Posts
မြန်မာအတိုက်အခံ နိုင်ငံရေး ပါတီဖြစ်သော အမျိုးသားဒီမိုကရေစီအဖွဲ့ (NLD) သည်ရွေးကောက်ပွဲသို့ ဝင်ရောက်ရန် ကော်မရှင်တွင် မှတ်ပုံတင် မည်မဟုတ်ကြောင်း ဆုံးဖြတ်ချက် ချပြီးနောက် ဧပြီလ ၅ ရက်နေ့တွင် ပါတီဝင်များ တွေ့ဆုံဆွေးနွေးပွဲ တစ်ရပ် ပြုလုပ်မည်ဖြစ်ကြောင်း သိရပါသည်။
အဆိုပါတွေ့ဆုံမှုသည် နှစ်ပေါင်း ၂၂ နှစ်ကြာမျှ မြန်မာနိုင်ငံ ဒီမိုကရေစီ လှုပ်ရှားမှုကို ဦးဆောင်လုပ်ကိုင်ခဲ့သော NLD အနေဖြင့် ပါတီနိုင်ငံရေး လှုပ်ရှားမှု နိဂုံးချုပ်ရေးအတွက် ပြုလုပ်သည့် သဘောသို့ သက်ရောက်နေပါသည်။
မတ်လ ၂၉ ရက်နေ့တွင် တစ်ပြည်လုံးမှ ပါတီဝင်အားလုံး တက်ရောက်သော အစည်းအဝေးပွဲ၌ ရွေးကောက်ပွဲ မဝင်ရန် တစ်ညီတညွတ်တည်း ဆုံးဖြတ်ခဲ့ပြီးနောက် NLD ပါတီ အနေဖြင့် မည်သို့သော ပုံစံဖြင့် နိုင်ငံရေးခရီး ဆက်မည်ဟူသော အချက်ကို အကဲခတ် လေ့လာသူများက စိတ်ဝင်စားလျက် ရှိပါသည်။
မည်သို့ပင်ဖြစ်စေ မည်သို့မည်ပုံ ခရီးဆက် မည်ဟူသော အရိပ်အယောင်မျိုးကိုမျှ NLD က ယနေ့အချိန်အထိ ထုတ်ဖော်မှု မပြုသေးပေ။ "ကျွန်တော်တို့ ဘာဆက်လုပ်မယ် ဆိုတာကို အတိအကျ မပြောနိုင်သေးပါဘူး၊ ဒါပေမဲ့ မတူညီတဲ့ အိုင်ဒီယာတွေတော့ အများကြီးရှိပါတယ်။
ကျွန်တော်တို့ တစ်ခုခုကိုတော့ ဆုံးဖြတ်ရမှာပါ" ဟု NLD ဗဟိုအလုပ်အမှုဆောင် ကော်မတီဝင် ဦးဟံသာမြင့်က Irrawaddy သတင်းဌာနသို့ ပြောကြားသည်။
NLD ပါတီသည် ရွေးကောက်ပွဲ ဥပဒေအရ မှတ်ပုံတင်ခြင်း မပြုပါက တရားဝင် ပါတီအဖြစ်မှ ပယ်ဖျက်ရမည်ဖြစ်ရာ အကယ်၍ ပါတီ ပျက်ပြယ်သွားပြီးနောက် စစ်အစိုးရ၏ ဖိနှိပ်မှုခံရနိုင်သည့် အလားအလာ ရှိ၊ မရှိဟူသော အချက်ကို မေးမြန်းရာတွင် ဦးဟံသာမြင့်က "တကယ်လို့ ပါတီ ဖျက်သိမ်းလိုက်ရင်တောင် ပါတီဝင်တွေကို ဖမ်းဆီးတာမျိုး မလုပ်သင့်ပါဘူး" ဟု ပြောကြားသည်။
NLD ပါတီသည် နိုင်ငံရေး အလျော်အစား သဘောမျိုးဖြင့် ရွေးကောက်ပွဲ ကော်မရှင်သို့ တမင်တကာ မှတ်ပုံမတင်ရန် ဆုံးဖြတ်ခဲ့ခြင်း ဖြစ်သည်ဟူသော သုံးသပ် ပြောဆိုချက်များကို ဦးဟံသာမြင့်က မဟုတ်မမှန်ကြောင်း တုံ့ပြန်ပြောဆိုသည်။
"ဒီကိစ္စက နောင်ရိုးတိုက်ပွဲလို ဗျူဟာမျိုး သုံးလို့မရပါဘူး" ဟု ဦးဟံသာမြင့်က တစ်ချိန်က ၁၆ ရာစု မြန်မာ့သမိုင်းတွင် စစ်သူကြီး ဘုရင့်နောင်က သူ၏တပ်သား နောက်မဆုတ်ဘဲ ရှေ့သို့ချီတက် တိုက်ပွဲဝင်စေရန် ရည်ရွယ်ချက်ဖြင့် စီးနင်းလာသော ဖောင်ကို မီးရှို့ဖျက်ဆီးပစ်လိုက်သည့် ဗျူဟာမျိုးကို ညွှန်းဆိုပြောဆိုသည်။ (နောင်ရိုး တိုက်ပွဲကို ဘုရင့်နောင်က ဦးဆောင်တိုက်ခိုက်ခဲ့သည်။)
ရွေးကောက်ပွဲမဝင်ရန် NLD ခေါင်းဆောင်များ ဆုံးဖြတ်ခဲ့ရခြင်းမှာ ၎င်းတို့တွင် အခြားရွေးချယ်စရာ တစ်ခုမျှ မရှိတော့သောကြောင့် ဖြစ်သည်ဟု ဦးဟံသာမြင့်ကပြောသည်။ "လက်တွေ့ ကျကျ၊ မူဝါဒကျကျ ပြောရရင် ကျွန်တော်တို့မှာ ဘာမှလုပ်စရာကို မရှိတော့လို့ပါ" ဟု ၎င်းက ဆိုသည်။
မတ်လ ၂၉ ရက်နေ့ NLD ပါတီဌာနချုပ်တွင် ပြုလုပ်ကျင်းပသော တွေ့ဆုံဆွေးနွေးပွဲသို့ အနောက်နိုင်ငံမှ သံတမန်များကလည်း တက်ရောက်ခဲ့ကြသည်။ မြန်မာပြည်သူ အခြေခံ လူတန်းစားအများစုက NLD ပါတီ၏ ဆုံးဖြတ်ချက်ကို စိတ်ဝင်စားမှု ပြင်းပြနေချိန်တွင် အနောက် သံတမန်များကလည်း ၎င်းတို့အနေဖြင့် NLD ကို ထောက်ခံကြောင်း ပြသရန်နှင့် ပါတီ ခေါင်းဆောင်များ၏ အနာဂတ်အစီအစဉ်ကို တီးခေါက်ကြည့်ရန် လာရောက်ခဲ့ကြခြင်း ဖြစ်သည်။
NLD ရွေးကောက်ပွဲမဝင်ဟု ဆုံးဖြတ်ချက်ချခဲ့သည့် သတင်းကို နိုင်ငံပိုင် သတင်း မီဒီယာများတွင် ဖော်ပြရေးသားခဲ့ခြင်း မရှိပေ။ "ဒီကိစ္စကို လူတွေကတော်တော် အာရုံစိုက်နေကြတာပါ၊ လမ်းတွေပေါ်မှာလည်း လူတွေတော်တော်များများက ဒီကိစ္စပဲပြောနေကြတာ၊ NLD ဘာဆက်လုပ်မလဲ ဆိုတာကိုပေါ့" ဟု ရန်ကုန်မြို့ခံ အမျိုးသားတစ်ဦးက ပြောကြားသည်။
NLD ရွေးကောက်ပွဲအပေါ် သပိတ်မှောက်ခဲ့သည့် ကိစ္စကို နားလည်စာနာသော သူများသည် ၎င်းတို့ အနေဖြင့် NLD ကို ထောက်ခံကြောင်း ပြသသည့်အနေဖြင့် NLD ပါတီသို့ ဝင်ရောက်ရန် ကြိုးပမ်းလျက်ရှိသည်။
မည်သို့ပင်ဆိုစေကာမူ NLD ၏ ဆုံးဖြတ်ချက်ကို လူတိုင်းက ကြိုက်နှစ်သက်သည်တော့ မဟုတ်ပေ။ "ဒီဆုံးဖြတ်ချက်ကို ကျွန်တော်မကြိုက်ပါဘူး။ ဒါပေမဲ့ကျွန်တော်
ဒေါ်အောင်ဆန်းစုကြည်အပေါ်မှာ သစ္စာရှိပါတယ်" ဟု ရွေးကောက်ပွဲဝင်ရန် ပထမပိုင်းက ဆော်သြ နေခဲ့သူ NLD အမှုဆောင် ဦးခင်မောင်ဆွေက ပြောပါသည်။
ဦးခင်မောင်ဆွေနှင့် အမြင်ချင်းတူသော အခြားပါတီဝင်များသည် ဆွေးနွေးပွဲ၌ ပြုလုပ်သော ဆုံးဖြတ်ချက်အပေါ် ဆန့်ကျင်ပြောဆိုမှုများ မပြုလုပ်ခဲ့ကြကြောင်း ၎င်းကရှင်းပြသည်။ သို့သော် ယခုလို ဆုံးဖြတ်လိုက်ခြင်းသည် NLD အနေဖြင့် ကိုယ့်ကိုယ်ကို အဆုံးစီရင်လိုက်သလို ဖြစ် သွားမည်ဟု ထင်မိကြောင်း ဦးခင်မောင်ဆွေက သူ၏ ပုဂ္ဂိုလ်ရေးအမြင်ကို ပြောပြသည်။
နိုင်ငံတကာ မီဒီယာများတွင်လည်း ဦးခင်မောင်ဆွေ နှင့်တူသော အမြင်များကို ထုတ်ဖော်ရေးသားခဲ့ကြသည်ကို တွေ့ရသည်။ "အကယ်၍ NLD က သူ၏ ဒီမိုကရေစီ စံနှုန်းတွေအတိုင်း ဆက်လက် ရပ်တည်မည်ဆိုပါက ရွေးကောက်ပွဲကို သပိတ်မှောက်ရန်သာ ရှိတော့သည်။ သို့သော် ယင်းသို့ သပိတ်မှောက်ပါက အမှားတစ်ခု ပြုလုပ်မိသလိုသာ ဖြစ်ဖွယ်ရှိသည်" ဟု နာမည်ကျော် The Economist စာစောင်က မတ်လ ၃၁ ရက်နေ့ထုတ် စာစောင်တွင် ခေါင်းကြီးပိုင်းရေး သားခဲ့သည်။
NLD ပါတီ၏ ရွေးချယ်မှုအား The Economist က "နိုင်ငံရေး အဆုံးစီရင်မှုနှင့် ဒုက္ခိတ ဘဝပုံစံဖြင့် တရားဝင်ပါတီအဖြစ် ရပ်တည်မှုကြားထဲမှ ဆုံးဖြတ်ချက်" ဟု သတ်မှတ်ဖော်ပြသည်။ The New Yorker သတင်းစာထဲတွင် ဆောင်းပါရှင် George Packer က "စစ်အစိုးရသည် သူ၏ ရက်စက်ကြမ်းကြုတ်သော တင်းမာမှုများ အသုံးပြုခြင်း၊ အတိုက်အခံပါတီကို ဘေးကျပ်နံကျပ် ဖြစ်အောင်၊ ကိုယ့်တပ်ကိုယ် ပြန်နင်းအောင် ဖိအားပေးခြင်း စသည်တို့ဖြင့် အကောင်းဆုံးသော အရာများကို လုပ်ကိုင်နေဆဲဖြစ်သည်" ဟု ရေးသားခဲ့သေးသည်။
NLD၏ လုပ်ဆောင်ချက်သည် ပို၍ မဟာဗျူဟာကျသော ချဉ်းကပ်မှုများကို ရယူလိုက်ခြင်းပင် ဖြစ်သည်ဟု အချို့သော မြန်မာ့နိုင်ငံရေး လေ့လာသုံးသပ်သူများက ပြောပါသည်။ "သူတို့အနေနဲ့ သတ်မှတ်ရက် မတိုင်မီ အချိန်ယူပြီး ဒေါ်အောင်ဆန်းစုကြည်ကို မထုတ်ဘဲ ပါတီမှတ်ပုံတင်ဖို့ လျှောက်ထားကောင်း လျှောက်ထားနိုင်ခဲ့မယ်။ အဲလိုဆိုရင် စစ်အစိုးရအနေနဲ့ ရွေးကောက်ပွဲ ဥပဒေအရ NLD ကို ပယ်ချဖို့ ဖြစ်လာလိမ့်မယ်။ အဲလိုဆိုရင် စစ်အစိုးရရဲ့ ဖိနှိပ်မှုတွေ ထုတ်ပြသလို ဖြစ်လာမယ်။ အဲဒီမှာ နိုင်ငံတကာက ရှိပြီးသား ပလေယာတွေအနေနဲ့ ကြားဝင်ဖြေရှင်းဖို့ ဖြစ်လာမယ်။ အဲဒီအခါရောက်ရင် NLD ကရွေးကောက်ပွဲကို ပယ်ချ ဆိုတဲ့ သတင်းခေါင်းစဉ်တွေဟာ စစ်အစိုးရက NLD ကိုပယ်ချ ဆိုပြီးဖြစ်လာမယ်" ဟု ပြည်ပြေး နိုင်ငံရေးသမားတစ်ဦးက သုံးသပ်သည်။
Irrawaddy သတင်းဌာနမှ သတင်းဆောင်းပါးကို ဆီလျော်အောင် ဘာသာပြန်ဆိုပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.