Posts
14th Sept 2010
အာဖဂန် နစ္စတန်နိုင်ငံ မြို့သစ်တွင် လမ်းလျှောက်ကြည့်ပါက နေရာ အနှံ့ရှိ ပိုစတာများတွင် ဝင့်ကြွားနေသော၊ ဘာမထီ မျက်နှာထားနှင့်၊ သွားရေ ကျနေသယောင်ထိ ပြုံးနေသော မျက်နှာများကို တွေ့ရမည် ဖြစ်သည်။ ပါလီမန် ရွေးကောက်ပွဲများသည် နှစ်ပတ်သာ လိုတော့သည် ဖြစ်ရာ၊ မဲဆွယ်မှုများမှာ ပိုမို ပြင်းထန်လာသည်။ ကာဘူးမြို့တော်တွင် ကိုယ်စားလှယ် (၆၆၄) ဦး ယှဉ်ပြိုင်မည် ဖြစ်ရာ၊ ၎င်းထက် များပြားသော မြို့မရှိဘဲ တစ်ပြည်လုံး၏ လေးပုံတစ်ပုံ ကျော်ပြီး မဲပြားများ ရှိသော်လည်း ဒီမိုကရေစီမှာ လျင်မြန်စွာ ဖြစ်ထွန်းနေသည်ဟု ထင်ရသယောင် ရှိသည်။ အမှန်တကယ်တွင်မူ ပြည်နယ်များတွင် ဥပဒေမဲ့မှုများကြောင့် ကာဘူးတွင် စစ်ပြေးဒုက္ခသည် အဖြစ် ခိုလှုံရင်း၊ မြို့တော်တွင် ကိုယ်စားလှယ်များက နေထိုင်ရာ အဖြစ် ရွေးချယ်လာကြခြင်းကြောင့် ဖြစ်သည်။
အခြေအနေ ဆိုးသော ဧရိယာများမှ ကိုယ်စားလှယ်များသည် မြို့တော်ရှိ မဲဆန္ဒနယ်များကို ကိုယ်စားပြုရန် အပြီး ပြောင်းရွှေ့လာကြသည်။ အခြားရန်သူများ ဝိုင်းနေသော ပြည်နယ်များ ရှိမူရင်း ဒေသများကို ကိုယ်စားပြုသော ကိုယ်စားလှယ်များမှာ ထိုဒေသများတွင် အမည်သာ ရှိပြီး၊ ရွေးကောက်ပွဲရက် နီးကပ်သည့်တိုင် အိမ်သို့ ပြန်မသွားရဲကြပေ။ (၎င်းတို့ကို အိမ်မပြန်သော်လည်း ၎င်းတို့၏ ရုံးများကို ဖွင့်ခွင့်ပြုထားသည်။) "အခုဆို လူထဲ ထွက်ရမှာ အန္တရာယ် အလွန်များပါတယ်။ ဒီတော့ ကျွန်မ လူတွေနဲ့ ထိတွေ့ဘို့ အခြား နည်းလမ်းတွေ ရှာရတော့တာပေါ့'' ဟု Baghlan နယ်မှ ပါလီမန် အမတ်အမျိုးသမီး Najia Aimag ကပြောသည်။ Baghlan နယ်သည် ယမန်နှစ် သမ္မတ ရွေးကောက်ပွဲတွင် ဆိုးဝါးမှုများ ပြင်းထန်သည်ကို တွေ့ရသည်။ ယခုအခါ သူမသည် တစ်နှစ်ပတ်လုံး ကာဘူးတွင်သာ နေထိုင်သည်။ Afghanistan Analysts Network မှ Fabrizio Foschini ၏ အဆိုအရ မြို့တော်တွင်သာ စုဝေး နေထိုင်ခြင်း၏ လက္ခဏာမှာ တိုင်းပြည်၏ အခြား ဒေသများတွင် အစိုးရက ချုပ်ကိုင်မထားနိုင်တော့ကြောင်း ပြသခြင်းပင် ဖြစ်သည် ဟု ဆိုသည်။ (ယခုထိ စစ်သွေးကြွများဟု သံသယ ရှိသူများက ကိုယ်စားလှယ်လောင်း သုံးဦးကို သတ်ဖြတ်ခဲ့ပြီး၊ ထိုတိုက်ခိုက်မှုတွင် တစ်ဒါဇင်ထက် မနည်း ဒဏ်ရာ ရရှိသည်)
လွန်ခဲ့သော တစ်နှစ်က တာလီဘန်များသည် မဲရုံများကို ပိတ်ရန်နှင့် ရာပေါင်း များစွာသော လူများ မဲရုံသို့ မလာအောင် ခြိမ်းခြောက်၍ ထင်ယောင်ထင်မှား ဖြစ်အောင် ပြုလုပ်ခဲ့သည်။ သမ္မတ Hamid Karzai သည် ၎င်း၏ ဒုတိယ သက်တမ်း အဖြစ် အရွေးခံရပြီး၊ တရားဝင် ဖြစ်စေရန်သာ ကျင်းပခဲ့ခြင်း ဖြစ်သည်။ လာမည့် ရွေးကောက်ပွဲသည် တိုးတက်မှု ရှိမည့် လက္ခဏာ မရှိပေ။ သမ္မတသည် ဝေဖန်သူများက ရွေးကောက်ပွဲ ဆိုင်ရာ ပြုပြင်မှုများ တောင်းဆိုမှုအား လက်မခံပဲ မဲလိုရာ ဆွဲမှုများအတွက် ကော်မရှင်၏ စစ်ဆေး အရေးယူနိုင်ခွင့်ကို ကန့်သတ်ရန် ပြုလုပ်လာသည်။ မဲရုံများ၏ ၁၀ % ကျော်မှလည်း ရွေးကောက်ပွဲနေ့တွင် လုံခြုံမှု မရှိ၍ ဖွင့်လ်ိမ့်မည် မဟုတ်ပေ။ တစ်ချိန်တည်းမှာပင် စစ်ရာဇဝတ်ကောင်များဟု စွပ်စွဲခံထားရသူများသည် Wolesi Jirga ခေါ် အောက်လွှတ်တော် (၂၄၉) နေရာအတွက် ယှဉ်ပြိုင်မည့် (၂၅၀၀) အတွင်းတွင် ပါဝင်နေသည်။ အစိုးရသည် အများ လက်ခံမှု လျော့ပါးလာသည်နှင့်အမျှ တာလီဘန်များက အစိုးရ တာဝန်ရှိသူများကို မြို့ကြီးများသို့ ပြောင်းရွှေ့အောင် မောင်းထုတ်ကာ အမြတ် ထုတ်လိမ့်မည် ဖြစ်သည်။
၎င်းအထဲတွင် Fazlullah Mujadidi လည်း တစ်ယောက် အပါအဝင် ဖြစ်သည်။ လွန်ခဲ့သော ငါးနှစ်က သူသည် ကာဘူးတို့ ဝင်ရောက်သော တောင်ဖက်ဝင်ပေါက် ဖြစ်သော Logar ပြည်နယ်ကို ကိုယ်စားပြုခဲ့သည်။ ၎င်းသည် ၁၉၈၀ ခုနှစ်များက ရုရှားကို ဆန့်ကျင်ခဲ့သော ဂျီဟတ်တွင် မူဂျာဟီဒင် တပ်မှူးဟောင်း တစ်ဦး ဖြစ်သည်။ "ကျွန်တော့် ဘဝက Logar မှာထက်စာရင် ကာဘူးမှာ ပိုကောင်းတယ်၊ ဘာဖြစ်လို့လဲ ဆိုတော့ တာလီဘန်တွေက ပိုအားကောင်းလာပြီး၊ ကျွန်တော့်ကို ခြိမ်းခြောက်မှုတွေ ပိုလုပ်လာလို့ပါပဲ'' ဟု ၎င်းက ပြောသည်။ တာလီဘန်များသည် မဲဆွယ်၍ မရနိုင်ကြောင်း ၎င်းက ပြောသည်။ သူသည် သူ၏ မဲဆန္ဒနယ်ရှိ မိသားစုဝင်များ မိတ်ဆွေများထံသို့ မကြာခဏ သွားရောက်ခဲ့သော်လည်း၊ ပါလီမန် အမတ်တစ်ဦး အနေဖြင့် မြို့တော်တွင်သာ နေထိုင်နေရခြင်း အတွက် နောက်တ မရကြောင်း ပြောသည်။ ထို့အပြင် " ကျွန်တော် ဘယ်မှာ ရှိနေတယ် ဆိုတာ အရေးမကြီးပါဘူး။ ကျွန်တော့် ရည်ရွယ်ချက် ဖြစ်တဲ့ အာဖဂန်နစ္စတန် ပြည်သူတွေကို အလုပ်အကျွေး ပြုရရင် တော်ပါပြီ။'' ဟု ထပ်လောင်း ပြောကြားသည်။
ထို့အတူပင် အမတ်များသည် မတည်ငြိမ်မှုကြောင့် အထုပ်အပိုး ပြင်ကာ မြို့ပြဗဟိုသို့ ပြောင်းရွှေ့ နေထိုင်ကြရသည်။ အာဖဂန် နစ္စတန်တွင် လူဦးရေ (၂၈) သန်း ရှိသည့်အနက် တရားဝင် ကိန်းဂဏန်းများအရ ကာဘူး ပြည်နယ်တွင် (၃.၅) သန်း နေထိုင်သည်ဟု ဆိုသော်လည်း အချို့က ထိုထက်ပို၍ (၅) သန်း ကျော်မည်ဟု ခန့်မှန်းကြသည်။ ထို့အပြင် သုံးသပ်သူများ တွေ့ရှိသော အချက်မှာ နေရပ်ကို စွန့်ခွာ၍ ကာဘူးတွင် ဝင်ရောက် အရွေးခံကြသော ကိုယ်စားလှယ်များသည် မြို့တော်နှင့် နီးသော Logar၊ Wardak နှင့် Parwan နယ်များမှ ဖြစ်ပြီး၊ ထိုအရပ်များရှိ ၎င်းတို့ကို ထောက်ခံသူများ မြို့တော်သို့ တက်၍ ၎င်းတို့အတွက် မဲပေးရန် ရည်ရွယ်ကြသည် ဆိုသော အချက်ပင် ဖြစ်သည်။ ၎င်းမှာ အမှန်တကယ်ပင် ဖြစ်သည်။ ပြီးခဲ့သည့် လက မဲဆန္ဒရှင်များ မှတ်ပုံတင်ရာတွင် ကာဘူး၏ အနီး ပတ်ဝန်းကျင်မှ လူများ အုပ်စုလိုက် တက်၍ စာရင်းပေးကြသည်ဟု သတင်း ပေးပို့မှုများ ရှိခဲ့သည်။
အခြားသော ကိုယ်စားလှယ်များကလည်း Aimag ကဲ့သို့ပင် ၎င်းတို့၏ မိခင် ပြည်နယ်များမှ ရွေးကောက်ပွဲ ဝင်ခဲ့သော်လည်း ထိုဒေသများသို့ ခြေချရုံမျှသာ သွားရောက်ခဲ့သည်။ Aimag သည် သူမ၏ ဇာတိ ဖြစ်သော Baghlan မှ လေးလကျော် ဝေးကွာနေရာမှ ပြီးခဲ့သည့် လက သူမသည် ကိုယ်ရံတော် တစ်ဦးဖြင့် အန္တရာယ် မရှိစေရန် မထင်မရှား သွားရောက်ခဲ့သည်။ လူကြားထဲတွင် ထွက်ပြရန် မဖြစ်နိုင်သောကြောင့်၊ သူမ၏ စိတ်ချ ယုံကြည်ရသော ထောက်ခံသူများသည် သူမ၏ မိသားစုအိမ်သို့ သွားရောက်၍ လူထုသို့ ပါးလိုသော သတင်းစကားများကို သယ်ဆောင်ကြသည်။
ထိုနည်းတူစွာပင် Kandahar မှ ပါလီမန် အမတ် Shakiba Hashimi သည်လည်း တာလီဘန်များ အားကောင်းစွာ ခြေကုတ်ယူထားသော ဒေသမှ လူများနှင့် ဆက်သွယ်ရန် ကာဘူး အခြေစိုက် ရေဒီယို သတင်းဌာနကို အသုံးပြုရသည်။ ထိုဒေသတွင် သူမအား တာလီဘန်များက သတ်ပစ်မည်ဟု ခြိမ်းခြောက်ထားသည်။ စစ်သွေးကြွများက သာမက ထိုပြည်နယ်ကောင်စီ အကြီးအကဲ သမ္မတ သစ္စာခံ သမ္မတ၏ ညီဝမ်းကွဲ တော်စပ်သူ Ahmed Wali Karzai ကလည်း သူမကို အန္တရာယ် ပြုရန် ရှိသည်။ အဘယ်ကြောင့် ဆိုသော် သူမက ၎င်းအား ခြစားခြင်းနှင့် မူးယစ်ဆေးဝါး ရောင်းဝယ်ခြင်းများနှင့် ပတ်သက်နေကြောင်း စွပ်စွဲ၍ အနောက်နိုင်ငံ မီဒီယာများတွင် ဖြန့်ဝေခဲ့ခြင်းကြောင့် ဖြစ်သည်။ ထိုကြောင့် သူမသည် လျှို့ဝှက်၍ သွားလာနေရသည်။
အမတ်များ မြို့တော်တွင် ပြောင်းရွှေ့ နေထိုင်ခြင်းအတွက် ကြောက်ရွံ့ခြင်းကြောင့်ဟု အကြောင်း ပြကြသည်။ သို့သော် ကာဘူး ဇာတိ ပထမဦးဆုံး အကြိမ် အမတ်လောင်း Haroun Mir ၏ အဆိုအရ မြို့တော်တွင် အမတ်များ ပုံတိုက်နေခြင်းမှာ ငွေကြောင့် ဖြစ်ကြောင်း ဆိုသည်။ စစ်ပွဲ စီးပွားရေးသည် ငွေရလွယ်သော လုပ်ငန်း ဖြစ်ပြီး ပြင်ပမှ လူများကို ဆွဲဆောင်လျက် ရှိသည်။ ကာဘူးတွင် အမတ် နေရာ (၃၃) နေရာ ယှဉ်ပြိုင်ရမည် ဖြစ်ရာ အမတ်လောင်းများသည် မဲဆွယ်ရန် TV တွင် အသုံးပြုရန်နှင့် ကြော်ငြာအတွက် စီးပွားရေးသမားများက ငွေကြေး ကုန်ကျခံပေးကြသည်။ ပါလီမန် အမတ် ဖြစ်လာပါက ဥပဒေ အရ အကာအကွယ်များစွာ ရသောကြောင့် ဆွဲဆောင်မှု ကောင်းသော အပိုဆု ဖြစ်နေသည်။ "အလုပ် မဖြစ်တဲ့ ပါလီမန်မှာ အမတ်ဖြစ်ဖို့ ဘာလို့ငွေ ဒီလောက် သုံးနေသလဲ မသိဘူး'' ဟု Haroun Mir က ပြောသည်။
Mir တွင် သုံးစွဲရန် ငွေကြေး အကန့်အသတ် ရှိနေရာ၊ သူသည် နိုင်ငံတွင်း မီဒီယာများတွင် ၎င်း၏ လေးစားဖွယ် နိုင်ငံရေး ခွဲခြမ်း စိတ်ဖြာလေ့လာသူ အဖြစ် ရှိနေမှုကို အသုံးပြု၍ ဘဏ်များနှင့် ဆက်သွယ်နေရာ အခြား စီးပွားရေး သမားများနှင့် ပတ်သက်ရခြင်းထက် အကူအညီ ပိုရမည် ဟု မျှော်လင့်နေသည်။ ရွေးချယ်ခံရပါက ၎င်း၏ အနေအထားသည် ပိုမို ထိရောက်လိမ့်မည်ဟု မျှော်လင့်နေရသည်။ " သေချာတာကတော့ ဒါဟာ ကျွန်တော်တို့ အတွက် နောက်ဆုံး အခွင့်အရေးပါပဲ။ ငွေတွေ အများကြီး သုံးရတဲ့ ပြိုင်ဆိုင်မှုမျိုးမှာ မျှော်လင့်ချက်ထားဖို့ အတော် ခဲယဉ်းပါတယ်။ ဒါပေမယ့် ကျွန်တော်ကတော့ တောင့်ခံနိုင်တုန်းပါပဲ'' ဟု Mir က ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.