Posts
(21 ဇန်နဝါရီ 2011 ရက်စွဲပါ CNN မှ Hu warps up U.S. trip ကို ဘာသာ ပြန်ဆိုသည်)
တရုတ်သမ္မတ ဟူကျင့်တောင်၏ အမေရိကန် ပြည်ထောင်စု ခရီးစဉ်ကို သောကြာနေ့က ပြီးဆုံးခဲ့ပြီး၊ သမ္မတ Obama ၏ မွေးရပ် ချီကာဂိုသို့ ထွက်ခွာသွားခဲ့သည်။
၎င်းသည် တရုတ်ပိုင် ကားအပိုပစ္စည်း ကုမ္ပဏီ၊ တရုတ် လေစွမ်းအင် ကုမ္ပဏီနှင့် Walter Payton Collage Preparatory Hight School ရှိ တရုတ်ဘာသာ စကားနှင့် ယဉ်ကျေးမှု စင်တာ Confucius Institute သို့ သွားရောက် လည်ပတ်ခဲ့သည်။
ကြာသပတေးနေ့က အမေရိကန် မြို့တော်တွင် အမေရိကန် စီးပွားရေး ဦးဆောင်သူများအား ပြောကြားခဲ့ရာတွင် Beijing သည် ပိုမို နီးကပ်သော ဆက်ဆံရေးနှင့် ပိုမို ကြီးမားသော ယုံကြည်မှုတို့ကို အမေရိကန် ပြည်ထောင်စုနှင့် ကိစ္စရပ် အမျိုးမျိုးတွင် တည်ဆောက်ရန် ကြိုးစားနေကြောင်း ပြောခဲ့သည်။
တရုတ်၏ စီးပွားရေးနှင့် စစ်ရေးကို တိုးတက်လာမှုနှင့် ပတ်သက်၍ အများ၏ စိုးရိမ်မှုများကို ၎င်းက တရုတ်နိုင်ငံသည် ချုပ်ကိုင်နိုင်ရေး အတွက် သို့မဟုတ် နယ်ပယ် ချဲ့ထွင်ရေး မူဝါဒများကို လုပ်ဆောင်လိမ့်မည် မဟုတ်ကြောင်း ကြေညာခဲ့သည်။
တရုတ် ခေါင်းဆောင်သည် တိဗက်နှင့် ထိုင်ဝမ်တို့နှင့် ပတ်သက်သော အထိမခံသည့် နိုင်ငံရေး ကိစ္စများ အတွက် တောင်းပန်ခြင်း မရှိပဲ၊ ထိုကိစ္စရပ်များအား တရုတ်၏ အချုပ်အခြာ အာဏာနှင့် ပတ်သက်ကြောင်း၊ ၎င်း၏ မူလ အကျိုးစီးပွားများ ဖြစ်ကြောင်း ပြောကြားခဲ့သည်။
မိမိတို့သည် တရားဥပဒေ စိုးမိုးသော ဆိုရှယ်လစ် နိုင်ငံတစ်ခုကို ထူထောင်နေခြင်း ဖြစ်ကြောင်း ၎င်းက အခိုင်အမာ ပြောကြားခဲ့သည်။ ဝါရှင်တန်နှင့် Beijing အကြား ဆက်ဆံရေးမှာလည်း သာတူ ညီမျှရေးနှင့် အပြန်အလှန် လေးစားရေးအပေါ် အခြေခံသော ဆက်ဆံရေး ဖြစ်ရန် လိုအပ်ကြောင်း ဆိုသည်။
အဆိုပါ မှတ်ချက် စကားများကို အမေရိကန်-တရုတ် ဆက်ဆံရေး အမျိုးသား ကော်မတီ၊ အမေရိကန်-တရုတ် စီးပွားရေး ကောင်စီနှင့် အခြား အဖွဲ့များက တည်ခင်းသော နေ့လည်စာ စားပွဲတွင် ပြောကြားခဲ့ခြင်း ဖြစ်သည်။
ကြာသပတေးနေ့ အစောပိုင်း ကလည်း ဟူကျင့်တောင်သည် Capitol Hill သို့ သွားရောက်ခဲ့သည်။ Capitol Hill မှ ကွန်ဂရက် ခေါင်းဆောင်များသည် Beijing ၏ လူ့အခွင့်အရေးနှင့် ကုန်ပစ္စည်း အတု ပြုလုပ်ခြင်း ကာကွယ်မှု အခွင့်အရေး ကတိကဝတ်များနှင့် ပတ်သက်၍ ဆွေးနွေးမှုများ ပြုလုပ်လေ့ ရှိသော နေရာ ဖြစ်သည်။ ၎င်းသည် ဆီးနိတ် အများစု ခေါင်းဆောင် Harry Reid၊ D-Nevada နှင့် ပြောခွင့်ရ ပုဂ္ဂိုလ် John Boehner၊ R-Ohiဝ အပါအဝင် အခြားသူများနှင့် တွေ့ဆုံခဲ့သည်။ ၎င်း ဆီနိတ်တာများသည် ဗုဒ္ဓဟူးနေ့ညက တရုတ် ခေါင်းဆောင်အား အိမ်ဖြူတော်မှ တည်ခင်းသော နိုင်ငံတော် ညစာစားပွဲသို့ တက်ရောက်ခဲ့ခြင်း မရှိပေ။
ယခုအပတ် အစောပိုင်းက ဆီနိတ်တာ Reid က ဟူကျင့်တောင်အား "အာဏာရှင်" ဟု ခေါ်ဆိုခဲ့သော်လည်း နောက်ပ်ိုင်းတွင် ၎င်းကရော ၎င်း၏ ပြောခွင့်ရ ပုဂ္ဂိုလ်ကပါ ထိုသဘောထား မရှိတော့ကြောင်း လူသိရှင်ကြား ပြောကြားခဲ့သည်။
Boehner က ပြောကြားရာတွင် ကြာသပတေးနေ့က ဆွေးနွေးမှုများတွင် ကိုးရီးယား ကျွန်းဆွယ်တွင် တင်းမာမှုများ တိုးတက်လာမှုများ အတွက် စိုးရိမ်မှုများ အကြောင်းလည်း ပါဝင်ကြောင်း ဆိုခဲ့သည်။
တွေ့ဆုံမှုမှာ ကောင်းမွန်ခဲ့ကြောင်း၊ ယခု ဆွေးနွေးသော အကြောင်းအရာများ ဆက်လက် ဆွေးနွေး ဖြစ်လိမ့်မည်ဟု မျှော်လင့်ကြောင်း Boehner ပြောကြားခဲ့သည်။
ငြိမ်းချမ်းရေး နိုဘယ် ဆုရှင် Liu Xiaobo အား အကျဉ်းချထားမှု အပါအဝင် လူ့အခွင့်အရေးနှင့် ပတ်သက်၍ သဘောထား ကွဲလွဲမှုများကိုလည်း ပြင်းပြင်းထန်ထန် ဆွေးနွေးခဲ့ကြောင်း ကွန်ဂရက် နိုင်ငံခြားရေး ကော်မတီမှ ထိပ်တန်း ဒီမိုကရက် ကာလီဖိုးနီးယား ကိုယ်စားလှယ် Boward Berman ၏ အဆိုအရ သိရှိရသည်။
"ဆက်ဆံရေး ကောင်းကောင်း မွန်မွန် ရတယ်လို့ မညွှန်းလိုပါဘူး။ တရုတ် သမ္မတ ဆီကနေ သူတို့မှ နည်းလမ်းတွေ ရှိပါတယ်ဆိုတဲ့ ယေဘုယျ ဆန်တဲ့ အသိအမှတ် ပြုမှုကိုသာ ရရှိခဲ့ပါတယ်" ဟု Berman က သတင်းထောက်များသို့ ပြောကြားခဲ့သည်။
ဗုဒ္ဓဟူးနေ့က ဟူကျင့်တောင်သည် သမ္မတ Obama နှင့် အိမ်ဖြူတော်တွင် တံခါးပိတ် ဆွေးနွေးခဲ့ပြီး၊ ကမ္ဘာလုံး ဆိုင်ရာ စီးပွားရေး အကျပ် အတည်းများ၊ နိုင်ငံတကာ လုံခြုံရေး၊ ပတ်ဝန်းကျင် ဆိုင်ရာနှင့် လူ့အခွင့်အရေး ကိစ္စရပ်များကို ဆွေးနွေးခဲ့သည်။
Obama အစိုးရ တာဝန် ရှိသူများက Obama ၏ ဟူကျင့်တောင်နှင့် တွေ့ဆုံခြင်းသည် နှစ်နိုင်ငံ စီးပွားရေး တိုးတက်မှုကို မီးမောင်း ထိုးပြနိုင်ခဲ့သည်ဟု ဆိုခဲ့ပြီး၊ အမေရိကန် ကုမ္ပဏီများမှ တရုတ်သို့ ကုန်ပစ္စည်း ဒေါ်လာ(၄၅) ဘီလျံဖိုး တင်ပို့ရန် Beijing ၏ သဘော တူညီမှု ရခဲ့ကြောင်း ကြေညာခဲ့သည်။ အဆိုပါ ကန်ထရိုက်ကြောင့် အမေရိကန်တွင် အလုပ်အကိုင် နေရာ (၂၃၄၀၀၀) ခန့် အတွက် အထောက် အကူ ဖြစ်ကြောင်း အိမ်ဖြူတော်၏ အဆိုအရ သိရှိရသည်။
ခေါင်းဆောင် နှစ်ဦးသည် လူ့အခွင့်အရေး ကိစ္စနှင့် ပတ်သက်၍ အမြင်မတူမှုများ ဆက်လက် ရှိနေမည်ကို သိရှိကြသော်လည်း၊ အဆိုပါ ကိစ္စများအတွက် ပွင့်ပွင့်လင်းလင်း နည်းလမ်းများ အပေါ်တွင် အခြေခံ၍ အလုပ် လုပ်သွားရန် သဘော တူကြကြောင်း Obama ၏ အဆိုအရ သိရှိရသည်။
လူ့အခွင့်အရေး ကိစ္စရပ်များ တရုတ်နိုင်ငံတွင် အထိမခံသည့် ကိစ္စဖြစ်နေရာ၊ ယခု ဟူကျင့်တောင်၏ ခရီးစဉ်တွင် လူ့အခွင့်အရေး ကိစ္စရပ်များ ပြောဆိုရာ၌ CNN မှ လွှင့်ထုတ်မှုများကို တရုတ်ပြည်တွင် ဆင်ဆာ ဖြတ်ခဲ့သည်။ ဟူကျင့်တောင်မှ လူ့အခွင့်အရေး ကိစ္စ ပြောသည်ကိုပင် ဆင်ဆာ ဖြတ်ခဲ့သည်။
အိမ်ဖြူတော် အနီးတွင် တရုတ် ဆန့်ကျင်ရေး ဆန္ဒပြမှုများကို ပြသခြင်းများ အားလည်း ဆင်ဆာ ဖြတ်တောက်ခဲ့သည်။
မည်သို့ပင် ဆိုစေ Obama က ဟူကျင့်တောင်၏ ခရီးစဉ်အား တရုတ်-အမေရိကန် ဆက်ဆံရေး နောင်နှစ်သုံးဆယ် အတွက် အုတ်မြစ် ချနိုင်ရန် အခွင့်အရေးပင် ဖြစ်ကြောင်း ချီးမွမ်း ပြောဆိုခဲ့သည်။
ဟူကျင့်တောင်ကလည်း အင်အားကြီး နှစ်နိုင်ငံ ဆက်ဆံရေးသည် မဟာဗျူဟာ အရ အရေးပါပြီး ကမ္ဘာကြီးပေါ်တွင် လွှမ်းမိုးနိုင်ရေး အတွက် အစိတ်အပိုင်း တစ်ခု ဖြစ်ကြောင်း ကြေညာခဲ့သည်။
ဗုဒ္ဓဟူးနေ့က သတင်းစာ ရှင်းလင်းပွဲတွင် Obama က သမ္မတ ဟူကျင့်တောင်ထံမှ အမေရိကန်နှင့် ကုန်သွယ်ရာတွင် ပို၍ ညီမျှသော ဝန်းကျင် ဖန်တီးပေးရန် ကတိများ ရရှိပြီး ဖြစ်ကြောင်း ပြောကြားခဲ့သည်။
တရုတ် ငွေကြေးမှာ တန်ဖိုး အောက်ကျနေဆဲ ဖြစ်ကြောင်း၊ ထိုကိစ္စမှာ အမေရိကန်၏ Beijing နှင့် ကုန်သွယ်ရေး ညီမျှမှုကို ဖြစ်စေသော အဓိက အကြောင်း ဖြစ်ကြောင်း Obama က ပြောခဲ့သည်။
စီးပွားရေး မူဝါဒတွင် အဓိက ကျသော ခြားနားမှုများ ရှိနေဆဲ ဖြစ်ကြောင်း၊ သို့သော် Beijing အနေဖြင့် ထိုခြားနားမှုများကို ဆက်လက် ကြိုးစား ဖြေရှင်းသွားမည် ဖြစ်သည်ဟု ဟူကျင့်တောင်က ကတိပြု ပြောကြားခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.