Posts
တောင်-မြောက်ကိုရီးယား နယ်စပ်ဒေသအနီးတွင် တပ်ဆင်ထားရှိသော တောင်ကိုရီးယား အသံချဲ့စက်များနှင့် ဝါဒဖြန့်ချိရေး ပစ္စည်းများအားလုံးကို အလုံးစုံ တိုက်ခိုက်ဖျက်ဆီးသွားမည် ဖြစ်ကြောင်း မြောက်ကိုရီးယားက မေလ ၁၁ ရက်နေ့တွင် အတိအလင်းပြောဆိုလိုက်သည်။
တောင်ကိုရီးယားနိုင်ငံ၊ ဆိုးလ်မြို့တော်သည်ပင် မီးပင်လယ်အတွင်းသို့ ရောက်ရှိသွားနိုင်သည် ဟု မြောက်ကိုရီးယားက သတိပေးခြိမ်းခြောက်သည်။ တောင်-မြောက်ကိုရီးယား နှစ်နိုင်ငံသည် ပြီးခဲ့သည့် ၂၀၀၄ ခုနှစ်တွင် ကာလကြာရှည်စွာ ပြုလုပ်ခဲ့သော ဝါဒဖြန့်ချိ စည်းရုံးလှုံ့ဆော်မှုများကို အဆုံးသတ်ခဲ့ကြသည်။
၂၀၀၀ ပြည့်နှစ်တွင် ကျင်းပခဲ့သော ကိုရီးယားထိပ်သီး ဆွေးနွေးပွဲကြောင့် နှစ်နိုင်ငံဆက်ဆံရေးမှာ နွေးထွေးလာခဲ့ခြင်းဖြစ်သည်။ သို့သော်လည်း တောင်ကိုရီးယားက ပြီးခဲ့သည့် မေလမှစ၍ နယ်စပ်ဒေသတစ်လျှောက်တွင် ဒါဇင်နှင့်ချီသော ဝါဒဖြန့်အသံချဲ့စက်များကို တပ်ဆင်ပြီး ရေဒီယိုမှတစ်ဆင့် ဝါဒဖြန့်မှုများ ပြန်လည်ပြုလုပ်လာခဲ့သည်။
မတ်လတွင်ပင်လယ်ဝါအတွင်း နစ်မြုပ်ခဲ့သော ချိုနန်စစ်သင်္ဘော နစ်မြုပ်မှုနှင့်ပတ်သက်၍ မြောက်ကိုရီးယားအပေါ် မကျေနပ်သောကြောင့် တောင်ကိုရီးယားဘက်က စိတ်ဓာတ်စစ်ဆင်ရေး သဘောမျိုးဖြင့် ယင်းဝါဒဖြန့်တိုက်ခိုက်မှုကို စတင်ခဲ့ခြင်းဖြစ်သည်။
မြောက်ကိုရီးယားအပေါ် ကုလသမဂ္ဂ လုံခြုံရေးကောင်စီက ပိတ်ဆို့အရေးယူမှု အသစ်များ ထပ်မံပြဋ္ဌာန်းပြီးနောက် အသံချဲ့စက်ဖြင့် ဝါဒဖြန့်ချိမှုကို ပြန်လည်စတင်မည်ဖြစ်ကြောင်း တောင်ကိုရီးယား ကာကွယ်ရေးဝန်ကြီး Kim Tae Yong က ပါလီမန်တွင်ပြောဆိုသည်။
မြောက်ကိုရီးယား တော်ပီတိုဒုံးကျည်ပစ်ခတ်မှုကြောင့် ချိုနန်စစ်သင်္ဘောနစ်မြုပ်မှုဖြစ်ပွားပြီး လူပေါင်း ၄၆ ဦးသေဆုံးခဲ့သည့် ကိစ္စနှင့်ပတ်သက်၍ လုံခြုံရေးကောင်စီအနေဖြင့် မြောက်ကိုရီးယားအပေါ် အရေးယူအပြစ်ပေးပါရန် တောင်ကိုရီးယားက တရားဝင် တောင်းဆိုထားသည်။
နိုင်ငံပေါင်းစုံပါဝင်သော စုံစမ်းစစ်ဆေးရေးအဖွဲ့၏ စစ်ဆေးမှုများအရ ချိုနန် စစ်သင်္ဘောနစ်မြုပ်မှုအတွက် မြောက်ကိုရီးယားတွင် တာဝန်ရှိကြောင်း သိရသည်။ မြောက်ကိုရီးယားက အဆိုပါကိစ္စ မဟုတ်မမှန်ကြောင်း ငြင်းဆိုပြီး တောင်ကိုရီးယားက လက်တုံ့ပြန်မည်ဆိုပါက စစ်ခင်းမည်ဖြစ်ကြောင်း ခြိမ်းခြောက်ခဲ့သည်။
မြောက်ကိုရီးယား ပြည်သူ့တပ်မတော် ကာကွယ်ရေးဦးစီးချုပ်က ထုတ်ပြန်သော ကြေညာချက်တွင် "တောင်ကိုရီးယား နယ်စပ်ဒေသရှိ ဝါဒဖြန့်ချိအသံချဲ့စက်များနှင့် ပစ္စည်းများအားလုံးကို စစ်ရေးဖြင့် တိုက်ခိုက်ဖျက်ဆီးသွားမည်။ အညှာအတာ ကင်းမဲ့သော တိုက်ခိုက်မှုကြောင့် တောင်ကိုရီးယားမြို့တော်၊ ဆိုးလ်သည်ပင် မီးပင်လယ်ဝေမည့် သဘောမျိုး ကြိုမြင်ရသည်" ဟု ပြင်းထန်စွာရေးသားထားသည်။
ယင်းကြေညာချက်ကို မြောက်ကိုရီးယားနိုင်ငံပိုင် KCNA သတင်းဌာနက ထပ်ဆင့် ကြေညာသွားသည်။ အစောပိုင်းကာလတုန်းကလည်း မြောက်ကိုရီးယား စစ်တပ်က တောင်-မြောက် နှစ်နိုင်ငံကြားရှိ စစ်မဖြစ်ရဇုန်အတွင်း တောင်ကိုရီးယားဘက်က တပ်ဆင်ထားသော ဝါဒဖြန့်ချိရေး အစီအမံများကို ပစ်ခတ်တိုက်ခိုက် သွားမည်ဖြစ်သည်ဟု သတိပေးခဲ့သည်။
တောင်ကိုရီးယား ကာကွယ်ရေးဝန်ကြီးဌာန၊ ပူတွဲစစ်ဦးစီးချုပ်က မြောက်ကိုရီးယား၏ လတ်တလော ခြိမ်းခြောက်မှုအပေါ် ထင်မြင်သုံးသပ်ချက်ပေးရန် မရှိသေးကြောင်း ပြောကြားသည်။
တောင်-မြောက်ကိုရီးယားနှစ်နိုင်ငံသည် ၁၉၅၀-၅၃ ခုနှစ်အတွင်း ဖြစ်ပွားခဲ့သော ကိုရီးယားစစ်ကို အပစ်အခတ်ရပ်စဲရေး သဘောတူညီချက်ဖြင့် အဆုံးသတ်ခဲ့သည်။ သို့သော် ငြိမ်းချမ်းရေး သဘောတူညီချက် စာချုပ်ချုပ်ဆိုနိုင်ခဲ့ခြင်း မရှိပေ။ နောက်ပိုင်းကာလများတွင် မြောက်ကိုရီးယားက တောင်ကိုရီးယားကို စစ်ရေးဖြင့် တိုက်ခိုက်ဖျက်ဆီးပစ်မည်ဟု အကြိမ်ပေါင်းများစွာ ခြိမ်းခြောက်ခဲ့သည်။
AP သတင်းကိုဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.