Posts
 | yangonchronicle 2011- (1) |
၎.၆.၂၀၁၂
ဘာသာပြန်သတင်းများ အပိုင်း (၃)
- တပ်မတော်၏ နိုင်ငံရေးတွင်ပါဝင် ပတ်သက်နေမှုကို လျှော့ချသွားရန်ရှိကြောင်း မြန်မာကာကွယ်ရေးဝန်ကြီး ပြောကြား
(Bloom berg News မှ 2 Jun 2012 ရက်စွဲပါ “Myanmar open to deducing army`s political role, minister said” သတင်းကို ဘာသာ ပြန်ဆိုသည်။)
- ရခိုင်ဒေသမှ အဓိကရုဏ်းများအပြီး သည်းခံစိတ်ရှည်၍ ဥပဒေ လေးစားကြရန် အစိုးရကတောင်းဆို
(ABC News မှ 4 Jun 2012 ရက်စွဲပါ “Gov`t calls for calm after Western Myanmar clashes” သတင်းကို ဘာသာပြန်ဆိုသည်။)
- မြန်မာဟု ပြောင်းလဲခေါ်ဝေါ်မှုဖြင့် သြစတြေးလျက ပြောင်းလဲမှုကို သင်္ကေတပြ
(5 Jun 2012 ရက်စွဲပါ The Age မှ Daniel Flitton ရေးသားသော Burma name change signals symbolic shift by Australia ကို ဘာသာ ပြန်ဆိုသည်။)
- ဗြိတိန်က ဒေါ်အောင်ဆန်းစုကြည်အား West Minister ခန်းမတွင် ဂုဏ်ပြုမည်
(4 June 2012 ရက်စွဲပါ Rediff.com မှUK TO honour Suu Kyi at Westminister Hall ကိုဘာသာပြန်ပါသည်)
*****************************************
ဘာသာပြန်သတင်းများ
တပ်မတော်၏ နိုင်ငံရေးတွင်ပါဝင် ပတ်သက်နေမှုကို လျှော့ချသွားရန်ရှိကြောင်း မြန်မာကာကွယ်ရေးဝန်ကြီး ပြောကြား
(Bloom berg News မှ 2 Jun 2012 ရက်စွဲပါ “Myanmar open to deducing army`s political role, minister said” သတင်းကို ဘာသာပြန်ဆိုသည်။)
မြန်မာနိုင်ငံသည် သင့်လျှော်သည့်အချိန်တွင် တပ်မတော်၏ နိုင်ငံရေးကဏ္ဍကို လျှော့ချကာ အခြေခံဥပဒေ ပြင်ဆင်ပြောင်းလဲရန် လမ်းဖွင့်ပေး သွားမည်ဟု မြန်မာကာကွယ်ရေးဝန်ကြီးက ပြောကြားပါသည်။
လွှတ်တော်ထဲ၌ တပ်မတော်သား ကိုယ်စားလှယ်အမတ် ၂၅ ရာခိုင်နှုန်း ထားရန်ခွင့်ပြုထားသော မြန်မာနိုင်ငံ၏ အခြေခံဥပဒေသည် အတိုက် အခံခေါင်းဆောင် ဒေါ်အောင်ဆန်းစုကြည် ကန့်ကွက်ခဲ့သော ကိစ္စတစ်ခုဖြစ်သည်။ ယခင်စစ်ဖက်က နှစ်ပေါင်း ၅၀ အုပ်ချုပ်ခဲ့သော မြန်မာနိုင်ငံတွင် လတ် တလောလပိုင်းများအတွင်း ဒီမိုကရေစီ အသွင်ကူးပြောင်းမှုများ ပြုလုပ်ထားခြင်းကြောင့် အနောက်အုပ်စု၏ sanctions များ ဖြေလျှော့ပေးမှုကို ဖြစ်ပေါ်စေ ခဲ့သည်။
“ရေချိုငါးတစ်ကောင်ကို ရေငန်ထဲမှာ ထားလို့မရပါဘူး။ သင့်လျှော်တဲ့အချိန်မှာ လွှတ်တော်ထဲက တပ်မတော်သား ၂၅ ရာခိုင်နှုန်းကို လျှော့ချ သွားဖို့ ရှိပါတယ်”ဟု လန်ဒန်အခြေစိုက် ဥာဏ်ကြီးရှင်အုပ်စု International Institute for Strategic Studies က စင်္ကာပူတွင် ပြုလုပ်သော ရှန်ဂရီလာ ဒိုင်ယာလော့ ဆွေးနွေးပွဲတွင် မြန်မာကာကွယ်ရေးဝန်ကြီး ဒုတိယဗိုလ်ချုပ်ကြီးလှမင်းက မနေ့က ပြောကြားခဲ့သည်။
မြန်မာအစိုးရသည် နိုင်ငံသားသန်း ၆၀ ကို ဆင်းရဲတွင်းနက်စေခဲ့သော စစ်အုပ်ချုပ်ရေးကာလအပြီးတွင် အနောက်အုပ်စုနိုင်ငံများနှင့် စီးပွါးရေး၊ နိုင်ငံရေး၊ စစ်ရေးဆက်ဆံမှုများ တိုးတက်ကောင်းမွန်အောင် လုပ်ဆောင်နေသည်။ “မြန်မာနိုင်ငံသည် နျူကလီယား သုတေသနအစီအစဉ်ကို စွန့်လွှတ် ကာ ပြုံယမ်းနှင့် ဆက်ဆံမှုကို ရပ်ဆိုင်းလိုက်ပြီဖြစ်ပြီး၊ တရုတ်၊ အိန္ဒိယ၊ ထိုင်းနိုင်ငံနယ်စပ်များအနီးမှ တိုင်းရင်းသားလက်နတ်ကိုင် အုပ်စုများနှင့်လည်း ငြိမ်း ချမ်းရေးရအောင် ကြိုးပမ်းနေသည်”ဟု ကာကွယ်ရေးဝန်ကြီးက ထုတ်ဖေါ်ပြောဆိုခဲ့သည်။
မြန်မာ့တပ်မတော်သည် သမ္မတဦးသိန်းစိန်ကို ၁၀၀ ရာခိုင်နှုန်း အပြည့်အဝထောက်ခံမည့်အပြင် အစိုးရ၏အမိန့်ကို လိုက်နာသည့် သမိုင်း ကြောင်းရှိသည်ဟု ဒုတိယဗိုလ်ချုပ်ကြီးလှမင်း က ဆိုသည်။
ဇွန်လ ၁ ရက်နေ့က ဘန်ကောက်ခရီးစဉ်တွင် ဒေါ်အောင်ဆန်းစုကြည်က “ပြုပြင်ပြောင်းလဲရေးဝါဒီ အစိုးရသစ်အပေါ် တပ်မတော်၏ ထောက်ခံမှု ကို သံသယရှိနေသေးသည်”ဟု ပြောဆိုထားသည်။
ယခင် တပ်မတော်အကြီးအကဲဟောင်း၏ လုံခြုံရေးအတွက် အကာအကွယ်ယူထားသော အငြင်းပွါးစရာ ၂၀၀၈ အခြေခံဥပဒေကို ပြင်ဆင်ရန် လွှတ်တော်ကိုယ်စားလှယ် ၇၅ ရာခိုင်နှုန်းကျော်၏ ထောက်ခံမှုကို လိုအပ်သည်။
ဒေါ်အောင်ဆန်းစုကြည်က “ကျွန်မတို့ အရပ်သားလွှတ်တော်က အမတ်အားလုံးရဲ့ ထောက်ခံမှုအဖြစ် အနည်းဆုံး တပ်မတော်သား ကိုယ်စား လှယ်တစ်ဦးရဲ့ ထောက်ခံမှု ရဖို့လိုအပ်ပါတယ်။ သူ့အတွက်တော့ အခက်တကာ အခက်ခဲဆုံးတာဝန်တစ်ခု ဖြစ်မှာပါ” ဟု ပြောဆိုထားသည်။
စင်္ကာပူရောက် မြန်မာကာကွယ်ရေးဝန်ကြီးက ဆက်လက်၍ သုတေသနပြုရုံအဆင့်မျှသာ ရှိသည့် မြန်မာနျူကလီးယား အစီအစဉ်ကို ပုံကြီးချဲ့ ဖေါ်ပြခဲ့သည့် သတင်းမီဒီယာကို ပြစ်တင်ပြောဆိုလိုက်သည်။ မြန်မာနျူကလီးယား ဆောင်ရွက်ချက်များကို စစ်ဆေးရန် IAEA ၏ တင်ပြမှုမှာလည်း စစ် ဆေးစရာ ဘာမှမရှိသည့်အတွက် လက်ခံနိုင်စရာမရှိပါဟု ယင်းကပြောကြားခဲ့သည်။
“အခုအစိုးရသစ် လက်ထက်မှာ နျူကလီးယား ကိစ္စရပ်နှင့် ပတ်သတ်တာအားလုံးကို စွန့်လွှတ်ထားလိုက်ပါပြီ။ ဒီကိစ္စကို ဆက်လုပ်ဖို့အစီအစဉ် မရှိ တော့ပါဘူး” ဟု မြန်မာကာကွယ်ရေးဝန်ကြီးက ဆိုသည်။
ထို့အပြင် မြန်မာနိုင်ငံသားများ၏ ဘဝ တိုးတက်နိုင်အောင် sanctions များ အပြည့်အဝ ရုတ်သိမ်းပေးရန် မြန်မာကာကွယ်ရေးဝန်ကြီးက အမေရိ ကန်ပြည်ထောင်စုကို တောင်းဆိုလိုက်သည်။ အမေရိကန်ကာကွယ်ရေးဝန်ကြီး လီယွန်ပန်နက်တာကလည်း နှစ်နိုင်ငံ ထိတွေ့ဆက်ဆံမှု တိုးတက်လာ သည်နှင့်အမျှ လုံခြုံရေး (စစ်ရေး) ဆိုင်ရာကိစ္စရပ်များကို ဆွေးနွေးသွားမည်ဟု အဆိုပါ ညီလာခံ၌ပင် အစောပိုင်းက ပြောကြားသွားခဲ့သည်။
--------------------------------------------------------------------------------------------------------------------------------
ရခိုင်ဒေသမှ အဓိကရုဏ်းများအပြီး သည်းခံစိတ်ရှည်၍ ဥပဒေ လေးစားကြရန် အစိုးရကတောင်းဆို
(ABC News မှ 4 Jun 2012 ရက်စွဲပါ “Gov`t calls for calm after Western Myanmar clashes” သတင်းကို ဘာသာပြန်ဆိုသည်။)
လူကိုးဦးသေဆုံး၍ ဒါဇင်နှင့်ချီ ဒဏ်ရာရရှိသွားခဲ့ကြသော နိုင်ငံအနောက်ပိုင်း ရခိုင်ပြည်နယ်မှ အဓိကရုဏ်းများအပြီး တနင်္လာနေ့တွင် မြန်မာ အစိုးရက ပြည်သူများအား သည်းခံစိတ်ရှည်ကြရန်နှင့် ဥပဒေကို လေးစားလိုက်နာကြရန် တိုက်တွန်းမေတ္တာရပ်ခံလိုက်သည်။
တနင်္ဂနွေနေ့က ရခိုင်ပြည်နယ်တွင် သီးခြားစီဖြစ်ပွါးခဲ့သော ရုန်းရင်းဆန်ခတ် ဖြစ်ရပ်များအပြီးတွင် ပြန်ကြားရေးဝန်ကြီးဌာန ဝက်ဘ်ဆိုက်ဒ်၌ အဆိုပါမေတ္တာရပ်ခံချက်ကို တင်လိုက်ခြင်းဖြစ်သည်။
တိုင်းရင်းသား ပဋိပက္ခပြဿနာများသည် မြန်မာနိုင်ငံမတည်ငြိမ်မှု၏ အဓိကအကြောင်းရင်းတစ်ခုဖြစ်ပြီး၊ ကိုယ်ပိုင်အုပ်ချုပ်ရေးရရှိရန် ကြိုးစားနေ ကြသော နိုင်ငံအရှေ့ပိုင်းနှင့် မြောက်ပိုင်းနယ်စပ်တလျှောက်မှ လူဦးရေများသော တိုင်းရင်းသားမျိုးနွယ်စုများနှင့် အများဆုံးဆက်နွယ်နေသည်။ ပြည်မနှင့် ပို၍ဝေးသော ဘင်္ဂလားဒေ့ရ်ှနယ်စပ်တွင်မူ ဘာသာရေးကွဲပြားမှုကြောင့် ဖြစ်ပေါ်လာရသော ဒေသခံ ဗုဒ္ဓဘာသာရခိုင်များနှင့် မွတ်ဆလင်များအကြားမှ တင်းမာမှုများသည် တခါတရံ အကြမ်းဖက်သည့်အဆင့်အထိ ပြင်းထန်သွားလေ့ရှိသည်။
ရခိုင်ပြည်နယ် တောင်ကုတ်ဒေသတွင် ဒေသခံရခိုင်များက ဘတ်စ်ကားတစ်စီးကို တိုက်ခိုက်မှုကြောင့် လူကိုးဦးသေဆုံး၍ ဘတ်စ်ကား ပျက်စီး သွားသည့်ကိစ္စ ဖြစ်ပွါးခဲ့သည်ဟု ဒေသခံရွာသားများက ပြောကြားသည်။ ယင်းဒေသတွင် မြန်မာနိုင်ငံသားအဖြစ် အသိအမှတ်ပြုခြင်းမခံရသော ရိုဟင်ဂျာ အမည်ခံ မွတ်ဆလင်မျိုးနွယ်အများစု နေထိုင်ကြသည်။
ရခိုင်ပြည်နယ် မြို့တော်စစ်တွေတွင်မူ သီးခြား အဓိကရုဏ်းတစ်ခုဖြစ်ပွါးခဲ့ပြီး ၊ ဈေးအခွန်ကိစ္စနှင့် ပတ်သက်၍ စည်းရုံးလှုပ်ရှားသူကို ဖမ်းဆီးထား ခြင်းအား လွှတ်ပေးရန် တောင်းဆိုသော လူအုပ်စုကြီးကို ရဲများက သေနတ်ဖြင့် ပစ်ခတ်ခဲ့ခြင်းကြောင့် အနည်းဆုံး တစ်ဒါဇင် ဆယ်ဦးကျော် ဒဏ်ရာရရှိ သွားခဲ့သည်ဟု သိရှိရသည်။
ပြန်ကြားရေးဝန်ကြီးဌာန၏ ဖေါ်ပြချက်ကို အဆိုပါဖြစ်ရပ်များ ဖြစ်ပွါးခဲ့သည့်နေ့၌ပင် ယင်း၏ ဝက်ဘ်ဆိုဒ်တွင် တင်ခဲ့ခြင်းဖြစ်သည်။ မြန်မာနိုင်ငံကို သံချေးကိုက်၊ မှိုတက်၊ ချည့်နဲ့သွားအောင် တံခါးပိတ် အုပ်ချုပ်မှုအပြီး မနှစ်က အာဏာရလာသော သမ္မတ ဦးသိန်းစိန်အစိုးရက ယခုအခါ နိုင်ငံခြား (တရုတ်နိုင်ငံမဟုတ်သော) ရင်းနှီးမြှုပ်နှံမှုများကို ဆွဲဆောင်နေခြင်းကြောင့် အစိုးရ၏ ပွင့်လင်းလာမှုကို ပြသရန် စိတ်အားထက်သန်လျှက်ရှိသည်။
--------------------------------------------------------------------------------------------------------------------------------
မြန်မာဟု ပြောင်းလဲခေါ်ဝေါ်မှုဖြင့် သြစတြေးလျက ပြောင်းလဲမှုကို သင်္ကေတပြ
(5 Jun 2012 ရက်စွဲပါ The Age မှ Daniel Flitton ရေးသားသော Burma name change signals symbolic shift by Australia ကို ဘာသာပြန်ဆို သည်။)
Bob Carr သည် မြန်မာနိုင်ငံသို့ မသွားရောက်မီ ညနေ၌ မြန်မာနိုင်ငံ၏ နိုင်ငံရေးပြုပြင်ပြောင်းလဲမှုများကို အသိအမှတ်ပြုရာတွင် “မြန်မာ”( Myanmar) ဟူသော အမည်ကို တလေးတစားခေါ်၍ အမှတ်သညာပြုရမည့် လက္ခဏာ ပြခဲ့သည်။
ယခင်က ဒီမိုကရေစီအတွက် လုပ်ဆောင်နေသူများသည် ယခင်စစ်အစိုးရပြောင်းခဲ့သော အမည်ဖြစ်သည့် Myanmar ကို ဆန့်ကျင်ခဲ့ပြီး၊ ယခင် အမည် Burma ဟုသာ သုံးစွဲခဲ့ကြသည်။
နိုင်ငံခြားရေးဝန်ကြီးဌာနသည် ယနေ့နံနက် ကြေညာချက်ထုတ်ပြန်ရာ၌ သုံးရက်ကြာခရီးစဉ်သည် သြစတေးလျနိုင်ငံအနေဖြင့် အိမ်နီးချင်းနိုင်ငံ တစ်ခုအဖြစ် မြန်မာနိုင်ငံ ပြုပြင်ပြောင်းလဲရေး ကြိုးပမ်းမှုများကို ထောက်ခံရေးအတွက် မည်သည်များ ပိုမိုလုပ်ဆောင်ပေးနိုင်မည်ကို ရှာဖွေသွားမည်ဟု ဖေါ်ပြထားသည်။
“မြန်မာနိုင်ငံဟာ သမိုင်းဝင်ပြောင်းလဲမှုတွေ လုပ်ဆောင်နေချိန်မှာ သြစတေးလျက အလွန်တရာ အားပေးပါတယ်”ဟု ဆီိနိတ်တာ Carr က ပြော သည်။
“မြန်မာနိုင်ငံမှာ လွန်ခဲ့တဲ့နှစ် ငါးဆယ်ထက်စာရင် အခုအချိန်ဟာ စဉ်ဆက်မပြတ် ဒီမိုကရေစီ ပြုပြင်ပြောင်းလဲရေးအတွက် ပိုမိုကောင်းမွန်တဲ့ အခွင့်အလမ်းတွေ ရရှိနေပါပြီ။ ဒါ့ကြောင့် သြစတေးလျအပါအဝင် အနောက်အနေနဲ့ မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းစဉ်ကို ဆက်လက် ထောက်ခံရေးဟာ အရေးကြီးလှပါတယ်”ဟု ၎င်းက ပြောသည်။
လွန်ခဲ့သောနှစ် ဇွန်လ(24) ရက်နေ့က Carr၏ ယခင် နိုင်ငံခြားရေးဝန်ကြီး Kevin Ruddသည် “နိုင်ငံခြားရေးဝန်ကြီး Burma သို့ သွားရောက် လည်ပတ်မည်”ဟု ကြေညာချက်ထုတ်ခဲ့သော်လည်း ယခု “Myanmar” ဟု သုံးနှုန်းခြင်းမှာ ယခင်နှင့်မတူသော ရပ်တည်ချက်ကို ပြသသည်။
ပြီးခဲ့သော ဇန်နဝါရီလ သြစတြေးလျက မြန်မာနိုင်ငံအပေါ် ငွေကြေးဆိုင်ရာ အရေးယူမှုများ ဖြေလျော့ပေးမည်ဟု ကြေညာခဲ့စဉ်ကလည်း Burma ဟု သုံးစွဲခဲ့ပါသေးသည်။
သို့သော် Mr Rudd သည် တရားဝင်အမည်ဖြစ်သော “Myanmar” ကို အသိအမှတ်ပြုရန်ကိစ္စကို ဖေဖေါ်ဝါရီလက စတင်ပြောခဲ့ရာ ပြင်းပြင်းထန် ထန် ဆန့်ကျင်ခဲ့ကြသည်။
ဆီနိတ်တာ Carr ကလည်း ဧပြီလက အမည်ခေါ်ပုံနှင့် ပတ်သက်၍ မေးမြန်းလာပါက အကြံဉာဏ်တောင်းခံမည်ဟု ပြောခဲ့သည်။
ပြောခွင့်ရအမျိုးသမီးက အမည်နှစ်မျိုးစလုံး အသုံးပြုခဲ့ကြောင်း ယခုဆီနိတ်တာ Carr ၏ ကြေညာချက်တွင် သုံးနှုန်းထားသော “Myanmar” ဟူ သောအမည်မှာ ယခုမှ စတင်သုံးနှုန်းခြင်းမဟုတ်ကြောင်း ရှင်းပြသည်။
ယေဘူယျအားဖြင့် သြစတြေးလျနိုင်ငံသည် အများနှင့်မသက်ဆိုင်သော စာပေးစာယူများတွင် “Myanmar” ဟုသုံးနှုန်း၍ မြန်မာနိုင်ငံနှင့် ပတ် သက်၍ အများသို့ ထုတ်ပြန်ကြေညာချက်များတွင် “Burma” ဟု သုံးနှုန်းသည်။
နောက်ဆုံးအကြိမ် “Myanmar” ဟု သုံးနှုန်းခဲ့မှုမှာ 1997 ခုနှစ်က သံတမန်ခန့်အပ်မှုအတွက် ကြေညာရာတွင် အသုံးပြုခဲ့သည်ကို တွေ့ရသည်။
တဖန် 2000 ခုနှစ်က နိုင်ငံခြားရေးဝန်ကြီး Alexander Downer ၏ ကြေညာချက်တွင် “Burma (Myanmar)” ဟု သုံးနှုန်းခဲ့သည့်ကို တွေ့ရ သည်။
ဒီမိုကရေစီခေါင်းဆောင် ဒေါ်အောင်ဆန်းစုကြည်က ယခင်အပတ်အကုန်က Burma ၏ နိုင်ငံရေးအသွင်ပြောင်းမှုတွင် မဆင်မခြင် အကောင်း မြင်မှု (reckless optimism) အပေါ် သတိပေးမှုများ ပြုခဲ့ပါသည်။
ထိုင်းနိုင်ငံတွင်ပြုလုပ်သော စီးပွါးရေးဖိုရမ်တွင် နိုဘယ်ဆုရှင်က “အခုရက်တွေမှာ မြန်မာနိုင်ငံအပေါ် မဆင်မခြင် အကောင်းမြင်နေကြတာကို တွေ့ရပါတယ်။ ဒါဟာ အားလုံးအတွက် အထောက်အကူမဖြစ်ပါဘူး။ ကျွန်မတို့ကိုလည်း အထောက်အကူမဖြစ်ပါဘူး” ဟု ဆိုခဲ့သည်။
ဆီနိတ်တာ Carr သည် ဒေါ်အောင်ဆန်းစုကြည်ရော အစိုးရပုဂ္ဂိုလ်များနှင့်ပါ တွေ့ဆုံရန် မျှော်လင့်ထားသည်။ ၎င်းသည် ရန်ကုန်ရှိ ယဉ်ကျေးမှု ဆိုင်ရာ အမွေအနှစ်များကို ထိန်းသိမ်းရေးအတွက် ထောက်ပံ့ငွေပေးရေး ကြေညာနိုင်မည်ဟု မျှော်လင့်နေသည်။
--------------------------------------------------------------------------------------------------------------------------------
ဗြိတိန်က ဒေါ်အောင်ဆန်းစုကြည်အား West Minister ခန်းမတွင် ဂုဏ်ပြုမည်
(4 June 2012 ရက်စွဲပါ Rediff.com မှUK TO honour Suu Kyi at Westminister Hall ကိုဘာသာပြန်ပါသည်)
မြန်မာနိုင်ငံ၏ ဒီမိုကရေစီခေါင်းဆောင် ဒေါ်အောင်ဆန်းစုကြည်သည် ယခုလကုန်တွင် ပါလီမန်၏ ရိုးရာအစဉ်အလာကိုဖျက်၍ သမိုင်းဝင် Westminister ခန်းမတွင် ပါလီမန်အဖွဲ့ဝင်များအား ရှားရှားပါးပါး မိန့်ခွန်းပြောကြားမည်ဖြစ်ပါသည်။ အဆိုပါခန်းမတွင် လက်ရှိခေါင်းဆောင် သို့မဟုတ် နိုင်ငံရေးခေါင်းဆောင်များသာ မိန့်ခွန်းပြောရန်ဖြစ်ပါသည်။
၎င်းအား Westminister ခန်းမတွင် ဖိတ်ကြား၍ မိန့်ခွန်းပြောခြင်းအပေါ် ပါလီမန်တာဝန်ရှိသူများက ကန့်ကွက်ခဲ့ပြီး၊ House of Lords ရှိ အနည်း ငယ်သေးငယ်ပြီး မကြီးကျယ်သည့် Royal Gallery ခန်းမကို အသုံးပြုရန် အဆိုပြုကြသည်။
အဆိုပါကန့်ကွက်မှုကို ဝန်ကြီးချုပ် David Cameron နှင့် နိုင်ငံခြားရေးဝန်ကြီး Willium Hague တို့၏ ထောက်ခံမှုဖြင့် House of Common ဥက္ကဌ John Bercow က ပြင်းထန်စွာပယ်ချနိုင်ခဲ့သည်။ ဒေါ်အောင်ဆန်းစုကြည်သည် Westminister ခန်းမတွင် မိန့်ခွန်းပြောကြားသော နိုင်ငံခေါင်း ဆောင်လည်းမဟုတ် ခေါင်းဆောင်ဟောင်းလည်းမဟုတ်သော ပထမဆုံးပုဂ္ဂိုလ်တစ်ဦး ဖြစ်လာပါမည်။ အဆိုပါခန်းမမှာ ထူးခြားသောလက္ခဏာရှိသည့် အဆိုပါ နိုင်ငံရေးခေါင်းဆောင်များဖြစ်သော နယ်ဆင်မင်ဒဲလားကဲ့သို့သော ပုဂ္ဂိုလ်များအတွက် ဖြစ်ပါသည်။
မကြာသေးမီက နောက်ဆုံးဂုဏ်ပြုခဲ့သော နိုင်ငံရေးခေါင်းဆောင်မှာ ပြီးခဲ့သည့်နှစ်က လာရောက်သော အမေရိကန်သမ္မတ Barack Obama ဖြစ်ပါသည်။ West Minister ခန်းမအစား Royal Gallery တွင် ဂုဏ်ပြုခဲ့သော ခေါင်းဆောင်များတွင် ရုရှားသမ္မတဟောင်း ခရုရှက်၊ အမေရိကန်သမ္မတ ရော်နယ်ရီဂင်နှင့် ဘီလ်ကလင်တန်၊ ပြင်သစ်သမ္မတ မီထရောင်း၊ Jaeques Chirac နှင့် Nicolas Sarkkozyတို့ ပါဝင်ပါသည်။
West Minister ခန်းမသည် ပါလီမန်ဝင်ထဲတွင် ရှေးအကျဆုံး အဆောက်အအုံဖြစ်ပါသည်။ ဗြိတိန်နိုင်ငံ၏ အဓိက အကျဆုံးဖြစ်သည့် ပါလီမန်၊ တရားရုံးနှင့် အစိုးရရုံးပေါင်းစုံသည် အဆိုပါခန်းမ၀န်းကျင်တွင် ရာစုနှစ်များစွာချီ၍ တည်ရှိခဲ့ပြီ ဖြစ်ပါသည်။
အဆိုပါခန်းမကြီး၏ အတိတ်ကိုပြန်လည် စဉ်းစားမည်ဆိုပါက လွန်ခဲ့သည့် နှစ်ကိုးရာ၊ (၁၁)ရာစုက ဗြိတိသျှသမိုင်းကိုပါ ထည့်ပြောရမည်ဖြစ် သည်။ Cameron သည် ဧပြီလက ၎င်း၏ မြန်မာနိုင်ငံခရီးစဉ်၌ ဒေါ်အောင်ဆန်းစုကြည်အား ဖိတ်ကြားခဲ့ခြင်း ဖြစ်သည်။
ယခု လကုန်ခရီးစဉ်တွင် ဒေါ်အောင်ဆန်းစုကြည်သည် သူ၏ချစ်လှစွာသော Oxford သို့ သွားရောက်မည်ဟု မျှော်လင့်ရပြီး Oxford တက္ကသိုလ် သည် ၁၉၉၅ ခုနှစ်က သူ့အား Civil law ၌ ဂုဏ်ထူးဆောင်ဒေါက်တာဘွဲ့ ချီးမြှင့်ထားရာ ၎င်းအား ဂုဏ်ပြုမည်ဖြစ်သည်။
ဒေါ်အောင်ဆန်းစုကြည်သည် Oxford တွင် ပညာသင်လက်ထပ်၍ နေထိုင်ခဲ့သည်မှာ ၁၉၈၈ခုနှစ်အထိဖြစ်သည်။ သူသည် St Hugh's Colledge၊ Oxford နှင့် St Antony's Colledgeတို့မှ ဂုဏ်ထူးဆောင်ဖဲလ်လိုးဖြစ်ပြီး Oxford ၏နိုင်ငံတကာဖွံ့ဖြိုးမှုဗဟိုဌာန နာယကလည်း ဖြစ်သည်။
*****************************************
Google Docs makes it easy to create, store and share online documents, spreadsheets and presentations.
