Posts
Associated Press, Jane Fugal, 1st – Feb - 2010
ပြီးခဲ့သည့် ဒီဇင်ဘာလက ထိုင်းနိုင်ငံ လေဆိပ်တွင် ဖမ်းဆီးရမိခဲ့သော လက်နက်များ တင်ဆောင်လာသည့် လေယာဉ်၏ ခရီးလမ်းဆုံးသည် မည်သည့် နိုင်ငံ ဖြစ်သည်ကို ယခုထိ မသိရှိ ရသေးကြောင်း ထိုင်းနိုင်ငံက တနင်္လာနေ့က ပြောကြားလိုက်ပါသည်။
ထိုင်း အာဏာပိုင်များသည် ဒီဇင်ဘာလ (၁၂) ရက်နေ့က ပြုံးယမ်းမှ ထွက်ခွာလာသော Ilyushin (11-76) ကုန်တင် လေယာဉ်ကို ဘန်ကောက် လေဆိပ်တွင် ဓာတ်ဆီဖြည့်ရန် ဆင်းသက်စဉ် ဖမ်းဆီးခဲ့ရာ လေယာဉ် အမှုထမ်း (၅) ဦး ပါဝင်ပြီး၊ (၃၅) တန်ရှိ လက်နက်များ တင်ဆောင် လာသည်ကို တွေ့ရှိရပါသည်။
ထိုင်း အစိုးရက ကုလသမဂ္ဂ လုံခြုံရေး ကောင်စီသို့ တင်ပြသော အစီရင်ခံစာသည် ပြီးခဲ့သည့် ရုံးပိတ်ရက်များအတွင်း နယူးယောက်မြို့မှ သတင်းထောက်များထံသို့ သတင်း ပေါက်ကြားခဲ့ရာ၊ အဆိုပါ အစီရင်ခံစာ၌ ကုလသမဂ္ဂက မြောက်ကိုရီးယား အပေါ် အရေးယူ ထားမှုများကို ချိုးဖောက်သော အဆိုပါ လေယာဉ်သည် အီရန်နိုင်ငံ တီဟီရန်၏ Mahrabad လေဆိပ်သို့ သွားရောက်မည်ကို တွေ့ရသည်ဟု ဆိုပါသည်။
သို့သော် ထိုင်း အစိုးရ ပြောခွင့်ရ ပုဂ္ဂိုလ် Panitan Wattanayarkorn က တနင်္လာနေ့က ပြောကြားရာတွင် လက်နက်များ အီရန်နိုင်ငံသို့ သွားမည် ဆိုသည်မှာလည်း ရေရာခြင်း မရှိဟု ဆိုပါသည်။
လေယာဉ်သည် ပျံသန်းရေး အစီအစဉ်အရ အီရန် နိုင်ငံသို့ သွားရန်သာ ဖြစ်ပြီး၊ လက်နက်များ မည်သည့်နေရာသို့ သွားမည် ဆိုသည်ကို မပြောလိုကြောင်း ၎င်းက ဆိုပါသည်။ အဆိုပါ ကိစ္စမှာ စစ်ဆေးနေဆဲ ဖြစ်ပြီး၊ သံသယ ရှိသူများသည် မိမိတို့ တရားရေး စနစ်အောက်တွင် ရှိကြောင်း ၎င်းက ထပ်လောင်း ပြောကြားခဲ့ပါသည်။
ကာဇက်စတန်မှ လေးဦးနှင့် ဘယ်လာရုစ်မှ တစ်ဦး ပါဝင်သော လေယာဉ် အမှုထမ်း ငါးဦးကို ထိန်းသိမ်းထားဆဲ ဖြစ်ပါသည်။ ၎င်းတို့ကို တရားမဝင် လက်နက်များ ပိုင်ဆိုင်မှုဖြင့် ပြစ်ဒဏ် ချမှတ်မည် ဖြစ်ပြီး စုံစမ်း စစ်ဆေးမှုများ အားလုံးပြီးမှ ပြစ်ဒဏ် ချမှတ်လိမ့်မည် ဖြစ်ကြောင်း ရဲက ပြောခဲ့ပါသည်။
လေယာဉ်ပေါ်မှ လက်နက်များသည် စစ်မြေပြင်သို့ အပေါစား လက်နက်များနှင့် ဗုံးများ ဖြစ်သည်ဟု သတင်းများအရ သိရှိရပြီး၊ အတွေ့အကြုံ ရှိပြီး အဆင့်မြင့်သော အီရန် စစ်တပ်မှ လိုအပ်လိမ့်မည် ဆိုသည်မှာ ယုံရခက်ခက်ပင် ဖြစ်ပါသည်။
တီဟီရန်မှ ထောက်ပံ့ထားသော အရှေ့ အလယ်ပိုင်းရှိ ပြုပြင် ပြောင်းလဲရေး ဝါဒီ အဖွဲ့များထံသို့ သင်္ဘောဖြင့် တင်ပို့လိမ့်မည်ဟု အစကတည်းက ခန့်မှန်းမှုများ ရှိခဲ့ပါသည်။
ကုလ သမဂ္ဂသည် မြောက်ကိုရီးယား၏ နျူကလီးယား လက်နက်များ စမ်းသပ်မှုကြောင့် ပြီးခဲ့သည့် ဇွန်လက မြောက်ကိုရီးယားမှ လက်နက်များ တင်ပို့မှုကို ပိတ်ပင် အရေးယူ ထားခဲ့ပါသည်။ ဆင်းရဲသော မြောက်ကိုရီးယားသည် အီရန်၊ ဆီးရီးယား နှင့် မြန်မာ ကဲ့သို့သော နိုင်ငံများသို့ ဒုံးကျည်များ၊ ဒုံးကျည် အစိတ်အပိုင်းများနှင့် အခြား လက်နက်များကို ရောင်းချခြင်းမှ ဒေါ်လာငွေ သန်းရာချီ၍ ရလိမ့်မည်ဟု ယုံကြည်ရပေသည်။
နိုင်ငံ အချို့တွင် The Associated Press မှ စုံစမ်း စစ်ဆေးမှုများအရ အဆိုပါ လက်နက်များ ရွေ့လျားမှုကို ပုံဖျက်ရန် လေယာဉ် ပိုင်ဆိုင်သော အဖွဲ့ ကုမ္ပဏီများစွာ ရှိပြီး နယူးဇီလန်မှ ဘာစီလိုနာထိ လိပ်စာလိမ် များစွာဖြင့် ဖော်ပြထားသည်ကို တွေ့ရှိရပါသည်။
လေယာဉ်မှူးကြီးကမူ လေယာဉ်ပျံသည် ယူကရိန်းနိုင်ငံ Kiev သို့ ဦးတည် ပျံသန်းနေကြောင်းကိုသာ ထွက်ဆိုပါသည်။
"ကျွန်တော် အနေနဲ့ လေယာဉ်ဟာ အီရန်ကို သွားမယ်ဆိုတာ ပြောလည်း မပြောခဲ့ပါဘူး။ အတည်လည်း မပြုခဲ့ပါဘူး။ ကျွန်တော် သိတာကတော့ လေယာဉ်ဟာ ယူကရိန်းကို သွားမှာဖြစ်ပြီး၊ ပစ္စည်းတွေကို အဲဒီမှာပဲ ချမှာ ဖြစ်ပါတယ်။ ဒီသတင်းကိုဘဲ ကျွန်တော် သိပါတယ်" ဟု လေယာဉ် အမှုထမ်းများ၏ ရှေ့နေ Somsak Sithong က AP သို့ တနင်္လာနေ့က ပြောပါသည်။
အစိုးရ ရှေ့နေများ အနေဖြင့် ဖေဖော်ဝါရီလ (၁၁) ရက် မတိုင်မီ အမှုကို ရုတ်သိမ်းမည်လော သို့မဟုတ် ထို ငါးဦးကို တရားရုံးသို့ တင်ပို့မည်လော ဆိုသည်ကို ဆုံးဖြတ်ရမည် ဖြစ်ကြောင်း၊ ဖေဖော်ဝါရီလ (၁၁) ရက်နေ့တွင် ၎င်းတို့အား ထိန်းသိမ်းထားသည့် အချိန်စေ့မည် ဖြစ်ကြောင်း ၎င်းရှေ့နေက ပြောပါသည်။ အဆိုပါ ရှေ့နေက ၎င်း၏ အမှုသည် လေယာဉ် အမှုထမ်းများနှင့် တွေ့ဆုံ အပြီး ပြောရာ၌ ၎င်းတို့သည် လေယာဉ်ပေါ်တွင် မည်သည့် ပစ္စည်းများ ပါလာသည်ကို သူတို့ မသိကြောင်း ငြင်းဆိုကြသည်ဟု ဆိုပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.