Posts
11th March 2010
မြန်မာ အစိုးရက အသစ်ပြဋ္ဌာန်းလိုက်သည့် ရွေးကောက်ပွဲ ဥပဒေသည် နိုင်ငံရေး အဖြေရှာမှုနှင့် ဝါရှင်တန်နှင့် ဆွေးနွေးမှုတို့ကို ထိခိုက်စေသည်ဟု အမေရိကန် ပြည်ထောင်စုက ပြောကြားသည်။
အငြင်းပွားဖွယ် ရွေးကောက်ပွဲ ဥပဒေကို မြန်မာ စစ်ဖက် အုပ်ချုပ်သူများက ထုတ်ပြန် ကြေညာပြီးနောက် လက်ထောက် နိုင်ငံခြားရေး ဝန်ကြီး Kurt Campbell ၏ မှတ်ချက် ထွက်ပေါ်လာခြင်း ဖြစ်သည်။
အနှစ် ၂၀ အတွင်း မြန်မာနိုင်ငံတွင် ပထမဆုံး အကြိမ် ကျင်းပမည့် မဲရွေးပွဲများအတွက် ယခုတိုင် ရက် မသတ်မှတ်ရသေးပါ။
ထို့အပြင် မြန်မာနိုင်ငံသို့ လာရောက်ခဲ့သော ကုလကမဂ္ဂ အထူး ကိုယ်စားလှယ်ကလည်း နိုင်ငံတွင်း၌ လူ့အခွင့်အရေးကို ကြီးမားစွာ စနစ်တကျ ချိုးဖောက်နေသည်ဟု စွပ်စွဲထားသည်။
မြန်မာနိုင်ငံတွင် စစ်ရာဇဝတ်မှုများ ရှိနိုင်သောကြောင့် စုံစမ်း စစ်ဆေးမှု ပြုလုပ်ရန် Tomas Ojea Quintana က တောင်းဆိုထားကြောင်း သတင်းထွက်လာသည်။
အလွန်စိတ်မကောင်းဖြစ်ရသည်
မြန်မာ စစ်ခေါင်းဆောင်များက ယခုနှစ်အတွင်း ပါတီစုံ ရွေးကောက်ပွဲ ကျင်းပပေးရန် စီစဉ်နေသည်ဟုသာ ပြောကြားသည်။ မဲရွေးပွဲများကို တစ်ချိန်ချိန်တွင် ကျင်းပမည် ဟူသော အနေအထားဖြင့် ရွေးကောက်ပွဲ ဥပဒေကို ၎င်းတို့က ထုတ်ပြန်ခြင်း ဖြစ်သည်။
အထိန်းသိမ်းခံ ပြည်သူ့ခေါင်းဆောင် ဒေါ်အောင်ဆန်းစုကြည် အပါအဝင် အဓိက အတိုက်အခံ နိုင်ငံရေးသမား မြောက်မြားစွာကို ပါဝင်ရန် ခွင့်မပြုထားပါ။
လွန်ခဲ့သော နှစ်နှစ်က အစိုးရ ဆန့်ကျင်ဆန္ဒပြပွဲများကို ဦးဆောင်သည့် ဘုန်းကြီးများကို ရည်ရွယ်သော စည်းကမ်းတစ်ခု အဖြစ် ဘာသာရေး အသင်းအဖွဲ့၊ အဖွဲ့ဝင်များကိုလည်း ရွေးကောက်ပွဲ ဝင်ခွင့် မပြုပါ။
ရွေးကောက်ပွဲ ဥပဒေသစ်ကြောင့် အမေရိကန်ပြည်ထောင်စု အနေဖြင့် များစွာ စိတ်အနှောင့်အယှက် ဖြစ်၍ ပူပန်မိသည်ဟု ထိုင်းနိုင်ငံတွင် ရောက်ရှိနေသော Mr. Campbell က ပြောကြားပါသည်။ Tomas Ojea Quintana ကလည်း ''တကယ်ကို စိတ်မကောင်းပါဘူး၊ ဒါဟာ ကျွန်တော်တို့ မျှော်လင့်ထားသလို မဖြစ်ဘဲ နှောင့်နှေး ကြန့်ကြာမှုကိုသာ ဖြစ်စေပါလိမ့်မယ်'' ဟု ပြောကြားသည်။
အမေရိကန်ပြည်ထောင်စုက အရေးယူ ပိတ်ဆို့မှု နည်းလမ်းတစ်ခုတည်းဖြင့် ထိရောက်မှု မရှိကြောင်း၊ ဒီမိုကရေစီ ထွန်းကားရေးကို အားပေးရန် ကြိုးပမ်းသည့် အနေဖြင့် မြန်မာစစ်ဖက် အုပ်ချုပ်သူများနှင့် တွေ့ဆုံ ဆွေးနွေးရန် ကြိုးစားသွားမည်ဟု ယခင်နှစ်က ပြောကြားခဲ့သည်။
အဓိက နိုင်ငံရေး အုပ်စုများအကြား တွေ့ဆုံဆွေးနွေး အဖြေရှာရေးကို အားပေးရန် ကြိုးစားသည့် အနေဖြင့် အမေရိကန်က ချည်းကပ် ဆက်ဆံခဲ့ခြင်း ဖြစ်ကြောင်း၊ သို့သော်လည်း ယခု ထုတ်ပြန်ခဲ့သော ရွေးကောက်ပွဲ ဥပဒေသစ်က ယင်းကဲ့သို့ တွေ့ဆုံ ဆွေးနွေးမှုများကို နေရာပေးထားခြင်း မရှိဟု Campbell က ပြောသည်။
ဝါရှင်တန် အနေဖြင့် ဗိုလ်ချုပ်မှူးကြီး သန်းရွှေ ခေါင်းဆောင်သော မြန်မာအစိုးရနှင့် ဆက်လက် ဆွေးနွေး သွားမည် ဖြစ်သော်လည်း အရေးယူ ပိတ်ဆို့မှုများကို ဆက်လက်ချမှတ် ထားဦးမည်ဟု ၎င်းက ဆိုသည်။
ကျင့်ဝတ် ချိုးဖောက်မှု
မြန်မာ အာဏာပိုင်များ အပေါ် ပြင်းထန်သော ပြစ်တင် ဝေဖန်မှုများ ပါဝင်သည့် Mr. Quintana ၏ အစီရင်ခံကို ရရှိပြီးနောက် Campbell ၏ မှတ်ချက် ထွက်ပေါ်လာခြင်း ဖြစ်သည်။
မြန်မာနိုင်ငံတွင်းမှ လူ့အခွင့်အရေး ချိုးဖောက်မှုများမှာ ကြီးမားများပြား၍ စနစ်တကျ ပြင်ဆင် ကျူးလွန်သည့် ပုံစံ ဖြစ်သည်ဟု Quintana က ပြောကြားသည်။
ဖြစ်ရန်များသည့် အချက်တစ်ခုမှာ အထက်ပါ လူ့အခွင့်အရေး ချိုးဖောက်မှုများတွင် လူသားမျိုးနွယ်အပေါ် ကျူးလွန်သော ရာဇဝတ်မှုများနှင့် စစ်ရာဇဝတ်မှုများ ပါဝင်နေခြင်းပင် ဖြစ်သည်ဟု တနင်္လာနေ့တွင် ကုလသမဂ္ဂသို့ တင်ပြသော အစီရင်ခံစာတွင် Quintana က ဖော်ပြထားသည်။
မြန်မာနိုင်ငံသို့ တာဝန် ၃ ရပ်ဖြင့် သွားရောက်ခဲ့သော Mr. Quintana က ပြောကြားရာတွင် မြန်မာနိုင်ငံ၌ အခြေခံ အခွင့်အရေးများ ဖြစ်သော စားစရာ၊ နေစရာ၊ ကျန်းမာရေးနှင့် ပညာသင်ခွင့်တို့ ပိတ်ပင်ခံနေရသော ပြည်သူများစွာ ရှိနေဆဲ ဖြစ်သည် ဟု ဆိုသည်။
အနောက်မြောက်ပိုင်း ရိုဟင်ဂျာများအပေါ် ခြိမ်းခြောက်မှုများ၊ ကလေးစစ်သား စုဆောင်းမှု ပြဿနာများ အပါအဝင် နယ်စပ်ဒေသ တလျှောက် ဖြစ်ပွားနေသော ပဋိပက္ခများတွင် အရပ်သားများ အပေါ် နှိပ်စက်ကျူးလွန်နေမှုများနှင့် ပတ်သက်၍ စိုးရိမ် ပူပန်နေကြောင်း Quintana က အလေးပေး တင်ပြထားသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.