဆုံးထား၍ အစိုးရသစ် ဖွဲ့စည်းရန် တာဝန်ရှိနေသည်။
အစိုးရ အဖွဲ့သစ် အာဏာ ရယူသည်နှင့် တပြိုင်နက် ဒေါ်အောင်ဆန်းစုကြည် အပါအဝင် အခြား အတိုက်အခံ ခေါင်းဆောင်များနှင့် နိုင်ငံရေး ဆွေးနွေးပွဲများ စတင် ပြုလုပ်ရေး အတွက် ၎င်းအစိုးရသစ်ကို စည်းရုံးဖို့ ကြိုးစားရန် အီးယူက မြန်မာ ခေါင်းဆောင်များထံ အဆင့်မြင့် မစ်ရှင် စေလွှတ်ဖွယ် ရှိမည်ဟု ဘရပ်ဆယ်မှ ဥရောပ သံတမန် တစ်ဦးက Time မဂ္ဂဇင်းသို့ ပြောကြားသည်။ မြန်မာ့ ရေးရာ မူဝါဒများနှင့် အကျွမ်းတဝင် ရှိကာ အမည် မဖော်လိုသော အဆိုပါ သံတမန်က "ဒေါ်အောင်ဆန်းစုကြည်ကို လွှတ်ပေးတာဟာ လမ်းကြောင်းမှန် ပေါ်ရောက်လာတဲ့ ခြေလှမ်း တစ်လှမ်းလို့ အီးယူထဲက အများစုက ယုံကြည်ကြပါတယ်" ဟု Time သို့ ပြောကြားသည်။ "ဒိုင်ယာလော့ ပုံစံ တစ်မျိုးမျိုး ရှိလာတယ် ဆိုတာနဲ့ပဲ တစုံတရာ အသိအမှတ် ပြုရမှာပေါ့ဗျာ" ဟု ၎င်းက ဆိုသည်။
သို့သော်လည်း ယင်းကဲ့သို့ တိတ်တဆိတ် ညှိနှိုင်း ဆွေးနွေးမှု နည်းလမ်းဖြင့် ခရီးဆက် နေချိန်တွင် မြန်မာ ဗိုလ်ချုပ်ကြီးများကမူ လာမည့်နှစ်များ အတွင်း နိုင်ငံ့ဘဏ္ဍာအဖြစ် စီးဝင်လာမည့် ဒေါ်လာ ဘီလျံများစွာကို လှမ်းမြင်နေရသောကြောင့် အလော သုံးဆယ် အာဏာ လွှဲပြောင်းလိုပုံ မရပါ။ မြန်မာ နိုင်ငံကို ကန့်လန့် ဖြတ်သန်းသွားမည့် ဓာတ်ငွေ့ ပိုက်လိုင်းကို အသာထား၍ ကိုရီးယား၊ တရုတ်နှင့် အိန္ဒိယ ကုမ္ပဏီများ ဒေါ်လာ ဘီလျံနှင့်ချီကာ ရင်းနှီး မြှုပ်နှံထားသော "ရွှေစီမံကိန်း" ဟု ခေါ်သည့် ကမ်းလွန် သဘာဝ ဓာတ်ငွေ့ သိုက်အသစ်မှ လာမည့်နှစ် ၃၀ အတွင်း မြန်မာ အစိုးရ အတွက် နှစ်စဉ် ဒေါ်လာ တစ်ဘီလျံခန့် ရှာဖွေ ပေးလိမ့်မည်ဟု မျှော်လင့်ထားကြသည်။ အဟောင်း ဖြစ်စေ၊ အသစ်ဖြစ်စေ အနောက်နိုင်ငံ အရေးယူ ပိတ်ဆို့မှု မှန်သမျှ ထိုအရာကို တားဆီးနိုင်မည် မဟုတ်ပါ။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.