Posts
မြန်မာ စစ်တပ်သည် ကရင် တိုင်းရင်းသား အရပ်သားများအပေါ် တိုက်ခိုက်မှုများကို အရှိန်မြှင့်၍ လုပ်ဆောင်လာကြောင်း၊ နေအိမ်များကို မီးရှို့ ဖျက်ဆီးပစ်ပြီး စာသင်ကျောင်းများ၊ ဆေးခန်းများကိုလည်း ဖိအားပေးကာ ပိတ်ပင်ခိုင်းကြောင်း၊ သို့အတွက်ကြောင့် ကရင် ရွာသားပေါင်း ၂၀၀၀ ခန့်မှာ တောတွင်းသို့ ထွက်ပြေးကာ ပုန်းခိုနေရကြောင်း ကရင် ကယ်ဆယ်ရေး အဖွဲ့အစည်းများ၏ အဆိုအရ သိရသည်။
ပဲခူးတိုင်း ညောင်လေးပင် ခရိုင်၊ ကျောက်ကြီး မြို့နယ်မှ ကျေးရွာများရှိ အိမ်ခြေ ၇၀ ခန့်ကို မြန်မာ စစ်တပ်က မီးရှို့ ဖျက်ဆီးခဲ့သလို ရွှေ့ပြောင်း ဆေးခန်း တစ်ခုကိုပါ ဖျက်ဆီးပစ်ခဲ့သည် ဟု
ကရင် အရပ်ဘက် အဖွဲ့အစည်းတစ်ခု ဖြစ်သော Committee for Internally Displaced Karen People (CIDKP) က ပြောကြားသည်။
စာသင်ကျောင်းပေါင်း ၁၁ ကျောင်းကိုလည်း ဖိအားပေးကာ ပိတ်ခိုင်းထားပြီး ကျောင်းသူ ကျောင်းသား ကလေးငယ်များသည် စစ်ရေး လှုပ်ရှားမှုများကြောင့် တောတွင်းနေရာတွင် ပုန်းအောင်း နေရပါသည်ဟု CIDKP က ဆိုသည်။
"အဲဒီ နေရာတွေမှာ အစိုးရတပ်တွေ ဆက်ပြီး လှုပ်ရှား နေသေးသရွေ့တော့ ကလေးတွေ အနေနဲ့ တောထဲမှာပဲ ဆက်ပြီး ပုန်းအောင်းနေကြရမှာပါ" ဟု CIDKP မှ စောစတိဗ်က ဧရာဝတီ သတင်းဌာနသို့ ပြောဆိုသည်။
အစိုးရ တပ်များမှာ အမှတ် ၃၆၂ - ၃၆၇ ခြေလျင် တပ်ရင်းတို့ ဖြစ်ပြီး ဗျူဟာ စစ်ဆင်ရေး အမှတ် ၃ ၏ လက်အောက်မှ ဖြစ်ကြောင်း၊ ယခု အချိန်အထိ အဆိုပါ ဒေသများတွင် ကင်းလှည့် နေလျက်ပင် ရှိကြောင်း ၎င်းက ဆိုသည်။
ဖေဖော်ဝါရီလ ၃ ရက်နေ့တွင် အဆိုပါ တပ်ဖွဲ့များသည် အုပ်စုခွဲကာ ကျေးရွာပေါင်း ၆ ရွာသို့ ဝင်ရောက်ပြီး တိုးထ ဒေသမှ အိမ်ခြေ ၄၆ အိမ်ကို လည်းကောင်း၊ ကာဒီမူဒါဒေသမှ အိမ်ခြေ ၂၈ အိမ်ကို လည်းကောင်း မီးရှို့ ဖျက်ဆီးခဲ့သည်ဟု CIDKP ၏ အဆိုအရ သိရသည်။
ဖေဖော်ဝါရီလ ၅ ရက်နေ့တွင် စောလောရေးထူး ဆိုသူ ရွာသား တစ်ဦးမှာ သံလွင်မြစ် အနီးတွင် မြန်မာစစ်တပ်၏ ပစ်ခတ်ခြင်း ခံခဲ့ရသည်။ ထို့နောက် ၎င်းမှာ နယ်စပ်ဒေသရှိ မယ်လဦး ဒုက္ခသည် စခန်းရှိ ဆေးရုံတွင် သေဆုံးသွားခဲ့ရသည်။
မြန်မာစစ်တပ်၏ နောက်ပိုင်း တိုက်ခိုက်မှုများမှာ အဆိုပါ ဒေသရှိ ကျေးရွာသားများကို အဓိက ပစ်မှတ်ထားလာသည်ကို တွေ့ရသည်။ ပြီးခဲ့သည့် ဇန်နဝါရီလတွင် ညောင်လေးပင် ခရိုင်ရှိ ကျေးရွာပေါင်း ၁၀ ခုကို စစ်အစိုးရ တပ်ဖွဲ့များက ဝင်ရောက် စီးနင်း တိုက်ခိုက်ရာ ရွာသား လေးဦး သေဆုံးပြီး ၂၀၀၀ ခန့် အိုးပစ်အိမ်ပစ် ထွက်ပြေး ခဲ့ကြရကြောင်း USCampaign for Burma မှ အမှုဆောင် ဒါရိုက်တာ အောင်ဒင်က ပြောသည်။
"ကုလသမဂ္ဂ အနေနဲ့ မြန်မာပြည်က စစ် ရာဇဝတ်မှုတွေ၊ လူ့အခွင့်အရေး ချိုးဖောက်မှုတွေ ရပ်တန့်အောင် ထိထိရောက်ရောက် အရေးတယူ ဆောင်ရွက်ဖို့အတွက် အခု တိုက်ခိုက်မှုတွေဟာ သက်သေ သာဓကတွေပဲ ဖြစ်ပါတယ်" ဟု ၎င်းက ဆိုသည်။
မြန်မာ စစ်တပ်သည် ရွေ့လျား ဆေးကုခန်းများကို အဓိက ပစ်မှတ်ထားကာ တိုက်ခိုက် လာကြောင်း၊ အကြောင်းမှာ အဆိုပါ ဆေးကုခန်းများသည် ကရင်နှင့် အခြားသော တိုင်းရင်းသား များကို အသက် ကယ်ဆယ်မှု ပေးနေသောကြောင့် ဖြစ်ကြောင်း US Campaign for Burma က သတင်း ထုတ်ပြန်သည်။
ယခု ဖြစ်ရပ်သည် ဂျနီဗာ ကွန်ဗင်းရှင်း သဘောတူညီချက်ကို ရှင်းရှင်းလင်းလင်း ချိုးဖောက်ခြင်း ဖြစ်သည်။ ဘက်လိုက်မှု မရှိ ဆေးဝါး ကုသခွင့် ဆိုင်ရာ မူဝါဒကိုလည်း ချိုးဖောက်ခြင်း ဖြစ်သည် ဟု ဆိုသည်။
Irrawaddy သတင်းဌာနမှ သတင်းကို ဘာသာ ပြန်ဆိုသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.