Posts
ထိုင်းဝန်ကြီးချုပ် အဘီဇစ်ဝိဇ္ဇာဝီရ အနေဖြင့် လတ်တလောဖြစ်ပွားခဲ့သော နိုင်ငံရေးပဋိပက္ခကို ဘက်လိုက်မှုမရှိသော စုံစမ်းစစ်ဆေးမှုများ ပြုလုပ်ပြီး နိုင်ငံတော်အရေးပေါ် အခြေအနေအမိန့်ကို အမြန်ဆုံးရုပ်သိမ်းရန် နိုင်ငံတကာ လွတ်ငြိမ်းချမ်းသာခွင့်အုပ်စု (AIR) က တိုက်တွန်း ပြောဆိုလိုက်သည်။
ထိုင်းနိုင်ငံ မြို့တော်ဘန်ကောက်တွင် ဖြစ်ပွားခဲ့သော စစ်တပ်နှင့် ရှပ်နီ ဆန္ဒပြသူများအကြား ရုန်ရင်းဆန်ခတ် ဖြစ်မှုတွင် လူပေါင်း ၉၀ သေဆုံးခဲ့ရာ အဆိုပါကိစ္စကို စုံစမ်းစစ်ဆေးရန် တရားသူကြီးချုပ်ဟောင်း ပါဝင်သည့် ကော်မရှင်တစ်ရပ်အား ဝန်ကြီးချုပ်အဘီစစ်က ဖွဲ့စည်းပေးခဲ့သည်။
"ဘယ်စုံစမ်းစစ်ဆေးမှုမဆို ယုံကြည်စိတ်ချရမှု ရရှိရေးအတွက် လွတ်လပ်မှုရှိဖို့ဆိုတာ အင်မတန်အရေးကြီးပါတယ်" ဟု နိုင်ငံတကာ လွတ်ငြိမ်းချမ်းသာခွင့်အုပ်စု ၏ အထွေထွေ အတွင်းရေးမှူး Claudio Cordone ကပြောကြားသည်။ အမှုအပေါ် စုံစမ်းစစ်ဆေးရာတွင် ဘက်နှစ်ဘက်စလုံးနှင့် လွတ်လွတ်ကင်းကင်းရှိစေရန် အရေးကြီးသည်ဟု ဆိုသည်။
"ဒီစုံစမ်းစစ်ဆေးမှုဟာ ဘက်လိုက်မှုလုံးဝမရှိဖို့ လိုအပ်ပါတယ်။ နှစ်ဖက်စလုံးက လူ့အခွင့်အရေး ချိုးဖောက်မှုတွေ ရှိတယ်လို့ စွပ်စွဲထားတာတွေကိုလည်း ဘက်လိုက်မှုမရှိစေဘဲ စုံစမ်းစစ်ဆေးရပါမယ်" ဟု ၎င်းကပြောသည်။
ထိုင်းနိုင်ငံ၊ ဘန်ကောက်မြို့တော်ရှိ အချက်အခြာကျသော နေရာများတွင် ရှပ်နီဆန္ဒပြအုပ်စုများ၏ သပိတ်စခန်းဖွင့် စတည်းချနေမှုအပေါ် ထိုင်းစစ်တပ်က မေလ ၁၉ ရက် နေ့တွင် ဖြိုခွင်းတိုက်ခိုက်ခဲ့ရာ လူပေါင်း ၁၉၀၀ ခန့် ဒဏ်ရာရရှိခဲ့ကြသည်။
စုံစမ်းစစ်ဆေးမှုများကို ဦးဆောင်လုပ်ကိုင်နေသူ Kanit Nanakorn က ၎င်းအနေဖြင့် တာဝန်ယူမှုဟူသော အကြောင်းကိစ္စထက် တိကျမှန်ကန်သော အချက်အလက်များ ရယူရေးကို ဦးတည်ထားကြောင်း ပြောကြားသည်။
အဆိုပါ စုံစမ်းစစ်ဆေးမှုကို လူ့အခွင့်အရေး ချိုးဖောက်သူများအပေါ် အပြစ်ပေး အရေးယူမှုဟူသော အမြင်ဖြင့် ပြုလုပ်သင့်သည်ဟု AIR က စာရေးသားပေးပို့ခဲ့သည်။ သတင်းမှတ်တမ်းများအရ ဘန်ကောက်နိုင်ငံရေး ယမ်းပုံမီးကျမှုတွင် ဆန္ဒပြအုပ်စုဘက်ရော စစ်တပ်ဘက်ကပါ ပစ်ခတ်မှုများပြုလုပ်ခဲ့သည်။
ထိုင်းအစိုးရက စစ်တပ်သည် အကြမ်းဖက်သမားများ ပါဝင်သည့် ဆန္ဒပြမှုကို နှိမ်နင်းရာတွင် မိမိကိုယ်ကိုယ်နှင့် မိမိရဲဘော်ရဲဘက်များ အကာအကွယ်ရှိရေးအတွက် လက်နက်ခဲယမ်းများ အသုံးပြုခွင့်ရှိကြောင်း ကာကွယ်ပြောဆိုထားသည်။
AFP သတင်းကိုဘာသာပြန်ဆိုပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.