Transparency Myanmar

{Yangon Chronicle 2010:1369} အကြီးတန်း အမေရိကန် ဆီနိတ်တာက မြန်မာနိုင်ငံ အပေါ် အရေးယူမှု အသစ်တဖန် ပြုရန် တိုက်တွန်း

Posted by Transparency Myanmar 2010

Thursday, May 6, 2010

VOA News, 5^th May 2010

မြန်မာ စစ်အစိုးရ ခေါင်းဆောင်များသည် ဒီမိုကရေစီ ပြုပြင် ပြောင်းလဲမှုများနှင့် ပတ်သက်၍ လက်ဆုပ်လက်ကိုင် ပြနိုင်သော တိုးတက်မှုများ ပြုလုပ်နိုင်ခြင်း မရှိသောကြောင့် ၎င်းတို့အပေါ် ပိုမို တင်းကြပ်သော အရေးယူမှုများ အသစ်တဖန် ပြုလုပ်ရန် အမေရိကန် ဆီနိတ် လူနည်းစု ခေါင်းဆောင် Mitch McConnell က အမတ်များကို တိုက်တွန်းလိုက်သည်။

ရီပတ်ဗလစ်ကင် အမတ် ဖြစ်သော McConnell က ဗုဒ္ဓဟူးနေ့က ဒီမိုကရက် ပါတီ ထိန်းချုပ်သော ဆီးနိတ်တွင် တစ်နှစ်တစ်ခါ အတည်ပြုရမည့် အရေးယူမှု ဥပဒေ တစ်ခုကို မိတ်ဆက်ပေးပြီး ထိုသို့ တောင်းပန် တိုက်တွန်းခဲ့ခြင်း ဖြစ်သည်။

၎င်းက ပြောကြားရာတွင် လက်ရှိ အမေရိကန်၏ အရေးယူမှုများကို ဆက်လက် ထားရှိရန်နှင့် အကယ်၍ ရုတ်သိမ်းပေးခဲ့ပါက မြန်မာ အစိုးရ လိုချင်သော တရားဝင်မှုကို ပေးလိုက်သကဲ့သို့ ဖြစ်သွားမည် ဖြစ်ကြောင်း ပြောခဲ့သည်။

McConnell က ဆက်လက် ပြောကြားရာတွင် အမေရိကန်နှင့် ကုလသမဂ္ဂတို့သည် မြန်မာ စစ်အစိုးရ အပေါ် နှစ်ပေါင်း နှစ်ဆယ် နီးပါး ဆက်ဆံရန် ကြိုးစားခဲ့သော်လည်း တိုင်းပြည်ကို ဒီမိုကရေစီ ပြန်လည် ဖော်ဆောင်ရေး အတွက် မည်သည့် တိုးတက်မှုမျှ မရခဲ့ကြောင်း ဆိုသည်။

ပြီးခဲ့သည့်နှစ်က Obama အစိုးရသည် မြန်မာနိုင်ငံ အပေါ် အထီးကျန်စေခြင်း၊ အရေးယူခြင်း တို့ထက် လက်တွေ့ကျသော ဆက်ဆံရေး ထူထောင်ရန် အလေးပေးသော အမေရိကန် မူဝါဒသစ်ကို ကြေညာခဲ့သည်။

သို့သော် Obama အစိုးရက လက်ရှိ အရေးယူ ပိတ်ဆို့မှုများကိုမူ ရုတ်သိမ်းခြင်း မပြုကြောင်း ပြောခဲ့သည်။ လက်ရှိ အရေးယူမှုတွင် မြန်မာနိုင်ငံတွင် နိုင်ငံရေး ပြုပြင်ပြောင်းလဲရေးနှင့် ပတ်သက်၍ အဓိက ခြေလှမ်းများ မပြုလုပ်မချင်း၊ အမေရိကန်တို့နှင့် ကုန်သွယ်ရေးကို လုံးဝ ပိတ်ထားမည် ဖြစ်သည်။

မြန်မာ အစိုးရသည် ယခုနှစ်တွင် ၁၉၉၀ နောက်ပိုင်း ပထမဆုံး ကျင်းပမည့် ရွေးကောက်ပွဲ ကျင်းပရန် ကတိပေးထားပြီး ဖြစ်သည်။ သို့သော် အဓိက အတိုက်အခံ ပါတီက ၎င်းတို့၏ အထိန်းသိမ်းခံ ခေါင်းဆောင် ဒေါ်အောင်ဆန်းစုကြည်အား ရွေးကောက်ပွဲ မဝင်နိုင်စေရန် တားဆီးထားသောကြောင့် ရွေးကောက်ပွဲကို သပိတ်မှောက်လျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:1368} မြောက်ကိုရီးယား ခေါင်းဆောင် ကင်ဂျုံအီး ဘေဂျင်းသို့ ရောက်

Posted by Transparency Myanmar 2010

comments (0)

BBC News, 5^th May 2010

မြောက်ကိုရီးယား ခေါင်းဆောင် ကင်ဂျုံအီသည် တရုတ်နိုင်ငံသို့ လျှို့ဝှက် ခရီးစဉ် အဖြစ် သွားရောက်စဉ် အတောအတွင်း တရုတ် ခေါင်းဆောင်များနှင့် ဆွေးနွေးပွဲများ ပြုလုပ်ရန် မျှော်လင့်ထားပြီး ယခု ဘေဂျင်းတွင် ရောက်ရှိနေသည်။

အဆိုပါ ခရီးစဉ်ကို ပြုံးယမ်းက အတည်ပြုခြင်း မရှိသော်လည်း တရုတ်သို့ ရထားဖြင့် ရောက်ရှိပြီးချိန်မှ စ၍ ကင်ဂျုံအီအား အကြိမ်ပေါင်း များစွာ တွေ့မြင်နေရပြီ ဖြစ်သည်။

တရုတ်သည် မြောက်ကိုရီးယား၏ အဓိက ကုန်သွယ်ဘက် ဖြစ်သလို မြောက်ကိုရီးယားကို ထိထိရောက်ရောက် လွှမ်းမိုးထားသော နိုင်ငံလည်း ဖြစ်သည်။

ဆွေးနွေးပွဲများသည် စီးပွားရေး အကူအညီနှင့် မြောက်ကိုရီးယား၏ နျူကလီယာ အစီအစဉ် အပေါ် စေ့စပ် ညှိနှိုင်းမှုများကို အဓိက ထားလိမ့်မည်ဟု မျှော်လင့်ရသည်။

ကင်ဂျုံအီအား ၂၀၀၆ တရုတ် ခရီးစဉ် နောက်ပိုင်း ပြည်ပ ခရီးသွားတော့မည် မဟုတ်ဟု မှန်းဆထားခဲ့ကြသည်။

၎င်း၏ ခရီးစဉ်များကို များသောအားဖြင့် ၎င်း ပြန်မရောက်မချင်း အတည်ပြုလေ့ မရှိသော်လည်း ၎င်း တရုတ်တွင် ရောက်ရှိနေကြောင်း ဓာတ်ပုံနှင့် မျက်မြင် သက်သေ သတင်းများ ထွက်ပေါ်လာသည်။

လမ်းများ ပိတ်ထားပြီ

'ကင်' ၏ သံချပ်ကာ မီးရထားသည် တနင်္လာနေ့တွင် နယ်စပ်ကို ဖြတ်ကျော်၍ တရုတ်နိုင်ငံသို့ ရောက်ရှိသွားသည်ဟု ယုံကြည်ရသည်။

၎င်းသည် ဘေဂျင်းသို့ မီးရထားဖြင့် မသွားမီ တရုတ် မြောက်ပိုင်းမြို့တော် ဒါလီယန်းနှင့် တီယန်ဂျင်ရှိ စက်ရုံများ၊ စက်မှုဇုံများ၊ ဆိပ်ကမ်းများကို ဝင်ရောက် လည်ပတ်ခဲ့ပြီး ဖြစ်သည်ဟု သတင်းများက ဖော်ပြသည်။

ပြည်ပ အရေးကြီး ပုဂ္ဂိုလ်များ ရောက်ရှိလျှင် နေထိုင်လေ့ ရှိသော ဘေဂျင်း ဒိုင်ယုတိုင် ဧည့်ရိပ်သာတွင် ဗုဒ္ဓဟူးနေ့က ကြီးမားသော မြောက်ကိုရီးယား အလံတပ် ယာဉ်တန်းကြီးကို တွေ့မြင်ရသည်။

လမ်းအချို့ကို ပိတ်ဆို့ထားခြင်း နှင့်အတူ ဧည့်ရိပ်သာ အနီးတဝိုက်ကို လုံခြုံရေး အထူး တင်းကြပ်ထားသည်။

ခရီးစဉ်၏ အဓိက အကြောင်းရင်းကို လျှို့ဝှက်ထားသည့် အတွက် တရုတ်ထံမှ 'ကင်' လိုချင်သော အရာကို သိရှိရန် ခက်ခဲသည်ဟု ဘီဂျင်းမှ BBC သတင်းထောက် Michael Bristow က ပြောကြားသည်။

သို့ရာတွင် ငွေကြေး ဖောင်းပွမှု ဖြစ်စေခဲ့သော မနှစ်က ငွေတန်ဖိုး ပြောင်းလဲမှု အကျပ်အတည်းမှ ရုန်းထရန် အတွက် ဘီဂျင်းထံမှ စီးပွားရေး အကူအညီရရန် ကြိုးစားခြင်း ဖြစ်ဖို့ များကြောင်း ဘီဘီစီ သတင်းထောက်က ပြောသည်။

ဘေဂျင်းကလည်း မြောက်ကိုရီးယားအား နျူကလီယာ ရည်မှန်းချက်များ စွန့်လွှတ်၍ ၆ နိုင်ငံ ဆွေးနွေးပွဲသို့ ပြန်လာရေးကို တိုက်တွန်းရန် ယခု ခရီးစဉ်ကို အသုံးချဖွယ် ရှိသည်ဟုလည်း ဆိုသည်။

စစ်သင်္ဘော ပေါက်ကွဲ နစ်မြုပ်မှုကြောင့် တောင် နှင့် မြောက် အကြား တင်းမာမှုများ ကြီးထွားနေသော အချိန်တွင် ယခု ခရီးစဉ် ထွက်ပေါ်လာခြင်း ဖြစ်သည်။

တောင်ကိုရီးယား ရေတပ် သင်္ဘော ချိုနန်သည် အကြောင်းရင်း မသိရသေးသော ပေါက်ကွဲမှုကြောင့် မတ်လ ၂၆ ရက်နေ့တွင် နစ်မြုပ်သွားခဲ့ပြီး သင်္ဘောသား ၄၆ ဦး သေဆုံးခဲ့သည်။

ထိုကိစ္စနှင့် ပတ်သက်၍ ဆိုးလ်က တိကျသော အစီရင်ခံစာ မထုတ်ပြန်သေးသော်လည်း အဆိုပါ ပေါက်ကွဲမှု နောက်ကွယ်တွင် မြောက်ကိုရီးယား ရှိနေသည်ဟု တောင်ကိုရီးယား အများစုက ယုံကြည်ထားသည်။

{Yangon Chronicle 2010:1367} မြန်မာ အစိုးရ အနေဖြင့် ပေးထားသော ကတိများ စောင့်ထိန်းရန် နောက်မကျသေး

Posted by Transparency Myanmar 2010

comments (0)

www.reliefweb.int, By UN Special Rapporteur, 5^th May 2010

မြန်မာ ပြည်သူများ လူ့အခွင့်အရေး နှင့်ပတ်သက်၍ ကြီးကြီးမားမား ခံစားခွင့် ရရှိစေမည့် အမျိုးသား ပြန်လည် ပေါင်းစည်းရေးနှင့် ငြိမ်းချမ်းစွာ အသွင် ကူးပြောင်းရေး ပြုလုပ်ရန် ပေးထားသော ကတိကို မှန်မှန်ကန်ကန် အကောင်အထည်ဖော် လုပ်ဆောင်ရန် ပါတီ မှတ်ပုံတင်ခွင့် နောက်ဆုံးရက် မတိုင်မီ မြန်မာနိုင်ငံဆိုင်ရာ ကုလ လူ့အခွင့်အရေး အထူးအရာရှိ Tomas Ojea Quintana က အစိုးရကို တိုက်တွန်းလိုက်သည်။

ကုလသမဂ္ဂ လူ့အခွင့်အရေး အထူး အရာရှိက ထုတ်ပြန်သော ကြေညာချက် အပြည့်အစုံမှာ အောက်ပါအတိုင်း ဖြစ်သည်။

မြန်မာနိုင်ငံတွင် လေးစား ယုံကြည်ထိုက်သော ရွေးကောက်ပွဲများ ဖြစ်ပေါ်စေမည့် အခြေအနေများ ဖန်တီးရန် ပြည်တွင်း၊ ပြည်ပမှ မေတ္တာရပ်ခံမှုများကို မြန်မာ အစိုးရက ယခုတိုင် တုန့်ပြန်ခြင်း မရှိပါ။ ယခုအခါ မြန်မာ အစိုးရ အနေဖြင့် ဒေါ်အောင်ဆန်းစုကြည် အပါအဝင် အပြစ်မရှိသော နိုင်ငံရေး အကျဉ်းသား အားလုံးကို အလွန် အရေးကြီးသော ရွေးကောက်ပွဲတွင် ပါဝင်နိုင်ရန် လွှတ်ပေးခြင်းဖြင့် မြန်မာ ပြည်သူတို့ အတွက် ငြိမ်းချမ်းမှုနှင့် ပြောင်းလဲ တိုးတက်မှု ရရှိရေးတွင် ၎င်းတို့၏ ရိုးသားမှုကို ပြသရမည့် အချိန်ပင် ဖြစ်သည်။

ယခုကဲ့သို့ အပြစ်မဲ့ အကျဉ်းသားများကို လွှတ်ပေးခြင်းဖြင့် ရွေးကောက်ပွဲ မဝင်ရန် ဆုံးဖြတ်ထားသော နိုင်ငံရေးပါတီများ ပြန်လည် စဉ်းစားလာကြမည် ဖြစ်ကာ သမိုင်းဝင် ထင်ရှားမည့် လုပ်ငန်းစဉ်တွင် နိုင်ငံသား အားလုံး တက်ကြွစွာ ပါဝင်ရေးကို ချောမွေ့စေလိမ့်မည် ဖြစ်သည်။

ရွေးကောက်ပွဲရက်ကို ထုတ်ပြန်ခြင်း မရှိသေးသော်လည်း မြန်မာ အစိုးရက မတ်လ ၉ ရက်တွင် အချိန် အတန်ကြာ မျှော်လင့် စောင့်စားနေကြသည့် ရွေးကောက်ပွဲ ဥပဒေများကို ထုတ်ပြန် ကြေညာခဲ့သည်။ အများနှင့်ဆိုင်သော နိုင်ငံရေး လုပ်ငန်းစဉ် ချို့တဲ့နေသည့် ယခု ရွေးကောက်ပွဲ ဥပဒေများသည် နိုင်ငံတကာ အသိုင်းအဝိုင်း၏ မျှော်မှန်းချက်များကို ဖြည့်ဆည်းမည့် လက္ခဏာ မရှိဟု ကုလသမဂ္ဂ အထွေထွေ အတွင်းရေးမှူးချုပ်က ထုတ်ပြန်ခဲ့သည်။ ဤကဲ့သို့ သုံးသပ်မှုကို ပညာရှင်များ၊ နိုင်ငံရေးသမားများ မြောက်များစွာနှင့် အာဆီယံ အပါအဝင် နိုင်ငံများစွာက ထောက်ခံခဲ့ကြသည်။

မိမိ ယခင်က ပြောကြားခဲ့သည့် အတိုင်း ယခု ရွေးကောက်ပွဲများ မြန်မာ ပြည်သူများ အတွက် အရေးကြီးပြီး လူ့အခွင့်အရေး အနေအထားများ အမှန်တကယ် တိုးတက်လာရေး အတွက် အခွင့်အလမ်းများကို ထောက်ပံ့ ဖြည့်ဆည်းပေးနိုင်မည် ဖြစ်သည်။ သို့ရာတွင် လာမည့် ရွေးကောက်ပွဲများ လက်ခံ ယုံကြည်ထိုက်ကြောင်းကို အစိုးရက သက်သေပြရန် လိုနေသည်။ အစိုးရသည် ပြည်သူတို့၏ အပြည့်အဝ ပါဝင်မှုကို တံခါးဖွင့်ပေးရမည်။ ပွင့်လင်း မြင်သာမှုကို ပြသရမည်။ ပြည်သူတို့၏ လွတ်လပ် မျှတစွာ ရွေးချယ်မှုကို ခွင့်ပြုသည့် အပြုအမူကိုလည်း လူကြီး လူကောင်းဆန်စွာ ပြသရမည်။

အကယ်၍ အပြစ်မဲ့ အကျဉ်းသား အားလုံးကို ခြွင်းချက်မရှိ၊ ချက်ချင်း လွှတ်ပေးမည် ဆိုပါက လက်ရှိ ရွေးကောက်ပွဲ ဥပဒေမှာ အပြစ်အနာ မကင်းသော်လည်း အားလုံး ပါဝင်ခွင့် ပိုမို ရရှိမည့် လုပ်ငန်းစဉ် ဖြစ်နိုင်ရန် အလားအလာ ရှိနေပါသေးသည်။ အမတ်လောင်းများ (သို့) ၎င်းတို့၏ ကိုယ်စားလှယ်များနှင့် လူထု၏ ရှေ့မှောက်တွင် မဲရေတွက်ခြင်း ကဲ့သို့သော မျှတသည့် ရွေးကောက်ပွဲ အတွက် စည်းကမ်းချက် အချို့မှာ ရွေးကောက်ပွဲ ဥပဒေတွင် အံဝင်ခွင်ကျ ပါဝင်နေသည်။ သို့သော်လည်း ရွေးကောက်ပွဲ ကော်မရှင်ကို အပ်နှင်းထားသော လုပ်ပိုင်ခွင့်များမှာ နိုင်ငံရေး ပါတီများ၏ လှုပ်ရှားမှုများကို နှောင့်နှေးစေနိုင်သည်။

အကယ်၍ လွတ်လပ်စွာ ပြောဆိုခွင့်နှင့် စည်းဝေးခွင့်ကို အပြည့်အဝ ခွင့်ပြုရန် အစိုးရက အာမခံချက် ပေးပါက အဆိုပါ တင်းကျပ်သော စည်းကမ်းများကို နားလည် လက်ခံပေးနိုင်မည့် အလားအလာ ရှိနေသည်။

ယခုကဲ့သို့ အထွေထွေ ရွေးကောက်ပွဲများ အတွက် ပြင်ဆင်နေသော အခြေအနေမျိုးတွင် မြန်မာ စစ်တပ်နှင့် အပစ်ရပ် အဖွဲ့များ အကြား တင်းမာမှု ကြီးထွားလာခြင်းသည် အနှောင့်အယှက် ဖြစ်စရာ သတင်းများ ဖြစ်နေသည်။ မိမိ အနေဖြင့် ထပ်မံ၍ အလေးအနက် ပြောကြားလိုသည်မှာ အမျိုးသား ပြန်လည် ပေါင်းစည်းရေးတွင် မြန်မာ ပြည်သူ အားလုံး ပါဝင်ရမည့် အချက်ပင် ဖြစ်သည်။ သို့ဖြစ်၍ မြန်မာ ပြည်သူများ လူ့အခွင့်အရေး နှင့်ပတ်သက်၍ ကြီးကြီးမားမား ခံစားခွင့် ရရှိစေမည့် အမျိုးသား ပြန်လည် ပေါင်းစည်းရေးနှင့် ငြိမ်းချမ်းစွာ အသွင် ကူးပြောင်းရေးကို ပြုလုပ်ရန် ကတိပေးထားခြင်းအား မှန်မှန်ကန်ကန် အကောင်အထည် ဖော်ရန် မြန်မာ အစိုးရ အတွက် နောက်မကျသေးပါဟု မိမိ အနေဖြင့် ယုံကြည်နေသည်။

Mr. Tomas Ojea Quintana ကို ကုလသမဂ္ဂ လူ့အခွင့်အရေး ကောင်စီက ၂၀၀၈ မေလတွင် ခန့်အပ် တာဝန်ပေးခဲ့ခြင်း ဖြစ်သည်။ ၎င်းသည် ကုလသမဂ္ဂ အထူးအရာရှိ တစ်ဦး အနေဖြင့် မည်သည့် အစိုးရ၊ မည်သည့် အဖွဲ့အစည်း၏ တစ်စုံတစ်ရာ ထိန်းချုပ်မှု မရှိဘဲ လွတ်လွတ်လပ်လပ် တစ်ဦးတည်း ဆောင်ရွက်ခြင်းဖြင့် တာဝန် ထမ်းဆောင်နေသည်။

{Yangon Chronicle 2010:1366} မြန်မာ အတိုက်အခံ ပါတီ နောက်ဆုံး အစည်းအဝေး ကျင်းပ

Posted by Transparency Myanmar 2010

comments (0)

www.radioaustralianews.net.au, 6^th May 2010

မြန်မာနိုင်ငံ၏ အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည်၏ ပါတီသည် ပါတီ ဖျက်သိမ်း မခံရမီ နောက်ဆုံး စုဝေးခြင်း အဖြစ် ပါတီ၏ ရုံးချုပ်တွင် ကျင်းပခဲ့သည်။

အမျိုးသား ဒီမိုကရေစီ အဖွဲ့ချုပ်သည် ရွေးကောက်ပွဲ ဥပဒေ အသစ်အရ ပါတီကို ပြန်လည် မှတ်ပုံတင်ခြင်း မပြုခဲ့ပါ။

ဥပဒေသစ်အရ ပါတီသည် ယနေ့ ညသန်းခေါင်ပြီးလျှင် တရားဝင် သက်တမ်းကုန်မည် ဖြစ်သည်။

ပါတီက ပြောကြားရာတွင် ရွေးကောက်ပွဲ ဥပဒေများသည် ဒီမိုကရေစီ မကျကြောင်း၊ တရားမျှတမှု မရှိကြောင်း၊ ထို့ကြောင့် ၎င်း၏ ပါတီ မှတ်ပုံ ပြန်လည် မတင်ခြင်းသည် ရွေးကောက်ပွဲကို သပိတ်မှောက်ခြင်းပင် ဖြစ်ကြောင်း ပြောသည်။

ပါတီ၏ ပြောရေးဆိုခွင့်ရ ပုဂ္ဂိုလ်က ပါတီ၏ ဆိုင်းဘုတ်ကို သော်လည်းကောင်း၊ ခွပ်ဒေါင်း အလံကို သော်လည်းကောင်း ဖြုတ်ချခြင်း မပြုရန် ဒေါ်အောင်ဆန်းစုကြည်က ညွှန်ကြားထားကြောင်း ပြောကြားခဲ့သည်ဟု Associated Press သတင်း အေဂျင်စီက သတင်း ပေးပို့ခဲ့သည်။

၎င်းက ပြောကြားရာတွင် ဒေါ်အောင်ဆန်းစုကြည်က သူမ၏ ကိုယ်စားလှယ်မှ တဆင့် ပါတီ အဖွဲ့ဝင်များသို့ သူမသည် ပြည်သူများကို လည်းကောင်း၊ သူမ၏ ဒီမိုကရေစီ အတွက် ရုန်းကန်မှုများကို လည်းကောင်း ဘယ်သောအခါမျှ ကျောခိုင်းလိမ့်မည် မဟုတ်ကြောင်း ပြောကြားခဲ့သည်ဟု သိရသည်။

{Yangon Chronicle 2010:1365} သတ္တုတူးဖော်ရေး လုပ်ငန်းခွင် မြေပြိုမှုအတွက် တရုတ်ကယ်ဆယ်ရေး လုပ်သားများ မြန်မာသို့ ဝင်ရောက်

Posted by Transparency Myanmar 2010

comments (0)

မြန်မာ-တရုတ် နယ်စပ်ဒေသအနီး သတ္တုတူးဖော်ရေး လုပ်ငန်းခွင်တစ်ခု၌ မြေပြိုမှု ဖြစ်ပွားရာတွင် သေဆုံး၊ ဒဏ်ရာရသူ တရုတ် အလုပ်သမားများအား ကယ်ဆယ်နိုင်ရေးအတွက် တရုတ်နိုင်ငံမှ ကယ်ဆယ်ရေး လုပ်သားများ မြန်မာနိုင်ငံအတွင်းသို့ ရောက်ရှိလာကြောင်း Xinhua သတင်းဌာနက ရေးသားဖော်ပြသည်။

မေလ ၃ ရက်နေ့ နေ့လယ်ပိုင်းက တရုတ်နယ်စပ်မှ ၃ ကီလိုမီတာ (၁ ဒဿမ ၈ မိုင်) အကွာ မြန်မာနိုင်ငံရှိ သတ္တုတွင်းတစ်ခု တွင် မြေပြိုမှု ဖြစ်ပွားရာ တရုတ်နိုင်ငံသား မိုင်းတွင်းလုပ်သား ၁၃ ဦး သေဆုံးခဲ့ကြောင်း Xinhua သတင်းဌာနက ဆိုသည်။ ဒဏ်ရာရရှိသူ ကျန် ၅ ဦးကို ယူနန်ပြည်နယ်၊ Tengchong မြို့ဆေးရုံသို့ ခေါ်ဆောင်သွားကြောင်း၊ နှစ်ဦးမှာ ယနေ့အချိန်အထိ ပျောက်ဆုံး နေသေးကြောင်း သိရသည်။

တရုတ်သည် သဘာဝ သယံဇာတ ပေါကြွယ်ဝသူ မြန်မာနိုင်ငံ၏ အဓိကကျသော မိတ်ဆွေနိုင်ငံ ဖြစ်သည်။ တရုတ်နိုင်ငံမှ ဧရာမစီးပွားရေးသမားကြီးများသည် မြန်မာနိုင်ငံ နယ်စပ်ဒေသ အနီးရှိ သတ္တုတူးဖော်ရေး၊ သစ်ထုတ်လုပ်ရေး စသည့် လုပ်ငန်းများတွင် ကြီးစိုးလျက် ရှိသည်။ ယခု သတ္တုတွင်း မြေပြိုမှု ဖြစ်ပွားပြီးနောက် တရုတ်ပြည်မှ ကယ်ဆယ်ရေး လုပ်သား ၁၄၀ ကျော်နှင့် ကယ်ဆယ်ရေး စက်ယန္တရားကြီးများပါ အခင်းဖြစ်ပွားရာ နေရာသို့ ဝင်ရောက် လာကြကြောင်း၊ ပျောက်ဆုံး နေသူများကိုလည်း ရှာဖွေလျက် ရှိကြောင်း Xinhua က တရုတ် ကွန်မြူနစ် ပါတီဝင် တစ်ဦး၏ ပြောဆိုချက်ကို ကိုးကား ဖော်ပြသည်။

တရုတ်နိုင်ငံသည် မြန်မာနိုင်ငံတွင်း တည်ငြိမ် အေးချမ်းမှု ဖြစ်ထွန်းရေးကို လိုလိုလားလား ဖြစ်လျက် ရှိသည်။ အကြောင်းမှာ ကြီးထွားလာသော စီးပွားရေး လုပ်ငန်းများအတွက် လိုအပ်သော စွမ်းအင်ကို မြန်မာနိုင်ငံမှ ပိုက်လိုင်းဖြင့် သွယ်တန်းလျက် ရှိသောကြောင့် ဖြစ်သည်။ မြန်မာနိုင်ငံ နယ်စပ်ဒေသ အတော်များများမှာ ဗဟိုအစိုးရထက် တိုင်းရင်းသား လက်နက်ကိုင် အုပ်စုများ၏ ကိုယ်ပိုင် ထိန်းချုပ်မှု လက်အောက်တွင် ရှိသည်။ မြန်မာစစ်အစိုးရက တရုတ်နယ်စပ် အနီးရှိ ကိုးကန့်ဒေသ ပြဿနာကို ၂၀၀၉ ခုနှစ်အတွင်း စစ်အင်အားသုံးကာ ဖြေရှင်းခဲ့သောကြောင့် နယ်စပ်ဒေသများ တင်းမာမှုမှာ ယခင်ကထက် ပိုမို ကြီးထွားလျက် ရှိသည်။

NY Times မှ သတင်းကို ဘာသာပြန်ဆိုသည်။

{Yangon Chronicle 2010:1364} အီရန် နျူ ပြဿနာအတွက် တရုတ်နှင့်ရုရှား သမ္မတနှစ်ဦး မော်စကိုတွင် တွေ့ဆုံ ဆွေးနွေးမည်

Posted by Transparency Myanmar 2010

comments (0)

အီရန်နိုင်ငံ၏ လိပ်ခဲတည်းလည်းဖြစ်နေသော နျူကလီယာ ပြဿနာနှင့် ပတ်သက်၍ တရုတ်နိုင်ငံ သမ္မတ ဟူဂျင်းတောင်က ယခု ရက်သတ္တပတ်တွင် မော်စကိုမြို့သို့ သွားရောက် လည်ပတ်ပြီး ရုရှား ခေါင်းဆောင်နှင့် တွေ့ဆုံ ဆွေးနွေးမည် ဖြစ်ကြောင်း တရုတ်အစိုးရ၏ ပြောရေးဆိုခွင့်ရှိသူ အရာရှိတစ်ဦးက ဆိုသည်။ ရုရှားနှင့် တရုတ် နှစ်နိုင်ငံတွင် အဆိုပါကိစ္စအပေါ် တူညီသော အမြင်များ ရှိသည်ဟုလည်း ဆိုသည်။

သမ္မတ ဟူဂျင်းတောင်သည် မေလ ၈ ရက်နှင့် ၉ ရက် မော်စကို ခရီးစဉ်အတွင်း ရုရှားသမ္မတ ဒီမစ်ထရီမီဒီဒက်၊ ဝန်ကြီးချုပ် ဗလာဒီမာပူတင်တို့နှင့် တွေ့ဆုံမည် ဖြစ်ကြောင်း၊ တရုတ် သမ္မတသည် ဒုတိယ ကမ္ဘာစစ် အဆုံးသတ်ခြင်း ၆၅ နှစ်မြောက် အထိမ်းအမှတ် အခမ်းအနားများသို့ တက်ရောက်မည် ဖြစ်ကြောင်း ၎င်းက ဆိုသည်။

"အီရန် နျူကလီယာ အရေးကိစ္စ အပါအဝင် နိုင်ငံတကာနဲ့ ဒေသတွင်း အကျိုးစီးပွား ကိစ္စတွေ အပေါ် နှစ်နိုင်ငံ ခေါင်းဆောင်တွေ အမြင်ချင်း ဖလှယ်ကြမှာ ဖြစ်ပါတယ်" ဟု တရုတ် ဒုတိယ နိုင်ငံခြားရေး ဝန်ကြီး Cheng Guoping က သတင်းစာ ဆရာများကို ပြောကြားသည်။

"တရုတ်နဲ့ ရုရှားနှစ်နိုင်ငံဟာ အီရန်နျူကလီယာ ပြဿနာအပေါ် တူညီတဲ့ အမြင်တွေ ရှိကြပါတယ်" ဟု ၎င်းက ပြောကြားသည်။

အီရန်သည် ပေါင်းသင်းရန် ခက်ခဲသော မဟာမိတ်နိုင်ငံ ဖြစ်ပြီး အီရန်နိုင်ငံက ခုခံ ပြောဆိုနေသည့် နျူကလီယာ အစီအစဉ်များနှင့် ပတ်သက်၍ ပိတ်ဆို့ အရေးယူမှုများ ပြုလုပ်ရမည် ဟူသော သတိပေးချက်များမှာ ပယ်ဖျက်၍ မရနိုင်သော ကိစ္စ ဖြစ်လာနိုင်ဖွယ် ရှိကြောင်း ရုရှား နိုင်ငံခြားရေး ဝန်ကြီး Sergei Lavrov က ဧပြီလ ကုန်ပိုင်းတွင် ပြောကြားသည်။

အီရန်သည် လက်နက် တပ်ဆင် ထုတ်လုပ်မှုကို ဖုံးကွယ်နိုင်ရေးအတွက် အရပ်သုံး နျူကလီယာ စွမ်းအင် အစီအစဉ်ကို ထုတ်ပြောနေခြင်း ဖြစ်နိုင်သည်ဟု အမေရိကန် ပြည်ထောင်စု၊ ဥရောပနှင့် အခြားသော နိုင်ငံများက စိုးရိမ်လျက် ရှိပြီး အီရန်အပေါ် ပိတ်ဆို့ အရေးယူမှု ပြုလုပ်နိုင်မည့် နည်းလမ်းများလည်း ရှာဖွေလျက် ရှိသည်။ အီရန်အစိုးရက စွပ်စွဲ ပြောဆိုချက်များမှာ မဟုတ် မမှန်ကြောင်း ထပ်ခါတလဲလဲ ငြင်းဆိုလျက် ရှိသည်။

သို့သော် ကုလသမဂ္ဂ လုံခြုံရေး ကောင်စီတွင် ဗီတိုအာဏာ သုံးပိုင်ခွင့်ရှိသည့် နိုင်ငံတစ်ခု ဖြစ်သော တရုတ်ကမူ အီရန်အပေါ် ပိတ်ဆို့အရေးယူမည့် ကိစ္စအပေါ် အင်တင်တင် ဖြစ်နေသည့် သဘောတွင် ရှိသည်။ အကြောင်းမှာ အီရန်သည် တရုတ်နိုင်ငံ၏ စွမ်းအင် အခန်းကဏ္ဍ လည်ပတ်နိုင်ရေးအတွက် အရေးကြီးသော နိုင်ငံတစ်ခု ဖြစ်နေသောကြောင့် ဖြစ်သည်။

တရုတ်ကဲ့သို့ပင် လုံခြုံရေးကောင်စီတွင် ဗီတိုအာဏာ သုံးပိုင်ခွင့် ရှိသော ရုရှားနိုင်ငံ သမ္မတ ဒီမစ်ထရီ မီဒီဒက်ကလည်း အီရန်နိုင်ငံအပေါ် ပိတ်ဆို့ အရေးယူမှုများ ထပ်မံ မပြုလုပ်သင့်ကြောင်း၊ သို့သော် နျူကလီယာ အစီအစဉ်ကြောင့် လူပေါင်းများစွာ ထိခိုက် ဆုံးရှုံးမှုများ ဖြစ်ပေါ်အောင် မပြုလုပ်သင့်ကြောင်း ထပ်ခါတလဲလဲ ပြောဆိုထားသည်။

ယခု တရုတ်သမ္မတ ဟူဂျင်းတောင်၏ ရုရှား ခရီးစဉ်သည် အနာဂတ်ကာလ နှစ်နိုင်ငံ ဆက်ဆံရေး ခိုင်မာရေးအတွက် အရေးကြီးသော ဖြစ်ရပ်တစ်ခု ဖြစ်ကြောင်း၊ တရုတ်-ရုရှား နှစ်နိုင်ငံ ဆက်ဆံရေးသည် လွန်ခဲ့သော ၆၅ နှစ်တာ ကာလအတွင်း ဂျာမနီနှင့် ဂျပန်တပ်ဖွဲ့များ အပေါ် အနိုင်ရရှိလိုက်သည့် အချိန်မှ စတင်ခဲ့ခြင်း ဖြစ်ကြောင်း တရုတ် ဒုတိယ နိုင်ငံခြားရေး ဝန်ကြီးက ဆိုသည်။

"နှစ်ဖက်စလုံးကြားမှာ ရှိတဲ့ ခင်မင်ရင်းနှီးမှုဟာ ဖက်ဆစ်စနစ် ဆန့်ကျင် တိုက်ဖျက်ရေးမှာ ကျဆုံးခဲ့တဲ့ သွေးတွေနဲ့ တည်ဆောက်ထားတာပါ။ အဲဒါကြောင့် နှစ်နိုင်ငံ ဆက်ဆံရေးဟာ အပြည့်အဝ တောင့်တင်း ခိုင်မာသလို ဘယ်တော့မှလည်း ပျက်ယွင်းသွားမှာ မဟုတ်ပါဘူး" ဟု ၎င်းက ဆိုသည်။

အီရန်နိုင်ငံအပေါ် ပိတ်ဆို့အရေးယူမှု အစီအမံသစ်များ ပြုလုပ်ပါက အမေရိကန် ပြည်ထောင်စုနှင့် သံတမန် ဆက်ဆံရေး တံခါးကို အပြီးသတ် ပိတ်ပင်မည် ဖြစ်ကြောင်း အီရန် သမ္မတ အာမက်ဒီနီဂျက်က သတိပေး ပြောဆိုမှု ထွက်ပေါ်လာပြီးနောက် ရုရှားနှင့်တရုတ် နှစ်နိုင်ငံ တွေ့ဆုံ ဆွေးနွေးမည့် ကိစ္စ ဖြစ်ပေါ်လာခြင်း ဖြစ်သည်။

"အီရန်နဲ့ အမေရိကန်ကြား တိုးတက်ဖြစ်ထွန်းမှု ရှိတဲ့ ဆက်ဆံရေးတွေ အားလုံးကို ပိတ်ပင် ဖြတ်တောက်ပစ်မှာပါ" ဟု အာမက်ဒီနီဂျက်က သတင်းထောက်များကို ပြောကြားသည်။ "တကယ်လို့ ပိတ်ဆို့ အရေးယူမှုသစ်တွေ ထပ်လုပ်မယ် ဆိုရင် အီရန်နဲ့ အမေရိကန် ဆက်ဆံရေးဟာ ယခင် အမေရိကန် သမ္မတ ဂျော့ဒဗလျူဘွတ်ရှ် လက်ထက်ကလို ထိပ်တိုက် ရင်ဆိုင်ရမယ့် ကိန်းမျိုး ပြန်ဆိုက်သွားမယ်။ အခု သမ္မတ အိုဘားမား ကြိုးစား ရှာဖွေနေတဲ့ စေ့စပ် ညှိနှိုင်းရေး ပုံမျိုးဖြစ်လာဖို့ မလွယ်ပါဘူး" ဟု ၎င်းက ဆိုသည်။

AFP သတင်းကို ဘာသာပြန်ဆိုသည်။

{Yangon Chronicle 2010:1363} နှစ်နှစ် ကြာသော်လည်း နာဂစ် ဒုက္ခသည်များ အကူအညီ လိုအပ်နေဆဲ

Posted by Transparency Myanmar 2010

comments (0)

နာဂစ်မုန်တိုင်းတွင် အသက်ရှင် ကျန်ရစ်သော မြန်မာ ဒုက္ခသည်များ အနေဖြင့် ယခုနှစ် မုတ်သုန် ရာသီဥတုနှင့် ရင်ဆိုင်ရတော့မည် ဖြစ်သည်။ နာဂစ် ဒုက္ခသည်များအတွက် ပေးအပ်မည်ဟု ကတိပြုထားသော ရန်ပုံငွေ စုစုပေါင်း၏ လေးပုံတစ်ပုံခန့်ကိုသာ ကယ်ဆယ်ရေးနှင့် ပြန်လည် နေရာ ချထားရေး လုပ်ငန်းစဉ်များ အတွက် အသုံးပြုထားသေးသည်။

အဆိုပါ နာဂစ် ဒုက္ခသည်များအတွက် ယခုနှစ်တွင်း အကူအညီနှင့် အထောက်အပံ့များ ပေးနိုင်ရန် နိုင်ငံတကာ အကူအညီပေးရေး အေဂျင်စီ ဖြစ်သော Oxfam က ထပ်တိုး ရန်ပုံငွေ ချထားပေးရန် တောင်းဆိုလိုက်ကြောင်း သိရသည်။ ယခု ၂၀၁၀ ပြည့်နှစ်၊ မုတ်သုံ ရာသီဥတုသည် မကြာမီ ကာလအတွင်း ကျရောက်တော့မည် ဖြစ်ရာ နာဂစ် ဒုက္ခသည်များအတွက် ခိုလှုံ နေထိုင်စရာ ရရှိရေး၊ စိုက်ပျိုးရေး လုပ်ငန်းအတွက် အထောက်အကူ ပစ္စည်းများ ရရှိရေး ဟူသည် ယခုအခါ ခြိမ်းခြောက်မှု တစ်ရပ် ဖြစ်နေကြောင်း Oxfam က ဆိုသည်။

"မြန်မာနိုင်ငံက နာဂစ် ဒုက္ခသည်တွေကို အကူအညီ ပေးလာတာ အခုဆိုရင် နှစ်နှစ်တာမျှ ရှိလာပြီ ဖြစ်ပါတယ်။ ဒါပေမဲ့ အကူအညီပေးရေး လုပ်ငန်းတွေ အတွက် နိုင်ငံတကာက ပေးမယ်လို့ ကတိပြုထားတဲ့ ရန်ပုံငွေရဲ့ လေးပုံတစ်ပုံသာ အသုံးပြုရပါသေးတယ်။ တကယ်လို့ ဒုက္ခသည် ပြည်သူတွေ အနေနဲ့ နေထိုင်စရာ အလုံအလောက် မရဘူးဆိုရင် ကယ်ဆယ်ရေးနဲ့ ပြန်လည် ထူထောင်ရေး လုပ်ငန်းတွေ အောင်မြင်မှု ရှိတယ်လို့ မပြောနိုင်ပါဘူး။ သောက်သုံးရေ ရရှိရေး၊ ရေစနစ် ကောင်းမွန်ရေးနဲ့ လူမှုစီးပွား၊ အလုပ်အကိုင်ကောင်းတွေ ရရှိရေး တို့အတွက် ငွေကြေး ထောက်ပံ့မှုတွေ ထပ်မံ လိုအပ်နေပါတယ်။ မြန်မာနိုင်ငံမှာ နာဂစ်မုန်တိုင်း ကျရောက်ပြီး ဒုက္ခရောက်နေတဲ့ ပြည်သူတွေ၊
အပျက်အစီးတွေကို TV ကနေတစ်ဆင့် တွေ့ကြတော့ နိုင်ငံတကာ အသိုင်းအဝိုင်းက ရက်ရက်ရောရောပဲ လှူဒါန်းခဲ့ကြပါတယ်။ အခု အချိန်မှာ ဂရုမစိုက်ဘဲ နေလို့ မသင့်တော်ပါဘူး" ဟု Oxfam မှ ပြောခွင့်ရ ပုဂ္ဂိုလ် Grace Ommer က ဆိုသည်။

မြန်မာအစိုးရ အပါအဝင် အာဆီယံ နိုင်ငံများနှင့် ကုလသမဂ္ဂတို့ ဖွဲ့စည်းထားသော သုံးဦး ကော်မတီ ပုံစံအဖွဲ့ ဖြစ်သည့် Tripartite Core Group က နာဂစ် ကယ်ဆယ်ရေး နှင့် ပြန်လည် နေရာချထားရေး လုပ်ငန်းစဉ် များအတွက် ၂၀၀၉- ၂၀၁၁ နှစ်ကာလအတွင်း အမေရိကန် ဒေါ်လာ ၆၉၁ သန်းခန့် ပေးအပ်မည်ဟု သတ်မှတ်ခဲ့သော်လည်း ယခု အချိန်အထိ ဒေါ်လာ သန်း ၁၈၀ သာ ရရှိသေးသည်။

Oxfam အဖွဲ့၏ သတင်းကို ဘာသာပြန်ဆိုသည်။

{Yangon Chronicle 2010:1362} နယူးယောက်မြို့ ကားဗုံးဖောက်ရန် ကြိုးပမ်းသူ ပါကစ္စတန်ဖွား အမေရိကန် နိုင်ငံသားအား ဖမ်းမိ

Posted by Transparency Myanmar 2010

comments (0)

အမေရိကန် ပြည်ထောင်စု၊ နယူးယောက်မြို့ တိုင်းစကွဲယား (Times Square) အား ဗုံးဖောက်ခွဲရန် ကြိုးပမ်း အားထုတ်သူဟု သံသယရှိခြင်း ခံရသူ ပါကစ္စတန်ဖွား အမေရိကန် နိုင်ငံသား တစ်ဦးအား ရဲတပ်ဖွဲ့ဝင်များက JFK လေဆိပ်တွင် ဖမ်းဆီး ရမိလိုက်ကြောင်း သတင်းများက ဆိုသည်။

အဖမ်းခံရသူမှာ Faisal Shahzad (အသက်-၃၀ အရွယ်) ဆိုသူ ဖြစ်ပြီး ၎င်းသည် JFK လေဆိပ်မှ ဒူဘိုင်းနိုင်ငံသို့ ထွက်ပြေးရန် ကြိုးပမ်းစဉ် အဖမ်းခံလိုက်ရခြင်း ဖြစ်သည်။ FBI ၏ အဆိုအရ မစ္စတာ Shahzad သည် ပါကစ္စတန် နိုင်ငံတွင် မွေးဖွားခဲ့ပြီး ၎င်းနှင့် ဆက်နွှယ်နေသော ပြည်ပ အကြမ်းဖက် အုပ်စုများကိုလည်း လိုက်လံ စုံစမ်းလျက် ရှိကြောင်း သိရသည်။ အမေရိကန် ရှေ့နေချုပ် Eric Holder က "မစ္စတာ Shahzad ဟာ JFK လေဆိပ်ကနေ ဒူဘိုင်းကို ထွက်ပြေးဖို့ လုပ်နေတာပါ။ သူ့ကို လေဆိပ်ကနေ အချုပ်ထဲကို တစ်ခါတည်း ခေါ်ဆောင်သွားပါတယ်" ဟု အရေးပေါ် ပြုလုပ်သော သတင်းစာ ရှင်းလင်းပွဲ၌ ပြောကြားသည်။

အခြားသော သတင်း ပေးပို့ချက်များ အရ ဗုံးဖောက်ခွဲရန် ကြိုးပမ်းသူသည် Connecticut မြို့တွင် နေထိုင်ပြီး ပါကစ္စတန်နိုင်ငံသို့ ငါးလတာမျှ သွားရောက်ခဲ့ကာ မကြာသေးခင် ကာလက ပြန်လည် ရောက်ရှိလာခြင်း ဖြစ်သည်။ သူသည် ပါကစ္စတန်နိုင်ငံ၊ ပက်ရ်ှဝါသို့ သွားရောက် လည်ပတ်ခဲ့ခြင်း ဖြစ်သည်။ ပက်ရ်ှဝါသည် အယ်လ်ကေးဒါးနှင့် တာလီဘန် အုပ်စုများ လူသစ် စုစည်းရာ မြို့တစ်မြို့လည်း ဖြစ်သည်။

"စုံစမ်း စစ်ဆေးမှုတွေကို ဆက်လက် လုပ်ဆောင်နေပါတယ်။ ထောင့်ပေါင်းစုံကနေ လုပ်နေတာပါ။ ပြောရရင် ဒီကိစ္စက အင်မတန် ရက်စက် ကြမ်းကြုတ်တဲ့ ကိစ္စတစ်ခုပါ" ဟု မစ္စတာ Holder က ဆက်လက် ပြောဆိုသည်။

"ကျွန်တော်တို့ အသေးစိတ် ဆက်လုပ်မှာပါ။ ဘယ်လို လုပ်မလဲ ဆိုရင် တိုင်းစကွဲယား ဗုံးဖောက်ခွဲဖို့ ကြိုးပမ်းတဲ့ နေရာမှာ တာဝန်ရှိတဲ့သူကို စုံစမ်း ဖော်ထုတ်ရုံတင် မကပါဘူး။ ပြည်ပမှာ ရှိတဲ့ အကြမ်းဖက် အုပ်စုတွေကိုပါ ဖော်ထုတ်သွားမှာပါ။ ဒီကိစ္စကို ကြည့်ရင် အမေရိကန် ပြည်သူတွေကို သတ်ဖို့ ကြိုးပမ်းတယ်ဆိုတာ ရှင်းနေပါတယ်" ဟုလည်း ပြောကြားခဲ့သည်။

FBI နှင့် အခြားသော ဥပဒေရေးရာ အေဂျင်စီများက ပူးတွဲ ထုတ်ပြန်သော ကြေညာချက်အရ မစ္စတာ Shahzad အား အမေရိကန် ပြည်တွင်း လုံခြုံရေးဌာနနှင့် လူဝင်မှု ကြီးကြပ်ရေးဌာနတို့က မည်သူမည်ဝါ ဖြစ်သည်ဟု တွေ့ရှိခဲ့ကြောင်း၊ သူသည် ဒူဘိုင်းသို့ လေယာဉ်ဖြင့် သွားရန် ကြိုးပမ်းခဲ့ခြင်း ဖြစ်ကြောင်း သိရသည်။

အမေရိကန် ထောက်လှမ်းရေး အရာရှိများသည် မေလ ၂ ရက်နေ့တွင် နယူးယောက်မြို့၊ တိုင်းစကွဲယား၌ မသင်္ကာဖွယ် Nissan Pathfinder အမျိုးအစား မော်တော်ယာဉ် တစ်စီးကို ရှာဖွေ တွေ့ရှိခဲ့ရာ မော်တော်ယာဉ်ပေါ်တွင် ပေါက်ကွဲစေနိုင်သည့် ဗုံးလက်နက်များ တွေ့ရှိခဲ့ကြသည်ဟု ABC သတင်းက ဆိုသည်။

အမေရိကန် အာဏာပိုင်များ၏ အဆိုအရ မစ္စတာ Shahzad သည် လွန်ခဲ့သည့် ရက်သတ္တပတ် (ဧပြီလ နောက်ဆုံးပတ်) လောက်က Nissan Pathfinder ကားတစ်စီးကို အမေရိကန်ဒေါ်လာ ၁၃၀၀ ဖြင့် ဝယ်ယူခဲ့ခြင်း ဖြစ်သည်။ အဆိုပါ မော်တော်ယာဉ် ဝယ်ယူရာတွင် Credit Card ကို အသုံးမပြုဘဲ ဒေါ်လာ ၁၀၀ တန် ငွေစက္ကူများဖြင့် လက်ငင်း ပေးချေခြဲ့ခင်း ဖြစ်သည်။

နယူးယောက်မြို့ ရဲတပ်ဖွဲ့မှ Commissioner ဖြစ်သူ Raymond Kelly က တိုင်းစကွဲယားတွင် မသင်္ကာဖွယ် လူနှစ်ဦးကို စီစီတီဗီ ကင်မရာဖြင့် မှတ်တမ်း တင်နိုင်ခဲ့သည်ဟု ဦးစွာ ထုတ်ဖော်သည်။ ထိုအထဲမှ တစ်ဦးမှာ အစိမ်းရောင် Nissan Pathfinder မော်တော်ကား အနီးမှ လမ်းလျှောက် ထွက်ခွာသွားပြီး ထိုသူ၏ အမူအယာမှာ ခိုးကြောင့်ခိုးဝှက် ပုံစံမျိုး ဖြစ်နေသည်ဟု ဆိုသည်။ မော်တော်ယာဉ်ကို တိုးရစ် အများအပြား စုဝေးသွားလာရာ နေရာတွင် ရပ်ထားခဲ့ခြင်း ဖြစ်သည်။ ရဲများက သွားရောက် စစ်ဆေးရာတွင် Nissan Pathfinder ယာဉ်ပေါ်တွင် အချိန်ကိုက် ကိရိယာများ၊ မီးလောင်ပစ္စည်းများ၊ ဓာတ်ဆီများ၊ ပရိုပိန်း ဓာတ်ငွေ့ဘူးများ ပါဝင်သည်ကို တွေ့ရှိခဲ့ကြသည်။

ယခုဖြစ်ရပ်သည် ၂၀၀၁ ခုနှစ်၊ စက်တင်ဘာ ၁၁ ကမ္ဘာ့ကုန်သွယ်ရေး ဗဟိုဌာနအား လေယာဉ်ပျံများဖြင့် အကြမ်းဖက် တိုက်ခိုက်မှု ဖြစ်ပွားပြီးနောက် အကြီးမားဆုံး အကြမ်းဖက်ရန် ကြိုးပမ်းမှု ဖြစ်ကြောင်း သိရသည်။ စက်တင်ဘာ ၁၁ အကြမ်းဖက်မှုတွင် လူပေါင်း ၃၀၀၀ ခန့် သေဆုံးခဲ့ရသည်။

ယခု တိုင်းစကွဲယား အကြမ်းဖက် ဖောက်ခွဲရန် ကြိုးပမ်းမှုအတွက် တာဝန်ရှိသည့် အုပ်စုမှာ ပါကစ္စတန် လက်နက်ကိုင် အုပ်စုဖြစ်သော Tehreek-e-Taliban ဖြစ်သည်ဟု ဆိုသည်။ သို့သော် Bloomberg သတင်းဌာနက မဟုတ်မမှန်ကြောင်း ငြင်းဆိုသည်။

မည်သို့ဆိုစေ ပါကစ္စတန် တာလီဘန် ခေါင်းဆောင် Hakimullah Mehsud အမေရိကန် ပြည်ထောင်စု၏ အထင်ကရ မြို့ကြီးများကို ပစ်မှတ်ထား တိုက်ခိုက်သွားမည် ဟူသည့် သတိပေးချက် ပါသော ဗွီဒီယို မှတ်တမ်းခွေ တစ်ခု ထွက်ပေါ်ခဲသည်။ သို့သော် Hakimullah Mehsud မှာ လွန်ခဲ့သည့် လအနည်းငယ်က သေဆုံးသွားပြီဟုလည်း သိရသည်။

နောက်ထပ် ဖြစ်နိုင်ခြေ ရှိသော အချက်မှာ ဂျီဟတ်အုပ်စုများနှင့် ဆက်နွယ်သည် ဟူသော အချက်ပင် ဖြစ်သည်။ ၂၀၀၇ ခုနှစ် ဗြိတိန်နိုင်ငံ၊ လန်ဒန်မြို့ ဖျော်ဖြေရေး ရပ်ကွက်တစ်ခုတွင် မော်တော်ကားဗုံး ဖောက်ကွဲရန် ဂျီဟတ်အုပ်စုများက ကြိုးပမ်းခဲ့သော်လည်း အောင်မြင်မှု မရရှိခဲ့ပေ။

AFP သတင်းကို ဘာသာပြန်ဆိုသည်။

{Yangon Chronicle 2010:1361} ၈၈ မင်းကိုနိုင် အုပ်စု၏ သဘောထား ကျေညာချက်

Posted by Transparency Myanmar 2010

Wednesday, May 5, 2010

comments (0)

၈၈ မင်းကိုနိုင် အုပ်စု၏ သဘောထား ကျေညာချက်

(အကျဉ်းခံ ၈၈ ကျောင်းသား ခေါင်းဆောင် များကိုယ်စား လှမျိုးနောင် ရေးသား ပေးပို့သည့် ရွေးကောက်ပွဲကို သပိတ် မမှောက်သင့်ကြောင်း ကျေညာချက်သည် အကျိုးအကြောင်း နှင့် များစွာ အစွဲကင်းစင် သောကြောင့် ဦးညွတ် အလေးပြုလိုက်ပါသည်။ Chronicle အယ်ဒီတာ။)

• သူရဲဘောကြောင်ပြီးရွေးကောက်ပွဲကိုရှောင်လွှဲချင်အကြောင်းပြစရာတွေအများကြီးရှိနိုင်ပါတယ်။

ဒါပေမယ့် ပါတီကို စတေးရလောက်အောင်တော့ ဘယ်အကြောင်းပြချက်ကမှ ယုတ္တိတန်မှာ

မဟုတ်ဘူး။

• ၂၀၀၈ ခုနှစ် နိုဝင်ဘာလ ၁၅ ရက်နေ့မှာ မင်းကိုနိုင်၊ ကိုကိုကြီး၊ ဌေးကြယ်၊ မြအေး၊ ပြုံးချို၊

အောင်သူ၊ လှမျိုးနောင်၊ ဥာဏ်လင်း၊ မျိုးအောင်နိုင်တို့ဟာ ၂၀၁၀ ရွေးကောက်ပွဲနဲ့ပတ်သက်ပြီး

၈၈" ရဲ့သဘောထား နှစ်ချက်ကို ထုတ်ပြန်ကြေငြာဖို့ သဘောတူဆုံးဖြတ်ခဲ့ကြတယ်။

• အဲဒီလိုထုတ်ပြန်ရတဲ့ ရည်ရွယ်ချက်တွေထဲမှာ အန်တီလွတ်မြောက်လာတဲ့အခါ ဒီရွေးကောက်ပွဲနဲ့

ပတ်သက်ပြီး အလေးထားစဉ်းစားစေချင်တာကလည်း အချက်တစ်ချက်အနေနဲ့ပါဝင်တယ်။

• ဒါကို ပိုထင်ရှားအောင်ပြောရရင် ၂၀၀၈ စက်တင်ဘာလအတွင်းက ပါတီရဲ့ထုတ်ပြန်ကြေငြာ

ချက်နဲ့ ပတ်သက်ပြီး စိုးရိမ်မကင်းဖြစ်မိတာကလည်း အကြောင်းလို့ဆိုရမယ်။

• အလားတူကိစ္စကိုပြောရရင် ၂၀၀၉ ဧပြီ ရွှေဂုံတိုင်ကြေငြာချက်ကိုပြောချင်တယ်။ ကိုယ့်ကြိုးနဲ့ကိုယ်

တုပ်မိချည်မိစေမယ့်အခြေအနေမျိုးကို စိုးရိမ်တာ။

• ၈၈" ရဲ့အချက်နှစ်ချက်ပါတဲ့ ရွေးကောက်ပွဲဆိုင်ရာ သဘောထားဟာ ဒီအချက်နှစ်ချက်နဲ့ ပြည်စုံမှ

ရွေးကောက်ပွဲကိုဝင်ရောက်ယှဉ်ပြိုင်သင့်တယ်လို့ဆိုလိုတာမဟုတ်ဘူး။ ရွေးကောက်ပွဲတစ်ခုနဲ့

ကြုံတွေ့ရတော့မယ်ဆိုတာကို တပ်လှန့်နှိုးဆော်ခဲ့တာပါ။ အဲဒီစိန်ခေါ်မှုကို ရင်ဆိုင်ဖို့ သတိပေး

ခဲ့တာ။ သူရဲဘောကြောင်သူတွေ ဆင်ခြေကန်ရှောင်လွှဲနိုင်ဖို့ အကြောင်းပြချက်ထားခဲ့တာ မဟုတ်

ဘူး။

• ကြိုးဝိုင်းဥပဒေသတွေဟာ တရားမျှတမှုရှိရမယ်လို့ မျှော်လင့်ချက် ထားပြီး အရေးဆိုနေတာဟာ

စိတ်ကူးယဉ်ဆန်တဲ့ မိုက်မဲမှုပါပဲ။ ကိုယ်ဘယ်လိုလူတွေနဲ့ ရင်ဆိုင်နေရတယ်ဆိုတာ၊ ကိုယ်ဘယ်လို

အခြေအနေမျိုးမှာ ရောက်နေတယ်ဆိုတာကို သဘောမပေါက်တာ၊ ဒါမှမဟုတ်ရင် ရူးချင်ယောင်

ဆောင်နေတာပဲ ဖြစ်မယ်။

• ၈၈" တွေပြောခဲ့တဲ့ အချက်နှစ်ချက်က (၁) အထွေထွေလွတ်ငြိမ်းချမ်းသာခွင့်ကြေငြာပေးဖို့ နဲ့ (၂)

အားလုံးပါဝင်ခွင့်ရရှိဖို့ ဆိုပြီးတော့ဖြစ်တယ်။ အခုဒီအချက်နှစ်ချက်လုံး လျစ်လျှူခံထားရတယ်။

ဒီအခြေအနေမှာ ပါတီအနေနဲ့ စဉ်းစားရွေးချယ်စေချင်တာက ဖမ်းဆီးချုပ်နှောင်ခံထားရသူတွေ

အစား နှစ်ဆတိုးပြီး ကြိုးပမ်းအားထုတ်သွားကြဖို့၊ ပါဝင်ခွင့်မရသူတွေအစား ပိုပြီး လုံလစိုက်

အားထုတ်သွားကြဖို့ပဲ။

• အန်တီကိုရော၊ ကျွန်တော်တို့ ၈၈ တွေကိုရော၊ တခြားဘယ်နိုင်ငံရေးသမားကိုမှ လွှတ်မပေး

စေဦးတော့ ပါတီနေနဲ့ ရင်ဆိုင်ကြုံတွေ့ရမယ့် အကျပ်အတည်း (သို့) အပြောင်းအလဲတစ်ခုကို

ခေါင်းရှောင်မသွားသင့် ပါဘူး။

• မန်းဒိတ် (mandate) အဟောင်းနဲ့ အလုပ်မဖြစ်တော့ရင် မန်းဒိတ်အသစ်ရအောင်ကြိုးစားခြင်း

ကသာ သတ္တိ ပြောင်မြောက်တဲ့၊ တာဝန်ယူမှုရှိတဲ့ ရွေးချယ်ဆုံးဖြတ်မှု ဖြစ်ပါလိမ့်မယ်။

• ၂၀၀၈ ဖွဲ့စည်းပုံ ဥပဒေနဲ့ ၂၀၁၀ ရွေးကောက်ပွဲ ဥပဒေကို ဆန့်ကျင်ကြောင်းပြနိုင်ဖို့ အတွက်

လောက်နဲ့ တော့ ပါတီကို ကျွန်တော်တို့ အဆုံးရှုံးမခံနိုင်ပါ။

• ၂၀၀၈ ဖွဲ့စည်းပုံဥပဒေလောက်ကို တုန်လှုပ်ခြောက်ခြားနေကြရင် နိုင်ငံရေးကနေ အနားယူကြပါ။

ကျွန်တော်တို့မျိုးဆက်ပြည်သူတွေဟာ ၁၉၇၄ ခုနှစ်က စာအုပ်ကို ဆုတ်ဖြဲပြစ်ခဲ့တဲ့သူတွေပါ။

၂၀၀၈ ဖွဲ့စည်းပုံဖတ်ပြီး သွေးပျက်နေမယ့်မျိုးဆက်မဟုတ်ပါ။ ၂၀၀၈ ဖွဲ့စည်းပုံ ဘာကြောင့်

ဘယ်လိုပေါ်ပေါက်လာတယ်ဆိုတာကိုရော၊ ဘယ်ကလာပြီး ဘယ်ကိုသွားမယ်ဆိုတာကိုပါ

ကောင်းကောင်းနားလည်ပြီးသားဖြစ်တဲ့ ခေတ်ပြိုင်မျိုးဆက်ပါ။

• သူတို့အားသာတဲ့အချိန်မှာ သူတို့စိတ်ကြိုက်ပြဌာန်းပြီး ပြည်သူတွေလက်မခံတဲ့အချိန်မှာ

ဆုတ်ဖြဲပြာချခံရမယ့် စာအုပ်တစ်အုပ်အတွက် ပါတီကိုဖျက်ဆီးရက်ကြတော့မှာလား။ သူတို့က

၂၀၀၈ ဖွဲ့စည်းပုံ အာဏာသက်ဝင်တည်မြဲဖို့ကြိုးစားသလိုမျိုး ကျွန်တော်တို့ကလည်း ပါတီ

အာဏာသက်ဝင် တည်မြဲဖို့ ကြိုးစားကြရမှာပဲ မဟုတ်ပါလား။

• ဂန္ဒီခန်းမမှသည် ရွှေဂုံတိုင်အထိ ခရီးကြမ်းနှင်ချီတက်ခဲ့ကြတာဟာ ပါတီကို အခုလိုအဆုံးသတ်

လိုက်ဖို့ မဟုတ်ကြောင်း အလေးအနက်ပြောကြားလိုပါတယ်။

• အန်ကယ်ဦးဥာဏ်ဝင်းအနေနဲ့ ကျွန်တော်တို့ရဲ့ သဘောထားအမြင်ကို အန်တီနဲ့တွေ့ဆုံခွင့်ရတဲ့

အခါ ပြောပြပေးစေချင်ပါတယ်။

• မတ်လ ၂၉ ရက်နေ့ဆုံးဖြတ်ချက်ကို တိုင်းပြည်အနာဂတ်အကျိုးကို ရှေရှုပြီးပြန်လည်သုံးသပ်ဖို့

အလေးအနက်တိုက်တွန်းအပ်ပါတယ်။

• ဖောင်ဖျက်တိုက်ရမယ့် အခြေအနေမျိုးလုံးဝမရှိပါ။ အန်အယ်ဒီသင်္ဘောကြီးကို မနစ်မြှပ်သွားစေဖို့

တက်ညီလက်ညီနဲ့ ၀ိုင်းဝန်းကြိုးပမ်းသွားရမယ့်အချိန်ကာလကို ရောက်နေတာပါ။

• ဦးခင်မောင်ဆွေ၊ ဒေါက်တာသန်းငြိမ်း၊ ဦးစောနိုင်းနိုင်း၊ ဒေါက်တာဇော်မြင့်မောင် အစရှိသူတို့

မာလိန်မှူးကောင်းတွေအဖြစ်ပဲ့ကိုင်ထိန်းသိမ်းတာဝန်ယူကြဖို့ အလေးအနက်ဆန္ဒပြုပါတယ်။

တိုက်တွန်းပါတယ်။ တောင်းဆိုပါတယ်။

• ရွေးကောက်ပွဲမုန်တိုင်းကာလကိုဖြတ်သန်းမယ်ဆိုရင် သင်္ဘောကြီးကိုစွန့်ခွာမယ်လို့ သွေးပျက်

ခြောက်ခြား နေတဲ့သူတွေ နှုတ်ထွက်စာတင်ပြီး အတိတ်သမိုင်းမှာ နေရစ်ခဲ့ကြပါ။

• ပါတီကိုဖျက်လိုဖျက်ဆီးကြံစည်နေကြတာဟာ အတိုက်အခံလေဟာနယ်ကို ဖန်တီးနေကြတာ

သာဖြစ်ကြောင်း ရှင်းရှင်းလင်းလင်းနားလည်သဘောပေါက်ကြစေချင်ပါတယ်။

• ပြည်ထောင်စုလွှတ်တော်မှာ ကိုယ်စားလှယ်တစ်ဝက်မကျော်ရင် အစည်းအဝေး အထမမြောက်

ပါဘူး။ ၂၀၀၈ ဥပဒေအာဏာသက်ဝင်မှု မရှိနိုင်ပါ။ ဒီစိန်ခေါ်မှုမျိုးကို လက်ခံရဲတဲ့သူ မရှိရင်

တောင်မှ လွှတ်တော်ထဲမှာ အတိုက်အခံကိုယ်စားလှယ် ၂၅% ရှိနေရင် သူတို့ဥပဒေသူတို့

ပြင်ချင်တိုင်းပြင်လို့တော့မရနိုင်ပါ။ ပိုဆိုး မလာနိုင်အောင်တော့ ခုခံနိုင်စွမ်းရှိလာပါလိမ့်မယ်။

• မတ်လ ၂၉ ရက်နေ့ဆုံးဖြတ်ချက်ကို မပြင်ဆင်နိုင်တော့ရင်၊ ပြင်မရတော့ရင်လည်း ပါတီတွင်း

ပါတီပြင် သဘောထားတူညီသူတွေစုစည်းပြီးရွေးကောက်ပွဲကာလ နိုင်ငံရေးဦးဆောင်မှု

ပေးနိုင်ဖို့ ယာယီအလံတစ်ခုအောက်တွင်ဖြစ်စေ၊ တသီးပုဂ္ဂလအစုအဝေးနဲ့ဖြစ်စေ၊ ဖြစ်တဲ့နည်းနဲ့

စုစည်းရပ်တည်တိုက်ပွဲဝင်ကြပါရန် ၈၈" မှ သဘောထားပေးပို့အပ်ပါသည်။ ။

Source _

From: U Chit <ttamarch1268@gmail.com>
Date: Wed, May 5, 2010 at 12:15 PM
Subject: second letter of Hla Myo Naung

{Yangon Chronicle 2010:1360} မြန်မာနိုင်ငံရေး အပြောင်းအလဲကို အမေရိကန် သတိကြီးစွာ တုန့်ပြန်

Posted by Transparency Myanmar 2010

comments (0)

Rawstory.com, 4^th May 2010

မြန်မာ ဝန်ကြီးချုပ် ဗိုလ်ချုပ်ကြီး သိန်းစိန်နှင့် အခြား ဝန်ကြီး ၂၂ ဦးတို့ ယခင် အပတ်က စစ်ဖက် ရာထူးများ စွန့်လွှတ်ခဲ့ကြခြင်းနှင့် ဝန်ကြီးချုပ်က ပါတီသစ် ဖွဲ့စည်းခဲ့ခြင်းတို့ အပေါ် အမေရိကန် ပြည်ထောင်စုက သတိကြီးစွာ ထား၍ တုန့်ပြန် ဆောင်ရွက်လျက် ရှိသည်။

"ဒီကိစ္စက အပေါင်းလက္ခဏာ ဆောင်တဲ့ အဆင့်တစ်ခု ဖြစ်နိုင်တယ်လို့ ယူဆနိုင်ပါတယ်။ ဒါပေမယ့် မြန်မာနိုင်ငံရဲ့ လုပ်ဆောင်မှုတွေပေါ် မူတည်ပြီး ကျွန်တော်တို့ ဆောင်ရွက်သွားဖို့ ရှိပါတယ်" ဟု နိုင်ငံခြားရေးဌာန ပြောရေးဆိုခွင့်ရှိသူ Philip Crowley က သတင်းထောက်များအား ပြောကြားခဲ့သည်။

မြန်မာနိုင်ငံနှင့် သံတမန် နည်းလမ်းအရ ဆွေးနွေးမှုများကို စတင် ပြုလုပ်ခဲ့သော သမ္မတ ဘားရက် အိုဘားမား အစိုးရက ပြောကြားရာတွင် "သူတို့ တကယ်ပဲ ပွင့်ပွင့်လင်းလင်း တံခါးဖွင့်တာလား။ ဒါမှမဟုတ် အခု ရာထူး စွန့်လွှတ်မှုတွေက 'သိုးယောင်ဆောင်တဲ့ ဝံပုလွေ' ဗျူဟာလား ဆိုတာနဲ့ ပတ်သက်လို့ မြန်မာ အစိုးရကို ဒီကိစ္စက အဆုံးအဖြတ် ပေးသွားမှာပါ" ဟု ဆိုသည်။

ဧပြီလ ၂၆ ရက်နေ့က ဗိုလ်ချုပ်ကြီး သိန်းစိန်နှင့် ဝန်ကြီး ၂၂ ဦး စစ်ဖက် ရာထူး စွန့်လွှတ်ခဲ့ကြခြင်းသည် ယခုနှစ် ရွေးကောက်ပွဲများ မတိုင်မီ စစ်ဖက် ခေါင်းဆောင် အချို့ကို အရပ်သား အဖြစ် အသွင်ပြောင်းခြင်း ဖြစ်ဖွယ် ရှိသည်။

၎င်းတို့ အရပ်သား အသွင်ပြောင်းပြီး ၄ ရက် အကြာတွင် ဦးသိန်းစိန်က ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီကို ဖွဲ့စည်းမည်ဟု နိုင်ငံပိုင် မီဒီယာက သတင်းထုတ်ပြန်ခဲ့သည်။

"မြန်မာနိုင်ငံမှာ လုပ်ဖို့ လိုနေတာက အမှန်တကယ် စစ်မှန်တဲ့ နိုင်ငံရေး နယ်ပယ် တစ်ခု ဖွင့်လှစ်ပေးဖို့ပါ။ ဒီနယ်ပယ်ဟာ ဗိုလ်ချုပ်လူထွက်တွေ အတွက် သာမကပဲ မြန်မာ လူ့အဖွဲ့အစည်းမှာ အပြုသဘောဆောင်တဲ့ ရည်ရွယ်ချက်နဲ့ ပါဝင်ချင်တဲ့ ပြည်သူတွေ အားလုံးကိုလည်း အခွင့်အရေး ပေးရမှာပါ" ဟု Crowley က ပြောကြားခဲ့သည်။

"ဒါက သူတို့ လုပ်ရမယ့် ကိစ္စဖြစ်သလို သူတို့ မလုပ်ချင်တဲ့ ကိစ္စတစ်ခုလည်း ဖြစ်နေပါတယ်" ဟု ၎င်းက ဖြည့်စွက်သည်။

Crowley က နိုင်ငံတကာ စံညွှန်းများနှင့် မညီညွတ်ဟု ၎င်းသတ်မှတ်ခဲ့သော ရွေးကောက်ပွဲ ဥပဒေသစ် အပေါ် အမေရိကန် ပြည်ထောင်စု၏ ပြစ်တင် ဝေဖန်မှုကို ထပ်မံ ပြောကြားလိုက်သည်။

မတ်လ ၁၀ ရက်က ထုတ်ပြန်ခဲ့သော ရွေးကောက်ပွဲ ဥပဒေသစ်အရ မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်မှာ ပါတီမှ ထုတ်ပယ်ခံရမည့် အဖြစ်နှင့် ရင်ဆိုင်နေရသလို ရွေးကောက်ပွဲတွင် မပါဝင်နိုင်အောင် အခြားနိုင်ငံရေး အကျဉ်းသားများနှင့်အတူ ပိတ်ပင် တားဆီးခြင်း ခံနေရသည်။

"မြန်မာနိုင်ငံမှာ နိုင်ငံရေး နယ်ပယ် ပွင့်လာဖို့ ရှိနေပါတယ်။ ခင်ဗျား သိတဲ့အတိုင်း နိုင်ငံတွင်းက တိုင်းရင်းသား အုပ်စုတွေ အားလုံးနဲ့လည်း အဓိပ္ပာယ်ရှိတဲ့ ဆွေးနွေးမှုတွေ လုပ်နေတယ်လေ" ဟု Crowley က ပြောကြားသည်။

"တကယ်လို့ အခုလို ဗိုလ်ချုပ်တွေက သူတို့ဘာသာ အရပ်ဝတ်လဲတဲ့ ကိစ္စက နိုင်ငံရေး နယ်ပယ်ကို ဖွင့်ဟနိုင်မယ်ဆိုရင် ကျွန်တော်တို့ကလည်း အပေါင်း လက္ခဏာဆောင်တဲ့ ဆောင်ရွက်ချက် အဖြစ် အမှန်တကယ် ရှုမြင်ပေးမှာပါ" ဟု ၎င်းက မှတ်ချက်ပေးခဲ့သည်။

Transparency Myanmar