Posts
မြန်မာနိုင်ငံ၏ အနာဂတ်နိုင်ငံရေးသည် လာမည့်နှစ်လအတွင်း အရေးအကြီးဆုံးသော အခြေအနေထဲသို့ ရောက်ရှိနေမည်ဖြစ်ကြောင်း ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက သတိပေးပြောကြားလိုက်သည်။ မြန်မာနိုင်ငံ၏ နိုင်ငံရေးနှင့် နိုင်ငံတကာ အသိုင်းအဝိုင်းအတွင်း ရပ်တည်မှုအခြေအနေကို နောင်နှစ်လအတွင်း အဆုံးအဖြတ် ပေးမည်ဖြစ်သည်ဟု မစ္စတာ ဘန်ကီမွန်းက ဆိုသည်။
ကုလအထွေထွေ အတွင်းရေးမှူးချုပ်က လတ်တလောမြန်မာနိုင်ငံတွင် ကျင်းပပြီး ဆုံးသွားသော ရွေးကောက်ပွဲနှင့်ပတ်သက်သော ဘဝင်မကျနိုင်စရာ အခြေအနေများကို အခြေခံကာ ယင်းသို့ ထင်မြင်သုံးသပ်ချက် ပေးလိုက်ခြင်းဖြစ်သည်။
မြန်မာနိုင်ငံ၏ မိတ်ဆွေသူငယ်ချင်းများအုပ်စုဟု အမည်ရသော အဖွဲ့တစ်ခုတွင်ပြုလုပ်သည့် ဆွေးနွေးပွဲသို့ နိုင်ငံပေါင်း ၁၂ နိုင်ငံကျော် တက်ရောက်ခဲ့သလို ဒေသတွင်း အဖွဲ့အစည်းများလည်း ပါဝင်တက်ရောက်ခဲ့ကြသည်။ အဆိုပါဆွေးနွေးပွဲတွင် မစ္စတာ ဘန်ကီမွန်းက မြန်မာနိုင်ငံတွင်း နိုင်ငံရေး အသွင်ကူးပြောင်းမှု ဖြစ်စဉ်နှင့်ပတ်သက်၍ လွန်စွာစိုးရိမ်ပူပန်မိကြောင်းပြောဆိုသည်။
အဆိုပါဖြစ်စဉ်တွင် ရွေးကောက်ပွဲ၌ အနိုင်ရရှိသူများသာမက ရွေးကောက်ပွဲတွင်ရှုံးနိမ့်သူ သို့မဟုတ် ပါဝင်ယှဉ်ပြိုင်ခွင့်မရရှိခဲ့သူများ အားလုံးပါဝင်ရမည်ဖြစ်ကြောင်း မစ္စတာ ဘန်ကီမွန်းက ဆိုသည်။
"မြန်မာနိုင်ငံရှေ့ဆက်သွားမယ့် ခရီးစဉ်ကိုထောက်ဆပြီး မြန်မာအာဏာပိုင်တွေအနေနဲ့ နိုင်ငံရေးအသွင် ကူးပြောင်းမှုအဆင့်ကို ရောက်အောင်လုပ်ဖို့ ကျွန်တော်တို့ အဆက်မပြတ် အားပေးအားမြှောက် ပြုလုပ်ဖို့လိုပါတယ်" ဟု မစ္စတာ ဘန်ကီမွန်း၏ပြောကြားချက်ကိုကိုးကားပြီး ကုလ ပြောရေးဆိုခွင့်ရှိသူ မာတင်နက်စကီးက ပြောကြားသည်။
အထက်ပါဆွေးနွေးပွဲတွင် မစ္စတာဘန်ကီမွန်း၏ မြန်မာနိုင်ငံဆိုင်ရာ အထူးအကြံပေးအရာရှိ ဗီဂျေနမ်ဘီးယားကလည်း မြန်မာနိုင်ငံအကြောင်း အကျဉ်းချုံးဆွေးနွေးခဲ့သည်။ မစ္စတာ ဗီဂျေနမ်ဘီးယားသည် မြန်မာနိုင်ငံသို့လာရောက်ပြီး စစ်အစိုးရ ခေါင်းဆောင်များ၊ အရပ်ဘက် လူ့အဖွဲ့အစည်းများနှင့် တွေ့ဆုံခဲ့သူဖြစ်သည်။ ခရီးစဉ်တွင်း ကုလသမဂ္ဂက အဆိုပြုထားသည့်အတိုင်း ဖွံ့ဖြိုးရေး လုပ်ဆောင်ချက်များလုပ်ကိုင်ရန် အာဏာပိုင်များကို တိုက်တွန်းခဲ့ကြောင်း ၎င်းက ပြောကြားသည်။
အထူးအကြံပေးအရာရှိမစ္စတာ ဗီဂျေနမ်ဘီးယား၏ အစီရင်ခံစာကို ဂရုတစိုက် နားထောင်ပြီးနောက် မစ္စတာဘန်ကီမွန်းက ယခုလိုမှတ်ချက်ပြုသည်။ "ဝမ်းနည်းစရာ ကောင်းသည့်အချက်မှာ မြန်မာနိုင်ငံတွင် ကျင်းပပြီးဆုံးသွားသော ရွေးကောက်ပွဲသည် နိုင်ငံတကာ အသိုင်းအဝိုင်းက မျှော်မှန်းထားသလို မဖြစ်ခဲ့ခြင်းပင်ဖြစ်သည်" ဟု ကုလအထွေထွေ အတွင်းရေးမှူးက ဆိုသည်။
မြန်မာ့အရေးနှင့် ပတ်သက်၍ နိုင်ငံတကာအသိုင်းအဝိုင်း၏ သဘောတူညီချက်များစွာ လိုအပ်နေကြောင်း ယင်းအစည်းအဝေးတွင် မှတ်ချက်ချနိုင်ခဲ့သည်။ နိုင်ငံရေး၊ လူသားချင်းစာနာ ထောက်ထားသော အကူအညီများပေးရေး၊ ဖွံ့ဖြိုးရေးအစရှိသော နယ်ပယ်များတွင် ကုလသမဂ္ဂ၏ စေ့စပ်ညှိနှိုင်းမှုကို ကောင်းစွာနားလည်သဘောပေါက်ရန် လိုအပ်ကြောင်း ထည့်သွင်း ပြောဆိုခဲ့ကြသည်။
မစ္စတာ ဗီဂျေနမ်ဘီးယားသည် မြန်မာနိုင်ငံခရီးစဉ်အတွင်း နိုဗယ်ငြိမ်းချမ်းရေးဆုရှင် ဒေါ်အောင်ဆန်းစုကြည်နှင့်လည်း တွေ့ဆုံဆွေးနွေးခွင်ရရှိခဲ့သလို ၂၀၁၀ ရွေးကောက်ပွဲတွင် ဝင်ရောက်ယှဉ်ပြိုင်ခဲ့သည့် အခြားသော အဓိကနိုင်ငံရေးပါတီကြီးများမှ ကိုယ်စားလှယ်များနှင့်လည်း တွေ့ဆုံနိုင်ခဲ့ကြောင်း သိရသည်။
UN News Center မှသတင်းကိုဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.