Transparency Myanmar

transparency.myanmar@gmail.com

Office of United Nations Resident and Humanitatian coordinator for Myanmar, 17th August, 2010

၃ နှစ်ဆက်တိုက် မိုးခေါင်မှုဒဏ်ကို ခံစားနေရသော ဒေသများတွင် စားနပ်ရိက္ခာ ဖူလုံမှုနှင့် ဝင်ငွေ အခွင့်အလမ်းများ တိုးတက်လာစေရန် မြန်မာအစိုးရ အားထုတ်နေမှုကို အထောက်အကူ ပြုရန် ရည်ရွယ်ပြုလုပ်သော မြန်မာနိုင်ငံ လူသားချင်း စာနာ ထောက်ထားသော လုပ်ဖော်ကိုင်ဖက် အုပ်စု လပတ် အစည်းအဝေးတွင် အပူပိုင်း ခြောက်သွေ့ဇုံအတွက် အဖွဲ့ပေါင်းစုံ လက်တွေ့ စီမံချက်ကို ယနေ့ တင်ပြခဲ့သည်။

မကွေးတိုင်း ဧရိယာ အများစု၊ မန္တလေးတိုင်းနှင့် စစ်ကိုင်းတိုင်း အောက်ပိုင်းတို့ ပါဝင်သော မြန်မာနိုင်ငံ အလယ်ပိုင်း ခြောက်သွေ့ဇုံသည် နိုင်ငံတွင်း စားနပ်ရိက္ခာ အရှားပါးဆုံး ဒေသများအနက် တစ်ခု အပါအဝင် ဖြစ်သည်။ မိုးရွာသွန်းမှု မမှန်ကန်ခြင်း၊ နည်းပါးခြင်းတို့ကြောင့် ဆိုးဆိုးဝါးဝါး၊ ရေပြတ်လတ်ကာ ကျေးလက် အသက်မွေးမှု လုပ်ငန်း၏ ရှင်သန်နိုင်မှုကို အဆက်မပြတ် ခြိမ်းခြောက်နေသည်။

အလှူရှင်များ၊ ကုလသမဂ္ဂ အဖွဲ့အစည်းများ ၊ NGO အဖွဲ့များ၊ မြန်မာနိုင်ငံ လူသားချင်း စာနာ ထောက်ထားသော အသိုင်းအဝိုင်းမှ သူများ တက်ရောက်ကြသည့် မြန်မာနိုင်ငံ လူသားချင်း စာနာ ထောက်ထားသော လုပ်ဖော်ကိုင်ဖက် အဖွဲ့အစည်းကို ယနေ့ ကျင်းပရာ အထက်ပါ စိန်ခေါ်မှုများ၊ စိန်ခေါ်မှုများအပေါ် တုန့်ပြန်မည့် မဟာဗျူဟာများကို ဆွေးနွေးခဲ့ကြသည်။

စားနပ်ရိက္ခာ ဖူလုံမှုနှင့် လယ်ယာ စိုက်ပျိုးရေးဆိုင်ရာ အဖွဲ့ (FSATG) ၏ လှုပ်ရှားမှုတစ်ခု ဖြစ်သည့် အဖွဲ့ပေါင်းစုံ အပူပိုင်း ခြောက်သွေ့စုံ လက်တွေ့လုပ်ငန်း စီမံချက်သည် စားနပ်ရိက္ခာ ဖူလုံမှုနှင့် ဝင်ငွေ အခွင့်အလမ်း တိုးတက်လာစေရန် အစိုးရ၏ ကြိုးပမ်းမှုများကို လွယ်ကူ ရှင်းလင်းသော လုပ်ငန်းစဉ်မှတဆင့် ကူညီပေးရန် ရည်ရွယ်ခြင်း ဖြစ်သည်။ အစိုးရ၏ နှစ်လယ်ကာလ ဦးစားပေး လုပ်ငန်းစဉ်တွင် ဖော်ပြထားသော အစီအစဉ်ကို ပံ့ပိုးရန် အကူအညီပေးမည့် အသိုင်းအဝိုင်း အနေဖြင့် စွမ်းရည်နှင့် ကျွမ်းကျင်မှုကို မည်သည့်နေရာတွင် အသုံးပြုနိုင်မည်ကို ရည်ညွှန်းကာ အဓိက စိန်ခေါ်မှုများကိုလည်း မီးမောင်းထိုးပြခဲ့ကြသည်။

"မနှစ်က ပြုလုပ်ခဲ့သည့် အကဲဖြတ်ချက်တွေအရ တွေ့ရှိခဲ့တဲ့ စားနပ်ရိက္ခာ အလွန်အမင်း ပြတ်တောက်မှု၊ ကျေားလက် ဆင်းရဲသားတွေအတွက် အကူအညီ အပူတပြင်း လိုအပ်နေမှုတွေ အပေါ်မှာ အခြေပြုပြီး လုပ်ငန်းစဉ်ကို တည်ဆောက်ထားတယ်။ ဒီဒေသတွေကို ကောင်းကောင်း ကူညီနိုင်ဖို့အတွက် အခြေခံတွေကို ဖြည့်ဆည်းဖို့ စတင်လုပ်ဆောင်နေတာပါ" ဟု FSATG ပူးတွဲ ဥက္ကဋ္ဌ၊ FAO ဋ္ဌာနေ ကိုယ်စားလှယ် Mr. Shin Imai က အစည်းအဝေးတွင် ပြောကြားသွားသည်။

၂၀၀၉ ဒီဇင်ဘာတွင် ပြုလုပ်ခဲ့သော စားနပ်ရိက္ခာ ဖူလုံမှု အကဲဖြတ်ချက်တွင် မကွေးတိုင်းအတွင်း တိုင်းထွာမှု ၆၅ % မှာ စားနပ်ရိက္ခာ မလုံလောက်ကြောင်း တွေ့ရှိထားပြီး ၂၀၀၉ သြဂုတ်လက မန္တလေးတိုင်းတွင် ပြုလုပ်သော အာဟာရ စစ်တမ်းတွင် အသက် ၂ နှစ်အောက် ကလေးများ အာဟာရ ချို့တဲ့မှုမှာ ၁၂.၁ % အထိ ဖြစ်ပွားနေသောကြောင့် အရေးပေါ် အဆင့်ထက် ကျော်နေသည်ကို တွေ့ရှိရသည်။

ရေလိုအပ်ချိန်တွင် အကန့်အသတ်ဖြင့်သာ ရရှိမှုကြောင့် လယ်ယာ အထွက်နှုန်း ကျဆင်းလာခြင်း၊ အစာရေစာ မလုံလောက်ခြင်း၊ ကျေးလက် ဆင်းရဲသားများ အကြွေးလည်ပင်း မြုပ်နေခြင်းတို့ကြောင့် အပူပိုင်း ခြောက်သွေ့ဇုံ၏ အခြေအနေမှာ အန္တရာယ်ရှိသည့် အဆင့်သို့ ရောက်ရှိနေသည်။

၂၀၀၉ ဒီဇင်ဘာလက နိုဘယ်ဆုရ စီးပွားရေးပညာရှင် ပါမေက္ခ ဂျိုးဇက်စတစ်ဂလစ် လာရောက်စဉ် မြန်မာနိုင်ငံ၏ လယ်ယာစိုက်ပျိုးမှု အခြေခံစီးပွားရေး အပေါ် စိမ်ခေါ်မှုများ ကြီးထွားလာခြင်းနှင့် ပတ်သက်၍ ဆွေးနွေးပွဲများ ပြုလုပ်ခဲ့ရာ ဒုတိယ ဖိုရမ်တွင် အပူပိုင်း ခြောက်သွေ့ဇုံကို သီးခြား ဆွေးနွေးသွားခဲ့သည်။

ခြောက်သွေ့မြေ ရေသွင်းစိုက်ပျိုးမှု၊ သဘာဝ ပတ်ဝန်းကျင် ကာကွယ်ရေး၊ ရေအရင်းအမြစ် စီမံခန့်ခွဲမှု၊ ချေးငွေရ ပိုင်ခွင့်၊ နှင့် စွမ်းရည် တည်ဆောက်မှု စသော လက်တွေ့ စီမံချက် ၅ ရပ်ကို လုပ်ဆောင်ရာတွင် အဖွဲ့အစည်း ၃၅ ခုကျော် ပါဝင် ဆောင်ရွက်ကြမည် ဖြစ်သည်။

လူပေါင်း ၆၈ ဦး အသက် ဆုံးရှုံးကာ အခြေခံ အဆောက်အဦးများ၊ အသက်မွေးမှု လုပ်ငန်းများ ဆိုးဝါးစွာ ထိခိုက် ပျက်စီးခဲ့သော မကြာသေးမီက ရခိုင်မြောက်ပိုင်း မြေပြို၊ ရေလွှမ်းမှု အပေါ် လက်ရှိ တုန့်ပြန် ဆောင်ရွက်နေမှုကိုလည်း ယနေ့ကျင်းပသည့် မြန်မာနိုင်ငံ လူသားချင်း စာနာ ထောက်ထားသော လုပ်ဖော်ကိုင်ဖက် အစည်းအဝေးတွင် ထည့်သွင်း ဆွေးနွေးခဲ့သည်။ ကုလသမဂ္ဂ ဗဟိုအရေးပေါ် ကယ်ဆယ်ရေး ရန်ပုံငွေ အဖွဲ့မှ ထောက်ပံ့သော စားနပ်ရိက္ခာများ၊ ရွက်ဖျင်တဲများ၊ အခြား အကူအညီများကို လုပ်ဖော်ကိုင်ဖက်များနှင့် အတူတကွ လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာနနှင့် အနီးကပ် ညှိနှိုင်းကာ ကုလသမဂ္ဂက ဆက်လက် ဖြန့်ဝေနေသည်။

အရေးပေါ် လိုအပ်ချက်နှင့် ရေရှည် ရည်မှန်းချက် ၂ ခု စလုံးကို အစီအစဉ် တစ်ခု အဖြစ် စုစည်း တုန့်ပြန်ရာတွင် လတ်တလော ရခိုင်မြောက်ပိုင်း၌ လုပ်ကိုင်နေသည့် လူသားချင်း စာနာသော အဖွဲ့အစည်းများကို အတူတကွ စုစည်းမည့် ရခိုင်မြောက်ပိုင်း ဆိုင်ရာ လူသားချင်း စာနာသော ပူးတွဲလုပ်ငန်း အစီအစဉ်ကိုလည်း တက်ရောက် လာကြသူများက အသေးစိတ် ဆွေးနွေးခဲ့ကြသည်။

"မြန်မာနိုင်ငံက လူသားချင်း စာနာမှု လိုအပ်ချက်တွေကို ကျွန်တော်တို့ တုန့်ပြန် ဆောင်ရွက်နေမှုအပေါ် နိုင်ငံတကာအသိုင်းအဝိုင်းက တညီတညွတ်တည်း ရပ်တည်နေတယ် ဆိုတဲ့ အချက်ကို ခြောက်သွေ့ရပ်ဝန်း လက်တွေ့လုပ်ငန်းစီမံချက်နဲ့ နိုင်ငံတွင်း အခြားဒေသတွေက အလားတူ မဟာဗျူဟာတွေ၊ ဆောင်ရွက်ချကိတွေက ညွှန်ပြနေတယ်။ မြန်မာအစိုးရရဲ့ ဆက်လက် ပူးပေါင်း ဆောင်ရွက်မှုနဲ့ နိုင်ငံတကာ အလှူရှင်တွေဆီက အကူအညီ ထပ်ရဖို့အတွက် ကျွန်တော်တို့ ကြိုးစားနေပါတယ်" ဟု ကုလသမဂ္ဂ ဌာနေ ကိုယ်စားလှယ်၊ လူသားချင်း စာနာ ထောက်ထားမှု ညှိနှိုင်းရေး အရာရှိ Bishow Parajuli က ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Economic Times, Rajeev Jayaswal and ET Bureau, 24th August 2010

နိုင်ငံပိုင် ရေနံ ကုမ္ပဏီများ ဖြစ်ကြသော Indian Oil (IOC) နှင့် Oil Indian (OIL) တို့သည် မြန်မာနိုင်ငံရှိ ဓါတ်ငွေ့လုပ်ကွက်တွင် တစ်ဦးလျှင် ၂၀ % ပါဝင်ခွင့် ရရှိရန် Essar အုပ်စုနှင့် စကားပြောလျက် ရှိသည်။ ယခု ဓါတ်ငွေ့ လုပ်ကွက်သည် Reliance Industries ၏ KG-D6 အကွက်တွင် ရှိသော ဓါတ်ငွေ့သိုက်ထက် များပြားသော အနေအထားတွင် ရှိမည်ဟု ခန့်ထားသည်။

Essar အုပ်စုက ၂၀၀၅ ခုနှစ်တွင် ဝယ်ယူထားသော ရေတိမ် ဓါတ်ငွေ့လုပ်ကွက် A2 သည် ဓါတ်ငွေ့ ၁၃ ထရီလျံ ကုဗပေ (tcf) ရှိမည် ခန့်မှန်းရာ KG-D6 လုပ်ကွက်ရှိ ၁၀.၀၃ tcf ဓါတ်ငွေ့တိုက်ထက် ပိုကြီးသည်။

"IOC နဲ့ OIL ကုမ္ပဏီ နှစ်ခုစလုံးဟာ Essar ရဲ့  မြန်မာနိုင်ငံမှာ A2 ရေတိမ် ဓါတ်ငွေ့ လုပ်ကွက်နဲ့ ကုန်းတွင်း လုပ်ကွက် L တို့မှာ အဆိုပြုချက်တွေကို စဉ်းစားနေပါတယ်'' ဟု ကုမ္ပဏီ နှစ်ခုစလုံး၏ အကြံပေး ပုဂ္ဂိုလ်က ပြောကြားခဲ့သည်။

Essar ၏ လုပ်ကွက် L တွင် ရေနံစိမ်းစည် သန်း ၃၃၀ နှင့် ညီမျှသော ဟိုက်ဒရို ကာဗွန်များ တွေ့ရှိနိုင်ကြောင်း ခန့်မှန်းထားသည်။

ရေနံ ဝန်ကြီးဌာန တာဝန်ရှိ် ပုဂ္ဂိုလ်က အထက်ပါ ကိစ္စများအတွက်  အတည်ပြုသည့် အနေဖြင့် ပြောကြားရာတွင် IOC နှင့် OIL တို့သည် Essar ၏ အချက်အလက်များ ထားရှိရာ အခန်းသို့ ရောက်ရှိပြီး ဖြစ်ကြောင်း ဆိုသည်။

"သူတို့ဟာ အကွက် L မှာ မဟုတ်ဘဲ၊ Essar ရဲ့ ဓါတ်ငွေ့လုပ်ကွက်မှာ ၄၀ % ပါဝင်ဖို့ စဉ်းစားနေပါတယ်'' ဟု ၎င်းက ပြောသည်။ Essar အုပ်စုသည်  Essar Exploration & Production အရှေ့တောင် အာရှ အမည်ဖြင့် ယခင် မရှိခဲဖူးသော အမည်ဖြင့် မြန်မာနိုင်ငံတွင် လုပ်ကွက် (၂) ခုကို ရရှိထားသည်။

ET မှ IOC နှင့် OIL ထံမေးခွန်းများ ပေးပို့မေးမြန်းခဲ့သော်လည်း တုန့်ပြန်မှု မရခဲ့ပါ။ Essar အုပ်စုမှ ပြောခွင့်ရ ပုဂ္ဂိုလ်ကလည်း ထိုကိစ္စကို မှတ်ချက်ပေးရန် ငြင်းဆန်ခဲ့သည်။

ကုမ္ပဏီ နှစ်ခုအား အကြံပေးနေသော ပုဂ္ဂိုလ်ကမူ ရောင်းသူနှင့် ဝယ်သူများသည် မကြာမီသေးမီက ရောင်းဝယ်ရေး ကိစ္စများကို အသေးစိတ် ဆွေးနွေးခဲ့သည်ဟု ပြောကြားခဲ့သည်။

သို့သော် OIL မှ တာဝန်ရှိသူက သဘောတူညီချက် အပြီး မသတ်ရသေးကြောင်း ပြောသည်။

Essar သည် ရောင်းဝယ်ရေး ဆိုင်ရာ အဆိုပြုချက်ကို OIL နှင့် IOC သို့ ပြီးခဲ့သည့်နှစ် ဒီဇင်ဘာက ပေးခဲ့ခြင်း ဖြစ်သည်။ ဧည့်သည် ပညာရှင်အဖွဲ့၏ အကြို အစီရင်ခံစာ အရ ကုမ္ပဏီ နှစ်ခုစလုံးသည် ဓါတ်ငွေ့ ပိုင်ဆိုင်မှု ရှိကြသည်ဟု သိရှိရသည်။

Essar သည် အဆိုပါ လုပ်ကွက် နှစ်ခုတွင် 2D နှင့် 3D  ဆိုက်စမစ် တိုင်းထွာမှုများ အပြီးတွင် တွင်းတစ်တွင်းစီ တူးလျက် ရှိသည်။

လုပ်ကွက် နှစ်ခုလုံးသည် ရှာဖွေဆဲ အဆင့်တွင်သာ ရှိသေးပြီး ဓါတ်ငွေ့ရှိမှု ပမာဏကိုလည်း ခန့်မှန်းမှု အတည်မပြုနိုင်သေးကြောင်း အဆိုပါ ပရောဂျက်တွင် အလုပ်လုပ်နေသော အတတ်ပညာရှင် တစ်ဦးက ပြောသည်။

Essar သည် ၂၀၀၅ ခုနှစ်က မြန်မာနိုင်ငံတွင် ရေနံနှင့် သဘာဝ ဓါတ်ငွေ့ လုပ်ကွက် (၂) ခု ရရှိသော ပထမဆုံး အိန္ဒိယ ကုမ္ပဏီ ဖြစ်သည်။ ကုမ္ပဏီသည် မြန်မာ အစိုးရနှင့် ထုတ်လုပ်မှု ဆိုင်ရာ မျှဝေခံစားခြင်း စာချုပ်ကို ၂၀၀၅ ခုနှစ် မေလတွင် လက်မှတ် ရေးထိုးခဲ့သည်။

Essar သည် လုပ်ကွက် A2 နှင့် ၎င်းနှင့် ဆက်စပ်နေသော ကုန်းတွင်းပိုင်း လုပ်ကွက် L တို့ကိ်ု ၂၀၀၅ ဇန်နဝါရီလတွင် ဝင်ရောက် ယှဉ်ပြိုင်ခဲ့သည်။ အဆိုပါ လုပ်ကွက်များသည် ဓါတ်ငွေ့ သေချာပေါက် ထွက်မည့် အကွက်များနှင့် ဘင်္ဂလားဒေ့ရှ် တောင်ပိုင်း ဓါတ်ငွေ့ တွေ့ရှိသော နေရာကြားတွင် ကပ်လျက် တည်ရှိနေသည်။ ဘင်္ဂလားဒေ့ရ်ှတွင် အလွန် ထွက်ရှိသော Sangu ဓါတ်ငွေ့ လုပ်ကွက်သည် ၎င်းဒေသတွင် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံနှင့် အိန္ဒိယ အရှေ့မြောက်ပိုင်း ဒေသ ကုန်သွယ်မှုနှင့် ရင်းနှီးမြှုပ်နှံမှု ဆိုင်ရာ သီးသန့် ဆွေးနွေးပွဲများကို ရန်ကုန်နှင့် မန္တလေးမြို့တွင် လာမည့် စက်တင်ဘာလ ၁၃ ရက်နေ့မှ ၁၆ ရက်နေ့အထိ ကျင်းပပြုလုပ်ရန် စီစဉ်ထားကြောင်း သိရသည်။ ထိုဆွေးနွေးပွဲကို မြန်မာနိုင်ငံ စက်မှုလက်မှု လုပ်ငန်းရှင်များနှင့် ကုန်သည်ကြီးများ အသင်းနှင့် အိန္ဒိယ စက်မှုလုပ်ငန်းရှင်များနှင့် ကုန်သည်ကြီးများ အသင်းတို့ ပူးပေါင်း ဆောင်ရွက်မှုဖြင့် ကျင်းပပေးခြင်း ဖြစ်သည်။

အိန္ဒိယနှင့် မြန်မာ နှစ်နိုင်ငံ ကုန်သွယ်မှု၊ ရင်းနှီးမြှုပ်နှံမှု ပိုမို တိုးတက် ကောင်းမွန်လာရေး ဟူသော ဦးတည်ချက်ဖြင့် ကျင်းပမည့် အဆိုပါ သီးသန့် ဆွေးနွေးပွဲသို့ အိန္ဒိယနိုင်ငံ၊ အရှေ့မြောက်ပိုင်း ပြည်နယ်များမှ ကုန်သည်ကြီးများ၊ ဝန်ကြီးများနှင့် အရာရှိကြီးများ တက်ရောက်ကြမည် ဖြစ်သည်။ မဏိပူရ ပြည်နယ် ကိုယ်စားလှယ်အဖွဲ့ကို ပြည်နယ် ဖွံ့ဖြိုးရေး စီမံကိန်းဘုတ်အဖွဲ့ ဥက္ကဋ္ဌက Bijoy Koijam က ဦးဆောင်မည် ဖြစ်ကြောင်း၊ အတွင်းရေးမှူး Nabakishore လည်း တက်ရောက်မည် ဖြစ်ကြောင်း သိရသည်။

စာရင်းဇယားများအရ မိုးရေးနှင့် တမူးပြည်နယ် တို့မှတစ်ဆင့် ဖြတ်သန်း ကုန်သွယ်လျက် ရှိသည့် ကုန်သွယ်ရေး အမျိုးအစားမှ ယခင် ၂၂ မျိုးသာ ရှိရာမှ ယခုအခါ ၄၄ ခုအထိ တိုးမြင့်လာသည်။

ကုန်သွယ်ရေး သဘော တူညီချက်၌ ပါဝင်သည့် ကုန်ပစ္စည်း အမျိုးအစားသစ်များတွင် စက်ဘီး အပိုပစ္စည်းများ၊ အသက်ကယ် ဆေးဝါးများ၊ ဓာတ်မြေသြဇာများ၊ ပိုးသတ်ဆေးများ၊ ချည်ထည်များ၊ စတီးပစ္စည်းများ၊ အလှကုန်များ၊ သရေထည် ဖိနပ်များ၊ သကြား၊ဆား၊ ခြင်ဆေးခွေ၊ မီးသီး၊ ဘရိတ်ဓား၊ ဓာတ်မှန်နှင့် ဓာတ်ပုံ ဖလင်များ ပါဝင်သည်။

ဤအတောအတွင်း မဏိပူရသို့ အရှေ့တောင် အာရှနိုင်ငံများမှ သံအမတ်ကြီးများ သွားရောက် လည်ပတ်ရန် စီစဉ်ထားမှုကို စက်တင်ဘာလသို့ ပြောင်းလဲ ရွှေ့ဆိုင်းလိုက်သည်။ မြန်မာနိုင်ငံမှ ယဉ်ကျေးမှု အဖွဲ့တစ်ဖွဲ့အား အိန္ဒိယ အနောက်မြောက်ပိုင်း ဒေသသို့ လေ့လာရေး ခရီးအဖြစ် အိန္ဒိယ အရှေ့မြောက်ပိုင်း ဆိုင်ရာ ပြည်နယ် ဝန်ကြီးဌာနက စပွန်ဆာ ပေးကာ ခေါ်ယူခဲ့ပြီး ဖြစ်သည်။

မဏိပူရ ပြည်နယ် အနေဖြင့် မြန်မာနိုင်ငံမှ ဆန်မက်ထရစ် တန်ချိန် ၃၀၀၀၀ တင်သွင်းရန် အိန္ဒိယ အစိုးရ၊ စားသုံးသူ ပြည်သူ့ရေးရာ၊ အစားအသောက်နှင့် ဖြန့်ဝေရေး ဝန်ကြီးဌာနက မဏိပူရ စက်မှုဖွံ့ဖြိုးရေး ကော်ပိုရေးရှင်း လီမိတက် (MANIDCO) ကို ခြွင်းချက်မရှိ ဝယ်ယူခွင့် လက်မှတ် 'No Objection Certificate' ထုတ်ပေးလိုက်ပြီးနောက် အဆိုပါ အိန္ဒိယ-မြန်မာ နှစ်နိုင်ငံ သီးသန့် ဆွေးနွေးပွဲ ထွက်ပေါ်လာခြင်း ဖြစ်သည်။

The Sangai Express မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Washington Post, David I. Steinberg, 21st August 2010

အမေရိကန် ပြည်ထောင်စုသည် ယခု အပတ်တွင် ကုလသမဂ္ဂက မြန်မာအစိုးရ ကျူးလွန်သော လူသားချင်း မစာနာသည့် ရာဇဝတ်မှုများနှင့် စစ်ရာဇဝတ်မှုများကို စုံစမ်းရန် စုံစမ်း စစ်ဆေးရေး ကော်မရှင် ဖွဲ့စည်းရန် ကိစ္စအား ထောက်ခံရန် ဆုံးဖြတ်ခဲ့သည်။ အစိုးရ၏ လူ့အခွင့်အရေး ရက်စက်မှုများသည် ထင်ရှားသည်။ ထို့အပြင် မြန်မာ အစိုးရ၏ ရွေးကောက်ပွဲအပေါ် ကန့်သတ်မှုများသည် ဗိုလ်ချုပ်များ အာဏာ ဆက်လက် ဆုပ်ကိုင်နိုင်ရန် သေချာရေး အတွက် ဖြစ်သည်။ ဝေခွဲမရသော အချက်တစ်ခုမှာ အစိုးရသစ် အောက်တွင် တဖြည်းဖြည်း ပြောင်းလဲမှုများ ဖြစ်လာနိုင်မည်ဟု ယူဆလျက် အဆိုပါ ရာဇဝတ်မှုများအတွက် သည်းမခံနိုင်မှုကို ထုတ်ဖော်ရသည်မှာ ပိုကောင်းမည်လား။ မြိုသိပ်ထားရမည်လား ဆိုသည်ပင် ဖြစ်သည်။

နိုင်ငံအများစုသည် သည်းမခံနိုင်မှုအား အရေးယူမှုများ၊ စစ်ရာဇဝတ်မှုများကို စစ်ဆေးခြင်း၊ ပိတ်ဆို့မှုများဖြင့် ဖော်ပြခဲ့ကြပြီး ဖြစ်သည်။ အဆိုပါ နည်းဗျူဟာများသည် သဘောထား ပျော့ပြောင်းလာရေး၊ လူ့အခွင့်အရေးများ တိုးတက်လာရေး၊ အစိုးရ ပြောင်းလဲရေး သို့မဟုတ် အခြားတိုးတက်မှု ညွှန်းကိန်းများ ထွက်ပေါ်လာရေးအတွက် စီမံကြခြင်း ဖြစ်သည်။ မြန်မာနိုင်ငံတွင် နိုဝင်ဘာလ (၇) ရက် ရွေးကောက်ပွဲမတိုင်မီ အမေရိကန် အစိုးရ တာဝန်ရှိသူများကို မေးရမည့် အဓိက မေးခွန်းမှာ အရေးယူမှု အသစ်များ ချမှတ်ခြင်း၊ စုံစမ်းရေး ကော်မရှင် အတွက် ထောက်ခံခြင်းစသည် ဆောင်ရွက်မှုများသည် မြန်မာများအတွက် တိုးတက်မှုများ ရှ်ိသလော။ အစိုးရသစ် လက်ထက်တွင် အမေရိကန်၏ မဟာဗျူဟာနှင့် လူသားချင်း စာနာသော ရည်မှန်းချက်များအတွက် အထောက်အကူ ပြုသလော ဟူသော မေးခွန်းပင် ဖြစ်သည်။

မြန်မာနိုင်ငံ အခြေခံဥပဒေတွင် ပါလီမန်၏ ၂၅ % ကို စစ်တပ်အတွက် နေရာ ပေးထားရခြင်းကြောင့် စစ်တပ်သည် ဆက်လက် ချုပ်ကိုင်နေနိုင်ဦးမည် ဖြစ်သည်။ ရွေးကောက်ပွဲသည် အတိုက်အခံ ခေါင်းဆောင် ဒေါ်အောင်ဆန်းစုကြည်အား နေအိမ် အကျယ်ချုပ်မှ မလွှတ်မီ ကျင်းပခြင်း ဖြစ်သည်။ သူမ၏ ယခု မရှိတော့သော အမျိုးသား ဒီမိုကရေစီ အဖွဲ့ချုပ်သည် အဆိုပါ ဘက်လိုက်သော ရွေးကောက်ပွဲတွင် ပါဝင်ခြင်း မပြုရန် ဆုံးဖြတ်ခဲ့သည်။ ထို့အပြင် ဗိုလ်ချုပ်များသည် ၎င်းတို့၏ တရားဝင် လုပ်ပိုင်ခွင့်အတွင်းမှ ကျူးလွန်ထားသော ကိစ္စများအတွက် ပြည်တွင်းတွင် အရေးယူ မခံရအောင် တရားဝင် ခွင့်ပြုချက်ရထားသည်။

ထိုအချက်များ ရှိသော်လည်း လာမည့် နှစ်ပါလီမန် အဆင့်ဆင့်တွင် အချို့ အတိုက်အခံများသည် အရေအတွက် မများသော်လည်း နေရာယူနိုင်ဖွယ် ရှိသည်။ ဤသည်ပင်လျှင် ၁၉၆၂ ကတည်းက စ၍ မြန်မာနိုင်ငံတွင် ပထမဆုံး အကြိမ် အတိုက်အခံတို့ ပြောရေးဆိုခွင့် ရလာမည် ဖြစ်သည်ဆိုသည်ကို မှတ်တမ်း ပြုရလိမ့်မည် ဖြစ်သည်။

နိုင်ငံရေး အကျဉ်းသားများမှာလည်း ရွေးကောက်ပွဲ ပတ်ဝန်းကျင် အချိန်တွင် လွှတ်ပေးဖွယ်ရှိရာ ၎င်းတို့ စီမံထားသော လုပ်ငန်းစဉ်တွင် ဝင်ရောက် စွက်ဖက်နိုင်ဖွယ် မရှိပေ။ နောက်ထပ် ညွှန်ပြနေသော အချက်တစ်ခုမှာ ဆိုးရွားစွာ လိုအပ်နေသော စီးပွားရေး ပြုပြင် ပြောင်းလဲမှုများကို နောင်တက်လာမည့် အစိုးရ အဖွဲ့တွင် အရေးကြီးသော ကဏ္ဍမှ ပါဝင်ရလ်ိမ့်မည် ဖြစ်သည်။ မကြာတော့သည့် အနာဂတ် ကာလတွင် မြန်မာနိုင်ငံ၌ ဖြစ်နိုင်ဖွယ် ရှိပြီး၊ လိုလည်း လိုအပ်လျက် ရှိသော တရားဝင်အချို့ အတိုက်အခံ ဥပဒေပြု အမတ်များ ပါဝင်လာသော ပျော့ပြောင်းသော အာဏာရှင် စနစ်သို့ အသွင်ပြောင်းနေသည်ကို တွေ့ရလိမ့်မည် ဖြစ်သည်။ မြန်မာ စစ်အစိုးရ ပြောနေကျ စကားလုံး အရ စည်းကမ်း ပြည့်ဝသော ဒီမိုကရေစီ ဖြစ်မည် ဖြစ်သည်။

မြန်မာပြည်သူများသည် စိတ်ဆင်းရဲမှု ပေါင်းများစွာနှင့် ရင်ဆိုင် နေထိုင်ခဲ့ရသော  ကာလ ကြာမြင့်ခဲ့ပြီ ဖြစ်သည်။ မြန်မာ အစိုးရအပေါ် အရေးယူမှုများ တိုး၍ ချမှတ်ခြင်း ကော်မရှင်များ တိုးချဲ့ ဖွဲ့စည်းခြင်း စသည်များသည် ကျွန်ုပ်တို့၏ စိတ်ကို ဖြေစရာ လုပ်ရပ်များသာ ဖြစ်သည်။ ထိုလုပ်ဆောင်ချက်များသည် မြန်မာ ပြည်သူများကိုလည်း အထောက်အကူလည်း မဖြစ်၊ အစိုးရက ပြည်သူအပေါ် ချုပ်ကိုင်ထားမှုများ ဖြေလျော့ရေး အတွက်လည်း မဆွဲဆောင်နိုင်။ အမေရိကန် ကိုယ်၌က၎င်း၏ မဟာဗျူဟာ အောင်မြင်ရေးနှင့် လူသားချင်း စာနာမှုဆိုင်ရာ ရည်မှန်းချက်များကို အထောက်အကူမဖြစ်ပေ။ အဆိုပါ လုပ်ဆောင်မှုများသည် အစိုးရသစ်နှင့် ဆက်ဆံရေးနှင့် ညှိနှိုင်းရေးတွင် နှောင့်နှေးမှုများကို ဖြစ်စေနိုင်သည်။ အုပ်ချုပ်မှုအစိုးရ စံပြဖြစ်ရန် ဝေးသေးသည် ဆိုသည့်တိုင် မြန်မာပြည်သူများ ရာစုနှစ် တစ်ဝက်ခန့် မရခဲ့သော နိုင်ငံရေးအရ ပြောရေးဆိုခွင့်နှင့် လွတ်လပ်ခွင့်များ ပေးနိုင်လိမ့်မည်ဟု ယူဆရပေသည်။ အကယ်၍ ကျွန်ုပ်တို့၏ စိတ်ဝင်စားမှုမှာ မြန်မာပြည်သူများ ကောင်းစားရေးနှင့် ဒေသတွင်း အမေရိကန်၏ အမျိုးသားရေး စိတ်ဝင်စားမှု ဖြစ်သည်ဟု ဆိုလျှင် ကျွန်ုပ်တို့သည် ရွေးကောက်ပွဲကို စောင့်၍ မည်သို့သော အစိုးရ အာဏာ ရလာမည် ဆိုသည်ကို ကြည့်သင့်သည်။ ထိုမှသာ ရှေ့လမ်းရန်နှင့် ရည်မှန်းချက် မည်သို့ အောင်မြင်အောင် လုပ်ရမည်ကို အကဲဖြတ်ရမည့် အချိန်ရောက်မည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Business Standard, By Ajay Modi, 24th August 2010

မဏိပူရတွင် ရေနံထွက် ပစ္စည်းများ ပြတ်လပ်မှုကို ကြုံတွေ့နေရသည် ဖြစ်ရာ၊ ဗဟို အစိုးရအား အိမ်နီးချင်း ဖြစ်သော မြန်မာနိုင်ငံမှ လောင်စာဆီ တင်သွင်းရန် ခွင့်ပြုချက် တောင်းခံလျက် ရှိသည်။

ပြည်နယ် အစိုးရက ထိုသို့ ဆောင်ရွက်ရခြင်းမှာ United Naga Council က လေးလ အတွင်း ဒုတိယ အကြိမ်မြောက် အဖြစ် သြဂုတ်လ ၃ ရက်နေ့မှစ၍ စီးပွားရေး ပိတ်ဆို့မှုကို ရက်နှစ်ဆယ်ကြာ ပြုလုပ်ခဲ့ခြင်းကြောင့် ဖြစ်သည်။

"ပြည်နယ် အစိုးရက မြန်မာနိုင်ငံက ဓာတ်ဆီနဲ့ ဒီဇယ် တင်သွင်းဖို့ ကျွန်တော်တို့ကို လျှောက်ထား လာပါတယ်။ ပြည်တွင်း လမ်းကြောင်းတွေက သူတို့ ပြည်နယ်ကို မရောက်ဘူး ဖြစ်နေတယ်။ ဒါပေမယ့် ကျွန်တော်တို့က သိပ်ခွင့်မပြုချင်ဘူး။ ဘာလို့လဲဆိုတော့ မြန်မာနိုင်ငံက လောင်စာဆီဟာ Euro III စံကို မမီလို့ပါပဲ။ ကျွန်တော်တို့ အောက်တိုဘာ ၁ ရက်နေ့ ကစပြီး Euro III စံပြည့်အောင် လုပ်ဖို့ စီစဉ်ထားပါတယ်" ဟု ဗဟို အစိုးရ ရေနံနဲ့ သဘာဝ ဓာတ်ငွေ့ ဝန်ကြီးဌာနမှ အကြီးတန်း တာဝန်ရှိသူက ပြောကြားခဲ့သည်။

အစောပိုင်းက နာဂအုပ်စုများသည် မဏိပူရကို ပြည်မကြီးနှင့် ဆက်သွယ်သော အဝေးပြေး လမ်းမကြီး အမှတ် ၃၉ နှင့် ၅၃ ကို ဧပြီလ ၁၁ ရက်မှစ၍ နှစ်လခန့် ပိတ်ထားခဲ့သည်။ အကြောင်းမှာ NSCN (I-M) ခေါင်းဆောင် Thuingaleng Muivah အား ဇာတိရွာသို့ လာရောက် ခွင့်မပြုရန် မဏိပူရ အစိုးရက ဆုံးဖြတ်ခဲ့ခြင်းကြောင့် ဖြစ်သည်။ ထိုသို့ စီးပွားရေးအရ ပိတ်ဆို့မှုများသည် လောင်စာဆီ အပါအဝင် မရှိမဖြစ် အသုံးအဆောင်များ ဆိုးရွားစွာ ပြတ်လပ်မှုကို ဖြစ်စေသည်။

မြို့ကြီး ၁၃ မြို့ ဖြစ်သော Delhi၊ မွန်ဘိုင်း၊ ကိုးလ်ကတ္တား၊ ချန်ဒိုင်း၊ ဟိုက်ဒရာဘတ်၊ ဘန်ဂလော၊ Lucknow၊ Kanpur၊ Agra၊ Surat၊ Ahmedahad၊ Pune နှင့် Sholapur တို့တွင် လောင်စာဆီ အဆင့်ကို Euro III မှ Euro IV သို့ ဧပြီလ ၁ ရက် မှစ၍ မြှင့်တင်ခဲ့ပြီး ဖြစ်သည်။ တိုင်းပြည်၏ ကျန်အစိတ်အပိုင်းများတွင် Euro II မှ Euro III သို့ အောက်တိုဘာလ ၁ ရက် မှစ၍ မြှင့်တင်ရန် စီစဉ်ပြီး ဖြစ်သည်။

ထိုသို့ ပို၍ သန့်ရှင်းသော မော်တော်ယာဉ် လောင်စာဆီများကို သတ်မှတ်ရခြင်းမှာ ဆိလ်ဖာနှင့် ဘင်ဇင်း တို့ကဲ့သို့ ပတ်ဝန်းကျင် အန္တရာယ် ဖြစ်စေမည့် ဓာတ်ငွေ့ ထုတ်လွှတ်မှုများကို လျှော့ချနိုင်ရန် ရည်ရွယ်ခြင်း ဖြစ်သည်။

မဏိပူရတွင် နာဂ အုပ်စုများက စီးပွားရေး ပိတ်ဆို့ထားမှုကြောင့် Lok Sabha တွင် ပိုမို အရေးပေး ဂရုစိုက်ရန် တောင်းဆိုမှုနှင့် ပတ်သက်၍ ပြည်ထဲရေး ဝန်ကြီး P Chidambaram က ဖြေကြားရာတွင် အစိုးရ အနေဖြင့် မရှိမဖြစ် လိုအပ်သော အသုံးအဆောင်များ ပြည့်စုံ လုံလောက်ရေး အတွက် ပိုမို ကြိုးစားပေးလိမ့်မည် မဟုတ်ကြောင်း ဆိုသည်။ Indian Oil မှ တာဝန်ရှိသူ တစ်ဦးက ပြောကြားရာတွင် ၎င်းတို့ကုမ္ပဏီသည် မဏိပူရသို့ ရေနံထွက် ပစ္စည်းများ ပေးပို့ရေး အတွက် အခြား လမ်းကြောင်းများ ရှာ၍ ကြိုးစားနေကြောင်း ဆိုသည်။

အဝေးပြေးလမ်း ၃၉ နှင့် ၅၃ မှာ လူအများ ခရီးသွားရန်သာ ဖွင့်ပေးထားခြင်း ဖြစ်၍ မရှိမဖြစ် အသုံးအဆောင်များ သယ်ယူ ပို့ဆောင်ရေးကို မထိခိုက်နိုင်ကြောင်း Chidambaram က ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 21st August 2010

အီရန်သည် ရုရှား အစိုးရ တာဝန်ရှိသူများ တက်ရောက်သော ၎င်း၏ ပထမဆုံး နျူကလီယာ ဓါတ်အားပေး စက်ရုံ အတွက် အခမ်းအနားတွင် လောင်စာများ စတင် ဖြည့်ဆည်းခဲ့သည်။

အီရန်နိုင်ငံ တောင်ပိုင်း Bushehr  စက်ရုံကို ရုရှားတို့က တာဝန်ယူ လည်ပတ်မည် ဖြစ်ပြီး၊ လိုအပ်သော နျူကလီယာ လောင်စာကို ပေးမည်ဖြစ်ပြီး ထွက်ရှိသော နျူကလီယာ စွန့်ပစ် ပစ္စည်းများကို ပြန်လည် သယ်ဆောင်သွားမည် ဖြစ်သည်။

အီရန်သည် ကုလသမဂ္ဂ၏ လေးကြိမ်မြောက် အရေးယူ ပိတ်ဆို့မှုကို ခံရရာ ၎င်း၏ သီးခြား ယူရေနီယံ သန့်စင်မှု အစီအစဉ်ကြောင့် ဖြစ်သည်။

ပညာရှင်များက ပြောကြားရာတွင် အဆိုပါ စက်ရုံအား ရုရှားက လည်ပတ်နေသ၍ လောင်စာကို နျူကလီယာဗုံးတွင် သုံးရန် အသွင