Posts
လက်ရှိ အနေအထားကိုကြည့်ရသည်မှာ မြန်မာစစ်အစိုးရသည် အတိုက်အခံများ၏ တောင်းဆိုမှုများ၊ ပြစ်တင်ဝေဖန်မှုများနှင့် မည်သည့် သဘောထားကိုမျှ နားမထောင်ဘဲ သူစီစဉ် ရေးဆွဲထားသည့် အတိုင်း ဒီမိုကရေစီ အထွေထွေရွေးကောက်ပွဲ ကျင်းပနိုင်ရေးကိုသာ အာရုံအပြည့်အဝ ထားနေပုံရသည်။
ဤသို့သော အခြေအနေမျိုးတွင် ဂျပန်ဝန်ကြီးချုပ် Yukio Hatoyama အနေဖြင့် အလဟသ ထိုင်နေချိန် ရှိမည်မဟုတ်ပေ။
မြန်မာနိုင်ငံ ဒီမိုကရေစီရွေးကောက်ပွဲသည် နှစ်ပေါင်း ၂၀ အတွင်း ပထမဆုံး ပြုလုပ်ခြင်း ဖြစ်သည့်တိုင် အဓိက အတိုက်အခံ ပါတီကြီးဖြစ်သော အမျိုးသားဒီမိုကရေစီအဖွဲ့ (NLD) က ရွေးကောက်ပွဲကို သပိတ်မှောက်မည်ဖြစ်ကြောင်း ထုတ်ပြန်ကြေညာခဲ့သည်။
ဒီမိုကရေစီ လှုပ်ရှားမှုကို အဓိကဦးဆောင်သူ ပါတီခေါင်းဆောင် ဒေါ်အောင်ဆန်းစုကြည် ရွေးကောက်ပွဲဝင်ခွင့် မရခြင်းသည် NLD ရွေးကောက်ပွဲကို သပိတ်မှောက်ရသည့် အဓိက အကြောင်းအရင်း ဖြစ်လေသည်။
NLD က ဒေါ်အောင်ဆန်းစုကြည်၏ သဘောထားအတိုင်း ရွေးကောက်ပွဲသို့ မဝင်ရန် ဆုံးဖြတ်ခြင်း ဖြစ်သည်ဟု ဆိုသော်လည်း အမှန်တကယ်တွင် စစ်အစိုးရကသာ NLD အား ယင်းအနေအထားထဲသို့ ရောက်အောင် တွန်းပို့ခဲ့ခြင်းသာဖြစ်သည်။ စစ်အစိုးရက နိုင်ငံခြားသားများနှင့် အိမ်ထောင်ပြုဖူးသူများ နှင့် ဥပဒေအရ ပြစ်ဒဏ်ကျခံနေရသူများ အနေဖြင့် ရွေးကောက်ပွဲကို ဝင်ရောက်ခွင့် မရရှိအောင် တားမြစ်ပိတ်ပင်ထားသည်။
ထို့ကြောင့် အကယ်၍ ယခုအချိန်တွင် ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်မည် ဆိုလျှင်သော်မှ သူမရွေးကောက်ပွဲဝင်မည့် ကိစ္စမှာ ဖြစ်နိုင်ခြေမရှိပေ။ NLD ရွေးကောက်ပွဲကို သပိတ်မှောက်ခြင်းသည် စစ်အစိုးရအလိုရှိသော အရာပင်ဖြစ်မည်။ စစ်အစိုးရက မေလအစောပိုင်းလောက်မှစပြီး ၎င်းကိုလိုလားသော နိုင်ငံရေးပါတီများကို ဖွဲ့စည်းစေလိုဟန်ရှိသည်။
မေလဆန်းပိုင်းသည် နိုင်ငံရေးပါတီများအနေဖြင့် ရွေးကောက်ပွဲ ကော်မရှင်သို့ မှတ်ပုံတင်ရန် နောက်ဆုံးသတ်မှတ် ကာလဖြစ်သည်။ ဆိုခဲ့ပါ အနေအထားမျိုးကို ကြည့်လျှင် အောက်တိုဘာလတွင် ကျင်းပမည်ဟု သတင်းထွက်နေသည့် ရွေးကောက်ပွဲတွင် စစ်အစိုးရသာ အလွယ်တကူ အနိုင် ရရှိသွားမည် ဖြစ်သည်။ မှန်ပါသည်။
ဤအတိုင်းသာဆိုလျှင် စစ်အစိုးရက ကျင်းပပေးမည့် ရွေးကောက်ပွဲသည် ရယ်စရာကောင်းသော ဟာသဇာတ်လမ်း တစ်ခုထက်ပို၍ ဘာမျှဖြစ်လာမည် မဟုတ်ပေ။ အကယ်၍ ရွေးကောက်ပွဲတွင် NLD လည်းပါဝင်ပြီး လွတ်လပ်မျှတစွာ ကျင်းပဖြစ်ခဲ့ပါက မြန်မာတစ်ပြည်လုံး အတိုင်းအတာဖြင့် အာဏာရှင်ဆန့်ကျင်မှု တော်လှန်ရေးများ ဖြစ်ပေါ်လာမည်ဟူသော အချက်ကို စစ်အစိုးရက ကြောက်လန့်လျက်ရှိသည်။ အမှန်တွင် စစ်အစိုးရက ရွေးကောက်ပွဲရလဒ်သည် မိမိမည်သို့မည်ပုံ အာဏာလက်မဲ့ဖြစ်နေသည် ဟူသော သဘောမျိုးဖြစ်နေမည်ကို ကြောက်နေခြင်း ဖြစ်သည်။
မြန်မာရွေးကောက်ပွဲအကြောင်း '၁' မှစပြောမည်ဆိုပါက ရွေးကောက်ပွဲ ဥပဒေမှ စရမည်။ စစ်အစိုးရက ထုတ်ပြန်သော အထွေထွေ ရွေးကောက်ပွဲဥပဒေသည် အပြစ်အနာ အဆာများ နှင့်ပြည့်နှက်နေသည်။
ဥပဒေပြု လွှတ်တော်နှစ်ရပ်တွင် အမတ်နေရာအားလုံး၏ လေးပုံတစ်ပုံစီကို စစ်ဘက်မှ ပုဂ္ဂိုလ်များက ရယူမည်ဖြစ်သည်။ ဥပဒေပြုလွှတ်တော်မှ ရွေးချယ်တင်မြှောက်မည့် သမ္မတမှာလည်း စစ်တပ်တွင် တာဝန်ထမ်းဆောင်ခဲ့သူ သို့မဟုတ် တာဝန်ထမ်းဆောင်ဆဲ ပုဂ္ဂိုလ်ဖြစ်ရမည်ဟု ဆို၏။
အကယ်၍သာ စစ်အစိုးရက မြန်မာနိုင်ငံ တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးကို အမှန်တကယ် လိုလားသည် ဆိုပါက သူ့အနေဖြင့် အတိုက်အခံခေါင်းဆောင် ဒေါ်အောင်ဆန်း စုကြည်နှင့် တွေ့ဆုံကာ ဒိုင်ယာလော့ခ် ပြုလုပ်သင့်ပေသည်။
NLD ကိုလည်း ရွေးကောက်ပွဲတွင် ပါဝင်ယှဉ်ပြိုင်နိုင်အောင် လမ်းဖွင့်ပေးသင့်သည်။ ယခုဆိုလျှင် NLD သည် ပါတီဖျက်သိမ်းခံရတော့မည့် ကိစ္စမျိုးနှင့် ရင်ဆိုင်နေရပြီဖြစ်သည်။ NLD အနေဖြင့် အနာဂတ်အတွက် မဟာဗျူဟာများ ချမှတ်နိုင်မည်ဟု ကျွန်ုပ်တို့ မျှော်လင့်မိတာ အမှန်ပါ။
ထို့ကြောင့် ယခုလိုအနေအထားမျိုးတွင် နိုင်ငံတကာ အသိုင်းအဝိုင်း၏ ဖိအားပေးမှုသည် အလွန်အမင်း အရေးကြီး နေပေသည်။ စစ်အေးခေတ်ကာလတုန်းက အနောက်နိုင်ငံကြီးများသည် ကွန်မြူနစ်စနစ်ကို ဆန့်ကျင်သော အစိုးရဆိုပါက အာဏာရှင်အစိုးရ ဖြစ်လင့်ကစား ထောက်ပံ့ ပေးခဲ့သည် ချည်းသာပင်ဖြစ်ခဲ့သည်။ ယခုအချိန်ကာလတွင်မူ အဆိုပါ အရှေ့-- အနောက်ဟူသော အိုင်ဒီရော်လော်ဂျီမှာ ကွယ်ပျောက်သွားပြီဖြစ်ရာ နိုင်ငံတကာအသိုင်းအဝိုင်း အနေဖြင့် အာဏာရှင် အစိုးရ၏ ကျိုးကြောင်းဆက်စပ်မှုမရှိသော အပြုအမူများကို မသိကျိုးနွံပြုမနေသင့်တော့ပေ။
လက်ရှိအချိန်အထိ မြန်မာစစ်အစိုးရကို ကျောထောက်နောက်ခံ ပေးနေသူ နိုင်ငံကြီးများ ရှိနေသေးသည်။ ဥပမာ တရုတ်ပြည်သူ့ သမ္မတနိုင်ငံဖြစ်သည်။ တရုတ်သည် မြန်မာပြည်အရေးနှင့် ပတ်သက်လာလျှင် များစွာ တာဝန်မကင်းသူ ဖြစ်သည်။ တရုတ်နိုင်ငံသည် မြန်မာနိုင်ငံမှ ပေါများလှသော သဘာဝဓာတ်ငွေ့များကို ရယူလိုသော စိတ်ဆန္ဒများ ပြင်းပြလှသည့် အားလျော်စွာ စစ်အစိုးရကို ဆက်တိုက်ဆိုသလို ကျောထောက်နောက်ခံပြုလာသည်။
အကယ်၍ တရုတ်နိုင်ငံသာ ကမ္ဘာပေါ်တွင် သြဇာကြီးမားသော စီးပွားရေးပါဝါတစ်ခုအဖြစ် ရပ်တည်လိုလျှင် (သို့မဟုတ်) နိုင်ငံရေးအရ သြဇာကြီးမားလိုလျှင် သူ့အနေဖြင့် မြန်မာစစ်အစိုးရကို အာဏာသက်ဆိုးရှည်အောင် အကူအညီမပေးသင့်ပေ။
သမ္မတ Hatoyama ၏ လစ်ဘရယ်ဒီမိုကရက်တစ် ပါတီဦးဆောင်သော ဂျပန်အစိုးရကလည်း မြန်မာ စစ်အစိုးရအနေဖြင့် လွတ်လပ်ပြီး တရားမျှတမှုရှိသော ရွေးကောက်ပွဲ တစ်ရပ် ကျင်းပပေးရန် တောင်းဆိုထားသည်။ သို့ရာတွင် ရွေးကောက်ပွဲ၏ ရလဒ်ကို အာရုံစိုက်ခြင်းမရှိပေ။ မစ္စတာ Hatoyama အုပ်ချုပ်ရေးအဖွဲ့ အနေဖြင့် ယခုထက်ပို၍ ပြင်းထန်သော ဆောင်ရွက်ချက်များကို ပြုလုပ်ပေးရန် လိုအပ်သည်။
ဥပမာ တရုတ် အပါအဝင် အရှေ့တောင်အာရှ နိုင်ငံများနှင့် မြန်မာ့ရေးရာ ဆွေးနွေးမှုများ တိုးမြှင့်လုပ်ကိုင်ခြင်း သို့မဟုတ် မြန်မာနိုင်ငံသို့ ဂျပန်နိုင်ငံခြားရေး ဝန်ကြီး Katsuya Okada ကို စေလွှတ်ခြင်း စသည်တို့ဖြစ်သည်။
ဆိုပါက မြန်မာစစ်အစိုးရ၏ အတုအယောင် အထွေထွေရွေးကောက်ပွဲသည် မြန်မာနိုင်ငံအား ဒီမိုကရေစီစနစ်နှင့် ဝေးသည်ထက် ဝေးအောင်သာ လုပ်ဆောင်မည်ဖြစ်သည်။ မြန်မာနိုင်ငံသား သန်း ၅၀ ၏ လွတ်လပ်မှုကို စစ်အစိုးရက ဖျက်ဆီးပယ်ဖျောက် ပစ်ခဲ့ပြီဖြစ်ရာ ရွေးကောက်ပွဲရလဒ် ဟူသည်လည်း လွန်စွာ ဆိုးရွားလိမ့်မည်သာ ဖြစ်သည်။
ဂျပန်သတင်းစာ The Asahi Shimbun ၏ ခေါင်းကြီးပိုင်းကို ဆီလျော်အောင် ဘာသာပြန်ဆိုသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.