Posts
The Irrawaddy, By The Associated Press, 12th March 2010
သောကြာနေ့က အမေရိကန်အစိုးရ တာဝန်ရှိပုဂ္ဂိုလ်က ပြောဆိုရာတွင် ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား လာမည့် ရွေးကောက်ပွဲတွင် မပါဝင်နိုင်ရန် အစိုးရ၏ အပြုအမူများကို ကြည့်၍ မြန်မာအစိုးရနှင့် ဆက်ဆံရေး ပြုလုပ်မည့် ဝါရှင်တန်၏ မူဝါဒအသစ်သည် အောင်မြင်မှု ရရှိပုံမရဟု ပြောကြားလိုက်သည်။
ယခုအပတ် မြန်မာအစိုးရ ထုတ်ပြန်သော ရွေးကောက်ပွဲ ဥပဒေအရ ထိန်းသိမ်းခံနေရသော နိုဘယ်ဆုရှင် ဒေါ်အောင်ဆန်းကြည် ရွေးကောက်ပွဲတွင် ပါဝင်ခွင့် မရမှုအပြင် သူမ၏ ပါတီတွင် ပါဝင်ခွင့် မရခြင်းသည် သူမ၏ အမျိုးသား ဒီမိုကရေစီအဖွဲ့ချုပ်အပေါ် အလွန် အင်အားနည်းစေသည်။
ယမန်နှစ်က အမေရိကန် ပြည်ထောင်စုသည် ၎င်း၏ တင်းကြပ်သော မူဝါဒကို ပြန်လည် ပြင်ဆင်၍၊ မြန်မာအစိုးရနှင့် ဆက်ဆံရေး ပြုလုပ်၍ ပြုပြင်ပြောင်းလဲမှု ပြုလုပ်ရန် အားပေး နိုင်လိမ့်မည်ဟု ယူဆခဲ့သည်။ သို့သော် Obama အစိုးရသည် ဒေါ်အောင်ဆန်းစုကြည်အား လွှတ်၍ သူမ၏ ပါတီအား ရွေးကောက်ပွဲတွင် ပါဝင်စေခြင်း ကဲ့သို့သော ဒီမိုကရေစီ ပြုပြင် ပြောင်းလဲမှုအတွက် ခိုင်မာသော ခြေလှမ်းများ မရှိဘဲ အရေးယူမှုများကို ရုတ်သိမ်းမည် မဟုတ် ပြောခဲ့သည်။
အမေရိကန်၏ ချဉ်းကပ်မှုမှာ အစိုးရနှင့် အဓိက နိုင်ငံရေး လှုပ်ရှားသူများအကြား တွေ့ဆုံဆွေးနွေးမှု ဖြစ်စေရေးကို ရည်ရွယ်ခဲ့ကြောင်း၊ သို့သော် ယခု ထုတ်ပြန်သော ရွေးကောက်ပွဲ ဥပဒေအရ တွေ့ဆုံ ဆွေးနွေးမှု ဖြစ်ပေါ်ရန် အလားအလာ မရှိကြောင်း အမေရိကန်လက်ထောက် နိုင်ငံခြားရေး ဝန်ကြီး Kurt Campbell က ပြောကြားခဲ့သည်။
Campbell က Bangkok တွင် သတင်းထောက်များအား ပြောကြားရာ၌ အမေရိကန် ပြည်ထောင်စုအနေဖြင့် မြန်မာအစိုးရအပြင် ပြည်တွင်းရှိ ပါတီများ အားလုံးနှင့် ဆက်လက်၍ စကားပြောသွားမည် ဖြစ်ကြောင်း ထည့်သွင်း ပြောကြားခဲ့သည်။
"ကျွန်တော်တို့ စိတ်ပျက်မိပါတယ်။ ဝမ်းနည်းစရာလည်း ကောင်းပါတယ်။ စိုးရိမ်စရာလည်း ကောင်းပါတယ်။ ကျွန်တော်တို့ မျှော်လင့်တာ ဒါမျိုး မဟုတ်ပါဘူး" ဟု Campbell က ပြောသည်။ ၎င်း သည် ယခု အာရှ ၁၀ နိုင်ငံ ခရီးစဉ်တွင် သွားလာလျက် ရှိသည်။
အစိုးရသည် နောက်ဆုံး ရွေးကောက်ပွဲ ဥပဒေကို ပြီးခဲ့သည့် သောကြာနေ့က ဖော်ပြခဲ့ပြီး၊ ဒေါ်အောင်ဆန်းစုကြည်က မတရားသော ဥပဒေအဖြစ် ဖော်ပြခဲ့သည်။
"ဒေါ်အောင်ဆန်းစုကြည်က ဒီလို မတရားတဲ့ ဥပဒေမျိုး ထွက်လာမယ်လို့ လုံးဝ မမျှော်လင့်ပါဘူး။ ဒါပေမဲ့ သူမက စိတ်မပျက်ပါဘူးလို့ ပြောပါတယ်" ဟု သူမ၏ ပါတီပြောခွင့်ရ ပုဂ္ဂိုလ် ဦးဥာဏ်ဝင်းက ကြာသပတေးနေ့က သူမ၏ နေအိမ်တွင် တွေ့ဆုံအပြီးတွင် ပြောကြားခဲ့သည်။
သူမက အဆိုပါ စိန်ခေါ်မှုများသည် ပြတ်သားသော တုန့်ပြန်မှုများ ထွက်ပေါ်လာရန် အကြောင်း ဖြစ်ပြီး ပြည်သူများနှင့် ဒီမိုကရေစီ အင်အားစုများကို အဆိုပါ မတရားသော ဥပဒေများကို တညီတညွတ်တည်း တုန့်ပြန်ကြရန် တောင်းဆိုခဲ့သည်ဟု ၎င်းက ပြောသည်။
NLD ပါတီသည် ရွေးကောက်ပွဲတွင် ပါဝင်လိမ့်မည် ဆိုသည်ကိုမူ ဆုံးဖြတ်ခြင်း မရှိသေးပေ။ နိုင်ငံရေးပါတီများသည် မှတ်ပုံတင်ရန် တနင်္လာနေ့မှ စ၍ ရက်ပေါင်း ၆၀ အချိန် ပေးထားသည်။
ယခု ကျင်းပမည့် ရွေးကောက်ပွဲသည် စစ်အစိုးရရေးဆွဲထားသည့် ဒီမိုကရေစီ လမ်းပြမြေပုံ၏ အစိတ်အပိုင်း တစ်ခုဖြစ်ပြီး၊ ဝေဖန်သူများက စစ်တပ်၏ အာဏာ ခိုင်မြဲရေးအတွက် လိမ်ညာ ရေးဆွဲထားသော အစီအစဉ်အဖြစ် ဖော်ပြကြသည်။ ပြီးခဲ့သည့် မေလက စစ်တပ် ကျောထောက်နောက်ခံ ပြုသော အခြေခံဥပဒေကို အတည်ပြုခဲ့ရာ အတိုက်အခံများက မူများတွင် မတရားမှုများ ရှိကြောင်း စွပ်စွဲခဲ့သည်။
ဗုဒ္ဓဟူးနေ့က ထုတ်ပြန်သော ရွေးကောက်ပွဲ ဥပဒေတွင် ပြစ်မှု ကျူးလွန်ထားသူများသည် နိုင်ငံရေးပါတီဝင် မဖြစ်စေရဟု ဖော်ပြထားရာ ဒေါ်အောင်ဆန်းစုကြည်အား ရွေးကောက်ပွဲတွင် ပါဝင် အရွေးခံရန် အကြုံးမဝင်စေရုံမျှမက၊ ပါတီဝင်အဖြစ် ပါဝင်ခွင့်မရစေရန်ပါ ရေးဆွဲထားသည်ကို တွေ့ရသည်။
ကြာသပတေးနေ့က ထုတ်ပြန်သော ဥပဒေအရ သူမအား ဆန္ဒမဲပေးခွင့်ကို မပေးနိုင်အောင် ဖော်ပြထားပြန်သည်။ ကြာသပတေးနေ့က ဖော်ပြသော ဥပဒေ နှစ်ခုအရ ၁၉၈၉ ခုနှစ်က ပြဋ္ဌာန်းထားသော ရွေးကောက်ပွဲ ဥပဒေကို ယခု ဥပဒေ အသစ်ဖြင့် ပယ်ဖျက်ခဲ့သည်။
"သူတို့ဟာ ပါတီကို တဖြည်းဖြည်း ဖျက်ဆီးနေခဲ့တာပါ။ အခုတော့ အစွမ်းကုန် အားသုံးပြီး ဖျက်နေပါပြီ။ ဒါပေမဲ့ NLD ဟာ ဘယ်တော့မှ ပြိုလဲမှာ မဟုတ်ပါဘူး" ဟု ပါတီ ဒုဥက္ကဋ္ဌ ဦးတင်ဦးက ပြောသည်။
အမေရိကန် အခြေစိုက် လူ့အခွင့်အရေး စောင့်ကြည့်ရေးအဖွဲ့က ပြောကြားရာတွင် NLD ပါတီ၏ အဖွဲ့ဝင် ၄၂၉ ဦးသည် ထောင်ထဲတွင် ရှိပြီး၊ ထိုအထဲတွင် ၁၉၉၀ ရွေးကောက်ပွဲက အရွေးခံရသော ပါလီမန် အမတ်လောင်း ၁၂ ဦး ပါဝင်ကြောင်း ဆိုသည်။
အမေရိကန် ပြည်ထောင်စုနှင့် လူ့အခွင့်အရေး အဖွဲ့များက မြန်မာအစိုးရ၏ ရွေးကောက်ပွဲသည် အများ လက်ခံနိုင်မည့် လမ်းကြောင်းမှ သွေဖယ်နေပြီ ဖြစ်ကြောင်း သတိပေးခဲ့သည်။ အခြေခံဥပဒေတွင် အစိုးရအဖွဲ့၌ စစ်တပ်၏ ချုပ်ကိုင်မှုကို အာမခံထားပြီး ဖြစ်ကြောင်း၊ ယခု ဒေါ်အောင်ဆန်းစုကြည်အား ကန့်သတ်မှုများ ပြုလုပ်ထားပြန်ကြောင်း ပြောကြားခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.