Posts
ကိုရီးယားကျွန်းဆွယ်တွင် ဖြစ်ပေါ်နေသော တင်းမာမှုများအားလုံးကို ဖြေရှင်းရာတွင် ဒိုင်ယာလော့ခ်နှင့် ပူးပေါင်းဆောင်ရွက်မှုတို့သည်သာ အကူအညီပေးနိုင်မည့် တစ်ခုတည်းသော နည်းလမ်းဖြစ်ကြောင်း တရုတ်နိုင်ငံက သုံးသပ်ပြောဆိုသည်။
ငြိမ်းချမ်းမှု ဆက်လက်ထိန်းသိမ်းရေးဟူသော တာဝန်ဝတ္တရားကို ကိုရီးယားကျွန်းဆွယ် ဒေသတွင် ပါဝင်သူများအားလုံးက ပခုံးထမ်း ဆောင်ရွက်သင့်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Jiang Yu ကပြောကြားသည်။
မြောက်ကိုရီးယားနိုင်ငံ၏ ရန်စပြုမူမှုများကို ထိန်းချုပ်နိုင်ရေးအတွက် ပြုံယမ်း၏ အနီးကပ် မဟာမိတ်ဖြစ်သူ တရုတ်နိုင်ငံသည် ယခုအခါ အမေရိကန်ပြည်ထောင်စု အပါအဝင်အခြားသော နိုင်ငံများ၏ ဖိအားပေးပြောဆိုမှုနှင့် ရင်ဆိုင်နေရသည်။
မြောက်ကိုရီးယားက တောင်ကိုရီးယား နိုင်ငံပိုင်ကျွန်းတစ်ခုအပေါ် အမြောက်များဖြင့် ပစ်ခတ်တိုက်ခတ်မှုများ ပြုလုပ်ပြီး ရက်သတ္တနှစ်ပတ်ခန့်အကြာတွင် တရုတ်နိုင်ငံခြားရေး ဝန်ကြီးဌာနက ယင်းသ သဘောထားထုတ်ပြန်ခဲ့ခြင်းဖြစ်သည်။
နိုဝင်ဘာလ ၂၃ ရက် မြောက်ကိုရီးယား၏ တိုက်ခိုက်မှုကြောင့် တောင်ကိုရီးယား မရိန်းတပ်သား ၂ ဦး၊ အရပ်သား ၂ ဦး စုစုပေါင်း လေးဦးသေဆုံးခဲ့သည်။
ယင်းသို့အရပ်သားများရှိသည့်နေရာသို့ မြောက်ကိုရီးယားဘက်က တိုက်ခိုက်မှုမှာ ပြီးခဲ့သည့် ၁၉၅၃ ခုနှစ် ကိုရီးယားစစ်ပွဲ ပြီးဆုံးခဲ့သည့်နောက်ပိုင်း ပထမဆုံးအကြိမ်ဖြစ်သည်။ လက်ရှိ အနေအထားတွင် ကိုရီးယားကျွန်းဆွယ်ဒေသ အခြေအနေမှာ လွန်စွာမတည်မငြိမ်ဖြစ်လျက်ရှိသည်။
မြောက်ကိုရီးယားက သတိပေးပြောဆိုမှုများ ရှိသည့်တိုင် တောင်ကိုရီးယားက အမှန်တကယ် ပစ်ခတ်မှုများပါဝင်သည့် စစ်ရေးလေ့ကျင့်မှုများကိုပြုလုပ်ခဲ့သည်။
ယင်းစစ်ရေးလေ့ကျင့်မှုများကို နှစ်နိုင်ငံနယ်နိမိတ် ပိုင်ဆိုင်မှုနှင့်ပတ်သက်၍ အငြင်းပွားဖွယ် ဖြစ်နေသော ဒေသတွင်ပြုလုပ်ခဲ့ခြင်းဖြစ်သည်။ တောင်ကိုရီးယား ကာကွယ်ရေးဝန်ကြီးသစ်က အကယ်၍ မြောက်ကိုရီးယားကသာ အလားတူ ထပ်မံတိုက်ခိုက်မှုများပြုလုပ်လာပါက လေကြောင်းဖြင့် လက်တုံ့ပြန် တိုက်ခိုက်သွားမည်ဖြစ်ကြောင်း သတိပေးပြောကြားသည်။
အမေရိကန်ပြည်ထောင်စု ပူးတွဲစစ်ဦးစီးချုပ် Mike Mullen က တောင်ကိုရီးယား နှင့် အမေရိကန် စည်းလုံးညီညွတ်မှုကိုပြသရန် အလိုငှာ ဒီဇင်ဘာလ ၇ ရက်နေ့တွင် ဆိုးလ်မြို့တော်သို့ သွားရောက်ခဲ့သည်။
Mike Mullen သည် ၎င်းနှင့် ရာထူးအဆင့်တူသူ တောင်ကိုရီးယား ပူးတွဲစစ်ဦးစီးချုပ်နှင့် တွေ့ဆုံမည်ဖြစ်သလို ကာကွယ်ရေးဝန်ကြီး Kim Kwan-jin နှင့်လည်းတွေ့ဆုံမည်ဖြစ်သည်။
ယင်းသို့တွေ့ဆုံရာတွင် မြောက်ကိုရီးယားနိုင်ငံက စစ်ရေးအရရန်စမှုများ၏ ဦးတည်ချက်ကို လေ့လာဆန်းစစ်ကြမည်ဖြစ်သလို နောက်ထပ်ရန်စမှုများ ပြုလုပ်လာပါက မည်သို့မည်ပုံ ဟန့်တားမည်ဟူသော အချက်ကိုဆွေးနွေးကြမည်ဟု တောင်ကိုရီးယား ကာကွယ်ရေးဝန်ကြီးဌာနက သတင်းကြေညာချက် ထုတ်ပြန်သည်။
အမေရိကန်နိုင်ငံခြားရေးဝန်ကြီး ဟီလာရီကလင်တန်ကလည်း မြောက်ကိုရီးယား နိုင်ငံ အနေဖြင့် ရန်ပြုသောအပြုအမူများကို အဆုံးသတ်ရန် တောင်းဆိုထားသည်။ မြောက်ကိုရီးယား၏ ရန်စပြုမူမှုသည် ပြုံယမ်းနျူကလီးယား အစီအစဉ်ဆိုင်ရာ ခြောက်နိုင်ငံဆွေးနွေးပွဲ ပြန်လည် စတင်နိုင်ရေးအတွက် ပဏာမလုပ်ဆောင်ချက်တစ်ရပ် ဖြစ်ကြောင်းပြောဆိုသည်။
ခြောက်နိုင်ငံဆွေးနွေးပွဲကို ပြီးခဲ့သည့် ၂၀၀၉ ခုနှစ်၊ ဧပြီလက ရပ်ဆိုင်းခဲ့ရသည်။
တရုတ်နိုင်ငံအနေဖြင့် ဒေသတွင်း သံတမန်အရေးကိစ္စတွင် အဓိကကျသော အခန်းကဏ္ဍမှ ဝင်ရောက်ပေးစေလိုကြောင်း ဟီလာရီကလင်တန်က ဝါရှင်တန်၏ သဘောထားကိုပြောဆိုသည်။ ဘေဂျင်းနှင့် မြောက်ကိုရီးယားအကြား ထူးခြားသော ဆက်ဆံရေးရှိနေသည့် ကိစ္စကိုလည်း စိုးရိမ်မိသည်ဟု ဟီလာရီကလင်တန်က ဆိုသည်။
ဝါရှင်တန်မြို့တွင် တောင်ကိုရီးယား နိုင်ငံခြားရေးဝန်ကြီး၊ ဂျပန် နိုင်ငံခြားရေးဝန်ကြီး တို့နှင့် တွေ့ဆုံပြီးနောက် ဟီလာရီကလင်တန်က တရုတ်နိုင်ငံအပေါ် ယင်းသို့ ထင်မြင်သုံးသပ်ချက်များ ပေးခဲ့ခြင်းဖြစ်သည်။
BBC သတင်းကိုဘာသာပြန်ဆိုသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.