Posts
(ဇန်န၀ါရီလ ၈ ရက် ၂၀၁၁ ရက်စွဲပါ The New York Times သတင်းစာမှ Barak Obama ရေးသားသော In Sudan, an Election and a Beginning ဆောင်းပါးကို တိုက်ရိုက် ဘာသာပြန်သည်)
အတိတ်ကို ထားခဲ့ကာ သမိုင်းတွင် စာမျက်နှာ အသစ် ရေးထိုးခွင့် ဆိုသည်မှာ မျိုးဆက်တိုင်း ရနိုင်သော အခွင့်အလမ်း တစ်ခု မဟုတ်ပေ။ သို့သော် ယနေ့တွင်မူ နှစ်ပေါင်း ငါးဆယ်ခန့် ပြည်တွင်းစစ် ဖြစ်ပွားခဲ့ပြီး လူပေါင်း နှစ်သန်းခန့် သေဆုံးခဲ့ပြီး သန်းပေါင်းများစွာကို ဒုက္ခသည်များ ဖြစ်စေခဲ့သော ဆူဒန် တောင်ပိုင်း လူထုမှာ အခွင့်အရေး တစ်ခု ရရှိခဲ့ပြီဖြစ်သည်။
လာမည့် သီတင်းပတ် အလွန်တွင် ဆူဒန်နိုင်ငံ တောင်ပိုင်းမှ သန်းပေါင်း များစွာသော လူထုကြီးသည် ဆူဒန်နိုင်ငံ၏ အစိတ်အပိုင်းအဖြစ် ဆက်လက် ရပ်တည် မည်လော၊ သို့မဟုတ် လွတ်လပ်သော နိုင်ငံအဖြစ် ဖွဲ့စည်း မည်လော ဆိုသည်ကို မဲပေးကြတော့မည် ဖြစ်သည်။ ဆူဒန် ခေါင်းဆောင်များက ဆောင်ရွက် ပေးခဲ့သော ဤလုပ်ငန်းစဉ်သည် ဒုက္ခပင်လယ် ဝေခဲ့ကြရသည့် လူများမှ ငြိမ်းချမ်းရေးနှင့် သာယာ ၀ပြောရေး လမ်းစဉ်သို့ လိုက်မည်လော သို့မဟုတ် သွေးချောင်း စီးခဲ့သည့် အတိတ် ဖြစ်ရပ် မျိုးကို ပြန်လျှောက် မည်လောဟု ဆုံးဖြတ်ရာတွင် များစွာ အထောက်အကူ ဖြစ်မည် ဖြစ်သည်။ ဤကိစ္စ၏ အကျိုးဆက်များသည် ဆူဒန်အတွက် သာမက အာဖရိက ဆဟာရ အောက်ပိုင်းနှင့် ကမ္ဘာကြီး သို့တိုင် ဖြစ်ပေါ်လာမည် ဖြစ်သည်။
ယခု သမိုင်းဝင်မည့် ဆန္ဒမဲပေး အစီအစဉ်သည် ဆူဒန် ပြည်တွင်းစစ်ကို ရပ်ဆိုင်းသွားစေ ခဲ့သော ၂၀၀၅ ငြိမ်းချမ်းရေး သဘော တူညီချက်၏ အဓိက အစိတ်အပိုင်းဖြစ်ပြီး၊ အကောင်အထည် ဖော်ရန် ကိုယ်ပိုင် ဆုံးဖြတ်ချက် ချမှတ်ရေး ကြာမြင့်ခဲ့သည့် လုပ်ငန်းစဉ်ကြီး ဖြစ်သည်။ သို့သော် ပြီးခဲ့သော လများက အစီအစဉ် အတိုင်း ပြင်ဆင်မှုများ ပြုလုပ် နေသော်လည်း ဤဆန္ဒခံယူပွဲ ဖြစ် မဖြစ် မသေချာသည့် အခြေအနေများ ရှိခဲ့သည်။ ထို့ကြောင့်ပင် စာရေးသူသည် ဆူဒန်မှ ခေါင်းဆောင်များ နှင့် ကမ္ဘာတစ်ဝှမ်းမှ ခေါင်းဆောင်များကို ပြီးခဲ့သည့် စက်တင်ဘာလက စုစည်းကာ နိုင်ငံတကာ အသိုင်းအ၀ိုင်းက ဆန္ဒခံယူပွဲ ကျင်းပရေးအတွက် အခိုင်အမာ ယုံကြည်ကြောင်းနှင့် ရလဒ် မည်သို့ ထွက်လာမည် ဖြစ်စေကာမူ ဆူဒန် တောင်ပိုင်းမှ ပြည်သူများ၏ ဆန္ဒကို လေးစားရန် ပြောကြား ခဲ့ကြသည်။
အရေးကြီးသော ခြေလှမ်း တစ်ရပ်အဖြစ် ဆူဒန် မြောက်ပိုင်းနှင့် တောင်ပိုင်းမှ ခေါင်းဆောင်များ သည် နိုင်ငံပေါင်း လေးဆယ်ကျော်နှင့် နိုင်ငံတကာ အဖွဲ့အစည်းများ၏ ကျောထောက် နောက်ခံ ပြုမှု နှင့်အတူ ဆန္ဒမဲပေးမှု အချိန်မှီ ပြီးစီးရေး၊ ငြိမ်းချမ်းမှု ရှိရေး၊ လွတ်လပ်မှု ရှိရေးနှင့် အများ လက်ခံမှု ရှိရေး၊ ဆူဒန် လူမျိုးများ၏ ဆန္ဒနှင့် တစ်ထပ်တည်း ကျရေးများ သေချာစေရန် ပူးပေါင်း လုပ်ဆောင်ကြရန် သဘောတူခဲ့သည်။ ယခု ဆန္ဒခံယူပွဲ အချိန်မီ ထွက်ပေါ်လာခြင်းသည် အထက်ပါ ဆူဒန်များ၏ ပူးပေါင်း ဆောင်ရွက်မှုကို လေးစား အသိအမှတ် ပြုရမည် ဖြစ်သည်။ မကြာသေးမီကမှ ဆူဒန် အစိုးရက ပြောကြားရာတွင် အကယ်၍ မိမိတို့ လွတ်လပ်စွာ ရပ်တည်ရေးကို ရွေးချယ်ခဲ့ပါက ပထမဆုံး အသိအမှတ် ပြုရမည်မှာ တောင်ပိုင်း ဖြစ်လိမ့်မည်ဟု ဆိုသည်။
ယခုအခါ ဆူဒန်လူမျိုး အားလုံးသည် မိမိတို့ဖြစ်ချင်သည်များ ဆန္ဒြုပည့်ဝရေး ဆုံးဖြတ်ချက် ချရာတွင် စုစည်း ညီညွတ်မှုရှိရေးအား ကမ္ဘာက စောင့်ကြည့် နေကြပြီ ဖြစ်သည်။ ဆန္ဒခံယူပွဲ ကျင်းပရာတွင် ဆန္ဒမဲပေးသူများ မဲရုံများသို့ သွားရောက်ရန် ခွင့်ပြုရမည်ဖြစ်ပြီး ဆန္ဒမဲပေးရာတွင် ခြိမ်းခြောက်မှုများ၊ ခြောက်လှန့်မှုများ မရှိပဲ လွတ်လပ်စွာ မဲပေးနိုင်ရမည် ဖြစ်သည်။ ဖက် အားလုံးသည် ပြည်သူများ၏ ဆန္ဒဖော်ထုတ်မှုကို ဟန့်တားစေမည့် သို့မဟုတ် တင်းမာမှုကို ဖြစ်စေမည့် ရန်စမှုများ၊ မီးထိုးပေးမှုများ ကို ရှောင်ရှား ကြရမည် ဖြစ်သည်။
မဲအားလုံးကို ရေတွက်ရမည် ဖြစ်ပြီး အားလုံးသည် ရလဒ်ကို ကြိုတင် အကဲဖြတ်ခြင်းကို ငြင်း ဆန်ရမည် ဖြစ်သည်။ ရလဒ်ကို အများက လက်ခံ အသိအမှတ်ပြုရေးအတွက် ဆန္ဒခံယူပွဲ ကြီးကြပ် သော ကော်မရှင်အား ကြားဝင် စွက်ဖက်မှုများ၊ ဖိအားပေးမှုများမှ ကင်းလွတ်ရမည် ဖြစ်သည်။ ယခု ဆန္ဒ ခံယူပွဲ မတိုင်မီ ရက်ပိုင်းများတွင် ဆူဒန်မြောက်ပိုင်းနှင့် တောင်ပိုင်းမှ ခေါင်းဆောင်များသည် ပြင်းထန်သော ဆိုးရွားသည့် အဖြစ်အပျက်များ မဖြစ်ရေးနှင့် အထီးကျန်ပြုမှုများမှ ကျယ်ကျယ်ပြန့်ပြန့် မတည်ငြိမ်မှုများသို့ ကူးပြောင်း မသွားရေး တို့အတွက် ပူးပေါင်း လုပ်ဆောင် ကြရမည် ဖြစ်သည်။ တဖန် နောက်ဆုံး ရလဒ် စောင့်နေသည့် အချိန်များတွင် မည်သည့်ဖက်ကမျှ အင်အားသုံး၍ လိုချင်သည့် အဖြေထွက်ရန် လုပ်ဆောင်ခြင်းကို မည်သည့် အခြေအနေနှင့်မျှ ခွင့်မပြုရန် လိုအပ်သည်။
ဆန္ဒမဲပေးခြင်း အောင်မြင်မှုသည် အောင်ပွဲပင် ဖြစ်ပြီး အာဖရိက၏ ဒီမိုကရေစီနှင့် တရားမျှတ ရေး ခရီးရှည်ကြီးအတွက် ရှေ့ဆက်ရေးအတွက် အားဆေးတစ်ခုပင် ဖြစ်သည်။ ဆူဒန် နိုင်ငံတွင် ငြိမ်းချမ်းရေး အဓွန့်ရှည်ရေး အတွက်မူ ယခု ဆန္ဒခံယူပွဲအပြင် များစွာ လုပ်စရာများ ကျန်နေ ပေသေး သည်။
၂၀၀၅ ခုနှစ်၊ ငြိမ်းချမ်းရေး သဘောတူညီချက်ကို အပြည့်အ၀ အကောင်အထည် ဖော်ရမည် ဖြစ်ပြီး ရည်မှန်းချက် ပြည့်မြောက်ရန် ညှိနှိုင်းမှုများ ပြုလုပ်ရန် လိုအပ်မည် ဖြစ်သည်။ နယ်စပ် အငြင်းပွားမှုများ၊ တောင်ပိုင်းရော မြောက်ပိုင်းပါ ပါဝင်သည့် Abyei ဒေသ၏ အနေအထားတို့မှာ ငြိမ်းချမ်းစွာ ဖြေရှင်းရန် လိုအပ်ပါသည်။ ဆူဒန်လူမျိုးအားလုံး၊ အထူးသဖြင့် မြောက်ပိုင်းမှ တောင်ပိုင်း သားများနှင့် တောင်ပိုင်းမှ မြောက်ပိုင်းသားများ၊ အထူးသဖြင့် တိုင်းရင်းသားများ၏ နိုင်ငံသားဖြစ်ခွင့်နှင့် လုံခြုံမှုကို အကာအကွယ် ပေးရမည် ဖြစ်သည်။ ဖွံ့ဖြိုးတိုးတက်မှုကို ဖြစ်စေနိုင်သည့် ရေနံမှ ရရှိသော ၀င်ငွေများကို ခွဲဝေ အသုံးပြုရာတွင် ပွင့်လင်း မြင်သာမှု ရှိရေးအတွက် အစီအစဉ်များ လုပ်ဆောင်ရမည် ဖြစ်သည်။ ဒုက္ခသည်များ ပြန်လာရေးကို အထူးစောင့်ရှောက်မှုများဖြင့် စီမံခန့်ခွဲရန် လိုအပ်မည်ဖြစ်ပြီး၊ နောက်ထပ် လူသားချင်း မစာနာသော အဖြစ်ဆိုးကြီး ထပ်မဖြစ်အောင် ကာကွယ်ရမည် ဖြစ်သည်။
အကယ်၍ တောင်ပိုင်းကသာ လွတ်လပ်ရေးအတွက် ရွေးချယ်ပါက အမေရိကန် ပြည်ထောင်စု အပါအ၀င် နိုင်ငံတကာ အသိုင်းအ၀ိုင်းသည် နှစ်နိုင်ငံလုံး အနေဖြင့် တည်ငြိမ်စွာနှင့် စီးပွားရေးအရ အောင်မြင်သည့် အိမ်နီးချင်း နိုင်ငံများအဖြစ် ထွက်ပေါ် ရပ်တည် လာနိုင်စေရေးကို အလေးထား လုပ်ဆောင် ပေးကြရမည် ဖြစ်သည်။ အဘယ်ကြောင့် ဆိုသော် ယင်းတို့၏ ကံကြမ္မာများသည် တစ်ခု နှင့်တစ်ခု ဆက်စပ် နေခြင်းကြောင့် ဖြစ်သည်။ အတိအကျ ဆိုရလျှင် တောင်ပိုင်း ဆူဒန်၏ ပြည်သူများ လိုလား တောင့်တသော နိုင်ငံရေးနှင့် စီးပွားရေး မျှော်မှန်းချက်များ အတွက် ဖြည့်ဆီးရန် ရေရှည် လုပ်ငန်းတွင် ပါတနာများ လိုအပ်နေသည်။
နောက်ဆုံး အနေဖြင့် ပြောရလျှင် ဆူဒန် အနောက်ပိုင်း ဒါဖာ ဒေသတွင် ငြိမ်းချမ်းရေး မတည် မြဲလျှင် ဆူဒန်တွင် ငြိမ်းချမ်းရေး မတည်မြဲနိုင်ပါ။ မသိနားမလည်သော ဒါဖာ လူမျိုးများ ထောင်ပေါင်း ရာချီ၍ သေဆုံးမှုများ၊ လွန်ခဲ့သော ငါးနှစ်ခန့်က စာရေးသူ အိမ်နီးချင်း ချပ်(Chad)နိုင်ငံ ဒုက္ခသည် စခန်းတွင် တွေ့ခဲ့ရသော ဒုက္ခသည်များ၏ ဘ၀များမှာ ဘယ်သောအခါမျှ မသင့်ပေ။ ဤတွင်လည်း ကမ္ဘာကြီးက စောင့်ကြည့်လျက် ရှိသည်။ ဆူဒန်အစိုးရသည် နိုင်ငံတကာ စောင့်ထိန်း လိုက်နာမှုများ ကို ဖြည့်ဆီးပေးရမည် ဖြစ်သည်။ အရပ်သားများကို တိုက်ခိုက်မှုအား ရပ်ဆိုင်း ရမည် ဖြစ်သည်။ ကုလသမဂ္ဂ ငြိမ်းချမ်းရေး ထိန်းသိမ်းမှု အဖွဲ့များနှင့် အကူအညီ ပေးရေးလုပ်သားများကို လိုအပ် နေသည့် နေရာများထိ လက်လှမ်းမီအောင် လွတ်လပ်ခွင့် ပေးရမည် ဖြစ်သည်။
ဆူဒန် ခေါင်းဆောင်များအား မိမိ စက်တင်ဘာလက ပြောထားသည့်အတိုင်း အမေရိကန် ပြည်ထောင်စုသည် ဒါဖာမှ ပြည်သူများကို စွန့်လွတ်မည် မဟုတ်ပါ။ ထိုနေရာမှ ပြဿနာ အကျပ် အတည်းကို အဆုံးသတ်ရန် မိမိတို့၏ သံတမန်ရေး ကြိုးပမ်းမှုများကို ဆက်လက် လုပ်ဆောင်သွားမည် ဖြစ်သည်။ သက်ဆိုင်ရာ အုပ်စုအားလုံးကို ဆွေးနွေးပွဲဝိုင်းသို့ ခေါ်ယူရန်အတွက် အခြားနိုင်ငံများ အနေဖြင့် ယင်းတို့၏သြဇာကို အသုံးပြုရမည် ဖြစ်ပြီး မှန်ကန်သော ရည်ရွယ်ချက်ဖြင့် ယင်းတို့၏ သြဇာကို အသုံးပြုရမည် ဖြစ်ပြီး မှန်ကန်သော ရည်ရွယ်ချက်ဖြင့် စေ့စပ် ညှိနှိုင်း ပေးကြရမည့် အစုလိုက် အပြုံလိုက် သတ်ဖြတ်မှုများ ပါဝင်သော ရာဇ၀တ် ကျူးလွန်မှုများအတွက် တာဝန်ယူမှု အပါအ၀င် ဒါဖာတွင် ငြိမ်းချမ်းရေး တည်တံ့စေရန် မိမိတို့ အပြင်းအထန် ဆက်လက် တောင်းဆို သွားမည်။
ဆူဒန် ပြည်သူ အားလုံး ယင်းတို့နှင့် ထိုက်တန်သည့် ငြိမ်းချမ်းရေးနှင့် တိုးတက်ပြောင်းလဲမှုကို သိမြင် နားလည်အောင် ကူညီရာတွင် မိမိတို့၏ နိုင်ငံတကာ မိတ်ဆွေများနှင့်အတူ အမေရိကန် ပြည်ထောင်စုက ဦးဆောင်ကဏ္ဍမှ ဆက်လက် ပါဝင်မည့် ဆူဒန် ခေါင်းဆောင်များထံ မိမိ၏ ကမ်းလှမ်း ချက်ကို ယနေ့ထပ်မံ ပြောကြားလိုသည်။ အကယ်၍ သင်တို့ လိုက်နာရန် တာဝန် ရှိသည်များကို ဖြည့်ဆည်းကာ ငြိမ်းချမ်းရေးကို ရွေးချယ်မည်ဆိုပါက အမေရိကန်ပြည်ထောင်စု ဥပဒေအရ အကြမ်းဖက် ၀ါဒ အားပေးသော နိုင်ငံများ စာရင်းမှ ဆူဒန်ကို ပယ်ဖျက်ပေးမည့် လုပ်ငန်းစဉ်က စတင်ခြင်းနှင့် စီးပွားရေးပိတ်ဆို့မှုများ ရုတ်သိမ်းခြင်း အပါအ၀င် အမေရိကန်ပြည်ထောင်စုနှင့် ပုံမှန် ဆက်ဆံရေး လမ်းပွင့်လာမည်ဟု ထပ်မံ ပြောကြားလိုက်သည်။ ထိုသို့ မဟုတ်ပါက နိုင်ငံတကာ တာဝန် ၀တ္တရားများကို မလိုက်နာပဲ မခန့်လေးစား ပြုမူသူများအနေဖြင့် ဖိအားနှင့် ခွဲခြားပစ်ပယ်မှုကို ပိုမို ရင်ဆိုင် ရလိမ့်မည်။
ဆူဒန် ပြည်သူ သန်းပေါင်းများစွာဟာ သူတို့ရဲ့ ရှေ့ရေးကို ဆုံးဖြတ်ရန်အတွက် ဆန္ဒမဲပေးရန် ပြင်ဆင် နေကြသည်။ ယခု အချိန်သည် ခေါင်းဆောင်များ၏ ရဲရင့်မှုနှင့် အမြော်အမြင်က ပြည်သူများ ကို ကောင်းမွန်သော နေ့ရက်ဆီသို့ လမ်းပြနိုင်မည့် အခိုက်အတန့် ဖြစ်သည်။ မှန်ကန်သော ရွေးချယ်မှု ပြုလုပ်သူများကို သမိုင်းက မေ့ထားမည် မဟုတ်ပါ။ ယင်းတို့သည် အမေရိကန် ပြည်ထောင်စု၏ ပုံမှန် မိတ်ဆွေများ အဆင့်ကို ရရှိလိမ့်မည် ဖြစ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.