Posts
 | yangonchronicle2011 |
၂၁.၁၁.၂၀၁၁
ပြည်တွင်းသတင်းများ
- ထိုင်းရေကြီးမှုကြောင့် မြန်မာနိုင်ငံအတွင်း ပြည်ပရင်းနှီးမြှုပ်နှံမှုများ ပိုလာနိုင်
- မြန်မာ- လာအို ချစ်ကြည်ရေးတံတား ကန်ဒေါ်လာ ၂၆ သန်းကုန်ကျမည်
- မလေးရှား ရေနံနှင့် သဘာဝဓာတ်ငွေ့ကုမ္ပဏီများ မြန်မာသို့ လာရောက်ဆွေးနွေးမည်
ပြည်တွင်းပါတီ၊ နိုင်ငံရေးသတင်းများ
- နိုင်ငံတော်သမ္မတဦးသိန်းစိန်နှင့် ဘန်ကီမွန်းတို့ တွေ့ဆုံ
- နိုင်ငံတော်သမ္မတ ဦးသိန်းစိန် မြန်မာသတင်းမီဒီယာသမားများနှင့် တွေ့ဆုံ
သတင်းနှင့် ဆောင်းပါးများမှ ကောက်နှုတ်ချက်များ
*****************************************************************************
ပြည်တွင်းသတင်းများ
ထိုင်းရေကြီးမှုကြောင့် မြန်မာနိုင်ငံအတွင်း ပြည်ပရင်းနှီးမြှုပ်နှံမှုများ ပိုလာနိုင်
မြန်မာနိုင်ငံ၏ အိမ်နီးချင်းနိုင်ငံဖြစ်သည့် ထိုင်းနိုင်ငံတွင်း ရေလွှမ်းမိုးများကြောင့် ပြည်ပရင်းနှီးမြှုပ်နှံမှုများမှာ မြန်မာနိုင်ငံအတွင်းသို့သာ ပိုမိုဝင်ရောက်လာနိုင်ကြောင်း ပြည်တွင်းရှိ စီးပွားရေးပညာရှင်အချို့က သုံးသပ်ခဲ့ကြသည်။
မြန်မာနိုင်ငံသည် ၂၀၁၀ ရွေးကောက်ပွဲအပြီး အစိုးရသစ်လက်ထက်မှ စတင်၍ ပြောင်းလဲလာသည့် နိုင်ငံရေး၊ စီးပွားရေး အပြောင်းအလဲများကြောင့် ပြည်ပရင်းနှီးမြှုပ်နှံမှုများ တရှိန်ထိုးဝင်ရောက်လာခဲ့သည့်အပြင် (၁၉) ကြိမ်မြောက် အာဆီယံထိပ်သီးအစည်းအဝေး၌ မြန်မာနိုင်ငံအား အာဆီယံအလှည့်ကျ ဥက္ကဋ္ဌအဖြစ် တာဝန်ယူရန် ဆုံးဖြတ်ခဲ့သည့် အတွက် ပြည်ပရင်းနှီးမြှုပ်နှံမှုများမှာ ပိုမို ဝင်ရောက်လာနိုင်ဖွယ်ရှိကြောင်း သိရသည်။
ထို့ပြင် ထိုင်းနိုင်ငံရေလွှမ်းမှုများကြောင့် ပြည်ပရင်းနှီးမြှုပ်နှံမှုများ ပြုလုပ်ထားသည့် လုပ်ငန်းရှင်များမှာ ကုန်ထုတ်လုပ်မှုလုပ်ငန်းများ ရပ်ဆိုင်းသွားသည့်အတွက် ၎င်း ရင်းနှီးမြှုပ်နှံမှုများမှာ မြန်မာနိုင်ငံအတွင်းသို့ ရွှေ့ပြောင်းလုပ်ကိုင်လာနိုင်ဖွယ်ရှိကြောင်း သိရသည်။
လက်ရှိအချိန်၌ မြန်မာနိုင်ငံအတွင်း ပြည်ပရင်းနှီးမြှုပ်နှံမှုများ ပိုမိုဝင်ရောက်လာတော့မည်ဆိုသည့် သတင်းများကြောင့် ရန်ကုန်မြို့တွင်း၌ အိမ်ခြံမြေ ဈေးနှုန်းများမှာလည်း အဆမတန် တက်ရိပ်ပြသွားခဲ့ကြောင်း အိမ်ခြံမြေ အကျိုးဆောင်လုပ်ငန်းတစ်ခုမှ တာဝန်ရှိသူတစ်ဦးက ပြောကြားခဲ့သည်။
ယခုကဲ့သို့ မြန်မာနိုင်ငံအတွင်း ပြည်ပရင်းနှီးမြှုပ်နှံမှုများ ပိုမိုဝင်ရောက်လာပါက မြန်မာနိုင်ငံအတွင်း စီးပွားရေးဖွံ့ဖြိုးတိုးတက်မှုများ၊ နည်းပညာများနှင့် ဒေသခံများအတွက် အလုပ်အကိုင်အခွင့်အလမ်းများ တိုးပွားလာနိုင်မည်ဖြစ်ပြီး ဆင်းရဲနွမ်းပါးမှု လျှော့ချရေးအစီအစဉ်များကိုလည်း အထောက်အကူပြုနိုင်မည်ဖြစ်ကြောင်း အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှုဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။
YC
*****************************************************************************
မြန်မာ- လာအို ချစ်ကြည်ရေးတံတား ကန်ဒေါ်လာ ၂၆ သန်းကုန်ကျမည်
မြန်မာ- လာအို ချစ်ကြည်ရေးတံတား တည်ဆောက်ရန် စီစဉ်နေကြောင်းနှင့် အဆိုပါစီမံကိန်းအတွက် အမေရိကန်ဒေါ်လာ ၂၆ သန်း ကုန်ကျမည်ဖြစ်ကြောင်း သိရသည်။
အဆိုပါ ချစ်ကြည်ရေးတံတားသည် ရှမ်းပြည်နယ် ကျိုင်းလတ်ဒေသနှင့် လာအိုနိုင်ငံ လွိုင်နမ့်သာပြည်နယ်သို့ ဖြတ်ကျော်တည်ဆောက်မည့် စီမံကိန်းဖြစ်ကြောင်းသိရသည်။ အဆိုပါစီမံကိန်းအတွက် နှစ်နိုင်ငံတာဝန်ရှိသူများသည် နိုဝင်ဘာလ ၁ ရက်နေ့က ဆွေးနွေးပြီး အစည်းအဝေး မှတ်တမ်းတင် လက်မှတ်ရေးထိုးခဲ့ကြောင်း သိရသည်။
အဆိုပါစီမံကိန်းအတွက် မြန်မာနိုင်ငံနှင့် လာအိုနိုင်ငံတို့သည် လောလောဆယ်တွင် နားလည်မှုစာချွန်လွှာအဆင့်သို့ မရောက်သေးဘဲ အစည်းအဝေး မှတ်တမ်းတင်သည့် အဆင့်သို့သာ ရောက်ရှိသေးကြောင်း သိရသည်။
“အခုကတော့ MoU အဆင့်မရောက်သေးပါဘူး၊ နှစ်နိုင်ငံတာဝန်ရှိသူတွေ စည်းဝေးပြီး ဆုံးဖြတ် မှတ်တမ်းတင်ထားတဲ့ အဆင့်ပေါ့။ MoM အဆင့်ပဲ ရှိသေးတယ်။ လျာထားတာကတော့ တံတားက စုစုပေါင်းအရှည်မီတာ ၆၀၀ ကျော်မယ်။ ကျိုင်းလတ်ကနေ လာအိုနိုင်ငံ လွိုင်နမ့်သာပြည်နယ်ကို ဆက်သွယ်နိုင်ဖို့နဲ့ အမေရိကန်ဒေါ်လာ ၂၆ သန်းကုန်ကျမယ်ဆိုတာပါ။ မြန်မာဖက်က ၁၃ သန်း၊ လာအိုဖက်က ၁၃ သန်းလို့ ကနဦး သတ်မှတ်ထားပေမယ့် နောက်ပိုင်း အသေးစိတ်ဆွေးနွေးရမယ့် အပိုင်းတွေ အများကြီးကျန်သေးလို့ စောစောကတံတားအရှည်နဲ့ ကုန်ကျငွေကို နှစ်နိုင်ငံ စိုက်ထည့်မှု အပိုင်းတွေကတော့ ပြောင်းချင်ပြောင်းနိုင်သေးတယ်။ လောလောဆယ်လျာထားချက်အနေနဲ့ ပြောပြတာပါ” ဟု ဆောက်လုပ်ရေးဝန်ကြီးဌာနမှ တာဝန်ရှိသူတစ်ဦးက ပြောကြားခဲ့ကြောင်း သိရသည်။
မြန်မာ- လာအို နှစ်နိုင်ငံချစ်ကြည်ရေးတံတားစီမံကိန်းအား မြန်မာနိုင်ငံ ဆောက်လုပ်ရေးဝန်ကြီးဌာနမှ တာဝန်ယူဆောက်လုပ်ရန် စီစဉ်ထားကြောင်းသိရသည်။
Ref: Weekly Eleven
*****************************************************************************
မလေးရှား ရေနံနှင့် သဘာဝဓာတ်ငွေ့ကုမ္ပဏီများ မြန်မာသို့ လာရောက်ဆွေးနွေးမည်
ရေနံနှင့် သဘာဝဓာတ်ငွေ့ကဏ္ဍတွင် မြန်မာနိုင်ငံနှင့် ပူးပေါင်းဆောင်ရွက်ရန် မလေးရှားနိုင်ငံမှ ရေနံနှင့် သဘာဝဓာတ်ငွေ့လုပ်ငန်းများ လုပ်ကိုင်လျက် ရှိသည့် ကုမ္ပဏီ ၁၉ ခုကျော်တို့သည် မြန်မာနိုင်ငံသို့ လာရောက် ဆွေးနွေးမည်ဖြစ်ကြောင်း မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်မှ သိရှိရသည်။
“ မလေးရှားကုမ္ပဏီတွေ လာပြီး Oil and Gas ကဏ္ဍတွေမှာ မြှုပ်နှံဖို့အတွက် ဆွေးနွေးမှာ၊ ဒီကဏ္ဍနဲ့ ပတ်သက်တဲ့ လုပ်ငန်းအခွင့်အလမ်းတွေအကြောင်းကို မြန်မာဘက်ကရှင်းပြပြီး သူတို့အနေနဲ့ ရင်းနှီးမြှုပ်နှံဖို့ သေချာပြီဆိုရင် သူတို့နဲ့ ပူးပေါင်းလုပ်ဆောင်သွားမှာပါ။ လုပ်ငန်းကို အကောင်အထည်ဖော်နိုင်ဖို့ ဦးစားပေး ဆွေးနွေးသွားမှာပါ” ဟု UMFCCI မှ တာဝန်ရှိသူတစ်ဦးက ပြောကြားကြောင်းသိရသည်။
မလေးရှားနိုင်ငံ၏ မြန်မာနိုင်ငံတွင် ရင်းနှီးမြှုပ်နှံမှု ပမာဏမှာ ၂၀၁၁ ခုနှစ် သြဂုတ်လအထိ အမေရိကန်ဒေါ်လာ ၉၇၅ သန်းကျော်ရှိကြောင်း သိရသည်။ ရေနံနှင့် သဘာဝဓာတ်ငွေ့ ကဏ္ဍတွင် ရင်းနှီးမြှုပ်နှံရန်အတွက် မြန်မာနှင့် မလေးရှားနှစ်နိုင်ငံ တွေ့ဆုံဆွေးနွေးပွဲကို နိုဝင်ဘာလ ၂၉ ရက်တွင် ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်၌ ကျင်းပပြုလုပ်မည်ဖြစ်ကြောင်း သိရသည်။
Ref: Weekly Eleven
*****************************************************************************
ပြည်တွင်းပါတီ၊ နိုင်ငံရေးသတင်းများ
နိုင်ငံတော်သမ္မတဦးသိန်းစိန်နှင့် ဘန်ကီမွန်းတို့တွေ့ဆုံ
နိုင်ငံတော်သမ္မတဦးသိန်းစိန်နှင့် ကုလသမဂ္ဂအထွေထွေအတွင်းရေးမှူးချုပ် ဘန်ကီမွန်းတို့သည် နိုဝင်ဘာ ၁၉ ရက်နေ့က အင်ဒိုနီးရှားနိုင်ငံ ဘာလီကျွန်းရှိ Nikko Hotel တွင် တွေ့ဆုံခဲ့ကြောင်းသိရသည်။
တွေ့ဆုံမှုတွင် မြန်မာနှင့် ကုလသမဂ္ဂအကြား ပူးပေါင်းဆောင်ရွက်ရေးဆိုင်ရာကိစ္စရပ်များ၊ နှစ်ဦးနှစ်ဖက် အဆင်ပြေသည့် နေ့ရက်တွင် မြန်မာနိုင်ငံသို့ ကုလအတွင်းရေးမှူးချုပ် သွားရောက်မည့် ကိစ္စများကို ဆွေးနွေးခဲ့ကြောင်း နိုင်ငံခြားရေးဝန်ကြီးဌာန ပြည်ထောင်စုဝန်ကြီးက ပြောကြားခဲ့ကြောင်းသိရသည်။
“မြန်မာနှင့် ကုလသမဂ္ဂ ပူးပေါင်းဆောင်ရွက်မှုမြှင့်တင်ဖို့ ဆွေးနွေးခဲ့ကြပါတယ်” ဟု ဦးဝဏ္ဏမောင်လွင်က ပြောကြားကြောင်းသိရသည်။
အဆိုပါ တွေ့ဆုံမှုသို့ မြန်မာနိုင်ငံမှ ကိုယ်စားလှယ်ကြီးများအပြင် မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ဗီဂျေးနမ်ဗီယာလည်း တက်ရောက်ကြောင်း သိရသည်။
Ref: Weekly Eleven
*****************************************************************************
နိုင်ငံတော်သမ္မတ ဦးသိန်းစိန် မြန်မာသတင်းမီဒီယာသမားများနှင့် တွေ့ဆုံ
နိုင်ငံတော်သမ္မတဦးသိန်းစိန်သည် အင်ဒိုနီးရှားနိုင်ငံ ဘာလီကျွန်း၌ ကျင်းပနေသော အာဆီယံ ထိပ်သီးအစည်းအဝေးတွင် မြန်မာသတင်း မီဒီယာသမားများနှင့် နိုဝင်ဘာလ ၁၉ ရက်တွင် တွေ့ဆုံခဲ့ကြောင်းသိရသည်။
တွေ့ဆုံရာတွင် မြန်မာသတင်းသမားများ၏ မေးမြန်းချက်များကို ပြန်လည်ဖြေကြားခဲ့ပြီး ၎င်း ဖြေကြားချက်များတွင် ယုံကြည်ချက်ကြောင့် အကျဉ်းကျခံနေရသူများ၊ အစိုးရအဖွဲ့အတွင်း ဒေါ်အောင်ဆန်းစုကြည်၏ နေရာ၊ ဥရောပသမဂ္ဂအဖွဲ့( အီးယူ )၏ ရုံးအား မြန်မာနိုင်ငံ၌ လာရောက် ဖွင့်လှစ်ခြင်း၊ အမေရိကန်သမ္မတ ဘားရက်အိုဘားမား၏ မြန်မာနိုင်ငံအပေါ်သဘောထားနှင့် NLD ပါတီ မှတ်ပုံတင်မည့် သတင်းများမှာ သတင်းကောင်းများ ဖြစ်ခြင်းနှင့် လက်ရှိဖြစ်ပေါ်နေသော အခြေအနေများအရ တိုင်းပြည်နှင့် လူမျိုးအခြေအနေကိုကြည့်ပြီး ဒီမိုကရေစီကို ပီပြင်အောင် လုပ်ဆောင်ရမည့် အကြောင်းအရာများကို ထည့်သွင်းပြောကြားသွားကြောင်း သိရသည်။
ယုံကြည်ချက်ကြောင့် အကျဉ်းကျခံနေရသူများကို ထပ်မံ လွတ်ငြိမ်းချမ်းသာခွင့်ပြုရန် အစီအစဉ်ရှိ မရှိနှင့် ပတ်သက်၍ မေးမြန်းချက်အား နိုင်ငံတော် သမ္မတကြီးက “ တိုင်းပြည်ရဲ့ အခြေအနေအချိန်အခါပေါ်မှာ ကြည့်ပြီးတော့ နိုင်ငံတော်ဖွဲ့စည်းပုံ အခြေခံဥပဒေကလည်း လုပ်ပိုင်ခွင့်ကို သမ္မတကို အပ်နှင်းထားတာ။ သမ္မတရဲ့ လွတ်ငြိမ်းချမ်းသာခွင့် ပေးလို့ရတယ်။ အထွေထွေလွတ်ငြိမ်းချမ်းသာခွင့် ပေးလို့ရတယ်။ အခြေအနေ အချိန်အခါ ပေါ်မှာကြည့်ပြီးတော့ လုပ်သွားရမှာပါ။ ဘာကြောင့်လဲဆိုရင် ကိုယ့်နိုင်ငံသားတွေ ဖြစ်လို့ပါ” ဟု ဖြေကြားခဲ့ကြောင်းသိရသည်။
တိုင်းပြည်တည်ငြိမ်အေးချမ်းမှုနှင့်ပတ်သက်၍ “ တိုင်းပြည် တည်ငြိမ်အေးချမ်းဖို့ဆိုရင် နှစ်ပိုင်းပေါ့။ ပြည်တွင်းသဘာထားအမြင် အမျိုးမျိုးရှိနေတဲ့ ပုဂ္ဂိုလ်တွေနဲ့ သဘောထားချင်း ကျွန်တော်တို့တူညီအောင် ညှိကြပြုကြတဲ့အပိုင်းပေါ့။ အဲဒီတော့ ဒီသဘောထားအမြင် အမျိုးမျိုးရှိတဲ့ပုဂ္ဂိုလ်တွေနဲ့ ကျွန်တော်တို့နဲ့ သဘောထားအမြင်ခြင်း တူပြီဆိုလို့ရှိရင် ပြည်ပကလည်း ဘာပဲဖြစ်ဖြစ် ဖိအားတွေ လျော့နည်းလာမယ်” ဟု ပြောကြားခဲ့ကြောင်း သိရသည်။
*****************************************************************************
သတင်းနှင့် ဆောင်းပါးများမှ ကောက်နှုတ်ချက်များ
“ဖွဲ့စည်းပုံအခြေခံဥပဒေပြင်ဆင်ဖို့ဆိုတာ နိုင်ငံရဲ့ အနာဂတ်ကိုကြည့်ပြီးပောာတာပါ။ NLD တစ်ခုတည်းအတွက် မဟုတ်ဘူး။ တစ်နိုင်ငံလုံး အတွက်၊ ပြည်ထောင်စုတစ်ခုလုံးအတွက် လိုအပ်တဲ့ပြင်ဆင်မှုတွေ လုပ်ရမယ်။ ဥပဒေစိုးမိုးဖို့ဆိုရင် နိုင်ငံကိုအကျိုးမပြုတဲ့ဥပဒေတွေကို ပြင်ဆင်ဖို့က နိုင်ငံသားတွေရဲ့ တာဝန်တစ်ခုအနေနဲ့ အမျိုးသားဒီမိုကရေစီအဖွဲ့ချုပ်ကဆောင်ရွက်သွားမယ်လို့ ကျွန်မပြောချင်ပါတယ်”
နိုဝင်ဘာ ၂၃ ထုတ် The Myanmar Post အတွဲ (၃) အမှတ် (၄၅) တွင်ပါသည့် “ဖွဲ့စည်းပုံအခြေခံဥပဒေ NLD အတွက် မဟုတ်ဘဲ မြန်မာတစ်နိုင်ငံလုံးအတွက် ပြင်ဆင်သင့်ဟုဒေါ်အောင်ဆန်းစုကြည် ပြောကြား” သတင်းမှ ကောက်နှုတ်ချက်
*****************************************************************************
“၂၀၁၀ ရွေးကောက်ပွဲပြီးတော့၊ အစိုးရသစ်ရဲ့ ခြေလှမ်းတွေဟာ၊ ကျွန်တော်တို့ မျှော်လင့်ထားတာထက်တောင် မြန်ဆန် သွက်လက်လာတယ်။ သမ္မတသစ်နဲ့ ဒေါ်အောင်ဆန်းစုကြည်တို့ တွေ့တယ်။ မြစ်ဆုံကိစ္စမှာ မြန်မြန်ဆန်ဆန် လိုက်လျောလိုက်တယ်။ နိုင်ငံရေးပါတီများ မှတ်ပုံတင် ဥပဒေပြင်ပေးတယ်။ (တခြားအရွေ့တွေလည်းအများကြီးပါ) ဒီလိုပြောင်းလဲလာတဲ့ အခြေအနေတွေအပေါ် မှန်မှန်ကန်ကန် အကဲဖြတ်ပြီး ဒေါ်အောင်ဆန်းစုကြည်နဲ့ NLD က ပါတီမှတ်ပုံတင်ဖို့၊ ရွေးကောက်ပွဲဝင်ဖို့ ဆုံးဖြတ်လိုက်တာလို့ ထင်ပါတယ်။ အကျိုးဆက်က ၁၉၄၀ ပြည့်လွန် နှစ်များအတွင်း၊ ဖက်ဆစ်တော်လှန်ရေးနောက်ပိုင်း တစ်ခါမှ မပါခဲ့ဖူးသေးတဲ့ “အမျိုးသားသွေးစည်းညီညွတ်ရေး” အခင်းအကျင်းသစ်တစ်ခု ပထမဆုံးအကြိမ် လမ်းပွင့်လာပြီလို့ မျှော်လင့်မိတယ်။ ဒီအတွက် ဒေါ်အောင်ဆန်းစုကြည်နဲ့ NLD ရဲ့ အသားမကျတဲ့ “ပြောင်းလွယ်ပြင်လွယ်နိုင်စွမ်း (Flexibility) ကိုအသိအမှတ်ပြု ရပါလိမ့်မယ်။ သမ္မတကြီးရဲ့ သဘောထားကြီးမှုနဲ့ အမျှော်အမြင်ကိုလည်းကျေးဇူးတင်ပါတယ်”
နိုဝင်ဘာ ၂၃ ထုတ် The Express Times အတွဲ (၁) အမှတ် (၇) တွင်ပါသည့် “မြန်မာနိုင်ငံ၏ နိုင်ငံရေးအပြောင်းအလဲများအပေါ်” စာရေးဆရာ၊ အယ်ဒီတာကျော်ဝင်း၏ ပြောကြားချက်အပေါ် ကောက်နှုတ်ချက်
*****************************************************************************
မေး- အခုဟီလာရီကလင်တန်လာမယ့်ကိစ္စကိုဆရာဘယ်လိုမြင်လဲ။
ဖြေ- အင်မတန် ကြိုဆိုထိုက်ပါတယ်။ ဒါလည်း အကွက်တစ်ကွက်လို့ ကျွန်တော်မြင်ပါတယ်။ အကွက်က သုံးလေးကွက်လောက် ခွထားတာ။ မြန်မာကို အာဆီယံအသိုက်အဝန်းမှာ တွန်းတင်ပေးတာအပြင် ပထဝီနိုင်ငံရေး အနေအထားကိုပါ မြှင့်ပေးတာ။ တရုတ်ရဲ့ လောင်းရိပ်အောက်က ဆွဲထုတ်ပေးတာ။ သွေးရိုးသားရိုးအတိုင်း ဖြစ်ပေါ်တိုးတက်လာပြီး လမ်းကြောင်းကလည်း လမ်းမှန်ကမ်းမှန်ဆိုရင် ကျွန်တော်တို့ မြန်မာနိုင်ငံရဲ့ နိုင်ငံရေးသမိုင်းမှာ အချိုးအကွေ့ကြီးတစ်ခု မြင်ရဖို့ နီးလာပြီလို့ ထင်တယ်။ မီးငြိမ်းတောင်ပဲ ထပေါက်မလား။ ရတနာမိုးပဲ ရွှာမလားဆိုတာ ကျွန်တော် မပြောနိုင်ဘူး။ နိုင်ငံရေးမှာဘာကိုမှ မယုံနဲ့။ ဘာကိုမှ လျှော့မတွက်နဲ့။ အဖက်ဖက်ကနေ အပြန်ပြန်အလှန်လှန်စဉ်းစား။ လုပ်စရာရှိတာကိုသတိကြီးကြီးထားပြီးလုပ်။ စပါးခင်းကြီးမှည့်ဝင်းနေတာကိုချည်း တွက်ရေး စက်သူဌေးလုပ်မနေဖို့လိုတယ်။ လယ်ကြွက်တွေဖျက်ရင် အခါမဲ့မိုးရွာရင် စပါးပျက် တတ်တယ်။
နိုဝင်ဘာ ၂၃ ထုတ် The Express Times အတွဲ (၁) အမှတ် (၇) တွင်ပါသည့် “ပြည်သူ့ခေတ်ဂျာယ် ပင်တိုင်ဆောင်းပါးရှင် ဆရာကျော်စောမင်း”၏ ပြောကြားချက်အပေါ် ကောက်နှုတ်ချက်
*****************************************************************************
Google Docs makes it easy to create, store and share online documents, spreadsheets and presentations.
