Transparency Myanmar

transparency.myanmar@gmail.com

..၂၀၁၁


ပြည်တွင်းသတင်းများ



ချော်တွင်းကုန်း ကဗစ၀င်း ဗိုလ်ချုပ်မှုးကြီးသမီးများယူမည်

ရန်ကုန်၊မတ်လ၁၅။


လက်ရှိဆိုင်ခန်းများ ဖျက်သိမ်းနေသော မရမ်းကုန်းမြို့နယ် ချော်တွင်းကုန်းမီးပွိုင့် အနီးရှိ ကာကွယ်ရေး ပစ္စည်းထိန်းတပ်(ကဗစ) ၀င်းကြီးတစ်ခုလုံးကို စစ်အစိုးရ ခေါင်းဆောင် ဗိုလ်ချုပ်မှုးကြီး သန်းရွေ၏သမီးများကယူပြီး ပြန်ရောင်းစားမည် ဖြစ်ကြောင်း စစ်အစိုးရနှင့် နီးစပ်သည့် စီးပွားရေး လုပ်ငန်းရှင်တစ်ဦးက ပြောသည်။

“အဲဒီဝင်းကြီးတစ်ခုလုံးကို ဦးသန်းရွှေသမီးတွေက ယူမယ်။ ပြီးတော့ တစ်စတုရန်းပေ ပတ်လည်ကို နှစ်သိန်းနဲ့ ပြန်ရောင်းမယ် ကြားတယ်။ သူတို့နဲ့ နီးစပ်တဲ့ အသိုင်းအ၀ိုင်းတွေက ပြန်ဝယ်မယ်ထင်တယ်”ဟု အဆိုပါ လုပ်ငန်းရှင် က ပြောသည်။

အဆိုပါ ကဗစ၀င်းမျက်နှာစာတွင် ရောင်းချနေသော ဆိုင်ခန်းများကို ပြီးခဲ့တဲ့ လပိုင်းကဖျက်သိမ်း  ခိုင်းခဲ့ပြီး ဆိုင်ရှင်များ အတွက် နစ်နာကြေး တစ်စုံတစ်ရာ ပေးဆောင်ခြင်း မရှိကြောင်း သိရသည်။

 “ကျွန်တော်တို့က ငှားတာဆိုတော့ တော်သေးတယ် တစ်ချို့ဆိုသိန်းရာနဲ့ချီပြီး အဲဆိုင်ခန်းတွေကို ၀ယ်ထားတာ ရှိတယ်။ သူတို့လည်း လျော်ကြေးမရဘူး ပြောတယ်” ဟု အဆိုပါ ဆိုင်ခန်းများတွင် ရောင်းချသူ တစ်ဦးကဆိုသည်။

အဆိုပါ ဆိုင်ခန်းများတွင် မဖျက်သိမ်းခင်က လူကြီးမင်း မိုဘိုင်းဖုန်းဆိုင်၊ကေ၀ိုင်ကေ ရေခဲမုန့်ဆိုင် နှင့် အခြား ဆိုင်ခန်းများ စွာ ဖွင့်လှစ် ရောင်းချခဲ့ကြောင်းသိရသည်။

 “ဆိုင်ခန်းကို အစကတည်းက တပ်က ရန်ပုံငွေ အနေနဲ့ ငှားပဲ ငှားတားတာ အဲဒါကိုလူတွေက အဆင့်ဆင့် ပြန်ရောင်းစားတယ်။ မသိဘဲ ၀ယ်လိုက်တဲ့ လူတွေက နစ်နာသွားတယ်” ဟု ကဗစ၀င်းတွင် နေထိုင်သူ တစ်ဦးက ပြောသည်။

ကဗစ၀င်းတွင် နေထိုင်သည့် တပ်မိသားစုများကို ယခင်က နေပြည်တော်တွင် ပြောင်းရွှေ့ရန် အမိန့်ထုတ် ထားသော်လည်း အဆိုပါ ဆိုင်ခန်း ဖျက်သိမ်းပြီးနေက်ပိုင်း နေပြည်တော်ပြောင်းရွှေ့ခြင်း လုပ်ငန်းတွေကို အလျင်အမြန် ဆောင်ရွက်လာစေကြောင်း တပ်မိသားစုဝင် တစ်ဦးက ပြောသည်။

 “ဒီဝင်းတစ်ခုလုံး နေပြည်တော် ပြောင်းရမယ်ဆိုတာ အမိန့်ထုတ်ထားပြီးသား။ ဒါပေမဲ့ ဖြည်းဖြည်းနဲ့ အလှည့်ကျ ပြောင်းနေရတယ်။ အခုဆိုင်ခန်းတွေ ဖျက်ကတည်းက တစ်ချို့လူတွေကို မြန်မြန်ပြောင်း ခိုင်းနေတယ် ကျွန်မတို့ အလှည့်တော့ မရောက်သေးဘူး။ ဒီဝင်းကြီး တစ်ခုလုံးကို ဦးတေဇကယူပြီး အိမ်ယာတွေ ဆောက်မယ်လို့ ကြားတယ်” ဟု ၄င်းကဆိုသည်။

ကဗစ၀င်းကြီးသည် ချော်တွင်းကုန်းမီးပွိုင့် အနီး ပါရမီလမ်းပေါ် အချက်အချာကျသည့် နေရာတွင် ရှိနေပြီး အဆိုပါ နေရာအနီးတွင် အိမ်ခြံမြေများ ဈေးကောင်းလျက် ရှိကြောင်း အိမ်ခြံမြေ အကျိုးဆောင်လုပ်ငန်း တစ်ခုမှ တာဝန်ရှိသူ တစ်ဦးက ဆိုသည်။
ဦးသန်းရွှေ၏ သားသမီးများသည် လုပ်ပိုင်ခွင့်များ ရှိသော်လည်း စီးပွားရေး လုပ်ငန်းများကို ကျွမ်းကျွမ်း ကျင်ကျင် လုပ်ကိုင် တတ်ခြင်း မရှိဘဲ လူထုဆီမှ ရရှိလာသည့် ငွေများကို ၄င်းတို့နှင့် နီးစပ်သည့် အသိုင်းအ၀ိုင်းသို့ အတိုးဖြင့် ပြန်လည် ထုတ်ချေးခြင်းယခုကဲ့သို့ ရရှိလာသော မြေကွက်များကို အသုံးမချဘဲ ပြန်လည် ရောင်းချခြင်းများသာ ဆောင်ရွက် လျက်ရှိသည်ဟု အထက်ပါ လုပ်ငန်းရှင် ကပြောသည်။

စနိုင်း(BHO)

-------------------------------------------------------------

တက္ကသိုလ်ရိပ်သာလမ်းရှိ စစ်မှုထမ်းဟောင်းရုံး အဆောက်အဦ ဒုတိယဗိုလ်ချုပ်မှုးကြီး မောင်အေး၏ မိတ်ဆွေရရှိ

ရန်ကုန်၊မတ်၁၅။


ရန်ကုန်မြို့၊ တက္ကသိုလ် ရိပ်သာလမ်းရှိ စစ်မှုထမ်းဟောင်းရုံး အဆောက်အဦအား ဒုတိယဗိုလ်ချုပ်မှုးကြီး မောင်အေး ၏ အနီးကပ် မိတ်ဆွေတစ်ဦး ဖြစ်သူဦးစိုးမြင့် ဆိုသူက ရရှိသွားကြောင်း နေပြည်တော် သတင်းရပ်ကွက် များနှင့် ယင်းနှင့်နီးစပ်သော အသိုင်းအဝိုင်းမှ စုံစမ်း သိရသည်။

ယင်းအဆောက်အဦအား လေလံတင်ခြင်း မဟုတ်ပဲ လက်သိပ်ထိုး ရောင်းချခဲ့သည်ဟု ဆိုကြောင်း၊ ယင်းအဆောက်အဦမှာ မြန်မာ့ဆိုရှယ်လစ် လမ်းစဉ်ပါတီ ခေတ်ကပင် တည်ရှိခဲ့ကြောင်း ထပ်မံသိရှိရသည်။

ဦးစိုးမြင့်သည် စီးပွားရေး လောကတွင် လားစိုးမြင့်ဟု ထင်ရှားကြောင်း၊ ဒုတိယဗိုလ်ချုပ်မှုးကြီး မောင်အေး အရှေ့ပိုင်းတိုင်း (ရှမ်းပြည်နယ်) တိုင်းမှူးအဖြစ် ရှိစဉ်ကပင် ၎င်းတို့နှစ်ဦးကြား စီးပွားရေးအရ ဆက်ဆံမှုရှိခဲ့ကြောင်း သတင်းဆန်းစစ်သူ အချို့က ဆိုသည်။

ထို့ပြင် Super One ကုမ္ပဏီ လက်အောက်ရှိ ရွှေဘုံသာ Super One အဆောက်အဦ ကိုလည်း ယင်းကုမ္ပဏီကပင် လေလံပြန်လည် အောင်မြင်သွားကြောင်း စုံစမ်းသိရှိရသည်။

ထိုကဲ့သို့ မိမိတို့ လိုချင်သော နေရာများ ရရှိရေးအတွက် ထိပ်ပိုင်း ပုဂ္ဂိုလ်များ (ကြီးငါးကြီး) နှင့် နီးစပ်သော သူများကို အကျိုးဆောင်ခ အနေဖြင့် လေလံတစ်ပွဲလျှင် ကျပ်သိန်း ငါးထောင်မှ သိန်းတစ်သောင်း အထိ ဝန်ဆောင်ခများ ပေးခဲ့ရကြောင်း လေလံဆွဲသူ အချို့နှင့် နေပြည်တော်မှ လာသော သတင်းများ အရသိရသည်။

The CJs News

-----------------------------------------------------------------

၁၇၃ယာဉ် လိုင်းယာဉ်စီးခ ၂၀၀ကျပ် ကောက်ခံနေဆဲ

ရန်ကုန်၊ မတ်၁၅။


၂၀၁၀ နှစ်ကုန်ပိုင်းကပင် ရိုးရိုးယာဉ်လိုင်းအဖြစ် ပြောင်းလဲခဲ့ပြီး ဖြစ်သော ၁၇၃ ယာဉ်လိုင်းသည် အထူး ယာဉ်စီးခ နှုန်းထားအတိုင်း ခရီးစဉ် တစ်ပိုင်းလျှင်၂၀၀ကျပ် ကောက်ခံနေဆဲ ဖြစ်ကြောင်း ကိုယ်တွေ့ ကြုံခဲ့ရသူ ခရီးသွားများ ထံမှသိရသည်။

အရှေ့ပိုင်း တက္ကသိုလ် (တာဝ) တွင် ကျောင်းတက်နေသော ကျောင်းသားတစ်ဦးက “ တာမွေကနေ ရွှေဂုံတိုင်ကို စီးတာ ၂၀၀ကျပ် ပေးရတယ်။ ကျောင်းအထိ စီးလို့ ၂၀၀ကျပ်ပေးရတာ ဘာမှ မပြောလိုပါဘူး။ တစ်မှတ်တိုင်လည်း ၂၀၀ပဲ ဆိုတော့ လွန်တာပေါ့။ မတ်တပ်တွေလဲ တင်သေးတယ်။ ရိုးရိုးယာဉ်လိုင်း ပြောင်းထား ပြီးသား လို့သာ ပြောတယ်။ အဓိပတိ ပုံသေ ၂၀၀ကျပ် ဆိုတဲ့ စာတန်းကြီးက မဖျက်သေးတော့ ကျွန်တော်တို့ ပြောရတာ ခက်နေတာပေါ့” ဟု ပြောကြားသည်။

ယင်း ယာဉ်လိုင်းသည် ဗန္ဒုလ ပို့ဆောင်ရေး ကုပ္မဏီပိုင် ဖြစ်သော်လည်း မ.ထ.သ ဗဟိုကွပ်ကဲမှု အောက်တွင် ရှိကြောင်း၊ မ.ထ.သ ဗဟိုမှ ယာဉ်စီးခ ပိုတောင်းလျှင် တိုင်ကြား နိုင်ကြောင်း တရားဝင် ထုတ်ပြန် ထားသော်လည်း အရေးယူမှု အားနည်းကြောင်း၊ ဗန္ဓုလ ပို့ဆောင်ရေး ကုမ္ပဏီသည် တပ်မတော်သား များနှင့် တပ်မတော်သား ဟောင်းများ ဦးစီး လုပ်ကိုင်နေသည့် အားလျော်စွာ စည်းမျဉ်း စည်းကမ်းများကို သာမန် အဖွဲ့အစည်း များထက် လေးစား လိုက်နာရမည်ဟု မျှော်လင့်ကြောင်း ယင်းယာဉ်လိုင်းကို အဓိက အသုံးပြုနေရသည့် ကျောင်းသား ကျောင်းသူများနှင့် ခရီးသည်များက ဆိုသည်။

ရန်ကုန်မြို့တော်နေ ဝန်ထမ်းများမှာ ၎င်းတို့ရသော လစဉ် ဝင်ငွေ၏ သုံးပုံတစ်ပုံကျော်မှာ ခရီးစရိတ် ကုန်ကျနေရကြောင်း၊ သို့ဖြစ်ခြင်းကြောင့် ၎င်းတို့၏ နေ့စဉ်လူမှု ဘ၀အပေါ် ကြီးမားသည့် ဝန်ထုပ်ဝန်ပိုး သဖွယ် ဖြစ်နေကြောင်း၊ အချို့ဆိုလျှင် လ၏ နောက်ဆုံးပါတ်တွင် ခရီးစရိတ် လည်းပြတ်၊ ရုံးမသွား လျှင်လည်း လခ ဖြတ်တောက်ခံရမည် ဖြစ်ခြင်းကြောင့် အကြွေး သံသရာတွင် လည်ပတ် နေရကြောင်း မီဒီယာများတွင် ဖော်ပြပါရှိခဲ့သည်။

၁၇၃ ယာဉ်လိုင်းသည် ပါရမီ ညောင်ပင်မှ သန်လျှင် အရှေ့ပိုင်း တက္ကသိုလ် (တာဝ) အထိ ပြေးဆွဲနေသော ယာဉ်လိုင်းတစ်ခု ဖြစ်သည်။

The CJs News

-----------------------------------------------------

နိုင်ငံတော်ဖွံ့ဖြိုးတိုးတက်မှုကို အခြေခံ၍ နိုင်ငံဝန်ထမ်း လစာတိုးခြင်းကို ဆောင်ရွက်သွားမည်

ရန်ကုန်၊မတ်၁၅။


နိုင်ငံဝန်ထမ်းများနှင့် အငြိမ်းစား လစာများကို နိုင်ငံတော် ဖွံ့ဖြိုးတိုးတတ်မှုကို အခြေခံ၍ သင့်တော်သည့် အချိန် ကာလတွင် တိုးပေးသွားမည် ဖြစ်ကြောင်း ဘဏ္ဍာရေးနှင့် အခွန်ဝန်ကြီး ဌာနမှ တာဝန်ရှိသူ တစ်ဦးက ပြောကြား ခဲ့သည်။

ပြည်ထောင်စု မြန်မာနိုင်ငံ၌ နိုင်ငံ ဖွံ့ဖြိုး တိုးတက်မှု အပေါ် အခြေခံ၍ နိုင်ငံသား များတို့၏ လုပ်ခလစာ တိုးမြှင့်နိုင်ရန် ဆောင်ရွက်လျှက်ရှိရာ ၂၀၁၀ ရွေးကောက်ပွဲပြီး နောက်ပိုင်း ကာလများတွင် ယင်းကိစ္စအား အထူးအလေးပေး ဆောင်ရွက် လာခဲ့သည်။ မြန်မာနိုင်ငံ၌ ၁၉၈၈ နောက်ပိုင်း ၁၉၈၉၊ ၂၀၀၀ပြည့်နှစ် တို့တွင် ဝန်ထမ်းများ၏ လစာနှုန်း၊ ကုန်ဈေးနှုန်း အခြေအနေ အရ ပင်စင်လစာနှင့် လုပ်ခများကို တိုးမြှင့်ပေးခဲ့သည်။

နောက်ဆုံး ၂၀၁၀ ပြည့်နှစ်တွင် ဝန်ထမ်းများ၏ လစာနှုန်းနှင့် လုပ်ခများကို တိုးမြှင့်ပေး နိုင်ခဲ့သည်။

မတ်လ ၁၀ရက်နေ့၌ နေပြည်တော်တွင် ကျင်းပခဲ့သည့် ပြည်သူ့လွှတ်တော် အစည်းအဝေး ၌လည်း နမ့်ခမ်း မဲဆန္ဒနယ်မှ ဒေါက်တာ စိုင်းကျော်အုန်း က "နိုင်ငံ ဝန်ထမ်းများနှင့် ယခင် ပင်စင်စား နိုင်ငံ့ ဝန်ထမ်းများ၏ လစာနှုန်း များ တိုးပေးရန် အစီအစဉ်ရှိမရှိ " မေးခွန်းဖြင့် ဆွေးနွေးခဲ့ ရာတွင် ဘဏ္ဍာရေးနှင့် အခွန် ဦးစီးဌာနမှ ဝန်ကြီး ဦးလှထွန်းက ၁၉၈၈ နောက်ပိုင်း ၂၀၁၀ ပြည့်နှစ် အထိ ကာလများကို သုံးသပ်ကြည့်မည် ဆိုပါက ပျှမ်းမျှအားဖြင့် ၄၊၅၊၆နှစ် ကြာ လစာနှုန်းများ တိုးမြှင့်ပေးခဲ့သည်ကို တွေ့ရမည် ဖြစ်ကြောင်း၊ ဝန်ထမ်း လစာနှင့် အငြိမ်းစား လစာတို့ကို တိုးမြှင့် ဆောင်ရွက်လိုသည့် အခါတိုင်း ငွေကြေး ဖောင်းပွမှုနှုန်း၊ နိုင်ငံတော်တွင်း လှည့်ပတ် သုံးငွေပမာဏ၊ တစ်မျိုးသားလုံး၏ ပြည်တွင်း အသားတင် ထုတ်လုပ်မှု တန်ဖိုး၊ ပတ်ဝန်းကျင် နိုင်ငံများ၏ ငွေကြေး အခြေအနေ စသည်တို့ကို စဉ်းစား၍ ချင့်ချိန် တွက်ချက် ရပါကြောင်း၊ ယခုအချိန်အခါ သည် လည်း နိုင်ငံတော် ဖွံ့ဖြိုးတိုးတတ်မှုကို အခြေခံ၍ အထက်ပါ အချက်များကို သုံးသပ် စဉ်းစားပြီး သင့်လျော်သည့် အချိန်အခါတွင် ဆောင်ရွက် ပေး သွားမည် ဖြစ်ကြောင်း ဝန်ကြီး ဦးလှထွန်း၏ ပြောပြချက်များကို နိုင်ငံပိုင် သတင်းစာ များ၌ ဖော်ပြထားခဲ့သည်။

ဘဏ္ဍာငွေ အရအသုံး ဆိုင်ရာ ဥပဒေ ဘတ်ဂျက်ကိုလည်း မကြာသေးမီ ကာလအတွင်းက ထုတ်ပြန်ပြီး ဖြစ်သည့် အတွက် ပြင်ပတွင် ကောလပာလအဖြစ် ထွက်ပေါ်လျှက် ရှိသည့် ဧပြီလအတွင်း လစာ တိုးမည်ဆိုသော သတင်းများမှာ ပာုတ်မှန်သည်ပာု ယူဆဖွယ် မရှိကြောင်း စီးပွားရေး လုပ်ငန်းရှင် တစ်ဦးကလည်း သုံးသပ် ပြောကြားခဲ့သည်။

-----------------------------------------------------

ငွေအကြွေစေ့များ ဈေးကွက်မှ ပျောက်ကွက်

ရန်ကုန်၊မတ်၁၅။


ပြည်ထောင်စု မြန်မာ နိုင်ငံတော် ဗဟိုဘဏ်မှ ထုတ်ဝေသည် ဟူသော အမှတ်တံဆိပ်ဖြင့် ထုတ်ဝေခဲ့သော ငွေအကြွေစေ့ များသည် လက်ရှိ ပြည်သူများ အကြားတွင် အသုံးပြုမှု မရှိတော့ သည်မှာ ကြာပြီဖြစ်ကြောင်း  သိရှိ ရသည်။

လက်ရှိ ကာလသည် အကြွေရှားပါးသော ကာလဖြစ်သဖြင့် အစိုးရမှ ထုတ်ဝေခဲ့သော ငွေအကြွေစေ့ များကို ပြန်လည် အသုံးပြုလို လာခြင်းများ ရှိသော်လည်း လက်ခံမှု မရှိတော့ ကြောင်း သိရှိရသည်။

“ အခုလို ကျွန်တော်တို့ ဆီမှာ ငွေအကြွေတွေ ရှားနေတဲ့ အချိန်မှာ အရင်တုန်းက ဖြန့်ခဲ့တဲ့ အကြွေစေ့ တွေကိုတော့ ပြန်သုံးချင် ပါတယ်။ ဒါပေမယ့် ကိုယ်က သုံးပေမယ့် လက်ခံချင် သူက ရှိမှ ဖြစ်မှာကိုး၊ ကျွန်တော်တို့ ဆီမှာက ကိစ္စတစ်ခုကို ကြာရှည် လုပ်ပြီးရင် ဓလေ့ တစ်ခုလို ဖြစ်သွားတာလေ။ ဒီတော့ ဒီအကြွေစေ့ တွေကို ပြန်ဖော်ထုတ် ပေးဖို့က အစိုးရ အပိုင်းမှာ တာဝန် ရှိတယ်လေ။ ဒီတော့ အစိုးရမှာ လုပ်ချင်တဲ့ စိတ်ရှိပါ့မလား ဆိုတာကို စောင့်ကြည့်ရမှာပဲ” ဟု စီးပွားရေး လုပ်ငန်းရှင် တစ်ဦးက ဆိုသည်။

ငွေ အကြွေစေ့များအား ဈေးကွက်မှ ပျောက်ကွယ် သွားသည့် ဖြစ်ရပ်သည် နိုင်ငံတော်မှ ဈေးကွက်တွင် လည်ပတ် နိုင်လောက်သည့် ပမာဏအား လုံလောက်စွာ ဖြည့်ဆည်း ပေးနိုင်မှု မရှိခြင်းပေါ် မူတည်လျှက် ရှိကြောင်း  စီးပွားရေး ပညာရှင် တစ်ဦးက ဤသို့ သုံးသပ်သည်။

“ငွေအကြွေစေ့က ထုတ်ထားတာ ကြာပြီ။ ထုတ်ကာစ နှစ်တွေမှာတော့ ၂နှစ် လောက် သုံးတာကို တွေ့ရတယ်။ အခုတော့ ဈေးကွက်ထဲမှာ မတွေ့ရတော့ဘူး။ ဘယ်လိုကြောင့် မသုံးတော့ တာလည်း ဆိုတာကတော့ ထုတ်လုပ်တဲ့ ပမာဏက တစ်တိုင်းပြည် လုံးမှာ လည်ပတ် စီးဆင်းနေတဲ့ ဈေးကွက် လိုအပ်ချက်ကိုပြည့်မှီအောင် မဖြည့်ဆည်း နိုင်တာက အဓိက အချက်လို့ ထင်ပါတယ်။ ဒီလို တတိုင်းပြည်လုံး အတွက် ကျယ်ကျယ် ပြန့်ပြန့် ထုတ်လုပ်ဖို့မလုပ်နိုင်တာက ဒီအကြွေစေ့ တစ်စေ့ ထုတ်လုပ်တဲ့ အခါမှာ ကုန်ကျတဲ့ တန်ဖိုးရယ်၊ သတ်မှတ်ထားတဲ့ ငွေတန်ဖိုးရယ်က မညီမျှလို့ပါ။ ဒီတော့ ကျွန်တော်တို့ နိုင်ငံမှာက ဒီအကြွေစေ့တွေကို ဆက်မထုတ် နိုင်တော့ဘူး ဆိုတော့ အကြွေစေ့ ဆိုတာလည်း ဈေးကွက်မှာ ထင်ထင်ရှားရှား မရှိနိုင် တော့တာ သေချာပါတယ်။” ဟု အထက်ပါပုဂ္ဂိုလ်က ဆိုသည်။

နိုင်ငံတကာတွင် ငွေအကြွေစေ့အား တွင်ကျယ်စွာ သုံးနေကြ သော်လည်း မြန်မာနိုင်ငံတွင် လူအများကြား ပြန့်နှံမှု မရှိခြင်းကို “ငွေအကြွေစေ့ ကတော့ နိုင်ငံတိုင်းမှာ သုံးနေကြပါတယ်။ သယ်ဆောင် ရတာလည်း လွယ်ကူတယ်။ အဆင်ပြေတယ် ဆိုတဲ့ အားသာချက်တွေရှိလို့ သုံးနေကြတာတွေ များပါတယ်။ နိုင်ငံတကာနဲ့ မြန်မာ နိုင်ငံ ကွာတာက နိုင်ငံတကာမှာက ဖုန်းဆက်တာတို့၊ အအေးဘူး ဝယ်တာတို့၊ ကားစီးတာတို့ တွေကို ငွေအကြွေစေ့နဲ့ သုံးနေကြ တာတွေ ရှိတယ်။ ဒီတော့ သူတို့ရဲ့ နေ့စဉ် ဘဝမှာ ငွေအကြွေစေ့က အသုံးဝင်တယ်။ မြန်မာနိုင်ငံမှာတော့ ဒီလို စနစ်တွေ မရှိဘူး။ ဒီတော့ ငွေအကြွေစေ့က မြန်မာနိုင်ငံက လူတွေရဲ့ နေ့စဉ် ဘဝမှာ အသုံးမဝင်ဘူးလေ။ ဒီတော့ လူတွေ ကြားထဲကနေ အကြွေစေ့ ပျောက်ကွယ် သွားတာပါ။”  ဟု ထိုင်းနိုင်ငံရောက် မြန်မာ ကျောင်းသားတစ်ဦးက သုံးသပ်သည်။

ငွေအကြွေစေ့ ထုတ်လုပ် ထားသော ပမာဏသည် များပြားသဖြင့် ဈေးကွက်ထဲမှ ငွေအကြွေစေ့များ ပျောက်ကွယ် သွားခြင်းသည် ပြဿနာ တစ်ရပ်ဖြစ်နိုင်ကြောင်း “ အစိုးရက ထုတ်ထားတဲ့ အကြွေစေ့ ပမာဏက နည်းတာတော့ မဟုတ်ဘူးလေ။ ဒီအကြွေစေ့တွေ ဈေးကွက်ထဲကနေ ပျောက်သွား တာလား၊ ဒါမှမဟုတ် လူတွေရဲ့ အိတ်ထောင် တွေထဲမှာ အိပ် နေတာလား၊ ဆိုတဲ့ မေးခွန်းတွေတော့ မေးစရာရှိတယ်။ ဒီငွေတွေ ငွေကြေး ဈေးကွက်ထဲမှာ မရှိဘဲ၊ အိပ်နေတာ ဆိုရင်တော့ ပြဿနာရှိတယ်။”  ဟု မြန်မာ့စီးပွားရေး လေ့လာသူ တစ်ဦးက ပြောကြားသည်။

မြန်မာနိုင်ငံတွင် ငွေအကြွေစေ့များအား ၁၉၆၆-ခုနှစ်၊ အောက်တိုဘာလ (၁၅) ရက်နေ့တွင် တော်လှန်ရေး ကောင်စီအစိုးရ၊ ဘဏ္ဍာရေးနှင့် အခွန်ဌာနမှ(၅၀) ပြား၊ (၂၅) ပြား၊ (၁၀) ပြား၊ (၁)ပြား စသော ငွေအကြွေ သစ်များ ထုတ်ဝေခဲ့ပြီး ၁၉၉၀ ခုနှစ် နောက်ပိုင်း နဝတ အစိုးရ တက်လာချိန်တွင် ထိုအကြွေစေ့များအား တရားမဝင်ကြောင်း ကြေညာခဲ့သည်။

နဝတအစိုးရသည်လည်း နအဖဟူသည့် အမည်ပြောင်းပြီး နောက်ပိုင်းတွင် ၂၀၀၀ ပြည့်နှစ် ကာလများတွင် ငွေအကြွေစေ့ များကို ၅၀တန်၊ ၁၀၀တန်၊ ၂၀၀တန်ဟူ၍ ထုတ်ဝေခဲ့ပြီး ပြည်သူများ ကြားတွင် ဖြန့်ချိခဲ့သည်။

××××××××××××××××××××××××××××××××

ပြည်တွင်းပါတီ၊နိုင်ငံရေးသတင်းများ 


ကြားဖြတ်ရွေးကောက်ပွဲကျင်းပမည်ဟုဆိုသော်လည်းနိုင်ငံရေးပါတီများစိတ်ဝင်စားမှုနည်း

ရန်ကုန်၊မတ်၁၅။


လစ်လပ်သွားသော လွှတ်တော် ကိုယ်စားလှယ်များ၏ နေရာတွင် အစားထိုး ခန့်အပ်ရန် ကြားဖြတ် ရွေးကောက်ပွဲကို အောက်တိုဘာနှင့် နိုဝင်ဘာလ ပိုင်းများတွင် ကျင်းပမည်ဟု ၁၄.၃.၂၀၁၁ နေ့တွင် ပြုလုပ်သော ပြည်သူ့ လွှတ်တော် အစည်းအဝေးတွင် ရွေးကောက်ပွဲ ကော်မရှင် ဥက္ကဌ ဦးသိန်းစိုးမှ ဖြေကြားခဲ့သော်လည်း နိုင်ငံရေး ပါတီများမှာ ယင်းရွေးကောက်ပွဲ အပေါ် စိတ်ဝင်စားမှု မရှိကြောင်း နိုင်ငံရေး ပါတီအချို့ ထံမှသိရသည်။

“လုပ်မယ်သာ ပြောတာပါ။ တကယ်တော့ ဖြစ်လာဖို့ မလွယ်ပါဘူး။ မူအရ ကတော့ ကျွန်တော်တို့က ဝင်ပြိုင်မှာပါ။ ဒါပေမဲ့ ဘယ်လောက်အထိ တရားမျှတမှု ရှိမယ်ဆိုတာ ဘယ်သူ အာမခံမှာလဲ။ တကယ်တမ်း ပြောရရင် ပထမ ရွေးကောက်ပွဲကတည်းက ကျွန်တော်တို့က ပါတီ ဆက်လက် ရပ်တည်နိုင်ဖို့ ရည်ရွယ်ချက်နဲ့ပဲ ဝင်ပြိုင်ခဲ့တာ” ဟု ရွေးကောက်ပွဲတွင် အနိုင်မရရှိခဲ့သည့် ပါတီတစ်ခု၏ တာဝန်ရှိသူ တစ်ဦးက ပြောကြားခဲ့သည်။

“ တရားဝင် ပါတီတစ်ခု အနေနဲ့ ဝင်ပြိုင်မှာပါ။ ဒါပေမဲ့ ကျွန်တော်တို့ လက်လှမ်းမှီ နိုင်တဲ့ မဲဆန္ဒနယ် ဖြစ်မှသာ ပြိုင်မယ်။ ဒီကြားဖြတ်  ရွေးကောက်ပွဲကို သိပ်အား မရပါဘူး။ ဘာကြောင့်လဲ ဆိုတော့ ပထမ ကတည်းက အတွေ့အကြုံ ရခဲ့ပြီပဲ” ဟု ရွေးကောက်ပွဲတွင် အနိုင်ရရှိခဲ့သည့် ပါတီကြီး တစ်ခု၏ ပြောရေး ဆိုခွင့်ရှိသူ တစ်ဦးက ပြောသည်။

၂၀၁၀ ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီက ၈၀%ကျော် အနိုင်ရရှိခဲ့ပြီး အချို့သော မဲဆန္ဒနယ်များတွင်  မဲမသမာ မှုများ ဖြစ်ပေါ်ခဲ့သည်ဟု ပြိုင်ဖက် နိုင်ငံရေး ပါတီ အချင်းချင်း စွပ်စွဲမှုများ
ရှိခဲ့သည်။

အဆိုပါ ဖြစ်ပွားခဲ့သော မဲမသမာမှု များနှင့် တရားမျှတမှု မရှိခြင်း တို့ကြောင့် ယခု ပြုလုပ်မည့် ကြားဖြတ် ရွေးကောက်ပွဲ အပေါ် နိုင်ငံရေး ပါတီအချို့မှာ မူအရ ဝင်ပြိုင်ခြေ ရှိသော်လည်း  ယုံကြည်မှု အားနည်းနေကြသည်။

The CJs News

×××××××××××××××××××××××××××××××××××

သတင်းနှင့်ဆောင်းပါးများမှကောက်နှုတ်ချက်များ

"အပြင်မှာ ကုန်ဈေးနှုန်းတက်တယ် ဆိုတာ အခုမှ တက်တာမဟုတ်ပါဘူး။ အမြဲတမ်း တစ်ခုခုဆို တက်တာပဲလေ။ ဓာတ်ဆီဈေးတွေ ဘာတွေ ဆိုတာလည်း အခု ပြန်ကျလာတာလို့ ပြောလို့ရတယ်လေ။ ဟိုတုန်းကဆိုရင် ဓာတ်ဆီတွေက ဝယ်လို့မရဘဲ တန်းစီနေရတာလေ။ နောက်တစ်ခုက ကုန်သည်တွေ စီးပွားရေးသမားတွေကြောင့်လည်း ဖြစ်မှာပေါ့။ လွှတ်တော်ကြောင့်လား အစိုးရသစ်ကြောင့်လား ဆိုတာတော့ အဲဒီလောက် ကျွန်တော် မသိဘူး"

မတ် ၁၇ ထုတ် ပြည်သူ့ခေတ်ဂျာနယ် အတွဲ() အမှတ် (၃၆) မှာဖော်ပြထားသည့် NDF ပါတီ(လွှတ်တော်ရေးရာအဖွဲ့ခေါင်းဆောင်)နှင့် အင်တာဗျူး ကောက်နှုတ်ချက်

-----------------------------------------------------------

"မနက် ၉ နာရီ အလုပ်တက်ရတယ်။ ညနေ ၆ နာရီခွဲမှ အလုပ်ဆင်းရတယ်။ ဒါတောင် အလုပ်ရှင်ရှိနေသေးရင် ပြန်ဖို့မလွယ်သေးဘူး။ ပြန်ချင်ရင်တော့ ပြန်လို့ရပါတယ်။ ဒါပေမဲ့ အလုပ်ရှင်ရဲ့ ငြိုငြင်ခံရပြီ လေ။ အလုပ်ရှင်က ပြောပြီးသား၊ ကုမ္ပဏီအပေါ် ဘယ်သူက ဘယ်လောက်အနာခံပြီး လုပ်ပေးလဲ။ ဒါကိုကြည့်ပြီး လစာကိစ္စ စဉ်းစားမယ်လို့"

မတ် ၁၇ ထုတ် Popular News အတွဲ() အမှတ်(၁၁) မှာပါသည့် "အချိန်ပိုကြေးမရသည့် ပြဿနာ ပုဂ္ဂလိကလုပ်ငန်းများတွင် ကျယ်ပြန့်နေသေး" သတင်းမှ အီလက်ထရောနစ် ကုမ္ပဏီတစ်ခုမှ ဝန်ထမ်း တစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------

"ကျွန်တော် ရုံးတက်၊ ရုံးဆင်းလုပ်နေတာတွေရှိတော့ ဘုရင့်နောင်လုံးဆုံပွိုင့်မှာကော အလုံထော်လီကွေ့မှာပါ စပယ်ယာက မီးပွိုင့်တွေကျရင် ပိုက်ဆံအကြွေ ပစ်ပစ်ချနေတာ နေ့စဉ်လို တွေနေရပါတယ်" ဟုဆိုသည်။ မြောက်ဥက္ကလာပမြို့နယ်မှ ဆူးလေသို့ရုံးလာတက်ရသူ ဆူးလေသို့ရုံးလာတက်ရသူ တစ်ဦးကလည်း "ကျွန်တော် မနက်ပိုင်း ပုလဲကနေဘုန်းကြီးလမ်းကို သွားတဲ့ ၄၃ အထူးကို စီးလာရင် နဝဒေး ပွိုင့်မှာရယ်၊ လမ်းနီ ပွိုင့်မှာရယ်၊ ဗဟန်း ၃လမ်းပွိုင့်မှာရယ် စပယ်ယာက ပိုက်ဆံအကြွေတွေ ပစ်ပစ် ချနေတာတွေ့တယ်၊ ဘာကြောင့် စပယ်ယာကို ပစ်ချတာလဲလို့ မေးတော့ ကျွန်တော်တို့ အခေါ်တော့ နားလည်မှုကြေးလို့ ပြောလို့ရတယ်ဟု ပြန်လည် ပြောကြားသည်" ဟု ဆိုကြောင်း ပြောပါသည်။

မတ် ၁၇ ထုတ် ပြည်သူ့ခေတ်ဂျာနယ် အတွဲ() အမှတ် (၃၆) မှာဖော်ပြထားသည့် "မီးပွိုင့်များတွင် ပုံမှန် မဟုတ်သော ငွေကြေး ပစ်ချမှုများရှိလာ" သတင်းမှ ကောက်နှုတ်ချက်
-----------------------------------------------------------

" ဝန်ထမ်းများ လာဘတ်ပေးလာဘ်ယူ ကိစ္စရပ်များ လျော့နည်းပပျောက်ရန်အတွက် လစာတိုးပေးခြင်း နည်းလမ်းတစ်ခုတည်း ဆောင်ရွက်ရုံဖြင့် မလံလောက် နိုင်ပါကြောင်း၊ ဝန်ထမ်းများအား လာဘ်ပေးလာဘ်ယူ ပြုလုပ်ခြင်းသည် ဝန်ထမ်းတစ်ဦးချင်းအနေဖြင့် လည်းကောင်း၊ ဌာနအနေဖြင့်လည်းကောင်း၊ နိုင်ငံတော် အနေဖြင့် လည်းကောင်း ဂုဏ်သိက္ခာ ညှိုးနွမ်းစေကြောင်း၊ ပညာပေးခြင်းနှင့် လာဘ်ပေးလာဘ်ယူ ပြုလုပ်ခြင်းကို ဖော်ထုတ်တွေ့ရှိပါက ထိရောက်စွာ အပြစ်ပေး အရေးယူခြင်းတို့ကိုဆောင်ရွက်သွားရမှာ ဖြစ်ပါကြောင်း၊ တစ်ဆက်တည်းမှာပင် ပြည်သူလူထု အနေဖြင့်လည်း ဝန်ထမ်းများအား လာဘ်ပေး လာဘ်ယူမပြုရအောင် ပူးပေါင်း ဆောင်ရွက် ကြပါရန် အသိပေး နှိုးဆော်ခြင်း တို့ကို ဆောင်ရွက် သွားရမှာဖြစ်ပါကြောင်း၊ ထို့အပြင် လာဘ်ပေးလာဘ်ယူ ပြုလုပ်သူ ဝန်ထမ်းကိုသော်လည်းကောင်း၊ ပြည်သူကို သော်လည်းကောင်း၊ တာဝန်ရှိသူများအား အသိပေးတိုင်ကြားနိုင်ရန်ဌာနများ သတ်မှတ်ပေးခြင်း၊ တိုင်ကြားစေခြင်း နည်းလမ်းများကို ထိရောက်စွာ အကောင်အထည်ဖော် ဆောင်ရွက် သွားရမည် ဖြစ်ပါကြောင်း"

မတ် ၁၇ ထုတ် 7Day အတွဲ(၁၀) အမှတ်() မှာပါသည့် "လာဘ်ပေးလာဘ်ယူပြုလုပ်သူများကို ထိ ရောက်စွာ အရေးယူ တော့မည် ဟုဆို" သတင်းမှ ဘဏ္ဍရေးနှင့် အခွန်ဝန်ကြီးဌာ ဝန်ကြီး၏ ပြောကြား ချက်အပေါ် ကောက်နှုတ်ချက်

×××××××××××××××××××××××××××××××××××××

သတင်းဆောင်းပါးကဏ္ဍ


ဗလာစာအုပ်ဖြင့် ဓာတ်ဆီရောင်းသည်

ပုဂ္ဂလိကစက်သုံးဆီဆိုင်များ၌  မတ်လ၁၀ရက်နေ့မှစတင်၍ ဓာတ်ဆီ ဝယ်ယူရမည့် မော်တော်ယာဉ် များအား ဓါတ်ဆီထုတ် စာအုပ်များ ပြုလုပ်၍ တစ်ဆိုင်တည်းတွင်သာ ဝယ်ယူခွင့် ရရှိမည်ဖြစ်သည်။ အဆိုပါ ဓာတ်ဆီ စာအုပ်ကို ကားအုံနာ စာအုပ်၊ကားဝှီးတက် (ဘီးခွန်ဆောင်ပြီးကြောင်းအထောက်အထား စာရွက်) ဖြင့် ပြုလုပ်ရမည် ဖြစ်ပြီး ဓာတ်ဆီ ဝယ်ယူမည့် ကားတစ်စီးတွင် ဆီစာအုပ် နှစ်အုပ် တွေ့ရှိပါက ဆီထုတ်ခွင့် ၆လ ပိတ်မည်ဟု သက်ဆိုင်ရာက ညွှန်ကြားထားပြီး ဖြစ်သည်။ ဓာတ်ဆီ ဂါလန် ကန့်သတ်ချက်ကိုမူ တစ်ဆိုင်နှင့် တစ်ဆိုင် မတူညီသောကြောင့် ကြိုက်နှစ်သက်ရာ ဆိုင်တိုင်း၌ ဝယ်ယူနိုင်ပြီး တစ်နေ့တစ်ကြိမ်သာ ဝယ်ယူခွင့် ပြုရန် ညွှန်ကြားထားကြောင်း စော်ဘွားကြီးကုန်းရှိ မြဝတီ စက်သုံးဆီဆိုင် တာဝန်ရှိသူက ရှင်းပြသည်။ "တိုင်းရုံးမှာ ဒီနေ့ အစည်းအဝေး လုပ်တယ်၊ ယာဉ်တန်းတွေ ပျောက်အောင်ပုံစံတွေ ပြောင်းမယ်၊ စာအုပ်စနစ် ပြန်ကျင့် သုံးမယ်၊ ကားတစ်စီးကို ဆီစာအုပ် တစ်အုပ်ပဲ လုပ်ရမယ်၊ အဲဒီ စာအုပ်က ကြိုက်တဲ့ ကုမ္ပဏီဆိုင်မှာ ထုတ်လို့ရတယ်" ဟု နီလာရိုးမ ဓာတ်ဆီ အရောင်းဆိုင် မန်နေဂျာတစ်ဦးက ပြောကြားသွားခဲ့သည်။ ဆီစာအုပ်ကို ကြိုက်တဲ့ ကုမ္ပဏီ ဆိုင်တွေမှာ ပြုလုပ်လို့ရသည်ဟု ဆိုသည်။ ယင်းဆီစာအုပ်ဖြင့် တစ်ရက်ကို တစ်ကြိမ်နှုန်းသာ ဆီထုတ်ခွင့်ရှိသည်။ ဆီဆိုင် တစ်ဆိုင်မှာ ပြုလုပ်ထားသည့် ဓါတ်ဆီစာအုပ်ဖြင့်  တစ်ခြား ဆီဆိုင်တွေမှာ သွားပြီး ထုတ်ယူနိုင်သည်ဟု သိရသည်။

"ကားတစ်စီးကို ဆီစာအုပ် တစ်အုပ်ပဲ ရှိရမယ်၊ ဆီစာအုပ်ကို နှစ်အုပ်သုံးအုပ် လုပ်ထားတယ် ဆိုရင် ဆီထုတ်ခွင့် ခြောက်လ ပိတ်တဲ့ အထိ အရေးယူမယ်၊ မန်နေဂျာကပဲ စစ်ဆေးရေး အဖွဲ့ သီးသန့်ရှိပါတယ်။ အဲသည် အဖွဲ့ကို  ကျွန်တော်တို့ ဆီဆိုင်တွေက နေ့စဉ်ဆိုင်ပိတ်ချိန်မှာ တစ်နေ့တာ ရောင်းထားတဲ့ ဆီဂါလန်နဲ့ ကားနံပါတ် စာရင်းကို ပို့ပေးရမယ်။ အဲသည်အဖွဲ့ကနေ စစ်ဆေးလို့ ကားထပ်တာ တွေ့ရင် စာအုပ် နှစ်အုပ် သုံးအုပ် ရှိတယ်လို့ ယူဆပြီး အရေးယူမယ်၊ တစ်ရက်ကို ကုမ္ပဏီတွေ ရောင်းနိုင်သလောက် ရောင်းပေးလို့ရတယ်၊ လေးဂါလန် တတ်နိုင်ရင် လေးဂါလန်ရောင်း၊ အဲဒီအတွက် ကန့်သတ်ချက် မရှိဘူး၊ ကားစီရေ နည်းသွားရင်တော့ ပိုပြီး ရောင်းနိုင်မှာပါ" ဟု နီလာရိုးမ မန်နေဂျာက ပြောကြားသည်။ ယခုအချိန်အခါ၌ ဆီစာအုပ်ကို ဗလာစာအုပ်နှင့် ပြုလုပ်ပေး နေသည်ဟု သိရသည်။ ဗလာစာအုပ် အပေါ်မှာ ကုမ္ပဏီတံဆိပ်နှင့် ဆီဆိုင်နံပါတ်များ ရိုက်နှိပ်ထားသည်ဟု သိရသည်။

အဆိုပါ ဆီဝယ်ယူခွင့် စာအုပ်ပြုလုပ်ရာ၌ မည်သည့် ဆီဆိုင်များ၌ မဆို ယာဉ်အမှတ်၊ ယာဉ်အမျိုးအစား၊ ယာဉ်ပိုင်ရှင် အမည်နှင့် လိပ်စာများအား မှတ်ပုံတင် စာရင်းပေးသွင်း၍ ပြုလုပ်နိုင်ပြီး စာအုပ်ဖိုး ကျပ်၂၀၀သာ ပေးဆောင်ရမည် ဖြစ်ကြောင်း သိရသည်။ ဓာတ်ဆီ ထုတ်ယူခွင့် စာအုပ်ပျောက်ဆုံးသွားပါက အခြားဆီဆိုင်များ၌  အသစ်တစ်အုပ် ထပ်မံပြုလုပ်ရန် မလိုအပ်ကြောင်း နယူးဒေးလီ ဆိုင်မန်နေဂျာမှ ပြောကြားသည်။  "ဆီထုတ် တဲ့ စာအုပ် ပျောက်သွားလို့၊ ပျက်စီးသွားလို့ ရှိရင် အခြားဆီဆိုင်မှာ အသစ်တစ်အုပ် ထပ်မလုပ်မိဖို့ အရေးကြီးပါတယ်။ စာအုပ် ပျောက်သွားလို့ ကိုယ်ကလဲ အသစ်တစ်အုပ် လုပ်ထားတယ်။ အခြား တစ်ယောက် ကလဲ ပျောက်သွားတဲ့ စာအုပ်ကို ကောက်ရလို့  ဆီသွား ထုတ်တယ်ဆိုရင် စာအုပ်ပိုင်ရှင်ပဲ ပြဿနာတက်မှာပါ။ အဲဒါကြောင့် စာအုပ်ပျောက်လို့၊ ပျက်စီသွားလို့ ဆိုရင် ကိုယ်စာအုပ် လုပ်တဲ့နေရာကို အကြောင်းကြားပါ။ အဲဒါဆိုရင် ဆိုင်က စာအုပ်ပျောက်လို့၊ ပျက်စီးသွားလို့ ဆိုရင် ကိုယ့်စာအုပ် ပျောက်ဆုံး ပျက်စီးကြောင်း ထောက်ခံချက်နဲ့ အသစ်တစ်အုပ် လုပ်ပေးမှာပါ" ဟု ယင်းကဆိုသည်။

ယင်းသို့ တစ်နေ့တစ်ကြိမ်သာ ဝယ်ယူခွင့် စာအုပ်ဖြင့် ရောင်းချပေး သွားမည် ဖြစ်ရာ အမှန်တကယ် ဆီသုံးစွဲသူများ အတွက် ပိုမို အဆင်ပြေ လ&#