Posts
 | yangonchronicle 2011 |
၃.၄.၂၀၁၁
ပြည်တွင်းသတင်းများ
လေဆိပ်အခွန် ပေးဆောင်မှုအား သုံးလ ယာယီရွှေ့ဆိုင်း
ရန်ကုန်၊ ဧပြီ ၃။
ရန်ကုန်အပြည်ပြည်ဆိုင်ရာလေဆိပ်မှတဆင့် ပြည်ပနိုင်ငံများသို့ သွားရောက်ကြမည့် နိုင်ငံသားတိုင်း ပေးဆောင် ရသည့် လေဆိပ်အခွန် အက်ဖ် အီးစီ ၁၀ (သို့မဟုတ်) အမေရိကန် ၁၀ဒေါ်လာ ပေးဆောင်မှုအား သုံးလယာယီ ရွှေ့ဆိုင်းလိုက်ကြောင်း သတင်းရရှိသည်။
ပြည်ပလေကြောင်းလိုင်း လက်မှတ်ရောင်းချသူများအား ဧပြီလ ၁ရက်နေ့မှ စ၍ လေယာဉ်လက်မှတ်ရောင်းချရာတွင် လေဆိပ်အခွန် ၁၀ ဒေါ်လာ အား တစ်ခါတည်းပေါင်းယူထားရန် သက်ဆိုင်ရာတာဝန်ရှိသူများက မတ်လ ၂၉ ရက် နေ့တွင် ညွှန်ကြားခဲ့ကြောင်း၊ သို့သော် ဧပြီလ ၁ရက်နေ့တွင် အဆိုပါ အစီအစဉ်အား ယာယီရပ်ဆိုင်းထားရန် ဖုန်းဖြင့်ပြန်လည်အကြောင်းကြားခဲ့ကြောင်း ပြည်ပလေကြောင်းလိုင်းတစ်ခုမှ တာဝန်ရှိသူတစ်ဦးက ပြောကြား သည်။
မြန်မာနိုင်ငံမှ ပြည်ပနိုင်ငံများသို့ သွားရောက်သူများသည် လေဆိပ်အခွန်အား ယခင်က ၅၀၀ကျပ်သာ ပေးရသော်လည်း ၂၀၁၀ နှစ်ဆန်းပိုင်းမှ စတင်၍ လေဆိပ်အခွန် ၃၀၀၀ ကျပ် တိုးမြှင့် ပေးဆောင်ရခြင်း ဖြစ်ကြောင်း သိရသည်။
-----------------------------------------------------------------------------------------------------------
လူမှုဖူလုံရေးရုံးများတွင် အထည်ချုပ်စက်ရုံ ဝန်ထမ်းများ တိုင်ကြားမှုများပြား
ရန်ကုန်၊ ဧပြီ ၃။
ရန်ကုန်တိုင်းဒေသကြီးအတွင်းရှိ လူမှုဖုံလုံရေးရုံးများတွင် အထည်ချုပ်စက်ရုံများမှ ဝန်ထမ်းများ၏ တိုင်ကြားမှုများ အများဆုံးရှိနေကြောင်း သတင်းရရှိသည်။
အထည်ချုပ်စက်ရုံများတွင် စက်ချုပ် ကျွမ်းကျင်ဝန်ထမ်းများ လိုအပ်မှု ရှိလာပြီး၊ စက်ရုံပိုင်ရှင်များမှ အမှန်တကယ် မပေးနိုင်သည့် အမြင့်ဆုံးလစာ နှုန်းထားများဖြင့် ခေါ်ယူမှုများရှိလာရာ အထည်ချုပ်ဝန်ထမ်းများမှလည်း လစာတိုးမြှင့်ခေါ်ယူသည့် စက်ရုံသို့ ကူပြောင်းလာခဲ့ကြပြီး နောက်ပိုင်းတွင် စက်ရုံ ပိုင်ရှင်နှင့် အလုပ်သမားများအကြား လစာ ညှိနှိုင်းမရသည့် ပြဿနာများ ဖြစ်ပေါ်လာခဲ့ကြောင်း သိရသည်။
လက်ရှိတိုင်ကြားမှုများတွင် စက်ရုံပိုင်ရှင်များဘက်မှ သက်သေခိုင်လုံသည့် စာရွက်၊ စာတမ်းများလက်ဝယ်ရှိနေခြင်း၊ အလုပ်သမားများ၏ တိုင်ကြားမှုများသည် ဥပဒေဘောင်အတွင်း အကျုံးမဝင်သည့် သက်သေမခိုင်လုံသော နှုတ်ဖြင့်ပြောဆို တိုင်ကြားမှုများသာ ရှိနေခြင်းတို့ ဖြစ်ကြပြီး လိမ်လည်ခံရသူ အလုပ်သမားတစ်ဦးတည်း လာရောက်တိုင်ကြားသည် ထက် နစ်နာသည့် အလုပ်သမားအများစု လာရောက်တိုင်ကြားလျှင် ဖြေရှင်းပေး ရာ၌ ပိုမိုအဆင်ပြေကြောင်း သိရသည်။
“စက်ရုံပိုင်ရှင်တွေက များသောအားဖြင့် စာရွက်စာတမ်း အပြည့်အစုံရှိနေတော့ အလုပ်သမားတွေဘက်က ပြဿနာဖြစ်ရင် ရှုံးတာများတယ်။ ဥပမာ - စာရွက်အလွတ်မှာ လက်မှတ်ထိုးခိုင်းထားပြီး နောက်မှ ပြန်ဖြည့်ထားတာတွေ ရှိနိုင်တယ်။ အလုပ်သမားတွေက အလုပ်ကိစ္စနှစ်ခုကို ကြိုတင် လေ့လာရမယ့် ဗဟုသုတရှိရင် ပြဿနာတွေ မဖြစ်နိုင်ဘူး။ ဝန်ထမ်းတွေ လစာတိုးပေးမယ်ဆိုပြီး လိမ်ခေါ်တဲ့စက်ရုံပိုင်ရှင်တွေက်ု တိုင်ကြားချင်ရင် တစ်ယောက်တည်း သက်သက်ဆို သက်သေမခိုင်လုံလို့ ဌာနကဆုံးဖြတ်ပေးလို့ မရဘူး။ အလိမ်ခံရတဲ့ အလုပ်သမားတွေစုပြီး လာတိုင်ရင် တစ်မျိုး ဖြေရှင်းပေးလို့ ရသေးတယ်”ဟု လူမှုဖူလုံရေးမှ တာဝန်ရှိသတစ်ဦးက ပြောကြားသည်။
လက်ရှိတွင် တချို့ အထည်ချုပ် ဝန်ထမ်းများမှာ စက်ရုံတစ်ရုံမှ တစ်ရုံသို့ ကူပြောင်းပြီး လစာပြဿနာများ ဖြစ်ပေါ်သည့်အတွက် အလုပ်မှ ရပ်ဆိုင်းခံရမှုများ ရှိလာရာ အလုပ်အကိုင် ရှာဖွေမရသည့် အခက်အခဲများ ရှိလာကြောင်း သိရသည်။
(The Messenger ဂျာနယ် အတွဲ (၁)၊ အမှတ် (၄၇)၊တွင် ပါသည့် “လူမှုဖူလုံရေးရုံးများတွင် အထည်ချုပ်များမှ စက်ချုပ်ဝန်ထမ်းများ၏ တိုင်ကြားမှုမှာ အများဆုံးဖြစ်နေ ” သတင်းကို အကျဉ်းချုပ်သည်)
-----------------------------------------------------------------------------------------------------------
သင်္ကြန်တွင် ရေကစားမဏ္ဍပ်များကို ကန့်သတ်မည်
ရန်ကုန်၊ဧပြီ ၂။
ယခုနှစ် သင်္ကြန်အတွက်ရန်ကုန်တိုင်းဒေသကြီး၌ မဏ္ဍပ်ဆောက်လုပ်ခွင့်ကို နေရာ (၁၁)နေရာ၌ မဏ္ဍာပ် (၃၁) သာ ဆောက်လုပ်ခွင့်ပြုမည် ဖြစ်ကြောင်း သတင်းရရှိသည်။
ယမန်နှစ်က ပထမဆုံးအကြိမ်အဖြစ် ကန်တော်ကြီးပတ်လမ်းတွင်သာ သင်္ကြန်ရေကစားမဏ္ဍပ်များ အများအပြား ဆောက်လုပ်ရန်ခွင့်ပေးခဲ့ရာ ယင်းနေရာရှိ ရေကစားမဏ္ဍပ် X2O တွင် ဗုံးပေါက်ကွဲခဲ့သောကြောင့် ယင်းကဲ့သို့ မဏ္ဍာပ်အရေအတွက်ကို ကန့်သတ်လိုက်ခြင်းဖြစ်ကြောင်း ရန်ကုန်မြို့ တော် စည်ပင်သာယာရေးအသိုင်းအဝိုင်းမှ စုံစမ်းသိရှိရသည်။
“ဒီနှစ်တော့ အင်းယားလမ်းမှာပဲ ဆောက်မှာပါ။ မနှစ်က ကန်တော်ကြီးမှာက ဗုံးပေါက်ခဲ့တဲ့အတွက် ရေကစားတဲ့ သူတွေကလည်း ကန်တော် ကြီးဆို သိပ်မသွားချင်ဘူးလေ။ အခုတော့ကောင်းပါတယ် လုပ်နေကျအင်ယားလမ်းမှာပဲ ဆိုတော့”ဟု နှစ်စဉ် မဏ္ဍာပ်ဆောက်သူတစ်ဦးက ပြောကြား ခဲ့သည်။
ယခုနှစ်သင်္ကြန်အတွက် မဏ္ဍာပ်ဆောက်လုပ်ခွင့်စည်းကမ်းများကို နိုင်ငံပိုင်မီဒီယာများတွင် ထုတ်ပြန်ခဲ့ပြီး ယင်းစည်းကမ်းချက်များမှာ မျက်နှာ ခြင်းဆိုင်၍ ဆောက်လုပ်ခြင်းမပြုရကြောင်း၊ မျက်စောင်းထိုးအနေထားတွင် ဆောက်လုပ်ရည်ဖြစ်ပြီး အနည်းဆုံး ကိုက် ၁၀၀ ခန့် ကွာဝေးရမည် ဖြစ် ကြောင်း၊ ဘေးချင်းကပ်ဖြစ်ပါကလည်း ကိုက် ၁၀၀ ကွာဝေးရမည် ဖြစ်ကြောင်း၊ မီးပွိုင့်ဧရိယာတွင် ဖြစ်ရမည်ဖြစ်ကြောင်း၊ စိုက်ပျိုးထားသော သစ်ပင် ပန်းပင်များလည်း မပျက်စီးစေရကြောင်းနှင့် လမ်းပေါ်တက်ဆောက်လုပ်ခြင်းများ ပြုလုပ်ခွင့်မပြုကြောင်း၊ မဏ္ဍာပ်ဆောက်လုပ်လိုသူများသည် သက်ဆိုင် ရာမြို့နယ် အထွေထွေအုပ်ချုပ်ရေးဦးစီးဌာနတို့တွင် ဧပြီ ၃ ရက်နေ့ နောက်ဆုံးထား၍ လျှောက်လွှာများကိုရယူကာ သက်မှတ်ထားသော ထောက်ခံချက် များ ပူးတွဲတင်ပြရမည်ဖြစ်၍ ခွင့်ပြုချက်ရမှသာ ဆောက်လုပ်ခွင့်ရမည်ဖြစ်ကြောင်း ဖော်ပြပါရှိခဲ့သည်။
ရန်ကုန်မြို့၌ ကန်တော်ကြီးပတ်လမ်း၌ ၇ ခု၊ ပြည်လမ်း ၈ မိုင်လမ်းဆုံမှ ဗိုလ်ချုပ်အောင်ဆန်းလမ်းအထိနှင့် ကမ္ဘာအေးစေတီလမ်းတို့၌ ၅ ခုစီ၊ ပါရမီလမ်းနှင့် အင်းယားလေးကန်ရှေ့တွင် ၂ခု၊ စက်မှု(၁)လမ်း၊ ဝေဇယန္တာလမ်း၊ ဗိုလ် ချူပ် အောင်ဆန်းဈေးရှေ့၊ ကမ်းနားလမ်းနှင့် သီရီမင်္ဂလာဈေး ဟောင်းရှေ့တို့တွင် ၁ခု၊ ဘုရင့်နောင်လမ်းနှင့် ဆရာစံလမ်း တို့တွင် ၃ခု၊ အလုံလမ်း၌ ၂ခု စုစုပေါင်း ၃၁ခုသာ မဏ္ဍာပ်ကြီးများ ဆောက်လုပ်ခွင့်ချ ထားပေး ရန်အတွက် သက်ဆိုင်ရာ က စီစဉ်ပေးထားကြောင်း သိရသည်။
ရပ်ကွက်အတွင်းတွင်လည်း အုန်းလက်မဏ္ဍာပ်များ ဆောက်လုပ်ခွင့်ကိုလည်း ပြင်းပြင်းထန်ထန် ပိတ်ပင်ထားကြောင်း ရပ်ကွက်အုပ်ချုပ်ရေးရုံးမှ တာဝန်ရှိသူတစ်ဦး၏ ပြောကြားချက်အရသိရသည်။
The CJs News
-----------------------------------------------------------------------------------------------------------
မောင်တောမြို့၌ ပြင်ပ ဓာတ်ဆီပေါက်ဈေး အဆမတန် မြင့်တက်
မောင်တော၊ မတ် ၃၁။
မောင်တောမြို့၌ မတ်လ ၂၀ ရက်နေ့မှစတင်ကာ ပြင်ပ ဓာတ်ဆီပေါက်ဈေး တစ်ဂါလန် ကျပ် ၇၀၀၀ ဖြင့် ရောင်းချလျက်ရှိကြောင်း သတင်း ရရှိသည်။
၂၀၁၀ နိုဝင်ဘာလဆန်းပိုင်းက ဓာတ်ဆီ တစ်ဂါလန် ကျပ် ၅၀၀၀ ထိ ပေါက်ဈေးရှိခဲ့ပြီး ဒီဇင်ဘာလဆန်းပိုင်း၌ အနည်းငယ် ဈေးကျဆင်း ခဲ့ကြောင်း၊ ၂၀၁၁ ဖေဖော်ဝါရီလ၌ ကျပ် ၅၀၀၀ အောက် ဈေးရှိခဲ့ကာ မတ်လဆန်းပိုင်းမှစ၍ ဓာတ်ဆီဈေး မြင့်တက်လာခြင်း ဖြစ်ကြောင်း သိရသည်။
“မတ်လဆန်းပိုင်းက ပြင်ပဆီဆိုင်တွေမှာ တစ်လီတာကျပ် ၁၃၀၀ နဲ့ ဝယ်သုံးခဲ့ရပါတယ်။ ၂၀ ရက်နေ့ နောက်ပိုင်း ကျပ် ၂၀၀၀ ထိ ပေးဝယ် နေရပြီ။ ဓာတ်ဆီဈေး တက်သွားတာပါ။ ပုဂ္ဂလိက ဆီဆိုင်ဈေးကတော့ ပုံမှန် ၂၅၀၀ပါပဲ။ ဒါပေမယ့် လိုသလောက် မရပြန်ဘူး”ဟု မြို့ခံတစ်ဦး က ပြောကြားသည်။ ပြင်ပစက်သုံးဆီဈေး မြင့်တက်လာသဖြင့် အမြန်ရေယာဉ် လက်မှတ်ခများ မြင့်တက်ခဲ့ကြောင်း သိရသည်။
“ဆိုင်မှာက ခွဲတန်းဆီတွေ ခရီးလမ်းအခြေအနေကြောင့် အချိန်မီမရောက်လို့ လိုသလောက် မရောင်းပေးနိုင်တာ ရှိတယ်”ဟု မောင်တောမြို့ရှိ မေယုစက်သုံးဆီ အရောင်းဆိုင်မှ တာဝန်ရှိသူတစ်ဦးက ပြောကြားသည်။
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
မွန်ပါတီ ဝန်ကြီးဌာန သုံးနေရာရသော်လည်း လုပ်ပိုင်ခွင့်အနေဖြင့် အားရစရာမရှိဟုဆို
ဧပြီ ၃။
မွန်ဒေသလုံးဆိုင်ရာ ဒီမိုကရေစီပါတီအနေနှင့် ပြည်နယ်ဝန်ကြီးဌာနဝန်ကြီးအဖြစ် သုံးဦးအရွေးချယ်ခံရသော်လည်း အာဏာရပါတီ မဟုတ်သည့် အတွက် လုပ်ငန်းဖေါ်ဆောင်ရာတွင် အားရစရာမရှိဟု ပါတီဥက္ကဋ္ဌဖြစ်သူ နိုင်ငွေသိန်းက ပြောကြားသည်။
“ကျွန်တော်တို့ပါတီထဲမှာ ဒေါက်တာမင်းနွယ်စိုးက ပြည်နယ်ယဉ်ကျေးမှုဌာနဝန်ကြီး၊ နိုင်လဝီအောင်က လျှပ်စစ်နဲ့ စွမ်းအင်ဝန်ကြီးပေါ့။ ကရင် ပြည်နယ်ထဲမှာဆိုရင် နိုင်စိုးသိမ်းကတော့ သတ္တုတွင်းဝန်ကြီးဌာနဝန်ကြီး ရတယ်ဆိုပေမယ့် ကိုယ်က အာဏာရပါတီ မဟုတ်တဲ့အခါကျတော့ ပါတီရဲ့ လုပ်ငန်းကတော့ ဒီဝန်ကြီးတွေ လုပ်ဆောင်တဲ့နေရာမှာ အားရပါးရလုပ်လို့ မရတော့ဘူးပေါ့ဗျာ။ အစိုးရက ပြည်ခိုင်ဖြိုးအစိုးရဆိုတော့ အာဏာရတဲ့အဖွဲ့ရဲ့ စီစဉ်သလိုလုပ်ရမှာပေါ့” ဟု နိုင်ငွေသိန်းက ပြောကြားသည်။
ထို့အပြင် ပြည်နယ်ဝန်ကြီးများသည် သက်ဆိုင်ရာဌာနမှ ချမှတ်ထားသည့် လုပ်ငန်းစဉ်ပေါ်လစီများကို လွတ်လပ်စွာလုပ်ပိုင်ခွင့်မရသလို အထက်ကခွင့်ပြုချက်ရမှသာ လုပ်ပိုင်ခွင့်ရှိမည်ဟု မွန်ဒေသလုံးဆိုင်ရာဒီမိုကရေစီ ပါတီ၏ ဥက္ကဋ္ဌ ဖြစ်သူ နိုင်ငွေသိန်းက ဆက်လက်ပြောကြားသည်။
ယခု (၂၀၀၈) ဖွဲ့စည်းအုပ်ချုပ်ပုံအခြေခံဥပဒေတွင် တိုင်းရင်းသားတို့၏စာပေယဉ်ကျေးမှု သင်ကြားဖော်ထုတ်ခွင့် ဥပဒေကို ပေါ်ပေါ်ထင်ထင် ဖေါ်ပြထားခြင်းမရှိသလို လွှတ်တော်အတွင်း၌လည်း တိုင်းရင်းသားများ၏အရေးကို ရေရေရာရာ ပြောဆိုဖြေကြားခဲ့ခြင်းမရှိပေ။ ထို့ကြောင့် ယခုတက်လာ မည့် အစိုးရသစ်လက်ထက်တွင် တိုင်းရင်းသားနိုင်ငံရေးပါတီများ မျှော်မှန်းသလို စာပေယဉ်ကျေးမှုများကို လွတ်လပ်စွာသင်ကြား ဖေါ်ထုတ်ခွင့်ရမည် မဟုတ်ဟု နိုင်ငံရေး အကဲခတ်များ က သုံးသပ်မှုများလည်းရှိနေသည်။
××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"ရှိနိုင်ပါတယ်။ ဥပဒေကြမ်းကြီးတစ်ခုကို အင်းဒါက တော်တော်ကျယ်ပြန့်ပါတယ်။ လွှတ်တော်ကိုယ်စားလှယ်တစ်ဦးတည်း နဲ့ ပြုဖို့ခက်သလို ပါတီကလည်း ပြုဖို့ခက်ပါတယ်။ ပြောချင်တာက ချောမွေ့စွာ အသွင်ကူးပြောင်းသွားရေးပဲ။ မကြာမီ လည်း ဖြစ်လာမှာပါ။ ပြည်သူတွေအတွက် တကယ်အကျိုးရှိမယ့် ဥပဒေတွေ ပြဋ္ဌာန်းဖို့ရှိပါတယ်"
မတ် ၂၉ ထုတ် The Flower News အတွဲ(၇) အမှတ်(၃) တွင်ပါသည့် "ပြည်သူတွေအတွက် တကယ် အကျိုးရှိမယ့် ဥပဒေတွေ ပြဋ္ဌာန်းဖို့ရှိပါတယ်" အင်တာဗျူးမှ ဒေါက်တာမြတ်ဉာဏစိုး၏ ဖြေကြားချက်အပေါ်ကောက်နှုတ်ချက်
-------------------------------------------------------------------------------------------------------------
လုပ်ငန်းခွင်အတွင်းထိခိုဒဏ်ရာရတဲ့အခါ ရပိုင်ခွင့်ရှိတဲ့ အခွင့်အရေး၊ ခွင့်ရက်နဲ့ အလုပ်ပိတ်ရက်တွေမှာ အလုပ်လုပ်ရတဲ့ အခါ ခံစားခွင့် လစာ အခွင့်အရေးတွေကို အသေးစိတ်သိရှိထားဖို့ဖြစ်တယ်။
တရားရုံးချုပ် ရှေ့နေဦးမြင့်လွင်က '၁၉၆၄ ခုနှစ်ပြည်သူ့အလုပ်သမားများရဲ့ အခြေခံရပိုင်ခွင့်နဲ့ တာဝန်များ ပြဋ္ဌာန်းထားတဲ့ ဥပေဒမှာ အလုပ်သမားတွေ အကျဉ်းချုံး သိထားရမယ့် အချက်တွေရှိတယ်၊ အလုပ်ထုတ်ခံရတဲ့ အလုပ်သမားဘက်က သိရှိရမယ့် ရပိုင်ခွင့်တွေအလုပ်ခွင်ဒဏ်ရာရလို့ ဆုံးရှုံးသွားရတဲ့ ခန္ဓာကိုယ်အစိတ်အပိုင်းအလိုက် ခံစားခွင့်တွေ အချိန်ပို လုပ်ရတဲ့ လစာခံစားခွင့်ဆိုတာတွေရှိတယ်" လို့ပြောတယ်။
ဧပြီ ၁ ထုတ် မော်ဒန် အမှတ်(၂၅၃) တွင်ပါသည့် "အလုပ်သမားရပိုင်ခွင့်ကြိုသိဖို့လို" သတင်းမှ ကောက်နှုတ်ချက်
-------------------------------------------------------------------------------------------------------------
"အခု ကျွန်တော် ဂျပန်သဘောင်္လိုင်းမှာ နေခဲ့တာ ၁၃ လလောက်ကြာတယ်။ ပြီးခဲ့တဲ့ အခေါက် တုန်းကလည်း ဒီလိုပဲ။ အခုဒီလို သဘောင်္လိုင်းမှာ သိပ်မနေ တော့ဘူးလို့ကြားတယ်။ အလုပ်သမားတစ်ဦးကို သင်္ဘောပေါ်မှာ ကိုးလထက် ပိုကြာအောင် မခိုင်းရဘူးဆိုတဲ့ ဥပေဒရှိတယ်နဲ့တူတယ်။ အမေရိကန်မှာ တုန်းကတစ်ခါအရစ်ခံရတယ်။ လူတစ်ဦး သဘောင်္ပေါ်မှာ ကိုးလလောက်ရှိနေရင် ဒီလူ မပြန်သေးဘူးလား၊ ဘာလို့မပြန်သေးတာလဲဆိုပြီး Captain ကိုခေါ်မေးတယ်၊ အဲဒီတော့ Captain တွေကလည်း သိပ်ခေါင်းရှုပ်မခံချင်ကြတော့ဘူး၊ ဒီဥပဒေက နိုင်ငံတကာမှာ အခုမှစပြီး လုပ်တဲ့ပုံစံမျိုး ဖြစ်နေတယ်။ မြန်မာပြည်မှတော့ ရှိလား၊ မရှိလားတော့မသိဘူး"
မတ် ၃၀ ထုတ် မြန်မာပို့စ် အတွဲ(၃) အမှတ်(၁၃) မှာပါသည့် "နိုင်ငံတကာပင်လယ်ကူးသဘောင်္များပေါ် တွင် ကိုးလထက် ပိုအလုပ်လုပ်ခွင့်မရှိ" သတင်းမှ တန် ၃၅၀၀ ရှိ ဂျပန်လိုင်းမှ သဘောင်္သားတစ်ဦး၏ ပြောကြားချက်အပေါ် ကောက်နှုတ်ချက်
-------------------------------------------------------------------------------------------------------------
"ဒါက တကယ့်ကို ထူးခြားတဲ့ဖြစ်စဉ်တစ်ခုပါပဲ။ နှစ်တိုင်း နှစ်တိုင်းစစ်ရေးပြအခမ်းအနားကို အချိန်ယူ ကြိုတင်ပြင်ဆင်ပြီး လုပ်ခဲ့ကြတယ်။ အဲဒီနေ့ စစ်ရေးပြအခမ်းအနားတွေက တပ်မတော်ကအတွက် အခမ်းနားဆုံးနဲ့ အရေးကြီးဆုံးပွဲတစ်ခုပါပဲ။ ဘာကြောင့်ဆိုတာကတော့ မေးခွန်းတစ်ခုပါပဲ"
မတ် ၃၁ ထုတ် 7DAY အတွဲ (၁၀) အမှတ်(၄) မှာပါသည့် "တပ်မတော်နေ့ စစ်ရေးပြအခမ်းအနားကျင်းပခြင်းမရှိ" သတင်းမှ မြန်မာ့ နိုင်ငံရေး လေ့လာသူ တစ်ဦး၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××
ဆောင်းပါးကဏ္ဍ
မြန်မာနိုင်ငံတွင်း ကျယ်ပြန့်သော ဒိုင်ယာလော့ခ်များပေါ်ထွန်းရေး
The Straits Times မှ Editorial ကိုဆီလျော်အောင်ဘာသာပြန်ဆိုသည်။
ယခုအခါ မြန်မာစစ်တပ်သည်ပြီးခဲ့သည့် နိုဝင်ဘာလ ရွေးကောက်ပွဲတွင် ရွေးကောက်တင်မြှောက်ခံရသော အရပ်ဘက်အစိုးရအား မတ်လ ၃၀
ရက်နေ့က တရားဝင်အာဏာ လွှဲပြောင်းပေးလိုက်ပြီဖြစ်သည်။
သို့သော်မြန်မာစစ်တပ်အနေဖြင့် အသစ်ထွက်ပေါ်လာသည့် ပါလီမန်လွှတ်တော်တွင် အတိုက်အခံအင်အားစုများနှင့် အဓိပ္ပာယ်ပြည့်ဝသော၊ ပြီးပြည့်စုံသော ဒိုင်ယာလော့ခ်တစ်ရပ် ပြုလုပ်ကောင်းပြုလုပ်လာနိုင်သလို မပြုလုပ်ဘဲနှင့်လည်း နေကောင်းဆက်နေသွားနိုင်သည်။ အကယ်၍ စစ်တပ်ကသာ ဆန္ဒရှိမည်၊ လိုလိုလားလားရှိမည်ဆိုပါက အဓိပ္ပာယ်ကောက်ယူမှုလွဲမှားသည်များကို ရှင်းလင်းသွားစေမည့် ဆွေးနွေးပွဲတစ်ရပ် ကျင်းပလိုကြောင်း ဒေါ်အောင်ဆန်းစုကြည်၏ ကမ်းလှမ်းချက်ကို ရိုးရိုးရှင်းရှင်းနှင့်ပင် လက်သင့်ခံလာနိုင်သည်။
မြန်မာနိုင်ငံတွင် အရပ်ဘက်ဟုဆိုသည့် အစိုးရသစ်တစ်ရပ်ထွက်ပေါ်လာပြီဟု မည်သို့ပင်ဆိုစေကာမူ စစ်တပ်(တပ်မတော်)၏ သြဇာလွှမ်းမိုးမှုများ ဆက်လက်တည်ရှိနေဦး မည်သာပင်ဖြစ်သည်။ အတိုက်အခံခေါင်းဆောင် ဒေါ်အောင်ဆန်းစုကြည်ကလည်း မြန်မာ့နိုင်ငံရေးအခြေအနေအရပ်ရပ်ကို လျစ်လျူမရှုကြောင်း ထုတ်ဖော်ထားသည်မှာ အမှန်ပင်ဖြစ်သည်။ တစ်ချိန်တည်းမှာပင် မြန်မာ့တပ်မတော်(စစ်တပ်)နှင့် ဒေါ်အောင်ဆန်းစုကြည်၏ အမျိုးသား ဒီမိုကရေစီပါတီ (NLD)တို့ အထိမ်းအမှတ်တစ်ခုကို မတ်လ ၂၇ ရက် တစ်ရက်တည်းတွင် ပြိုင်တူလုပ်ကိုင်ခဲ့ကြသည်ကို တွေ့ရသည်။
စစ်တပ်က တပ်မတော်စတင် ထူထောင်ခြင်း ၆၆ နှစ်ပြည့်အခမ်းအနားကိုကျင်းပခြင်းဖြစ်ပြီး NLD က ဒေါ်အောင်ဆန်းစုကြည်၏ဖခင်၊ မြန်မာ အမျိုးသားခေါင်းဆောင်ကြီး ဗိုလ်ချုပ်အောင်ဆန်း ဦးဆောင်သော ဖက်ဆစ်ဂျပန်တော်လှန်ရေး ၆၆ နှစ်ပြည့် အထိမ်းအမှတ်အဖြစ် ကျင်းပခြင်းဖြစ်သည်။
မြန်မာစစ်တပ်နှင့် NLD ပါတီတို့ တူညီသောသမိုင်းကြောင်းတစ်ခုကို မျှဝေတန်ဖိုးထားကြသည်မှာ မှန်သော်လည်း ၎င်းတို့ကြားတွင်ရှိနေသော ကွာဟမှုမှာ လွန်စွာကြီးမားလျက်ရှိသည်။ ယခု အရပ်ဘက်အစိုးရသစ် လက်ထက်တွင် NLD ပါတီ၏ ဦးစားပေးတောင်းဆိုမှု တစ်ရပ်ဖြစ်သော အကျဉ်းသား ၂၁၀၀ အားခြွင်းချက်မရှိလွှတ်ပေးရေး ဖြစ်ပေါ်ကောင်းဖြစ်ပေါ်လာနိုင်သည်။ NLD သည် ပြီးခဲ့သည့်နိုဝင်ဘာလရွေးကောက်ပွဲကို သပိတ်မှောက်ခဲ့သောကြောင့် ယခုအခါ တရားဝင်ပါတီတစ်ခုအဖြစ် ရပ်တည်နိုင်ခြင်းမရှိတော့သလို ပါလီမန်လွှတ်တော်သစ်တွင်လည်း နေရာတစ်နေရာမျှပင် မရရှိတော့ပေ။
ယခုလိုအခြေအနေမျိုးတွင် စစ်တပ်ကသာ ဒေါ်အောင်ဆန်းစုကြည်နှင့် သူမ၏လုပ်ဆောင်ချက်များကို ဆက်လက်ပိတ်ပင်တားဆီးနေမည်ဆိုပါက
အမျိုးသား ပြန်လည်သင့်မြတ်ရေးအတွက်မည်သို့သောကြိုးပမ်းမှုမဆို အောင်မြင်ဖြစ်ထွန်းနိုင်ဖွယ် မရှိပါ။ ဒေါ်အောင်ဆန်းစုကြည်သည် နေအိမ် အကျယ်ချုပ်မှ လွတ်မြောက်သွားပြီဖြစ်သည့်အတွက် အသစ်တက်လာသော အစိုးရအနေဖြင့် အပြောင်းအလဲများလုပ်ဆောင်ပေးခြင်းရှိ၊မရှိကို မျက်ခြည် မပြတ် စောင့်ကြည့်နေမည်ဖြစ်သည်။
အကယ်၍ တပ်မတော်ကသာ ပွင့်လင်းသည့်စိတ်ဓာတ်မျိုးထားရှိပြီး နားမလည်နိုင်သည့် အကြောင်းကိစ္စများကို ဖြေရှင်းရန်ဆန္ဒရှိမည်ဆိုပါက NLD နှင့် တပ်မတော်အကြားကောင်းမွန်သော ဆက်ဆံရေးမျိုး ပေါ်ထွန်းလာပြီး တိုင်းပြည်လည်း အကျိုးစီးပွားဖြစ်ထွန်းလာနိုင်သည်။ မည်သို့ပင် ကန့်သတ်ချယ်မှုများ ရှိနေစေကာမူ လက်ရှိမြန်မာနိုင်ငံတွင် ကျင့်သုံးတော့မည့် မူဝါဒသည် စစ်တပ်သြဇာအာဏာကြီးစိုးမှု သေးငယ်သွားအောင် ပြုလုပ်ထားသည်ဖြစ်ရာ နိုင်ငံရေးနှင့် ပတ်သက်သောအမြင်များ၊ အယူအဆများတစ်နည်းတစ်ဖုံ မလွဲမသွေပြောင်းလဲတော့မည်မှာ အမှန်ပင်ဖြစ်သည်။
NLD မှခွဲထွက်သွားပြီး ရွေးကောက်ပွဲတွင်ပါဝင်ယှဉ်ပြိုင်ခဲ့သော အမျိုးသားဒီမိုကရေစီအင်အားစု (NDF)က ရန်ကုန်အခြေစိုက် အမေရိကန် သံရုံးယာယီတာဝန်ခံ လယ်ရီဒင်းဂါးနှင့်တွေ့ဆုံပြီး မြန်မာနိုင်ငံအပေါ် ပိတ်ဆို့အရေးယူမှုများဖယ်ရှားရေးအတွက် ဆွေးနွေးကြောင်းသိရသည်။
အကယ်၍သာ ပိတ်ဆို့အရေးယူမှုအပါအဝင် အခြားသောအရေးကြီးကိစ္စရပ်များနှင့် ပတ်သက်သော အသံများ ပိုမိုထွက်ပေါ်လာမည် ဆိုပါက မြန်မာနိုင်ငံ အကျိုးစီးပွားဖြစ်ထွန်းရေးအတွက် လိုအပ်ချက်များလည်း ရှင်းရှင်းလင်းလင်းဖြစ်လာပေလိမ့်မည်။ ထို့အတူ နိုင်ငံတကာ အသိုင်းအဝိုင်း အနေဖြင့်လည်း မြန်မာနိုင်ငံ အမျိုးသားပြန်လည်သင့်မြတ်ရေးအတွက် မည်သို့မည်ပုံ အကူအညီပေးနိုင်မည်ဟူသော အချက်ကို အလွယ်တကူ ရှာတွေ့လာမည်ဖြစ်သည်။
အနောက်အင်အားစုများအနေဖြင့်လည်း ပိတ်ဆို့အရေးယူမှုဟူသော အကြောင်းကိစ္စနှင့်ပင် ရပ်တန့်မနေဘဲ ပြည်တွင်းမှ အင်အားစုများနှင့် စေ့စပ်ညှိနှိုင်းနိုင်မည့်နည်းလမ်းများကိုရှာဖွေသင့်သည်။ တစ်ချိန်တည်းမှာပင် အမေရိကန်ပြည်ထောင်စုနှင့် ကုလသမဂ္ဂတို့ လုပ်ဆောင်ရမည့်ကိစ္စမှာ မြန်မာအမျိုးသား ပြန်လည်သင့်မြတ်ရေး လုပ်ဆောင်ချက်များကို အနီးကပ်စောင့်ကြည့် လေ့လာနိုင်မည့် အမြဲတမ်း သံတမန်တစ်ဦး ခန့်အပ်ရေးပင် ဖြစ်သည်။
ဆိုပါက မြန်မာနိုင်ငံတွင် ပြီးပြည့်စုံသော အောင်မြင်ဖြစ်ထွန်းမှုများ မပေါ်ပေါက်သေးသည့်တိုင် ကောင်းမွန်သော အလားအလာများကို တွေ့မြင်နေရပြီဖြစ်သည်။ ဥပမာအားဖြင့် ပြရလျှင် အာဆီယံကချမှတ်လိုက်သော မြန်မာနိုင်ငံဆိုင်ရာမူဝါဒသည် အပြုသဘောဆောင်သလို လတ်တလောနှစ်များအတွင်း အခြေအနေကောင်းများဖြစ်ပေါ်အောင် ပြုလုပ်ပေးနိုင်ခဲ့ခြင်းဖြစ်သည်။
သို့အတွက်ကြောင့် နိုင်ငံတကာအသိုင်းအဝိုင်းအနေဖြင့် အာဆီယံနည်းအတိုင်း အပြုသဘောဆောင်သည့် ချဉ်းကပ်မှုမျိုးပြုလုပ်ကာ ငြိမ်းချမ်းပြီး ကြွယ်ဝချမ်းသာသော နိုင်ငံတစ်ခုဖြစ်အောင် ကူညီလုပ်ကိုင်ပေးသင့်ကြောင်း တိုက်တွန်းလိုက်ရပါသည်။
×××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
