Posts
From Press Trust of India, 8th December 2010
မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က သူမ၏ တိုင်းပြည် ဒီမိုကရေစီ ထွန်းကားရေးတွင် အိန္ဒိယနိုင်ငံကို ပိုမိုတက်ကြွသော ကဏ္ဍမှ ပါဝင်စေလိုပြီး၊ သူမ၏ အတိုက်အခံ ပါတီနှင့်လည်း ပိုမို တွေ့ဆုံ ညှိနှိုင်းစေလိုသည်ဟု ပြောကြားလိုက်သည်။
အသက် ၆၅ နှစ်ရှိ နိုဘယ်ဆုရှင်က PTI နှင့် အင်တာဗျူး ပြုလုပ်ရာတွင် အိန္ဒိယနိုင်ငံ အနေဖြင့် ကမ္ဘာ့ အကြီးဆုံး ဒီမိုကရေစီနိုင်ငံအဖြစ် အများက သတ်မှတ်ထားသည့်အတိုင်း စောင့်ထိန်း လုပ်ဆောင်ရမည် ဖြစ်ပြီး မြန်မာနိုင်ငံမှ ကူးသန်းရောင်းဝယ်ရေး အကျိုးစီးပွားများကြောင့် ပြင်ဆင် ပြောင်းလဲခြင်း မပြုသင့်ဟု ပြောကြားခဲ့ခြင်း ဖြစ်သည်။
အိန္ဒိယနိုင်ငံက မြန်မာစစ်ဖက် အစိုးရနှင့် စီးပွားရေးသဘောအရ ပိုမို ညှိနှိုင်း ဆောင်ရွက်လာခြင်းကို အတိုက်အခံ ခေါင်းဆောင်က မှတ်ချက်ပေးရာတွင် ဗိုလ်ချုပ်မှူးကြီး သန်းရွှေ၏ အာဏာရ စစ်ဖက် အစိုးရနှင့် အိန္ဒိယနိုင်ငံတို့၏ ညှိနှိုင်းမှုကို သူမအနေဖြင့် ကန့်ကွက်စရာ မရှိသော်လည်း မြန်မာနိုင်ငံ ဒီမိုကရေစီ ထွန်းကားရေးတွင် အိန္ဒိယနိုင်ငံကို ပိုမို တက်ကြွသော ကဏ္ဍမှ ပါဝင်စေလိုပြီး၊ သူမ၏ NLD ပါတီနှင့်လည်း နှီးနှောတိုင်ပင်မှုများ ရှိစေချင်သည်ဟု ပြောဆိုခဲ့သည်။
"မြန်မာနိုင်ငံရဲ့ ဒီမိုကရေစီ ထွန်းကားရေး လုပ်ငန်းစဉ်ကို ကူညီဖို့ ကြိုးစားတဲ့ အနေနဲ့ ပိုမို တက်ကြွတဲ့ ကဏ္ဍကနေ အိန္ဒိယနိုင်ငံ ပါဝင်တာကို ကျွန်မတို့ မြင်ချင်ပါတယ်။ ဒီမိုကရေစီ အတွက် အလုပ်လုပ်နေတဲ့ ကျွန်မတို့နဲ့လည်း အိန္ဒိယ အစိုးရက ပိုမိုညှိနှိုင်းတာမျိုး ဖြစ်စေချင်ပါတယ်" ဟု နိုဘယ်ဆုရှင်က ရန်ကုန်မှ တယ်လီဖုန်းဖြင့် ပြောကြားသည်။
ကမ္ဘာ့အကြီးဆုံး ဒီမိုကရေစီ နိုင်ငံအဖြစ် အများသိထားကြတဲ့အတိုင်း ပြီးခဲ့တဲ့ ဆယ်စုနှစ်များက အိန္ဒိယရဲ့ ကဏ္ဍဟာ ခိုင်ခိုင်မာမာ အထောက်အကူ ပြုခဲ့ပါတယ်။ ဒီကိစ္စအတွက် ဂုဏ်ယူစရာ ဖြစ်ခဲ့ပါတယ်။ ဒါပေမယ့် လောလောဆယ် အာရုံစူးစိုက်မှုက စီးပွားရေးဖက်ကို ပြောင်းသွားပြီလို့ ဆိုနိုင်ပါတယ်ဟု သူမက ပြောကြားသည်။ အိန္ဒိယ အစိုးရ အနေဖြင့် မြန်မာနိုင်ငံသို့ လာသည့်အခါတွင် စီးပွားရေး အမြင်ထက် ကျော်လွန်ပြီး ရှုမြင်နိုင်စေရန် သူမ မျှော်လင့်သည်ဟု သူမက ဆက်လက် ပြောကြားသည်။
၁၉၈၀ ခုနှစ်များက အိန္ဒိယနိုင်ငံတွင် နေထိုင်ခဲ့ဘူးသူ ဒေါ်အောင်ဆန်းစုကြည်သည် ၇ နှစ် ကျော်ခန့် ဆက်တိုက် ထိန်းသိမ်းခြင်း ခံရပြီးနောက် နိုဝင်ဘာ ၁၃ ရက်တွင် ရန်ကုန်မြို့၌ လွတ်မြောက်လာခဲ့ခြင်း ဖြစ်သည်။
ဒေါ်အောင်ဆန်းစုကြည်ကို တစ်ချိန်က ခိုင်ခိုင်မာမာ ထောက်ခံခဲ့ဖူးသော အိန္ဒိယနိုင်ငံသည် ဒီမိုကရေစီရေးနှင့် လူ့အခွင့်အရေးဆိုင်ရာများအပေါ် စိုးရိမ်ပူပန်ခြင်းထက် လုံခြုံရေးဆိုင်ရာ၊ စွမ်းအင်ဆိုင်ရာ၊ မဟာဗျူဟာဆိုင်ရာ လိုအပ်ချက်များက ပိုမို ကျော်လွန် မြင့်မားလာသည့် အလျောက် ၁၉၉၀ ခုနှစ်များ၏ အလယ်ခန့်တွင် မြန်မာစစ်ဖက် အုပ်ချုပ်သူများနှင့် တွေ့ဆုံ ညှိနှိုင်းမှုကို စတင် ပြုလုပ်ခဲ့သည်။
အိန္ဒိယနိုင်ငံသည် မြန်မာနိုင်ငံမှ ဓာတ်ငွေ့နှင့် အနေအထား လျှပ်စစ် စီမံကိန်းများတွင် ရင်းနှီးမြှုပ်နှံခြင်းကို မြှင့်တင်ရန် ဆန္ဒပြင်းပြနေပြီး၊ ရေနံနှင့် ဓာတ်ငွေ့ လုပ်ကွက်များကို လှမ်းမျှော် လေ့လာလျက် ရှိသလို အာရှတိုက်ရှိ မဟာဗျူဟာမြောက် နေရာအတွက် ပြိုင်ဆိုင်ရာတွင် တရုတ်နိုင်ငံအား ရှုံးနိမ့်သွားမည်ကို စိုးရိမ် ပူပန်နေသည်။ ထို့အပြင် ၎င်းတို့၏ ဝေးလံ ခက်ခဲသော အရှေ့ဖက်ဒေသ၊ မြန်မာနိုင်ငံနှင့် နယ်စပ် တစ်လျှောက်တွင် လှုပ်ရှားနေသော ခွဲထွက်ရေး လူမျိုးစုများကို နှိမ်နင်းရန်အတွက် မြန်မာ စစ်ဖက် အစိုးရ၏ အကူအညီကို အားကိုးနေရသည်။
ယခုနှစ် ဇူလိုင်လတွင် မြန်မာနိုင်ငံ၏ အိမ်တွင်းပုန်း စစ်ဖက် ခေါင်းဆောင် ဗိုလ်ချုပ်မှူးကြီး သန်းရွှေကို နိုင်ငံတော် ခရီးစဉ်အဖြစ် ကြိုဆိုဧည့်ခံခဲ့ပြီး၊ မြန်မာနှင့် မီဇိုရမ် ဆက်သွယ်မည့် လမ်းဖောက်လုပ်ရန် ချေးငွေ ဒေါ်လာ သန်း ၆၀ ကမ်းလှမ်းခဲ့သည့်အပြင် ခေတ်မှီ စိုက်ပျိုးရေး ကိရိယာများ ဝယ်ယူရန် အတွက် ဒေါ်လာ ၁၀ သန်း ပေးအပ်ရန် ကတိပေးခဲ့သည်။
အမေရိကန် သမ္မတ ဘားရက် အိုဘားမားက နိုဝင်ဘာလတွင် သွားရောက်ခဲ့သည့် ၎င်း၏ နယူးဒေလီ ခရီးစဉ်တွင် မြန်မာနိုင်ငံမှ လူ့အခွင့်အရေး ညှင်းပန်း နှိပ်စက်မှုများကို ပြစ်တင် ရှုတ်ချရန် ပျက်ကွက်သည့် အိန္ဒိယနိုင်ငံကို ဝေဖန်ခဲ့သော်လည်း အိန္ဒိယနိုင်ငံက ၎င်းတို့၏ မူဝါဒကို ဒေသတွင်း မဟာဗျူဟာမြောက် အကျိုးစီးပွားနှင့် ပထဝီ နိုင်ငံရေး လှုံ့ဆော်မှုများက ချယ်လှယ်နေခြင်းသာ ဖြစ်ကြောင်း ခိုင်လုံစွာရှိကြောင်း ပြောဆိုခဲ့သည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.