Posts
ဗီယက်နမ်နိုင်ငံ၊ ဟနွိုင်းမြို့တွင် ကျင်းပမည့် ၁၆ ကြိမ်မြောက် အာဆီယံနိုင်ငံများ ထိပ်သီး ဆွေးနွေးပွဲသို့ မြန်မာနိုင်ငံ ဝန်ကြီးချုပ် ဗိုလ်ချုပ်ကြီးသိန်းစိန် တက်ရောက်မည် ဖြစ်ကြောင်း နေပြည်တော်က တရားဝင် သတင်း ထုတ်ပြန်လိုက်သည်။
ဗိုလ်ချုပ်ကြီး သိန်းစိန်သည် ဗီယက်နမ် ဝန်ကြီးချုပ် ငုယင်တန်ဒေါင်၏ ဖိတ်ကြားချက်အရ ဧပြီလ ၈ ရက် နှင့် ၉ ရက်တို့တွင် ကျင်းပမည့် အဆိုပါ ဆွေးနွေးပွဲသို့ တက်ရောက်မည် ဖြစ်ကြောင်း၊ ဗီယက်နမ်သည် ၂၀၁၀ ပြည့်နှစ်အတွက် အာဆီယံ ဥက္ကဋ္ဌရာထူးကို ရယူထားသော နိုင်ငံ ဖြစ်ကြောင်း သိရသည်။
အဆိုပါ ထိပ်သီး ဆွေးနွေးပွဲတွင် အရေးကြီး ကိစ္စရပ် သုံးခုကို အဓိက ဦးတည် ဆွေးနွေးမည် ဖြစ်ကြောင်း ဗီယက်နမ် ဒုတိယ နိုင်ငံခြားရေး ဝန်ကြီး Dao Viet Trung က ပြောကြားသည်။ ယင်းကိစ္စ သုံးခုမှာ အာဆီယံ လူ့အဖွဲ့အစည်း တည်ဆောက်ရေးကို မြှင့်တင် ဆောင်ရွက်သွားနိုင်ရေး၊ အာဆီယံ ချာတာကို အကောင်အထည်ဖော် ဆောင်ရွက်ရေး၊ ဒေသတွင်းကို ရိုက်ခတ်လျက် ရှိသော ကမ္ဘာလုံးဆိုင်ရာ စိန်ခေါ်မှုများအပေါ် တုံ့ပြန်ရာတွင် နိုင်ငံများ အချင်းချင်း ပူးပေါင်း ဆောင်ရွက်မှု မြှင့်တင်ရေးတို့ ဖြစ်သည်။ ထို့ပြင် အာဆီယံ၏ နိုင်ငံတကာ ဆက်ဆံရေး အခန်းကဏ္ဍ မြှင့်တင်ရေးလည်း ပါဝင်သည်။
အဆိုပါ ထိပ်သီး ဆွေးနွေးပွဲတွင် ခိုင်မာ တောင့်တင်းမှု ရှိသော အာဆီယံ စီးပွားရေး အသိုက်အဝန်း တည်ဆောက်ရန်လည်း ဦးစားပေး ဆွေးနွေးသွားမည်ဟု ဆိုသည်။ အဆိုပါ ခိုင်ခံ့သော စီးပွားရေး အသိုက်အဝန်းမှာ အာဆီယံ၏ ပင်မဒေါက်တိုင် သုံးခုအနက် တစ်ခု ဖြစ်သည်။ ကျန်နှစ်ခုမှာ နိုင်ငံရေးအရ လုံခြုံသော အသိုက်အဝန်းနှင့် လူမှုယဉ်ကျေးမှု အသိုက်အဝန်းတို့ ဖြစ်သည်။
အာဆီယံ ခေါင်းဆောင်များသည် ဆွေးနွေးပွဲအတွင်း အရေးကြီးသော စာရွက်စာတမ်း နှစ်ခုကို အတည်ပြုနိုင်ရန် ကြိုးပမ်းသွားကြမည် ဖြစ်သည်။ ယင်းတို့မှာ နာလန်ထူရေးနှင့် စဉ်ဆက်မပြတ် ဖွံ့ဖြိုးရေးအတွက် အာဆီယံ ကြေညာချက်နှင့် ရာသီဥတု ပြောင်းလဲမှုအပေါ် ပူးပေါင်း တုံ့ပြန်မှု ပြုရေးအတွက် အာဆီယံ ကြေညာချက်တို့ ဖြစ်သည်။ အဆိုပါ ကြေညာချက်များ အားလုံးမှာစီးပွားရေး အကျပ်အတည်းများ နာလန်ထူရေးနှင့် စဉ်ဆက်မပြတ် ဖွံ့ဖြိုးရေး အစီအစဉ်များ၊ ရာသီဥတု ပြောင်းလဲ ဖောက်ပြန်မှုများ အစရှိသည်တို့၏ နောက်ဆက်တွဲ ဆိုးကျိုးများကို ဒေသတွင်း နိုင်ငံများ အားလုံး လက်တွဲ ဆောင်ရွက်သွားနိုင်ရန် စီစဉ် ရေးဆွဲထားခြင်း ဖြစ်ကြောင်း ဒုတိယ ဝန်ကြီး Dao Viet Trung က ပြောသည်။
ဤအတောအတွင်းမှာပင် ဗီယက်နမ် ဝန်ကြီးချုပ် ငုယင်တန်ဒေါင်သည် ဧပြီလ ၂ ရက်မှ ၄ ရက်အထိ လုပ်ငန်းစဉ် အလည်အပတ် ခရီးစဉ်အဖြစ် မြန်မာနိုင်ငံသို့ လာရောက်ခဲ့သည်။ အဆိုပါ ခရီးစဉ်အတွင်း စီးပွားရေး ရင်းနှီး မြှုပ်နှံရေး၊ လယ်ယာ စိုက်ပျိုးရေး၊ ငါးဖမ်းလုပ်ငန်း၊ ဘဏ္ဍာရေး၊ ဆက်သွယ်ရေး၊ သတ္တုတူးဖော်ရေး အစရှိသည့် အခန်းကဏ္ဍများတွင် နှစ်နိုင်ငံ ပူးပေါင်း ဆောင်ရွက်မှု မြှင့်တင်ပေးနိုင်မည့် နားလည်မှု စာချွန်လွှာနှင့် ကန်ထရိုက်စာချုပ် စုစုပေါင်း ၇ ခုကို လက်မှတ် ရေးထိုးခဲ့ကြသည်။
ပြီးခဲ့သည့် ၁၅ ကြိမ်မြောက် အာဆီယံထိပ်သီး ဆွေးနွေးပွဲကို ထိုင်းနိုင်ငံ၊ ဟွာဟင်းမြို့၌ ကျင်းပ ပြုလုပ်ခဲ့သည်။
Xinhua သတင်းကို ဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.