Transparency Myanmar

transparency.myanmar@gmail.com

Op-Ed
Document Op-Ed

Snapshot of the item below:
Op-Ed

*

*

၂၇.၁.၂၀၁၃

အတွေးအမြင်

ခရိုနီဆို ဂျိုနဲ့လားကွဲ့

နိုင်မော်

ကျွန်တော်တို့သည် ခေတ်ကာလအလိုက် နားကျည်းမုန်းတီးဖွယ်ရာ စကားလုံးများနှင့် လူများယှဉ်တွဲသိ မြင်ခဲ့ကြသည်။ ဂျပန်ခေတ်တုန်းက ဂျပန်အလိုတော်ရိ စကားပြန်များဆိုလျှင်အလွန် တရာမုန်းတီးကြသည်။ ကွန်မြူနစ်တွေ ခေတ်ကျတော့လည်း လုပ်ငန်းရှင်ဆိုလျှင် ဂုတ်သွေးစုတ် အမြတ်ကြီးစားများ၊ အလုပ်သမားများ ၏ ပင်ပန်ကြီးစွာ လုပ်ကိုင် ရမှုများကို စားသောက်နေသူ အမြတ်ကြီးစားများအဖြစ် သတ်မှတ်ခဲ့ကြသည်။

ဟော……..ဒီမိုကရေစီခေတ်ရောက်ပြန်တော့လည်း ခရိုနီဆိုသည်ကို လူအများစုက မျက်မုန်းကျိုးကြသည်။ ထိုသို့ဖြစ်ရသည်မှာလည်း အဆိုး မဆိုသာ။ အဘယ့်ကြောင့်ဆိုသော် ၎င်းတို့သည် ၁၉၈၈နောက်ပိုင်း နိုင်ငံတော် အာဏာရ ယူခဲ့သော န.ဝ.တနှင့်န.အ.ဖ လက်ထက်ကာလများက မြန်မာ နိုင်ငံ ဈေးကွက်စီးပွားရေး စတင်ကျင့်သုံးသည့် အချိန်မှစ၍ အစိုးရနှင့် မျက်နှာရသော၊ အထူး favour ပေးမှု ရရှိခဲ့သော စီးပွားရေး လုပ်ငန်းရှင်များ၏ ၎င်းတို့ ကိုယ်ကျိုးအတွက် အစိုးရနှင့် ပေါင်းကာ အထူးစီးပွားရေး လုပ်ကိုင်ခွင့် ရခဲ့သောလုပ်ငန်းရှင်များ ဖြစ်နေသောကြောင့် ပင်တည်း။

ထိုသို့သော အစိုးရနှင့် မျက်နှာသာရနေသော စီးပွားရေး လုပ်ငန်းရှင်(သို့မဟုတ်) သူဋ္ဌေးများကို ယခု လက်ရှိ လူပြောများနေသော ခရိုနီများဟု ခေါ်ကြခြင်းဖြစ်သည်။ ဤနည်းဖြင့် သာမာန်လုပ်ငန်းရှင်နှင့် favour ပေးခံရသော လုပ်ငန်းရှင်များ ဖြစ်လာသည်။ လက်ရှိခရိုနီဟု ပြောခံနေရသော သူများ တွင် ယခင်တပ်မတော် အရာရှိကြီးများနှင့် တစ်နည်းမဟုတ်တစ်နည်း ဆွေမကင်းမျိုးမကင်းသူများ ပါဝင်သည်ကိုလည်း တွေ့ရမည်ဖြစ်သည်။

ခရိုနီဟူသည်ကား အာဏာရှိသူနှင့် ပေါင်း၍ စီးပွားရေးလုပ်စားသူများဟု ယေဘုယျအားဖြင့် နားလည်နိုင်သည်။

မည်သို့ပင်ဆိုစေကာမူ ပညာရပ် သဘောအရ လည်းကောင်း၊ စီးပွားရေးသဘောအရ လည်းကောင်း လုပ်ငန်းရှင် သည် မိမိတို့လုပ်ငန်း တိုးတက် ကြီးထွားဖို့အတွက် အကျိုးအမြတ်အများဆုံးရရှိအောင်လုပ်ကိုင်သည့် သဘော Profit Maximization သာဖြစ်သည်။ သို့ဖြစ်ရာ အဆိုပါ Profit Maximization သဘောအရ စီးပွားရေးသမားသည် သူ့လုပ်ငန်း ရှင်သန်နိုင်ဖို့ရာ သူနည်းသူ့ဟန်၊ ခေတ်စနစ်အခြေအနေအရ လုပ်ငန်း ဆက်လက် ရှင်သန် တိုးတက်နိုင်ရန် ဗျူဟာများ သုံးကာ လုပ်ကိုင်ဆောင်ရွက် ရသည့်သဘောရှိသည်။ စီးပွားရေး စီမံခန့်ခွဲမှု ရှုထောင့်မှကြည့်လျှင် စီးပွားရေးလုပ်ငန်းသည် မိမိ လုပ်ကိုင်ရာ လုပ်ငန်းနယ်ပယ်၏ နိုင်ငံရေးပတ်ဝန်းကျင်၊ နည်းပညာဆိုင်ရာ ပတ်ဝန်းကျင်၊ မက်က္ကရို စီးပွားရေးပတ်ဝန်းကျင်၊ ဥပဒေရေးရာပတ်ဝန်းကျင်၊ ပြိုင်ဆိုင်မှု ဆိုင်ရာ ပတ်ဝန်းကျင်၊ ဥပဒေရေးရာ ပတ်ဝန်းကျင်တို့ အကြားတွင် ကောင်းမွန်စွာ လည်ပတ်နိုင်ရန် လုပ်ကိုင်ဆောင်ရွက်ရသည်ဖြစ်ရာ မြန်မာ နိုင်ငံ၏ အတိတ်နိုင်ငံရေး အခြေအနေအရ ရှင်သန်နိုင်အောင် ကြိုးပမ်း ဆောင်ရွက်ရသည့် သဘောရှိသည်ကိုလည်း မမေ့သင့်ပါ။

အဆိုပါစနစ်ကြောင့်သာ ခရိုနီခေါ်တွင်သော လုပ်ငန်းရှင်တို့သည် ထိုသို့နာမည်ဆိုး ပုံရိပ်များ ဖြစ်သွားရသည်။ ခရိုနီဟူသည်ကား အာဏာရှင် ခေတ်တွင်သာမက ဒီမိုကရေစီနိုင်ငံများတွင်လည်း ရှိသည်။ ထိုသို့ဖြစ်ရသည်မှာလည်း သက်ဆိုင်ရာနိုင်ငံ၏ စီးပွားရေးစနစ်၊ နိုင်ငံရေးစနစ်တို့၏ တည်ရှိနေ မှု ရေခံမြေခံ၊ ခိုင်မာမှု/အားနည်းမှု တို့အပေါ်တွင် အခြေခံပါသည်။ တနည်းဆိုရလျှင် ခရိုနီဟူသည်ကား ခေတ်အခြေ အနေကြောင့်သာ ပေါ်ထွန်းလာရ သော လူတန်းစား တစ်ရပ်ဟု ရှုမြင်သုံးသပ်ရပါသည်။

အကယ်၍ နိုင်ငံတစ်နိုင်ငံသည် ညီညွတ်မျှတသော တရားဥပဒေ၊ စီးပွားရေး ဥပဒေ၊ လုပ်ထုံးလုပ်နည်းများ၊ နည်းမှန်သော မူဝါဒများရှိခဲ့ပါလျှင် ထိုသို့သော သီးခြားလူတန်းစားတစ်ရပ်မပေါ်တော့ ပဲ သမာအာဇီဝ ပုံမှန်စီးပွားရှာသော စီးပွားရေး လုပ်ငန်းရှင်လူတန်းစားသာ ပေါ်ပေလိမ့်မည်။ Bill Gate ကဲ့သို့သော၊ မိမိပညာပေါ်တွင် အခြေခံသော သူများသာပေါ်ထွန်းလာမည်ဖြစ်ပါသည်။

တချိန်က တပ်မတော်အရာရှိကြီးများ၏ လှူဒါန်းပွဲများတွင် သူနှင့်အကြောင်းသင့်သော သူဋ္ဌေများလိုက်ပါ၍ သိန်းပေါင်းများစွာလှူဒါန်းကြသည် ကိုတွေ့ရပြီး၊ ထိုသို့သော သူများကို နှစ်စဉ် သိရိသုဓမ္မသိင်္ဂိ၊ သီဟသုဓမ္မသိင်္ဂိဘွဲ့များ အသီးသီးရရှိကြသည်။ ပြည်သူတို့ကြားတွင် ထိုသို့သော ဘွဲ့များကို အများအားဖြင့်နှာခေါင်းရှုံ့ကြသည်များ ရှိလာရသည်။

စီးပွားရေးစီမံကိန်းများ ဆိုလျှင်လည်းသူတို့ပဲရသည်။ စီးပွားရေးနှင့် ပတ်သက်လျှင်သူတို့ပဲရသည်။ သူတို့သည် တရားဝင်ရော၊ တရားမဝင်ရော ကုန်သွယ်စီးပွားလုပ်ကြသည်များလည်း ရှိခဲ့သည်။

သူတို့သည် လက်ရှိတွင် ထိုသို့သော ရေလိုက်ငါးလိုက် “Water Fallow, Fish Follow” လုပ်ကိုင်လာ ကြသည်မှာ ကျွန်ုပ်တို့အပြစ်မဆိုပါ ခရိုနီသည် လည်းကောင်း၊ လာဘ်ပေးလာဘ်ယူမှုသည် လည်းကောင်း ခေတ်စနစ်ကြောင့် ဖြစ်ပေါ်လာသော လက္ခဏာတစ်ရပ်သာဖြစ်ပါသည်။

မည်သို့ပင်ဆိုစေ ထိုစဉ်က အစိုးရသည်လည်း အသွင်ပြောင်းသွားပြီဖြစ်သလို မရှိတော့ပြီလည်း ဖြစ်သည်။ တပ်မတော်အရာရှိဟောင်းများ လည်း ယခင်လမ်းကြောင်းမှ သွေဖယ်လာကြပြီ၊ ခရိုနှီတို့လည်း သူတို့၏ အတိတ်မှလုပ်ရပ် များကို နားလည်ပြီး ခေတ်ကိုသိမြင်လာကြပြီဖြစ်သည်။ ယခင် အစိုးရ မရှိတော့သော်လည်း ခရိုနှီများမှာ ကျန်ခဲ့ရရှာပြီ၊ အစိုးရသည်ကား ခရိုနီများကို ထားရစ်ခဲ့ပြီဖြစ်သည်။

သို့သော်မပြောင်းလဲသေးသည်က ကျွန်တော်တို့ပြည်သူများ၏ သဘောထားပင်ဖြစ်သည်။ ခရိုနီဆိုလျှင် အဆိုး မြင်ကြသည်။ ခရိုနီဟု နာမည် ရသူများကို လူအများနှာခေါင်းရှုံ့ကြသည်။

ယခုတစ်လော လူပြောသူပြောများလာသည့် ကိစ္စကား အဆိုပါ လူအများသမုတ်ကြသည့် ခရိုနီခေါ်တွင် လုပ်ငန်းရှင်ဟောင်းများက လူထု ခေါင်းဆောင် ဒေါ်အောင်ဆန်းစုကြည်၏ အမျိုးသားဒီမိုကရေစီ အဖွဲ့ချုပ်၏ ပညာရေးကွန်ယက် ရံပုံငွေပွဲကို လှူဒါန်ကြမှုကို အမျိုးမျိုးပြော ဆိုနေကြခြင်း ပင်တည်း။ အဆိုပါဖြစ်ရပ်ကို ကြည့်လျှင် ကျွန်တော်တို့သည် လှေနံဓားထစ် တွေးကြသည်။ ခရိုနီနှင့် ပေါင်းနေသူအလား ဒေါ်အောင်ဆန်းစုကြည်အား စွပ်စွဲကြသည့်သဘော ခနဲ့တဲ့တဲ့ ရေးသားလာသည်များကို တွေ့ရသည်။ ထိ်ုသို့ပြောဆို ရေးသားနေမှုများသည် ရင့်ကျက်မှု မရှိသည့်သဘောကို တွေ့ရ သည်။ ခရိုနီများ အနေဖြင့် အတိတ်ကလုပ်ရပ်များရှိခဲ့သည်ကို ကျွန်တော့်အနေဖြင့် အထူးပြောစရာမလို။သို့သော ထိုသို့သောလှူဒါန်းရုံဖြင့် အထင်လွဲစရာ မလိုပါ။ မြန်မာလူမျိုးတို့သည် တကယ်လုပ်ကိုင်သူ များကို တကယ်မိမိတို့ တတ်နိုင်သ၍ လှူဒါန်း ချင်ကြသည်ချည်းဖြစ်ရာ ခရိုနီးမျာအပေါ် ထိုသို့ နား လည်နိုင်ပါက ပိုမိုအပြု သဘောဆောင်ပေလိမ့်မည်။

အဓိက အရေးကြီးသည်ကား ထိုသူများအပေါ် ပြည်သူများအဖြစ်ရှုမြင်ပြီး Favor ပေးမှုမရှိဘဲ တန်းတူ ညီမျှ ဆက်ဆံရေးသည်သာ အရေးကြီး သည်။ မြန်မာတို့သည် အဖြူဆိုလျှင်အဖြူချည်း သက်မြင်လိုသည်။ မိမိတို့လေးစားသူကို ထိုလေးစားမှုအတိုင်း ရှိစေချင်သည်။ ထိုအချက်ကိုလည်း အပြစ် မပြောလိုပါ။ သို့သော် အမြော်အမြင်ရှိဖို့လိုသည်။ ဒေါ်အောင်ဆန်းစုကြည်အနေဖြင့် ထိုသို့အလှူငွေလက်ခံခြင်းသည် ခရိုနီနှင့်ပေါင်း သည်ဟု ရှုမြင်၍ဖြစ်ပါ မည်လော။ လှူဒါန်းခြင်းကို အပျက်သဘောဆောင်အပ်ပါသည်လော။ ထိုအလှူသည် ပညာရေးအတွက်ဖြစ်သည်။ အလှူခံရော အလှူပေးသူရော မွန်မြတ်ဖို့သည်သာ အဓိကဖြစ်သည်။

အရေးကြီးသည်မှာ အလှူပေးသူနှင့် အလှူရယူသူတို့၏ မှန်ကန်သော သဘောထားသည်သာ အရေးကြီပါသည်။

ကျွန်တော်တို့မြန်မာနိုင်ငံသည် ဗုဒ္ဓသာသနာ ထွန်းကားရာနိုင်ငံဖြစ်သလို စွန့်ကြဲပေးကမ်းမှု ထက်သန်သော နိုင်ငံဖြစ်ရာ သာမာန်ဆင်းရဲသားရဲ့ လှူဒါန်းမှုရော သူဋ္ဌေးကြီး၏ လှူဒါန်းပါဝင်မှုကိုရော လက်ခံ၍ ပရဟိတလုပ်ရစမြဲဖြစ်ရာ ပြညသူတို့အနေဖြင့် ထိုသဘောကိုနားလည်ပေးစေလိုပါသည်။

အမေစုနှင့် ခရိုနီပေါင်းပြီဟု ပြောလျှင်တက်တက်စင်အောင် လွဲပေလိမ့်မည်။ ကျွန်တော့်ကို ဤဆောင်းပါးရေးသည့် အတွက် အချို့က အထင်လွဲ ကောင်းလွဲမည်၊ ကျွန်တော်အနေဖြင့်မူ စာဖတ်သူတို့ အထင်လွဲလျှင်လွဲပါစေ အားလုံးအမြင်မှန် အောင်ရေးသည်သာ အရေးကြီးပါသည်ဟု ခံယူပါသည်။

ကျွန်တော်တို့သည် ခရိုနီများ၏ပိုင်ဆိုင်မှုကို မည်သို့မျှ လုယူစရာမလိုအပ်သလို ခရိုနီဟောင်းများ ၏ပါဝင်မှုကို အသိအမှတ်ပြုသင့်သည်။ ကယ်၍သာ ဒေါ်အောင်ဆန်းစုကြည်က ခရိုနီတွေလှူ၍ ငါမယူဘူးဟုပြောရင်ရော ဖြစ်ပါ မည်လော၊ လှူဒါန်းသူတို့အနေဖြင့်ရော စိတ်ချမ်းသာပါမည်လော၊ လှူဒါန်းမှုကို ပိတ်ပင်ရာ မရောက်ပေလော။ ယခု လှူဒါန်းမှုသည်ရော ပညာရေးအတွက် မဟုတ်ပေလော။ ကျွန်တော်တို့ အမှန် တကယ် ဆိုလျှင် ကျွန်တော်တို့ အနေဖြင့် ထိုသို့မတွေးသင့်မတွေး အပ်ပေ။

လင်းဠ ဘုရားပေါ်လာနားခြင်းသည် နိမိတ်မကောင်းဟုဆိုနိုင်မည်လော၊ လင်းဠဘုရားမှာ လာနားခြင်း ကို လင်းဠတွေ ဘုရားကို ဖူးခြင်းဟု မှတ် ယူလျှင် မကောင်းပေလော။ ခရိုနီတွေ တကယ်လိုအပ်တဲ့နေရာ တကယ်လှူခြင်း ကိုရော ထိုအတိုင်း ကောင်းသောနိမိတ်အဖြစ် မစဉ်းစားနိုင်ပေဘူး လော။ မည်သို့ပင်ဆိုစေ အမြင်ပြောင်းလဲကာ အမြင်မှန်သို့ပြောင်းလဲလာသူများ၊ တကယ်လုပ်ကိုင်နေသူများကို တကယ်ပံ့ပိုးပေးသူများ ကို ကျွန်တော်တို့ထိုသို့ မြင်အပ် ပါ၏လော။

ခရိုနီဆိုသည်ကား အာဏာရှင်စနစ်၏ ဖန်တီးခံ တစ်ခုဖြစ်ပြီး နိုင်ငံတော်တွင် စီးပွားရေး အရဘက်လိုက်မှု မရှိသော မှန်ကန်သည့် မူဝါဒကို ကျင့်သုံး၍ ခရိုနီဝါဒမပေါ်နိုင်ကြောင်း၊ ခရိုနီလက်သစ်များ မပေါ်ရေးသည်သာ အဓိကဖြစ်သည်ကိုလည်း ဂရုပြုသင့်ပေသည်။

ခရိုနီဟောင်းများ၏ အမှန်မြင်လာသည့်အပေါ် ကြိုဆိုပါသည်။ ခရိုနီဟောင်းများ အနေဖြင့်လည်း အကျင့်ကောင်းနƟ